الشاعر كرار اللامي

❉❉❉❉❉❉❉﷽❉❉❉❉❉❉❉ لسـتة #دعم_مؤسسة_منبريون_الحسينية🌻. #التثبــيت_سـاعـه #الحــــــــــذف بـعـــد نشر اللسـتـةّ بـ4  سـا؏ـات � غَـير مبري الـذمـةّ ٲمـام الله ڪـل من يـحذف البــوت دون ؏ـلمنا استقبل 1000 عضو فما فوق ━━━━━━━━━━━━━━━ للإشـــتِـراك 👇🏻. التواصل مع @ahmed_alziwar0 قناة خاصة بتلحين القصائد https://t.me/+PZwpTt2HLXcvUQZh ------------------------------------------------------

❉❉❉❉❉❉❉﷽❉❉❉❉❉❉❉ لسـتة #دعم_مؤسسة_منبريون_الحسينية🌻. #التثبــيت_سـاعـه #الحــــــــــذف بـعـــد نشر اللسـتـةّ بـ4  سـا؏ـات � غَـير مبري الـذمـةّ ٲمـام الله ڪـل من يـحذف البــوت دون ؏ـلمنا استقبل 1000 عضو فما فوق ━━━━━━━━━━━━━━━ للإشـــتِـراك 👇🏻. التواصل مع @ahmed_alziwar0 قناة خاصة بتلحين القصائد https://t.me/+PZwpTt2HLXcvUQZh ------------------------------------------------------

على لحيتك حليب ودم معقوله مشه عبدالله ما سلم توني اطيته الك ومگمط ونعسان شو رديت ماتحجيلي وملثم كشفلي المغطه بعباتك يحسين لا اندهه خواتك اسم الله لا البالي مصيوب واحجيلي شمغير حلاتك تاخذني روحي اعليه ملچومة يمه الولد لا هذا مو يومه ……………………. افتحلي عباتك تدري خوافه شنو هذا السهم المبين اطرافه كلشي ولا بصدرك هذا يحسين بس عبد الله وينه اليابسه اشفافه حاچيني فدوه ياحسيني وخليها اعيونك بعيني وديته يم زينب تباريه لو طاح من ايدك بنيني بس گلي وينه وانه اركضله فگد الضنه يحسين مو سهله ………………………… اخ حسين مااحمل بعد كسره من جوه عباتك واسمعت شغره ريحت عبد هاي بهدمك حسين انه الوالده من بعيد اشم عطره عطر الولد يحسين محطوط وريحة الدم وياه مخلوط شارب سهم لو ماي الوليد وگماطه فله بعده مربوط كشفلي عنه حسين لا تخفي من ابچي علي كل عمري مايكفي ……………………………………. هاي الكاع احسن لو دفو حضني اطنياه وخل انگع بدم ابني شفت الشاچ بيه اواصل الزردوم شلون انشلعه يحسيني دفهمني يبن القلع بيبان خيير يصعب عليك السهم ينجر بس جره من نحره واغمض فرفح اوليدي الله اكبر جر السهم يحسين بس وخره عيوني عمت لمن شفت نحره ……………………………………….. طبت فاطمه للخيمه تنعيله وزينب گابلتها بصوت تبچيله رسول الله اجه وجر السهم منه وطاح حسين ودم نفط عله الشيله من نحره فوك اشفافه نگط وعباله ماي لروحي فحط حركه شفافه وسبل ايديه واشلون بعد امه يتگمط ندهولي زينب خلي تسندني واعله اللطم خلي تگابلني ……………………………………… اخذني وياك اذا تنوي عله دفنه وبيدي حسين انزلنه واودعنه مايحتاج تچفين الولد يحسين بس الدم امسحه بدمعي اغسلنه خليني بدموعي اغسله واخر سوال بروحي اساله هم قصرت وياك فد يوم شمالك تحط بروحي عله خليني اقبل خدهه وجيده وهيل التراب اعليهه وبهيده …………………….. الاقل شرفاً كرار اللامي #محرم الغربة

