Валерий Николаев, Глава Верхневилюйского района

Бүгүн, атырдьах ыйын 14 күнүгэр, Үөһээ Бүлүүгэ Саха Өрөспүүбүлүкэтин үөрэҕин уонна билимин миниистирэ Нюргуна Афанасьевна Соколова үлэ сырыытынан кэлэн, улууспут үөрэҕэриитин тутаах боппуруостарыгар сүбэ мунньахтаатыбыт. Бу күннэргэ СӨ үөрэҕэриитин министиэристибэтин үлэһиттэрэ Бүлүү бөлөх улуустарыгар үөрэҕирии сайдыытын кытта билсэр сыаллаах үлэ сырыытынан сылдьаллар. Биһиги улууспутугар ыытыллыбыт мунньахха үөрэҕирии салаатын сайдыытыгар олус суолталаах боппуруостар көтөҕүлүннүлэр. Мунньахха сүрүн этиммит кыһалҕабыт - Үөһээ Бүлүүтээҕи техникум уонна Ороһу оскуола-уһуйаанын тутууларын хаамыыта уонна тутуулар туруктара. Санатан этэр буоллахха, техникум саҥа дьиэтин тутуу бырайыага оӈоһулла сылдьар, сэтинньи ыйга диэри түмүктэнэн экспертизаҕа киириэхтээх. Онтон Ороһу оскуолатын тутуута түмүктэнэригэр бүддьүөттэн эбии 380 мөл. солкуобай көрүллэрэ ирдэнэр. Билигин бастакынан, тутуу холлоҕоһун харыстыыр туһуттан, тутуу сарайын бүрүйүүгэ үп көрдүүбүт. Маныаха бу кэмҥэ биир дойдулаахпыт, Ил Түмэҥҥэ Үөһээ Бүлүү-Горнай улуустарыттан депутатка кандидат Николай Николаевич Долгунов сарайы бүрүйүүгэ үбү көрдөөһүҥҥэ үлэлэһэ сылдьара олус күүс-көмө буолар. Маны таһынан, мунньахха Үөһээ Бүлүү улууһун үөрэҕэриитин салайааччытын солбуйааччы Леонид Огочонов быйылгы ОГЭ уонна ЕГЭ түмүктэрин, выпускниктар үөрэххэ киириилэрин бырыһыанын туһунан сиһилии отчуоттаата. Ону кытта, саҥа үөрэх сылыгар хас оҕо бастакы кылааска киирэрин уонна хас выпускник баарын туһунан иһитиннэрдэ, саҥа үөрэх сылыгар үөрэх кыһалара төһө бэлэмнэрин туһунан отчуоттаата. Балаҕан ыйын 1 күнүгэр диэри олус кылгас кэм хаалла. Оҕолорбут уонна устудьуоннарбыт саҥа үөрэх сылыгар толору бэлэм буолалларын туһугар күүстээх бэлэмнэнии үлэтэ салҕанар. #ҮөһээБүлүү #Үөрэҕирии150 T.me/ValeriNikolaev

Дьокуускай куоракка биир дойдулаахпытын, "Алмазэргиэнбаан" генеральнай директорын Николай Николаевич Долгунову кытта көрүстүм. Николай Николаевич быйыл күһүн ыытыллар Үөһээ Бүлүү-Горнай улуустарыттан Ил Түмэн депутатын талыы быыбарыгар "Биир ньыгыл Россия" партияттан кандидат. Кини, кандидат быһыытынан, улууска баар кыһалҕалары быһаарарга бэйэтин этиитин, санаатын үллэһиннэ. Ол курдук, бу күннэргэ интернет ситиминэн киэҥник тарҕаммыт Үөһээ Бүлүүтээҕи киин балыыһа үлэһиттэрин видеотын көрөн, улууска хирург суоҕун сытыы кыһалҕатын быһаарарга СӨ доруобуйа харыстабылын министиэристибэтигэр туруорсан үлэлэһэргэ бэлэмин биллэрдэ. Бу боппуруос улуус олохтоохторун олус долгутар, онон Николай Николаевич көмөтө олус суолталаах. Маны тэӈэ, Ороһу нэһилиэгэр тутулла турар оскуола сарайын бүрүйүүгэ үп көрдөөһүнүгэр ыарахаттары көрсүбүппүтүн киниэхэ иһитиннэрдим. Маныаха, Николай Николаевич СӨ үп министиэристибэтин кытта ыкса үлэлэһэн үбү кылгас кэмҥэ буларга сорук туруорунна. Николай Николаевич бу күннэргэ Үөһээ Бүлүүгэ биир дойдулаахтарын кытта көрсө, кэпсэтэ, улуус үлэтин-хамнаһын билсэ кэлэрин биллэрдэ. #ҮөһээБүлүү #НиколайДолгунов T.me/ValeriNikolaev

