МО "Едюгейский наслег"

☀️Атырдьах ыйын 2 күнүгэр "Дойдум алаастарынан айан"🌿 диэн Үөдүгэйдэр өбүгэлэрбит олохсуйан олорбут алаастарынан краеведческай турга Чүүт - Балаҕат - Чоҥоро - Куду маршрутунан баран кэллибит 😍 Бу күн дойдубут, дьоммут суолларын - иистэрин туһунан киэҥ билиитин биир дойдулаахпыт, кыраайы үөрэтээччи, физико- математическай билим дуоктара Иван Иванович Шамаев уонна нэһилиэкпит аҕам саастаах ытык киһитэ Зоя Антоновна Воронина ыалдьыттары кытары атах тэпсэн олорон үллэһиннилэр, ыйытыктарга хоруйдаатылар ✅ 🔆 Саймаархай салгыҥҥа кутаа чэйин, миинин иһэн🍲☕, хаартыскаҕа түһэн 📸, Кудубут оскуолатыгар тренинг, Үөдүгэйбит былыргытын, билиҥҥитин туһунан викториналар  🧠❓ыытыллан, былыргы номохтор, үһүйээннэр, дьикти түгэннэр хаппахтарын сэгэтэн 🤗, иһирэх иэйиилээх Үөдүгэйбит суруйааччыларын ырыаларын ыллаан 🎼🎹 ураты умнуллубат күн буолан ааста 🙌🏻🤩 #Үөдүгэйсонуннара #Кудутур #дойдумалаастарынанайан

*Эһигини Куду- тур күүтэр!* 💠Атырдьах ыйын 2 күнүгэр "Дойдум алаастарынан айан"* диэн Үөдүгэйдэр өбүгэлэрбит олохсуйан олорбут алаастарынан краеведческай турга ыҥырабыт ✅ 1. Бу күн дойдубут, дьоммут суолларын - иистэрин туһунан киэҥ билиитин биир дойдулаахпыт, кыраайы үөрэтээччи, физико- математическай билим дуоктара Иван Иванович Шамаев уонна нэһилиэкпит аҕам саастаах ытык киһитэ Зоя Антоновна Воронина эһигини кытары атах тэпсэн олорон үллэстиэхтэрэ, ыйытыктарга хоруйдуохтара. 2. Саймаархай салгыҥҥа кутаа чэйин, миинин иһиэхпит.🍲☕🥧 3. Хаартыскаҕа түһэриэхпит 📷📸, фотосессия оҥоруохпут. 4. Дьоҕус спортивнай күрэхтэр кэтэһэллэр 🎳🎲🎯. 5. Тренинг, Үөдүгэйбит былыргытын, билиҥҥитин туһунан викториналар  ыытыллыахтара, нэһилиэкпит туһунан кэпсиир сэдэх кинигэлэри билиһиннэриэхпит 📖📙📗. 6. Былыргы номохтор, үһүйээннэр, дьикти түгэннэр хаппахтарын сэгэтиэхпит. 7. Иһирэх иэйиилээх Үөдүгэйбит суруйааччыларын ырыаларын ыллыахпыт🎼🎹. 🌿Сайыҥҥы биир үтүө күнү өбүгэлэриҥ алаастарыгар атааран, кинилэргэ сүгүрүйэргин биллэрэн дойдугуттан күүстэ - уохта ыл, олоххор бигэ тирэхтээх буол! Оҕолоргутун, сиэннэргитин илдьэ кэлэн көлүөнэ ыччакка кыра эрдэҕиттэн кимтэн кииннээҕин, хантан хааннааҕын билиһиннэр🙌 *Суруттарар нүөмэргит: 89679112124*

‼️‼️ Биллэрии ‼️‼️ "Милана" маҕаһыын таһыгар турбут бөх быраҕар дьааһык көтүрүллүбүтүнэн, аны бөххүтүн ити миэстэҕэ аҕалан бырахпаккыт! Итиннэ анал бөх быраҕар дьааһык аны турбат! Бөхтөрүн ити миэстэҕэ аҕалан быраҕар дьон миэрэҕэ тардыллыаххыт! Үөдүгэй нэһилиэгин дьаһалтата

2024 сылтан улуус олохтоохторо Кудулуур суолга Чүүт алааһынан ааһар суолга турба сыыһа сытарыттан уу кыайан ааспакка, оттуур ходуһалара ууга баран үгүс эрэйи көрсүбүттэрэ. Нэһилиэнньэ бу тыын суолталаах боппуруоһу быһаарар туһунан араас таһымнаах көрсүһүүлэргэ үгүстүк туруорсубута. Ыйыллыбыт үлэни ыытарга смета оҥоһуллубута эрээри, 2024 сылга үп кырыымчыгынан, онтон былырыын бэдэрээччиттэр сыанатын сэҥээрбэккэлэр, үлэ тохтоон турбута. Быйыл «ОАЗИС» муниципальнай-автономнай тэрилтэ экскаватор ылынан, улуус баһылыга Валерий Николаев быһаччы дьаһалынан от ыйын 21 күнүгэр Кудулуур суол аннынан турбаны көннөрөн уурдулар. Бу үлэ түмүгүнэн 23 га сир ууттан босхолоноро күүтүллэр. #Суолуоҥоруу #Тыынбоппуруос #ОАЗИС

