️МР "Верхневилюйский район" - admvervil

Бүгүн, атырдьах ыйын 14 күнүгэр, Үөһээ Бүлүүгэ Саха Өрөспүүбүлүкэтин үөрэҕин уонна билимин миниистирэ Нюргуна Афанасьевна Соколова үлэ сырыытынан кэлэн, улууспут үөрэҕэриитин тутаах боппуруостарыгар сүбэ мунньахтаатыбыт. Бу күннэргэ СӨ үөрэҕэриитин министиэристибэтин үлэһиттэрэ Бүлүү бөлөх улуустарыгар үөрэҕирии сайдыытын кытта билсэр сыаллаах үлэ сырыытынан сылдьаллар. Биһиги улууспутугар ыытыллыбыт мунньахха үөрэҕирии салаатын сайдыытыгар олус суолталаах боппуруостар көтөҕүлүннүлэр. Мунньахха сүрүн этиммит кыһалҕабыт - Үөһээ Бүлүүтээҕи техникум уонна Ороһу оскуола-уһуйаанын тутууларын хаамыыта уонна тутуулар туруктара. Санатан этэр буоллахха, техникум саҥа дьиэтин тутуу бырайыага оӈоһулла сылдьар, сэтинньи ыйга диэри түмүктэнэн экспертизаҕа киириэхтээх. Онтон Ороһу оскуолатын тутуута түмүктэнэригэр бүддьүөттэн эбии 380 мөл. солкуобай көрүллэрэ ирдэнэр. Билигин бастакынан, тутуу холлоҕоһун харыстыыр туһуттан, тутуу сарайын бүрүйүүгэ үп көрдүүбүт. Маныаха бу кэмҥэ биир дойдулаахпыт, Ил Түмэҥҥэ Үөһээ Бүлүү-Горнай улуустарыттан депутатка кандидат Николай Николаевич Долгунов сарайы бүрүйүүгэ үбү көрдөөһүҥҥэ үлэлэһэ сылдьара олус күүс-көмө буолар. Маны таһынан, мунньахха Үөһээ Бүлүү улууһун үөрэҕэриитин салайааччытын солбуйааччы Леонид Огочонов быйылгы ОГЭ уонна ЕГЭ түмүктэрин, выпускниктар үөрэххэ киириилэрин бырыһыанын туһунан сиһилии отчуоттаата. Ону кытта, саҥа үөрэх сылыгар хас оҕо бастакы кылааска киирэрин уонна хас выпускник баарын туһунан иһитиннэрдэ, саҥа үөрэх сылыгар үөрэх кыһалара төһө бэлэмнэрин туһунан отчуоттаата. Балаҕан ыйын 1 күнүгэр диэри олус кылгас кэм хаалла. Оҕолорбут уонна устудьуоннарбыт саҥа үөрэх сылыгар толору бэлэм буолалларын туһугар күүстээх бэлэмнэнии үлэтэ салҕанар. #ҮөһээБүлүү #Үөрэҕирии150 T.me/ValeriNikolaev

Дьокуускай куоракка биир дойдулаахпытын, "Алмазэргиэнбаан" генеральнай директорын Николай Николаевич Долгунову кытта көрүстүм. Николай Николаевич быйыл күһүн ыытыллар Үөһээ Бүлүү-Горнай улуустарыттан Ил Түмэн депутатын талыы быыбарыгар "Биир ньыгыл Россия" партияттан кандидат. Кини, кандидат быһыытынан, улууска баар кыһалҕалары быһаарарга бэйэтин этиитин, санаатын үллэһиннэ. Ол курдук, бу күннэргэ интернет ситиминэн киэҥник тарҕаммыт Үөһээ Бүлүүтээҕи киин балыыһа үлэһиттэрин видеотын көрөн, улууска хирург суоҕун сытыы кыһалҕатын быһаарарга СӨ доруобуйа харыстабылын министиэристибэтигэр туруорсан үлэлэһэргэ бэлэмин биллэрдэ. Бу боппуруос улуус олохтоохторун олус долгутар, онон Николай Николаевич көмөтө олус суолталаах. Маны тэӈэ, Ороһу нэһилиэгэр тутулла турар оскуола сарайын бүрүйүүгэ үп көрдөөһүнүгэр ыарахаттары көрсүбүппүтүн киниэхэ иһитиннэрдим. Маныаха, Николай Николаевич СӨ үп министиэристибэтин кытта ыкса үлэлэһэн үбү кылгас кэмҥэ буларга сорук туруорунна. Николай Николаевич бу күннэргэ Үөһээ Бүлүүгэ биир дойдулаахтарын кытта көрсө, кэпсэтэ, улуус үлэтин-хамнаһын билсэ кэлэрин биллэрдэ. #ҮөһээБүлүү #НиколайДолгунов T.me/ValeriNikolaev

