#تلحين القصائدالحسينيه@
Статистикаخادمكم ملا علي الشاوي للتواصل ali_20115
- Последний пост
- 12 авг.
- Последнее чтение
- 15 авг.
- Постов за неделю
- 12
- Всего постов
- 34
- Тип
- открытый
- Язык
- персидский
- Категория
- Образование (по похожим)
- В каталоге с
- 13 авг.
- 1/24сутки в ленте
- 58
- 1/48двое суток
- 66
- 1/72трое суток
- 71
Оценка по просмотрам недавних постов: пост набирает почти всё за первые сутки.
Посты
без подписи
اليوم ياشيعه رحيل المصطفى ملا حسن الشيخ الشاعر حسن لعيبي الحريشاوي لاستشهاد النبي محمد صلى الله عليه وآله وسلم. (موشح) اليوم ياشيعة رحيل المصطفى نادت الزهره على الدنيا العفا ★★★★★ جمر ماي دموعها علخد نزل راح سلوتها وشملها والأهل من اديها راح مهجتها ورحل ياگلب كله حنان وعاطفة ★★★★★ نواسي ياشيعة الزچيه بالدمع باللطم والنوح وبچوي الظلع الفارگ المحبوب گلبه ينصدع وينلچم جرحه اذا هاد وغفه ★★★★★ نواسي باللوعات گلب المرتضى العمره بعد المصطفى بلوعه گضه حصد من الناس نكران. وحضه بدنيا غداره ولابيها وفه ★★★★★ للمسره ايام وي طه گظن مايرد الشمل ويعود الزمن يهمل الدمعات وينوح الحسن وحالة حسين بغيابه مؤسفه ★★★★★ وحال زينب رافگه الهم وألالم والحزن خَيَّم على الدار وهجم عفيه دنيا مابعد. بيها رحم وزمن ماينصف على الزهره لفه ★★★★★ الارض حزنانه وسماها السابعه طَيَّب الملگة الزچيه اتودعه علزچيه اليوم اصعب فاجعه بليل ظلت والصبح عنها جفه الشاعر حسن لعيبي الحريشاوي
(( نزله حماسيه )) وداعاً يا محمد والدي وداعاً يا محمد والدي ___ راح اودعنك يبويه وتجري دمعة عيني بويه لاترحل دخيلك فدوه هاك اسنيني والله مـن ترحـل يبويه مايهود أونيني بويه من أنحب ونوحاً يبجي حته حسيني وداعاً يا محمد والدي وداعاً يا محمد والدي ___ خذني وياك بمنيتك والله ماريـد العمر كون اموتاً هسه أنه دمعي مايقبل عذر سوده صارت كل حياتي يامحمد ياذخر كلبي مابطل نياحه ومدمعي حد الفجر وداعاً يا محمد والدي وداعاً يا محمد والدي ___ بيتي يفرغ من حنانك يالحنين لغالي خالي من نور الهدايه بيتي بعدك خالي بويه لا تترك يتيمه وارحم انته بحالي فكدت بعمر الطفوله أمها وأنته التالي وداعاً يا محمد والدي وداعاً يا محمد والدي ___ هذه حيدر وبغيابك خيم عليه الحزن ظهره محني يامحمد والدمع ذبل جفن والله يشتاق الكيانك بويه وكلش يحن الفارك أحبابه يويلي يكره اليل اليجن وداعاً يا محمد والدي وداعاً يا محمد والدي ___ وأرد اسولفك يبويه من يطول غيابك هجمو علينه بحقدهم وعتنو يم بابك بالشماته يا محمد سحكو على عتابك الحركو البيت بغيابك همه من أصحابك وداعاً يا محمد والدي وداعاً يا محمد والدي ___ فاطم توأن من ضلعها ويلي اه من الكسر مااسامح بـويه أنه وأبقه اليوم الحشر أنصب بيوم القيامة محكمه الاهل الكفر فلان وفلان بجهنم والله مااقبل عذر وداعاً يا محمد والدي وداعاً يا محمد والدي ___ كلمات الشاعر الحسيني مرتضى مكطوف الموالي
