محاضرات ولطميات ونعي

قصيده الفاطمه الزهراء عليها السلام المستهل سيرنه العصر لمنه الحنينه لكنه الدار مسدوده وبجينه 😭😭😭😭😭~ ~ ~ ~ ~ ~ محتام الكلب يمه واجيناج وكفنه بعتبت الدار ندهناج علينه شكد هضم واليوم ردناج تعب وهموم من بعدج لكينه 😭😭😭😭😭~ ~ ~ ~ ~ ~ دخلنه الدار وشبعنه بواجي احا يم الوفه وارباج زاجي ذكرنه ايامنه وذيج المحاجي وذيج ايامنه ما ترد النه 😭😭😭😭😭~ ~ ~ ~ ~ ~ راحت ماترد ذيج اليالي طبينه ولكينه البيت خالي صحنه بصوت يا حبيبه تعالي صعبه فركتج منه انعمينه 😭😭😭😭😭~ ~ ~ ~ ~ ~ مر افراك وجهج دولبانه شفنه الباب مسدود واعمانه عكب عيناج محد ناشدانه صحنه بصوت يمه المن اجينه 😭😭😭😭😭~ ~ ~ ~ ~ ~ اجينه المن بعد والمن كعدنه عن البيت شالت والدتنه عكبها لا حنين ولا محنه عليها الكلب ما يبطل ونينه 😭😭😭😭😭~ ~ ~ ~ ~ ~ ما بطل ونينه الكلب مهضوم محزونه و عليه هموم وهموم امي شايله ولا اضن ترد دوم بجفاها بعد من يمر بينه ~ ~ ~ ~ ~ ~  😭😭😭😭😭 --------★★----------★★

يحسين اسمعك تون بهداي عطش لو الجرحك ونتك هاي مصوب والمصوب يطلب الماي من اتجيلك يخوية تكوم وياي يحسين خوية جم جرح بيك عدهن لخيتك خل تداويك بلكت تطيب من العله البيك (الحسين) كاللها يبت حيدر الصنديد موكل جرح بيه الدوه يفيد منهن يخويه البلدوه يزيد ومنهن الماينجاس بالايد والاعظم يخويه سهم الاحديد كلها تهيد وهذا ميهيد فك عينك وخليني احاجيك تكدر على الكومه امن اتجيك حار الرمل والكاع تجويك خويه.. جزيت ابني وادور على الخوه الك يحسين خوية الولد فدوه من اجيتك وانه اجر بالجدم كوه تقول للحسين.. عليه يهون رجب البل والاحبال ويهون أبني الكته مكطع اوصال والاصعب يخويه ويشده البال من ردلي المهر من غير خيال (رجعت لولدها) يمه الولد لوعاتبتني وتكول ليش امي جزتني طيحة حسين الطلعتني ولو ماعين خالك ماشفتني

يحادي النوك يالبنوك تحدي تراني بكربله خوان عندي مرني اعلى اخوي وخال ولدي اكله بكربله ضليت وحدي هنا ياسايكين الضعن لولحضه تانوني وانجان عدكم عجل بخواني مروني ماودعيت اخوتي ولاهمه ودعوني واني اعلى ضهر الهزل خلهم يشوفوني هنياله ياخويه اليشمك وعونه اليخلي الكلب يمك ليش اوداع اخيتك مايهمك

عتاب محمد بن الحنفية وزينب ـــــــــــــــــــــــــــــــــــــــــــــــــــ اليه اعتاب يمحمد اهوايه شعجب ماجيت من رحنه سبايه ولاحمايه احنه بلا اخوان ولا حمايه وبالبدايه بالبداية راس حسين خلوه بالبدايه يمحمد الهضمتني الحجايه كالو اخت عباس هايه بالعبايه بالعبايه غطيت وجهي بالعباية محمد يم بناته ذبحوا حسين ويم بناته وسمعن الخيل الساحكاته ماخلن ضلع ماكاسراته صاحن فرد صيحه الفاجداته خويه ماينشبك بس شابكاته وكعدن بكتره مدللاته وبالدم وجهن صابغاته

