الشاعر ميثم العمري

حاجيني وين اتريد حاجيني يابويه لا تمشي وتخليني بدموع الاحزان گمت اقره قرآن يوم الاجل حان يامحمد ******** صوت من بُطنان عرش الله تردد الليله عن ام الحسن يرحل محمد ساعه وتحين المصيبه وفاطمه تصبح غريبه كلساع ظل ملك الموت ايروح ويرد بحسره تدري بقبض روحك راح يقبضها روح الزهره وينكسر گلبي بفرگاك وكسر الگلب شيجبره مجروحه من هالليله مجروحه وصعدت محمد للسمه روحه دمع الحزن صاح راح الابو راح ومني الگلب طاح يامحمد ********* الابو من ايروح كلشي ايروح منه ومن يموت اتموت وياه المحنه صعبه يتعوض حنانه وخالي دوم ايظل مكانه البنيه اذا ابوها ايموت اتعيش المن بعده افراگ الابو ايهد الحيل ومحد اغيابه ايسده الما عدها ابو بيها شلون وذاك الحنان اتفگده بغيابه صعبه تعيش بغيابه وبويه الابو مو هين اصوابه الفاگد احباب اتظل عينه عالباب شيحمله الغياب يامحمد ************* يارسول الله بغيابك اصبر شلون وشيبت من البواچي حتى العيون يالعفتني شلون بيه ياهو من بعدك اليه خيمه الابو ليش اتروح عايفني أبلا خيمه وشيظل بعد بيها الروح من الفراگ وضيمه ظلمه المدينه بلياك ويابويه صارت هيمه حزنانه حيل عليك حزنانه وبعدك محمد غربه دنيانه صار اظلم الكون وما ظلت عيون بفراگك اشلون يامحمد ********** يامحمد امتك بعدك ولتني وبويه من غمضت عينك حاربتني طلعوني من المدينه وصرت من بعدك حزينه اهوايه گالو تبچين ومن البچي منعوني بضعة محمد يدرون ويابويه ما رحموني شمسويه واصحابك ليش عن گبرك ايبعدوني منعوني ابچي عليك منعوني ولوصحت بويه ما يخلوني منهم شفت ويل وتعذبت حيل گمت ابچي بليل يامحمد ********** تمت ميثم العمري

https://youtu.be/F-6t9okcb68?si=Zvn0_WaRnAz3WQ0U

https://youtu.be/QXkRLsH2jyU?si=LQs3eD5kJqKRaONh

https://youtu.be/aUkqRBlthDo?si=fAAtax5v6Sfmafdw

https://youtu.be/gL0-1eimDF8?si=qcEs9Z56IDu7D8UQ

يا زماني يازماني عشرته مرت ثواني ******* ياناس صحت الكربله الراعي العلم ودوني حنيت وشتاگ الگلب يم الشريعه اخذوني اگعد وحاچيه يغالي يغالي بعتابي ابچيه عله حالي عله حالي بعدك ولتني اليالي اليالي حيرتني حيرتني خويه من رحت وعفتني ********* اخذوني يم گبره الوفي اشتم اريد اترابه مشتاگه للخوه الصدگ تعبني حيل اغيابه الاخت عله خوها گلبها گلبها وماضن تزعله بعتبها بعتبها وزينب اخوها يحبها يحبها فارگاني فارگاني وما نسيته وما نساني ******** بالغربه خوتنه گضت ونباگت احلى احلامنه وشيردها عشرتنه بعد وشيرد هذيچ ايامنه طشر شملنه زماني زماني والعندي غالي جفاني جفاني والعشره مرت ثواني ثواني اهنا يهلنه اهنا يهلنه راحوا الكلهم محنه ******* ما ادري بالطف نفترگ يالعشرتك صدگيه وماضن يصح مثلك اخو بكل الكرة الارضيه تدري فرگتك عذابي عذابي وطالت رحلتي وغيابي غيابي خوفي يجرحك عتابي عتابي والمصيبه والمصيبه صرت من بعدك غريبه ***** يالنايم عله المشرعه اگعد تلگه ضعوني عباس اجيت من اليسر ياخويه شوف شلوني محنيه اجيتك يخويه يخويه عاين لديه يخويه يخويه زينب سبيه يخويه يخويه والهضيمه الهضيمه عليه من حرگو الخيمه ******** بعدك چبيره ضيعتي وين الوكت وداني مسبيه وبأيدي الحبل وبعيده عن اخواني ماتدري بعدك ولوني ولوني وحرگو خيامي وسبوني سبوني وبناگه هزله خذوني خذوني روعوني روعوني من الضرب راحن امتوني ********* تمت ميثم العمري