وصية الرسول الاعظم محمد (صلى الله عليه وآله) لأمير المؤمنين علي (عليه السلام) قبل استشهاده مسموماً : علي اوصيك بوصيه بعدي لو جت المنيه شمايصير ابدارك .. لا تسل بتارك بعدي لو جت المنيه اولا بالمغتسل وبكل صلافه تنقلب هالامة من اجل الخلافه بالسقيفه تنجمع زمرة قحافه والغدر يتصدر ويفرض عجافه انته گبل انصارك .. لا تسل بتارك بعدي لو جت المنيه ثانياً يردونك تبايع صنمهم ويرتقون لمنبري هذا حلمهم يا علي بتاريخك تهيّج المهم چفك بيوم الغدير ارعب زلمهم موقفك بإصرارك .. لا تسل بتارك بعدي لو جت المنيه ثالثاً مو سهلة بس لازم تكابر حرگ دارك يفتح ابواب المگابر يوم للمحسن وعندك يوم غابر لفاطمة ولازم تكن محتسب صابر نار تلهم دارك .. لا تسل بتارك بعدي لو جت المنيه رابعاً هالمسجد تلزمه العصابه ومنبري من بعدك ينوح بخضابه هالظلم يابو الحسن تحسب حسابه والامانه ( الدين ) من الله و(كتابه) لو دنو لاسرارك .. لا تسل بتارك بعدي لو جت المنيه خامساً ما ينتهي بهاي بلائه والشقي يحكم أمثاله باشقيائه هذا امر الباري او حكمة سمائه والاشد وادهى مصيبة كربلائه نار گلبي ونارك .. لا تسل بتارك بعدي لو جت المنيه حسين آل صگر العبادي
لسان حال الزهراء عليها السلام البنيه لتفارگ ابوها عادت الناس يگابلوها موش البچيها يحاربوها ومن الحگوگ يسلبوها بيت الاحزان عليك لابنيه ونعه عله فگدك دوم وابچيه والجفن لا ما خل دمع بيه والصوت اكثرلك نواعـيه جاء غير اكو ليسد مجانك يا والدي ورقّــة حنانك يا عازه بنيتك لأمـانك وسفه الوكت ياابوي خانك من يوم موتك والسقيفه حطت بنص گلبي رجيفه حطوا عگب عينك خليفه وتصافحوا جيفه وي جيفه يا ابوي دينك بيد الاوغاد وجفوف حيدر حدهن حداد عالزهره اجه ذاك الرجس هاد والدار عگبك صبــّح رماد حسين آل صگر العبادي
فزاعي// حال الحسين برحيل جده رسول الله ص لا ترحل يـجدي وعــــازتك عازه باچر بالحوافــــــر رد الــــــمجازه ــــــــــــــــــــــــــــــ تنشال ابنعش ياجدي وگبالي يضّل فارغ مچانك والنزل خالي هنا ترخص دمعتي ونوحي يحلالي من هسه احس بالــــــعطش چتالي على هذه التعب چا هيچ تتجازه لا ترحل يـجدي وعـــــازتك عازه ــــــــــــــــــــــــــــــــــــــ احسن بالگلب مو خيمه عطابه تحولو هالصحابه صبحو عصابه هذه يگول يهـــــجر ذاك يم بابه يفكر بالجريمه وحاسب احسابه وثالثهم يّصيّح ماني محتازه لا ترحل يجدي وعازتك عازه ــــــــــــــــــــــــــــــــــــــــــــــــ بس وجه الكريم الباقي و الدايم بس حگ الگلب يم حظرتك هايم وحــده ليش نعشك وينها الوادم نجمعو بالسقيفه بأمـــرت الضالم ما حظرو دفنتك لا من مـــــعازه لا ترحل يـجدي وعـــــازتك عازه ــــــــــــــــــــــــــــــــــــــ حسبت وحسبتي يا وسفه وهمانه حاضر چنت احسبك كــربله ويانه تشوف الخلگ كله صــارت اعدانه فقط سبعين زلمه وروحي حيرانه ياجدي اعله ذبحي كـــلها تتوازه لا ترحل يـجدي وعـــــازتك عازه ــــــــــــــــــــــــــــــ مهـر أمي الفرات وهالخلگ تبخل فوگ العطش صدري منطعن منخل والأكـــــــــــلف عليك وللعقل تذهل بديــــــــوان الاجانب زينبك تدخل بحصيره يصير لمّــي ماكو جنازه لا ترحل يجــــــدي وعازتك عازه ــــــــــــــــــــــــــــــــــــ تمت بفضلهم. ص المقصر دوما معهم ✍️الشاعر ياسر الزيادي
لشهاده النبي الاعظم ص يروي التاريخ قصة مقتل نبينه يروي التاريخ أعظم قصه حزينه على دين العصمه انقلاب الامه 00000000000000000000000 قصه منقوله بتفاصيل الروايه تطشر القرأن بيها آيه آيه طاح مسموم النبي خير البرايه من غمض عيونه النبي وسلهم جبده يتكطع ياخلك بالسم روحه زهكت والكون صار اظلم والسبعه نصبت للنبي مأتم مسموم الدين بجف اشرار الخليقه مسموم الدين ناس الجانت صديقه بيده يجفي النعمه انقلاب الامه 0000000000000000000 الجان جبرائيل خادم عد مضيفه كالو اعليه يهجر اصحاب السقيفه جان كل مرادهم ياهو الخليفه حيدر علي بوكت الدفن ينحب مثل المشت فوك الهزل زينب وتشوف اخوها اعله الثرى مسلب والماله ذمه جان يتنصب لا مو اصحاب