الناشر غيث اللآمي(للقصائد المنبريه)

فزاعيةة استشهاد مولانا الحسن العسكري (عليه السلام) مولاتنا زينب (عليها السلام) لمولاي فز الهظم يهل الحميه السامرة صوت الهاشميه يالعسكري بالظيم زينب طالت عرف مامر عليه عمه الشام اهمومه اتعور ------- يالعسكري عمتك وجيتك امن الشام ياعمه انتخيتك أنته أبن أخوي وحگي أحشمك الشام الهظم فزع حميتك ابسامراء اتنخت زينب ------- يابن علي الهادي وحميته چي من هلي جيت اشتكيته ابصحني الهظم ساعه اعلساعه والماله أهل تكتل مسيته شامت صار الليل ابزينب ------- يبن الحجج يبن الثچيله وبس العرف أنه اشتكيله هنا يالحسن مايرحم الشام للثار اناطر ليله ليله شعدهه أتريد أفزع مر عمتك ------- فزع الولي ازماط النشامه البيه تفتخر اهله وعمامه خل يفزع الزينب غريبة حيهم هلي يهل الشهامه حته المات اهناك امعلعل ------- بصحونكم زوار كثره ومابيكم المعيوف گبره بالعافية اعليكم يالحنان بس گبري ماواحد يمره حيد ابحيد اتنخه اهل الصد ------- للمهدي نادي وگله ياحيد عمتك يبوية اصوابهه امچيد مجبل عليهه الموت بالشام وسيد يمرهه واحد اتريد مجبل موت اعليه اتحزم رسول رياض

❉❉❉❉❉❉❉﷽❉❉❉❉❉❉❉ لسـتة #دعم_مؤسسة_منبريون_الحسينية🌻. #التثبــيت_سـاعـه #الحــــــــــذف بـعـــد نشر اللسـتـةّ بـ4  سـا؏ـات � غَـير مبري الـذمـةّ ٲمـام الله ڪـل من يـحذف البــوت دون ؏ـلمنا استقبل 1000 عضو فما فوق ━━━━━━━━━━━━━━━ للإشـــتِـراك 👇🏻. التواصل مع @ahmed_alziwar0 قناة خاصة بتلحين القصائد https://t.me/+PZwpTt2HLXcvUQZh ------------------------------------------------------

النور الاخير - استشهاد العسكري يا أَيُّها النورُ الأَخيرُ الحَيْدَري لَكَ العَزاءُ بِرَحيلِ العَسْكَري ياصاحبَ الزمان ، ياصاحبَ الزمان ****************** يامولايـــه الله يســاعــد عيـونــــك وكثـرن سيّـدي الثــارات بمتــونـــك بعد كل اللي شفته بأهلك من أوجاع أخجَــل حتى أگلّـك سيّدي شلونــك بجوارحي ياسيّدي ومشاعري لَكَ العَزاءُ بِرَحيـلِ العَسْكَـري ياصاحبَ الزمان ، ياصاحبَ الزمان ****************** أخذوكم غصب يا آخـــر العِتـره من أرض المدينه الأرض سامـره بعسكر حاوطوكم زمرة الملعون وأبــد ماراعو ترجعـون للزهـــره بِمَشَاهِدٍ لَيْسَتْ تُسِرُّ نَاظِرِي لَكَ العَزاءُ بِرَحيـلِ العَسْكَري ياصاحبَ الزمان ، ياصاحبَ الزمان ****************** شفت من المدينه أهلك يهجـروها وگــوّه من مدينــة جــدّك أخذوها صغير وشفت أبوك مگيّد ومسجون صغير وشفت چبد الحسن سمّوهـا لَكَ الْعَزَاءُ يَا حبيبي وَمَفْخَـري لَكَ العَزاءُ بِرَحيـلِ العَسْكَــري ياصاحبَ الزمان ، ياصاحبَ الزمان ****************** خمس سنين عمرك تفگد الــوالد كون أدري الزمن من حزنك شرايد شتنسه سيّدي وشتذكر من جروح وانت لوعه لوعه بعمرك تشاهــد الحُزْنُ فِيكَ يا إِمامِي جَوْهَرِي لَكَ العَزاءُ بِرَحيـلِ العَسْكَـري ياصاحبَ الزمان ، ياصاحبَ الزمان ****************** بكل ليلــة خميس أقـرالك زيـــــاره وأظل أسأل بروحي المهدي شخباره ويّـه أنصاره اسمي مسجّل ومكتوب لـو ذنبي منعني أصبح مــن أنصــاره أَثْـأَرُ لِثَأْرِكَ مِنْ أَماني خاطِـري لَكَ العَزاءُ بِرَحيــلِ العَسْكَـري ياصاحبَ الزمان ، ياصاحبَ الزمان ****************** بثار العسكري سجّلني يالمهدي أريد وياك آخذ ثاره من تبـــدي تدري بنيتي انت سيدي ومولاي وتعرف غيركم لا أريد لا عنـدي مُسْتَقْبَلِي أَنْتُمْ، وَأَنْتُمْ حَاضِرِي لَكَ العَزاءُ بِرَحيــلِ العَسْكَـري ياصاحبَ الزمان ، ياصاحبَ الزمان ****************** كرار الجوراني

