Pixel French

الفيديوهات الختامية لسنة 2026 اقتربت بين المفاضلات والإعادة فيديو بمثابة البوصلة لتعرف تختار فرعك بشكل صحيح. حكينا بعض الملاحظات اللي لازم تنتبه لها خلال رحلة البحث عن فرعك المناسب، والكثير من الأمور المهمة بإذن الله. رابط الفيديو: https://youtu.be/AI-VKKW7TeU

الف مبروك للجميع♥️ الله يوفقكم يارب، ماشاءالله بترفعو الراس و شكرا كتير على رسائلكم الحلوة عالخاص🫠♥️، ان شاء بشوفكم جميعا باعلى المراتب يلي ما بعتلي علامتو بالأخص الفرنسي يبعتلي عالخاص @Rami291 موفقين يا طلاب ال26, كنتو جدا مميزين♥️🌹 و هلق وقت شغل ال27، و قريبا رح يكون في كتير شغلات حلوة ان شاء الله ♥️

مساء الخير يا حلوين طلاب ال26♥️🌚 ما كان بدي احكي كتير قبل النتائج بالأخص انو باقي الفريق بغير مواد ما قصرو و حكو كلشي مفيد ومع ذلك خلينا نعمل نظرة على كم نقطة -احذف اي قناة او تطبيق مشتت هاليومين يعني اي قناة بتنشر " عااااجل النتائج خلال اليومين القادمين" او "عااااجل سننشر التطبيق قبل صدور النتائج" يعني هي معلومات بديهية🫠، بس الهدف من نشرها هو تضل متوتر و خايف من كل اشعار، صدقني لما رح تطلع النتائج رح تسمع فورا و ما رح تنطر على اخبار من اي صفحة كانت تضحك عليك او مثلا رح تلاقي "عاااااجل وزارة التربية تقيم ندوة بعنوان دور الشباب و الأنشطة الفعالة🌚😶‍🌫️....الخ" و هاد خبر كتير مهم بصراحة و انت ناطر النتائج💔🫠 هي الامور ولله ما سهلة بهي الايام لهيك وقف اي شي مشتت، و خليك على قناة الوزارة فقططط -الوقت حاليا صعب، لهيك لا تقعد لحالك بالبيت روح حكي رفقاتك و طلاع فتلة بعرفك ما رايق كتير بس اجهد حالك و مخك بأي شي احسن ما تضل بالغرفة و ناطر و لا تخاف اذا طلعت العلامات و انت برا، بدقيقة رح تسمع خلي معك نت منشان هيك حالة😬💔 -بس تطلع العلامة، كيف ما كان شعورك خليك متوازن يعني لا حزن(بعيد الشر) ولا حتى فرط فرح( افرح بس بعقل) بس تطلع قول الف الحمدلله و خلي الناس يلي حوليك ياخدو هي طاقة الهدوء منك و حتى قبل ما تطلع بكم دقيقة اذا عم تفتح التطبيق و ناطر و جنبك اهلك انو انت واو ريلاكس كتير عادي ( حتى لو ما كنت هيك) خليك انت القوي🫣😬 -العلامة ممكن تعجبك و ممكن لا ( ان شاء الله بتكون متل ما بدكم و اكتر) بس العلامة حاليا مانها دليل على اي شي، بتذكر بدورتي طلاب جابت اول دورة اقل من 230و قالو مستحيل ندخل تحضيرية(السنة يلي قبلنا كانت 234) و العالم بلشت حزن و اكتئاب و مدري شو و حكي انو الوزارة كانت صعبة علينا و ظلمتنا بالاخير بعد التكميلية طلع عدد الطلاب يلي جايبين اكتر من 230 هو بس 6000 وهو اقل بمنيح من اي سنة و على هاد الاساس طلعت التحضيرية 226 و هي مع تكميلية ما بالك بلاها؟ كان ممكن تنزل اكتر بكتير 😁 لهيك لما تطلع العلامات انت ما بتعرف النسب تبع العلامات ولا شي، بجوز تفكر مستحيل يطلعلك فرع، بالاخير تكون العلامات نازلة و تنزل المفاضلة فما تقول راحت عليي، كلو بايد رب العالمين و كلو بيتيسر♥️ طبعا النتائج متل ما بتعرفو المفروض من هلق لبعد يومين تكون طلعت، الله اعلم ايمت كتير مهم الدعاء، ادعي الك و لرفيقك و زميلك و قرايبك، خلي قلبك ابيض و يكون الدعاء الك و للكل بالتوفيق و التفوق♥️🫠 بتمنالكم كل التوفيق يارب، و عم ادعيلكم جدا ♥️♥️♥️♥️