Ытыктабыллаах Тутааччылар, Үөһээ Бүлүү улууһун олохтоохторо! Үөһээ Бүлүү улууһун дьаһалтатын уонна тус бэйэм ааппыттан эһигини идэлээх бырааһынньыккытынан – Тутааччы күнүнэн – ис сүрэхпиттэн итиитик-истиҥник эҕэрдэлиибин! Бу күн биһиги улууспут сайдыытыгар, тупсуутугар күүс-күдэх уурар, саҥа дьиэлэри, социальнай, култуура уонна промышленнай эбийиэктэри тута сылдьар дьоһуннаах үлэһиттэрбитигэр ананар. Эһиги күн аайы кэскили түстүүр уонна биһиги олохпут чэчирии сайдарыгар улахан кылааты киллэрэр дьоҕурдаах, тутаах үлэһит дьоӈӈут. Эһиги сыралаах үлэҕит түмүгүнэн улууспут көстүүтэ, сайдыыта тупсар, саҥа эйгэлэр үүнэн тахсаллар, дьоммут-сэргэбит аныгы, табыгастаах усулуобуйаҕа олороллор, үөрэнэллэр уонна үлэлииллэр. Бу кэрэ-бэлиэ күн эһиэхэ, ытыктабыллаах тутааччыларга, чугас дьоҥҥутугар-сэргэҕитигэр баҕарабын чэгиэн доруобуйаны, дьолу-соргуну, үлэҕитигэр ситиһиилэри! Үлэҕит дьоһуннаах буоллун, хас биирдии саҥа бырайыаккыт саҥа кыайыылары аҕаллын! Эҕэрдэни кытта, Үөһээ Бүлүү улууһун баһылыга В. В. Николаев #ДеньСтроителя #ТутааччыКүнэ T.me/ValeriNikolaev

Үөһээ Бүлүү улууһугар ОТТООҺУН биирдиилээн нэһилиэктэринэн атырдьах ыйын 6 күнүнээҕи туругунан көрдөрүүтэ: 🌾 Балаҕаннаах – кээһилиннэ - 156,00 тн (Былаан: 533 тн., былаан туолуута - 28,94%) 🌾Боотулуу- кээһилиннэ - 1690,00тн(Былаан: 2120 тн, туолуута - 79,72%) 🌾Быракаан - кээһилиннэ- 62,00 тн(Былаан-379тн, туолуута- 16,36%) 🌾Үөһээ Бүлүү – кээһилиннэ - 200,00 тн(Былаан: 630 тн., туолуута - 31,75%) 🌾 Далыр –кээһилиннэ - 1590,00 тн, (Былаан: 2240 тн., туолуута - 70,98%); 🌾Дүллүкү – кээһилиннэ - 925,00 тн (Былаан: 2675 тн., туолуута - 34,58%); 🌾Үөдүгэй - кээһилиннэ - 120,00 тн, (Былаан: 13,19 тн. ); 🌾 Кырыкый – кээһилиннэ -500,00 тн (Былаан: 1084 тн.  туолуута - 46,13%); 🌾 Кэнтик – кээһилиннэ - 537,00 тн, (Былаан: 1250 тн., туолуута - 42,75%); 🌾 Маҥаас -  кээһилиннэ - 265,00 тн,(Былаан: 1090 тн., туолуута -24,31% ) 🌾 Мэйик - кээһилиннэ - 1020,50 тн  (Былаан: 1910 тн. , туолуута - 53,43%); 🌾Нам – кээһилиннэ - 770 тн (Былаан: 1440 тн., туолуута -53,47%); 🌾Оҥхой - кээһилиннэ- 500,00 тн (былаан - 1455тн, туолуута -34,36%) 🌾Өргүөт -  кээһилиннэ - 75,00 тн (былаан- 390 тн, туолуута- 19,23%) 🌾Ороһу –кээһилиннэ - 744,00 тн, (Былаан: 2010 тн., туолуута - 37,01% ); 🌾 Сургуулук – кээһилиннэ -  509,36тн (Былаан: 1040 тн., туолуута - 48,98% ); 🌾Тамалакаан –кээһилиннэ - 606,00 тн,    (Былаан: 970 тн., туолуута - 62,47% ); 🌾Туобуйа -  кээһилиннэ - 66,00 тн (былаан - 340 тн., туолуута- 19,41%) 🌾 Харбалаах - кээһилиннэ - 537,00 тн, (Былаан: 890 тн., туолуута -60,34% ); 🌾Хомустаах - кээһилиннэ - 360,00 тн (былаан- 850 тн, туолуута - 42,35%) 🌾Хоро - кээһилиннэ - 789,00 тн ( былаан - 1500 тн, туолуута- 52,60%) Улуус үрдүнэн кээһилиннэ: 12021,86 Былаан туолуута - 46,74% Барыта охсулунна - 10818,20 га кээһилиннэ - 12021,86тн. Сенаж -1300 Сиилэс - 300 Былаан - 25718 тн Тыа хаһаайыстыбатын управлениетын пресс- киинэ