ناس تدور كراسي لا مو اصحاب بس دموع ومئاسي بلايه دين وذمه انقلاب الامه 0000000000000000000 ضلمه صارت كل درابين المدينه المسجد بلا راي راي صار بلا نبينا بهالمصاب يعينك الله ياعلينه جن عالم البرزخ صبح لونه واليدفن بجفه النبي شلونه جناز شال اعظم نبي متونه بكل خطوه يعثر تهمل عيونه فارس صفّين بيده يواري الجنازه فارس صفّين دمعه يوحي اعله عازة نكسر ظهر الرحمه انقلاب الامه 0000000000000000000 الله خالق كلشي بالكون اعله موده تالي نكرو بيعته ونكرو عهوده ردو لدين الاصنام ودنيا سوده للدين جان مضحي كل عمره زرعو بكلبه الضيم والحسره من بعده كسرو ضلع للزهره منهم ليوم الدين يتبره حروف القرأن بيها اسراره وصفاته حروف القرأن تذكر كلشي بحياته الكتأب بأسمه انقلاب الامه 0000000000000000000 ساعد الله فاطمه بهاي الرزيه يهدل متون العرش دمع الزجيه ام ابوها شلون بيها بهالمسيه ضيم الزجيه شكد كلف فاطم بت رحمه الله وخيرة الوادم تشوف النبي تحت الثره نايم بضلوعها ماضل كتر سالم ام السبطين أعله فراكك زغيره ام السبطين مثل الفاكد عشيره تشم عطره بهدمه انقلاب الامه 0000000000000000000 خادم الحسين الشاعر شاكر محمود الگيم
بين جمرِ الفقد ولوعةِ الثكل، تشتعلُ الصدورُ حزناً وتخنقُ العبراتُ الأنفاس، وهي تستشعرُ ألم الرزيةِ الكبرى والمصيبةِ العظمى باستشهاد حبيبِ إلهِ العالمين وسيدِ المرسلين، النبيِ الأعظم محمد (صلى الله عليه وآله وسلم) ________________________ تچوي الصدور وآه الأنفاس رايـح رسـول اللّٰـه يـانـاس الزهراء بدمعه بعتبه الدار تون والمصيبه تشيب الراس فاطم بقت بالحسرة والنوح صعب الوداع وياخذ الروح طاح العمد والدين هاليوم وعين الوديعة تنزف جروح حيل السمه للصار مهدوم مـيت رسـول الله مـسموم تبچي الملائك عالجره وصار وگلب اليواسي بدمعه ملچوم حـيدر يـودع أغـلى الأحباب ينحب يويلي ودمعه سجاب محني الضهر بدموع العيون ويـلطم جبهته بـ اه وعتاب شال النبي وراح الضوا وياه حـيدر يـون ويصيح أويلاه يبجي المصيبة المالها حدود عاف الخلگ وتـوسد أثراه گـلب الولي بفراگه مهموم دمعه على خده ينزل دموم واهل النفاق وحـيد خـلوه مظلوم أبو الزهراء مظلوم ________________________ رزية الهادي الخادم :محمد أمين https://t.me/hxzeu1
يا زينب هذا الغار … ليتامچ يا زينب باچرر نار … بخيامج غار حرّاء النبي - مَأوة ضعنج بالسبي يا زينب … يا زينب مو مثل الخيم هل غار ما يحترك عالخدر بس الخيمه تشتم نار بأقرب جمره تتأثر يبني العنكبوت البيت ومحد عالضعن ينهر ينزلج وحي بالماي يسقي اضعونج ابكوثر باجر وحدج تبقين بالهيمه يا زينب جايج نار بالخيمه من جمر يلهب عبي مَأوة ضعنج بالسبي مثل ما نازل القران الغار ايلم تره اضعونج باچر ركضه يا زينب النوم ايهاجر اعيونج امني ابهل كهف ساعات خاطر ما يشوفنج لو مو حرمه يا زينب تره بالطف ايذبحونج مو ( اقرأ) صوت اضلوع اتسمعينه ما يبقالج اي حيل اتعينينه جبريل الج موش اجنبي مَأوة ضعنج بالسبي سَليل اخيامج امن ايطيح ينهد ضلع بالعتره باجر لمن اتشوفي متعرفينه والزهره تتراكض عَليه الخيل وتطبك صدره ويّ ضهره ابكل حافر ضلع تلگين اهواي اشلائه مطشره ما يلم مثل الماي متطشر كل گلبج مثل احسين يتوذز لو جيتي مامش طالبي مَأوة ضعنج بالسبي اروي الطف سِمَع جبريل وفاضت دمعته ابعينه ما ادراكه من باجر غداً بالغربه اهالينه بوسة نحره راح الخيل تسحگ كل شرايّينه ما يلحگ يجر انفاس اسهام اكثر امن اسنينه راسه ايرفعو برماح گدامج ويحدي اضعونج ذباح ليتامج جداهُ اسمع تندبي مَأوة ضعنج بالسبي كلهه اتصيحلج باچر مو بأسمج يمسبيه هاي اخت البقه اموذر العفنه اضلوعه مرميه الخيل التسحگ احسينج لحد الركب مدميه يجيبوهه ويزينب هاي الروحه سحگته وجيّه اتجيبيهه اجروح وموت بالحيرة باچر وحدج تبقين بالديرة للموتِ انتي ترقُبي مَأوة ضعنج بالسبي هشام الساعدي
