علی آقا واحید📚

جمالین شمعینه، جانا! یانار پروانه‌لر بیر-بیر، چکر زنجیرِ زُلفون حسرتین، دیوانه‌لر بیر-بیر. ائدر عشّاق کؤنلون جمع ایکن آشفته، هر ساعت، پریلر زولفونه دَیدیکجه، ای دل! شانه‌لر بیر-بیر. یئنه بیلمم نه افسون ائیله‌میش جادویِ چشمانین، کی دَیمیش بیر-بیرینه مردمِ فرزانه‌لر بیر-بیر. نه مئی‌دیر، گؤزلرین قوربانی، بیلمم باده‌ی عشقین! کی ایچدیکجه تاپار هُشیارلیق، مستانه‌لر بیر-بیر. لبین اؤپمک خیالی‌یله دلِ ساغر اولوب پُرخون، اول حسرت‌له گزر الدن-اله پیمانه‌لر بیر-بیر دهانیندن اثر یوخدور، دئمیشلر، شرطی وار، آمّا یئتر تحقیقینه شرح ائتسه‌لر فرزانه‌لر بیر-بیر. عرق‌دیرمی دوزولموش عارضِ آلیندا سرتاسر- گول اوزره ژاله‌دیر یا اینکی، اول دُردانه‌لر بیر-بیر؟ مذاقِ لعلینی گؤرموشله، دئرلر جامِ مئی ایچره، شرفیاب اول جهتدن‌دیر اولوب میخانه‌لر بیر-بیر. آییلماز جهل اهلی، «واحد!» هرگز خوابِ غفلتدن، مگر اهلِ ریادن ترک اولا افسانه‌لر بیر-بیر. ‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‎‌‌‎‌‌‍‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‎ 🌺علی‌آقا_واحید🌺 @a_vahid_21

منی هر کیم کی سئویر، گل اونا دیوانه دئمه، آشنا بیلدیگین اؤز دوستونا بیگانه دئمه! عاشیقین قلبینی گئت، پیرِ قلندردن سور، سن خراباتی اولان منزله ویرانه دئمه! یانماییب من کیمی پروانه ده عشق آتشینه، اؤزونو هر اودا چیرپان قوشا پروانه دئمه! منی سرمست ائله‌ین، گؤزلرینین حسرتی‌دیر، نشئه‌ی جام ایله، ای گول، منه مستانه دئمه! خیرخواه اول، گؤزلیم، عاشقِ بیچاره‌لره، بی‌سبب اونلارین حاقّیندا «بیر افسانه» دئمه! آغزینین سیرّینی صرّافه گولرکن سؤیله، قدرسیز هر داشا «گوهر» دئمه، «دُردانه» دئمه! باشقا جانان‌لارا هر دردینی «واحد»، دئ، نه غم؟! آنجاق اؤز ایسته‌دیگین سئوگیلی جانانه دئمه! هوشیاراولدون؟ 🌺علی‌آقا_واحید🌺 @a_vahid_21

🌺هوشیار اولدون🌺 منی آتدین، گؤزلیم، اؤزگه لره یار اولدون نئیله‌میشدیم، منه یار اولمادین، اغیار اولدون؟ بیوفا اولمایاسان، سن منه سؤز وئرمیش ایدین نییه بیگانه یه آخیردا وفادار اولدون؟ من کی هر محنته قاتلاشمیشام عشقونده سنین نه سببدن منه سن بیر گول ایکن خار اولدون؟ هانی اول عهده وفا ائیله دیگین گونلریمیز نییه اغیار کمندینه گرفتار اولدون؟ مین جفا ائیله یه سن، من یئنه عشقیمده وارام منه، هرچند، ازلدن ده جفا کار اولدون حئیف او زحمتلره، من چکمیشم عشقینده سنین فیکر ائدیردیم منه سن، بلکه ده، غمخوار اولدون اؤزون آخیردا پشیمان اولاجاقسان، بیلیرم منه رحمین دگیشیب، بلکه، طرفدار اولدون واحدم، مین بو قدر جؤر ائده سن، من دؤزرم مستسن، گئت هله سن، بلکه ده، هوشیاراولدون؟ 🌺علی‌آقا_واحید🌺 @a_vahid_21