III Саха Өрөспүүбүлүкэтин 1975-1996 сыллаах оскуола выпустарын Култуура уонна Успуорт Фестивалин БЫРАГЫРААММАТА. ✨Хаһан даҕаны хатыыламмат кэрэ түгэни мүччү тутуман. Кэлиҥ, сылдьыҥ, дуоһуйа сынньанын! Барыгытын күүтэбит! 📍*Буолар сирэ-күнэ:* Үөһээ Бүлүү, Түгэхтэй алааһа. Атырдьах ыйын 21-23 күнэ.

Ытыктабыллаах Тутааччылар, Үөһээ Бүлүү улууһун олохтоохторо! Үөһээ Бүлүү улууһун дьаһалтатын уонна тус бэйэм ааппыттан эһигини идэлээх бырааһынньыккытынан – Тутааччы күнүнэн – ис сүрэхпиттэн итиитик-истиҥник эҕэрдэлиибин! Бу күн биһиги улууспут сайдыытыгар, тупсуутугар күүс-күдэх уурар, саҥа дьиэлэри, социальнай, култуура уонна промышленнай эбийиэктэри тута сылдьар дьоһуннаах үлэһиттэрбитигэр ананар. Эһиги күн аайы кэскили түстүүр уонна биһиги олохпут чэчирии сайдарыгар улахан кылааты киллэрэр дьоҕурдаах, тутаах үлэһит дьоӈӈут. Эһиги сыралаах үлэҕит түмүгүнэн улууспут көстүүтэ, сайдыыта тупсар, саҥа эйгэлэр үүнэн тахсаллар, дьоммут-сэргэбит аныгы, табыгастаах усулуобуйаҕа олороллор, үөрэнэллэр уонна үлэлииллэр. Бу кэрэ-бэлиэ күн эһиэхэ, ытыктабыллаах тутааччыларга, чугас дьоҥҥутугар-сэргэҕитигэр баҕарабын чэгиэн доруобуйаны, дьолу-соргуну, үлэҕитигэр ситиһиилэри! Үлэҕит дьоһуннаах буоллун, хас биирдии саҥа бырайыаккыт саҥа кыайыылары аҕаллын! Эҕэрдэни кытта, Үөһээ Бүлүү улууһун баһылыга В. В. Николаев #ДеньСтроителя #ТутааччыКүнэ T.me/ValeriNikolaev

