Pixel English

السلام عليكم يعطيكم العافية يا رب مع انتهاء سنة البكالوريا، بتبدأ رحلة البحث عن التخصص المناسب.. وبنبلش نفكر يا ترى شو التخصص يلي بيناسبنا؟ هل التخصص يلي ببالنا مناسب فعلًا؟ ولنجاوب على هالأسئلة ممكن نحتاج مساعدة. ومن الوسائل يلي بتساعدنا هي مقاييس الميول المهنية، فمنتعرّف من خلالها على مهاراتنا ومواهبنا أكتر، ومنتوجّه باختيار المهنة المستقبليّة. لذلك، حبينا نقدّم مقياس هولاند RIASEC ضمن الاستبيان أدناه.👀🔥 https://docs.google.com/forms/d/e/1FAIpQLSdhHgdrYZi4bnv6TEx5PKsakWbp8aW_tdWRb7PDdVwNyLuPfg/viewform?usp=dialog • الاستبيان جزء من دراسة بحثيّة، والمعلومات يلي رح تقدموها تُستخدم فقط لأغراض بحثية وبكل سرية. • ضمن الاستبيان في عدة أقسام، كل قسم رح يقيس اهتمامات معيّنة، وبيستغرق حلّه تقريبًا 20-30 دقيقة. • ونتيجة أجوبتكم بتوصلكم، مع التنويه أنها مُرشِدة ومساعدة ولكن مانها حكم قاطع.

​الشرح 📌: ​• بالخيار الأول عنا across: غلط، لأنها بتعني "عبر" مكان واسع ومفتوح (متل الشارع أو البلاد)، أو من جهة لجهة. ​• بالخيار الثاني عنا through: وهو الجواب الصحيح، لأنو (through) بتستخدم للمرور عبر مكان ضيق، أو الدخول إلى المكان من طرف والخروج منه من طرف آخر، أو الحركة في وسط يُحيط بالشخص (كالغابة). والأوردة (veins) هي أوعية ضيقة. ​• بالخيار الثالث عنا over: غلط، لأنها بتعني "فوق" لشيء يعبر من فوق شيء آخر مو جواته. ​• بالخيار الرابع عنا above: غلط، لأنها بتعني "فوق" (بدون ملامسة) أو بترتيب معنوي، والدم بيمشي جوات الأوردة مو فوقها. 𝑷𝒊𝒙𝒆𝒍 𝑬𝒏𝒈𝒍𝒊𝒔𝒉

#أساسيات_بكسل

📌الشّرح: • بالخيار الأول عنا between: غلط، لأن between معناها بين، ومنستخدما لما بدنا نحكي عن شي موجود بين شخصين أو شيئين أو أكتر، وهون عنا exam مفرد فما عنا شي موجود بين شيئين. • بالخيار التاني عنا during: وهو الجواب الصح، لأن during معناها أثناء / خلال، ومنستخدما لما بدنا نحكي إنو شي صار خلال فترة أو حدث محدد، هون: during the exam يعني أثناء الامتحان. • بالخيار التالت عنا among: غلط، لأن among معناها «بين مجموعة من الأشخاص أو الأشياء»، يعني بتدل على مكان أو علاقة ضمن مجموعة، وما إلها علاقة بالوقت هون. • بالخيار الرابع عنا across: غلط، لأن across معناها عبر/ من جهة للتانية، ومنستخدمها غالبا مع الأماكن، متل: across the street = عبر الشارع. فما بتناسب معنى الجملة هون. 𝑷𝒊𝒙𝒆𝒍 𝑬𝒏𝒈𝒍𝒊𝒔𝒉

#أساسيات_بكسل

​الشرح 📌: ​• بالخيار الأول عنا a: وهو الجواب الصحيح، لأنو لما نستخدم (in) مع وسيلة نقل ما فينا نتحرك داخلها (متل التكسي) لازم يجي أداة نكرة (a taxi). ​• بالخيار الثاني عنا the: غلط، لأن التكسي هون نكرة ومو محدد مسبقاً للمستمع، والجملة عم تحكي عن أخذ أي تكسي بشكل عام للوصول بسرعة. ​• بالخيار الثالث عنا No article: غلط، لأن التركيب بدون أداة بيجي حصراً بعد حرف الجر (by) مو بعد (in). ​• بالخيار الرابع عنا by: غلط، لأن (by) حرف جر وما بيصير نحط حرفين جر ورا بعض (in by)، وهي بتجي حصراً بدون in وبدون أدوات (by taxi). 𝑷𝒊𝒙𝒆𝒍 𝑬𝒏𝒈𝒍𝒊𝒔𝒉

