تمريضكو | TamreDko

وبالفعل في يوم اتفقوا عليه وصل نيكولاس البيت اللي كانت سايبه بابه مفتوح وأثناء ما الأم نايمة طعنـ..،ها وبعدها هربوا الاتنين على ولاية تانية وبعد كام يوم من الواقعة نزلت على الفيس بوك بوست شتمت فيه امها وقالت " لقد ماتت العا***" الشرطة قبضت عليها وعلى شريكها واعترفوا بكل حاجة والقضية قلبت الدنيا بعد كشف تفاصيلها الغريبة واللي الأم عملته كان سبب ان النهاية تكون بشعة ، وبعد الإعترافات ديه المحكمة اعتبرت أن ده نوع من القتـ..ل الدفاعي او التحرر النفسي بسبب الضغط النفسي والجسدي الممنهج اللي اتعرضت ليه البنت طول حياتها و اتحكم عليها بـ ١٠ سنين سجن اما شريكها فا اتحكم عليه بالسجن مدي الحياة بدون الافراج المشروط يعني هيفضل في السجن لحد ما يموت ، قضت جيبسي ٨ سنين في السجن وخرجت منه سنة ٢٠٢٣ وبدأت تظهر في البرامج وتحكي قصتها واتعمل منها افلام ومسلسلات وقابلت تعاطف كبير جداً من الناس اللي وقفوا في صفها جيبسي حاليا بقت مشهورة على السوشيال ميديا وبتظهر في فيديوهات توعي فيها الناس عن المتلازمة اللي كانت عند أمها وبتحاول تفيد غيرها من خلال اللي اتعرضت ليه بس هنا سؤالي ليكم أي رأيك في اللي عملته ، هل هي تتصنف مجرمة ولا ضحية؟ ✍️/ محمد المغربي