🔻منشور تعريفي لمادة اللغة الفرنسية لطلاب ال27 https://telegram.me/c/2211218318/98857 🔻 قائمة تشغيل شرح القواعد https://youtube.com/playlist?list=PLWZEx5QgI3_nNFMufplLdijmZi93Eum3B&si=8XlOUNFamxk2FesR 🔻قائمة تشغيل شرح باقي المنهاج https://youtube.com/playlist?list=PLWZEx5QgI3_n_BwXpd68247GWMR_73jqi&si=TCAgHSvJPVv94BOK المثبتة فيها كلشي بيلزمك حرفيا، تدريبات و شروحات و اختبارات جزئية و شاملة و ملاحظات و تجميعات وشو ما بدك 🔻النوطة حاليا موقف الطلب عليها، فينكم تدرسو منها pdf مجانا على تطبيق هادف(الروابط بالمثبتة) 🔻الكتاب لهي الدورة عليه بعض التعديلات البسيطة (متل تغيير اسم جميعة، تغيير اسم معرض، تغيير خيار بإحدى الاسئلة و هو اصلا كان غلط) رح نزلها بتعليقات اليوتيوب و ثبت التعليق لهيك كتير ضروري تشيكو على التعليقات دائما و في فيديو ال production orale للوحدة 4 و نص اغاثا كريستي اول ما خلص امتحانات برجع بصورهم ان شاء الله لانو فيهم تعديلات كتيرة 🔻اغلب طلاب ال27 رح تسألني لازم بلش هلق؟ اسمع كلمتين من اخوك الكبير....المادة سهلة بسيطة و مضمونة اذا الله راد بتتلحق اكيد ضمن السنة، بس لا تفكر اثناء العام الدراسي رح يكون الوضع مثالي و ملحق و رواق طبيعي تفوت بالحيط بين علوم و فيزيا و رياضيات، وجد مافي كتير وقت للغات بالأخص اخر شي طيب قديش حلوة تكون مخلص الفرنسي و خلال العام تكمل شو ضل منها و بعدين تحل نماذج صدقني راحة نفسية، و هلق معك وقت كتير منيح اخلص من هالمرة على مهل و انت مرتاح 🔻يلي عندو اي سؤال او استفسار يتفضل بالتعليقات، و لما يكون الغروب مسكر بأي وقت انا موجود عالخاص لأي سؤال فرنسي + طلاب ال26 يلي عندو نصيحة معينة ممكن يكتبها ليستفيدو منها رفقاتكن بدفعة ال 27 و موفقين🫠♥️

🔻Aujourd'hui, c'est 6 juillet حدا بيتذكر شو المناسبة يلي مرت بكتابنا بهيك يوم🌚 + كمان بعد كم يوم 14juillet شوفي مناسبة مرت بالكتاب؟ (هي جدا مشهورة "ثقافة عامة")

دقيقة من وقتك....مهم شوي : https://t.me/c/2211218318/97935 كفو تسلاية هلق♥️😁

الف الحمدلله على السلامة يا حلوين♥️ تعبتو و سهرتو و درستو.... رغم الظروف و الصعوبات و الضغط وكلشي ضليتو صامدين مجرد وصولك لهون هو إنجاز كبير كتير لا تقلل من قيمة الشي يلي انت فيه حاليا هلق حق الكل يرتاح، يتسلى، يطلع مشاوير 🌚🔥 لا تسأل اذا في تكميلية لانو الوزارة ما بتعرف اسا ولا ايمت النتائج لانو مطولة و بدها وقت هلق فقط استراحة محارب الله يعطيكم الف عافية ♥️ و مية الحمدلله على السلامة ♥️