Мэйик уонна Далыр нэһилиэктэригэр үлэ сырыытынан сылдьан, тыа хаһаайыстыбатын уонна социальнай эбийиэк тутуутун хаамыытын көрдүбүт. Мэйик нэһилиэгэр: Бастатан туран, Мэйик нэһилиэгин эдэр фермерын Потапов Александр Николаевич тэриллиилээх хаһаайыстыбатыгар тутулла турар кыра кыамталаах хотону көрдүбүт. Быйыл Үөһээ Бүлүү улууһугар кыра кыамталаах хотоннору тутуу, саҥардыы бырагыраамматынан икки тэриллиилээх хаһаайыстыба, Мэйиккэ уонна Тамалакааҥҥа, хотон тута сылдьаллар. Мэйик эдэр кэскиллээх фермера Александр Потапов хотонун тутуутун түмүктүүр түһүмэҕэр кэлбит. Былырыын агростартапка кыайан хаһаайыстыбатын кэҥэтэргэ эбии көмө ылбыта. Ол түмүгэр, былырыын 49 төбө сүөһүлээх эбит буоллаҕына, быйыл 112 төбөҕө диэри элбэппит. Оттооһун былаанын толорон иһэллэр, үүтү 9 тоннаны туттарбыттар. Маны тэҥэ, Мэйик нэһилиэгин үүт тутар собуотугар сырыттыбыт. Билиҥҥитэ барыта 32,5 тонна үүт туппуттар. Быйылгы былаан 96,5 тоннаҕа тэҥнэһэр. Үлэ тэтимнээхтик бара турар. Далыр нэһилиэгэр: Салгыы Далыр нэһилиэгэр сылдьан спорт саалатын фундаменын көрдүбүт. Спорт саалатын тутуу боппуруоһа Саха Өрөспүүбүлүкэтин Бырабыыталыстыбатын отчуоттуур мунньаҕар нэһилиэнньэ элбэхтэ туруорсубута. Бу тутууну үбүлээһиӈӈэ билигин үп көрдөөһүн үлэтэ бара турар. Улуустан үп көрөн, тутуу фундаменыгар үлэ саҕаламмыта. Билигин фундамены оҥоруу бастакы түһүмэҕэ түмүктэммит. Саҥа спорт саалата 648 кв. м. иэннээх буолара былааннанар. Мантан салгыы "Трудовой" учаастакка "Верхневилюйский" СХПК үлэтин көрдүбүт. Оттуур ходуһаларга сылдьан, от былаанын толоруу хаамыытын билистибит. Үүт тутар собуот 89,8 тонна үүтү туппуттар, быйылгы былаан 185 тоннаҕа тэҥнэһэр. Күҥҥэ 600-тэн тахса литр үүтү тута тураллар. Маслоцех 1,5 тонна арыыны оҥорон таһаарбыт. #Далыр #Мэйик #ҮөһээБүлүү T.me/ValeriNikolaev

