𝑵𝑼𝑹𝑺𝑰𝑵𝑮 𝑺𝑪𝑰𝑬𝑵𝑻𝑰𝑺𝑻𝑺 💉📙

الناس اللي مش لاقية معظم أدوية السرطان في السوق اللي محتاجهم يتصل على الأرقام دي :- 01154707980 01095238238 01002892532 اللي يعرف عائله محتاجه ملابس أو ناس محتاجين لبس ايا كان.. توجد ملابس واحذيه كثيره جديده وغير مستعمله وياريت يتواصل مع رقم 01011465628 اللي عنده جروبات انشروها جزاكم الله خيرا .. لان كميه الملابس كبيره.. و الدال علي الخير كفاعله. في دكتور متبرع انه يعمل ٥٠ عملية في مصر زراعة قوقعة للاطفال مجانا اللي يعرف حد محتاج العملية يتواصل مع مس نيفين ايليا 01223710871 او مع مؤمن 01123530303 كل عروسة مكتوب كتابها ..أمها أرملة أو مطلقة ومعاها قسيمة الزواج .. ولم يتم الزفاف بسبب تعسر جهازها سيتم مساعدتها بمبلغ ٥٠٠٠ جنيه نقدآ ،،، والتواصل على تليفون :- 01154707980 01021333742 01129131308 01141124194 لتجهيز الأوراق المطلوبة ... واللي يعرف جروبات ممكن يشير ويفيد حياة انسان الدال على الخير كفاعله🤎

‏قال النبي ﷺ:” أكثروا من الصلاة عليَّ ليلة الجمعة ويوم الجمعة فإن صلاتكم معروضة عليَّ “ ‏ اللهم صل وسلِّم وبارك على نبينا محمد وآله وصحبه أجمعين❤️ سُبْحَانَ الله وَبِحَمْدِهِ عَدَدَ خَلْقِهِ وَرِضَا نفسه وَزِنَةَ عرشه ومداد كلماته. لا إله إلا اللّٰه عَدَدَ خَلْقِهِ وَرِضَا نفسه وَزِنَةَ عرشه ومداد كلماته. الله أكبر عَدَدَ خَلْقِهِ وَرِضَا نفسه وَزِنَةَ عرشه ومداد كلماته. أستغفر اللّٰه وأتوب إليه عَدَدَ خَلْقِهِ وَرِضَا نفسه وَزِنَةَ عرشه ومداد كلماته. رضيتُ باللّٰه ربا، وبالإسلام دينا ، وبمُحمد ﷺ نبياً و رَسُولا ، اللَّهُــمَّ صَلِّ وَسَـــلِّمْ وَبَارِكْ على نَبِيِّنَـــا مُحمَّد ﷺ عددَ ماذكرهُ‏ الذاكِرون وعددَ ما غفلَ عنّ ذِكره الغافِلون.

💉 هل يمكن إعطاء الأنسولين عن طريق الوريد أو العضل؟ الإجابة: نعم، ولكن في حالات محددة وليس مع جميع أنواع الأنسولين. 📌 الطريق الأساسي لإعطاء الأنسولين هو الحقن تحت الجلد (Subcutaneous). ✅ النوع الوحيد المعتمد للإعطـاء وريديًا (IV) هو الـ Regular Insulin (Humulin R). ويُستخدم في الحالات الحرجة مثل: Diabetic Ketoacidosis (DKA) Hyperosmolar Hyperglycemic State (HHS) علاج ارتفاع البوتاسيوم (Hyperkalemia) مع الجلوكوز. 📌 داخل العناية المركزة يُعطى Regular Insulin غالبًا عن طريق IV Infusion باستخدام Infusion Pump لضبط مستوى سكر الدم بدقة. ⚠️ أما الإعطاء بالعضل (IM)، فهو ليس طريقًا روتينيًا، وقد يُستخدم فقط في ظروف استثنائية ووفقًا لتقدير الطبيب. ❌ باقي أنواع الأنسولين مثل Lispro، Aspart، Glargine، Detemir، Degludec، NPH، والأنسولينات المخلوطة (Premixed Insulin) لا تُعطى وريديًا، وإنما تُحقن تحت الجلد فقط. 📌 الخلاصة: Regular Insulin هو النوع الوحيد المعتمد للإعطاء وريديًا، بينما معظم أنواع الأنسولين تُعطى تحت الجلد فقط.