شلمك غير اعرفك كون شنهي البيك صاحي وظل شما عاين واتلفت شي باقي من شيخ الكل ثغبت بكل بكايه الحيل ياهو الشاف المعدل انه المنسمع حسي كلفه اعليه من اسال صوتي الماتسمعه اذني انسمع من الشمر طكني وروح امك الصار وياي اكثر من حجي متني ………….،، خويه الركظتي غايه من طريته الصوبين كسرت الخاطر اتعثر كله ادكول طلعت وين حته الخيل لو ركضت عليه تلفت يحسين بلجي ادوسني قبلك وين الله تصح بلجين من شافوني خويه اركض واوكع وانهطر وانهض عيون الصلفه تتباوع اشوكت هاي الطلابه تفض …………،، موش من التعب يحسين اختك وانته تعرفني من امشي التكول اهلال محنيه وقهر هدني لا واظلوعك الراحن حدر حافر الحكني العبايه وسطرت اعيوني نفس اللون وي متني خويه احرورت الطگه اتبين من وره الشهگه من حروت اصوابي ادور لليبوه ملكه ………….. حسين اتشوف جف ايدي شلون النار ماكلته احتركن بيدي الصوغه الجبته من الجمر شلته قماش اجفوفي اه يحسين النار بجفي طبعته خويه وداعت اعيونك الحرگ ياذيني بس عفته اتلفت وارد اسكت الوجع يايذيني بس اكبت انكطعن كون الياشرن الحيدر تراي البت ……………. يعتني اكليبي صوب الراس اصيرن هاكبر بالشوك الليل اليمر بجفاك طللابه وبيه خرسه احلوگ خويه مخوصره الوادم شفته من دخلنه السوگ تشاور اعلينه الناس ومنهم خويه طگ النوگ كلهه اتاني طيحتنه يملوحت اخبيزتنه هسه اسمعهم يشتمون الجانت عايشه بسدنه …………. استبطيتك وبلكي اتعود يكود الله واعليه اتصيح مشوهه الهزل يحسين عمدا وي مهب الريح تعرف ماكلك واذيك خافن وحده منه اطيح شمعلمني اطبن سوگ انه كل عمري بس تسبيح يبعد الشايلات الشوف خذه من عمري حفنه الخوف راسك هاذ وجسمك غاد يجلمة شلون صرت احروف ………….. الاقل شرفاً كرار اللامي #محرم الغربة

شوگ وحزن اثنين بالحب صعبات واجروح الك للما يشوف امبينات مسافر هظم والروح سجة اعله الموت الماينجرع طاري بچي العلويات فوگ الهوه ذرات حزنك تمشي وبكل عزه جلب بدمعك رمشي شاكل ذمم كل ناگه عثرت بالسوگ الله يعرف سوه العزائك كلشي حسين ...... قوي گلبي مايعوفك لحضه حسين ...... الماحضر لقرايه فاگد حضه حسين ...... اعيوني ركدن من كثر مبچاهن حسين ...... عگلي يم اسمك تصبح نبضه ابا عبد الله ........ ........................................... شمحله التعب وياك ينعد شي غير وكدام عينك اصبح بلا تعبير ياخذني وياك العشگ مدري الوين يا اول السامحني وبلا تبرير هواي اغلط وارجع اندملك شوگ بس انته يحله اعليك گلبي المحروگ ياهوه يستاهل اگلله اهواي وياهو يستاهل مقام المعشوگ حسين .... فرصه حبك لليقدر النعمه حسين .... ريت اموت وانت ابد ماتضمه حسين .... عمري اگلبه اتراب حدر اضعونك حسين .... حته كل واحد سحگني اشتمه ابا عبد الله .......... ............................. كلشي انحچه وهواي گالوا موزين هذا التعلق يعتبر ذو حدين محد عرف ماتعني انته لهل الروح جا غير دگات الگلب بس يحسين بطلسم الحب اشعرف المايدرون اعقل الوادم بالمجالس مجنون اجواء العزه تغير شكو بنادم جان هاي العقيده الي اجت من عد جون حسين .... سودن اعقول الذي يحبونك حسين .... حاصل اليعشگ مراتب جونك حسين .... ياستر هذا التدوره الوادم حسين .... غير ستر الله التسلب دونك ابا عبد الله حسين ......................................... مشتاگ الك فوگ التصور بهواي وينجاب طاريك واتيهه كل راي معقوله ميت قبل الف وچم عام ولي هسه للعطشوا تهدلهم ماي ماشايف ولا راح اشوف افد يوم هاكد حنين وباقي گلبك ملچوم انه المقصر عن قصد يا مولاي قابل الحر ساجد ابابك مندوم حسين ..... الندم ماخذني يم حنيتك حسين ..... حاشه تطردني وانه تربيتك حسين .... شلون اقنع احترگ بفراگك حسين .... وانته ذاك الزهره المسميتك ابا عبد الله حسين ............................................. بدربك اجروحي شما اعد ماتگضي وهنيالي بيهن وحيل كاعد حضي يلچمنيي واذكرك واردن مرتاح وياريت عمري بلچمتك مايمضي ملفيني حيل ازغير شنسه افضالك وهلكبرتني وعشت كلشي بجالك يالمنطي الاكبر حته اصيرن انسان ما اسوه شسع انعال من اطفالك حسين ..... انه شسوه گبال لوعت نحرك حسين .... شنهو بيديه اعله كسرت ظهرك حسين .... طيف شوغاتك سكنها اجروحي حسين .... انت كلشي بهل العمر معتبرك ...................... الاقل شرفاً كرار اللامي # محرم الغربة