الصورة ديه من لقاء تليفزيوني ظهرت فيه طفلة وهي بتحكي عن اللي أمها عملته فيها بسبب واحد من اغرب الاضطرابات النفسية اللي ممكن تسمع عنها في حياتك قضية لما اتكشفت تفاصيلها اتقلب الرأي العام الأمريكي واتحولت لقصة عالمية اتعمل منها افلام ومسلسلات كتير لأن اللي اتكشف كان حاجة غير متوقعة الحكاية بتدور سنة ١٩٩١ في أمريكا لما اتولدت طفلة إسمها " چيبسي روز " بعد كام شهر من الولادة يتفاجيء الأطباء أن الأم شايلة الطفلة وداخلة عليهم مذعورة وبتقولهم ان بنتها عندها مشاكل في التنفس بدأ الأطباء يفحصوا البنت والمفاجأة ان هي كانت سليمة مفيهاش اي حاجة وده اللي قالوه لوالدتها، بس الأم واللي كان اسمها "كلاوديا دي دي بلانش" ماكنش عندها غير جملة واحدة، البنت تعبانة جداً وعندها مشاكل في التنفس من كتر ما كانت مصممة علي كلامها الاطباء قالولها خلاص عامة هي كويسة دلوقتي لو حصل اي حاجة غريبة هاتيها وتعالي على طول، في الفترة ديه بدأت الأم تقول للجيران وكل اللي حواليها أن بنتها عندها مشاكل كبيرة في التنفس كانت بتردد الرواية ديه بشكل مستمر لحد ما كل الناس اقتنعت بالكلام ده ، وبعد فترة انفصلت دي دي عن زوجها وانفرضت بتربية البنت ، في الوقت ده بدأت تحصل حاجة أغرب تعدي السنين وفجأة الناس تلاقي الطفلة محطوطة على كرسي متحرك ومبتقدرش تقف على رجليها ، وده لأن على حسب كلام والدتها ان البنت عندها ضمور في العضلات ومش هتقدر تمشي طول حياتها مش كده بس ، البنت كمان بتعاني من صرع ونوبات عصبية ، وكمان ربو وحساسية مفرطة ، وده اللي كان واضح من اسطوانات الأكسجين اللي معاها دايما فوق ده كله عندها مشاكل في معدتها ومش بتقدر تاكل بشكل طبيعي وكانت موصلة انبوب تغذية ، ونختم سلسلة الأمراض ديه ب أن البنت كمان كانت بتعاني من الكانسر وشعرها كان وقع بسبب العلاج الكيميائي في خلال الفترة ديه عملت البنت اكتر من عملية كبيرة منها عملية في عينيها وعملية ازالة الغدد اللعابية وكانت بتاخد ادوية قوية جداً كانت سبب أن أسنانها تقع زي ماهو واضح في الصورة طبعاً حالة البنت اللي كانت من الواضح كده أن هي تصـعب على الكافر خلت الناس تجمع ليها تبرعات بشكل مستمر وكانت دايما تظهر هي وأمها اللي شايلة همها وبتعتني بيها وقد ايه هي أم قوية وحنينة ومستحملة ده كله تعاطف الناس كان معاهم كبير جداً وكانت التبرعات بتتدفق عليهم بشكل مستمر من جمعيات خيرية وناس عاديين ، ويستمر الوضع بالشكل ده لحد سنة ٢٠١٥ في يوم من الأيام يتفاجيء الناس ببوست غريب جداً نازل على اكونت الفيس بوك المشترك بتاع چيبسي و والدتها مكتوب فيه " لقد ماتت العـ ـاهـ** البوست كان غريب لدرجة أن الناس اللي شافته بلغت الشرطة علشان تشوف ايه الحكاية ، وبالفعل تتحرك الشرطة لبيت الأم وتتفاجيء بالصدمة، الأم في البيت مقـ...تولة على سريرها في الوقت ده وبعد كام يوم قبضت الشرطة على جيبسي اللي لقوها موجودة في ولاية تانية ، علشان من اللحظة ديه تتفتح قضية قلبت الرأي العام الأمريكي وده لأن جيبسي الطفلة اللي بتعاني من ضمور العضلات والكانسر وكل الأمراض اللي أمها كانت بتقول عليها ، هي بنت سليمة تماماً معندهاش اي مرض في جسمها وده اللي هي نفسها ماكنتش تعرفه غير لما بدأت تكبر ، الأم دي دي كانت بتعاني من متلازمة واضطراب نفسي نادر اسمه "متلازمة مانشهايم بالوكالة" المرض ده بيخلي الشخص يخترع امراض وحاجات غير موجودة في شخص تحت رعايته وغالبا بيكون ابنه او بنته وده بغرض جذب التعاطف والاهتمام والحصول على تبرعات وده اللي بالفعل عملته الأم من وقت ولادة البنت ، كانت بتلف على الدكاترة وكل دكتور تروحله تحاول تقنعه ان بنتها بتعاني من مرض معين ، كانت بتقدم صور من تقارير بالأمراض ديه مزورة وكانت بتقول للدكاترة ان التقارير الاصلية ضاعت في اعصار كاترينا سنة ٢٠٠٥ في بيتهم القديم وبسبب الكلام اللي بتحكيه وحالة البنت الدكاترة مكانوش بيتكلموا معاها ، كل حاجة الأم اللي كانت بتقولها، قدمت اشعة وتقارير مزورة كانت سبب أن البنت تعمل عمليات كبيرة وخطيرة هي مش محتاجاها وتاخد ادوية خطر جداً بدون اي داعي كل اللي حصل ده خلي الطفلة تقتنع فعلا أن هي مريضة ، وكانت بتظهر قدام الناس وهي بتجرها على كرسي متحرك وبتعتني بيها ، لحد ما بدأت تكبر البنت وتفهم ان هي سليمة وبتقدر تمشي ولما بدأت تفهم ده حاولت تهرب من امها اكتر من مرة ، لكن كل مرة كانت بتفشل لدرجة أن الأم كانت بتضـ..ربها وتكتفها بالسلاسل وبتهد..دها ان هي لو مسمعتش كلامها هتحطها في مصحة نفسية وان محدش هيصدق ان هي سليمة في عز ذروة اليأس والقهر ده اتعرفت البنت من خلال الإنترنت على شاب اسمه "نيكولاس" الغريب ان الشاب ده كان بيعاني من اضطرابات نفسية بردو، الاثنين حبوا بعض وقدرت تقنعوا ان السبيل الوحيد ان هما يتجوزوا ويعيشوا مع بعض هو التخلص من امها واللي بتعمله فيها

