الشاعر أحمد الخفاجي

لاتعذبني/ سبف السنجري / محرم 1448هــ https://youtube.com/watch?v=XRahbBZ_pv4&si=SL53TjXkE3MYT-HA

الخدمة خلصت الرادود#حمزة_الرميثي.قصيدة عودة الزوار.زينب اجت يابو علي تلك... https://youtube.com/watch?v=w5d1LMYKDgc&si=Sr86GZNInJT2pufm

‏مقطع صوتي من احمد الخفاجي

يبعد الهوى والماي...عليك انكسر مگفاي صاح بدمعته حسين...رايح يالحسن وين ______ على متون الحزن شايل توابيت و تعب جتفي بكثر ماشيع اعزاز انه الشايل جرح بس كله لجمات ارد محني الظهر وبروحي جناز تريد تروح عني وظهري مكسور و انه بكل لحظه الك ياخويه معتاز فرشت دموع عيني اباب الغروب و اصد بسهام حزني بصدري تجتاز جبدك بالطشت ذاب...و راسي من الحزن شاب و اهمل دمعة العين ...رايح يالحسن وين ______ احس گلبي انفطر من كثر الفراگ ويجينه الموت غفله بلا مواعيد بشهر رمضان طبروا راس ابو حسين وعلى جفون السمه طلعت تجاعيد لگيت الموت لازم عتبة الباب وراحت وي ابونه لذة العيد ودعنه الزچيه بظلع مكسور تيتمنه بزغر من عدنه شيريد اخذ من عندي كل حيل...نعش امي المشه بليل گلبي أنجسم نصين...رايح يالحسن وين ______ جفيت دموع عيني بصفنة الليل و الم بجروح كلبي بلجمة الٱه لگيت الحسره تشبه رمي السهام سهم بثلث شعب وبگلبي خلاه تمنيت العمر شهگه اعلى الاخوان و اشهگ عالنعش واتمدد وياه مكانك خالي احير بشوفته شلون اليفك باب الجفن ياعين تنساه يخويه وهذا المصاب..نعشك كله نشاب وتشب بگلبي نارين...رايح يالحسن وين ______ اعاتب بالجروح المالها ضماد يجرح الموت ياهو يعوض الراح يويل حزام ظهري فرگتك سيف يحز بنحر اخوك بغير ذباح شيضل بالحيل وانت الماخذ الحيل يبعد الحيل كله اعلى النعش طاح اصد بالبيت حسره اعلى الحياطين لوين تروح صرخه من الحزن صاح تعال وطيب الجروح...لو تاخذنه وتروح اخذنه وياك ماشين...رايح يالحسن وين ______ يهيل تراب گبرك دمع العيون و احس بجفوف اديه تچلب الگاع دفنتك وانكسر ظهر الحياطين منك يالحسن ماشبعت وداع ارد لام عون بس بگلب مكسور مثل ردة سفينه ومالها شراع بظهر محني ويميل بهبة الريح عفه گلبي شكثر متحمل اوجاع بدمع تتلاگه الاهات...ياخويه الحسن مات ابدي و انتهي منين...رايح يالحسن وين ______ يخويه الفرگه تكتل بين الاخوان ياخذ روح اخوته المنهم يموت يشيعونه نعم بس جنهم اموات جنايز تمشي عدله بغير تابوت تفز بگلوبهم صرخات الجروح نعش فوگ الجتف بس باهله زاتوت على المجروح تذبح سكتة الليل تهيج جروحه كلها و يون بسكوت حالي الليله ياحال..مايخطر على البال بجيت الحياطين...رايح يالحسن وين ______ احمد الخفاجي

