قصائد في حب العترة القناة الجديدة

نعي لاستشهاد الرسول ص في اخر لحضاته ــــــــــــــــــــــــــــــــــــــــــــــــــ مودعه بالله بويه فاطم ويه علي فحل الهواشم والموت بويه امره لازم ارتحل عنكم ها يروحي ادري يطول عليج نوحي وتشوغ والله ياجروحي بالباب تتكسر ضلوعج وينزلونهاا بويه دموعج تطفه من احزانج شموعج يحركون باب الدار الاجناب ويطيح محسنكم عالتراب صبري يبويه وكفي العتاب ✍🏻صغيرة الحجة ┄┉❈❥ًً❀💠❀❥❈┉┄ يا زهره بويه ادني ليه بعدي تظلمج الرعيه يم الحسن لزمي اديه يا حيدره عينك عليها وديعتي عندك تدري بيها والكوم ادري مروعيها كل فكري يمكم يبو الحسنين بجور العده وغدرة ملاعين وحدك يحيدر ماكو امعين يتجسرون ابكل صلافه ينكرون من بعدي الخلافه وفاطمه بالهم يا وسافه هموم العليكم تجي كثره بكسر الضلوع وسيف طبره وسم وذبح من بعدي يجره ✍🏻#نبضي_حسين تمت بحمد الله وتوفيق الرسول صلى الله عليه واله باقلام الخادمات https://t.me/YaRabAlhusain

بكاء النبي وأهل البيت على الحسين (١) النبي ينعى الحسين على فراش الموت . روي عن ابن عباس قال : حِينَ اشْتَدَّ مَرَضُ رَسُولِ اللهِ (صلى الله عليه وآله)الَّذِي مَاتَ فِيهِ، ضَمَّ الْحُسَينِ إِلَى صَدْرِهِ يَسِيلُ مِنْ عَرَقِهِ عَلَيْهِ، وَ هُوَ يَجُودُ بِنَفْسِهِ وَيَقُولُ: مَا لِي وَلِيَزِيدَ؟ لَا بَارَكَ اللَّهُ فِيهِ ، اللَّهُمَّ الْعَنْ يَزِيدَ . 😭 ثُمَّ غُشِيَ عَلَيْهِ طَوِيلاً، وَ أَفَاقَ 💔 وَجَعَلَ يُقَبِّلُ الْحُسَينِ وَعَيْنَاهُ تَذْرِفَانِ وَيَقُولُ : أَمَا إِنَّ لِي وَلِقَاتِلِكَ مُقَاماً بَيْنَ يَدَيِ اللّـهِ عَزَّوَجَلَّ . ــــــــــــــــــــــــــــــــــــــ 📚بحار الأنوار ج ٤٤ ص ٢٦٦ 📚مثير الأحزان ج ١ ص ٢٢

صلى الله عليكَ يارسول الله اُصِبنا بِكَ يا حَبيبَ قُلوبِنا، فَما أعظَمَ المُصيبَةَ بِكَ؟! حَيثُ انقَطَعَ عَنَّا الوَحيُ، وَحَيثُ فَقَدناكَ، فإنَّا للهِ وَإنَّا إلَيهِ راجِعونَ . 28/صفر استشهاد سيدنا خاتم الأنبياء واشرف المُرسلَين رسول الله مُحمَّد (صلوات الله وسلامهُ عليهِ وعلى آلهِ الأطهار) . اعظمَ الله اجرَ مولانا صاحِب الزمـآن وأجور المسلمين والمسلمات بهذا المُصاب العظيم