لما ضيقوا عليه الخناق وضغطوا عليه وبدأوا يفحصوا ذراعه طبياً، انهار واعترف بالحيلة الشيطانية اللي استخدمها للتلاعب في التحاليل وهنا نرجع لكل مرة كان بيعمل فيها التحاليل ، بحيلة وبذكاء كان بيقدر يقنع الممرضة تاخد عينة الدم من منطقة غير المتعارف عليها لأن عنده مشاكل في الأوردة ، طيب عمل ده ليه؟ الدكتور استغل كونه جراح وعمل عملية صغيرة لنفسه في ذراعه، وجاب أنبوب بلاستيكي طبي رفيع جداً، ملاه بدم مريض من مرضاه دون علم المريض طبعاً، وزرع الأنبوب ده جراحياً تحت جلد ذراعه وموازياً للوريد في عملية دقيقة جداً وكان بيستخدم مادة طبية مانعة للتجلط كل مرة كانت الممرضة بتيجي تسحب دم، كان بيخليها تسحب من الأنبوب ده، فيطلع دم الراجل التاني وبكده يطلع التحليل غير مطابق سنة ١٩٩٩ وبعد ما الحيلة اتكشفت بالكامل، ظهرت بالفعل برءة البنت والمحكمة أدانت الدكتور "جون شنيبرجر" بتهم الاغتصـ ًاب وعرقلة سير العدالة، وحكمت عليه بالسجن لمدة ٦ سنوات وتم شطب اسمه نهائياً من نقابة الأطباء وسحب رخصته الحيلة دي ممرتش مرور الكرام وبقت تدرس كمثال على التلاعب بالأدلة في بعض مناهج الطب الشرعي وان مينفعش التحليل يعتمد على عينة الدم فقط. طبعا انت ممكن تفتكر ان القصة خيالية أو مبالغة ، لكني هسيبلك مصارد رسمية منها اعترافات الطبيب في المحاكم الكندية وكمان فيه حلقة وثائقية على اليوتيوب فيها البنت نفسها بتحكي اللي حصل وتفاصيل القضية وشهادة محققين الشرطة ، هسيبلكم كمان جزء من الفيديو بتاع سحب عينة الدم في اول تعليق. ✍️ / محمد المغربي

