СТЕПАН САРГЫДАЕВ

✊🏻💪🏻🔥Чурапчинский характер: как сын механизатора стал первым главой Якутии (Сегодня свое 7️⃣2️⃣-летие отмечает видный государственный и политический деятель Егор Борисов👏🏻💐) 🌿🌿🌿 Чурапча для Егора Борисова — это не просто малая родина, это сакральное место силы и мерило всех ценностей. Эта любовь имеет глубокий исторический подтекст. Его род ведет начало от Кыдаалы, принявшего крещение и ставшего Федотом Борисовым... Подробнее⤵️ https://xn--80aa7aggbp2b.xn--p1ai/churapchinskij-harakter-kak-syn-mehanizatora-stal-pervym-glavoj-yakutii-segodnya-svoe-72-letie-otmechaet-vidnyj-gosudarstvennyj-i-politicheskij-deyatel-egor-borisov/

Бүгүн, атырдьах ыйын 15 күнүгэр, Саха Өрөспүүбүлүкэтин Бырабыыталыстыбатын Бэрэссэдээтэлинэн уонна Ил Дарханынан өр сылларга тахсыылаахтык үлэлээбит, Саха Өрөспүүбүлүкэтин уонна Арассыыйа судаарыстыбаннай уонна уопсастыбаннай диэйэтэлэ, Арассыыйа Федерациятын Сэбиэтин сенатора, үрдүк бэриниинэн, итии тапталынан төрөөбүт дойдутугар үгүс үтүөнү, дьоһун көмөнү оҥорбут ытыктабыллаах биир дойдулаахпыт Егор Афанасьевич Борисов төрөөбүт күнүнэн тапталлаах Чурапчытын бар дьонун, салалтатын уонна тус бэйэм ааппыттан итиитик, истиҥник эҕэрдэлиибин! Киһи, үлэһит, салайааччы, судаарыстыбаннай диэйэтэл буола үүммүт төрөөбүт-үөскээбит Чурапчыҥ улууһун сайдыытын бары хайысхаларыгар, биир дойдулаахтарыҥ олоҕун-дьаһаҕын чэпчэтиигэ киллэрбит улахан кылааккын биһиги дириҥник сыаналыыбыт. Бар дьонуҥ эйигин элбэх оҕолоох ийэ улахан оҕотун быһыытынан үрдүк эппиэтинэһи өрө тутан улааппыт үтүө майгыгын, дьон-норуот туһугар билиигин-көрүүгүн барытын уурар, үлэҕэ бэриниилээх, ырааҕы көрөр салайааччы буоларгын билэр уонна ытыктыыр. Чурапчыҥ сириттэн аан бастаан салайааччы буолан үүнэн-сайдан, сириэдийэн тахсыыгар олук уурбут дойдуҥ ытык дьонун ыллыктаах тыла олоххор, үлэҕэр алгыстаах аргыс, бигэ тирэх буоллун! Эйиэхэ уонна дьиэ кэргэҥҥэр или-эйэни, сылаас сыһыаны, кытаанах доруобуйаны, уһун, дьоллоох олоҕу, дойдуҥ, дьонуҥ туһугар улахан суолталаах үлэҕэр ситиһиилэри баҕарабын!

Бүтүн Арассыыйатааҕы "Туойдьут төлөйдөр" бэстибээл аһыллыытыгар кыттыыны ыллым. Бэстибээл үрдүк таһымҥа ыытылынна. Бэлиэ түгэҥҥэ СӨ Култуура уонна духуобунай сайдыы миниистирэ Афанасий Ноев кэлбитэ элбэҕи этэр. Кини бу тэрээһин үгэскэ кубулуйан, сылтан сыл кэҥээн, элбэх маастары түмэ турарыгар баҕарда. Бу бэстибээл биир дойдулаахпыт, этнограф Андрей Андреевич Саввин дьоһун үлэтигэр сүгүрүйүү уонна айар-тутар күүһү арыйар, холобур буолар тэрээһин буолар диэн бэлиэтиэхпин баҕарабын. Төлөй дьонугар-сэргэтигэр, бырайыагы сүрүннээччилэргэ дириҥ махталбын тиэрдэбин. Маннык үлэһит, түмсүүлээх дьонноох буоламмыт, кыайыыга, ситиһиигэ кынаттанабыт, үгүһү кыайа-хото тутабыт!