حل الحصاد بكربله الراد يكوم بس بشرط اسود الثوب وملچوم الزلمه كون يبين بهذا اليوم علمنذبح عريان وبلايا اهدوم كون اليحب تاخذ براسه القامه مأخذ احجاره وطاحت بنص جامه انه اعتقادي بلي راد يواسيه لو ينطي روحه مايسد ويوافيه الفدانه بروحه ....نطيب اجروحه شدوا الحزم للخدمه يالنشامه مانخلي وحده ..... الخذو كل ماعنده المحد بقاله يباوع الخدامه ياغريب الغرباء ......... ابا عبد لله ..................................... بشور وثگيل بكلشي خل نوگفله احسين ياهو اليلگه واحد مثله ذاك الحنين الما ماذي النمله الشكبره ملموم بحصيره كله الخاطر اصير انسان لموه حسين مطلوب اضلن اله وما اوفي الدين يادين اسده وهو منطي الاكبر وانوب فوگ الرمح راس الاصغر وعزيزت گلبه .... مشت وي غربه بحبال مجتوفه وتحز الايدين دخيل اعيونه ..... وجروح اجفونه يعرف شلون الخدمته مشتاگين ياغريب الغرباء ....... ابا عبد الله ..................................... مجلس عزاء بكل گلب خلينه ونحور ننطي لمجلسك شارينه منك مدد ردنه ودخيل سكينه الحيل الخدمتك هلسنه تنطينه حزمنه يحسين الخدمتك گوه بدونك الدنيه شما علينه شتسوه يالمنطي هيبه وشان للخادم صح وهنيال كلمن من وراك اتجرح من اعد اجروحك ...... التفرفح روحك اخجل ابجرحي الينحسب ماهوه يضيم العاشر ...... ابخت كل حافر الغرز بظلعك وانتهت المروه ياغريب الغرباء ....... ابا عبد الله .................................... الرايد يخدمه كون عاش المضمون شوگ وحزن ينراد وگلوب عيون وعايش بغربه وگلبه بيهم مسجون شما ينطي خل يبقه يفكر مديون يحسين خل انموتلك بس خدام ومحفور فوگ گلوبنه اخ الشام حزنك جبير وما يكفي العاشور كون اعله طول السنه نلطملك شور لطم و مهدل ..... بعشگ مثل اول ارزقنه وسط الروح جمرات خيام اليحبك يقبل ..... بخدمتك ينذل ويصير تفكيره لعزائك كل عام ياغريب الغرباء ....... ابا عبد الله ..................................... الاقل شرفاً كرار اللامي #محرم الغربة