الصورة ديه من فيديو لشخص بيتّاخد منه عينة دم في وجود محقق تابع للشرطة لان الشخص ده كان سبب أنه يخلي الشرطة والطب في كندا في حيرة لمدة ٧ سنين ، لدرجة أنه قضيته بقت مثال في مناهج الطب الشرعي عن التلاعب بالأدلة في اكتوبر ١٩٩٢ في كندا وتحديدا في بلد صغيرة في مقاطعة ساسكاتش كان بيعيش اسرة بسيطة عندهم بنت اسمها "كانديس فونجي"وكانوا بيدلعوها يقولوا لها "كاندي" بنت عندها ٢٣ سنة أم لطفل كاندي كانت بتعاني من نوبات هلع حادة واكتئاب بتتعالج منه، لحد ما تيجي في يوم يجيلها نوبة هلع صعبة جداً، فراحت على العيادة الخارجية للمستشفى عشان تاخد حاجة تهدّيها. وهناك كشف عليها الدكتور "جون شنيبرجر"، اللي كان أشهر دكتور في البلد الصغيرة ديه الدكتور ده كان محبوب جداً والناس بتثق فيه بطريقة غير طبيعية ، لدرجة أن هما مستحيل يصدقوا عليه اي كلمة وحشة الدكتور وقتها طمنها وقالها إنها مجرد حالة توتر وارهاق، واداها حقنة مهدئ قوي جداً وبعد ما اخدتها غابت عن الوعي فوراً، لما بدأت تصحى وتسترد وعيها حست بألم شديد وآثار على هدمومها بتدل ان تم الاعتـ...داء عليها في الوقت ده كانت في حالة صدمة ، لكنها أتصرفت بذكاء وقررت تاخد هدومها اللي عليها الاثار ديه وتحطها في كيس بلاستيك علشان يكونوا دليل على اللي حصل وتقدر تثبت بيهم الواقعة من خلال الشرطة وبالفعل وبكل شجاعة تاني يوم مباشرة اتوجهت كاندي لقسم الشرطة وقدمت بلاغ في الدكتور وقالت كل اللي حصل وسلمتهم الكيس اللي فيه هدومها واللي عليه اثار ما يُثبت جريمته الشرطة قبضت على الدكتور و واجهته بالاتهامات اللي قالتها كاندي لكنه انكر الواقعة وقال انه دكتور ليه سمعته في البلد والناس كلها عرفاه ، بل وأنه كمان قالهم انه مستعد يعمل اي تحليل يتطلب منه علشان يثبت كدب ادعاء البنت بالفعل الشرطة عملت تحليل DNA من الآثار اللي على الهدوم ومن عينة دم خدوها من الدكتور... والنتيجة كانت صدمة لكاندي وأهلها لان التحليل طل مش مطابق الـDNA بتاع الجاني مش بتاع الدكتور خالص! الخبر لما انتشر اهل البلد كانوا متعاطفين جدا مع الدكتور خصوصاً ان زي ما قولنا سمعته في البلد كانت معروفة جداً والناس كلها بتحبه ، ده غير انه متزوج، الدكتور نفسه قال ان البنت بتحاول تبتزه علشان تاخد تعويض وفي الفترة ديه كاندي و اهلها كانوا منبوذين من البلد والجيران لدرجة ان الناس كرهتهم وبطلوا يتعاملوا معاهم، وبقوا في نظرهم عيلة مش كويسة حاولت تبتز دكتور القرية الشريف واتقفلت القضية علي كده بس كاندي ما استسلمتش وكانت عارفة ان فيه حاجة غلط وأن هي لازم تثبت ده ، لحد ما نيجي لسنة ١٩٩٦ في الوقت ده قررت تلجأ لمحقق خاص عشان يراقب الدكتور، المحقق يراقب الدكتور لحد ما في مرة من المرات شافه وهو بيرمي منديل وكوباية قهوة كرتون في صندوق قمامة المحقق استناه لما مشي و اخد الحاجات دي وعملوا ليها تحليل DNA بره على حسابهم والنتيجة كانت صدمة تانية ، لأن المرة ديه التحليل طلع مطابق بنسبة ١٠٠٪ للأثار اللي كانت على هدوم كاندي كاندي رجعت للشرطة بالدليل الجديد، والشرطة فتحت القضية للمرة التانية واستدعت الدكتور، الدكتور وافق بردو بكل ثقة إنه يتسحب منه دم وبالفعل وصل للمكان المخصص للتحاليل وتم سحب عينة الدم منه بس الصدمات مبتقفش وده لأن النتيجة طلعت للمرة التانية غير مطابقة !! طبعا كاندي والمحقق كانوا في حالة من الذهول ، ازاي غير مطابقة وهما عملوا تحليل بنفسهم للحاجات بتاعت الدكتور اللي كانت في صندوق القمامة وطلع التحليل مطابق في الوقت ده الناس كرهت كاندي أكتر لدرجة ان هي اترفدت من شغلها، والقضية اتقفلت تاني بدون اي دليل يدين الدكتور ، عاوز اقولك ان التحليل ده اتعمل ٣ مرات والقضية اتفتحت ٣ مرات وكل مرة يطلع غير مطابق ، لدرجة ان آخر مرة الدكتور راح متطوع وقال انا اللي بطلب ان التحليل يتعمل علشان نقفل بقي القصة ديه ويستمر الوضع بالشكل ده بدون اي تقدم لحد ماحصلت المفاجأة الصادمة اللي قلبت الدنيا بنت زوجة الدكتور من اب تاني طفلة عندها ١٣ سنة راحت تعيط لأمها وقالت لها إن جون بيديها حقن مهدئة بالليل وبيتعدى عليها! الأم واللي كانت طبيبة هي كمان بدأت تفتش وراه، ولقت في مكتبه نفس المخدر اللي كاندي اتكلمت عنه من سنة ونص وقتها الأم طلبت الطلاق وبلغت الشرطة ووقفت في صف كاندي وطلبت ان القضية تتفتح للمرة الرابعة لأن الشخص ده فعلاً معتـ..دي هنا الشرطة عرفت ان فيه حاجة غلط، بالفعل وافقت تفتح القضية للمرة الرابعة، المرة دي، وتحت إشراف صارم وتصوير فيديو من مدير الشرطة شخصياً اثناء اخذ العينة ، ما بس المرة ديه ما اكتفوش بعينة الدم، سحبوا دم، وأخدوا مسحة لعاب من بقه، وشعيرات من راسه وهنا كانت الصدمة ،عينات اللعاب والشعر مطابقة تماماً للـ DNA بتاع المغتصب اما عينة الدم مختلفة ، طب ازاي ؟

