Pixel Science

•الطالب الذي تعرّض للاستهزاء من البعض بسبب وقوفه باستعداد أثناء التقاط صورة بجانب الرئيس، تبين فيما بعد أنّه فاقد البصر وهو من المتفوقين في الثانوية العامة الفرع الأدبي. •فإنّها لا تعمى الأبصار ولكن تعمى القلوب الّتي في الصّدور.

السلام عليكم دكتور .. مبارح رفيقي طلعت علامته وراسب ، ومن كثر الضغط والبهادل ما غدر يتحمل وأنتحر هو ما كان يدرس غير معك أسمه أحمد قشبري إنّا لله وإنّا إليه راجعون معقول لهون توصل مساوئ الفشل بالبكالوريا؟والله الحياة مابتوقف عندها.. اطلعوا من الحجرة يلي حبستوا حالكن فيها لمجرد انو خسرتوا معركة.. مابعرف شو احكي ولكن صارت البكالوريا حرب أكثر من مجرد سنة دراسية ولازم ينحطلها حد، إن كانت رح توصلنا لهيك مواصيل نضل أمّيّين أفضل بكتير

السلام عليكم مشان الأسئلة يلي عم تجي في تكميلي ولا لا؟ •التكميلي هو احتمال قليل ولكن وارد.. •مافي خبر رسمي عنو وكل ما يقال عنه مجرد كلام •شخصياً لا أتوقع حدوث دورة تكميلية.. بعد شهر بداية المدارس فإيمتا بدها تنعمل؟ ولكن أتمنى انو تنعمل دورة تكميلية وينسر بالكن وتتيسر اموركن •بحال بدها تصير بينزل القرار على صفحة وزارة التربية بشكل واضح .. مو قلتلو وقلي.

🥢  مـاذا بعـد التـوجيهـي؟🥢 مع أ. أنس شيخ اكريّم ◀️لقـاء خاص للشـبـاب: 🗓وذلك يوم الاثنين 24/8/2026 في تمام الساعة: 2:00-5:00 ◀️لقـاء خاص للبـنات: 🗓وذلك يوم الاثنين 24/8/2026 في تمام الساعة: 10:00-1:00 👆 لأهلنا في سوريا التسجيل مجاني عبر الروابط التالية: للإناث: https://forms.gle/pz2ggfiBQvMvNLsHA للذكور: https://forms.gle/c7FiCkLuDpb5B3AQ8 #النفس_المطمئنة #توجيهي #تخرج

🔺كيف يمكن لفوضى إصدار النتائج من تأخير وأخطاء أن تمر دون استقالة أو إعفاء وكأنّ شيئاً لم يكن؟

▫️عادةً بيترافق مجموع الطالب القليل مع إرادة ضعيفة و لامبالاة عنده بأهمية المستقبل. ▫️وإن قلتلي إنو كلامي غلط، فأثبت لنفسك وبعدها لمجتمعك إنو حتى لو مجموعك قليل فممكن تبدع بالموجود. ▫️مفكر إذا عم تدرس شي فرع بالآداب أو فرع ليس من الفروع المعروفة العليا فأنت بلا قيمة؟ 🔺إنّ الله تعالى يحب إذا عمل أحدكم عملاً أن يتقنه. ▪️أقسم بالله، إتقان العمل بالفرع يلي رح تدخله حتى لو كان تقطيف ملوخية متل ما بقولوا.. ربّما بإتقانه ممكن تعمل امتياز تجاري لتصدير الملوخية لأسواق العالم ويصير مشروع مربح بملايين الدولارات ▫️يمكن تفكر عم بالغ ▪️إحداهن درست وخسرت مجموع الطب فدخلت هندسة زراعية بحلب (فلاحة مثقفة)، أتقنت فرعها وبعد سنوات حلت مشكلة محاصيل بتركيا جابوا مختصين غربيين امريكا وماعرفوا يحلوها.. وبعدها ذاع صيتها وارتفعت مكانتها وتوفيت بعد ذلك وخلّفت وراءها احترام عالمي.. القصة حقيقية ومن أقارب معارفي.. ▫️الفشل يبدأ لما تفكر انك خسرت يلي كان بدك ياه فـ رح تفوت الفرع الفلاني لانو طلعلك وخلص. ▫️والنجاح يبدأ لما تفكر انك كسبت فرع وفق علاماتك وبدك تتقن عملك فيه ما تكون روبوت بس تدرس وتقدم امتحان وتنتظر لتتخرج.