مربعة لاستشهاد الرسول ص ـــــــــــــــــــــــــــــــــــــــ دكن حيل يانسوان ولتمن لبو الزهراء ريت عيونه يعمن ........ ابجي هواي ويه الزهره واسيها رايح يالابو والوكت ماذيها سجبيها الدموع وياها سجبيها ليالي السود لم الحسن هالگبلن لبو الزهراء ريت عيونه يعمن ┄┉❈❥ًً❀💠❀❥❈┉┄ ليالي السود لم الحسن باللوعه مفجوعه عله ابوها الزهره مفجوعه وين الفاگده اونتها مسموعه ويه الزاجيه ونتهن يشرچن ┄┉❈❥ًً❀💠❀❥❈┉┄ راحل والد الزهره وفاجعها ما تهده بغيابه وشيقنعها تون ونات توجع للي يسمعها كومن ساعدنها ونن ونحبن ┄┉❈❥ًً❀💠❀❥❈┉┄ حزنهه ثچيل ويلي نحيله خلاهاا وسواهاا الوكت بالزهره سواهاا طباگ لليل ويه نهار مبجاهاا عمت عيني عليها. عيونهاا تعبن ┉❈❥ًً❀💠❀❥❈┉┄ تعبت من حزنهاا مغيرة الالوان ام حسين صارة للحزن عنوان صارت جلده وي عظمه يانسوان دگن حيل للمصطفى ولطمن ـــــــــــــــــــــــــــــــــــــــــــــــــــــــ تمت بحمد الله وتوفيق الرسول صلى الله عليه واله الطاهرين باقلام الخادمات صغيرة الحجة ✍🏻#نبضي_حسين https://t.me/YaRabAlhusain

ابو ذيه لسان حال الرباب حن صدري على وجهك ولك در ولاانسه ثمر گلبي ولك در احزان على امك امكومه ولك دار تون الشوفتك صبح ومسيه ✍ام مرتضى الخزرجي

قصيدة لنبي محمد «صل الله عليه واله» حزنانه الزچيه شــــال واليـها ثگيل امصاب ابوها حيل ماذيها ــــــــــــــــــــــــــــــــــــــــــــــــ مكسوره وحزيـنه تهمل الدمعه فارگها الرسـول تلـوع منفجعه على حال الزچيه ناحت السبعه الجن والانس تبچي البواچيها ــــــــــــــــــــــــــــــــــــــــــــــــ صاحت راح مـنه هيـبة السـاده يـا حيـرة علـي هاليـوم و اولاده يالچفك يبويه چان الي اوساده بعدك فاطمـه چـا ويـن تاليـها ــــــــــــــــــــــــــــــــــــــــــــــــ الدنيا اتحزمت وتريـد توليني چم سهم ابغيابك راح ترميــني اخذني وياك بويه لا تـخلـيني بغيابك الـــــــزهره من يـباريـها ــــــــــــــــــــــــــــــــــــــــــــــــ مهظومه عفتني اجذب الحسره ضلمه الـدار بعدك يا ابو الزهره كسري اعليك ماصحله ولا جبره بگيت الوحدي والدمعه اجـريها ــــــــــــــــــــــــــــــــــــــــــــــــ يبو ابراهيم گومك ما يرحموني حتى من البچي لجلك يمنعـوني هاي الگوم من حگي يحرمـوني وما مسمـــوح للبضعه بـنواعيها ــــــــــــــــــــــــــــــــــــــــــــــــ على داري يهجمون ويحـرگوها يگيدون الوصي وبتك يضربوها عجيبه المات ابوها ما يراعوها المفروض اليتيمه الكل تواسيها ــــــــــــــــــــــــــــــــــــــــــــــــ تمـت بـعـون الله تعالـى بـ✍️خادمـة الحسين "عليه السلام" الملـه أم مـجتبـى (مداد الطف) نسالكم الدعاء بتعجيل الفرج لصاحب الزمان https://t.me/Wounds_AshuraOne

#ابوذيات ======================== الگلب يسعرعلى افراگك وداوي بفگدك يصرخ ابصوته وداوي ظلعي انكسر افزعلي وداوي يبويه او جارت الدنيه .عليه ======================== يبويه اهموم الك گلبي رسلهه غرگ ببحور احزانك رسلهه تدري ابغيبتك سيد رسلهه على عيوني سطرني ابن الدعيه ======================== سطرني النذل بغيابك على العين وبكسر الظلع شدعي على العين نخيت الي قلع خيبر علي العين علي اتچتف يبويه بالوصيه ======================== غدر بينه الوكت بعدك علي دار يبويه ابغيبتك فزعو على الدار بكسرظلعي انطبرراسه علي الدر ابمحرابه وگع حامي الحميه ======================== الك نشكي هظم بينه نبينه يالتدري الجره او عندك نبئنه يريت ابكربله حاضر نبينه تشوف حسين مرمي اعالوطيه ======================== يبو القاسم بيك احنه علينه يريت ابكربله انته او علينه تشوف الخيل من هجمت علينه تشوف العيله من راحت سبيه ======================== لشاعر اهل البيت عليهم السلام خالد عامر الزيادي https://t.me/YaRabAlhusain