نعي العليلة وعتابها ـــــــــــــــــــــــــــــــ كالت الوجن والهدوم تحيرت بيهن واكولن مدري المهن مدري اخليهن اذا المهن ليا ناكه اوديهن اذا اني المحامل زايدة عليهن كلت ياروحي شتسوين خلي اغراضج وكومي اني بكبري مالي امجان المن لامه اهدومي

نعي زينب والحادي ـــــــــــــــــــــــــــــــ صاحت اخذ راك البلد وامشي يحادي لاتطر الناس ترى الوادم يعرفوني بت حيدرواخت عباس علي تصعب يشوفوني على الهزل واهبط الراس شكولن للينشدوني جاذاك الخدر وينه ـــــــــــــــــــــــــــــــــــــ كالت خوان الدهر يم عوان خوان وتشبع هضيمه المالها اخوان

ڪـون الــيــوم خــوانــي يـگـعـدون ڪون الـــيــوم خــوانــي يـگـعـدون ----------------------------------------- تـعـبـنـي الـرڪاض وحـيـل مـا بـيـه مـن گـد الـتـعـب مـا شـيـل رجـلـيـه اگــومـلـي ولــد وأطـــيــح عــلـويــه واهـون طـيـحـة الـزلـمـه مـن البنيه (وارڪض حالي من حال اليركضون) 🗨🗨🗨🗨🗨🗨 تـعبـانـه وگــولــن مــوش تــعـــبــانه بـلا خــوان تـطــلـع هــاي مـوش انـه اگـوم هــنـانـه وارجـع اعـثـر هـنــانه وامد ايدي اعلى گلبي وماهو بمچانه (يـا ڪون الــنــحــبـهـم مـا يـمـوتـون) 🗨🗨🗨🗨🗨🗨 عطش تعبني حـد مـا غـوشن عيوني اريــد ارتــاح لاچــن مــا يـخــلـونـي جيفن بـت علي الوادم يكرهوني ارجـوا الـمـعـذرة يـحـسين شافوني (بـسـمـي گــبـالـهـم گـامـوا يصيحون) 🗨🗨🗨🗨🗨🗨 ابـاب الـخـيـمـه صـاح الـمـا الــه امروه و زيـنـب گـالـهـم طـلـعـوها بـالكوه طلعت وشاف طولي اللي مايسوه وانـه بــشـاربـك يــالــخــوتــك خـوه (يــاهـــو يــگــوم ويـرد الـيــعـيـلــون) 🗨🗨🗨🗨🗨🗨 اخـتـك ضــالــه أدور الـغـرب بــيـهـا ونـاس تـجـيـبـهـا ونـاس الـتـوديها ويـه الـمـالـه غـيـره شـلـون تـاليـها زيـنـب يـاخـو زيـنـب عـالوا عليها (ويـن اخـوان زيـنـب خــل يـهـدون) ----------------------------------------- الشاعر_هادي_الزيداوي

قصيدة للمسير عفنه حسين يايمه ومشينه نايم بلشمس ومسلبينه عفنه حسين مذبوح وحنه للسبي نروح يمه لكربله ردتج تجينه 🍁🍁🍁🍁🍁🍁🍁🍁🍁🍁🍁 صحت الحك علينه ومالحگنه بنار خيامنه خويه احترگنه ماهابك عدوك وفترگنه وسوطه على المتن يحسين طگنه يمه التل صعدته گباله الشمر شفته راح حسين يايمه من ادينه 🍁🍁🍁🍁🍁🍁🍁🍁🍁🍁🍁🍁 حرگوها الخيم وجت عليه وروحي فرفحت للغاضريه اريد اومي وصيح الحگ عليه ماتت يم حسن وحسين اديه اجيت لخيي احشمه لگيت الشمر يمه عزيزج يلزجيه ذابحينه 🍁🍁🍁🍁🍁🍁🍁🍁🍁🍁🍁🍁 ييمه بيوم عاشر ما اجيتي وشفتي شلون يمه احترگ بيتي يمه على الذبح مالحگيتي ريت حسين اجت گبله منيتي ولاشوفنه مذبوح وعلتربان مطروح وعباس البطل گطعو يمينه 🍁🍁🍁🍁🍁🍁🍁🍁🍁🍁🍁🍁 لوشفتي يزهره شلون عباس طاحت يمنته ومصوب الراس جبتي ام البنين گبال هلناس وصحتي بصوت هاياكوم الارجاس هذا ابن الوفيه وليث الغاضريه صوبني السهم يلصاب عينه 🍁🍁🍁🍁🍁🍁🍁🍁🍁🍁🍁🍁 ماجيتي ييمه ويه الفواطم وشفتي حسين علتربان نايم صحتي هنا يربات الهواشم على ظهور الهزل نصبن مآتم تعالن گابلني عزيز الراح مني صدره بلحوافر ساحگينه