كلام عن امتحان اللغة الفرنسية لطلاب البكالوريا 2026 تحت عنوان انت فين و الحب فين....ظالمو ليه دايما معاك طبعاً كلشي رح أحكيه هو رأيي الخاص فقط، عادي ما يعجب الجميع🌚 كان الامتحان ولأول مرة على الشكل الحديث، ولأول مرة النص من الوحدة التالتة وأسئلته والقواعد أغلبها حرفياً من الكتاب. والحوار بسيط من أفكار النص السماعي الأول للوحدة الخامسة. الموضوع منطقي تقليدي من الوحدة الأولى. نجي عالتفصيل: 🔻 النص: أول سؤال لازم ينطرح، ليش النص من الكتاب؟ طبعاً لازم يكون من جمل وأفكار ومفردات الكتاب، بس لما يكون حرفياً نص الكتاب وين الفائدة يلي تحققت؟ ولما تكون الأسئلة أسئلة النص حرفياً يلي بالكتاب شو اختبرت هيك مهارات؟ يعني عملياً الطالب يلي بصم أسئلة النص بالكتاب راح جاب الـ 120 تبع النص. التوجيه مشكور، خلال الأشهر الماضية بكل منشور وتعميم يأكدو على فكرة (جميع المهارات بالكتاب مطلوبة للامتحان). ولكن يلي شفناه هو حذف أغلب المهارات وأهمها (la production orale). صح اسمها إنتاج شفهي، بس بالعادة أفكارها ومفرداتها بتجي ضمن النص الموازي، هي السنة 6 دروس production orale ما شفنا منهم شي والامتحان ما استهدف كل المهارات. 🔻 بالتفصيل بأسئلة النص: رح نلاقي السؤال 3 يلي بقول: Le salon dont on parle est un salon culturel. سؤال منطقي وحرفياً من الكتاب. لكن! دليل المعلم لعام 2022 أخد الجواب faux وثم تعدل بدليل 2023 والجواب vrai أغلب النوط والمدرسين عم يمشو عالدليل القديم. شو ذنب الطالب يلي حل السؤال faux لأنو أستاذو هيك عطاه؟ لازم نطرح سؤال: كاتب الأسئلة ما مطلع على الدليل وتعديلات الوزارة لحتى يجي هيك سؤال؟ وما رح كفي بالحديث عن السؤال 6 لأنو ممكن ما خلص حكي إذا بلشت😁 💡 سؤالين الفوكاب: المفروض يقيسو مهارات الطالب بفهم المفردة ضمن السياق، شو الحكمة انو يكونو حرفياً صناديق الكتاب، ليش ما يشغل الطالب مخو شوي😁 اسئلة التحريري.... الاول مقبول جدا و التاني خليني ساكت احسن🫠 لما نحاول نشوف، شو المهارات يلي استهدفها النص؟ الاستيعاب الكتابي❌️ البصم الحرفي ✔️ فكرة كون النص من الكتاب حرفياً غلط واضح وإن كان، ما بصير تكون أبداً الأسئلة نفسها. بمنشورات قادمة رح احكي عن الكوارث لما يجي نص الكتاب و نفس الاسئلة لغير نصوص 🔻القواعد: مقبولين... بس فرضاً، بكتابة أي نموذج وزاري لازم نراعي شغلات معينة: - ليش السؤالين 9+10 واحد هدف وواحد تعارض وبالسؤالين بعد الفراغ Subjonctif؟ خلص بكفي تختبر الصيغة مرة وحدة بسؤال😁 - جملة الكلام المنقول هي دورة عام 2023 حرفياً. - ضمائر الملكية، لازم الطالب يعرف الضمير على أي اسم راجع، لكن المشكلة وجود كل الأسماء بالجملة مفرد، و3 خيارات جمع. يعني إذا عرف الطالب مذكر أو مؤنث أو لا رح يحل صح. - قواعد الوحدة 5 الطالب بشوف اسم جمع بعد الفراغ وكل الخيارات مفرد عدا واحد بيختاره... صح مبروك😁 -سؤال التفضيل، طيب بس يكون في خيار la meilleure لنشوف الطالب اذا عرف انو connue صفة او لا إنو ليش هيك؟! ولله الكتاب فيه أفكار ومعلومات، طبعاً ما بدنا أسئلة نعجز الطالب بس ما نساوي بين طالب درس وطالب لا. 🔻 الحوار: هو أفضل شي بكل الورقة، مع انو في غلط كتابي بالجملة c مكتوب autre غلط😁 بس منعمل حالنا ما شفنا شي، ومكتوب بشكل منطقي ما يقبل الا حل واحد وما ويفوت الطالب بالحيط. 🔻 الموضوع: الوحدة الأولى ترحب بكم😁 الشكل نفس الكتاب 😬 كتابة الموضوع اجت كلاسيكية جداً لدرجة ما شفنا فيها أي محاولة تغيير الشكل أو اضافة عنصر طيب ضيف عنصر بعلامة زيادة، خلي الطالب الدارس يتميز بدرجة😁 وإذا منجي للمصيبة الكبيرة كتير... كيف نص الوحدة التالتة وموضوع الوحدة الأولى بنفس الورقة؟!!! النص عن حدث ثقافي، يعني الطالب قادر يشيل العناصر من النص يلي بالامتحان ويكتب موضوع بكل سهولة✨️ أمر غريب الأسئلة هاد العام تناقض مهارات ومستوى الكتاب. والأسئلة فقط تخدم طالب المكثفات، يلي ما درس وأخد مكثفة بـ 5 ساعات عند فلان و فلان قدر يوصل للـ 300 وتساوى مع الطالب يلي فهم ودرس وتعب وحلل واشتغل منيح! بأسئلة المفروض إنها لطالب A2+، طالب الـ A0 قدر يجيب الـ 300... معجزة😁 "مع التنويه انو حسب منشور التوجيه لتوجيهات كتابة اسئلة الامتحان، المفروض الادبي يكون لمستوى B1 ومع ذلك الاسئلة نفسها" أغلب المدرسين (مع الاحترام) فرحانين ورضيانين، مافي داعي تأسيس للطالب ولا يشرحو النص وياخد المنهاج جهد متل قبل... بس مين اله مصلحة بتحويل المادة الى تجارية بحت أنا عم أحكي رأيي، أنا مو طالب باك و لا وزارة. ما عم شوف الوضع لا متل الوزارة ولا متل طالب الباك، بس أنا حل وسط بين التنين، ويلي بهمني الطالب وانو نحافظ على قيمة اللغة وما نسخفها. أقول قولي وأتمنى الخير للوطن😁♥️ وأنا ما جايني شي وما بدي إلا مصلحة الطالب ويتعلم صح😁 مع التمنيات للجميع بالتوفيق، وتمنياتي للوزارة بإعادة النظر بالنموذج الجديد للأعوام القادمة♥️😁 يتبع.....😁