قال تعالى (…… إفإن مات او قُتل انقلبتم على أعقابكم ) …………………………………………………………… أَنبَأَ القرآنُ عَن تلكَ العصابه أفإن ماتَ إنقلبتُم يا صحابه دينُ طه لا يُضَر . باقي في الاثني عشر والبتولِ .. و البتولِ …………………………………………………………… القران يكشف هالحدث . بس جيب ناس التفهم نصهم امن السيف ارجفوا . ونص يركض اع الدرهَم ركضه لسقيفة ساعده . كل واحد الها امحزم تركوا محمد عد علي . ولموته محد مهتم أظهروا الحقدَ الذي كانَ حبيسا صارَ همُ القومِ من يُمسي رئيسا لكن الحقَ أستمر . باقي في الاثني عشر و البتولِ .. و البتولِ …………………………………………………………… تنقلب لو ما تنقلب . دين الله ابد متغيره باقي اسم احمد يعتلي . في كل آذان انذكره ويبقه علي واحة ورد . وانتم رمال الصحره تبقون هندس والكمر . ياخذ ضوه امن الزهره لن تضروا اللهَ شيئاً و النبيا فازَ بالجناتِ من والَ عَليا من الى الحقِ انتصر . باقي في الإثني عشر و البتولِ .. والبتولِ …………………………………………………………… امجازاته هيج الي تعب .واخرجهم امن الظلمه سوّالهم قيمه و قدر . صعّدهم اعل النجمه جانو غزو و شرب الخمر . مشيول اسم الرحمه ابفضل احمد و مثل النهر . جريان تجري النعمه لو شكرتُم لأزيدنَ عطائي والذي يكفرُ فالنارُ جزائي لهُ سجنٌ في سقر . باقي في الإثني عشر والبتولِ .. والبتولِ …………………………………………………………… والبايعت مية الف . بيوم الغدير الحضرت بس خمسه ظلو والبقت . للمرتضى الكل نكرت اعمايمهم وغيم اصبحت . رعدت خيانه و مطرت يثرب ومن طه استحت . والكاع كلها أحمرّت فهم اولادُ الزنا لا يستحونا لنبي اللهِ سماً يقتلونا قتلُ والسمُ انتشر . باقي في الاثني عشر والبتولِ .. و البتولِ …………………………………………………………… انقلبوا ومو بس للحكم . سووا جريمه الكبره ابرهه الثاني وبالحطب . يحرك اباب الزهره ابكل قوته اعليه انتچه . يدفع بديه القذره ماتت الزهره امن العصر . ومحسن سگط عالغبره لطمَ الزهراءَ منها العينُ حمرا صارَ سوطُ قنفذٍ في المتنِ جمرا كسرُها لا ما أنجبر . باقي في الأثني عشر والبتولِ .. و البتولِ …………………………………………………………… امة محمد والقصد . الشيعه هي الامه انخلقينه من طين النبي . يعني احنا لحمه ودمه والينه اهل بيته ابصدگ . همه الهوه النشتمّه سوينه جيش امن الخدم . واسسنه دولة خدمه هذا عهدٌ مِنا دوماً ما بقينا يارسولَ اللهِ لن ننسى حسينا نبكي دوماً للنحر . باقي في الإثني عشر و البتولِ .. والبتولِ …………………………………………………………… ✍️ ( سيد خضر الزاملي ) @HxzEU1 #قناه_نشر_القصائد_المنبريه #الناشر_مصطفى_المياحي
(موشح لاستشهاد الرسول ص ) غبت عن الدنيا يا سلطانها وظلّمت بعدك جميع اركانها ~~~ 1 جفك عله الامة خيمة من الحنان غبت عن دنيانا وانشال الامان الفگدك الليلة بجت كل الاكوان ناحت الگاع وهدم بنيانها ~~~ 2 الارض ناحت على مصابك والسمة والملايك يا محمد لاطمة وابد مابطلت دمعة فاطمة شيدت بالدمع بيت احزانها ~~~ 3 شيدت بدموعها بيت الحزن على مصابك تبجي يالهادي وتون صوتك الجان عله مسمعها يرن راح عنها وسكت صوت اذانها ~~~ 4 يمن جنت اتباري كل المسلمين وعلمتهم شرع رب العالمين بعدك اتعدوا عله ام الحسين وشبوا اباب الوحي نيرانها ~~~ 5 على مصابك مانشف منها الدمع وفوگ هذا كسّروا منها الضلع يارسول الله تعلم بالوضع وتعلم اشصار وجره ابيبانها ~~~ 6 انودعك بهاليلة ياروح الامين انعزي بمصابك امير المؤمنين اتغيب عن امتك يسيد المرسلين وبعدك اصحابك تِغَير الوانها الشاعر مصطفى الشافعي @HxzEU1 #قناه_نشر_القصائد_المنبريه #الناشر_مصطفى_المياحي