Ытыктабыллаах Саха Өрөспүүбүлүкэтин дьоно- сэргэтэ! 1975-1996 сыллаах ВЫПУСКТАРГА III култуурунай уонна успуорт фестивала ыытылларын биллэрэбит! 🍃🍂🍃🍂🍃🍂🍃🍂🍃🍂🍃🍂 Атырдьах ыйын 21 күнэ. ⚜️ Кыттааччылар киириилэрэ (заезд). ⚜️ «Хотун БүлүүDisco» үҥкүү киэһэтэ. Атырдьах ыйын 22 күнэ. ⚜️Фестиваль арыллыыта. ⚜️Успуорт күрэхтэрэ. Атырдьах ыйын 23 күнэ. ⚜️Култуура күрэхтэрэ. ⚜️Түмүктүүр тэрээһин. Бу үөрүүлээх тэрээһинҥэ бииргэ улааппыт доҕотторгутун кытары ыалдьыттыыргытыгар ыҥырабыт! Буолар сирэ-күнэ: Үөһээ Бүлүү, Түгэхтэй алааһа. Атырдьах ыйын 21-23 күннэрэ.

Бүлүү өрүс хаӈас биэрэгин газтааһын бастакы түһүмэҕэ бигэргэннэ. Бүгүн, от ыйын 29 күнүгэр, Дьокуускай куоракка Российскай Федерация Бырабыыталыстыбатын Бэрэсэдээтэлин солбуйааччы, Уһук Илин федеральнай уокурукка РФ Президенын боломуочуйалаах бэрэстэбиитэлэ Юрий Петрович Трутнев салайыылаах Арктика уонна Уһук Илин социальнай-экономическай сайдыытыгар Бырабыыталыстыбанай Хамыыһыйа сүбэ мунньаҕа ыытылынна. Мунньахха Саха Өрөспүүбүлүкэтин Ил Дархана Айсен Сергеевич Николаев, ону кытта РФ Уһук Илин уонна Арктика сайдыытын миниистирэ Алексей Олегович Чекунков кыттыыны ыллылар. Бу мунньахха Үөһээ Бүлүүлэри олус долгутар боппуруоспут көтөҕүлүннэ. Мунньах түмүгэр Бүлүү өрүс хаҥас биэрэгин гаастааһын үлэтин бастакы түһүмэҕэ бигэргэннэ! Санатан этэр буоллахха, СӨ Ил Дархана Айсен Сергеевич тыа сирин газтааһыӈӈа Сорудаҕын чэрчитинэн "Сахатранснефтегаз" АУо Үөһээ Бүлүү улууһун 10 нэһилиэгин газтыырга бырайыак үлэтин саҕалаабыта. Билигин бырайыактааһын үлэтэ түмүктэнэн, сүрүн үлэҕэ киирии күүтүллэр. Былаан быһыытынан Тамалакаан нэһилиэгиттэн газ турбата Бүлүү өрүһү туораан, өрүс уҥуоргу нэһилиэктэргэ тиийэрэ күүтүллэр. Тамалакаан нэһилиэгиттэн Маҥаас нэһилиэгэр тиийэр 79,2 км уһуннаах магистральнай газ турбата 3 түһүмэҕинэн тардыллыаҕа. Магистральнай газ турбатын тардыы кэрдиистэрэ: • Бастакы бигэргэммит түһүмэх (2026-2029 сс.): 32 км уһуннаах Тамалаакаантан Дүллүкүгэ тиийэр газ турбата тардыллыаҕа. Маныаха эбии Хомустаах уонна Хоро нэһилиэктэрэ газ ситимигэр холбонуохтара. • Иккис түһүмэх (2027-2030 сс.): 21,8 км уһуннаах Дүллүкү нэһилиэгиттэн Далыр нэһилиэгэр тиийэр магистральнай газ турбата тардыллар. Маны сэргэ, Мэйик уонна Кырыкый нэһилиэктэрэ газ ситимигэр холбонуохтара. • Үһүс түһүмэх (2027-2031 сс.): Далыр нэһилиэгиттэн Маҥаас нэһилиэгэр тиийэ 25,4 км уһуннаах газ турбата тардыллыа. Маныаха Боотулуу, Көтөрдөөх уонна Сургуулук нэһилиэктэригэр газ ситимэ холбонуо. Бу гаастааһын бырайыага Үөһээ Бүлүү улууһун олохтоохторугар чэпчэки уонна экологическай өттүнэн ыраас оттугунан хааччыйыаҕа. Тыа сирин олоҕун тупсарыыга уонна улуус сайдыытыгар саҥа кэскиллэри арыйыаҕа. Бу улахан бырайыак олоххо киирэригэр РФ Бырабыыталыстыбатын Бэрэсэдээтэлин солбуйааччыга, Уһук Илин федеральнай уокурукка РФ Президенын боломуочуйалаах бэрэстэбиитэлигэр Юрий Петрович Трутневка, СӨ Ил Дарханыгар Айсен Сергеевич Николаевка уонна "Сахатранснефтегаз" АУо тэрилтэҕэ махталбытын тиэрдэбит! Быйылгы сылтан өр кэтэспит ыра санаабыт олоххо киирэр түһүмэҕэ саҕаланар. #ГазификацияЛевобережьяВилюй #Газификация #ЮрийТрутнев #АйсенНиколаев T.me/ValeriNikolaev