يحسين العمامة    هوسو بيهة ■♤■♤■♤■♤■♤■ مسلوبة يخوية وسفة تاليها الجثة أمگطعة وهامته أمطبريها أنوح حسين خوية الصرخة أعليها راسك عالرمح وأعيوني أعميها رقية أتريد أبوهة وين أوديها زينبكم مشة للشام حاديها ما ضل والي عدهة ومن يحاميها يضربهة الشمر بالسوط تاليها هاي أمهة الزچية ومنهو ناسيها ياويلي يزينب شال واليها

اليوم برووس اهل زينب يهوسون *---------------*---------------* وحيده اليوم زينب محد وياهه كفال الظعن من مات خلاهه تتنخه بدمع وونوح غطاهه وصاحت وينكم يهلي من لظعون اليوم برووس اهل زينب يهوسون *---------------*---------------* صاحت وينكم شو محد وياي حركوا خيمتي وتشمت عداي وانه خلافكم ماظل بعد راي وفزعوا للمخيم هل يحرگون اليوم برووس اهل زينب يهوسون *---------------*---------------* فزعوا للخيم سلبوهه الاطفال وماظل كلشي لي ومعذبه الحال حملي اليوم مايل والدمع سال وعدواني كفر لا مايرحمون اليوم برووس اهل زينب يهوسون *---------------*---------------* اليوم الروس شالوها اعله لرماح يهوسون بجفافي وشامت صاح وين حزام ضهرج عافج وراح بنضرات الحقد ضل يضحكون اليوم برووس اهل زينب يهوسون *---------------*---------------* مااصدك اخوتي الشالوا الراس فوك رماح شالوهم يالهناس راس حسين راس الفحل عباس ينضرون وعلينه تدمع عيون اليوم برووس اهل زينب يهوسون *---------------*---------------* ✍باقر جبار الشويلي ✍ابو سلام الجابري

موشح للوداع (( اتگول زينب )) اتگول زينب ... كون ميته اشوالي هدم افادي وداع الوالي اتگول زينب كون ميته من زمان اشلون اضل بدون والي ولامچان والعده يخوفون مابيهم امان باچر يلوعون گلبي وحالي اتگول زينب ... كون ميته اشوالي باچر العدوان گلبي اتلوعه اشلون اودي حسين بيدي المصرعه سكنه مهضومه ورقيه اتوادعه واليسر والضيم يتراوالي اتگول زينب ... كون ميته اشوالي اليسر والضيم اجني والعذاب كون ميته ولاشفت سيد الشباب ايودع اعياله ويفكر بالمصاب وانشده ياناس عگلي وبالي اتگول زينب ... كون ميته اشوالي ينشده عگلي ودمع عيني يصب لو شفت حاله صعب فوگ الصعب گام من خيمه لعد خيمه يطب وصاح عينچ عالحرم واطفالي اتگول زينب ... كون ميته اشوالي عالخيم يفتر وطب الخيمتي عندچ يگلي امانه عيلتي باچر العدوان تگطع رگبتي هالوصيه الصوبت دلالي اتگول زينب ... كون ميته اشوالي هيست حيلي تضعضع وانهدم راح ابو السجاد ينخه اهل الشيم كلهم امنومين ماواحد سلم ايس المظلوم منهم تالي اتگول زينب ... كون ميته اشوالي ايس امن اهل الشيم والمرجله بالحرب كلهه ضحايه امچتله وللوداع حسين لم العايله خاب رجواي وگضيت امالي اتگول زينب ... كون ميته اشوالي ✍شاعرة اهل البيت ام هجران العمارچية

