Toshkent shahar Sog‘liqni saqlash bosh boshqarmasi

Yoshlar uchun “Mehnat yarmarkasi” o‘tkazildi 👥 Bugun Toshkent shahar hokimligi tashabbusi bilan Sog‘liqni saqlash vazirligi hamda Toshkent shahar Kambag‘allikni qisqartirish va bandlik boshqarmasi hamkorligida tibbiyot sohasi bo‘yicha mehnat yarmarkasi bo‘lib o‘tdi. 🔱 Tadbirda Toshkent Tibbiyot universitetining bitiruvchi talaba yoshlari hamda ishsiz tibbiyot xodimlari ishtirok etib, o‘zlarini qiziqtirgan bo‘sh ish o‘rinlari bilan tanishdilar. 🏥 “Mehnat yarmarkasi”da Toshkent shahridagi 12 ta tuman tibbiyot birlashmasi hamda ular tasarrufidagi davolash-profilaktika muassasalarining kadrlar bo‘yicha mas’ul xodimlari ishtirok etib, mavjud ochiq vakansiyalar haqida ma’lumot berdilar. 💼 Uchrashuv davomida yoshlarga tibbiyot muassasalaridagi bo‘sh ish o‘rinlari, ishga qabul qilish tartibi va mavjud imkoniyatlar haqida batafsil tushuntirishlar berildi. Bunday mehnat yarmarkalari yosh mutaxassislarni o‘z mutaxassisligi bo‘yicha ish bilan ta’minlash, ularning bandligini oshirish hamda tibbiyot muassasalarini malakali kadrlar bilan ta’minlashda muhim ahamiyat kasb etadi. @TShSSBB