اولیندن سالان اؤلسایدی اگر باشا بیزی، جهليميز سالماز ايدي بونجا داغا-داشا بيزي آزاجيق علميميز اؤلسايدي اگر عصره گؤره بؤيؤن اَيديرمز ايدي قؤنشويا-يؤلداشا بيزي. نه هونر وار نه بيلگیميز نه ده کي دئولتي-مال ايته آتسان دا يئمز حيفظ ائله‌مز لاشا بيزي. شوپهه‌سيزدي توپورر صورتی -ايدباريميزا گؤسترن اولسا بو سيما ايله نققاشا بيزي. اوزو دؤنسون گؤروم او آغويا دؤنموش چؤرگين، ياخشي مؤحتاج ائله‌دي قحبه یه،اوغراشا بيزي.. 🌺علی آقا_ واحید🌺 @mahny21 @a_vahid_21

▫️نگارا، عاشقین سنسیز قالیب آواره غربتده، نئجه، گؤر، هجرین ائتمیشدیر گونونو قاره غربتده! دوشنده یادینا زُلفون اولور دائم گؤزو گریان، گئجه‌لر صبحه‌دک اشکین تؤکر رخساره غربتده. فلک قیلدی جدا سندن منی، ای شوخِ مهپاره! تیکیبدیر عاشقین سنسیز گؤزون یوللاره غربتده. وطن آواره‌سی اولدوم، حبیبیم، سئوگیلیم، رحم ائت! دوشوبدور عاشقین مجنون کیمی کُهساره غربتده‌. اولوب سنسیز انیسیم غم، نگارا، مونسیم ناله! بو دردِ هجره یوخ اؤلمکدن اؤزگه چاره غربتده. ترحّم قیل، نگارا! «واحد» اولموش عشقدن خسته، لبین دئرلر دوا، ای مَه، منِ بیماره غربتده! 🌺علی‌آقا_واحید🌺 @a_vahid_21

کؤنلوم سنه وابسته‌دیر  ای شوخ  بیر ایل‌دیر نه اؤلدورور عشقین منی آخر  نه دیریلدیر عاشقلرینی قصدین اگر محو ائیله‌مک‌سه من حاضیرم  اوّل منه مقصودینی بیلدیر مئیلیم سنه‌دیر  بیر سنه عالمده اسیرم ایسترایسه‌ن آزاد ائیله  ایسترایسه‌ن اؤلدور کج باخما  بوتون خلق‌ دَگر بیر- بیره ظالم زولفون گره‌هین آچما کی غارتگرِ دیل‌دیر مبهوت ائله‌ییب عالمی آیینه‌‌ی رویین نه شکل و شمایلدی  بو نه حُسن جمیل‌دیر روخسارینه اول خال سیه دیرمی دوزولموش یا برگِ گول اوسته سپیلیب دانه‌‌ی هئل‌دیر واحد، دئمه‌ کیم یار ایله شیریندی مئی ایچمک زهر اولسون او عشرت کی حکیمانه دگیل‌دیر 🌺علی‌آقا_واحید🌺 @a_vahid_21