يرجليه يرجليه باجر ع الجمر تمشن يرجليه يرجليه يرجليه باجر راية العباس ماهيه ,,, يرجليه الطريج بعيد شدن حيلجن باجر باجر من بعد عباس زينب تكسر الخاطر ركض من الخيم لحسين من ينداس بالحافر ونركض للشريعه نروح يم الفاگد الناظر بالحر والظهر  نطلع.    ركض من مصرع لمصرع وباجر تنوخذ من عدنه ترجيه ,, وباجر ع الجمر تمشن يرجليه ــــــــــــــــــــــــــــــــــــــ باجر من تجيني الخيل اركض ع الجمر حافي وعباس اليجيب الماي بــــاجر ع النهر غـــافي باجر يهد حيلي الصوط من يلتف على جتافي وجتـال اخوتـي الحداي يشتد لــوگلت كــافي باجر شامت يسبني.      وكل ماحشم يطگني وحماي الظعون عيونه مطفيه ,,, باجر ع الجمر تمشن رجليه ــــــــــــــــــــــــــــــــــــــ يرجليه الصبح لو صار وين نروح ماادري ونار البالخيام تگوم بذيال العباه تسري ومابين الخيم وحسين باجر ينشده فكري وايس من اخوي انوب اروحن للكفل خدري باجر مايظل زلمه ,,, بيجن للركض همه واركض حافيه وبالنار مجويه ,,, باجر ع الجمر تمشن يرجليه ــــــــــــــــــــــــــــــــــــــ باجر كل زلمنه تــروح راح نظل لوحــدنه باجر يذبحون حسين والعباس مو يمنه ونركض ع الجمر حفاي من تتفرهد خيمنه باجر نطلع وننشاف بعيون الغرب كلنه كلهم ع الرمل نومه ,,      نحشم مالهم گومه باجر تنضرب بالسوط علويه ,,, باجر ع الجمر تمشن يرجليه ــــــــــــــــــــــــــــــــــــــ باجر من يطيح حسين اريدنجن تعينني كون يصير بيجن حيل للمصرع توصلني من نشوف اخوي يلوج خافن ماتشيلني ومن يمه لعد عباس يــارجليه ودنــــي من عباس لبن امي.     اركض والجدم مدمي اگومن وانهطر ومتوني مدميه ,,, باجر ع الجمر تمشن يرجليه ــــــــــــــــــــــــــــــــــــــ كون يطول بيه الليل ماريد الفجر ينطـر يوم البي هلي يشيلون ياذاك الصباح اكشر اودعمن بذاك اليوم جاسم لو علي الاكبر ومابين الزلم والخيل چم علويه تتعثــر يفترن خوات حسين ,, مايدرن يروحن وين بيد اجناب والوليان ماهيه ,,, باجر ع الجمر تمشن يرجليه ــــــــــــــــــــــــــــــــــــــ اوصيجن تشدن حيل مدري متوني اوصيهن مثلجن ينولــن بــاجـــر وليــه وحيل مــابيهن خولــه وحــرمله بالســوط يجرن دم يخليهن وخواتــي ابين خيــل ونــار يتعثـرن بعبيهــن هذا يطگني بمتوني.     وذاك اليسطر عيوني متحيره بحرم والعين معميه ,,,    باجر ع الجمر تمشن يرجليه رائد الناشي

لو شفتي العصر شبان اذكريني نايم ع الرمل من اول اسنيني اذكريني ييمه بلمت اصحابي لونشدو عليه وكفو ابابي واني ع تراب يطول غيابي بعدني بشوك ينظرهم جفن عيني اذكريني ييمه بلمت الشبان لوطلعو سويه وفتحو البيبان وانه من زغر نايم ع تربان وتراب الكبر حار ويئذيني بعدني للهوى بشوك ارد اشمنه وتراب الكبر حار اختنك منه ردت دين التعب ورباج اسدنه شبيدي والقدر عنج اموديني وداني القدر وموسد ابكبري ماشفت بحياتي ولاعشت عمري يلجم باب كلبج هلاكلام ادري وادري اتشوغ روحج لوسمعتيني يمه من تجي اصحابي وتمر ع دار كولي علرمل نام وسموم الحار شبيدي والدهر خله الشمل طشار بعد للدار مااطب لا تنطريني كولي مايرد السافر ابتا بتابوت ومايرجع ييمه الراح درب الموت نايم والكبر ماينسمع بي صوت حكج ماالومج عاتيبتيني بسك يلولد حجيك يدولبني اذا رايد ترد ذاك التعب يبني اريدك للكبر وياك تاخذني وانامن ع الرمل وياك خليني