𝑵𝑼𝑹𝑺𝑰𝑵𝑮 𝑺𝑪𝑰𝑬𝑵𝑻𝑰𝑺𝑻𝑺 💉📙 pinned «هل يمكن إعطاء الأنسولين وريد أو عضل؟»

حسسونا انكو موجودين حتى 😂

جاوبوا على السؤال ي شباب

لو مريض عنده جلطة في القلب أو المخ وبيأخذ أدوية سيولة... ممنوع تديله حقنة في العضل (IM)! 🚫💉 مريض الجلطة غالبًا بيكون على أدوية سيولة قوية مثل Heparin أو Clexane، وهدفها منع تكوّن الجلطات أو زيادتها. المشكلة إن الحقن في العضل بيسبب قطعًا في الأوعية الدموية الصغيرة داخل العضلة، ومع وجود السيولة بيصعب إيقاف النزيف، فيتكوّن تجمع دموي (Hematoma) قد يكون كبيرًا ومؤلمًا، وقد يتطور في بعض الحالات إلى التهاب أو خراج. القاعدة الذهبية: ✅ إذا احتاج المريض دواء، فالأفضل إعطاؤه عن طريق الوريد (IV) أو عن طريق الفم (Oral) إذا كان واعيًا وقادرًا على البلع، وذلك حسب تعليمات الطبيب وحالة المريض. افتكر دائمًا: 🚫 الحقن العضلي (IM) يُتجنب مع مرضى السيولة إلا إذا كانت هناك ضرورة طبية واضحة وتوجيه مباشر من الطبيب.

💉 ليه أحيانًا وريد المريض بيعمل Hematoma بعد سحب السرنجة أو إزالة الكانيولا؟ كتير بنسحب عينة الدم بنجاح، لكن أول ما نشيل السرنجة أو الكانيولا نلاحظ ظهور تورم أزرق تحت الجلد (Hematoma). السبب في الغالب بيكون طريقة الضغط بعد السحب. ✅ القاعدة المهمة: اضغط قبل ما تشيل السرنجة أو الكانيولا، مش بعدها. ليه؟ لأن بمجرد خروج السرنجة بيكون فيه فتحة صغيرة في الوريد، ولو ما اتضغطش عليها فورًا، ممكن كمية من الدم تتسرب تحت الجلد في ثوانٍ، وده هو اللي يسبب الـ Hematoma. إزاي تتجنب المشكلة؟ 🔹 قبل إزالة السرنجة أو الكانيولا، حط قطنة جافة مباشرة فوق مكان الدخول. 🔹 أثناء سحب السرنجة، اضغط في نفس اللحظة بالقطنة لإغلاق فتحة الوريد ومنع تسرب الدم. 🔹 تجنب استخدام قطنة مبللة بالكحول بعد السحب مباشرة، لأنها قد تؤخر التجلط الموضعي، لذلك الأفضل استخدام قطنة جافة. 🔹 استمر في الضغط لمدة 2–3 دقائق أو أكثر إذا كان المريض يتناول أدوية مميعة للدم. 🔹 يُفضل رفع ذراع المريض قليلًا للمساعدة في تقليل النزف وتقليل فرصة تكوّن الـ Hematoma. 💙 تذكّر: التقنية الصحيحة البسيطة بتحافظ على راحة المريض، وتقلل حدوث الكدمات والمضاعفات بعد سحب الدم.