رايح ياروح حسين.. مخليني ورايح وين خويه اتمنيت آنه .. للطف تمشي ويانه **** نعشك يالحسن مطروح وعليك دموعي هماله خبر موتك كسر ظهري وحالي الليله يا حاله ومن هسه اخوك حسين للطف حضر رحاله تمنيتك عدل وياي اخوي وعيني تبراله ما شابع منك شوف .. وردتك بجروحي تروف يا هيبة خوانه .. للطف تمشي ويانه **** يا ناس الاخو لو راح يترك للحزن ثغره والفارك اخوه تدرون لازم ينكسر ظهره يتخوصر لحد ميموت ويمشي بين الف حسره والماله اخو بدنياه شله بدنيته وعمره ويابعد هاي وهاي .. بعدك شلي بدنياي الدنيه وخلصانه .. للطف تمشي ويانه **** مثل عود انكسر مكفاي اجي بحسره وتوديني اتوجه اعلى جرح الآه وكمت ما شوفن بعيني افتح باب كبرك شوف وسط اللحد خليني مثل طير بسواد الليل من وجهك يجافني ارحم حال الملجوم .. يم كبرك طير يحوم وتتكسر جنحانه .. للطف تمشي ويانه **** كبل حلوه الليالي وياك وهسه الحسره تكتلني كل لحضه بغيابك عام وعليك ادموعي تسئلني مثل سعفه بمهب الريح حزني عليك هادلني من كبرك لحد الدار ياخويه الدهر سلني من دونك ضلمه البيت .. وبعدك بالهم سليت يالما سد بيبانه .. للطف تمشي ويانه **** خذت روحي ودليلي وياك ومن عندي خذت كلشي مو بس راسي شاب عليك يخويه شيبت رمشي دمع عيني بكفه اليمشون نهر وي النعش يمشي باجر ما الي تشييع وحصيره بالغرب نعشي من تسحك ضلعي الخيل .. يراوون الحره الويل لصيواني ونيرانه .. للطف تمشي ويانه **** تمت احمد الخفاجي

مشاية / الرادود سيف السنجري / كلمات احمد الخفاجي https://youtube.com/watch?v=AH5nUyKHiDY&si=dwqqegjDaOB69wqH

ياغربتي | الرادود الحسيني علي العمري | محرم 1448 هـ https://youtube.com/watch?v=5Sfa0DtSFyg&si=tn1o8NoXoyEpz6sr

مشبوحه العين | الرادود حسين السماح | الشاعر احمد الخفاجي | موكب الشطرة ا... https://youtube.com/watch?v=wVZNmYYzN2w&si=Hgp6vtoe7D6M9WbK

اخر حلم بعيوني...شفته وسألني شلوني كتله امنهد حرك الخيم..ولهسه اذاني تجري دم اخر حلم بعيوني _ كلولي عنك سافرت ومو طبعك تخليني سجاده امدلك كل فرض ومن ما تجي تاذيني يابويه كلي شعطلك مشتاكه الك تدريني كل مغرب يضيع الهوى وتنزل دمعتي بعيني من السبي شضل بيه...وشعطلاك اعليه حزني على عيوني انرسم..ولهسه اذاني تجري دم اخر حلم بعيوني _ خليني اسولفلك ولو عن الجرالي شويه جم مره طحت اعلى الوجه وايدي بجمر مجويه يابويه احس روحي اطلعت من جروا الترجيه طفله وكطع كلبي العطش وامشي بحبل مسبيه ذاك السطرني بخدي...وبسوطه مارد جبدي بالغربه كل حيلي انهدم..ولهسه اذاني تجري دم اخر حلم بعيوني _ يابويه من يوم الرحت وهجمت الخيل اعلينه نتراكض ابين الخيم من الرعب ضلينه تنزل سياط اعلى المتن زغار شكثر تاذينه ماينحمل حر الرمل مثل الجمر يجوينه من خيمه رحنه لخيمه....وتطشرينه بهيمه نتراكض وجرحي انلجم ..ولهسه اذاني تجري دم اخر حلم بعيوني _ يابويه من درب اليسر شوف شكثر ذبلانه تعبانه حيل من المشي ومن الهضم تعبانه من ليلة العاشر وانه لهاللحظه اون عطشانه بجفوفي شمسوي الحبل بيدي انطبع نيشانه بويه شكثر هظموني....توجعني حيل متوني اغفه و افز من الالم ..ولهسه اذاني تجري دم اخر حلم بعيوني _ كتلك يبويه بحالتي هسه انت كلي شلونك ارد اعرف بهذا السفر شصار وتغير لونك مديت اديّه اعلى المتن ماكو عضم بمتونك كلي شجرالك من رحت وشيب رمشها عيونك هذا السفر هد حيلي...شمسوي بيك احجيلي بصدرك اثر نبلة سهم..ولهسه اذاني تجري دم اخر حلم بعيوني _ يابويه من يوم الرحت عنج يزهرة عمري طحت اعلى وجهي من النبل تسحگ الخيل بصدري و ثنعش طبره من الگفه يابويه گطعوا نحري عذريني خاف تاخرت كلشي الجرالج ادري يبنيتي ودعي العيله...منتظرج انه الليله وي اخوانج وراعي العلم..ولهسه اذاني تجري دم اخر حلم بعيوني _ تمت احمد الخفاجي