https://youtu.be/kg8YeIT8aNo?si=Up8W53vrzSwqd1F6

https://youtu.be/qLospzFkmlg?si=xsF3lMUcwLXZl2os

https://youtu.be/pOhuSe9LkCg?si=GNYrdTE2uQDmn3M0

https://youtu.be/tBo_n_zIOIU?si=NVE9Xbw_MO_258rt

https://youtu.be/flpJBP0eNRM?si=uiWk8ekczb1nxLD6

https://youtu.be/3xqLX5d9Hhs?si=tFUycboi3orkQvnY

https://youtu.be/wwck-gWgcuY?si=dmUzv68_sv0erKHI

تعبانه بويه اهوايه تعبانه تدري انجويت اهنانه وهنانه لتكلي بويه شلوني سووها زرگه امتوني ******** عالرمح راسك ودار العين اليه جن تگلي شلونج ابنيتي رقيه شرد اسولف وآنه محتركات اديه من اليسر والضيم بويه شظال بيه مجروحه من فرگاك مجروحه ويابويه راسك عالي ما الوحه غيمه الدمع بعيوني وسووها زرگه امتوني ****** اركض وبثيابي بويه مجلبه النار حافيه وكل ساع اعثر والرمل حار عليه كل الطك يبويه والشتم صار زغيره وجروح البمتني كلهن اكبار تدري شكثر بالصوط ضربوني من صوطه بويه راحن امتوني ابجي شكثر خلوني وسووها زرگه امتوني ***** ليش سلابي يبويه ما رعاني حيل جر ترجيتي مني ودرفعاني گمت اصيح ودمي ظل يجري من اذاني گتله بت حسين انه وشتماني وآنه صحت لو عندك بنيه جا ما خذت من عندي ترجيه لمن رحت هضموني وسووها زرگه امتوني **** بويه اجانه الليل واحنه بلايه خيمه بالحوافر بويه راحت جم يتيمه والشمر يفتر عله زينب هضيمه وتدري شوغات اليسر كلش اليمه عماتي وينك گامن ايصيحن وكلهن سوه لوجرهن ايطيحن وانه شكثر جروني وسووها زرگه امتوني ***** اه يدرب الشام يالوعت عذابه واحنه ماعدنه عشيره ولا كرابه صعبه من خلونه يابويه بخرابه بلا سگف ونام گمنه عله الترابه آنه عله زينب دمعي يتجاره ازرك متنها وبينه محتاره الزينب تغير لوني وسووها زرگه متوني ******* بويه من النوم فزيت واريدك وانه ما متعلمه انام اله عله ايدك بشوك احضننك ردت وشتم وريدك عالطشت خاف ابجي بويه وحرگه ازيدك جابولي راسك بويه جابولي هذا ابوج حسين كلولي وعليه متت شافوني وسووها زرگه امتوني ******* تمت ميثم العمري

https://youtu.be/TqLFemHvbfk?si=sm2t9xG1DwXUZ8tc

https://youtu.be/F7LHIuYfwsk?si=y779cn74rVN3vBOe

وصلت المصرعه وحرت بدفنته شفتها مگطعه عالغبره جثته ضلوعه كلها مكسره ورمل شفت بمنحره ******* اول مره ابوي حسين اضيعنه مگطع ماعرفته وجيت اجمعنه وادور خنصره والايده ارجعنه وسهم الي مرد جبده اطلعنه حنتني مصيبته وماشوفه دربي من عاين رگبته يلزمني گلبي بعيني صارت مگبره ورمل شفت بمنحره ******* ثلث تيام ابوي حسين عالغبره ارسومه من الشمس والخيل متغيره الرمل والدم لگيته يابس بنحره مسحته ولن اشوفن بي اثر طبره لگيت اشجم ضلع مكسوره منه وطعنات الرمح طعنه عله طعنه مطشرينه عله الثره ورمل شفت بمنحره ******* اليموت اهله تهم بدفنته وتحتام وبس حسين ظل بلا دفن ايام الرمال اتذري فوگه وصدره كله اسهام عزيز الزهره عاري وبالشموس اينام شوسد باللحد مذبوح انظره ابوي عله الترب وسدته نحره ارسومه كلها مغيره ورمل شفت بمنحره ******** الم بي بالحصيره ودمعتي تجري يريت ابدال صدرك منسحگ صدري ويبويه ابدال نحرك منگطع نحري وكون ابدال گبرك احفر بگبري اصبعك منگطع وشعظمه يومك وعاين للفزع سلبو اهدومك صحت جيبوا خنصره ورمل شفت بمنحره ******** بحوافرها الخيول شكثر ساحگته وصدره من السحگ ياعمه طاحنته سمعت من نحره صوت بحين نزلته عله صدري طفلي وسده وانه وسدته ذبحو بالسهم عبدالله ضامي يبني منحره هم مثلي دامي دفنه صرت اتصوره ورمل شفت بمنحره ****** اعتنيت الشاطي للعباس اشوفنه مگطعينه لگيته شلون المنه مرمي وعالشريعه شويه ظل منه وحرت اشلون ابو فاضل ادفننه جفوفه مگطعه وكاسر ظهرنه ويم المشرعه دافن گمرنه جثته حيل امطشره ورمل شفت بمنحره ********* شفت عله الثره متطشره الخوه علي خويه صحت ظهري انكسر توه لأبن عمي مشيت وامشي بالگوه مخربتها الحوافر كشخته الحلوه دفنت اجمل عرس بيدي بترابه ودفنت اهل الوفه وافضل صحابه دمه كل واحد جره ورمل شفت بمنحره ******* تمت ميثم العمري