🔴 أمير بتنصحني عيد أو لا؟ ▪️الطالب ليش بيعيد؟ لأنو بيحلم بفرع معين، وما طلعلو هالفرع بناءً على مجموعه الحالي فبعيد كرماله. ▪️طيب كيف بقرر عيد أو لا؟ ▪️الإجابة هي: عدم الإعادة هي الخيار الأفضل إلّا بحالة وحدة: ▫️لما يكون الفرع يلي بدك ياه هو خيار مطلق غير قابل للنقاش أو التنازل عنه بأي ثمن لو بدك تعيد مرتين وتلاتة كرماله. ▪️بمعنى: 🔺إذا بتحب فرع وبتشوف انو بيلبقلك ومناسب الك، ولكن هالفرع مو واقفة عليه الدنيا، برأيي: تشوف فرع تاني وفق علاماتك 🔺أما إذا فرع متأصل فيك من الصغر لدرجة انو عندك معرفة فيه وبأبعادوه وتفاصيله وعشقك تخوض فيه ويستحيل تتقبل أي فرع غيره هون بنصح تعيد كرماله 🔴الخلاصة: لما أنت تسأل عيد أو لا، هذا يعني الإعادة بالنسبة الك هي اختيار، وبالتالي الفرع يلي بدك ياه هو اختيار ولو انو بتحبو اكتر من غيره، فبنصحك ماتعيد، أما يلي بدو يعيد مارح يسأل عيد أو لا لأنو يستحيل يتقبل أي خيار تاني. ▪️طبعاً ماجبت سيرة يلي حابب الفرع لأنو اسمو تحضيرية او لانو اسمها هندسة.. بهيك حالات أكيد لا أنصح أبداً بالإعادة بحثاً عن الفرع الأعلى. 🔸ولازم تعرف انو الإعادة لحالك فكرة ليست جيدة، بدك تعيد: لازم تسجل بمعهد أو مدرسة بحيث تلتزم من بداية الدوام وما يكون عندك حرية بالدراسة عكيفك

السلام عليكم ▫️﴿قُلْ بِفَضْلِ اللَّهِ وَبِرَحْمَتِهِ فَبِذَلِكَ فَلْيَفْرَحُوا هُوَ خَيْرٌ مِمَّا يَجْمَعُونَ﴾ ▫️﴿يَرْفَعِ اللَّهُ الَّذِينَ آمَنُوا مِنْكُمْ وَالَّذِينَ أُوتُوا الْعِلْمَ دَرَجَاتٍ﴾ ▫️﴿وَأَنْ لَيْسَ لِلْإِنْسَانِ إِلَّا مَا سَعَى * وَأَنَّ سَعْيَهُ سَوْفَ يُرى * ثُمَّ يُجْزَاهُ الْجَزَاءَ الْأَوْفَى﴾ ▫️﴿وَابْتَغِ فِيمَا آتَاكَ اللَّهُ الدَّارَ الْآخِرَةَ وَلَا تَنْسَ نَصِيبَكَ مِنَ الدُّنْيَا وَأَحْسِنْ كَمَا أَحْسَنَ اللَّهُ إِلَيْكَ﴾ ………………………… ▪️﴿وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ﴾ ▪️﴿لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا﴾ ▪️﴿إِنَّا لَا نُضِيعُ أَجْرَ مَنْ أَحْسَنَ عَمَلًا﴾ ……………………… فخور بسعيكم جميعاً في كل الأحوال، والقادم أجمل بإذن الله، مبارك للجميع❤️

السلام عليكم •لم يسبق لوزارة التربية إنو تصدر النتائج بشكل مفاجئ (إلا بدورة 2019 كان الوزير عماد العزب). •قناة الوزارة قبل بوقت بتنزل منشور عن موعد إعلان النتائج وبتقول رح تطلع النتائج بالتاريخ الفلاني وبتظهر الأخبار حتى على التلفزيون. •الحكي يلي بقول…

السلام عليكم ورحمة الله وبركاته. نصيحة سريعة قبل صدور النتائج، افرح بنتيجتك وكون فخور فيها شو ما كانت وخلّي جانبك المثالي ع جنب بس كم ساعة، صدقاً حرام تضيع هي الفرحة من عمرك، ولقدام رح تندم أنك ضيعتها وما فرحت فيها وعطيتها حقها، رجاءً خلي شخصيتك المثالية ع جنب واتطلع ع حالك بنظرة الفخر، فخر انك كفيت لاخر السنة مع انو غيرك كتير اتراجع، فخر انك قدمت كل امتحان بالرغم من خوفك وتوترك وسهرك وتعبك، فخر انك درست ولو ورقة وحدة من منهاجك، بس لا تضيع فرحة هاليوم أو حتى هالكم ساعة نصيحة. الله يفتح عليكم وينولكم مرادكم يارب.