حلوه العباس اعلومه واليوم الكافل يومه صاحت فرسان الحومه نزل نزل ******* صاحو بالحومه العسكر فرغوا الطف طب الكافل الما رايد روحه ايتاني العباس بسيفه ونازل منه الطف صاح ادخيله وهو ايرد وين العايل نزل رعب .. حالف يطب .. بالطف راعي النوماس بعينه الغضب .. بسيفه الركب .. يكطع روس العباس حيدر للحومه اشخلف زلمه ايهز كاروك الطف وابن امه اكباله اليوكف نزل نزل ***** سيفه يعشك السطره وبروس الزلم يخسف كاع الطف بدة تهتز من طبهم غدت ترجف مو قصة عطش عنده لو راد الفرات ايجف ماي النهر .. شال الكمر ..بيده وما راد الماي راد الزلم .. بجيته الشهم .. مو عطشان الهم جاي يطلعله العسكر راده ويستنكه بروس القاده حي الله بعم الساده نزل نزل ****** طب للمعركه الكافل وشايل رايته بهمه المالحك يفر ياناس الكاع اتجلب بجدمه واللحك يفر من غار بالطف يعثر بدمه دمهم يصب .. غار الصعب ..ويحصد بالسيف الروس تغص الأرض.. طول وعرض.. وبركبهم خيل ادوس ادخيله الكافل ادخيله ما يسكت على العيله بسيفه الاحه يا ويله نزل نزل ******* الحلوه بخزرة اعيونه دك على النهر ثايه ومو كلمن يجيله بشور تمشي المشرعه برايه وجنها الزلزله بسمه بالطف نزلة الآية هتف هتف .. والطف رجف ..وكاع الطف بيده اتميل ريح بسعف .. لارض النجف .. تسحف زلم والخيل كامت تسطر اجفوفه كربله براس الكوفه رايد حيدر ايشوفه نزل نزل ****** من هجم كافل زينب تصور بالحومه اتصور جن حيدر نازل بالطف خيل وزلم تتعثر ومو بس يترس الجربه للخيمه النهر ينجر حذر حذر .. الجيش انكسر .. طب الكافل للماي عالميسره .. الكافل تره ..وبيهم ضل رايح جاي سيفه يصعد وينزل وصوب الميمنه ايوشل روس عالنهر يشتل نزل نزل **** تمت احمد الخفاجي

نزل نزل/ حلوه العباس علومه/ الرادود سيف السنجري _محرم1447هــ https://youtube.com/watch?v=XNhiY7TANGs&si=5ZKdcnqnCPisigKf