فارس برز كدها وكلف حي الله جسام ايعادل تره سبعين الف حي الله جسام ****** بسيفه طب عليها وحالف ايصفيها صاح إله اكظيها هذا هوه القاسم ضهضب عله العسكر الشافه ظل يتعثر هذا صاحو حيدر هذا هوه القاسم الحومه رادت تنخسف حي الله جسام ايعادل تره سبعين الف حي الله جسام ***** شهم من أفعاله وركض الخياله تورط اليدناله هذا هوه القاسم الحومه بيه اتفاخر طبها فارس شاطر الزلم منه تحاذر هذا هوه القاسم خله الزلم تزحف زحف حي الله جسام ايعادل تره سبعين الف حي الله جسام *** من تقدم ليهم الكاع ماجت بيهم المفر ضاع عليهم هذا هوه القاسم الشرد ضن بروحه لو يطير ايلوحه ما تهمه اجروحه هذا هوه القاسم منه العساكر ترتجف حي الله جسام ايعادل تره سبعين الف حي الله جسام **** السبع شو ضم راسه وخمد حتى أنفاسه الشرد كالو داسه هذا هوه القاسم سره واحد واحد ويله صاح ال لابد وعلي اجيبه الشارد هذا هوه القاسم ياهو الشرد خل يعترف حي الله جسام ايعادل تره سبعين الف حي الله جسام ***** الزلم شو مخطوفه وترجف من اتشوفه بيها صارت خوفه هذا هوه القاسم شورطاهم ذوله غشمه وتعنوله بالسره اصطفوله هذا هوه القاسم فارس شهم كدها وترف حي الله جسام ايعادل تره سبعين الف حي الله جسام ***** الموت ضيف القاسم وبيه يعزب الوادم وسيفه يكرم لازم هذا هوه القاسم الزلم مصدومه كَرب الكل يومه صفكَتله الحومه هذا هوه القاسم الموت بالطف يختلف حي الله جسام ايعادل تره سبعين الف حي الله جسام ***** تمت ميثم العمري

بثياب العرس لقنهم درس نوره من يشع. احلى من الشمس ******* طلع من بين الخيام فارس مضيگ اللثام جن علي وبيده الفقار وصاح عالجيش السلام هاشمي من ال ابوطالب دمه حار گلبه ابد ما يرجف وصاحب قرار يعني يگضي الجيش رايح بختصار ما يعرف تعب راواها العجب ياخير العمل عالسيف انكتب ******* هذا ليث الموزمات اهناك ركضهم حفات سيفه يحصد بالرگاب وطبهم من اربع جهات كلشي من طب ارتبك حتى الخيول منين هذا الفارس النازل تگول هذا لو عباس لو فحل الفحول نازل كالرعد حار وما برد وبنصهم هتف ياحيدر مدد ******* ما يعرف المستحيل بالحرب ماله مثيل سيفه بالطف من يميل روسهم وياه تميل القاده حيرها بثباته وهو شاب اهل للكلفه وعليه ذب الصعاب ولو زعل دمهم يخلي للرچاب عليهم من غضب الطف انگلب جده حيدره قتال العرب ********* نازل عليهم عذاب تگول جن يوم الحساب وخيل ذباها عله خيل الزلم غطاها التراب هالفتى تشهدله زود افعاله وفحطاها الخيل والخياله شد عليها وهالعزم يحلاله كرار وكلف بزوده ينحلف جاسم بالحرب ينعد بألف ****** بغيرة الكرار صال وصاح حي عله القتال وعلي من اشتد الوطيس ضمت الروس الرجال صاح لجل حسين باذلها النفس اليوم اخلي الگاع بالدم تنترس وحتى اگدر بيدي اردنها الشمس هذا اكبر حدث سواهم جثث وصاحو حيدره للطف انبعث ****** ماضعف عزمه وصعب وكالرحه دار الحرب لو زعل حيل الغيور غضب عالعسكر يصب سيفه راح ايخوض طوفان الدمه وروسهم تتطاير السابع سمه خاض بالطف جاسم اكبر ملحمه فارس قسوره بيوم الزمجره ذكرها العده بصولت حيدره ********* تمت ميثم العمري

https://youtu.be/1H6z43LWVj8?si=Afcgl4UN6fZRezc2