🛑 Tiratam... مش مضاد حيوي! ناس كتير أول ما تسمع اسم Tiratam تفتكر إنه مضاد حيوي، لكن الحقيقة إنه من أهم أدوية المخ والأعصاب. 💊 Tiratam = Levetiracetam وده واحد من أشهر الأدوية المستخدمة للسيطرة على الصرع والتشنجات. ✅ بيستخدم في: - نوبات الصرع الجزئية (Partial Seizures). - نوبات الصرع العامة (Generalized Seizures). - كعلاج مساعد في حالات Status Epilepticus. 🧠 بيشتغل إزاي؟ بيقلل النشاط الكهربائي الزائد داخل المخ، وبيساعد على تنظيم الإشارات العصبية، وبالتالي يقلل حدوث التشنجات. 💉 طريقة الإعطاء: - عن طريق الفم (PO). - أو بالوريد (IV). ⚠️ مهم جدًا: - لازم تتظبط الجرعة في مرضى الكلى. - راقب الحالة النفسية للمريض باستمرار، لأن الدواء ممكن يسبب تغيرات في المزاج. 🚨 أشهر الآثار الجانبية: - نعاس. - دوخة. - عصبية أو سرعة الانفعال. - وفي بعض الحالات قد يسبب عدوانية أو اكتئاب. 🎯 الخلاصة: ❌ Tiratam مش مضاد حيوي. ✅ Tiratam هو دواء مضاد للصرع والتشنجات (Anti-epileptic). 📌 افتكر دايمًا: الكلى والحالة النفسية... أهم حاجتين تتابعهم مع المريض. 💡 جملة تحفظها: "لما كهرباء المخ تعلى... Tiratam يساعد يهدّيها."

سؤال مهم جدًا في أي انترفيو 👀🤍 ويقولك: ليه بندي Calcium بعد نقل الدم؟ ناس كتير فاكرة إن أي مريض ينقل كيس دم لازم ياخد Calcium بعده... لكن الحقيقة ده اعتقاد غلط. إيه السبب؟ 🩸 أكياس الدم بتحتوي على مادة اسمها Citrate، ووظيفتها إنها تمنع تجلط الدم داخل الكيس أثناء التخزين. لكن في حالات Massive Transfusion، كمية الـ Citrate بتزيد، فترتبط بالكالسيوم الموجود في دم المريض، وده ممكن يسبب انخفاض Ionized Calcium. وده ممكن يؤدي إلى: 🔸 اضطرابات في ضربات القلب (Arrhythmias) 🔸 انخفاض ضغط الدم 🔸 ضعف انقباض عضلة القلب 🔸 تنميل أو تشنجات عضلية طيب نتصرف إزاي؟ ✅ بعد تقييم الحالة ونتائج التحاليل، قد يقرر الطبيب إعطاء Calcium Gluconate أو Calcium Chloride لعلاج أو الوقاية من نقص الكالسيوم الناتج عن الـ Citrate. التركاية اللي ممكن تتسألك في الانترفيو 🤍 مش كل مريض نقل دم يحتاج Calcium. غالبًا يتم إعطاؤه في الحالات التالية: ✅ Massive Transfusion ✅ ظهور أعراض نقص الكالسيوم ✅ انخفاض Ionized Calcium في التحاليل احفظها كويس: إحنا ما بنديش الكالسيوم لمجرد إن المريض نقل دم... بنديه لما يكون فيه سبب أو دليل إنه محتاجه. 🤍

ليه بنرفض ننقل الدم بكانولا صفرا (24G) حتى لو هي الوحيدة اللي شغالة؟! 🩸 الموقف ده بيحصل كتير... مريض أوردته صعبة، والكانولا الصفرا (24G) هي الوحيدة السالكة، وفجأة كيس الدم يوصل من بنك الدم، فييجي في بالك: "ننقل فيها وخلاص!" لكن... القرار ده ممكن يضر المريض. ليه؟ لأن الكانولا 24G قطرها صغير جدًا، ومع مرور كرات الدم الحمراء من خلالها—خصوصًا لو الدم بيتنقل بسرعة—بتتعرض لإجهاد ميكانيكي (Shear Stress) قد يؤدي إلى تكسيرها (Hemolysis). وده معناه إنك بدل ما توصل للمريض كرات دم سليمة، ممكن يحصل: 🩸 تكسير لكرات الدم الحمراء. ⚠️ خروج الهيموجلوبين والبوتاسيوم إلى البلازما. ❤️ وفي الحالات الشديدة قد يزيد خطر حدوث مضاعفات، خاصة مع النقل السريع. إيه الصح؟ ✅ الأفضل استخدام كانولا 18G (الخضراء) أو 20G (الوردي) لأنها تسمح بمرور الدم بسهولة وتقلل خطر تكسير كرات الدم. ولو ماكانش فيه غير 24G وكانت الحالة تستدعي نقل الدم بشكل عاجل، يتم تقييم الأمر بواسطة الطبيب، ويمكن نقل الدم ببطء شديد لحين توفير مدخل وريدي أكبر إذا كان ذلك مناسبًا للحالة، مع المتابعة الدقيقة للمريض.