الحسن الثاني - استشهاد العسكري بِـ تَسَلْسُـلِهِ الربّـاني ، في أَبْوابِ الرّحْمَـنِ لَعَلِيِّ الحَسَنِ الثَّانِي ، في سامَــرّاء ************************ بـــاب ومن بيبـان الرحمه بسامرّه يكون بـــاب يودّينه اعله الجنّــه هوّه ومدفون حاوَطها بعسكر وبسجنه المَلِك الملعون بس ظلّت تكبَر بيد الله وهمّــه يصغرون بــاب وللجنّـــه يــودّي ، من أكبر بيبان العندي طالع من عنده المهدي ، في سامَــرّاء ************************ بـأمر المُعْتَمِد العبّـاسي لاحــه التهجيـر وبـأمر أتبـــاع العبّـاسي لاحــه التفجيــر كل هذا وظل ذكره وإسمه بأمر الله چبير كــل هذا وظلّـت زواره التارِسهــم خيــر ذيچ الفجروها الگُبـه ، صارت أكثر متْذَهبه ميموت الـ الله يحبّه ، في سامَــرّاء ************************ هنيالــه الساكِـن سامَـرّه ومبخوت العين كل يــوم ايصبّح ويمسّـي بـ أجمـل إثنيـن شيريد من الباري وعنده إثنين من حسين الله الله شمحــلاهـــا بهـالمعصــوميــن الله الله اشگــدهــا ، اثنين من حسين العدها خلّاهم الله بسِـدها ، في سامَــرّاء ************************ منْ السفُن الخالقها الله الرحمِتــه للنـاس منْ أبواب الحاجه الكبرى الچنها العبــاس إي هذا الحسن إبن الهادي المرفوع الراس هذا النـور الظل يلالي بعسكــر الأرجـــاس هذا الحسن إبن الهادي ، الگلبي إندلّه بلا حادي من بعيد ونوره ينـــادي ، في سامَــرّاء ************************ نور ومن مشكاة البــاري بنت المختــار من شجره الله مبارك بيها بكل الأنظــار شجره وبيها العلم من الله وبيها الاسرار نــورٌ على نــور الله مخلّـي أولاد الكــرار هذا النور من الزهره ، خلّاه الله بسـامـرّه نور من أنوار العتــره ، في سامَــرّاء ************************ بترتيب الشجره اللي مبارك بيها المعبـود إسمه يصير الحسن الثاني الحيدرنه يعود بنص ذاك الطغيان بوقته وعسكر وجنـود ظَل للإسلام إبن الهـــادي واگـف عامــود ظل مثل آبــاءه يلالي ، بقيوده وراسه العالي غالي وطالع من غالي ، في سامَــرّاء ************************ كرار الجوراني