Сургуулук хоһуун кыыһа Үөһээ Бүлүүбүт хас биирдии нэһилиэгэр орто саастаах уонна эдэр дьоммут өбүгэбит төрүт дьарыгын - сүөһү, сылгы иитиитинэн дьарыктаналлара, дьонноруттан тутан хаалан салҕыыллара киһини үөрдэр. Тыа хаһаайыстыбата инникилээх диэн бигэ санааны үөскэтэр. Сургуулукка оҕо эрдэҕиттэн бүгүрү үлэһит, бары үлэҕэ миккиллэн улааппыт кыыс- күн бүгүн элбэх оҕолоох ийэ, нэһилиэк биир тутаах киһитэ- социальнай үлэһит, кылаабынай бэтэринээр, дьокутаат, уопсастыбанньык, улахан хаһаайыстыба төһүү үлэһитэ - Светлана Егоровна Акимова төбөнөн 24 сүөһүлээх, онтон ыанара -10 ынах. 7 сылгылаах, 6 биэ уонна атыыр.13 кууруссалаах, бөтүүктээх. Өссө хас да сыллаахха хотонун бэйэлэрин күүстэринэн кэҥэттибиттэрэ. Ынахтарын анал ыыр аппаратынан ыыр. Улахан кыыһа ынах ыаһан көмөлөһөр.Быйыл 16 туонна үүтү туттарар былааннаахтар. Икки ортоку кыргыттар тарбыйах, куурусса аһаталлар. Оҕолор бэрт кыракый саастарыттан үлэҕэ үөрэнэллэр. От үлэтигэр таайа Виктор аймахтарын кытары кыттыһан оттууллар, сүөһү кыстык аһылыгын бэлэмнээһиҥҥэ күргүөмнээх үлэ барар. Светлана күһүн сылгыларын сыһыыттан бэйэтэ сиэтэн кэлээччи. Аты миинэр, аныгы үйэ техникатын - матасыыкылы эмиэ бэркэ ыытар. Маннык саха хоһуун кыргыттара баар буоланнар олохпут салҕанар, төрүт дьарыкпыт төлкөлөнөр. Тыа хаһаайыстыбатын управлениетын пресс- киинэ

Үөһээ Бүлүү улууһугар ОТТООҺУН биирдиилээн нэһилиэктэринэн атырдьах ыйын 6 күнүнээҕи туругунан көрдөрүүтэ: 🌾 Балаҕаннаах – кээһилиннэ - 156,00 тн (Былаан: 533 тн., былаан туолуута - 28,94%) 🌾Боотулуу- кээһилиннэ - 1690,00тн(Былаан: 2120 тн, туолуута - 79,72%) 🌾Быракаан - кээһилиннэ- 62,00 тн(Былаан-379тн, туолуута- 16,36%) 🌾Үөһээ Бүлүү – кээһилиннэ - 200,00 тн(Былаан: 630 тн., туолуута - 31,75%) 🌾 Далыр –кээһилиннэ - 1590,00 тн, (Былаан: 2240 тн., туолуута - 70,98%); 🌾Дүллүкү – кээһилиннэ - 925,00 тн (Былаан: 2675 тн., туолуута - 34,58%); 🌾Үөдүгэй - кээһилиннэ - 120,00 тн, (Былаан: 13,19 тн. ); 🌾 Кырыкый – кээһилиннэ -500,00 тн (Былаан: 1084 тн.  туолуута - 46,13%); 🌾 Кэнтик – кээһилиннэ - 537,00 тн, (Былаан: 1250 тн., туолуута - 42,75%); 🌾 Маҥаас -  кээһилиннэ - 265,00 тн,(Былаан: 1090 тн., туолуута -24,31% ) 🌾 Мэйик - кээһилиннэ - 1020,50 тн  (Былаан: 1910 тн. , туолуута - 53,43%); 🌾Нам – кээһилиннэ - 770 тн (Былаан: 1440 тн., туолуута -53,47%); 🌾Оҥхой - кээһилиннэ- 500,00 тн (былаан - 1455тн, туолуута -34,36%) 🌾Өргүөт -  кээһилиннэ - 75,00 тн (былаан- 390 тн, туолуута- 19,23%) 🌾Ороһу –кээһилиннэ - 744,00 тн, (Былаан: 2010 тн., туолуута - 37,01% ); 🌾 Сургуулук – кээһилиннэ -  509,36тн (Былаан: 1040 тн., туолуута - 48,98% ); 🌾Тамалакаан –кээһилиннэ - 606,00 тн,    (Былаан: 970 тн., туолуута - 62,47% ); 🌾Туобуйа -  кээһилиннэ - 66,00 тн (былаан - 340 тн., туолуута- 19,41%) 🌾 Харбалаах - кээһилиннэ - 537,00 тн, (Былаан: 890 тн., туолуута -60,34% ); 🌾Хомустаах - кээһилиннэ - 360,00 тн (былаан- 850 тн, туолуута - 42,35%) 🌾Хоро - кээһилиннэ - 789,00 тн ( былаан - 1500 тн, туолуута- 52,60%) Улуус үрдүнэн кээһилиннэ: 12021,86 Былаан туолуута - 46,74% Барыта охсулунна - 10818,20 га кээһилиннэ - 12021,86тн. Сенаж -1300 Сиилэс - 300 Былаан - 25718 тн Тыа хаһаайыстыбатын управлениетын пресс- киинэ

