Pixel Chemistry

الفيديوهات الختامية لسنة 2026 اقتربت بين المفاضلات والإعادة فيديو بمثابة البوصلة لتعرف تختار فرعك بشكل صحيح. حكينا بعض الملاحظات اللي لازم تنتبه لها خلال رحلة البحث عن فرعك المناسب، والكثير من الأمور المهمة بإذن الله. رابط الفيديو: https://youtu.be/AI-VKKW7TeU

🥢  مـاذا بعـد التـوجيهـي؟🥢 مع أ. أنس شيخ اكريّم ◀️لقـاء خاص للشـبـاب: 🗓وذلك يوم الاثنين 24/8/2026 في تمام الساعة: 2:00-5:00 ◀️لقـاء خاص للبـنات: 🗓وذلك يوم الاثنين 24/8/2026 في تمام الساعة: 10:00-1:00 👆 لأهلنا في سوريا التسجيل مجاني عبر الروابط التالية: للإناث: https://forms.gle/pz2ggfiBQvMvNLsHA للذكور: https://forms.gle/c7FiCkLuDpb5B3AQ8 #النفس_المطمئنة #توجيهي #تخرج

السلام عليكم ورحمة الله الله يعطيكم العافية يارب 💚 الف مبارك نتائجكم وعلاماتكم شي بفرح القلب فعلا 🔥 الله يهنيكم يارب اطلعوا وانبسطوا وتسلوا شو ما كانت النتائج يحق لكم ذلك فريق بكسل فخورين بكل طالب فيكم ❤️ الله يكرمكم يارب بكل خير ويفتح عليكم طلابنا البكسليين 👀 اللي درس من النوطة او كورس اليوتيوب عطيني رأيك مرة تانية فيهم واديش طلعت علاماتك بالتعليقات 👇🏻 اللي بحب يبعت خاص مافي مشكلة @Eyasskad الف مبارك مرة تانية ... الله يهنيكم ويسعدكم ❤️

استغلوا هالدقائق بالدعاء الله يجبر بخاطركم بعلامات ترضيكم واتذكرونا ..

نحكي كلمتين بخصوص النتائج ... طبعا ما حدا بيعرف لسا ايمتا وكيف ووين والخ في اشاعات مالنا بصدد نناقشها .. بعد فترة معينة مالها طويلة رح تطلع النتائج يحق لك الفخر بأي علامة رح تطلع ما حدا شاف جهدك خلال الفصل ولا تعبك بشهر الانقطاع ولا سهرك بليالي الفحص فأي شي رح يطلع هو الخير لالك ان شاء الله وما حدا بحقله يلومك ويقلك لازم تدرس اكتر 🫠 خصوصا انك درست قد ما بتقدر فتوكل على الله وادعي الله يسرلك هالوقت الباقي وتكون علامة على قد كرمه ❤️ طيب شو المطلوب لوقت تطلع العلامات؟ بنعرف انه صعب تسكروا نت وتلتفتوا لغير امور 🫠 بس حاولوا جد عالقليلة فيس وتلغرام تلغوهم لأن معبايين اشاعات ... ووقت رح تطلع العلامات رح تعرف اكيد من رفقاتك او اهلك اذا فاتحين او اقاربك او الخ المهم ما تضلك عم تتلف اعصابك لان الوضع مغيم لسا وما بتعرف اي ساعة رح تطلع فالوقت هاد حرق أعصاب 🫠 اطلع تمشى وانبسط قبل ما يضحوا فيك اهلك 😂😂 لا مزح ان شاء الله كلكم بتجيبوا الي بدكم ياه وتنبسطوا فيه #تسريب_صغير: رح يكون في فيديو بعد النتائج نحكي فيه كتير تفاصيل ان شاء الله سواء مقرر تعيد او مو مقرر الفيديو رح يكون شامل لكل اسئلتكم بس ادعولي اخلص من القلبية على خير 💔 الله يفتح عليكم ويكرمكم ❤️

مساء الخير 🥰 كيفكم كيف الهمة 🔥 وصلنا أخيراً إلى نهاية خطتنا بدراسة النووية إن شاء الله تكونوا درستوها معنا وحليتوا أسئلة الفقرات مقرر الأسبوع الأخير من خطة النووية 🧪 التفاعلات النووية (الالتقاط والتطافر) 🧪 التفاعلات النووية (الانشطار النووي والاندماج) لا تنسوا ترجعوا للنوطة حتلاقوا فيها كل النكشات يلي انذكرت بالفيديوهات ادرسوا الدرس منيح وجهزوا حالكم لنناقش نموذج امتحاني بالتوفيق للجميع ❤️ لا تنسونا من صالح دعائكم 😶‍🌫

الله يعطيكم العافية يارب ❤️ انتهت الفقرة إن شاء الله تكونوا استفدتوا من الأسئلة وراجعتوا معلوماتكم وانتظرونا الأسبوع القادم لمناقشة نموذج امتحاني عن الدرس كاملاً 🔥 لا تنسونا من صالح دعائكم 😶‍🌫