يم عمي عباس .. الطم على الراس خلصت دفن الكمر .. عمه بس ضهري انكسر .. محبوسه الانفاس **** جثه بلا راس مكطع لكيته عالشاطي عباس عمه اشلكيته لكيت اشكد سهام بصدره تتربع أطلع بالنبل بالكوه ما تطلع ويا سهم الاعته بكلبي احس يشلع شما طلع رمح كل جسمه يتكطع طلعت الاسهام .. بس انزف الام بالنبل كلبي انعصر  .. عمه بس ضهري انكسر .. محبوسه الانفاس **** من حر الاشموس سومر كفيلج جم حافر يدوس ويرض خليلج فرشت اعمامتي وضليت اون هواي شفت اجفوف عمي وانكسر مكفاي ونيت ويون كام الصخر وياي يصعد للسمه وينزل دمع عيناي ماي النهر كام .. بجف الكمر نام شفته مات من القهر .... عمه بس ضهري انكسر محبوسه الانفاس **** عاينت الجفوف   شي يوصف الحال من ذيج الاسيوف كمت اجمع أوصال اعد بجروح جفه هواي ماتنعد افتح قبضت أيده عالعلم تنسد اشيل الرايه من جفه فلا تنهد بدمه الحار اشوف اجفوفه ماتبرد حلفته بحسين .. جفه غده يلين عدها بس تارك اثر .. عمه بس ضهري انكسر .. محبوسه الانفاس حاجاني كلمه من ردت ادفنه موقف يعمه  راح احجي عنه اسمع ونه يازينب اعذريني لا ضلت يساري ولا تره ايميني استحيت ارجعلج وبيها السهم عيني وابهل الحاله ماريدن تشوفيني مكطوع الازنود .. ون حامل الجود ومنج هواي اعتذر .. عمه بس ضهري انكسر .. محبوسه الانفاس *** طر كلبي نصين   عمي بوصيته آه يخت الحسين   تهتف حميته سلملي عالزينب كلي من شلته أنه المن زغره زينب دوم حاملته أنه البعيون اخيته يشوف منزلته كسر ضهري يعمه وكوه نزلته فاضت جربته .. لمن دفنته عالكبر صارت نهر .. عمه بس ضهري انكسر .. محبوسه الانفاس **** تمت احمد الخفاجي

الرادود علي عكار/ابشر يبن حيدر/احمد الخفاجي/هيئة قائم آل محمد محرم ١٤٤٨ هـ https://youtube.com/watch?v=GOx4vHeM0y8&si=ggA6pYd5PeCYWqFz

٢٧ أيار ٢٠٢٦ https://youtube.com/watch?v=QBfV2fDNKVw&si=2dYYZTnhm-L3PxTn

علي يبني رد عليه ....شيبتني رد عليه ردتك تغمض عيني....يوليدي بس حاجيني..رد عليه ____ اجيت من الخيم عطشان لگيتك ياعلي ضامي امد عمامتي لطولك و افيي لثغرك الضامي على فراگك كسر ظهري يبني وهاجت ٱلامي الم باوصالك مگطع و ارد شلون لخيامي بيدي شلتك وامشي گوه...يبني جبتك وامشي گوه جرحك سهم ياذيني....يوليدي بس حاجيني..رد عليه ____ اجيت لمصرعك يبني ولو حاجيني بس چلمه اشوفن جسمك مگطع حيره حيرتي بلمه ينزف بالدمه نحرك و اخضب شيبتي بدمه طلعت روحي يوليدي وبالگوه الهوى اشمه فگلي عينك بين اديه...مگطعينك بين اديه وليه الحزن واليني....يوليدي بس حاجيني..رد عليه ____ عليك دموعي هماله ظهري منحني لفگدك الحيل منين اجيبنه وراح الحيل من بعدك نايم والرمح مغروس شعجب لچماته متگعدك ردة روحي للخيمه ردة فاگد تردك انت روحي ومني راحت....بجرح نوحي ومني راحت مفارگني ومخليني....يوليدي بس حاجيني..رد عليه ____ ظلمه الدنيا بعيوني و اريد احجيلك البيه يبني بطيحتك مذبوح صعبه ياعلي اعليه على جروحك تبده الحيل ونهر بدموعي جاريه مگطع منذبح عطشان شحة گطرة اميه ضامي الحسين وانت ضامي....دمعة العين وانت ضامي ترد بيه وتوديني....يوليدي بس حاجيني..رد عليه ____ دمع مافارگ عيوني و على خدودي نهر سوه علي يبني انكسر ظهري و اجرن بالنفس گوه اصيح بلوعة ٱلامي يروح الماي الك فدوه اعلى وجهه طاح ابوك حسين من ظهر المهر يهوه يجري دمك شيباني..و الم جسمك شيباني محتار ارد بونيني....يوليدي بس حاجيني..رد عليه ____ گطع گلبي الحزن والهم عليك ومنهدم حيلي شنهو اليوجعك يبني ولو بس جلمه تحجيلي يا جرح اليلچمك گول عن يالچمه تبديلي حزن طول الدرب لچمات گام بدربي يجفيلي حزن كلبي عيني تجري...بغربه تربي عيني تجري بالهم گضيت سنيني....يوليدي بس حاجيني..رد عليه ____ تمت احمد الخفاجي