Бүгүн Хаҥалас улууһугар туризм хайысхатыгар уопут атастаһа тиийэ сырыттыбыт. Хаҥалас улууһа туризмҥа өрөспүүбүлүкэ үрдүнэн инники күөҥҥэ сылдьарын билэбит. Онон кинилэр хайдах үлэлииллэрин көрдүбүт. Улуус баһылыга Сергей Гребневы кытта көрсөн кэпсэттибит, салгыы «Naraada Village» отель - пааркаҕа сырыттыбыт. Отель управляющайа Кристина До эбийиэги салайыы уратытын, үрдүк таһымнаах сервиһи тэрийии туһунан сиһилии кэпсээтэ. Хаҥаластары кытта бииргэ үлэлэһиибит үтүө түмүктээх буоларыгар эрэнэбин.

«Туойдьут ТӨЛӨЙДӨР» бэстибээл ыытыллыаҕа 🤩 Атырдьах ыйын 14 күнүгэр «Туойдьут ТӨЛӨЙДӨР» бүтүн Россиятааҕы бэстибээл ыытыллаары турар. Бүгүҥҥү туругунан Томпо, Таатта, Хаҥалас, Мэҥэ-Хаҥалас, Горнай улуустарыттан, Дьокуускай куораттан ыалдьыттар кэлэллэрин биллэрдилэр. Сиһилии⤵️ https://xn--80aa7aggbp2b.xn--p1ai/tuojdut-t%d3%a9l%d3%a9jd%d3%a9r-bestibeel-yytyllya%d2%95a/ @sanaoloh @ulusmedia

Улуус дьаһалтатын планеркатыгар ааспыт нэдиэлэҕэ ыытыллыбыт үлэлэр түмүктэрэ, үүммүт нэдиэлэ былааннара, бара турар үлэлэр хаамыылара көрүлүннүлэр. Ол курдук, ааспыт нэдиэлэҕэ олох-дьаһах, хомунаалынай хаһаайыстыбаны, хочуолунайдары кыстыкка бэлэмнээһиҥҥэ, ититэр систиэмэлэри промывкалааһыҥҥа үлэлэр, хомунаалынай өҥөлөр иһин төлөбүрү кииннээһиҥҥэ, улуус дохуот киллэрэр кыаҕын улаатыннарыыга, транспортнай инфраструктураны сайыннарыыга улуус стратегическай бырайыагын көрүүгэ,  онтон да атын тирээн турар суолталаах хайысхаларга былааннаммыт үлэлэр барбыттар. Д.П. Коркин аатынан Албан аат музейыгар саха үс чаҕылхай тустууга 1976 с. Монреальга ыытыллыбыт Олимпиадаҕа хатыламмат өрөгөйдөөх кыайыыларын 50 сылыгар аналлаах тойон сэргэ үөрүүлээх быһыыга-майгыга туруоруллубут, Константин Капрынов Россия көҥүл тустууга чемпионатыгар боруонса мэтээли ылбытын чиэстээһин ыытыллыбыт. Планеркаҕа этиллибитинэн, оттооһуҥҥа улуус 40 тыһыынча тонна былааныттан билигин 19 389 тонна оттоммут - былаантан 48,5 % туолан иһэр. Нэһилиэктэртэн саамай аҕыйаах оту Хатылы – 29 %, Алаҕар – 36 %.,  элбэх оту Хайахсыт – 86 %, Кытаанах - 61 % оттоон иһэллэрэ бэлиэтэннэ. Үүтү ыаһыҥҥа улуус 5200 т. былааныттан 2927 т. үүт туттарыллан, былаан 109 % туолан турар. Нэһилиэктэртэн Алаҕар былаанын 200 % толорбут, Хоптоҕо, Төлөй, Болугур, Болтоҥо 78 % толорон иһэллэр. Улуус ууттан эмсэҕэлээбит Дьааҥы улууһугар бастакы көмөтүн ыыппыт. Планеркаҕа Чурапчы нэһилиэгэр аспааллааһын үлэтэ атырдьах ыйын 15 күнүттэн саҕаланан, балаҕан ыйыгар диэри бүтэриллиэхтээх. Быйыл 52 ыалга гаас киириэхтээҕиттэн билигин 20 ыалга киирбит. Улуус хомунаалынай хаһаайыстыбатыгар барыта 35 хочуонай баарыттан биэс хочуонай  арахсан, гаас хочуолунайдара тутулла сылдьар. “Туймаада нефть” хааччахтаммыт кээмэйинэн 20-лии лиитэрэнэн, 95-тээх сэлээркэни билиҥҥитэ каартанан атыылыы олорор. “Сервис Ойл” сэлээркэтин харчыга атыылыы олорор, 95-тээх, 92-лээх бэнсиинэ билиҥҥитэ атыыга суох, хантарааҕынан эрэ биэрэр. “Агроснаб” тэрилтэтин заправката  95-тээх бэнсиини харчыга атыылыыр, ол эрэн 92-лээх бэнсиинэ бүппүт. Үүммүт нэдиэлэҕэ хомунаалынай өҥөлөр иһин төлөбүрү кииннээһиҥҥэ баһылыктары кытта онлайн сибээһинэн мунньах, ититэр ситимнэри кыстыкка бэлэмнээһиҥҥэ оперштаб мунньаҕа, Төлөйгө Бүтүн Россиятааҕы граннары сүүйбүттэр бэстибээллэрэ, автобус сырыытыгар сүбэ мунньах уо.д.а. буолуохтара. Полиция ааспыт нэдиэлэтээҕи сводкатынан, 44 иһитиннэрии киирбит. Баантан 12 киһи иэс ылан баран төннөрбөтөх,  Хатылыга сир астыы барбыт оҕонньор сүтэн баран булуллубут, Чурапчыга сааһын ситэ илик оҕо дьиэтигэр хоммотоҕо булуллубут, Чыаппараҕа дьон сайылыгар киирэ сылдьыы бэлиэтэммит. 250 массыына бэрэбиэркэлэммититтэн 65-гэр административнай боротокуоллар толоруллан, буруйу оҥорууну утары үлэ ыытыллар. Онтон салгыы кэлиэхтээх нэдиэлэҕэ атырдьах ыйын 17 күнүгэр Ил Дархан А.С. Николаев Чурапчы улууһугар бара турар үлэлэр хаамыыларын көрөр-истэр сыаллаах кэлиитэ былааннанар.