لأبي الزهراءِ أمرٌ قد تسنّى قاب قوسينٍ من اللهِ و أدنى وبصوتٍ لـِ علي •• كلمَ اللهُ النبي يا محمد .. يا محمد …………………………………………………………… الله ابوحي لا مكتفه قرر لقاء المصطفه . ابسدرة نهايه ابسرعة النظره العابره من مكه للمقدس سره . والناگه آيه اعرج من الاوله السمه . وفاق السماء السبعه فوج انبياء تستقبله . والاف تبچي اتودعه وصوت الله وبلهفة عشگ . اقبل يـ طه بسرعه كانَ ممنوعٌ على جبريلَ يصعد و عبورٌ فقط للهادي مُحمد نورُهُ كالذهبِ •• كلمَ اللهُ النبي يا محمد .. يا محمد …………………………………………………………… نور احمد اول منخلق بسم الله اول من نطق . اول عباده اغرب ابو آدم يُعد قبله الابن طه انوجد . نور السياده ساجد الـ آدم كل مَلك . والسبب طه ابظهره وادم بگه ابحيره و ندم . لمن گرب للشجره وكلشي انعدل لمن صرخ . افزعلي يا بو الزهره أسمهُ قد صارَ منهُ الشوكُ وردا و بهِ النارُ سلاماً ذا و بردا والهمومُ تنجلي •• كلمَ اللهُ النبي يا محمد .. يا محمد …………………………………………………………… من گصته اينور الگمر ومن ايده ينبع كل نهر . و الكون بـ اسمه تضوي الشمس من وجنته يهب الهوه من ريّته . و انفاسه نسمه كل الكواكب بالسمه . ادّور اعل اصبعه وتفتر من طول ابو الزهره الجبل . ظل ايتعاله ويكبر بلون العمامه الطاهره . صار الزرع لون اخضر كلُ طيرٍ بالسما بالعشقِ ردد ما نطيرٌ إلا مِن فضلِ مُحمد بهِ جنحٌ يعتلي •• كلمَ اللهُ النبي يا محمد .. يا محمد …………………………………………………………… اجمل وصف للمصطفى القران گال إنك على . خلقِن عظيمِن ابوكت الجذب و بلا شرف صادق امين اسمه انعرف . قلبِن رحيمِن ملگاه بسمه و چن فجر . بيه الخلگ مبتشره لو ماهو بالمسجد تره . تلگاه ايوكل الفقره عنده البشر مامش فرق .عن حب مهجته الزهره قلبهُ ازدادَ على الوجهِ جمالا كـ عليٍ يكرمُ العبدَ بِلالا يرأفُ بالناصبي •• كلمَ اللهُ النبي يا محمد .. يا محمد …………………………………………………………… اكثر نبي اتأذه وتعب من ابو سفيان ولهب . واهل السقيفه يهجر عليه كال النذل قرروا للهادي الچتل . هاي الحقيقه التطلع تحارب عالجمل . خي طه وابنيّ عمه والضربت اسهام النعش . للحسن صابت جسمه هالجرأه اجت من قررت .جسم الرسول اتسمّه والدليلُ سورةُ التحريمِ شاهد على طه قلبُها المظلمُ حاقد ولكلِ طالبي •• كلمَ اللهُ النبي يا محمد .. يامحمد …………………………………………………………… غاب الكمر عن السمه والظلمه حاطت فاطمه . دمعتها جمره اثمنطعش مرن چن حلم واثنينهم ظل منحرم . ابكل گلب حسره لا تبقوا الهم باقيه . رفعاه شعار الحاكم سمّينه جبد المصطفى . واليوم دورج فاطم باجر حسين انعطّشه.امن الگفه ايذبحه الصارم لكِ سوطُ و غداً سوطٌ يلوحُ تُرسَمُ في متنِ زينبكِ جروحُ ليزيدٍ تنسبي •• كلمَ اللهُ النبي يا محمد .. يا محمد …………………………………………………………… ✍️ ( سيد خضر الزاملي )