تنشد ام عباس اخيچ وينه ها يزينب گالت امگطعينه ─── ✥ ─── ها يزينب رادّه ومالج چفيل ليش وحدچ والحمل كلش ثجيل ليش متغيره وشجا جسمچ نحيل ما عرفتچ من گبلتي إعلينه ─── ✥ ─── ما عرفتچ ليش متغيره شجاچ وانتي ريسانت عرب حتى بحداچ راده وما ينسمع بس حس بچاچ أحچيلي زينب يا جرح يا ذينه ─── ✥ ─── احچيلي زينب لا تچثرين الونين ما انشدچ عن بنيني أحسين وين صاحت الله ايعظم أجرچ بالحْسين إنحز وريده وسال دم إحسينه ─── ✥ ─── أنحز وريده اشلون وانطيته الشبول چنهم مقصرين زينب خاف أگول واعتذر لو ما گضو حد الچتول لا يحره اشبلولچ امشيمنه ─── ✥ ─── لا يحره أو حگ تسمعين الجواب أربعه اشبولچ تلاگو بالحراب كلمن ايحد صارمه بجيد الرگاب والنبل بصدروها ملاگينه ─── ✥ ─── بالصدور اتصد لنشاب السهم اتخاف لا يوصل سهم حد الخيم وهمه المشيمين زينب والحرم اربعه ويا عز فخر ماضينه ─── ✥ ─── اربعه وعل موت تتسابگ ركض وترسو الحومه دوارس بالارض بيد ابو فاضل نفض بيهم نفض لحد ما شفت السهم صك عينه ─── ✥ ─── لحد ما طاح من المطهم صريع مگطع الذزعان غاطيه النجيع هيست هسه الحرم راحت تضيع والحسين اخلافه الله يعينه ─── ✥ ─── محمد الحسيني

طباها ونعم عباس طباها وكاراها الزلم صوبين كاراها ــــــــــــــــــــــــــــــــــــــــ فردشها وخبصها وكام يطوي الجيش واليشرد سلم جدامه ياهو ايعيش توجع طكته والطكه موبالريش طب خلاسها وضيعت منواها ــــــــــــــــــــــــــــــــــــــــ ماينجاس ماينجاس ابو النوماس كضاها وردمها الزلم راس ابراس موتهم ابسيفه وخزرته العباس ومن اجسادهم الرواح سلاها ــــــــــــــــــــــــــــــــــــــــ صاح الويل شنهي الجيش شنهي الخيل حدره اتميل كاع الطف وصارت ليل الجيش ابرهه ونازل عليه سجيل اتلولح على الشكره وخسف مكفاها ـــــــــــــــــــــــــــــــــــــ صار الليل صبح الله ونهاره اضلم من طب عالكتايب فوگ الامطهم حتى اللابده بخيمها ماتسلم وسطرت حيدره ابصفين عاداها ......................... شد الحيل والعسكر فگد حيله تذكر چلمة امه وشدة الشيله كلمن گابلاه الموت يوميله اشما تركض سبگها وليه رداها ........................... سالب روس خصمه وراحت اخيوله المو ميت يرد ربعه اليتچوله ياهو الگابله چف ماحوه اللوله تعطش گاعها ومن دمها رواها ........................ يدور ياشهم يازير من يزئر ياعفرينها المحروس من الشر ياصگر الحرار الامنت كل بر ياللاگيتها وتاهت نواياهه ........................ خدام اهل البيت ازهر العضيمي علي الزرگاني