أول لقاح في العالم يصممه الـAI! كل سنة تقريبا الناس بتروح تاخد لقاح البرد وده لان فيروس البرد كل سنة بيطور نفسه ويتحور بس الباحثين في كامبريدج البريطانية قرروا يحلوا قصة شكشكة كل سنة دي وجابو الذكاء الاصطناعي واشتغلوا معاه على فكرة عبقرية جدا، خلوا الAI يدرس الجوانب اللي مبتتغيرش في فيروس كورونا وكل الفيروسات التاجية التانية، وبالتالي بدأ الذكاء الاصطناعي يفهم نقاط الضعف في الجوانب اللي مبتتغيرش في الكورونا، مهما الفيروس اتحور وغير من نفسه! وقام الAI طالع بلقاح جديد تماما ينفع لكل اشكال وانواع الكورونا القديمة والحالية والمستقبلية كمان! اللقاح الجديد بدأ اختباراته السريرية بالفعل على البشر والنتايج مبشرة! #اخبار_تكنلوجيا_الصحية

بعد ربع ساعة العطس اليومية، وأنا متضايق كالعادة من الجيوب الأنفية، قابلت خبر عظيم بيقول إن مجموعة من الباحثين في كذا جامعة صينية قدروا يستخدموا مجموعة من النانو روبوتات، اللي سُمكها أقل من شعرة بني آدم، عشان يوصلوها للجيوب الأنفية وتعالج أي إصابة بكتيرية أو فيروسية جواها، وده من خلال توجيه كهرومغناطيسي. ولما الروبوتات دي بتوصل لمكان الإصابة، بيتم تسخينها بشعرية خلايا بصرية عشان تتفاعل كيميائيًا مع البكتيريا أو الفيروس اللي هناك! الفريق البحثي متوقع إن التقنية دي تدخل حيز التنفيذ الفعلي خلال فترة من ٣ لـ ٥ سنين، وممكن توصل لـ ١٠ سنين بسبب القيود التنظيمية والموافقات اللي لازم تتاخد قبل ما يبدأوا يستخدموها فعليًا! #اخبار_تكنلوجيا_الصحية

زيارة واحدة لاي مستشفي حكومي او معهد قومي (لاي مرض مزمن) هتخليك تشوف ناس ربنا جامع عليهم المرض والفقر لسبب لا يعلمه إلا هو. العشرة جنيه التي لا تمثل لك أي قيمة فى الزمن الحالي في ناس بتكون واقفة مش قادرة تدفعها، مشاهد لا توصف من صعوبتها لعجائز و أطفال عافاهم الله من كل سوء، مهما كانت صعوبات حياتك فصدقنى انت فى نعمة كبيرة اسمها (العافية) انت و اللي حواليك، ولو قدرت تتصدق شكرا لنعمة العافية والستر .. كل المستشفيات والمعاهد يمتلئ أركانها بمن يحتاج علاج أو تذكرة كشف وهوّنها على نفسك واحمد ربك على كل حال وخفف عن غيرك ليشملك رحمة الله تعالى #share ♥️