قصيدة الامام الحسين حسين هليوم نكسر بخوانه ضهره محني من فرغ صيوانه حسين شو رديت ماوياك اخوك الجان يالزم يمنتك غير ابن ابوك حسين وحدك والعاسكر حاوطوك فأكد حزامه الضهر راح عباس الكمر حسين هليوم نكسر بخوانه ضهره محني من فرغ صيوانه حسين شو رد للمخيم وبقهر من فكد عباس ضهره ونكسر وراح يم امعون وصله الخبر الجان ايده اليمنته هسه خاسر قدوته حسين هليوم نكسر بخوانه ضهره محني من فرغ صيوانه شلون كل المعون عباس نكتل راح اخوج الجان شيال الحمل غير درع حسين عباس الفحل اليوم محتاره شتكول راح المحير العقول حسين هليوم نكسر بخوانه ضهره محني من فرغ صيوانه حسين هوا اليوم خاسر يمنته الجان يكشخ دوم غير بهيبته من يعارك على حسينه بهيمته يمكن حسين نهدم راح يبجي بل خيم الشاعر قاسم الشيخ ✍️

قصيد الامام العباس يا عباس يا عباس ياعباس ياعباس ياسبع الكناطر يامرجف الخيل يافارس بدو يالماطخ وتميل خليت زلم تركع تحت رجليك يادهدار يالما يرك بيك الحيل ياعباس عباس ياعباس عباس شك زيج نهر عباس بالميدان يمخوف العساكر يا كمر عدنان يالكلك حميه وغيره يا عباس يمشيم اخوك حسين ياصيوان ياعباس ياعباس ياعباس ياعباس من وصل عباس يم ماي الفرات شلون حاوطها زلم بربع جهات راح راواهم جهنم بالقتال يرهب العباس صح بالموزمات يا عباس ياعباس ياعباس ياعباس سكته زلم عباس راعي الكوم يامهيوب يا دهدار يا جيدوم خليت الكتايب ماتنام اليل يم شاطي الفرت وبي حلوه علوم الشاعر قاسم الشيخ ✍️

قصيدة الامام العباس حيالله عباس حيالله عباس حيالله عباس شلون نرثيك ابو فاضل بالعزاء ونته كاطع روس كوم بكربلاء ياعجيد الكوم يا ابن العجيد من فزع عباس محد وكفاء يأهله بالهاشمي انته صح ماتنضمي حيالله عباس حيالله عباس حيالله عباس نازل عليه ابو فاضل امن شمال هاذا اخو العلويه يبرز بالقتال ياشهم ياحيد يمدوخ الجيوش اليوم يومك ونته حجي بثكال اليوم نازل بيه بيدك تصفيه حيالله عباس حيالله عباس حيالله عباس هوا قائد كربلاء قائد حرب هاذا ابو علوم تشيم من يطب غير عباس الكفو وابن الكفو الصعب يسهل يمه مايبقه صعب انته شيخ عليهم بسرعه وتربيهم حيالله عباس حيالله عباس حيالله عباس صاعد على الخيل ويهوس الشهم السيف عد عباس ومخوف الزلم حكهم يشردون منك ياشجاع غير شافوك وترفرف بالعلم انته ابو حجايه تشيط الله يستر من تغيض الشاعر قاسم الشيخ ✍️

قصيدة الوداع اليوم حزنانه العقيله بالخيم فكدت العباس شيال العلم زينب بياحال هسه يالجفيل دموع زينب بالشيم كامت تسيل جان كل حموله وحده ويشيل ودعت عباس ابو جف الثجيل اليوم حزنانه العقيله بالخيم فكدت العباس شيال العلم عين زينب بالخلك كامت ترف اليوم حال معون كلش مختلف خسرت العباس وخوها بالجرف هاي اكبر فاجعه الما تنوصوف اليوم حزنانه العقيله بالخيم فكدت العباس شيال العلم ودعت عباس وخوها بالغرب عين زينب بالخيم كامت تصب جان المخليته زينب بالكلب راح المشيمه زينب بالحرب اليوم حزانه العقيله بالخيم فكدت العباس شيال العلم شافت العباس ميت بالهضم صواب زينب هسه بين بالعضم خسرتك بين الاجانب يالشهم اليوم حيل معون كلش ونهدم الشاعر قاسم الشيخ ✍️