Туобуйа нэһилиэгэр бүгүҥҥү туругунан, 66 туонна от кээһилиннэ.Оҕолуун- улаханныын барыта 75 киһи ходуһаҕа от үлэтигэр өрө күүрүүлээхтик үлэлии сылдьаллар. "Быйыл уһун ардахтар кэннилэриттэн Туобуйаҕа оттуур сир 30% ууга баран, кэккэ мэһэйдэри көрсүбүппүт.Ол эрэн, билигин от үлэтэ этэҥҥэ салҕанар. Быйылгы кыстык оту бэйэбит нэһилиэкпит иһиттэн булуохпут диэн эрэллээхпит" ,- диэн Туобуйа нэһилиэгин тыатын хаһаайыстыбатын исписэлииһэ Мария Григорьевна Ильина санаатын үллэһиннэ. Туобуйаҕа 9 кэтэх хаһаайыстыбалаахтар үүтү туттараллар. Үүт собуота нэһилиэги үүтүнэн, сүөгэйинэн, сылы эргиччи минньигэс, олохтоох арыынан хааччыйан олорор. Билиҥҥи туругунан 183 киилэ арыы бэлэмнэннэ. Үлэ дьоруойдара үөскүүр үтүөкэн дойдуларыгар - Туобуйаҕа дьон- сэргэ сөптөөхтүк тэринэн, кыстыгы көрсө бэлэмнэнэр. Тыа хаһаайыстыбатын управлениетын пресс- киинэ

Проект газификации 10 населённых пунктов Верхневилюйского улуса, расположенных на левом берегу реки Вилюй, обсудили на очередной встрече с председателем правления АКБ «Алмазэргиэнбанк» Николаем Николаевичем Долгуновым.   Отмечу, что в ходе разработки и, образно выражаясь, «упаковки» с учётом технических моментов и финансовой модели проекта Николай Николаевич оказывал большую методологическую и консультационную помощь. Таким образом, он является соавтором проекта газификации.   Встреча и личная заинтересованность Николая Николаевича подчёркивают значимость проекта для жителей Верхневилюйского улуса, которая откроет новые возможности для социально-экономического развития района и, в первую очередь, улучшит качество жизни сельчан.   Напомню, что проект был поддержан заместителем Председателя Правительства Российской Федерации – полномочным представителем Президента Российской Федерации в Дальневосточном федеральном округе Юрием Петровичем Трутневым по итогам заседания президиума Правительственной комиссии по вопросам социально-экономического развития Дальнего Востока.   #ВместеТолькоВперёд #ВерхневилюйскийУлус Канал в МАКС.