📌📌📌 تفاصيل تسجيل البيانات: 📌📌📌 أولاً فترة تسجيل البيانات: يُفتح الموقع لتسجيل البيانات لمدة 14 يوماً، (تبدأ يوم الأربعاء الموافق 18 فبراير 2026 وتنتهي 3 مارس 2026) ثانياً الصورة اللي بعتها قبل المسج دي كانت لتسجيل البيانات لدفعة 2023، لما دخلوا علي الموقع ظهر ذي مانت شايف، تسجيل البيانات كالآتي: ⬇️ 1/المعهد لما تضغط عليها هيظهرلك كل معاهد الجمهورية، هتختار معهد فني صحي أسيوط. 2/الشعبة لما تضغط، هيظهرلك كل الشُعب الموجودة في المعهد، هتختار شعبة فني التمريض. 3/الإسم بمجرد ماتختار المعهد والشعبة وبعدها تضغط علي الإسم، هتلاقي الموقع تلقائي جابلك كل الأسامي اللي في شُعبة المعهد اللي أنت اختارته، يعني هتختار الأول المعهد والشعبة وبعدين تضغط علي الإسم وتشوف لحد ماتلاقي اسمك وتضغط عليه. 4/المجموع التراكمي هتكتب مجموعك بالدرجات (مجموع تانية معهد) لو حد مش عارف مجموعه يبعتلي. 5/رقم الخريج بمجرد ماتختار المعهد والشعبة والإسم وتكتب مجموعك، هيظهرلك رقم الخريج، ضروري تحتفظ بيه علشان هتحتاجه في تسجيل الرغبات. 6/الجنس ذكر أو أنثي. 7الحالة الإجتماعية متزوج/أعزب 8/تاريخ الميلاد تكتب فيها تاريخ ميلادك. 9/محافظة الميلاد هتكتب المحافظة اللي اتولدت فيها. 10/محافظة السكن هتكتب المحافظة اللي عايش دلوقتي فيها(محل إقامتك اللي في البطاقة). 11/الرقم القومي ال14رقم اللي في بطاقتك الشخصية. 12/تأكيد الرقم القومي هتكتب الرقم القومي تاني. 13/اسم الوالدة رباعي هتكتب اسم الأم رباعي. 14/الهاتف المحمول هتكتب رقمك اللي معاك. بس كده وبعد ماتخلص كل حاجة تضغط حفظ وتتأكد إن بياناتك اتحفظت وتاخد اسكرين. ـــــــــــــــــــــــــــــــــــــــــــــــــــــــــــــــــ المعهد،الإسم،الشعبة، انت مش هتكتبهم بالحرف، انت هتلاقي كل البيانات أمامك، تضغط علي المعهد وتختار معهد فني صحي أسيوط، والشعبة تختار فنيين التمريض، والإسم تختار اسمك وبالنسبة لمحافظة الميلاد هتكتب المحافظةاللي اتولدت فيها القاهرة مثلا او المنيا ولو فيه حد غير كدا يكتب علي حسب منين. لكن محافظة السكن يقصد بيها المحافظة اللي محل إقامتك الحالي اللي موجود في البطاقة الشخصية واللي انت عايش فيها حالياً. (ممكن تكون مولود في أسيوط ومحل إقامتك حاليًا في القاهرة عادي ف انت هتكتب ذي ماهو طالب محافظة الميلاد أسيوط،ومحافظة السكن القاهرة،ولو مولود في أسيوط وعايش في أسيوط(محل إقامتك اللي في البطاقة) هتختار الاتنين أسيوط. أما رقم الخريج مهم جداً؛ لأنك هتحتاجه في تسجيل الرغبات، بعد ماتختار المعهد والشعبة والاسم هتلاقي رقم الخريج ظهرلك، احتفظ بيه وخد اسكرين علشان لما تحتاجه. الكلام ده كان السنة اللي فاتت لدفعة 2023، ممكن يكون نفس الكلام لينا بدون تغيير، وممكن ووارد جداً يحصل تغيير لأن السنة الماضية كان التسجيل للدور الأول فقط لكن هذا العام *الموقع هيتفتح للدور الأول والثاني معاً*، وهذا قد ينتج عنه بعض التغيرات، بس لما الموقع يفتح إن شاءالله هنتابع أول بأول بس أنا عرفتك اللي حصل علشان لو اتكرر تكون عارف هتتصرف ازاي، ولو حصل تعديل أو تغيير نبقا نتكلم لو فيه وقت. الرجاء من الجميع الدقة، وعدم كتابة أي معلومة خاطئة أثناء تسجيل البيانات؛ لأن هذا قد يؤثر علي تكليفك. تسجيل البيانات حاجة سهلة لإنها بيانات شخصية وتسجيلها مش هياخد من وقتك أكتر من خمسة دقائق، لكن تسجيل الرغبات فيه تفاصيل كتير كتير بس مش هنتكلم عنها دلوقتي، الموقع هيفتح لتسجيل البيانات لمدة 14 يوم وانت اصلا التسجيل مش هياخد منك دقيقتين، بعد مايفتح الموقع والناس تسجل البيانات نبدأ نتكلم في تسجيل الرغبات. ،،، _بالتوفيق للجميع_ ُ انضم للقناة دي لو بتدور علي كورسات أو فرص عمل

