قصيده ..

‏حاول توازن بين عقلك والإحساس ‏وعيش الحياة اللي تبيها لذاتك ‏إن كنت بتوّقف حياتك على الناس ‏" بتموت ما سويت شي بحياتك "

‏بعد ماطالت مشاوير الحياة و سجوّ السالين ‏نويت أعيش فـ الدنيا و أسايرها ولا أمداني ‏ترجعني لـ خيبات الظنون و زلة الغالين ‏و أطوّفها على شان الهوى ماهو على شاني ‏و أنا ماني غشيمٍ فـ التعامل و أعرف الغاوين ‏أجامل و اتشيّم و الخطأ ماهو بـ يخفاني

26 يونيو ، اما بعد : غالباً الأيام والدنيا ما تجي على " مانتمنى ونحب " لذلك تذكرت أبيات تقول : أشوف الأحلام ما هي تشبه أحلامي كل ما تخيلت حلمي ضاق بي صدري مدري إلى الحين ماجات اجمل أيامي او اجمل أيامي مرتني وانا مدري ؟

صبباح الخيير ، الحياة رحبة ، لاتكن عالقًا في مشهد نافذتك القديمة مهما كان بالغ الجمال لا تكن اسيرًا ، وعلى ماقال #ناصر_مناحي : كل دربٍ تحسب إن مافيه غيره فيه غيره لا تعلقها على . . . شورٍ عطاك الله بداله

‏صباح الخير لها أولاً ثم للجميع ،أمّا بعد: ‏محمد المقحم يوضح مدى تأثير المحبه على النفسيه ويقول. ‏"أحس ان كل شي يبتسم لي ليَا لديت ‏وأحس ان نور الصبح يطلع على شاني "

قضيت لحظات حلوة في مخيّلتي ما يقدر الواقع التافه . . . يوفرها - سعد علوش

‏تعال يا اكبر من اللي يحتويه الضمير ‏واعذب من النسمة اللي مع صلاة الفجر ‏ٰ ‏لا يلحقك شكّ فـ اللي صار بيصير خير ‏من عادة الناس ما بين الرضى والضجر‏ ‏ خل المواصل على بالك ولا تستشير ‏ما هو بـ لااااايق عليك تحبّني وتهجر

‏أرضيك لو رضاك من غالي الجيب ‏ خلنا نتواجه والقلوب اتصافى ‏حاولت اوصلك بشتّى الأساليب ‏أبغاك من ضيم الشكوك اتعافى ‏حرصي عليك احيان مايعتبر عيب ‏العيب لا اغلينا بعض وانتجافى ‏الله يجعلني من الحب ما اطيب ‏وكانك مرض يا جعلني ما اتشافى . ‏- علي بن حمري

‏كل شي كنت احبه كان فارق ‏وما فرق الا لاني كنت احـبه ‏-

‏ليا مرّني طاريه فالمجلس المليان ‏أخاويه وأترك هيكل الجسم متراكي ‏ ‏⁧ #ضيدان_بن_قضعان ⁩

ودّي أسُولف لك عـن شعور الغرام و أعلمّك و شـ كِثر انا أحبّك و آبيك لكنّي لا مـن شفّتك يـضييع الكلام ! وآصير هايم في جمالك يوم أجيك هـاك المحبّه والـغـلا و الاحـتـرام وعطنّي وصالك بس وطمنّي عليك ..

‏عاتبتني بـ أقسى لغه وأفصح لسان ‏ومافيه شي من الزعل . . ما نقصنا ‏الاختلاف من أبسط حقوق الأنسان ‏لكن حرام . . إنه يضيّـع فرصـنا ! ‏حاولت ألبي رغبتك . . قدر الإمكان ‏وأسدل ستار آخر فصل في قصصنا ‏وبديت أحب . . اللي تحبه على شان ‏أصير أعاف اللي تعاف . . وخلصنا ):

‏" انا لا تباطيتك .. علي الوله ينشاف " ‏يبيّن على العاشق وينشاف فـ عيونه ‏احبّك جعل حبٍ يجي من بعدْك يعاف ‏" وانا حالفٍ حبّك مع الوقت ما اخونه " ‏ليا شفت وجهك والله ان ماعلّي اخلاف ‏فلا تنشد اللي شاف غايتْه وش لونه ! ‏عيونك مثل مجدٍ قِصر دونه اللي خاف ‏" وانا اللي يحب المجد ويموت من دونه " ‏- مبارك بن وافي

‏عط الليل فرصة من جديلك ياروح الروح ‏معك ودّي إن الشمس تشرق بعد بكره ‏أنا اشفق على "لبيه" من صوتك المبحوح ‏لا حلّ الظلام وعوّد الطير في وكره ‏تحت عنقك الفارع ورى زرارك المفتوح ‏ماباقي علي إلّا ألحق السكره: السكره ‏يغنّي على شباك دارك: حمام الدوح ‏وأغنّي عليك: البيت والقاف والفكره ‏من العام وركاب المودّه تجي وتروح ‏ولا عاد باقي من طرفها ولا بكره ‏عسى الإنتظار اللي قضيته وأنا مجروح ‏فدا قلبي اللي لا أنجرح منك ما يكره

‏أحيانًا الإنسان ‏ودّه بشخص يفهم الحزن اللي يكنّه وسط جوفه ‏من دون لا يستنطقه مثل مدى المعرفة اللي وصل لها عبدالله بن دايس يوم قال : ‏لا تتظاهر إنك طيب وماعليك خلاف ‏كلام الحزن بيّن وصوت الحزن بيّن ‏أنا مستعد أدفع ثمن ضحكتك أضعاف ‏لو أتسلّف الطايل من المال و أتديّن ..

‏"هاجس الفقد يجبرني على الأعتراف ‏أيه أحبك ومن يخشى الفراق مْعذور ‏غبتي وما أذكر إن بيني وبينك خلاف ‏غيبتك هجر؟ .. ولا زعل؟ .. ولا فتور؟ ‏عزلتي سجن وأيامي ظلام وجفاف ‏ورغبتي فيك ماكانت مجرد شعور ‏لاتخلينني بعد السكينة أخاف ‏ياتصيرين ديمة ياتصيرين نور"

نصيحه للأيام الحالية والأيام المقبله: تغاضى قد ما تقدر ما دام إن العمر محدود ولا تحزن على الفايت رحاب الأرض ممدوده

‏لقيتك أمل من ضاع عمره ورى الحرمان ‏وبديتك وأنا اشوفك عوض ماضيّ أيامي ‏جمعني معاك اليسرّ عقب العسرّ سبحان ‏من يضحكّ الخافق بعد جرحه الدامي ‏تحضنت وصلك كنّي الضامي الهلكان ‏يالين ارتوى فـ مواصلك قلبي الضامي ‏عليك الغلا منساق والشوق شانه شان ‏وعليك الرِّضا يا واهِس الشعرّ وإلهامي.

يمر الوقت و أيّامك تشابه و السنين تطوف ‏ولا لك غير مشوارٍ قديم بـ سكّة الذكرى ‏غريبٍ كل ماطاح الظلام و بان فيك الخوف ‏هربت من إرتيابك و الأرق للشعر و المسرى

يدور الوقت و الواقع يغنّي لي على ليلاه ‏سراب الحلم يتعبني و صمت الليل يشقيني ‏تسرّيني الظنون إللي تحد الواحد لين أقصاه ‏على بابه .. و أنا ما كل .. سجّاتي تسرِّيني .