يا أيها الضامِن - استشهاد الرضا يا أيها الضـامِن ، ياملجئي الثامِــن مَن زارَكم آمِــن ، يبن موسى الرضا ******************* يا سِر الحُب واخلاصه وأجمل احساس حاشاك ترجّـعلك زاير مـن بيـن النـاس مو انت التِزعَل زوّاره وعمّـه العبــــاس كل هَمْ يطيح بشبّـاچـك لمّـن ينبــاس والزايـر بـ طُوسـه ، بس ينوي لجلوسه وچفوفه متروسه ، يبن موسى الرضــا ******************* مولاي بكل ليلـة جمعـة من نـزور حسيــن ندعي من الله بطوس نزورك ونكحل العين يـــارب نفتـر بشبّــاچــك حتْـلُو ميتـيـــن نخاف نــروح ومن زوارك مــا متسجليــن والـــزارك تحضره ، يـالضامـن بگبـــره يصير الگبر حضره ، يبن موسى الرضــا ******************* الله ، وهيـچي ونتوفّــق ونــزورك يُـــوم وناخذ للعين من المرقد مو صوره ألبوم ياثامن نعمه اعله العالَـم دَزهــا القيّـوم هيچي ونلتم يم شباچك قمر ويه انجوم ما أجمل المَشهَد ، للگاعد بمَشـهَــد ويصلّي بـالمرقــد ، يبن موسى الرضا ******************* ياضامن ضَبْيَه من الصِيد إضمنّي بمرضاك هـاك چفوفي وگُـود چفوفي برحمة يمناك آني وگلـبي امنيتي إنجـرّب طَعـم ملاگــاك مــاريـد الدنيــا تباعدنـي وماصيـر ويــاك ما أرهــم بدونــك ، خليني بعيونـــك كل عمري ممنونك ، يبن موسى الرضا ******************* هيچ اتسجّـــل مــــن زوّارك ، اللــه اللــه من هاللحظه وعمري ابطوله يصبّح محلاه اللهم بجــاه حسيـــــن وكـــــل الويّــــاه ارزقني زيارة ثامِــن نعمــه وطعـم ملاگــاه دِزني اعله محبوبي ، أرد أبچي لذنـوبي هيچ أدعـي بغروبي ، يبن موسى الرضا ******************* كرار الجوراني

(لشهادة مولاي الامام الرضا) للرضا الليله العزيه ودمعة العين نواسي مهدينه ابرحيله وام الحسين ــــــــــــــــــــــــــــــــ طوس هالليله حزينه وحزنت وياها المدينه صوتهن واضح حنينه اينوحن اليوم الغريب والرضا امصابه فجعنه وماغِله لـجـلـه دمِعنـه وللحـزن رايـه رِفعنه يـاجـرحنه الما يطيب الليله مجلسنه نحسبه بيت الاحزان عالگضه مسموم نصرخ اه يسلطان هالمصاب ابكل موالي خله نيشان لجل ابو محمد حضرنه يالموالين نواسي مهدينه ابرحيله وام الحسين ــــــــــــــــــــــــــــــــ امنية اهل الحـمـيـه انـقيم ياريت العزيه ابصحن ابو محمد سويه ونعتني لزيارته گلوب كل هاي الغياره كلها تتمننه الــزیـاره وتصرخ ابهاي العباره كلنه شوگ الحضرته وكون نـبـنـيله مواكب طول الادروب جمره ماتطفه المصابه تچوي الاگلوب بينه حـزن اگلوب چـنه حـزن يعگوب نبني من اجله المواكب والصواوين نواسي مهدينه ابرحيله وام الحسين ــــــــــــــــــــــــــــــــ فاطمه تهمل دمعها امصاب ابو محمد فجعها سم ابنها احـنه ضلعها شـبعت الزهـره عذاب الزهره آذوها ابــولدها والرضا يـومـه ضهدها الليله تلطم على خدها وتذرف ادموع المصاب انعزي هاليله الزچيه ابشمس الاشموس عالرضا الشفنه ابحضرته اتطيب الأنفوس واحنه من نوصل عتبته انشمها وانبوس عاشقين الهل ثنيه مو مغالين نواسي مهدينه ابرحيله وام الحسين ــــــــــــــــــــــــــــــــ نـعتني القم بــالمصيبه ونقره يم اخته الغريبه ويعتلي الناعي نحيبه عالرؤف ومحنته وبصحن معصومه ننحب والگلب نـيــــرانه تـلـهـب والدمع من حــگه لوصب من دمع لمصيبته ماتت وماوصلت الثامن العتره ظلت الشوفة اخيها بيها حسره ابقم اجاها الموت ويلي وحان أمره ابغربه وافتهة المنيه وبیها جرحین نواسي مهدينه ابرحيله وام الحسين ــــــــــــــــــــــــــــــــ نواسي مهدينه ابمصابه ونندعي يخلص عذابه طول اعلينه ابغيابه والفرج كلش قريب يحضر المجلس نشوفه ونعتني انقبل اچفوفه وينظر ابعينه العطوفه الخادمه الشابع نحيب ويذكر اشگال الرضا ابذيچ الوصيه انـتــــحب يابن شبيب اعله الرزيـه مات عطشان الغريب ابــن الزچيه ابگلبه دوم الغاضريه وثگل الاونین نواسي مهدينه ابرحيله وام الحسين ــــــــــــــــــــــــــــــــ حيدر بشار الدراجي