⭕В целях предотвращения несчастных случаев с детьми на водоемах, Комиссия по делам несовершеннолетних и защите их прав призывает родителей, а также иных законных представителей и взрослых, находящихся на водоемах совместно с детьми, внимательнее к ним относиться, осуществлять непрерывный контроль за ними, не оставлять их без присмотра, не допускать купания детей в неотведенных для этого местах. При отдыхе на берегу водоемов и реки отдыхающим гражданам необходимо обращать внимание на купающихся несовершеннолетних детей без взрослых и не оставлять их одних на берегу. ⭕В случае выявления фактов нахождения несовершеннолетних детей на водоемах без сопровождения взрослых принимаются меры к установлению родителей, допустивших бесконтрольное купание детей. В таких случаях родители и иные законные представители могут быть привлечены к административной ответственности по части 1 статьи 5.35 Кодекса Российской Федерации об административных правонарушениях за ненадлежащее исполнение родительских обязанностей по воспи

Мэйик уонна Далыр нэһилиэктэригэр үлэ сырыытынан сылдьан, тыа хаһаайыстыбатын уонна социальнай эбийиэк тутуутун хаамыытын көрдүбүт. Мэйик нэһилиэгэр: Бастатан туран, Мэйик нэһилиэгин эдэр фермерын Потапов Александр Николаевич тэриллиилээх хаһаайыстыбатыгар тутулла турар кыра кыамталаах хотону көрдүбүт. Быйыл Үөһээ Бүлүү улууһугар кыра кыамталаах хотоннору тутуу, саҥардыы бырагыраамматынан икки тэриллиилээх хаһаайыстыба, Мэйиккэ уонна Тамалакааҥҥа, хотон тута сылдьаллар. Мэйик эдэр кэскиллээх фермера Александр Потапов хотонун тутуутун түмүктүүр түһүмэҕэр кэлбит. Былырыын агростартапка кыайан хаһаайыстыбатын кэҥэтэргэ эбии көмө ылбыта. Ол түмүгэр, былырыын 49 төбө сүөһүлээх эбит буоллаҕына, быйыл 112 төбөҕө диэри элбэппит. Оттооһун былаанын толорон иһэллэр, үүтү 9 тоннаны туттарбыттар. Маны тэҥэ, Мэйик нэһилиэгин үүт тутар собуотугар сырыттыбыт. Билиҥҥитэ барыта 32,5 тонна үүт туппуттар. Быйылгы былаан 96,5 тоннаҕа тэҥнэһэр. Үлэ тэтимнээхтик бара турар. Далыр нэһилиэгэр: Салгыы Далыр нэһилиэгэр сылдьан спорт саалатын фундаменын көрдүбүт. Спорт саалатын тутуу боппуруоһа Саха Өрөспүүбүлүкэтин Бырабыыталыстыбатын отчуоттуур мунньаҕар нэһилиэнньэ элбэхтэ туруорсубута. Бу тутууну үбүлээһиӈӈэ билигин үп көрдөөһүн үлэтэ бара турар. Улуустан үп көрөн, тутуу фундаменыгар үлэ саҕаламмыта. Билигин фундамены оҥоруу бастакы түһүмэҕэ түмүктэммит. Саҥа спорт саалата 648 кв. м. иэннээх буолара былааннанар. Мантан салгыы "Трудовой" учаастакка "Верхневилюйский" СХПК үлэтин көрдүбүт. Оттуур ходуһаларга сылдьан, от былаанын толоруу хаамыытын билистибит. Үүт тутар собуот 89,8 тонна үүтү туппуттар, быйылгы былаан 185 тоннаҕа тэҥнэһэр. Күҥҥэ 600-тэн тахса литр үүтү тута тураллар. Маслоцех 1,5 тонна арыыны оҥорон таһаарбыт. #Далыр #Мэйик #ҮөһээБүлүү T.me/ValeriNikolaev

Ытыктабыллаах Саха Өрөспүүбүлүкэтин дьоно- сэргэтэ! 1975-1996 сыллаах ВЫПУСКТАРГА III култуурунай уонна успуорт фестивала ыытылларын биллэрэбит! 🍃🍂🍃🍂🍃🍂🍃🍂🍃🍂🍃🍂 Атырдьах ыйын 21 күнэ. ⚜️ Кыттааччылар киириилэрэ (заезд). ⚜️ «Хотун БүлүүDisco» үҥкүү киэһэтэ. Атырдьах ыйын 22 күнэ. ⚜️Фестиваль арыллыыта. ⚜️Успуорт күрэхтэрэ. Атырдьах ыйын 23 күнэ. ⚜️Култуура күрэхтэрэ. ⚜️Түмүктүүр тэрээһин. Бу үөрүүлээх тэрээһинҥэ бииргэ улааппыт доҕотторгутун кытары ыалдьыттыыргытыгар ыҥырабыт! Буолар сирэ-күнэ: Үөһээ Бүлүү, Түгэхтэй алааһа. Атырдьах ыйын 21-23 күннэрэ.