لزينب رد الحسين..يهمل دمعة العين..شايل بيده الاكبر مات وليدي عطشان..وگلبي اعليه تفطر _____ رحتله ودمعه بعيوني يختي بطيحته شلوني شفته مگطع ومطروح اعلى جسمه تبدت متوني وصلت لابني واصد بسهام جتاله انگطع گلبي اعلى صدري وليدي ضميته بظهر مكسور الم بگطعة اوصاله هدم حيلي بديه الغالي لميته ميت گبله ياريت..الم بجسمه ضليت..كل جسمه توذر مات وليدي عطشان..وگلبي اعليه تفطر _____ اجيت وشايل وليدي مگطع جسمه بين ايدي مخضب شيبتي بدمه مات اليمشي بوريدي شلت ابني واجرن بالنفس گوه جيت لخيمتج ودموعي هماله انكسر ظهري الزمن بعضيدج شسوه اخوج حسين شوفي شصاير بحاله جبت وليدي مذبوح...لمصابه السمه تنوح..ونار بگلبي تسعر مات وليدي عطشان..وگلبي اعليه تفطر _____ اجيت بدمه للخيمه ودمعي تارس الهيمه بصدره شگد نبل ورماح حمره بطيحته الغيمه انگلب لون السمه من هاجت ٱلامي امشي بصحره حيل ضلوعي محنيه لگيت ابني علي متوذر وضامي وعطشان شكثر ماشارب اميه لگيت بصدره السهام...ندهت وليدي ماگام..ودمه تارس البر مات وليدي عطشان..وگلبي اعليه تفطر _____ بجيت بلوعه وبحسره على ابني الماشرب گطره من كثر العطش شفته حيل شفافه متفطره رديت لخيامي ردة الفاگد ضنه يختي يزينب منكسر گلبي تفطر الگاع بالطف حسرة الوالد وبدمعي اعلى الاكبر بللت دربي بأبني للخيم جاي..مات بحسرة الماي..اشيل بجسمي مگدر مات وليدي عطشان..وگلبي اعليه تفطر _____ المسافه الگوه امشيها البيها اوصاله الم بيها اطيح اعلى الوجه مرات ومرات انحني اعليها اشيل سهام صدره وگلبي احس يطلع ترض بضلوعي كل نبله اطلعها يانبله الاجرها بگلبي احس تشلع لابيه العفتها ولاني شالعها يزينب حيرتي بهاي..مصايب صارت وياي..حرت وجروحي تكثر مات وليدي عطشان..وگلبي اعليه تفطر _____ احمد الخفاجي

مرسال الدمع | نائل المياحي | محرم الحرام | ١٤٤٨ هـ 2026 م https://youtube.com/watch?v=INMQpakQG0w&si=B2DlQu7VbM9qcxmz