رجوع الضعن للمدينة كأني بمولاتي زينب عليها السلام عندما وصلت الى ديار الأهل رديتلچ عين ودمع يديار الحنان رديتلچ جرح ابجرح وفراگ خوان يدياري أنه أم الخدر هاي الأجيتچ ومن خدري بعبينه رجع يديار دخان أمشكبنه أبظيم ومناحه ولانايمه ولامستراحه هوه اليفارگ يگدر ينام؟ أبكربله فرن نسائي وعگب الگمر حرگو خبائي ونه أطلعت من ستر الخيام أنْه العلوية .. الصرت مسبية رحت مرچوبه ابهزل عدواني ابطرگ دمعاتي .. وثگل وناتي أجيتچ وحدي بلا خواني يدياري يديار المحنه .. رديتلج وبلايه أهلنه --------------- تنشدين ياهي هالمره حگج تنشدين بيهه أشيضل الفارگت عباس وحسين أتصير محنية گفه لتشوفه مكسور ضهره أنحنه لمن وگع في الصواوين من طاح اليحامي خدرنه نسوان بس گوه رگضنه من طاح أبو الأكبر عله الگاع أزغيرتنه يبخات المنازل أمشيبه مرچوبت هزايل وعثره اعلعثره صار الوداع أشيصبر روحي .. وشفت مذبوحي سليبه أثيابه عزيز اخوانه ردت كفالي .. يلم اطفالي عگب حيل أحته وعگب صيوانه يدياري يديار المحنه .. رديتلج وبلايه أهلنه --------------- گعداتنه ابفيچ قبل لا ماترد هاي لمتها ماترجع بعد ألفاگده اهواي أتغير وكتنه أبكربله وصرنه سباية ولبن أمي يديار البخت ردنالج افياي ماترجع أيام المحنه أشمحله گبل گعدات أهلنه وعباس أشوفه أتحيطه الطفال اعلناگه گوه رچبوني ويم راسه أخوي وشتموني اوّين ام دلال اوين الحبال؟ الحبل لاچمني .. اشكثر تعبني وعقيلة هاشم هلي ايسموني عزيزت حيدر .. بسلاسل تنجر ابخرايب اگعد وكت خلوني يدياري يديار المحنه .. رديتلج وبلايه أهلنه --------------- خمسيني كبرهه الهظم وسوالف الشام علعيوني طبيت القصر ابروس ويتام يهل البخت تكتل تره امن أطب دوواين الماطالعه چانت گبل من باب الخيام وبگلبي ياكثر السوالف والله وكت وطب مضايف؟ بت فاطمة الماواصله الباب يفرون بيه اعللعشاير وحاير يگلب أم عون حاير الماعدهه كافل تشبع أمصاب ابمضايف غربه .. علزينب صعبه وعلاوي السادة هظم شبعانه النشد ياهيه .. أنه العلويه السبيه أتسمه وصرت كبرانه يدياري يديار المحنه .. رديتلج وبلايه أهلنه رسول رياض شور وگفه