☘Ааспыт нэдиэлэттэн улууска оттооһун күргүөмнээхтик саҕаланна. Быйыл уһун ардахтар тураннар, хайа да сыллааҕар хойутаан окко киирии буолла. Ол эрэн, билигин үксүн тиэхиньикэнэн оттуур буолан хаһаайыстыбалар үтүө күннэри баттаһа, күүстээхтик окко туруннулар. Үөһээ Бүлүү улууһугар ОТТООҺУН биирдиилээн нэһилиэктэринэн от ыйын 28 күнүнээҕи туругунан көрдөрүүтэ: 🌾 Балаҕаннаах – охсулунна - 9 га,  кээһилиннэ - 6,2 тн (Былаан: 533 тн.) 🌾Үөһээ Бүлүү – охсулунна - 15  га, кээһилиннэ - 0,  (Былаан: 630 тн.) 🌾 Далыр – охсулунна - 310 га, кээһилиннэ - 235 тн, (Былаан: 2240 тн.); 🌾Дүллүкү – охсулунна -226 га, кээһилиннэ - 235 тн (Былаан: 2675 тн.); 🌾Үөдүгэй - охсулунна 8 га, кээһилиннэ - 0, (Былаан: 910 тн. ); 🌾 Кырыкый – охсулунна - 90 га, кээһилиннэ -110 тн (Былаан: 1084 тн. ); 🌾 Кэнтик – охсулунна- 230 га. кээһилиннэ - 153 тн, (Былаан: 1250 тн. ); 🌾 Маҥаас -  охсулунна - 51 га, кээһилиннэ - 14 тн,(Былаан: 1090 тн. ) 🌾 Мэйик - охсулунна -195, кээһилиннэ - 120,75  (Былаан: 1910 тн. ); 🌾Нам – охсулунна - 350 га, кээһилиннэ - 120 тн (Былаан: 1440 тн. ); 🌾Оҥхой - охсулунна - 25 га, кээһилиннэ- 12 тн (былаан - 1455тн) 🌾Өргүөт - охсулунна - 21 га, кээһилиннэ - 30 тн (былаан- 390 тн) 🌾Ороһу –охсулунна - 19 га, кээһилиннэ - 4 тн, (Былаан: 2010 тн. ); 🌾 Сургуулук –  охсулунна - 66 га, кээһилиннэ -  79,2 тн (Былаан: 1040 тн. ); 🌾Тамалакаан –охсулунна -36 га, кээһилиннэ - 3 тн,    (Былаан: 970 тн. ); 🌾Туобуйа - охсулунна - 50 га, кээһилиннэ - 10 тн (былаан - 340 тн) 🌾 Харбалаах - охсулунна - 140 га, кээһилиннэ - 100 тн, (Былаан: 890 тн. ); 🌾Хомустаах - охсулунна - 300га, кээһилиннэ - 45 тн (былаан- 850 тн) 🌾Хоро - охсулунна - 165 га, кээһилиннэ - 102 тн ( былаан - 1500 тн) Барыта: охсулунна - 2 354 га кээһилиннэ - 1526,15 тн.) Былаан - 25718 тн Тыа хаһаайыстыбатын управлениетын пресс- киинэ