Бу ааспыт өрөбүллэргэ улуус дьаһалтатын эр дьоно "Биир күн дьылы аһатар" дииллэринии, үтүө үгэскэ кубулуйбут тыа хаһаайыстыбатын өрө туппут, илиинэн оттуур биир дойдулаахтарбытыгар көмөлөһөн кэллибит. Бу сырыыга Арыылаах нэһилиэгин элбэх оҕолоох, үгүс дьоҥҥо үтүө холобур буолар, чөл олоҕу өрө тутар Анна, Радимир Барашковтарга сырыттыбыт. Кинилэр 4 оҕолоохтор, иккиэн оскуолаҕа учууталлар. Саха сиэринэн өбүгэттэн кэлбит үгэһинэн сүөһү, сылгы иитиитинэн дьарыктаналлар. Бу күн халлааммыт туран биэрэн 3 оту кэбиһэн, Барашковтар дьиэ кэргэн уопсайа 9 оттонон, кыстыыр оппут баар буолла диэн үөрүүлэрин үллэстэллэр, махталларын тиэрдэллэр. Чурапчы күүһэ-түмсүүгэ!

🏕️🏡Чурапчыга «Тумус” глэмпинг дьиэтэ аһылынна Чурапчыбытыгар туризмы сайыннараары, бастакы хардыыбытын оҥордубут. Өймөкөөҥҥө, Томпоҕо айаннаан иһэр дьон уонна улууспут олохтоохторо сынньаналларыгар ананар. https://xn--80aa7aggbp2b.xn--p1ai/churapchyga-tumus-glemping-diete-a%d2%bbylynna/