يا أنيس النفوس - استشهاد الرضا يــا غريباً وسط طوس يــا أنيســـاً للنفــوس لك ياشمس الشموس كل سلامي ************** شوگ الحضرتك بيّه ، للبقعـــه الإلاهيــه كل الكــره الارضيــه ، بـ إشتياقـي تمتلـي شوگ شگدّه وشكبره ، النظره وحده للحضره شوگ الوادم الفقــره ، يــاعلي وريحة علي يـاحنين ابن الحنيــن شوگك بطول السنين بكل زيـــاره للحُسين كل سلامي ************** سهام الدنيــا صادتني ، ويـــامولاي لهّتـنـي علي يالضامـن اضمنّي ، حتى أموت ومستقر من اتصير إلي الضامن ، أسافـر للگبــر آمِـن بيكــم أمشي ومراهِـن ، يا أماني بالگبــر يــالرضا انت الأمـــان بكل مكان وكل زمــان إلك كل عمري إمتنان كل سلامي ************** يا أجمل سبب للحُب ، ويّه كل شمس تغــرُب طَلب يابو الجواد اطلب ، وانت گدها المطلبي تجـود اعليّــه بزيــــاره ، وتبرّد گلبي من نــاره يامـــن تعــرف أخبـاره ، ياحبيبي وصاحبي زيارتــك هي المُــراد يامن امسهل الشداد ياعلي يابــو الجــواد كل سلامي ************** گلبي العاصي والبــارد ، يبچي بحضرتك رايد وانت يريدك الشاهـد ، للندامـه يالرضا يجي الگبرك يمحبوبه ، ويمّــك يعلن التوبه وهوّه شعنده لذنوبــه ، غير آل المرتضى ياعلي لمّن يگــــول يدري حزنه مايطول يافحل يبن الفحـول كل سلامي ************** وحق اللي عليه اسمـــك ، وحق كسرة ضلع امك وحق كل قطره من دمك ، الدنيا بس يمكم فرق حلاة الدنيــا بس انتـــم ، حنان الدنيا بس منكم شخِلقها الدنيا غير إلكم ، ياسبب كــل الخلق ياسبب كل الوجـود صرتو للدين العمود يا رسائل بــالقيــود كل سلامي ************** كرار الجوراني

يا نور انخلق من نور يأول منخلق للرب يالقبل العرش موجود يالبيك الحچي ينحب محمد يا حبيب الله اليوصفك ما گدر يتعب اشلون ارسمك وانت نورك مو قليل يا رحيم الدنيا خالقهه الجليل اشوية من نورك اخذ يخلق حياة يا حجي يوصف عشگ خل وخليل ما تنوصف وربك يگول انكْ على خلقٍ عظيم قبل الوحي وقبل القلم انت الازل قبل القديم لأجلك خلگ تدخل عدن ولأجلك خلگ نار الجحيم يا ابا الزهراء يا رسول الله ___ يالاسمك هوى وينشم وبيك ابتشرت الابرار منك الله سوة ثنين انت وحيدر الكرار يا نور انشطر نورين ومنكم صارت الانوار انت اول من عرف معنى الاله والله گلك طه لا تشقة بصلاه يا شفيع الامة يا دم الوريد انت الاول ما بعد واحد وراه هسه اعرفت ليش انوجد تحت الثرى وذاك الفضاء من الله نزّل بالحديث كل الخلق لأهل الكساء منك خجل حــتى الوحي وخادم الك فوق السماء يا ابا الزهراء يا رسول الله ____ قرآن ونزل قرآن وبيك ترتل الزهرة بيك اتباهت الافلاك يا نبع و اصل سدرة صح الماي اصل الكون وانت الماي مو شجرة انت ماي ومنك الكون انوجد يا نور ضاوي للعرش جنت السند وبيك يحتج العظيم اعله الخلق كلشي هاوي اله اسمك للابد يا رحمة الله الواسعة منك والك كلشي وقف من آدم لحد المسيح ما نلگة مثلك بالوصف ذكر العلي بيك ارتبط وبيك ابدت كل الصحف يا ابا الزهراء يا رسول الله _____ احبك مو حجي وينگال كلمة وتجمع الاحساس لگيتك للقداسة امثال فرق كلش جبير الناس اصلي اعليك بالشدة وتنحل وتبرد الراس بيك يسهل امري من كلشي صعب عل الفطرة مو تعلوم حباك الگلب الشال مثلك طاهر يطهر النفوس احبال حب يمدلك ويطلب قرب خلي ابتعد عن البشر ليك اعتني وتقبل علَي ينطرني موتي وارتحل وبذاك الگبر ترجف ادَي وبالوحشة بس عندي الامل تگصد الي و بالظلمة ضَي #محمد فرج الحريشاوي