🌾Семен Семенович Харбалаахха Арҕаа Бас диэн сиргэ отчуттары көрүстэ. Гаврильевтар дьиэ кэргэттэрэ олус бэркэ тэринэн отторун үлэтин ортолообуттар. Хайы- үйэ рулоннар ходуһаны биир гына хойуутук ууруллубуттар. Ыал аҕа баһылыга Николай Петрович Гаврильев улахан уолаттарынаан, кыргыттарынаан, күтүөтүнээн халыҥ хамаанда буолан от үлэтин улаханын кыайа- хото туппуттар. Мантан салгыы атын сиргэ оттуу барардыы бэлэмнэнэллэр. Гаврильевтар 10- тан тахса сүөһүлээхтэр, биэс ыанар ынахтаахтар. "Түмсүү" кээпэрэтиип нөҥүө үүт туттараллар. Оҕо эрдэхтэриттэн от үлэтигэр үөрүйэх буоланнар, ходуһаҕа бэрт холкутук туттан- хаптан үлэни үмүрүтэллэр.Аҕыйах хонуктан бэттэх түспүт кырдаайыга төрүт да кыһамматтар. 9-с кылааска үөрэнэр уопуттаах отчут Вилюй Гаврильев "От үлэтэ астык" диэн эттэ. Оҕолорбут кыра эрдэхтэриттэн бу курдук үлэни сүрэхтэринэн - быардарынан сөбүлээн, үлэттэн дьолломмут харахтарын көрөр олус да үчүгэй. Гаврильевтар дьиэ кэргэттэрэ оҕону үлэҕэ иитиигэ, күргүөмнээхтик оттуурга холобур буолаллар. Тыа хаһаайыстыбатын управлениетын пресс- киинэ #Оттооһун #Тыахаһаайыстыбатаҕ

🌾Харбалаахха Тэҥэлилээх харах ыларын тухары киэҥ- куоҥ ходуһатыгар от үлэтэ бэлиэр түмүктэнэн, рулоннар бэрээдэктээхтик кэчигирээбиттэр. Бу манна Харбалаах хоһуун отчуттара Николаев Альберт Кимович уонна Туманов Евгений Анатольевич оттууллар. "Альберт Кимович  төбөнөн 31 сүөһүлээх, ыанар ынаҕа -5.20-тэн тахса сылгылаах бааһынай хаһаайыстыба. Кини күһүн  эмис эти дэлэтэн нэһилиэнньэҕэ атыылыыр. Олохтоох, хаачыстыбалаах этинэн хааччыйан дьон- сэргэ абыранар. Оттон Туманов Евгений Анатольевич бааһынай хаһаайыстыбалаах, 20-чэ төбө сүөһүлээх, 6 ыанар ынахтаах, 10-тан тахса сылгылаах. Кинилэр салгыы атын сиргэ оттуу барбыттар. Сүөһү аһын бэлэмнээһин Харбалаахха тэтимнээхтик барар. Кураан, үтүө күннэри баттаһа Харбалаах олорон көрбөт үлэһит дьоно от үлэтин инники күөҥҥэ туталлар,"- диэн Харбалаах нэһилиэгин тыатын хаһаайыстыбатын исписэлииһэ Спиридон Спиридонович Семенов санаатын үллэһиннэ. Тыа хаһаайыстыбатын управлениетын пресс- киинэ #Оттооһун #Тыахаһаайыстыба