ليلة دفن ابا الزهراء ع علي الليله نكسر ظهره .. دفـن بيده ابو الزهره علي دافـن حبـيـبه .. شعـظم هاي المصيبه ……………………… رجع يـم فاطمه حيدر حاني من الألم ضلعه يتمايل علي بمشيه عله شيباته يصب دمعه علي ذاك الجـبل هـسه النسمـه تگـدر توگـعه رجـع للزهـره بالعـبره لمصيبـتـهم گـعد ينـعه نعـه بصوت الحزن الها .. راح المصطفى يگـلها نفجـر حيدر نحـيبه .. شعـظم هاي المصيبه ……………………… يصد الفاطمـه وعـينه تصـب عـبره بأثـر عبره يروح المصطفى توني دفنت المصطفى بگبره اليدفنـلـه اخـو يعـني دفـن ويـه الاخـو عمره مـن هـايـه وعـرفـنـاهـا معـنى اليـنكسر ظـهره الدفن بيده الاخو توه .. عله بيته تهـد زلم گوه وحـيد ايظل نصيـبه .. شعـظم هاي المصيبه ……………………… يبت طه النبي اتحظري بعد ساعه الهظم يبدي محمد بيدي واريتـه ودرو هـسه صرت وحدي على داري تـهـد ربـعـه تريـد البـيعـه من عندي وتشب نـار الحقـد بـينـه وتتراكض رعب ولدي الوصيه مچـتفه اديـه .. من اشوفچ انتي مچويه بجـمـر يسعـر لهـيـبه .. شعـظم هاي المصيبه ……………………… العـدل لازم يعـزونه ويواسـونه بمـصيـبتـنه لچـنهم من رحل طـه استغـلو بعده وحدتنه يزهـره استخـلفي الله يشاهـد هـوه محنتنه نضل بعـد النبي بحيره يزهره وغربه غربتنه بعـد طـه يخـذلـونـه .. الغـرب بعـده يسمـونه غريب ويه الغريبه .. شعـظم هاي المصيبه ……………………… يفاطم لو اجو للدار الحطب راحو يجيبونه وعلى باب النبي بغيهم بمشاعلهم يحرگونه وضلعـچ ياضلع طـه على الحايط يكسرونه يوجه الله بحقد وجهـچ يفاطمتي يلطمونه يبت طـه يلـطمـونـچ .. يزهره ويعـمن عيونچ وجرحچ ماله طيبه .. شعـظم هاي المصيبه ……………………… يزهرة عمري وسنيني گصيره اسنينچ اويايه تمـوتـيـن بـهـظـم واني اضـلـن للـمـحـن هـايه علي بعـدچ يضـل اسمـه يرتـلـونه بحـزن أيـه فگـد المصطفى وفگـدچ عليه يصيرن هوايه اصبر فاطمه ادعـيلي .. بفگـدكم ينـهدم حيلي علي يكـثر مشـيـبه .. شعـظم هاي المصيبه الشاعر عقيل الحسناوي..
مات اخوه وابن عمه مات البروحه يضمه انكسر ظهره ودليله علي والليله. ليله وحشه وحشه * نبي واخو بحظن علي مشى الدفو. ولي الولي مات كل شي بموتته حتى علي ماااااات يعني هوه حيدره ونفس الولي ماااااات راح اخوه وراح ابوه وكلشي أله. مااااااات يا كسرتنه. حيدر. صاح حيدر طاح. يا كسرتته. صارت دنيا. دنيا. رماااااح محد ايعين . اليفكده شده. هاي الليله. . شده خلص يا وسفه حيله علي. والليله. ليله وحشه وحشه **** بده الدمع علي يون حزن وجع علي يحن نكسر وظهره حيدره راح الاخو راح نفجع بي كل اهل السمه وضجو بلنياح هذا مو جنه النبي جنه علي طاح يا دمعتنه. تبجي الكون كلهه احزان يا دمعتنه. دم وهموم. عل عنوان صعبه هذا اليوم صعبه المات اخو الخو يعيش غربه راح اللي يتجيله علي والليله ليله وحشه وحشه *** غفه الصبح بده الجرح اجه الحزن انتى الفرح چوه كلبه بطيحته ما ضل بعد حال فكد روحه من رحل وما بقت امال يمشي محني ضل علي والبعد جتال يا هضمتنه. شال الغالي. ضلمه تصير يا هضمتنه. روحي بروحي. كلبي يحير جان العلي مثل النفس وسط الكلب حزنه نحبس وعيون الكون التبچيله علي والليله ليله وحشه وحشه ** شنهي الجره وداع ودمع گلب الولي الليله نشلع اليوم وحشه ياعلي ما ضلك اعضيد هسه وناتك ثگيله وضل تصفك الايد عمت عيني حيدره من تبقى وحيد هاي الدمعه. مال اوداع. كلهه جروح هاي الدمعه. كله هموم. تون الروح حزنت الدنيه ويه السمه صاحت يبويه فاطمه بل الدمعات تحچيله علي والليله ليله وحشه وحشه * بهاي المسيه حيدر حضر الزهره كلبهه مثل الجمر نبدي مجلسنه بعلي فارك محمد وتحضر ويانه الزجيه بدمع عل خد ضجت املاك السمه والباري يشهد يا دلاله. شكد ملجوم. بس اهات يا دلاله. ينزم گام. روحه ومات من يجي الغروب شيحمله عل ودع الدهر مدري شيضمله من فارگ خليله علي والليله ليله *** كلمات الخادم/ حيدر ناجي الدراجي