(لحن يا عباس فگدك هضمنه) بوية شلون اني الحبيبة بوية شلون بعدك غريبة ــــــــــــــــــ بوداعك جني بالهيمة مثل طفلة بوسط خيمة دمعتي مطرت الغيمة حزن فگدك يبو الشيمة يبوية والفگد ظيمة صعب يا بوية تعضيمة بوية شلون موتك عجيبة بوية شلون بعدك غريبة ــــــــــــــــــ انا اتنفس وسط ريتك انا عافيتي عافيتك يخيمة راسي خاجيتك يبوية اذكر وصيتك انا اول اهل بيتك اموت والگة حنيتك بوية شلون موتي شيجيبة بوية شلون بعدك غريبة ــــــــــــــــــ يبوية بقلبي واحجيلك يغالي بفگدك اشيكلك ولا خلوني ابجيلك يبوية ومنعو اهديلك انا لليلة اصليلك يغالي بدمعتي ادعيلك بوية شلون دعوة مجيبة بوية شلون بعدك غريبة ــــــــــــــــــ مصايب من جرت الية يبوية وصبت اعلية تصير الدنيا مطوية إذا شافتهن شوية ولا هود جرح بية الحزن يگطع هوه الرية بوية شلون صعبة المصيبة بوية شلون بعدك غريبة ــــــــــــــــــ دمعتي القرحت جفني ولا يهدة وسكت وني يبوية ومن رحت عني بعد عينك متت جني الالم من الحزن ذبني فگد وجهك يلوعني بوية شلون قلبي ولهيبة بوية شلون بعدك غريبة ــــــــــــــــــ انا المشدوهه وبدمعي انا ابنيتك شفت وضعي على الونة صبح طبعي طفى بوية الفگد شمعي وكسر بوية الهجر ضلعي اسولف بالصبر وادعي بوية شلون جفني ونحيبة بوية شلون بعدك غريبة ــــــــــــــــــ للشاعر : زين العابدين الشمري

(لشهادة الرسول) من اربعين احـسين الحظرة علي ناوين نمشي بدموع العين بمصاب النبي ~ يـالله يالخدام شدوها حِـــزمكم وابد لايبرد على الخدمه عزمكم للنجف گومو ولاتــضعف هممكم ويم ولد حيدر انصبوها خيمكم امشونه يـــاخدام خل نرفع الإعلام خل نلطم اعله الهام بمصاب النبي ~ نصبو خيمات العزه السيد البريه للنبي خــلو الاعلام ابــــكل ثنيه اليوم بـــالدمعه نودع الغاضريه ونتجه لرض الغري هاي المسـيه وبـمــــرقد الكرار نلطم ازغار اكبار عالزهره وحشه الدار بمصاب النبي ~ لاتشدون البيارغ يالموالين باچر الزوار توصل بالملاين بين ماشي وبين موكب صيرو نصين ابد لتقصرون بزيارة ابو حسين من مرقد المذبـــوح ناخذ حزن واجروح الوادي السلام انروح بمصاب النبي ~ كالسعي بين الصفا والمروه نسعه بعده موسمنه وبعد بالعين دمعه گبــر ابو السجــاد باللوعه نودعه ونگصد الحيدر علي ويم كبره ننعه فاكد اعز انــسان صار الاخوه دفان واضلمت الاكوان بمصاب النبي ~ ابشارع الطوسي اشحلاها هالعزائات والطبخ بي نكهه ويشافي الجراحات ردة اهل النـــجـف نحـــسبها مناجاة وصحن حيدر حايره ابوصفه العبارات بشباجه كلنه انطوف خطار اله واضيوف ونبچي بدمع مذروف بمصاب النبي ~ علي من انـزوره چـــن زرنه محمد غير ابن عمه اووصيه وكلهه تشهد لازم نزوره ومدامعنه عله الــــخـد مثل مازرنه الحسين بثوب الاسود مشايه نمشي اليوم وانواسي المعصوم حيل النجف مهدوم بمصاب النبي ... حيدر بشار الدراجي