ADMERA _ أدميرا

البشر بارعون في حل المشكلات فاشلون في تحديد المشكلة الأهم 🤷‍♂️

اذا كنت من أصحاب الجهد خلال النهار🥵 لباس فاضي مناسب 👕 ٥٠٠ مل ماء عبر الفم قبل الجهد  بنصف ساعة ٢٠٠ مل عبر الفم كل ربع ساعة خلال الجهد

لليـوم .. بالمشـفى و العيـادة براجعونا مـرضى .. الخطـل الشـمي و انعدام الشـم ... بعد شو بعد كـًو رونا ... هاد كرمال كـو رونا يذكرنا فيه ... .... مـش مهـمة هالقصـة بس يعني بتجي هيك حالة .. لتخـبرك انو لسا تأثير كـوفيـدو باقي لهلأ .. هاد مشان نتذكر و نحط ببالنا ... الارهـاق المـزمن و تشـويش الذهـن التالي لكــورو نا ... كمـرض قائم بحد ذاتو

جسم اجنبي بالانف عند طفلة من حوالي ١٠ ايام

كتير حـكي شو بدي اعـمل ... طبع 🤷‍♂️ كـلام يخص فوق ال ١٨ لما اجي شوف الدمـاغ ... بدي حط ببـالي دايما فكرة الاشـراط .. باااااافلوووف ... بتعرف بافلوف ل صـرعونا فيه بالمـدرسة الدمـاغ تبـعنا .. مجـهز ليربط الامـور ... طب وين ال + 18 ؟؟ يا صـديقي التجـربة الحمـيمية .. بتشتغل عفـكرة الإشـراط كمان فببساطة ممكن مخـنا يربط الاثـارة بنـظرة .. بفـكرة .. بريـحة .. بلمـسة طيـب ؟ رح نجي للمـهم ... تخيـل انو حدا من عمر ال١٤ سنة ... قرن الموضـوع بخـيارات لا نهائية عالنـت او قرن الموضـوع بجـهاز مسـاعد .. كيف فيني رجعو للطبـيعة ؟ كيف اقنعو و اقنع نظامو العصبي .. انو هاد الطـبـيعي و هاد الصـح و لازم تتـاثر فيه خلص هاد تعود انو الاثـارة بتكون هيك و بهاد الوضـع .. اشراااااط و للاسـف احيـانا طـبيعتنا البـشرية ما فيها تضـاهي هالاجواء ملتسر طـبيبة اعـصاب المانية .. بتحـكيلنا انو الهزاز المستخدم للاثـارة بيشـتغل بتواتر ١٠٠ هـرتز و هاد لا يمكن رجـل على وجه الكرة الارضية يتفوق عليه 🤷‍♂️ طبعا هاد مثال .. من كتير أمثلة الوصول لنهاية الرغبـة .. هو مو بس بهـدف الرغـبة او هو قلة ادب و خلصت الحكاية .. كتير مراهـقين بيستخدموه لايقاف التـوتر .. دون ان يدروا او بيستخدموه لان نظام المكافأة هيك فهم و خالصين حياتنا كل ما تعقدت كلما وترتنا اكتر توتر كتير بسب ظروفنا.. يعني استخدام القصص هي لتخفيف القلق.. الخلاصة .. بدك تصحى انت كفرد لفكرة انو الطـبيعة هي الاساس و الشي الطبيعي هو ل لازم تتعود عليه ما فيني جيب الة حاسبة لطفل ٦ سنوات لازم يتعلم الحساب الذهني و لازم يطرح و يضرب و يقسم بالقلم و الورقة ما فيني حط طفل قدام اليوتيوب طول النهار و قول ح يتعلم اللغة لازم يتعلم من اقرانو و يتخانق معن و يلعب معن .. و يصير عندو انفعال .. و يتعلم اللكنة الخاصة هاد اللحن الموجود عند الشوام مثلا .. هاد ما بيجي من اليوتيوب مستحيل يجي الا بسنين تواصل فعال مع اهل الشام بفرحن بزعلن بانفعالن ... كذلك ما فيني اربط الرغبة ب موبايل و نت و شاشة و خيارات انا بختارا ع كيفي خيارات فيني وقفا و الغيا و زيدا و اختار حسب ما بدو مزاجي ح انصدم كتير بالواقع .. و ح أفشل .. و ح حس انو لا مو هيك بدي و تعال اقنع تحت المهاد و النخامة انو لا انتو غلطانين معلم مانك مصدقني ما ... ح جبلك مثال لتشعر بفكرة الاشراط ... انت بتفوت عالحمام بثواني بتقلب نظامك العصبي و بتفوت بحالة البي بي ... لانو كل الاجواء ل حواليك هي ل عم تساعدك بس قوم اعمل بي بي انت و لابس تيابك و بالسيارة شبه مستحيل .. رح تحس وقتا بصعوبة الموضوع و ح تحس بقيمة الاجواء ل متعود عليها ...... هادا و ما حكيت عن الاعتبارات الدينية .. و لا حكيت عن القصور ل ممكن يصير .. و يللي ح يرجع بشكل سلبي ع نفسيتك.. طولت عليك صديقي .. بعرف و ربما انت عديت هي المرحلة .. بس كل الدراسات بتحكيلنا انو جماعة النت هنن من ال١٥ لل ٣٠ سنة + لازم انت تفهم هالفكرة و ما تفشل علاقة بناءً .. ع شغلات خداعة من النت و ليست الحقيقة الكاملة ... لكل شيء اذا ما تم نقصان

