بيت العافية 🇩🇿

عولة الفلفل

إذا كل مرة تخللي الفلفل الحار ويخرجلك طري، يفسد بسرعة أو يفقد قرمشته 🌶️😏 استني… هذي الطريقة تستاهل تحفظيها عندك! اليوم نعطيكم سر الفلفل الحار المخلل كاين يسموه بمنقوع: نغسل الفلفل الحار هذاك الرقيق والصغير كامل ولونه اصفر ونخليه ينشف تمامًا، ونرصّه في بلارة زجاجية نظيفة ومعقمة، ونزيدوله حسب الرغبة فصوص ثوم وحبات فلفل أسود. بعدها نحضّر المنقوع بـ لتر ماء + 100 مل خل طبيعي + 50غ ملح، ونحرّك مليح حتى يذوب الملح، ثم نصبّه فوق الفلفل حتى يغطيه كامل ونغلق المرطبان بإحكام. 🌶️ والنتيجة؟ فلفل حار بنين، متخلل ومقرمش، يفتح الشهية ويجي روعة مع الكسرة، المحاجب، الشخشوخة وحتى مع الماكلة اليومية! لكن ما تستعجليش عليه… التخليل يحتاج وقت باش الملح والخل يتغلغلوا داخل الفلفل ويعطيوه الطعم والقوام المميز. 📌 احفظي المنشور باش تلقايه وقت العولة، وابعثيه للي كل عام تقولك: "كيفاش نخلي الفلفل وما يطراليش؟" 🌶️ وإذا تحبي وصفات العولة المنزلية بطريقة علمية ومضمونة، تابعي الصفحة… هنا ما نعطيكش غير الوصفة، نعطيك علاش تنجح وكيفاش تتفادي أخطاءها.

بما اننا في موسم النبق وهذا العام راهو خيراااات ماشاء الله ننصحكم تروحو البادية أو أطراف الطرقات تلقاوه اجمعو كمية منه ، أو اشروه جاهز راهو مليح لفقر الدم والإمساك و يغلق الشهية ويعدل سكر الدم ومليح للذكاء والتركيز عند الاطفال ، وافضل مكسرات ومقرمشات لاولادكم دون آثار جانبية افضل من الشيبس والزريعة والحلويات النبق متوفر عندنا مجانا لاصحاب الطلبيات ،نحن لا نبيعه

والله راني نزعف بزاف كي نلقى تعليقات تسقسي على كيفية تجفيف الطماطم، وماشي خاطرني نبخل بالمعلومة ولا نتكبر على أي وحدة فيكم، بالعكس . غير هذا الصيف بالذات، طريقة تجفيف الطماطم حطيتها في الصفحة أكثر من 10 مرات، وكل مرة نعاود نفس الخطوات ونشرح الأخطاء اللي لازم نتفادوها، باش المعلومة تكون متاحة للجميع. لهذا قبل ما تسقسيو على أي وصفة، ديرو دورة صغيرة في الصفحة وابحثو عليها 🔎، تلقاو فيها بزاف من الوصفات والمعلومات اللي تعبت باش نحضرها ونشاركها معاكم. المعلومة موجودة ومجانية، غير شوية بحث واهتمام منكم 🌿 #دار_العولة_الصحية #بيت_العافية

اللهم زد وبارك 🤲🏻❤️ الحمد لله، منشورات ووصفات صفحة «دار العولة الصحية» لقات رواج وقبول كبير، والأجمل من هذا أنكم ما اكتفيتوش بالقراءة، بل طبّقتوا الوصفات وجرّبتوها ونجحت معاكم، وهذا الشيء هو أكبر دليل نفرح به. 🥰 ونحب نوضح نقطة مهمة: نفس الوصفات والمعلومات اللي نشاركها معاكم مجانًا في الصفحة، هي نفسها اللي نقدمها بالتفصيل داخل دوراتي التدريبية المدفوعة. الغاية واحدة، سواء من خلال منشور مجاني أو دورة تدريبية: نساعدكم تلقاو وتوفّروا بدائل صحية، منزلية ونظيفة لكل ما هو مصنع، ونرجّعوا ثقافة العولة والتحضير في الدار بطريقة صحيحة وعملية. 🌿 بارك الله في كل وحدة جربت وصفة ونجحت معاها، وكل وحدة شاركت تجربتها مع غيرها. ❤️ ربي يقدرنا دائمًا نقدملكم حاجة نافعة وتستاهل ثقتكم. في الصورة المرفقة تطبيق إحدى الاخوات ماشاء الله اللهم بارك