خويه ياعباس أحس ظهري إنكسر من شفت طايح لواك عله النهر @@@@@@@@@@@@ خويه أسويت بيه من رحت ردت أموت وياك لاجن مامتت خويه عيني الشافتك تدري انعمت كمت بين إعداي بالممشه أعثر @@@@@@@@@@@ خويه شافتني العده يمك إجيت خويه مثل الحاجب إعليك إنحنيت خويه حكك يبو فاضل مادريت ماكدرت اصعد يخويه اعله المهر @@@@@@@@@@@@ يموت احسله الذي يفكد إخوه ولايضل وحيد بين الخاصموه صعبه مثل حسين وحده يشاهدوه وضل على التربان ياوسفه الكمر @@@@@@@@@@@ جيت أحلفك يبن ابوي بخوتك كوم رد وياي وترك جربتك إباب المخيم تناطر عيلتك عليك كلب اختك أحر من الجمر @@@@@@@@@@@ آنه من يم مصرعك حد الخيام صرت شايب خويه ونحل الاحزام جيت اتعثر وجرن بالحسام راح من عندي يبو الغيره النظر @@@@@@@@@@@ شلون وحدي للخيم ياخويه أرد وأنته موش وياي يابعد الجبد راح اكول الكمر صاباه العمد شرد اكولن للعقيله ياعذر @@@@@@@@@@@ الكوم كلها على الخيم متحشده صاح صايحهم اسمعنه وحده حسين ماعنده اخو ضل وحده هو بس عباس وجف انبتر @@@@@@@@@@@ الموت أهولي ولا ردن وحيد كسرتي امبينه عليه من بعيد عمر من بعدك بيو الغيره شيفيد جمرة إفراكك يخويه تستعر @@@@@@@@@@@ ردت موتي كبل موتك وستراح ولا ارد للخيم مكسور الجناح راح يازينب اخينه اليوم راح كافلج مايرد هذا آخر خبر @@@خالد الناصري @@@

نعي محاوره بين زينب والعباس اااااااااااااااااا زينب عگبكم يابو فاضل ياهو لينه من اصيحن ماترد خويه نولينه ويرد الصوت ياخويه علينه ماكو جواب ياخويه الحجينه حرم وطفال راحت من ادينه وبقيت امحيره ابغربه وحزينه ااااااااااااا العباس يزينب موبديه هاذه حالي مقسومه الج من غير والي مو سهله يخيتي الي جرالي وتصير ام الخدر مذلوله تالي اااااااااااااا زينب منو البعدك يواسيني يعباس وكدام الشمر بي ارفع الراس انه الظليت وحدي ابين الانجاس المابيهم حميه وذرةاحساس ااااااااااا العباس يخيتي ارجوج بالله لاتونين تفطرين الجبد يوم الي تنعين انه ادري خلافي وحدج رح تظلين تحنين على اخوج وتدمع العين يخيتي بيوم ودعت انه لحسين حسيته انكسر ماضل إله معين ولاناصر بقاله ويه النساوين يحاميهن اخلافي ويوفي بعدين اااااااااااااااااا للخادم طالب الطهمازي

نعي💔 لسان حال الحوراء زينب.ع. 😭😭😭😭😭😭😭😭 يامحله الأخت مابين الاخوان تعيش امدلله ومايوم تنهان بيهم تحتمي لوجار اللزمان وياذل حالها الماعدها وليان ############### يايمه الاخوان شحلاهم سلوة خاطري من اگعد وياهم خواني الضيعتهم ماالگاهم اگضي العمر بالونه وراهم ################ ابچي عليهم وعمي العيون للفارگوني وما يردون يوم المكاون مايدنگون يسوون البچي الخوان يسوون ################# يسوون البچي وعمي عيوني طحت بهضم من فارگوني من حشمت ما جاوبوني ومو من طبعهم مايجوني ################# چنت مدلله وخواني هواي ومثل فَيْ الاخو مايحصل فياي چان الگمر عباس وياي وهسه الهضيمه تحيطني اعداي ################# كلمات خادمكم/حسين كريم القره غولي نسألكم الدعاء

