የሆሳዕና ከተማ አል-ነጃሺ ማህበር

🎓 የኑር መድረሳ 3ኛ ዙር የቁርአን ሂፍዝ እና የሸሪዓ ትምህርት ምረቃ በሀዲያ ዞን ውቢቷ ሆሳዕና ከተማ የሚገኘው ኑር መድረሳ በዛሬው ዕለት (21/10/2018 ዓ.ም.) በመድረሳው ቅጥር ግቢ ውስጥ 3ኛ ዙር የቁርአን ሂፍዝ እና የሸሪዓ ትምህርታቸውን በተሳካ ሁኔታ ላጠናቀቁ ተማሪዎች የምረቃ ሥነ-ሥርዓት በደማቅ ሁኔታ እያካሄደ ይገኛል። ተመራቂ ተማሪዎቹ ከሀዲያ ዞን እና ከተለያዩ የሀገራችን ከተሞች በመሰባሰብ፣ ውድ ጊዜያቸውን በመሰዋት፣ ለሰው ልጆች በዱንያም ሆነ በአኺራ መመሪያና መዳኛ የሆነውን ቅዱስ አልቁርአን በሂፍዝ በማጥናት ዛሬ ለዚህ ታላቅ የምረቃ ቀን በቅተዋል። በዚህ 3ኛ ዙር በአጠቃላይ 100 ተማሪዎች የተመረቁ ሲሆን፣ ሁሉም የቅዱስ ቁርአን ሀፊዞች እና መሠረታዊ የሸሪዓ ትምህርት ያጠናቀቁ መሆናቸው ተገልጿል። የተመራቂ ተማሪዎቹን ደስታ ለመካፈል ታላላቅ ዑለማዎች፣ ኡስታዞች፣ የሀገር ሽማግሌዎች፣ የተለያዩ የመንግሥትና የመጅሊስ አመራሮች፣ የተመራቂዎቹ ቤተሰቦች እንዲሁም ሌሎች የተጋበዙ እንግዶች በሥነ-ሥርዓቱ ላይ ተገኝተው ለተመራቂዎቹ መልካም ምኞታቸውን እያስተላለፉ ይገኛሉ። አላህ (ሱ.ወ.) የተመራቂዎቹን እውቀት የተባረከ ያድርግላቸው፣ በእውቀታቸው እስልምናንና ማኅበረሰባቸውን እንዲጠቅሙ፣ ቁርአንንም በሕይወታቸው እንዲተገብሩ ይወፍቃቸው። አሚን።

ሚያዚያ 25/8/2018 ሆሳዕና የሆሳዕና ከተማ አል ነጃሺ ማህበር ለ ሥራ አስፈፃሚ አባላት የፋይናንስ እና የሂሳብ አሰራር በተመለከተ በዛሬው እለት ስልጠና ተሰጥቷል ::