▫️کئچدی مین ناز ایله اول دلبر مهپاره بئله، بیر ده دؤنسه، ووراجاق سینه‌مه یوز یاره بئله. اینجیمه عاشقه جؤور ائیله‌سه، بیگانه‌یه ناز! او گولون بولبوله نازی بئله‌دیر، خاره بئله. ذؤوقوم آرتار، اۆزو گؤیچک‌لره دوشدوکجه یاخین، هله پروانه اؤزون وورمامیش اودلاره بئله. هر کیمه سؤیله‌دیم عشقینده اسیر اولدوغومو، دئدی: کیم سالدی بو درده سنی، بیچاره، بئله؟! گؤزومون یاشینی کویینده گؤرن‌لر دئدیلر: سئوگیلین‌تک نه گول اولماز، نه ده فوّاره بئله. دئدیم «آغ اوسته نه نؤوعی گؤرونور قاره؟» او مه- تؤکدو زولفون اوزه، «آغ اوسته -دئدی- قاره، بئله.» «واحد!» هر کیمسه‌ده کی عشق و محبّت یوخدور، آلمارام من اونو بیر درهم و دیناره بئله. 🌺علی‌آقا_واحید🌺 @a_vahid_21

▫️فلک سالیبدی منی یوز جفایه غربتده، گرکدی صبر ائله‌مک هر بلایه غربتده. اولوبدو تیره گونوم حسرتیندن اول ماهین، گئجه-گوندوز گلیرم آه و وایه غربتده. نئدیم، نه چاره قیلیم؟ اولموشام بلایه دچار، شکسته دل قالیب حسرت دوایه غربتده. حقیقی یوخدو منه آشنا، سورا حالیم، دئییم بو دردیمی اول آشنایه غربتده. نه واخت‌دیر منه گلمز او یاردن نامه، واریمدی، گر ائله‌سم مین گلایه غربتده. الهی، کؤنلونو شاد ائت غریبِ بی‌وطنین، طفیلی ائیله‌مه مردی گدایه غربتده. خدایا، «واحد»ی لوطفونله تئز یئتیر وطنه! کی یاریسیز دؤزه بیلمز جفایه غربتده. 🌺علی‌آقا_واحید🌺 @a_vahid_21

دمه مجنونه دلی.بلکه ده لیلا.ده لی دیر  عشق اولان ییرده بوتون.عاقل ودانا.ده لی دیر   سالدی یوسف کیمی اوز سوگیلی سین.زنجیره     قویدی.رسوالیقی.عالمده.زلیخا.ده لی دیر    عشق زنجیرینین.افتاده سی.بیرمن.دییلم    هوس.سلسه ی.عشقله.دنیا ده لی دیر  ساریلیر.چینینه.گاه بوینونا.گاه قامه تینه   اژدهالار.کیمی اول.زولف چلیپا.ده لی دیر   بیروفاسیزگول اوچون.ناله سی دنیانی دوتوب    وادی.عشقده(وامق)ده لی(عذرا)ده لی دیر ال گوتورمه ز.بوقارا.گوزلولرین.زولفوندن    هر اوته ن.ظن ایله ییر(واحدی)گویاده لی دیر 🌺علی آقا_ واحید🌺 @a_vahid_21

🌺مردانه‌لیگمدن🌺 "ائل دوشدی بوتون ،حیرته ،دیوانه لیگمدن سرین دئمدیم بیرکسه مردانه لیگمدن خاکسترعشقم ،منه تحقیر ایله باخما مین گنج چخار ظاهره ویرانه لیگمدن مجنون کیمی من بارگه عشقی بیه ندیم گئچدیم بوتمناایله ،شاهانه لیگمدن مخمور گوزون فکری ایله ،باده چوخ ایچدیم بیر کیمسه ضرر گورمدی ،دیوانه لیگمدن هر ماه روخون ،شمع کیمی عشقینه یاندیم بیر لحظه خبر توتمادی پروانه لیگمدن دیوانه ی عشق اولماقا ،هرکیم هوس ائتسه اول جه گرک درس آلا ،رندانه لیگمدن «واحد»من اوخاکم ،یئنه میخانه ده بیر گون   بیر ذوق یئتر عالمه پیمانه لیگمدن" 🌺علی آقا _واحید🌺 @a_vahid_21