1) ماظل شيخ عكب اليوم طايح بيرغ السادة هنا زينب قصدهه تكول من صار القتل عادة وسفه الرمل للعباس صاير ياعلي وساده شيل ايدك وصيح وياي __ طاح اليوم شيخ الماي عباس الفحل هوسات تشييعه ____ 2) هذا اليوم راح يموت شيخ العرب والديرة اليوم السادة حزنانين طايح سيد الغيرة طاحت خيمة النسوان زينب ضلت بحيرة زينب حشمت ياناس __ يستاهل لطم عباس شو طايحه جفوفه الشايل كنطره ____ 3) هذا اليوم عد حسين اكشر صار مصباحه مكسور الظهر يا حيف يمشي وكاظ صفاحه وزينب هيه زينب ضيم موش ولامهه الراحه حيهم وين هاشم وين __ خل تفزع تعين حسين عباس انكتل ياعلي شيكضيهه __ 4) مدري شلون صارت هاي لاحو بالعمد هامه اليوم حسين للعباس هد وذب العمامه الله يعين كلبه وشاف دم عباس كدامه عباس المتعب الخيل __ ماخله عله زينب حيل حيهم طيحوا تچاية السادة _ 5) عباس الكلف ياحيف طايح ياعلي الليله وزينب هيه والنسوان من الخيم تدعيله اليوم العرش كام يميل نازل يبچي جبريله اليوم السمه بيهه صياح __ عباس المشيم طاح سواله العرش بالسابع قرايه ___ محمد الموسوي

#العباس #ليلة_العباس رثاء أبي الفضل العباس (عليه السلام) الشيخ حسن القفطان (ت ١٢٧٩ هـ) 1_ هَيهاتَ أَنْ يَجفُو السُّهادُ عُيوني أَوْ أنَّ دَاعيةَ الأَسَى تَجفُوني 2_ أَنّى ويومُ الطَّفِ أَضْرَمَ في الحَشا جَذَواتِ وَجْدٍ مِنْ لَظَى سِجّينِ 3_ يومٌ أبو الفضلِ استفزّتْ بأسَهُ فَتياتُ فَاطِمَ مِنْ بني ياسينِ 4_ فأغاثَ صبيتَهُ الظما بِمَزادةٍ   من ماءِ مرصودِ الوشيجِ مَعينِ 5_ حَتّى إذا قَطَعُوا عليهِ طَرِيقَهُ   بِسِدادِ جَيشٍ بَارزٍ وكَمِينِ 6_ ودَعَتهُ أَسرارُ القَضا لِشَهادَةٍ    رُسِمَتْ لَهُ في لَوْحِها المكنُونِ 7_ حَسَمُوا يديهِ وهامَهُ ضَرَبُوهُ في    عَمَدِ الحَديدِ فَخَرَّ خَيرَ طَعِينِ 8_ فَمَشى إليهِ السِبطُ ينعاهُ كَسَر    تَ الآنَ ظهري يا أَخي ومُعيني 9_ عَبّاسُ كبشَ كتيبتي وكِنانَتي    وسريَّ قَومِي بَلْ أَعَزَّ حُصُوني 10_ لِمَنْ اللِوى أُعطي ومَنْ هُوَ جَامِعٌ شَملِي وفي ضَنَكِ الزِّحامِ يَقيني 11_ عبّاسُ تَسمَعُ زينباً تَدعُوكَ مَنْ لي يا حِمايَ إذ العِدى نَهَروني 12_ أوَ لَسْتَ تَسمَعُ ما تَقُولُ سُكَينةٌ عَمَّاهُ يومَ الأَسرِ مَنْ يَحميني *** الشعر الدارج لعدة شعراء آخرين : من طاح الگمر وحسين اجه يشوفه لگه العباس لاجن ما لگه اجفوفه گام ينوح يمه بروح ملهوفه لا بيه ياخذه ولا يگدر يعوفه يعباس حس احسين يمك يبجي وخلط دمعه بدمك حاير يبو فاضل ابلمك وسكنه تسلي الطفل باسمك ساعه ويجيب الماي عمك سكنه تنادي والدمع عالخد جاري من عگب عمي من يباريني ويداري يا هو اليباري العايله لو رادت اتشيل او ياهو اليحامي اخدورها لو خيم الليل واحنه يعمي بس حريم وما لنه جفيل او مدري يعمي اشلون بيها ابها البراري واصعب عليْ منْ هاي طبتي للمدينه شنهو جوابي لليگول البطل وينه مگدر اگول ابكربله ومگطعينه جثه بلا راس وبگه اعلى الارض عاري ألف وسفه على العبــاس  ينصاب ومُخ راسه على الـﭽتفين  ينصاب الماتـم دوم إله ولحسين  ينصاب لمن تظهر الرايه الهاشميه مراثي الأطهار عليهم السلام