يالمرجع للنبي اوليده وبصر ردلي تچايتي لو راح النضر ردلي علي... ردلي علي ........................ ناذره لوجهه الله روحي لو رجع فرعتلك دمعتي وصوتي انسمع بعطش الحسين يارب وضماه رده سالم خاف اوصل للجزع كلفه فرگته الماعدي غيره هاي احچايتي الاوله واخيره ردلي علي... ......................... بست راسه وباس ايدي من نوه من حرارة روحه الجاسه انچوه باوعيت السانه متخوصر يباس يزورگ اكثر لون مر بيه الهوه اوليدي ماهمه الضمه واتوكل اعله الله وفرعتله اتوسل ردلي علي... ........................... جاسني الشوگ وعليه مفرفحه اطلعت بلكت اشوفه اتلمحه اباب خيمتنه واباوعله يصول وزينب ويايه وبدي المسبحه سبحت تسبيحة التشكي الظلع ودعيت دعوه مگبعه زتت دمع ردلي علي.. ............................ بعمره واسمه اوليدي هوه الاكبر هلوحيد شعندي غيره واكثر كبرتني روحته وسيرلي شيب وروح جده من يردلي انه اصغر الماي اذا فارگ يصوبخ كل وراه ربي روحي اتلوعت انظر ضماه ردلي علي.. .............................. شرد اگولن ضايع وبلچي لگوه عيني رفت واستحيت اسال ابوه زينب اعليچ الزجيه سالي اخوچ خاف طاح وشمعت اعيوني طفوه صار خاف المنه روحي الخايفه بصلاة ادعيتله ومترايفه ردلي علي..... .............................. حسين لونه اتغير وهل الدمع انه اول وحده للحسين انفجع بعد تلحگني الرباب بعبد اخوه ورمله تبقه مگابله حنه وشمع شحاله ليباوع دمعت الوالد احاه ياصوت الوحيد وفاگد ردلي علي ... ................................. الاقل شرفاً كرار اللامي #محرم الغربة

بين مولاتي ليلى وعلي الاكبر صلوات الله عليهم ……… لازمته گلبي بروحتك حدما اترد قلل طلعتك يمه وادم تحسد ياشذر ومنگش حلاتك الحسين حگه الگمر من شافك يرد يلبد يااترف انسان بوجودي ودنياي من بعد ابوك الحچي كله بلا راي صح انه احبك بس ابوك ابمرتين ذاك الهوه والعين والشوگ وماي يمه اخافن لايصيبك شي واچمل نوحي ماعايز احسين التعب ولا اولام فگدك روحي يربات گلبي والعمر الينتضر لحضه يموت يمشافي بيه اچم جرح تقبل تزيد اجروحي علي يمه …. علي يمه ………………………………… شاهگتك بكد النفس من اتغيب يالماسمعت عليك ذاك الثغيب وعيونك الحلوات ماحمل شوگ ومامش جرح بفراگك يرد يطيب بالدنيه كلشي يصير وحشه ومتعوب من تغيب لحضه وانه اضل لچم دوب يلچمني گلبي حيل اخاف من الناس مابيهم اليعرف غلات المهيوب يرويحت امك ياهلي متلوگ بيك الفرگه مافاكه اذراعي ابد بس الك تحله الشبگه جا غير سبحاح الگلب انت وغلاتك كلفه خافن نويت اعله السفر تكتلني يمه الحرگه علي يمه …. علي يمه ………………………………. توك مشيت وگمت اعصر بيدي واسم الله خافن ماترد يوليدي محسوده بيك انه يبعد عيوني وعنك سالت حسين گال عضيدي اشگد يحبك يمه ابوك وتدريه ويشتاگلك وبصفه انته تحاجيه ايحبك اكثر منه واتريد اتروح ترضاها يالاكبر ابوك تاذيه يمكحله عيونك نده ابهيده وي گليبي يالتسوه روحك جم سلف ردتك العون لشيبي ماتسوه تاليت العمر يالاكبر ونتفارگ الگيض دگ باب النفس رد شمتك يعذيبي علي يمه…… علي يمه ………………. اشگد احبك تدري بيه بواهس ويابعد امك حيل بيك استانس مشكولة ذمت كل عطش مر اعليك ماتحجي من الشوگ ريجك يابس سومر ضواك وبهت كلشي بلونك والموت سير يم الي يحبونك من عمري يايمه اعله عمرك لتروح شسوه العطش غير سواد عيونك امفرفح وماتحجي ابد تستحي من الطلبه هاك اعصر عيوني الك والضال بيهن شربه ربك يعوض كلشي بس انته شلون ياصبر يكسر فرگتك ياگلب يحمل غربه علي يمه …… علي يمه …………………………….. رد الحسين وباوعت يتحسر ولازم اصفاحه وللحجي مايكدر كتله عليك وباوعت كله تراب گلاله ليله راح مني الاكبر المنه خفت صار وتبعته الضني وكلشي يحبك بيه ضل يوجعني معقوله صرت تعوفني ترافگ موت وانه الكسرت الخاطر بكد بوني مكسوره خاطر والتعب هد حيلي واصفر لوني ولحضات صارت فرگتك والتنشد يتيهوني ضاجت الوسعه وصارت الطف اگبور وياريت يمه وخل تصح ابصفك ايدفنوني علي يمه …… علي يمه ………………………….. الاقل شرفاً كرار اللامي #محرم الغربة