نعي للنبي محمد صلى الله عليه واله وسلم عن الزهراء عليها السلام انوح عليك بوية لگطع الانفاس وخلها شما تلوم ابونتي الناس لنشفها الدموع عليك بالراس عليك اتلوعت ما اشوف دربي ==============≠==== الابو غالي ودليلي عليه حزنان عليك أحزن ونوح أبيت الاحزان يبوية اعليك مثلي ما بچة انسان دم ياعين لجل الزين صبي ======≠============== اتمنى البواچي اترجع الراح لخلصنة العمر بدموع ونياح چا غير الابو خيمتنة لو طاح أظل بعدة بحزن مشلوع گلبي =================== يبو القاسم رحت والروح راحت ودمعاتي العزيزة عليك طاحت ورياح الفتن بالكون فاحت حسبي الله عليهم هوة حسبي ==================== أسالكم الدعاء رائد الاسدي

لطمية لاستشهاد الرسول الاكرم ص بمصيبة نبينة تعنينة لعلينة نعزي لبو الحسنين ويمة تهمل العين بمصيبة نبينة نعزي ابو الحسنين ونعزي الزجية الزهرة تگول بوية يا سيد البرية اخذني وياك ياريت موتتنة سوية ما اضلن بلياك الدنيا خلاف عيناك اظلمت علينة بمصيبة نبينة بويةخذني وياك ما اريدن حياتي گضيت العمر وياك وفراگك مماتي اظلن احسب ايام واتمنى وفاتي اشوفن قهر وهموم تراويني هاي الگوم وايامي حزينة بمصيبة نبينة. الله يعين ابوحسين من غسلة وشالة حفرلة اللحد بيدة عليه الترب هالة وگعد يبچي علگبرة يفت الصخر حالة يگلة يبو الزهرة ايامي مكدرة يصفگهه اليمينة بمصيبة نبينة الدارك طبتي شلون والگة البيت خالي وام الحسن تبجي ومنها الدمع هالي عگبك يبو ابراهيم حال الضيم حالي ويبجي الحسن وحسين جدنة رايح لا وين ومرجونة المدينة بمصيبة نبينة مرجونة المدينة وفرحانين الانذال محمد يا علي اليوم عنك گوض وشال سقيفة نصبوا بساع واتگلبت الاحوال وسفة فلان وفلان صاروا زلم شجعان يدرون موصينة بمصيبة نبينة ✍️ ام محمد علي الشيباني https://t.me/hhpppp