سلم تصحيح اللغة الفرنسية لعام 2026 (القسم التاني خاص لطلاب الادبي السلم نفس العلمي تماما الفرق بس اسئلة الملحق..... لهيك ترقيم اسئلة القواعد اختلف بس هنن نفس الترتيب و الاسئلة مع العلمي )

الكم فقدة....اشتقتلكم🌚♥️ منشان اي طالب ما راح قدم فرنسي لانو رح يفاضل انكليزي اليوم حكاني طالب و سأل موجهين بالتربية و أكدو انو عادي ما بتأثر على غير شي يلي ما قدم فرنسي بيرسب بس فيها...وهي ما داخلة بمواد النجاح و الرسوب موفقين يا حلوييين♥️

الرحلة بيناتنا انتهت، كانت حلوة كتير و قصيرة، ان شاء الله تكونو استمتعتو فيها🌹 ان شاء الله ما نكون بيوم زعجنا حدا، و اذا زعجزنا اي حدا عن غير قصد منعتذر ♥️ بتمنى تكونو استفدتو من القناة و الملفات و النوطة و الكويزات و الاتمتات و الخمستالاف سؤال تدريبي😂😅 كل الشكر للدكتور اياس، الدكتورة زهرية، الدكتورة تالا والدكتور وليد يلي كان الهم دور كبير بكل ملف، نوطة ...الخ و التنسيق الفخم و شغل ساعات عالوورد🔥 و تيم يلي حرفياً لولاه كان فرط الغروب من زمان، و كان اله دور كبير بتنسيق بعض الملفات و تحضير بعض الملفات الله يجزيكم الخير جميعا♥️♥️ انا شخصياً(رامي) بتمنى تكونو استفدتو من الفيديوهات يلي شرحت فيها، يلي حاولت فيها مهما كان فصل و اكسر جمود المادة استمتعت كتير بكل الفقرات يلي عملتها و دورة التساميع و تصحيح مئات الحلول رغم صعوبته و الضغط الشديد، الا انه احلى ذكرى♥️ تذكرونا بالخير هانت ....قربتو تخلصو، غمض عين فتح عين بتشوف طالعة النتائج خلي ثقتك برب العالمين كبيرة بس بدي اطلب طلب من الكل بتمنى تساعدو بعض، و الكل يحب بعضو، و الكل يقدم للتاني كلشي بيقدر عليه ، خلي قلبك ابيض ونيتك طيبة تجاه الكل الله يحميكم و يوفقكم و ان شاء الله السنة الكل بيفرح بالعلامة يلي بدو ياها و اكتر ♥️ ..طمنونا عنكن يوم النتيجة و المفاضلة مع كامل الحب من فريق اللغة الفرنسية ♥️

بتكون قاعد بإحدى الايام بالسيرفيس بالمعاكس طالع على محاضرة الساعة ٨ عليك كتابة نموذج و مافي وقت بالبيت و بدك تكتب بالسيرفيس بتخطرلك تركب كم كلمة سهلين بسؤال بسيط بعد شهر بتشوف الوزارة جايبتو بالدورة حرفيا🌚🌚🫠 (السكرين الاول من النموذج الشامل الثالث يلي نزلتو)

طمنونا يا حلوين المؤقت طويل منشان اقدر شوف الكل و اتطمن عالكل

لا تشطبو بكرا الموضوع كتير في علامة على نضافة الموضوع كتبو كلمات vrai / faux ولا حدا ينسى حالو يكتب true بتروح كل العلامة بأي سؤال اختياري لا تنسو الرمز و الاجابة الحوار كمان...رمز الجملة و اكتبوها الموضوع حرف كبير، بيخلص بنقطة اذا طلب مقالة لا تنس تفرجيه 3 مقاطع(طبعا مع عنوان و مصدر) لما تكتب رمز و الاجابة انتبه تطابقن صح، لا تحط فرضا pour- c و تكون هي b دقق منيح بتروح هيك كل العلامة الوضع بسيط فقط شوية هدوء و تركيز بالموضوع التاني اذا قلك اقترح بدك تحط الفعل proposer/ suggèrer اذا بالتالت قلك دعوة بدك تحط ال فعل inviter اذا قلك قدم (نساء/ احداث...الخ) حطلو الفعل présenter الله يوفقكم ياارب♥️♥️

اغلب اسماء المذكر و المؤنث يلي كانو بامثلة و اسئلة قواعد اخر وحدتين طبعا منعرف انو اغلب الاوقات بيجي غيرهم، و بكون في دليل من الجملة لازم تستنتجو و تعرف مذكر او مؤنث بس هدول لانو من اسئلة القاعدة ممكن يجو بلا دليل

حل_النموذج_الشامل_النهائي_بكسل_2026.pdf

حل النموذج ⬆️