☀️Бүгүн, от ыйын 23 күнүгэр, Үөдүгэйдээҕи Кыайыы искибиэригэр Саха Республикатын ветераннарын сэбиэтэ тэриллибитэ 40 сылын көрсө Республика ветераннарын былааҕын🚩 үөрүүлээхтик көрсүү сиэрэ-туома ыытылынна 👏🏼 Көхтөөх кыттыыны ылбыт дьоммутугар махталбытын тиэрдэбит! Үөдүгэй нэһилиэгин дьаһалтата, Үөһээ Бүлүү улууһун ветераннарын сэбиэтэ. #Үөдүгэйсонуннара #ветераннарбылаахтарынкөрсүү

💞Бүгүн улуустааҕы дьиэ кэргэн уонна ыччат отделын тэрийиитинэн И.Н. Барахов аатынан болуоссакка Дьиэ кэргэн, таптал, бэриниилээх буолуу күнүн бэлиэтиир бырааһынньык үрдүк тэрээһиннээхтик ыытылынна.Бу бэлиэ күҥҥэ улуус баһылыгын бастакы солбуйааччыта Егор Иванов улууспут  бастыҥ ыалларыгар наҕараадалары туттартаата. «Таптал уонна бэриниилээх буолуу иһин» Российскай Федерация түөскэ анньыллар мэтээлинэн Үөдүгэйбит  нэһилиэгин үтүө - мааны ыала - Виктор Семенович, Алла Семеновна Григорьевтар наҕараадаланнылар😍👏👏👏 Үйэ аҥара тапталга, үтүө, сырдык сыһыаҥҥа бигэнэн олорбут Үөдүгэйбит ытык- мааны ыала Валерий Васильевич, Раиса Ивановна Васильевтар «Дьиэ кэргэн килбиэнэ» анал бэлиэни туттулар уонна "Ытык ыал" Бочуот кинигэтигэр киирдилэр😍👏👏👏 Ол кэннэ мустубут дьоллоох дьиэ кэргэттэр чэпчэкитик вальстаан тэлээрдилэр. Сиһилии видеоҕа 🎥 киирэн көрүҥ 😍😍👍 #Үөдүгэйсонуннара

🛝🪁🥅⚽️ Күҥкү пааркаҕа саҥардыы, тупсарыы үлэлэрэ бара тураллар. Үөдүгэй нэһилиэгин дьаһалтата бэйэтин бюджетыттан үбүлээн, олохтоох уолаттарбыт ылсан, чааһынай урбаанньыт Михаил Семенович Струкин паарка газонун көтүрэн саҥаны тэлгэтээри сирин чиҥэтэн бэлэмнии сылдьаллар. Ону кытары олбуорун саҥардыы үлэтэ саҕаланна. Сиһилии үлэ хаамыытын видеоҕа көрүҥ 📹🎞️ #Үөдүгэйсонуннара #Күҥкүпаарката

💠Национальнай политика департамена, СӨ норуоттарын уонна тас сибээс министиэристибэтэ көҕүлээһиннэринэн,"Родной язык- достояние народов" диэн Саха сиригэр ийэ тылы харааннааһыҥҥа ыытыллыбыт бырайыактар күрэхтэригэр сүүһүнэн бырайыактан бастыҥынан ааттанан, "Бастыҥ тылы сайыннарар лааҕыр" диэн салааҕа Үөдүгэйтэн Ю. Н. Прокопьев аатынан спортивнай орто оскуола саха тылыгар уонна литературатыгар учуутала Варвара Васильева "Сайыҥҥы оҕо лааҕыра. Оонньуу көмөтүнэн оҕо тылын сайыннарыы" диэн бырайыагынан кыттан Кыайыылааҕынан буолбута. Ол 500000 солк. граны ылбыт Ийэ тыл лааҕыра Ю. Н. Прокопьев аатынан спортивнай орто оскуолаҕа бүгүҥҥүтэн үлэтин саҕалаата👍👏 Сиһилии Герасим Хобусаров устуутун көрүҥ 🎥😍 #Үөдүгэйсонуннара

🌿☀️ "Күн үҥкүүтэ - Дьөһөгөй оһуохайа" Үөдүгэй нэһилиэгин үбүлүөйдээх Үрүҥ тунах ыһыаҕын оһуохайга күрэһэ. #Үөдугэйсонуннара #Үөдүгэйыһыаҕа2026 #оһуохай