بين مولانا الحسين وقرة عينه علي الاكبر يعين اكلادة الجنة شحلات اسمك اخافن تنحسد بويه عفت جسمك تكسر خاطر وخليتك مترب الحوافر فرهدت كلشي حلو برسمك النده ..... يلچم جرح الهوه ..... يذري الملح التراب معفر اخدودك تواليه الشمس .... وگفت هظم الحرگ ..... طخ العظم يبعد اهلي عليك اعيوني معميه الروح ماتحمل بعد فاض الصبر وتبده والناس ماترحم ابد اليفگد شما عنده حاجيني اذا تكدر ترد حجي التحبه اتوده علي بويه علي ......................................... فرگتك والحچي يخطف شكو يهمني ياول مره يالاكبر تتعبني شذكر ضحكتك لو عينك الحلوه جا غير اتفقنه ماتفارگني السمه ..... شمت حرگ الوكت .... مفارگ عشگ على ياكتر اگلبنك يخر دمك انكسر ...... من اسمع اسم انهطر ...... من اذكر رسم يالمطشر حرت مادري شيلمك شلمك وانت واصل دمك الخيمه بثواني وتبدت حنت القاسم من لاح الصواني اعله باب التالي محروگه واگفلك اتاني علي بويه علي ..... ............................................ يمذهب حجي التابوت ما لايگ الاح العنب يفرق عن الضايگ يمنگش گرنفل والعطر نعناع ليش تعوفني وتاخذ حجي مفارگ العطر .... طر نينوى الدوه .... شح علضوه عمتك واگفه اتانيني اردن بيك العتب ... يصدي الذهب العشگ ... شمرت تعب ردت ينطيني گلبي حته اصد اعليك ماظلي حيل بفرگتك وارجع اجيبك يمي المثلك تشمه الخلگ مو ينچفي المن دمي كاسر خواطر بالتعب وبينت كسرت عضمي علي بويه علي .......... ......................................... حرز جان برگبتك شفته مطشر يوليدي الشماته بهاي ماتعذر الماعنده مثل وجهك يبعد اهلي بسوالف كسرت افراگك فلا يشعر الدمع .... شوه صور القهر .... يترك اثر يتارك روحي ومخليها ملچومه الهجر .... گصر عمر الرمح ..... غمگه شبر شفته بصدرك وما صحت الگومه محد يحس المشكله باليمر بيه الوالد ولا واحد يقدر الدمع لو طاح من الفاگد يالجرحك بگلبي بقه مايشفه باقي معاند علي بويه علي .............................................. هم صاحب انته وهم اخو وهم ابني اصفاحي تشهد من رحت اذني اتجه بيهن ما ابين العباس هو الوحيد اليدري باليوجعني الاخو ..... تجوة وسند الابن .... فرحت وعد وباچر اعز ما املك يفارگني العسل..... مر بالعطش الرمل .... اتحول نعش واعرف بعد بالعباس يلچمني كل الرسايل سومرت ومات بجروحه الطارش جا غير انه المنذبح وباجر اصبح مامش اعله الله وبجال الربه من اصفنلكم عايش علي بويه علي ......... ...................................... الاقل شرفاً كرار اللامي #محرم الغربة