#أساسيات_بكسل

📌الشرح : • مبدئيا منلاحظ بجملتنا إنه عم نحكي على تاريخ ←لهيك منستبعد الخيارين التالت والرابع وبيبقى عنا أول خيارين؛ لأن منعرف إنه in و on هنن يلي بيجو مع التواريخ • الخيار الثاني خاطئ لأنه (In) بتجي بعدها الأشهر لحالها بدون تاريخ كامل ← فلو بدنا نقول In لكانت جملتنا : In December, Syrians celebrate Liberation Day. • بيبقى عنا الخيار الأول on وهو الصحيح لأنه بجملتنا منشوف العبارة " the 8th of December " وهي تاريخ كامل، فصار عنا يوم محدد وبالتالي منتوجه لحرف الجر on 𝑷𝒊𝒙𝒆𝒍 𝑬𝒏𝒈𝒍𝒊𝒔𝒉

#أساسيات_بكسل

بسم الله الرّحمن الرّحيم. نكمل الأسبوع الرابع مع تاسع قاعدة بقسم التّأسيس، رح نراجع فيها أحرف الجر🔥 📌كيف ممكن نستفيد منها بمنهاجنا؟ - بتساعدنا بالنصوص والتمارين، وتشكيل الجمل سواء بالمواضيع أو الترجمة، وكمان بالفراغات. 📌شرح اليوتيوب: https://youtu.be/0EBHtl2pF5E?feature=shared 📌النّوطة الكاملة على تطبيق هادف: https://hadaef.com/book/id/604?lang=ar 𝑷𝒊𝒙𝒆𝒍 𝑬𝒏𝒈𝒍𝒊𝒔𝒉

📌 الشرح : • منلاحظ بجملتنا إنه كلمة ( excuse ) هي مفرد معدود ← لهيك الخيار الأول خاطئ لأنه (much) بيجي بعدها الاسم غير معدود. • ومنشوف أيضًا ببداية جملتنا نفي ←لهيك منستبعد الخيار ( some ) لأنه ( some ) بتجي مع الجمل المثبتة، أما ( any ) بتجي مع الجمل المنفية والاستفهام لهيك الخيار الثالث هو الصحيح. • الخيار الرابع خاطئ برغم إنه ( a ) بيجي بعدها اسم مفرد معدود لكن منلاحظ ببداية كلمتنا (excuse) حرف ال (e) يلي هو صوت علّة باللغة لهيك لازم نحط (an) ← والصح نقول : " I couldn't find an excuse for failing my exams " 𝑷𝒊𝒙𝒆𝒍 𝑬𝒏𝒈𝒍𝒊𝒔𝒉

#أساسيات_بكسل

​الشرح 📌: • بالخيار الأول عنا any: الأغلبية رح يختاروها لأنهم شافوا إشارة استفهام، بس غلط. • بالخيار الثاني عنا some: وهو الجواب الصحيح. لأنو بنستخدم (some) بالسؤال إذا كان بيبدأ بأفعال محددة متل (Shall / Would / Can...) لأنو هون السؤال عبارة عن "اقتراح" (Suggestion) مو سؤال لطلب معلومة. • بالخيار الثالث عنا these: كلمة (fruit) هون جاية كأسم غير معدود (مفرد)، و these بتجي للجمع لهيك أكيد غلط. • بالخيار الرابع عنا a: أداة نكرة للمفرد المعدود، وكلمة (fruit) اسم غير معدود فما بيصير نحط قبلها (a). 𝑷𝒊𝒙𝒆𝒍 𝑬𝒏𝒈𝒍𝒊𝒔𝒉

#أساسيات_بكسل