. لَبینین، باده نه شئی‌دیر کی، صفاسین وئرسین! اوزونون، گون‌ده نه جورعت کی ضیا*سین وئرسین! اولماسا شربتی_لَعلین، دیلی_مجروحوموزون_ مِئی‌ده یوخدو او لیاقت کی، قضاسین وئرسین! اوُزگه معشوقه‌سینی، ایسته‌مه‌رم حوری اولا _ رَببیم هر عاشیقین اوُز ماه‌لیقاسین وئرسین! مین بَلا یار یولوندا منه چکدیردی رقیب، غیری بیر سوُز نه دئییم، تانری بلاسین وئرسین! فله‌یین جاهینه گوُز دیکسَم اگر نامَردم ، عشق فئیضی منه قوی فقر لیباسین وئرسین! شور سالمیش چمنه بولبول، اگر عاشیق‌سه _ بیر کره ناله‌مین عوُمرونده نواسین وئرسین! "واحید"‌ی گوشه‌ی مئیخانه‌ده دفن ائیله‌دیلر _ مَست اولانلار ائشیدیب، خئیر_دوعاسین وئرسین! 🌺علی آقا _واحید🌺 @a_vahid_21

🌺نه قدر پنهان اولاجاق؟🌺  شعر :علی‌آقا واحید   نه قدر عشقیمیز، ای گول، بئله پنهان اولاجاق؟ آشکار ائیله‌مه‌یینجه اورگیم قان اولاجاق نه قدر اوزونون حسرتین عاشیق چکسین نه زامان وصلینه بس یئتمگه ایمکان اولاجاق؟ بس هاچان رحم ائده جک بولبول بیچاره یه گول نه قدر بس او فقیرین ایشی افغان اولاجاق؟ عشقدن باشقا نه درد اولسا، یئنه چاره سی وار آیریلیق دردینه، بیلمم، نئجه درمان اولاجاق اؤز خوشوملا او قارا زولفه اسیر اولدوم اؤزوم بیلمه دیم، خاطیریم عشقینده پریشان اولاجاق؟! سن گؤتور مسجیدی، زاهید، بیزه میخانه نی وئر کیم بو ایشده گؤرک آخیردا پشیمان اولاجاق؟! هله، واحد، مئیه میل ائیلمه، قوی گَلسین او گول یارسیز یئرده مئی ایچمک بیزه نقصان اولاجاق 🌺علی‌آقا_ واحید🌺 @a_vahid_21

شــراب اولا، من اولام، بیــرده نازلی دلبـر اولا بیـر  اؤزگه  عالمی  واردیــر  اگـر  میســر اولا   صفای مجلس مئی، مین بهشت دن آرتیقدیر بیـر الده گـول توتا جانان، بیـر الـده ساغـر اولا   اولاندا مست آچا زولفون نگار، نشئه سی وار عمومـه  ذوق  وئـره،  بـزم  مئی  معطـر  اولا   بساط باده ده حال اهلی نین فداسی اولوم شـرابی  قال  ایلـه  ایچـمه، اگـر  پیمبـر  اولا   اسیــر  زولفـونم ای  شـوخ،  گل  آجیقلانمـا اسیـره حؤرمت ائده رلـر اگـر کی  کافیـر اولا   نه لیلی سن کیمی اولموش، نه من کیمی مجنون نه کاره  دیـر گلیـب  اونـلار  بیـزه  برابـر  اولا   گؤرنـده  واحیـد اوزون یاریمین اسیـر کؤنلـوم نه نوع ساکت  اولا، اود  اولار، سمنـدر  اولار @a_vahid_21