أخي ... يا محمد أخي ... يا محمد أخي ... يا محمد ........ مو وكتهه افراكَك ... يمي وانه اشتاكَك اكَعد وحاجيني .... يا أعز من روحي كسرتي بغيابك .... تشهدلهه احبابك دمعي ما يكفيني .... اعليك يابو اجروحي بحاجتك انه علي يا بو علي لا تخليني اوية حزني مبتلي راح اقره اما يجيب انه وهلي بلكت الباري يردك ساعه الي أخي ... حزني سرمد أخي ... يا محمد ...... إلي فتح اعيونك .... ظلمه عمري بدونك يا عضيدي الغالي ... كلشي بيه ايريدك ابحيره لتخليني .... موتك ايأذيني جبت عمري وأنه ... امشي لازم ايدك انه بعدك راح اعيش ابلا أهل وتندفن وياك ضحكاتي بعجل وما يضل بالدنيه عندي كل أمل بس جسد راح ابقى ويتاني الاجل أخي ... مالي احد أخي ... يا محمد ....... أنته يا عافيتي .... الهوه اليدخل ريتي اشلون اعيش بدونك ... وانت راعي انفاسي يا أخوي الغالي ... أكَعد انظر حالي ميت انه ابموتك .... وشيبي تارس راسي كَلبي ما ينطيني انزلك حفرتك وين الكَه آنه بعد من خوتك هاي هيه يعني ماكو شوفتك كلشي ضاع امنيدي ساعة موتتك أخي ... حيلي منهد أخي ... يا محمد ....... يا نبيَّ الرحمه .... داري بعدك ظلمه ما تطبهه الفرحه ... بعد هاي الساعه عمري اخلصه ابوحدي ... كل سند ما عندي المثلي فاركَ خله ... يروي قصة اوداعه المثلي وادع خله تجوي دمعته وتخلص ايامه حزن حد موتته وليله وانهاره يكَابل صورته ومثل يعقوب اعله يوسف حالته أخي ... راح مارد أخي ... يا محمد ....... راح اودعك اني ... وابقى موتي امتاني موتي بعدك راحه ... ما أريد ايامي موتي اهون عندي ... ولا اظل الوحدي اوياك جبت اسنيني ... ابيقضتي واحلامي ريت وياك ابفرد لحد وكَبر شلي من بعدك يخوية ابهل عمر كلشي بالدنية يهون الا الهجر بية يترك يا حبيبي جم كسر أخي ... روحي تشهد أخي ... يا محمد ........ ✍ كلمات : موسى الخادم
ايعينك الله يا علي ابهل ليله مات اخوك الجان حيلك حيله 🗓️ 1 ايعينك الله يا علي اعله افراگه توك ادفنته وتريد املاگه عايش وروحك اله مشتاگه اشلون عمرك تگضي بعده ادخيله 🗓️🗓️ 2 اشلون وحدك نزليته الگبره وانت حيلك راح گبل العصره محني ظهرك على افراگه وتقره راح اخوي الجنت دوم اشكيله 🗓️🗓️🗓️ 3 يالجنت بلسم الكل اجروحه روحك اشگالت ابطلعت روحه هذا نوحك منسمع لو نوحه اشويه ارحمو ابفاطمه التبجيله 🗓️🗓️🗓️🗓️ 4 مات ابو الزهره وبقيت الحالك شنهو ظلتك كلشي ما ظلالك بعد موته موتتك تحلالك المات اخو محد يجي ايتجيله 5🗓️🗓️🗓️🗓️🗓️ المات اخوه محد يهم ابحاله وليل وانهار الدمع يحلاله ايعينك الله اوياك محد شاله ولا حضر واحد يعزي العيله 6 🗓️🗓️🗓️🗓️🗓️🗓️ راح طه المصطفى محبوبك وراح وحشه اتصير كل ادروبك اولون الاسود ما يفارگ ثوبك لحد يوم الراح بي تمشيله ::::::::::::::::::::::::::::::::::: ✍️🏻 كلمات #موسى_الخادم
اخاف .....باچر يبويه ينحرگ بابك اخاف....تنفي الوصيه ابهجرك اصحابك وامحمداه...........وامحمداه ******* بويه تدريني وحيده ودمعي اسيله شلون وافراگك صعب ما بيه حيله يارسول الله الدمع صاير وسيله وصحابي من غبت شو طال ذيله اخاف........بالهجمه يوصل بويه لعتابك اخاف....تنفي الوصيه ابهجرك اصحابك ******* بعدك انشوف الخلك هجمت علينه خالفو نهج الرساله اشگد حچينه گال فاطم بضعه مني نص ولينه من سألهم طه گالوله نسينه اخاف...من كلشي بي ريحة غدر صابك اخاف...تنفي الوصيه ابهجرك اصحابك ******* بويه ما احمل غيابك والله صعبه چنه صار البيت بويه كله غربه والحنين ابكتره لو گعدني گربه چان يستأذن محمد طيب گلبه اخاف........بالعتبه كلشي يروح بغيابك اخاف...تنفي الوصيه ابهجرك أصحابك وامحمداه.............