‏مقطع صوتي من احمد الخفاجي

ملك الموت ...بين الناس صاح بصوت... طب عباس خطب راعب المرجله..رعب عيش كربله ________ نزل ملك الموت مابين الصفوف يعاين لسيف الگمر يحسب رگب صيحة العباس ترعب بالطفوف نازل اعلى المشرعه بعينه الغضب يشمر بروس الزلم بالطف يشوف اخو زينب عالنهر بيهم خطب انه ابن حيدر علي مثلم السيوف البيها روس اجدادكم صباها صب البيكم حيف...خل يطلع بطرف السيف...عينه اشلع نزل حامي العايله...رعب عيش كربله _______ اهتزت الدنيا و وگف حتى الهوى بس فقط صوت ابو فاضل ينسمع صاح بالجيش وتسمعه نينوى مربع اخذ بيكم لكسر الضلع يسطر العباس كل ميه سوى وعن متنها الروس كامت تنقلع يخطف اعليهم مثل شع الضوى الگاع رادت من خطفته تنشلع ياخذ ثار...للزهره وللكرار...والطبره ريشه اعلى راسه تلوگ اله...رعب عيش كربله ________ ركب مهره وصال صولة حيدره حتى جلد الگاع كزبر من برز رعب ولسيفه الرگب لزمت سره هزة الكاروك هز الحومه هز صاح انه العباس سبع الگنطره ملحمه وطبها أخو زينب وارتجز طبگ بيها الميمنه اعلى الميسره حتى ميتهم رعب من صوته فز راعي الزود...من يغضب خله حدود...لليگرب گطع روس الراجله...رعب عيش كربله ________ غيم العباس فارت غيرته و گام يستنگه الزلم بالصيده غيمه صارت عالشريعه رايته الحومه تهتز من ترفرف بيده طب عليها المايثني بسطرته گامت دخيلك تصيح البيده للخيم جاب الفرات بجربته كاسر خشوم الزلم لعضيده بسيفه يحوم...طب ليهم بيده اليوم..يكظيهم الحرم صاحت ياهلا...رعب عيش كربله ________ ترجف جدام الزلم من طرها طر واليخزره تنگطع انفاسه صاحوا العباس اجه منين المفر واليلوحه بسيفه طير راسه محدب الجيش واخذ طرف النهر الموت اجاهم عاشوا بوهواسه ظهر قائدهم على الماي انكسر شاربه بجدمه ابو فاضل داسه حتى الماي...صاح دخيل يالوفاي...شفنه الويل رج المعسكر باكمله...رعب عيش كربله ________ احمد الخفاجي

شد رايتك عندك زلم .. شد بينه يحسين العزم لبينه .. لبينه .. يحسين بنعم **** عندك ازلام يالحسين تشد بيها الظهر مايهابون بالارواح يلاكون القدر رفعة الراس جدمهم يدوس اعلى الخطر صاحوا الموت حلو وياك فخر والله فخر صاحت الغياره .. كلنه بانتظاره نكلب الطف بس يأشر بيده طبوا المنيه .. بصيحه حيدريه الشمر راسه نجيبه كون تريده علينه الثكال ولا تهم .. شد بينه يحسين العزم لبينه .. لبينه .. يحسين بنعم **** شدو حزام على الجيش بده الحل والربط عابس يصول درع ذاب يلاكيهم شرط خطة السيف عالركاب بده بسيفه يخط رج الطفوف زلم خيل خبط دمهم خبط طبها راعي النخوه .. الحومه بيها شسوه طبك روس الخيل بالخياله عابس بجنونه .. لون الكمره لونه اسمر اللون الحرب يحلاله وبعيونه يتلاله النجم .. شد بينه يحسين العزم لبينه .. لبينه .. يحسين بنعم **** عندك اصحاب بالصدور يلاكون الحرب آمر وشوف الطفوف يكلبونه گلب يهتز الجيش حلو الشيب عليهم من يطب شيخ الأنصار بالگلوب شتل بيها رعب طب للحومه شايب .. رجف الكتايب هلا ابن ظاهر تصيح الساده يسطر بيمينه .. ومابرد جبينه وللمخيم جاب روس القاده بشيبه يطش بيها ويلم .. شد بينه يحسين العزم لبينه .. لبينه .. يحسين بنعم **** طلعوا حيود على الموت زلم تلزم سره مثل الانصار وفه وياك فلا جابت مره عاشوا احرار بالحسين شروها الٱخره لاجلك ارواح يقدمون ليوث الزمجره دونك بعشكهم .. قدموا ركبهم وين الي يبيض الوجه صحبانك وكت الفزعه طلعوا .. عيون العيله شلعوا حسين بس اسمعنه صوت آذانك واحدنه بالطف مبتسم . شد بينه يحسين العزم لبينه .. لبينه .. يحسين بنعم **** كعدة شيوخ عالحگوك طلابه وعد بدو وين ابو الحيل على كحيل يلاكيهم منو انصار الحسين عالثكال ونعم والله وكفو بهدة الحيف من الخوف يضم راسه العدو للحرب شرايه .. من ترف الرايه وسالفه بنص الحرب نكضيها واليجرد سيفه .. مايرد بكيفه تشهك بضيك الهوه نخليها شدينه رايات الحسم.. شد بينه يحسين العزم لبينه .. لبينه .. يحسين بنعم **** تمت احمد الخفاجي