شراب اؤلا من اؤلام..... علی‌آقا واحید @a_vahid_21

ایجازه وئر، باخیم، ائی گول، او قاره گؤزلرینه وورولموشام، نه ائدیم، آشیکاره گؤزلرینه غم ائتمه‌رم منی یوز دفعه گونده اؤلدورسن باخاندا بیر ده دیریللم، دوباره، گؤزلرینه جمالین آچما،گولوم ،قورخورام گؤروب اوزونو گون اولسون حوسنونه عاشیق، سیتاره گؤزلرینه اولایدی قیسمت، اؤپه‌یدیم او نازیک اَللرینی اورک‌دن ائیله‌میشم ایستیخاره گؤزلرینه کمندِ آه ایله صَییادلار دالینجا دوشَر بو ناز ایله اگر ائتسن ایشاره گؤزلرینه گؤزوم گؤتورمه‌ییر اَغیارلار باخاندا سنه بیر آیری گؤزله ائدیرلر نظاره گؤزلرینه شیکسته واحیده اولماز طبیب‌لردن عَلاج قالیبدیر ایندی سنین بیرجه چاره گؤزلرینه. علی آقاواحید @a_vahid_21

🌺غزل (بیز خرابات اهلی‌ییک)🌺 شعر علی آقا واحید بیز خرابات اَهلییک میخانه لردن چیخمیشیق باده لر نوش اِئتمیشیک پیمانه لردن چیخمیشیق آتش غم دن نه قورخاق کی سمندر خیصلت-ئیک شمعی لر یاندیرمیشیق ؛ پروانه لردن چیخمیشیق ایندی بیز اکراه اِئدیب می دن نظردن دوشموشوک یؤخسا مین_مین مجلیسی مستانه لردن چیخمیشق گاه اؤپوب یارین آیاغین گاه دؤلانیق باشینا بیز پریشان زولفولَـر تک شانه لردن چیخمیشیق قدری قیمت سیز بیزی ظن اِئتمه واحید عارف اؤل پربها گنجینه-ییک ویرانه لردن چیخمیشیق https://www.instagram.com/tv/Cb8du7PgQLf/?utm_medium=share_sheet @a_vahid_21 @mahny21

غزل(بیز خرابات اهلی‌ییک) عالیم قاسیم‌اوف شعر:علی‌آقا واحید "Qəzəlxan filmi" @a_vahid_21 @mahny21

غزل(بیز خرابات اهلی‌ییک) عالیم قاسیم‌اوف شعر:علی‌آقا واحید "Qəzəlxan filmi" @a_vahid_21 @mahny21

سن اگر اولماسان،ای گول،منه جانان ،کیم اولار؟ او خومار گؤزلرینه واله و حیران کیم اولار؟ سئویر عالم سنی بیر گؤزلرینین خاطرینه، یوخسا تک زولفون اوچون بونجا پریشان کیم اولار؟ گیر گولوستانا،سئوینسین، اوخوسون بولبوللر، گول باهار مؤسومو گؤرسنمه سه،خندان کیم اولار ؟ ایندجیدیب سالما نظردن سئون عاشیقلریوی، اهل_ عشق اولماسا ،کویوندا نیگاهبان کیم اولار ؟ ذؤق_ وصلینله اگر منده فغان ائیله مه سم ، حسنووون گولشنینه بولبول _ مالان کیم اولار؟ چوخ دئمیشلر سنه ،جور ائیله مه بیچاره لره، عاقبتده گؤره ک، ای شوخ ،پشیمان کیم اولار؟ اؤلمه میشکین ،گوزه لیم، واحده قیمت وئر یر ائل ، اودا گئتسه،وطنه ، خالقا غزلخوان کیم اولار ؟ علی‌آقا_واحید @a_vahid_21

زولفون کیمی ای گول،نه عطیرلی نفسین وار یوخسا بو لطافتله جان آلماق هوسین وار؟ روحوم دیریلیر،نازیله هردم کی گولورسن حئیرتده ایم ای گول نه ملاحتلی سسین وار؟ طاووس کیمی آزاده گزیرسن بو چمنده بولبول کیمی نه خارغمین،نه قفسین وار فریادینا یئتدیکلرین ،ایمدادیوا یئتمز فیکر ائتمه،بوعالمده،کونول دادرسین وار واحد منیم ایستکلی گوزه ل یاریما بنزه ر آختاربوتون عالمده گوره ک هانسی کسین وار؟ علی‌آقا_واحید @a_vahid_21