💉 إزاي تدي حقنة الـ Lasix في الكانولا من غير ما تحرق وريد المريض؟! 😯 ركز في التركة دي، لأنها بتبين التمريض اللي بيحس بوجع المريض حتى قبل ما المريض يشتكي. 🤍 ❤️ مريض القلب أو مريض الفشل الكلوي بيجيله Lasix بانتظام، وأغلبنا بيديه IV Push، وفجأة تلاقي المريض صرخ من الوجع أو مكان الكانولا اتنفخ! ❌ أوعى تدي الـ Lasix بسرعة. طب ليه يا مستر؟الـ Lasix مادة الـ pH بتاعها قلوي جدًا، وده بيخليها مادة مهيجة ومؤلمة لجدار الوريد. ولو دخلت دفعة واحدة، ممكن تعمل Chemical Phlebitis، ويحصل انقباض أو التهاب فوري في الوريد، وده اللي بيخلي الكانولا تبوظ أو الوريد يتأذى بعد الحقنة. تعالى هقولك تعمل إيه يا صديقي القاعدة الذهبية بتقول إن الـ Lasix لازم يتاخد على مدار دقيقتين كاملين بمعدل 4 مجم في الدقيقة الواحدة.عشان تضمن أمان 100%، اسحب أمبول Lasix في سرنجة 10 سم، وكمل باقي السرنجة بمحلول ملح. التخفيف ده بيقلل القلوية المباشرة على الوريد، وبيخلي الحقنة ناعمة ومريحة جدًا للمريض. لو شغال في عناية، خليك دايمًا بطيء في حقن الـ Lasix، والمريض هيحس بالفرق، ووريد المريض هيعيش معاك أيام أطول من غير ما تحتاج تغير الكانولا كل شوية.

كل اختصارات التحاليل اللي ممكن تقابلها♥️♥️ سهلة اهي😉♥️

‏قال النبي ﷺ:” أكثروا من الصلاة عليَّ ليلة الجمعة ويوم الجمعة فإن صلاتكم معروضة عليَّ “ ‏ اللهم صل وسلِّم وبارك على نبينا محمد وآله وصحبه أجمعين❤️ سُبْحَانَ الله وَبِحَمْدِهِ عَدَدَ خَلْقِهِ وَرِضَا نفسه وَزِنَةَ عرشه ومداد كلماته. لا إله إلا اللّٰه عَدَدَ خَلْقِهِ وَرِضَا نفسه وَزِنَةَ عرشه ومداد كلماته. الله أكبر عَدَدَ خَلْقِهِ وَرِضَا نفسه وَزِنَةَ عرشه ومداد كلماته. أستغفر اللّٰه وأتوب إليه عَدَدَ خَلْقِهِ وَرِضَا نفسه وَزِنَةَ عرشه ومداد كلماته. رضيتُ باللّٰه ربا، وبالإسلام دينا ، وبمُحمد ﷺ نبياً و رَسُولا ، اللَّهُــمَّ صَلِّ وَسَـــلِّمْ وَبَارِكْ على نَبِيِّنَـــا مُحمَّد ﷺ عددَ ماذكرهُ‏ الذاكِرون وعددَ ما غفلَ عنّ ذِكره الغافِلون.