وامحمداه ******* چنه بويه الموت گرب من جبينك مددت رجليك اشوفك تغفه عينك شلون تختم عمرك واسمع ونينك حسره الموداع ذبحني من سنينك اخاف.....بالحسره اموتن والله بمصابك اخاف...تنفي الوصيه ابهجرك أصحابك ******* لیش خانت امتك عهد الوصيه بغيبتك هجمت نوايا شر عليه گال واحد بيهم اعصرها الزجيه بويه والعله ابتدت بنتك ضحيه اخاف.........النار باچر توصل اطنابك اخاف...تنفي الوصيه ابهجرك أصحابك ******* اه يالفاگد حبيبه يعيش مجروح توالم وياي الحزن بس يكثر نوح انه يتراولي طف حسين مذبوح چنه مسموم الحسن صوبني بالروح اخاف.....شيبك يبويه امبين اخضابك اخاف...تنفي الوصيه ابهجرك اصحابك ******* تمت بعون الله خادمكم .....يوسف الفتلاوي
نعي السيده رقيه **** فزت من حلمها تريد ابوها وجابو راس ابوها وسكتوها التراجي اتكله عكبك سلبوها وامتوني يبويه ورموها شمسويه وديه جتفوها وضلوعك شفتهم رضرضوها ردتك يالحنين تشوف حالي عيني الراسك ودمعي يلالي غربه الشام كلها وعرف مالي وانه ميسره وما عندي والي ما ضلت معزه ولا مهابه وكعدنه اخلاف عينك عالترابه عكبك ما لفاني النوم بابا وابد ما تنحمل ذيج الخرابه امسح دمك وامسح بالتراب وشكيلك عذابي ودمعي سجاب وكلك وين عني كل هالغياب ما طاب الجرح بجفاك ما طاب علي السجاد صاح بهل المسيه عمه اعله الطشت ماتت رقيه وزينب عمتي شبكت عليه ومن ذاك الحبل دم تجري اديه الشاعر تحسين الخفاجي https://whatsapp.com/channel/0029VaT15vYBqbr3fLmeXq1z
#أبوذيـات لمصيبة سيدي ومولاي ألأمام المجتبى صلوات الله عليه .... يا صاحب الزمان بيك اجروح ما يسكن ... ولمهن ألم پارض البقيع أمسه .. والم هان الك چبدين رد ألهن ..... ولمهن چبد ابطشت . چبده اعله الوطيه ... چبدته بل طشت ويلي .... يلمها مصاب الحسن كل مهجه ... يلمها اذا روحي اطلعت لحد ..... يلمها الحسن مات . او فرح عد آل أميه زينب اتگول : بعد مابي يسولف گام ... يوماي وانا مدري يريد الطشت .. يو ماي دعيت الله يحين الساع .. يوماي أموت . او لا أشوفه ابهل رزبه .... حسن يبن امي مني اضلوع .. حنيت عله اونينك حنين النوگ .... حنيت وجهي او چف ادي بدموع ... حنيت يبعد اختك دگلي اشلون بيه .... مولاتي العقيلة روحي فداها يجر الطشت من عندي .. واجر بي يبعده . او گالي اتدني .... وجربي جمر السم حرگ چبدي .... وجر بي يل احنينه انتوادع هايـ ـهيه ..... أشضل بروحي من شفتك .. سوى الون اعگبت يعگوب لتضنه .... سوه. الون وجه الحسن هاذه السم .... سوه الوان. (( سواه )) أزرگ صار جن متن السبيه .... دمع عيناي دم أحمر ... لديره وادور ادواك من ديره .. لديره لون يندار بيه السم ..... لديره واروحن فدوه الك يبن الزچيه..... مدري امسح اعيوني ... مدري عينه أجيب الطشت يَمه .... مدري أعينه أشو ساكت اخيي ...... مدري عنه نفس مابي يويلي اشلون بيه ... ابو فاطمة الطائي #اللهم_عجل_لوليك_الفرج
بطبت الشام شصار بينه من النضر عركت عبينه وفوك الرمح غمض ولينه من لمو الوادم علينه وكفنه كوه اليحدي بالنوك من شافنه طبينه للسوك وانحبنه كلنه بكلب محروك تحتار حيره الجفهه مشبوك بالشام مو چن اسرى چن عيد هدو علينه المو هواديد ووكفونه يم الموش اجاويد وشتموني ويدرون بت حيد كامت الناس اعلينه تندار وانشمر طولي الغالي بحجار يكسر اضهور البالحرم صار شما نلتم يسوونه طشار الما واكفه يم طول زلمه توكف بوسط الشام ندمه سمعنه حجيهم شتمه شتمه وشتم هلي الما يعرف اسمه اباب المدينه وكفنه ساعات بديرة غرب بيهه الشرف مات واصبحنه عكب العز غريبات وصدو علينه الغرب هيهات مصطفى حرب