لينك تسجيل البيانات والرغبات ⬇️📌📌📌⬇️ http://mhealth.cu.edu.eg/

رسمياً فتح موقع تسجيل البيانات لخريجي دفعة 2024 معاهد التمريض... هتدخل تسجل من ع اللينك ده ان شاء الله http://mhealthelg.cu.edu.eg/studentdata.aspx لو لقيت الموقع تقيل ومبيفتحش ده عادي عشان العدد كبير متقلقش.. وسؤال مهم بيتكرر كتير 👇👇 معهد فني تمريض بعد ثانوية عامة ليه تسجيل؟! والاجابة لا ملوش تسجيل اي حاجه ولا بيانات ولا رغبات التكليف مباشر لمعهد فني تمريض بعد ثانوية عامة.. بالتوفيق❤

خريجات المعهد الصحي للقوات المسلحة، ويظهر في الخلف خريجوا المعهد الصحي ذكور، وهو تابع لإدارة الخدمات الطبية بالقوات المسلحة. نقلا عن - بوابة الدفاع المصرية - Egypt Defense Portal * الإناث في القوات المسلحة يكنّ إما ضابطات صف خريجات المعهد الصحي او ضابطات متخصصات من كليات " الصيدلة - التمريض - العلاج الطبيعي - الآداب قسم علم النفس و الاجتماع " ولا يخدمن في أية إدارات أو وحدات أخرى. مدة الدراسة بالمعهد عامان يحصل بعدها الخريج على شهادة الدبلوم الصحي بدرجة ( رقيب ) بالقوات المسلحة يتدرج بعدها في الترقي إلي الدرجات والرتب المختلفة طبقا للتعليمات الصادرة في هذا الشأن. كما يتأهل الخريج ببعثات داخل وخارج الجمهورية للتخصص فى أفرع التمريض المختلفة.

كان في حد اقترح الفكرة دي أنهم عايزين يعملوا فكرة ان ال Gloves يكون بالشكل ده عشان ف حالة الطوارئ او الاريست او لو مفيش وقت تقدر تسجل ال vital signs بسهولة ايه رايكم ف الفكرة؟! شايفها حلوة جدا ❤️ محتاجة تنفيد 🔥

بنفكركم أننا عندنا منصة تعليمية في مجال التمريض وعندنا جروبات من اول أولي ثانوي لحد تانية معهد وقريب جدا للكليات 🙏 ودي سلسلة الجروبات والقنوات وكلها بشكل مجاني ❤️ https://t.me/TamreDko_class/748 وبنشارك معاكم جزء من مشاريع تمريضكو ونجاحاتنا بتوفيق ربنا الحمد لله 🤲

ما تيجوا تفرحوا معانا بالانجاز ده ؟ ✨ دلوقتي نقدر نقول اننا بعد ما عملنا جروب خاص ل شرح فقط مادة العملي وسميناه العملي فالخمسينة ☕ يصبح أحد جروبات وقنوات سلسلة تمريضكو كلاس ونبقي بنينا اكبر سلسلة قنوات وجروبات تعليمية وبشكل مجاني تماما عشان يستفيد منها اكبر قدر من الطلاب وتوصل لأكبر عدد من الناس حقيقي مبسوطين جدا من الإنجاز ده ومبسوطين من تمريضكو كلاس دلوقتي اللي بتعتبر حاليا من أكبر المنصات التعليمية في مجال التمريض ❤️ احنا فخورين بيكم لأننا من غيركم مكناش هنبني كل السلسة دي وبنفكركم كمان دايما أن سلسلة قنواتنا وجروباتنا بتمتدد من اول أولي ثانوي لحد تانية معهد وقريب جدا هنعمل جروبات للكليات وهنبدا نشتغل علي برامج جديدة والدفعة اللي هتتخرج السنة دي أن شاء الله هتكون دفعة محظوظة جدا معانا لأننا هنعلن عن مفاجأة كبيرة هتعجبكم ❤️

قناع الملك توت عنخ آمون فوق المتحف المصري الكبير ، يبدو أننا في انتظار حدث أسطوري 🇪🇬