السلام عليكم •لم يسبق لوزارة التربية إنو تصدر النتائج بشكل مفاجئ (إلا بدورة 2019 كان الوزير عماد العزب). •قناة الوزارة قبل بوقت بتنزل منشور عن موعد إعلان النتائج وبتقول رح تطلع النتائج بالتاريخ الفلاني وبتظهر الأخبار حتى على التلفزيون. •الحكي يلي بقول النتائج بين 1 و 3 الشهر لا يعتبر إعلان رسمي، إنّما إعلان موعد النتائج لسا ما انتشر.

السلام عليكم💚 •طلاب البكالوريا دفعة 2026 عن قريب رح تطلع علامتكن، ورح نفرح نعكن بنتيجة تعبكن ولكن في رسالة مهمة مُسبقة قبل ما تنشغلوا بأفراح التفوق "لا تدع الغرور يفقدك صوابك" احمد الله إنو جعل رضاك من رضاه و إياك تظهر لرفيقك إنك أفضل منو لا بكلمة ولا بحركة ولا بلمحة •مواضيع المنشورات والستوريات مافي منها مهرب أنت تعبت وحقك تعبر عن فرحتك لأنك أنجزت بالبكالوريا إنجاز عظيم تستحق عليه الثناء ولكن بدون ما تحزن غيرك •يلي قدر يجتاز معركة البكالوريا فالأَوْلَى أنو يجتاز صراع النفس يلي بيوصلو لقمم الأخلاق ويبعدو عن السعادة المشوّبة بالضغينة •ناهيك عن منصات التكريم يلي بتعتمد على التفاضل بأجزاء العلامات وبصير يلي سبقك بجزء كأنو سبقك بالجنة.. •طلعت على عشرات منصات التكريم ووالله مابندم على شي متل مابندم عليها.. بالوقت يلي عم نعاني فيه من الجهل بالحق والغفلة.. طالعين على المنصات وكأنو نحن سادات.. والله الأَوْلى بنا أن نخجل من جهلنا ثم ننظر في أمور أخرى.. •تقديرك لذاتك و كلمة مبارك من حدا بيحبك تكفي وبعدها اهتم بنفسك لتوصل لمستقبل يليق فيك. •وأخيراً منتظر تفوقكم بفارغ الصبر بالتوفيق يا أبطال❤️

السلام عليكم💚 ▪️اليوم مساءً رح يكون في رسالة لطلاب دفعة 2026 بمناسبة اقتراب صدور النتائج أرجو تقرؤوها بإمعان. إن شاء الله تكون نتائجكم مبشرة ومفرحة❤️

🔴الفيديو التعريفي الأول بكالوريا 2027 على يوتيوب: https://youtu.be/Lx_IhH37Ej8?si=-Qe4Hq4MCc-vjdok

السلام عليكم ورحمة الله وبركاته 💚 ▪️إخوتي طلاب البكالوريا دفعة 2027 🔺الفيديو التعريفي الأول بعد ساعات رح ينزل على قناة اليوتيوب انتظروني 🙃❤️ 🔴مين بيعرف شو علاقة هي الصورة بمحتوى الفيديو🌚؟

السلام عليكم ورحمة الله وبركاته 💚 ▪️إخوتي طلاب البكالوريا دفعة 2027 🔺الفيديو التعريفي الأول بعد ساعات رح ينزل على قناة اليوتيوب انتظروني 🙃❤️ 🔴مين بيعرف شو علاقة هي الصورة بمحتوى الفيديو🌚؟

السلام عليكم ▪️تذكير لطلاب البكالوريا 2027 : https://youtube.com/playlist?list=PLWZEx5QgI3_natSYlsiSPYEiRhSP1ZI1R&si=EIyG1PomZ98mEN6G 🔺منهاج العلوم مشروح بالكامل على اليوتيوب وبنهاية كل فيديو يوجد مراجعة على الكتاب. 🔺أعمال طلاب 2027 تبدأ مع بداية الدوام الرسمي لدورة 2027. ⋆⋆⋆ 𝑷𝒊𝒙𝒆𝒍 𝑺𝒄𝒊𝒆𝒏𝒄𝒆 𝑻𝒆𝒂𝒎 ⋆⋆⋆

▪️After review: ▪️شفنا أنو صاير ضجة لطلب شرح مادة الرياضيات على اليوتيوب. ▪️Final decision is: ▪️فريق بكسل للرياضيات رح يشرح المادة كاملة لطلاب 2027 إن شاء الله. 🔺بذكّر أنو مادة العلوم مشروحة كاملةً لكل حرف بالمنهاج وتضمن كامل العلامة على اليوتيوب.