دقـيقة شوي .... مش كتير فينا نكبر راس و نشتغل ل ببالنا و ما نرد ع حدا جورج وسوف فنان اوك ... بس مش عامل دراسات يعني " فكلام النـاس بقدم و بأخر " عمك ابو دهيم شو بقول " غوثام هي من سمت باتمان بطـلاً " ... بطـولة باتمان تم المصادقة عليها من شـعب مدينتو .. ما فينا نتجـاهل النـاس النـاس هي ل ح تقرر انا بخـيل او كريم و هي ل ح تقرر انا شطور او لا و بنفـس الوقـت .. ما فينا أبدا .. نعطيهم كل الصلاحيات علينا بتلاقين عم يتحكموا كتير .. قص شعرك .. اعمل و لا تعمل بياخدوا سـلطة ... فتارة كده و تارة كده هي شعرة معاوية يا صديقي ... شعرة

تصوير صدر عادي لطفل عندو سعال شو التشخيص

راجعني مريض بالعيادة لديه حس ثقل بالاذن و الم يتزايد منذ يومين مع نقص سمع خفيف بالفحص كتلة سوداء طرية القوام مغلقة لمجرى السمع عند شدها بالملقط الخاص هناك الم بسيط خفت .. خطرلي ورم نازف خطرلي كيسة محتلطة حشرة طرية ترددت الف مرة .. و بعدين حسيت انو لازم جازف ... قربت مسكتها و تركتا ما نزفت شديت المسكة اكتر ما نزفت رجعت ترددت ثقبتها بالابرة ما صار شي تشجعت و شديتها طلعت الجلدة ل بتنحط بااسماعتت مقلوبة و علقانة جوا .. ابصر من ايمت طب ما تركت ddx ببالي .. ركبني القلق ألف مرة يا شيخ .. اخر شي كنت اتوقعو هو هي الجلدة اللعينة

المريض قلي مدخل خشبة بادنو بالكاميرا شفت هيك أخيرا طلعت قشرة بزرة ما بعرف ليش فكرت ح طلع حطب من ادنو واصل للمخيخ

من ألطف الأشياء ل اجتني بالفترة الاخيرة دفتر " هاند ميد " غلافو شكل غلاف ادميرا و مكتوب جواه كل شي عبارات كتبتا بأدميرا من أول ما عملتا ❤❤❤❤❤❤❤❤

انا بالسنة بكتب ابر روس لحدا يحرق ديب هالشعب مرحبا روس دوار رووس اقياء روس بنت خالتي حردانة روس

الناس عالارصفة ... ع جنبات الطريق ... اراكيل .. مشاوي .. بزر ... عشت حتى لو اركلتو عشت لو خالفتو انظمة السير .. عشت .. لانو شعب تعب .. و بدو يرتاح الاهم انو عشت لانو طالعين مع عيلاتكن و وولادكن هي ل بتستاهل عشت كبيرة و أجواء خير .. فيهاش أذى ❤

حين يُنتهك أمان الطفولة .... تسقط كل الأعذار... فإما عقولٌ ضلّت والسبيل هو الاستشفاء وإما ضمائرٌ ماتت ومصيرها الحساب حماية الصغار ليست خياراً، بل هي المقياس الأخير لإنسانيتنا

الدوار الدهليزي و هي تسمية خاطئة هو اقرب ليكون عرض مش مرض بتقول عندي مرض الحرارة؟ او بتقول عندي التهاب و عليي حرارة الحرارة بحد ذاتها مش مرض و الدوار ل بتقولو عنو دهليزي هو كمان هيك اشيع قصص ممكن نشوفن هنن الوضعة و التهاب العصب و التهاب الدهليز و الشقيقة و منيير و غيرن و بدك تنتبه انو بالدوار بتفتل الدنيا و بتميل الارض غباش العيون او تسود الدنيا او تبيض هي ممكن نقول عنا دوخة

لما تنجرح او حدا ينجرح .. تحطش قهوة و لا محارم أيا كان الجرح اسلخ عليه ايا قماشة قطن مغسولة و تعال عالاسعاف حسك عينك اشوفك مميل راسك لورا وقت ترعف و تجيني منتصب القامة تمشي . لا تقرر من حالك تروح تسلخ ابرة بالصيدلية وقت يصيبك " غريب " رماد سجاير رماد فحم ورق جرايد معجون اسنان عالحروق ممنوع عينك حمرة ... انا كطبيب اذن انف حنجرة ما بسترجي اوصفلك ايا شي بوشك عالعينية . اعواد تنظيف الاذن تبع القطن ... فيك تستعملا لكل شي الا لتنظيف اذنك ازا عم تعرق .. فيك تعصب و فيك تزعل و فيك تفرح بس اوعا اسمعك قلت انو اوووه معناتو عم انحف انت عك تخسر سوائل و املاح بس بالجروح ما في شي اسمو خياطة بالليزر في شي اسمو ليزر بعد اشهر ممكن يفيدك و اوعا تقلي بدي خيط لحمي او ممتص خيط النايلون بجبلنا نتيجة تجميلية افضل مرمم للحروق و الجروح ممنوع اول شي مضاد التهاب ليطيب بعدين منحكي بالمرمم

في بخاخ أعشاب أميركي قال بنضف الرئتين الو كتير دعايات عالنت صاير جاييني تلاتة عالاسعاف بنوبة ربو من وراه 🤣

الكتاب عمرو ٢٠ سنة صرعوني بوستات فيسبوك

وحدة من الشغلات ل بتخلي الولاد الصغار حلوين هو حجم البؤبؤ الكبير بالنسبة لبياض العين 😌

⭕ لا توجد أدلة علمية تدعم فعالية استخدام سفن اب أو المشروبات الغازية غير المنكهة في حالات الإسهال .