🔰شرح الحل: 📌 بدايةً السؤال هو عبارة عن سلسلة نشاط إشعاعي شو يعني سلسلة نشاط إشعاعي؟ يعني عنا نواة غير مستقرة، عم يطرأ عليها أكتر من تحول من نمط ألفا وبيتا، ف بالمحصلة عم تعطي نواة تانية مستقرة فالمطلوب مني إني أحسب كم تفاعل ألفا صار عندها، وكم تفاعل بيتا.. 📌 طيب هلأ أنا بالفحص كيف بدي أعرف انو هي سلسلة نشاط إشعاعي؟ أول شي من صيغة السؤال بتبين معك، بكون كاتبلك بشكل صريح (يتحول...... وفق سلسلة نشاط إشعاعي) وثانياً بس طلب عدد التحولات، أو كانت صيغة السؤال بتدلّ انو النواة عم يطرأ عليها أكتر من تحول، ف حتماً بحط ببالي إني بدي اعتمد عسلسلة النشاط الإشعاعي بالحل 📌 بالنسبة لطريقة الحل: أول شي لنعرف نطالع عدد التحولات بدنا نكتب المعادلة: ²³²₉₀Th → ²⁰⁸₈₂Pb + x ⁴₂He + y ⁰₋₁e + Energy نحنا بنعرف انو أي معادلة بالكيميا لازم تتوازن طيب معادلات النووية كيف بقدر أوزنهم؟ بوازن العدد الذري والكتلي فيعني لحتى تصير عندي معادلة موزونة لازم يكون العدد الكتلي قبل السهم= مجموع الأعداد الكتلية بعد السهم والعدد الذري قبل السهم= مجموع الأعداد الذرية بعد السهم مصونية العدد الكتلي 232=208+4x+0 بيطلع معنا X=6 مصونية العدد الذري 90=82+2x-y 90=82+12-y فبيطلع معنا y=4 📌 طيب هلأ أنا دائما ببلش من المعادلة تبع الاعداد الكتلية وبعدين بحسب الاعداد الذرية؟ ما بصير بلش بالعكس؟ لا طبعاً دوما هيك الترتيب لأن شوف كيف المعادلة يلي فيها الاعداد الكتلية فيها بس مجهول واحد يلي هو x بينما المعادلة الثانية فيها مجهولين xوy فلهيك ما فيني بلش حل منها لأن ما بقدر اوصل لحل

الحل.

🔰 شرح الحل: 📌 بدهم عمر النصف نحن منعرف عمر النصف هو الزمن اللازم لتحول نصف عدد نوى عنصر مشع يعني نحن عنا 10g تحولت لـ 5g خلال زمن هاد الزمن هو عمر النصف 📌 طيب شلون لنطالع عمر النصف؟؟ عنا الزمن 33s بدنا نحسب n شلون؟؟ من الأسهم عنا 10g--->5g--->2.5g--->1.25g يعني n=3 t1/2 = t/n = 33/3 = 11s

🔰شرح الحل: 📌 بالنسبة لهالسؤال فنحنا بنعرف انو بعض الإشعاعات النووية مؤينة ف طبعاً أنا بحاجة لإني حط حماية(عازل) منها كرمال ما تكون مؤذية بالنسبة إلي طيب على أي أساس بختار المادة يلي بدي حطها؟ بشوف هاد الإشعاع يلي عندي شو المواد يلي بإمكانه يخترقها وشو المواد يلي ما بيقدر يخترقها المادة يلي ما بيحسن يخترقها أو يتفاعل معها= بقدر استخدمها كعازل 📌 إشعاع ألفا: هو إشعاع قليل النفوذية ويمكن إيقافه بالهواء أو بالجلد أو بالورق(اي مادة رقيقة) 📌 إشعاع بيتا: أكثر نفوذية من إشعاع ألفا، يمكن إيقافه بالألمنيوم 📌 إشعاع غاما: الأكثر نفوذية، وبيتم إيقافه بالرصاص 📌 طيب هلأ ما ممكن الرصاص يوقف إشعاع بيتا، على اعتبار انو بوقف غاما يلي هو نفوذيته أعلى، ليش ما اخترناه؟ اكيد غلط انو نختاره، لأن من البداية حكينا انو بدي حط مادة ما بيقدر الإشعاع يخترقها وما بيقدر يتفاعل معها وهاد الشي ما بيتحقق بحالة إذا بدي حط عازل من الرصاص لإشعاع بيتا لأن جسيم بيتا بيتفاعل مع الرصاص(ومع المواد ذات العدد الذري الكبير عموماً) وبيصير يطلع إشعاعات تانية ف بيضل مو آمن وبسبب أضرار ومشاكل

🔰 شرح الحل: 📌 منعرف سرعة جسيمات بيتا هي 0.9C يعني 0.9 × سرعة الضوء 0.9×3×10⁸ = 27×10⁷m.s-¹