Үөһээ Бүлүү улууһугар ҮҮТ ТУТУУТУН биирдиилээн нэһилиэктэринэн от ыйын 24 күнүнээҕи туругунан көрдөрүүтэ: 🫙 Балаҕаннаах – 35 466,16кг. (Былаан: 60 тн.) 🫙 Үөһээ Бүлүү – 7 301,08 кг. (Былаан: 20 тн.) 🫙 Далыр – 77 170,74 кг. (Былаан: 185 тн.); 🫙 Дүллүкү – 8 814,40 кг. (Былаан: 23 тн.); 🫙 Үөдүгэй - 22 376,99 кг. (Былаан: 50 тн. ); 🫙 Кырыкый – 28 682,25  кг. (Былаан: 65 тн. ); 🫙 Кэнтик – 15 209,56 кг. (Былаан: 25 тн. ); 🫙 Маҥаас - 10 290,23 кг. (Былаан: 20,4 тн. ); 🫙 Мэйик - 27 150,58 кг. (Былаан: 96,5 тн. ); 🫙 Нам – 150 657,42   кг. (Былаан: 362 тн. ); 🫙 Ороһу – 273 927, 62 кг.  (Былаан: 581 тн. ); 🫙 Сургуулук – 78 020, 72 кг. (Былаан: 135,8 тн. ); 🫙 Тамалакаан – 54 114,29 кг.  (Былаан: 89 тн. ); 🫙 Харбалаах - 11 003, 09 кг. (Былаан: 18 тн. ); Барыта: 800 185,13 кг (Былаан - 1 738 700 кг) Кэтэх хаһаайыстыбалар "Түмсүү" СПОК нөҥүө үүт туттарыыларын көрдөрүүтэ: Уопсай былаан: 362 560 кг. 🥛Сургуулук -23 315, 17 кг. 🥛Туобуя - 10 705, 54 кг. 🥛Тамалакаан- 5 585, 51 кг. 🥛 Маҥаас - 39 522, 63 кг. 🥛Хомустаах - 30 076, 89 кг. 🥛Көтөрдөөх - 12 596, 69 кг. 🥛 Боотулуу -  22 956, 62 кг. 🥛Мэйик - 6 478,64кг. 🥛Дүллүкү - 17 771, 40 кг. 🥛Харбалаах - 15 233, 35 кг. Барыта: 184 242, 44 кг (Былаан - 362 570 туонна) Үүт туттарыытын уопсай түмүгэ: 984 427,57 кг ✅Оҥхой, Өргүөт, Быракаан, Хоро нэһилиэктэригэр үүтү туттарбаттар. Тыа хаһаайыстыбатын управлениетын пресс- киинэ

Улууспут тыа хаһаайыстыбатынан дьарыктанар дьонугар уматыгы тиэрдии - биир сүрүн сорук буолар. Бүгүҥҥү туругунан, от ыйыгар нэһилиэктэр уматыгы ылыыларын көрдөрүүтэ: АЗС №39 Үөһээ Бүлүү с. 1. Кэнтик - 2000 л. 2. Нам - 2830 л. 3. Ороһу - 3030 л. 4. Үөһээ Бүлүү - 1850 л. 5. Үөдүгэй - 1140 л. 6. Өргүөт - 1740 л. 7. Быракаан - 740 л. 8. Харбалаах - 2000 л. 9. Балаҕаннаах - 2000 л 10. Тамалакаан - 2000 л. АЗС №61 Хоро 1. Дүллүкү - 2620 л. 2. Далыр - 3200 л. 3. Боотулуу - 1220 л. 4. Хомустаах - 1950 л. 5. Мэйик - 1740 л 6. Оҥхой - 1400 л. 7. Хоро - 1185 л. Барыта:  32645 л Бу көрүллүбүт лимиит 80% тэҥнэһэр. "Кэлэр кыстыгы көрсө сүөһү аһын бэлэмнээһининэн дьарыктанар хаһаайыстыбалар төһө уматыкка наадыйалларын көрөн, аныгы ыйга эмиэ сөптөөх усулуобуйа оҥоһуллуоҕа",- диэтэ улуустааҕы тыа хаһаайыстыбатын управлениетын салайааччыта Семен Семенович Васильев. Тыа хаһаайыстыбатын управлениетын пресс-киинэ