اذاير العباس وشد اعنانها وعيونه شاطت واشتعل بركانها خلي تلحگ تلبد الجانت تصيح الگبل ساعة سرفنت ذرعانها طباها والعباس صم چفوفه من الخوف وادم شردت اعله الكوفه وفرغت كربله حل المرادم والحسين اتنوع وصاحتله اخيته كافي خلي يرجع راعي المرجله خل يرجع مو طب للكوفه ……………………………………….. حاد الزلم عباس من اذانها وتيهه طريق الشرده عن فرسانها اتخلبصو رد يفتل بسيفه الروس واكبر زلمهم بيده گص السانها كف الردان ولمع بيده الباشط وبينت ملامح عرجه ذاك الشايط ظل ينخل زلم من طبها مفتول الزنود السمره مشدود بذراعه علگ للزهره ويامحله الردم واليشرد مارايد روحه ………………………. عگد اعگول اشيوخهم غاد الحيد ورنت الهاون وصلت الاذن ايزيد عباس مادگ گهوه دگ روس اسباع محسوبه عدهم وضل يكرر ويعيد شاهين الحسين وغضنفر حيدر عباس واحد مثله مايتكرر ولا جابت مره صرجت اسنون العسكر المسموعه يشبع ضحك الحگ اعله الحومه لزمهم سره واليشهد للكافل سيفه ………………………………… اطول العسكر من وصله اشزغره من اعگاله شاله وضل يفر ويشمره عباس موبس گص لسن شگ احلوگ يتفاجئ اليوصله شافه شكبره فوگ الخيم تلگه الجثث مشموره سد راد من الشمس للمستوره ومايعبر ضوه وبالباب تلگاها الجثث مرميه سد راد من الهوه الروحه رقيه لو طلعوا سوه وشحده اليوصل للخيمه ………………………………………… كل ال هاشم وگفت اتباوعله وعبد الله بگماطه فزع هوسله من الشوارب عمي جر الفرسان وحسين صاح عباس مامش مثله عباس يستنگي بكبار القاده ويگص رگبهم حدر رجل الساده وماردهم مرد سودن اليشرد بكل مجان يلاگيه منين مادار الوجه يطلع ليه رجعهم لحد ورد حيدر وعباس مرايه ……………………… الاقل شرفاً كرار اللامي #محرم الغربة

بعدني اشتاگ الك سكته يل ماتدري بالعفته مكسور وخذاني الشوگ يم جودك حجي اتركته رد ارسايل اعيوني مو فضحني اجفوني سير يمي لو بس طيف الشماته ومايعذروني نده يحجايت الينراد نص الگيض دوه ياشوفت المفگود وين يهيض وانه بكلهن متانيك مشتاگ لحجي طاريك يلي البيه ماضن بيك بلكهن هسه متلعثم فاگد ابو وفاگد ام وفاگد اخو لجرحي يلم اخي ابا الفضل …. اخي ابا الفضل ............................................................. شرايت حچي الوادم وجرحي وحزني متوالم يمهباب العذب ينراد حيل الفرگتك لازم يحس الميت بربعه شلون اليمه من ظلعه من ذاك صباح الله لحد اخر حجي الشمعه ادريبك تحس بيه دگوم وياي لخاطر زينب الشيلتها نكعت ماي لخاطر گلبي وربه الفاكد ينقري گلبه يتيه بالمشي دربه وحگ امي وحجي العصره صفت عين التحب حمره وباجر ينسحگ صدره اخي ابا الفضل …. اخي ابا الفضل ................................... عيني وگلبي يبچن دم وكاعد يمك املثم افراك الماعلي تعيوب اشواية الله لو عل سم يندهوني واصيحن رد وفز والگه الصور تنعد حرورت روحي من فرگاه الجمر وبنص هوه ابرد باجر وحدي والشمات تتمرجل وعله زينب حجي الطابوگ يتمحجل يصيرن كلهن ابفركاك وكلنه ننولي بلياك شنهي الضله اخذني وياك موزر والطم من الشوگ وكل اليوم اليمر مخنوگ ناطور الدمع مبيوگ اخي ابا الفضل …. اخي ابا الفضل ........................................ باوع حالي الگاظي جنك علجفه راضي يملح الله شفهات الكون سوالفنه اصبحت ماضي مو من طبعك اجافي السهم مايمنع اتوافي يالمعلمني ملگه الشوگ اجيتك راكض و حافي فز لاگيني واشهك شبگت مغربين صدگ تحجيها مالك رده يم حسين صدگ تاليها صارت هاي اتيه بالمشه وياي اغص گمت بلذيذ الماي اجيت اتجه بالوهواس گعدنه وراس طخ براس افا وابساط الله انداس اخي ابا الفضل …. اخي ابا الفضل ................................................ ضلي من الحزن ينشاف هلگد ماصرت شفاف ورگه وهلخذاني الريح المثلي شتعتقد ينعاف عفتني وكل فرض حاصل وشيبي الجفني هلواصل الدمع بلل لهات الماي من نگط حچي العاذل ذبلن بالبجي الجانن دفوا موردات قابل ناسي والوادم تصرخ مات تذبح هاي الحجايه للفاگدله تجايه يهضمت شكلي بمرايه تغيرت وبهت لوني اهلي ومايعرفوني والفاكد يسموني اخي ابا الفضل …. اخي ابا الفضل ....................................... الاقل شرفاً كرار اللامي #محرم الغربة