💓 Кэскил кэрэһитэ, дьол түстэнэр 0️⃣8️⃣0️⃣8️⃣2️⃣6️⃣ күнэ: Чурапчыга икки ыал олохторун суолун холбоотулар💐 (Фоторепортаж📸) 👏🏻💞💘 Эһиги бүгүҥҥү күнтэн сокуонунан эр-ойох буоллугут. Олоххут устата бэйэ-бэйэҕитигэр дурда-хахха, өйөбүл-тирэх буолан, алаһа дьиэ тэринэн, удьуоргутун тэнитэн, уһун дьоллоох олоҕу олоруҥ... Сиһилии⤵️ https://xn--80aa7aggbp2b.xn--p1ai/keskil-kere%d2%bbite-dol-t%d2%afstener-08-08-26-k%d2%afne-churapchyga-ikki-yal-olohtorun-suolun-holbootular-fotoreportazh/

🚜🚛🚐🚙 Чурапчыга суол-иис өрөмүөнэ уонна кыстыкка бэлэмнэнии туруга/ 📰🎙️Интервью" ✊🏻 Улуус таһымнаах суоллары оҥорууну сырдаттахха, нэһилиэктэр икки ардыларынааҕы суоллары көрүү-истии болҕомто киинигэр турар. Быйыл бахсылар бэйэлэрин күүстэринэн субуотунньуктаан, суолларын көннөрдүлэр. Сиһилии⤵️ https://xn--80aa7aggbp2b.xn--p1ai/churapchyga-suol-iis-%d3%a9r%d3%a9m%d2%af%d3%a9ne-uonna-kystykka-belemnenii-turuga-intervyu/

🏆🥇🥈🥈 Чурапчыга саха тустууктара Монреаллааҕы олимпиадаҕа өрөгөйдөөбүттэрэ 5️⃣0️⃣ сылын бэлиэтээтилэр👏🏻💐 👍🏻✊🏻 Бу күнү суолталаан, ытыктаан, Өрөгөй сэргэтэ туруорулунна. Сэргэни норуот маастара Вячеслав Барашков оҥордо. Маанылаах сэргэ турбутуттан олимпийскай чемпионнар олуһун үөрдүлэр, астыннылар. Сиһилии⤵️ https://xn--80aa7aggbp2b.xn--p1ai/churapchyga-saha-tustuuktara-monreallaa%d2%95y-olimpiada%d2%95a-%d3%a9r%d3%a9g%d3%a9jd%d3%a9%d3%a9b%d2%afttere-50-sylyn-belieteetiler/

50 сыл аннараа өттүгэр 1976 сыллаахха Монреаль куоракка буолбут Олимпийскай оонньууларга улуу тустууктарбыт – Роман Дмитриев, Павел Пинигин уонна Александр Иванов – үс боотур буолан, үрдүк пьедесталга тахсыбыттара, саха норуотун аатын киэҥ түһүлгэҕэ үрдүктүк ааттаппыттара, киэн туттууну аҕалбыттара! Бүгүн кинилэр ааттарын, сүдү ситиһиилэрин үйэтитээри, саха норуотун түҥ былыргыттан илдьэ кэлбит үгэһинэн бу Чурапчы интернат томторуттан саҕаламмыта диэн туран,анал өйдөбүнньүк сэргэни туруордубут. Үөрүүлээх тэрээһиммитигэр Олимпиада икки дьоруойа, саха норуота бука бары киэн туттуубут Павел Павлович Пинигин, Александр Николаевич Иванов, Улуу тириэньэр Дмитрий Петрович Коркин кэргэнэ, биһиги ытык-мааны киһибит Александра Семеновна кыыһынаан Гея Дмитриевналыын кэлэн кыттыыны ыллылар. Сахабыт сиригэр улуу олимпийскай үгэстэр сүппэттэр, кинилэр көлүөнэттэн көлүөнэҕэ бэриллэн, эдэр бөҕөстөрбүтүн саҥа чыпчаалларга сирдииллэр. Онон бу үтүө күҥҥэ сөп түбэһиннэрэн, Саха Өрөспүүбүлүкэтин көҥүл тустууга сүүмэрдэммит хамаандатын капитанын, Арассыыйа чемпионатын боруонса призерун Константин Капрынову чиэстээтибит.

Чурапчыбыт ыраах айанын суоппардара Үөһээ Дьааҥыга көмөлөрүн анаатылар 👍🏻😍