Үлэ сырыытыттан быһа тардыы. Үөһээ Бүлүү улууһугар Ил Дархан Айсен Николаев уонна СӨ Бырабыыталыстыбатын чэлиэттэрэ Үөһээ Бүлүүгэ. #АйсенНиколаев #ПравительствоЯкутии #ҮөһээБүлүү

Салгыы Үөһээ Бүлүүгэ Саха Өрөспүүбүлүкэтин Ил Дарханын сорудаҕынан тутулла турар элбэх хайысхалаах дьиэ кэргэн киинин тутуутун хаамыытын бэрэбиэркэлээтибит. Бу социальнай эбийиэги бэдэрээтчит «Газген» ХЭТ тута сылдьар. Тутуу үлэтэ инвестордар көмөлөрүнэн уонна үбүлээһиннэринэн бара турар. Тутуу миэстэтигэр инвестор "Стандарт 14" ХЭТ директора Намын Александр Михайлович көрсөн, үлэ хаамыытын билиһиннэрдэ. Үлэ быйыл ыам ыйын 26 күнүттэн саҕаламмыта. Бу тутууга өрөспүүбүлүкэ уонна улуус бүддьүөттэриттэн үбүлээһин көрүллүбэтэҕэ, толору биир дойдулаахтарбыт инвестордар уонна бэдэрээтчит тэрилтэтин үбүлээһининэн ыытыллар. Саҥа элбэх хайысхалаах дьиэ кэргэн киинэ икки этээстээх 766,8 м² иэннээх буолуоҕа. Киин дьиэ кэргэттэргэ араас өҥөлөрү оҥоруо, олохтоохторго сөптөөх өйөбүлү, сынньалаҥы уонна сайдыыны хааччыйыа диэн эрэнэбит. Билиҥҥи туругунан тутуу 28% оӈоһуллубут. Бу эбийиэк тутуллуута Үөһээ Бүлүү улууһун социальнай инфраструктуратын сайдыытыгар саҥа кэскили арыйыаҕа. Биир дойдулаахтарбытыгар, инвестордарга уонна подрядчик тэрилтэҕэ махталбытын тиэрдэбит! #АйсенНиколаев #Стандарт14 #ҮөһээБүлүү

Саха Өрөспүүбүлүкэтин Ил Дархана Айсен Сергеевич Николаев Үөһээ Бүлүү улууһугар үлэ сырыытын кэмигэр котельнайдары децентрализациялааһын программатынан тутуллубут саҥа модульнай котельнайы көрдө. Бу котельнай "ВТК" ХЭТ саҥа коммунальнай хаһаайыстыба тэрилтэтин закааһынан "Стандарт 14" ХЭТ бэйэтин суотугар тутта. Билигин котельнайга холбонуу 80% түмүктэммит. Бу "Стандарт-14" тэрилтэ быйыл улууспутугар барыта 11 автоматизированнай котельнайы тутара былааннанар. Билигин икки котельнай тутуута түмүктэннэ: Кэнтик нэһилиэгэр уонна Оҕо искусствотын оскуолатын сиригэр. Атын 9 котельнай тутуута бара турар. Тэрилтэ салайааччыта Александр Михайлович Намын бэлиэтииринэн котельнайдар ититии сезона саҕаланыан иннинэ толору тутуллан бары бииргэ үлэҕэ киириэхтээхтэр. Быйыл улууспутугар теплоэнергетикаҕа улахан уларыйыылары саҕалаата. Ол чэрчитинэн, «Верхневилюйская тепловая компания» диэн саҥа тэрилтэ тэриллэн, кэлэр 3 сыл иһигэр саҥа котельнайдары үлэлэтэн, монотарифка көһөрөргө сүрүн сыал-сорук турар. Бу уларыйыылар олохтоохторго сылаас уонна чэпчэки сыаналаах итиини хааччыйыахтаахтар. Ил Дархан Айсен Сергеевич Николаев бу үлэлэр хаамыыларын үрдүктүк сыаналаата уонна салгыы өйүүргэ бэлэмин биллэрдэ. #АйсенНиколаев #ҮөһээБүлүү