لرسولِ الله (ص) في آخر ساعاته مناجاةٌ حزينة مع وصيِّهِ الموعودِ بالآلام صلوات الله عليهِ : عظَّمَ اللهُ أجركْ شكرَ اللهُ صبرَكْ موعِدُ الآلامْ أيامْ قليلهْ ١/جاءني الرُّوحْ...يطلبُ الرُّوحْ قائلاً عجِّلْ إلينا يَا مُحمَّدْ والسماواتْ...بالتَّحيّاتْ شفَّها الشوقُ إلى المختارِ أحْمَدْ فاعْهدِ الدِّينَ لِمنْ يحفظُ دينا أوصِ يا طٰهَ أميرَ المُؤمنينا إِشرَحِ اليومَ صَدْرَكْ شكرَ اللهُ صبرَكْ موعِدُ الآلامْ أيامْ قليلهْ ٢/ يَا عليُّ...يَا وصيُّ شاءك اللهُ على الخلقِ خليفهْ سمِعُوها...ووَعَوْها رغْمَ هذا سيوالونَ السقيفْهْ كُنتَ عَهْدِي فيهِمُ مُنذُ البِدايَهْ آهِ لكنْ لنْ تراهُمْ في النِّهايهْ يُنكِرُ الصحبُ أمْرَكْ شكرَ اللهُ صبرَكْ موعِدُ الآلامْ أيامْ قليلهْ ٣/ سوفَ أقضي...عنكَ أمضي ها هُوَ "الإثنينُ" ينعاني شهيدا حينَ أُقتلْ...أنْتَ تُثْكَلْ ويكونُ اليومُ للـ"إثنينِ" عيدا قتلاني بسمومِ الجاهليهْ فاستعِدنْ للَّيالي الفاطميّهْ يقصِمُ الفقدُ ظهرَكْ شكرَ اللهُ صبرَكْ موعِدُ الآلامْ أيامْ قليلهْ ٤/ إنتظِرْ يَومْ...وترى القوْمْ قادَهُمْ في حقدِهِ الجاحِدُ نمرودْ يقصدُ الدّارْ...حاملاً نارْ حافِراً في قلبِكَ النازِفِ أُخْدُودْ سترى سيدةَ الأكوانِ تُدْفعْ "في بيوتٍ أذِنَ اللهُ لِتُرفَعْ" خلَّدَ البابُ كسْرَكَ شكرَ اللهُ صبرَكْ موعِدُ الآلامْ أيامْ قليلهْ ٥/ أَسَدَ الغابْ...تنظُرُ البابْ ولِأحزابِ العِدى زاغتْ بصائِرْ هجموهُ...أضرموهُ بعدما أَنْ بَلَغَ الحِقْدُ الحناجِرْ هكذا لنْ يحفظوا أجْري ووُدِّي بلْ يُنادونَ بِثاراتِ "ابنِ وِدِّ" جهِلَ الخلقُ قدْرَكْ شكرَ اللهُ صبرَكْ موعِدُ الآلامْ أيامْ قليلهْ ٦/ فاطِمُ النُّورْ...شعلةُ الطُّورْ خدُّها الأيمنُ بالنّارِ سيُلْفَحْ ثُمَّ ويلاهْ...تسمَعُ الآهْ خدُّها الأيسرُ بالصَّفعةِ يُجْرَحْ إنَّ قُرطَ العَرْشِ يَا كرارُ يُنْثَرْ وضلوعَ الجنةِ / الفردوسِ تُكْسَرْ يخسفُ الموْتُ بدْرَكْ شكرَ اللهُ صبرَكْ موعِدُ الآلامْ أيامْ قليلهْ ٧/ يَا حَبيبي...يَا ربيبي آهِ بَعْدَ اليومِ لنْ تُغمضَ عينَكْ تسمَعُ النَّوْحْ...فطَّرَ اللَّوحْ قنفُذٌ يَضْربُ بالسَّوطِ حُسينَكْ عندما يدنو لكي يحْمِيَ أُمَّهْ وهْوَ طِفلٌ، سوطُهُمْ يُؤلِمُ عظْمَهْ يعْلمُ الكلُّ عُذْرَكْ شكرَ اللهُ صبرَكْ موعِدُ الآلامْ أيامْ قليلهْ https://t.me/AliOsailyAmily

#جديد #استشهاد_النبي صلى الله عليه وآله طور : يتامه يا علي . . يتامه يالنبي بعدك يتامه وعلامه لموتتي موتك علامه يبو الزهره .. ترى الزهره .. يِعِصْروها . . وداعك يا ابو العتره يهد الحيل ويِشب وسط الگلب جمره وعذاب وويل على العتره بعد عينك طويل الليل فجرهم منذبح والهم عليك اثگیل مُصابك تبتدي بيه المصايب وتِشوف العتره من بعدك عجايب ووصيتك يا .. أبو الزهره .. يِنِكْروها . . يهادينه الرزايه ابروحتك تكثر وعلى الزهره العدو بعدك ترى يفتر عليك ابيا صبر يابوهه تتصبر يتيمه والجرح كل لحظه لن يكبر غريبه فاطمه بعدك غريبه يبو الزهره تشاهد چم مصيبه الزچیه من .. بعد عينك .. يِقِهْروها . . العزيزه الچانت ابظلك يبو العتره عليها تهجم اخلافك أشر زمره وتطيح ابدفعة الباب ومِنِ العصره وجفنها ينزف ابدمّه مِنِ السطره تطيح وطيحة المحسن رزيه وضلعها ينكسر آ يالزچیه يبوها الدار .. عليها لن .. يِحِرْگوها . . على صدرك يريت أغفه واموت اوياك ويواريني ابگبر يا بويه الواراك يبويه او لا أظل بالهم بعد عيناك وحگك كافي اعليّه جرح فرگاك إخذني يالنبي لگبرك إخذني الزمن بعدك يبو القاسم يضدني عِتِرْتك يالنبي .. بعدك .. يِذِبْحوها __ تمت ببركات نبي الرحمه صلى الله عليه وآله #فاطمة_كريم ٢٠٢٢ م https://t.me/YaRabAlhusain