Alo Karyera | Karyera fürsətləri

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi tərəfindən 23 dekabr tarixində “Gələcəyin əmək bazarına hazırlıq” mövzusunda görüş təşkil olundu. Görüşdə Dövlət Məşğulluq Agentliyinin nümayəndələri və öncədən seçilmiş iştirakçılar arasında gələcəyin peşələri, rəqəmsal bacarıqların əhəmiyyəti, əmək bazarının müasir tendensiya və çağırışları ətrafında geniş və interaktiv fikir mübadiləsi aparıldı. Tədbir çərçivəsində, həmçinin əmək bazarının dinamikasını ölçən və kadr ehtiyaclarının proqnozlaşdırılmasına xidmət edən “Kadr indeksi” layihəsinin təqdimatı həyata keçirildi. Görüş iştirakçıların praktiki biliklərini artırmaq, karyera planlamasında daha məlumatlı qərarlar vermək və əmək bazarına adaptasiya prosesini gücləndirmək baxımından mühüm platforma rolunu oynadı.

📢 Dövlət Məşğulluq Agentliyi tərəfindən “İşgüzar söhbətlər” layihəsi çərçivəsində "Məqsədlərin müəyyənləşdirilməsi və effektiv planlama" adlı ödənişsiz vebinar keçiriləcək. 📌 Vebinarda nələr müzakirə olunacaq? 🔹 Şəxsi və peşəkar məqsədlərin düzgün müəyyənləşdirilməsi 🔹 Real və ölçülə bilən planlama üsulları 🔹 Vaxtın effektiv idarə olunması 🔹 Məqsədlərə çatmaq üçün praktik alətlər ▶️ Moderator: 🎙Mikayıl Tağıyev – Dövlət Məşğulluq Agentliyinin Mentorluq və inkişaf şöbəsinin əməkdaşı ▶️ Spiker: 🎙 Təravət Əsgərova – IT layihə meneceri, şəxsi inkişaf mentoru 🔗 Vebinarın keçiriləcəyi tarix və saat: 🗒️ 26 dekabr 🕣 19:30 👉 Qeydiyyat üçün link https://survey.sosial.gov.az/index.php/917439?lang=az

Əlilliyi olan şəxslərin peşə və karyera inkişafını dəstəkləmək məqsədilə müxtəlif sahələrdən iştirakçıları bir araya gətirən İnklüziv İnkişaf Platformu üzrə ilk təlim baş tutdu.

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin Mərkəzi Karyera filialı tərəfindən təşkil edilən Milli Karyera Həftəsi başladı. Milli Karyera Həftəsinin məqsədi fərqli hədəf qruplarına karyera planlamasında dəstək olmaq, peşəkar inkişaflarını sürətləndirmək və gələcəyin əmək bazarına hazırlamaqdır.Bu məqsədlə Bakı Biznes Universitetində “Təcrübə danışır” layihəsi çərçivəsində “Karyera mərkəzlərinin strukturu” mövzusunda tədbir həyata keçirildi. Tədbir zamanı ali və peşə təhsili müəssisələrinin karyera mərkəzlərinin nümayəndələri ilə mərkəzlərin strukturu, göstərilən xidmətlər və bu xidmətlərin təkmilləşdirilməsi istiqamətləri üzrə geniş müzakirələr aparıldı.

5 dekabr tarixində Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin Mərkəzi Karyera filialı tərəfindən tələbələrlə karyera planlaması istiqamətində qrup konsultasiyaları həyata keçirilib. İştirakçılar bu konsultasiyalarda: - ⁠Peşəkar CV standartları - ⁠Müsahibə texnikaları və uğurlu özünütəqdimetmə kimi mövzularda praktiki tövsiyələr alaraq karyera yolunda özlərini gücləndirmək üçün məlunatlar verilib. 💼

“Ayın mərkəzi” layihəsi çərçivəsində Naxçıvan Dövlət Universitetində təlim baş tutmuş, fərdi və qrup konsultasiyalar həyata keçirilmişdir✅ Layihə çərçivəsində hər ay seçilən universitetlərdə tələbələrin karyera inkişafına dəstək olmaq məqsədi ilə tədbir və konsultasiyalar həyata keçirilir.

Əlilliyi olan şəxslərin peşə və karyera inkişafını dəstəkləmək məqsədilə müxtəlif sahələrdən iştirakçıları bir araya gətirən İnklüziv Karyera Forumuna qeydiyyat davam edir! Forumda sizi: ✨ Seminarlar və müzakirələr ✨ Təcrübə mübadiləsi ✨ Şəxsi və peşəkar inkişaf imkanları ✨ Şəbəkələşmə və yeni perspektivlər gözləyir. İştirakçılar interaktiv mühitdə layihələrə qoşularaq sosial bacarıqlarını inkişaf etdirə və cəmiyyət üçün faydalı təşəbbüslərdə yer ala biləcəklər. 📌 Qeydiyyat linki: https://forms.gle/fQHAF9ZkYynCjmUb8

3 dekabr tarixində Azərbaycan Dövlət Pedaqoji Universitetində Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin Mərkəzi Karyera filialı tərəfindən “Tələbə İnkişaf Platforması” (TİPx) çərçivəsində “TİPx: Təhsilin yeni paradiqması” adlı konfrans keçirilib. Konfransda spikerlər təhsil sahəsində baş verən yeniliklər və əmək bazarının aktuallaşan tələbləri barədə məlumatları tələbələrlə bölüşüblər.

27 noyabr tarixində Azərbaycan Dillər Universitetində Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin Mərkəzi Karyera Filialı tərəfindən “Tələbə İnkişaf Platforması” (TİPx) çərçivəsində “TİPx: Balans axtarışında” adlı konfrans keçirilib. Konfransda spikerlər sağlam qidalanmanın, şəxsi inkişafın, könüllülük fəaliyyətlərinin və şəbəkələşmənin karyera inkişafındakı rolunu tələbələrlə bölüşüblər.

📢 Dövlət Məşğulluq Agentliyi tərəfindən “İşgüzar söhbətlər” layihəsi çərçivəsində "Beynəlxalq layihələrdə iştirak və xaricdə könüllülük" adlı ödənişsiz vebinar keçiriləcək. 📌 Vebinarda nələr müzakirə olunacaq? 🔹 Beynəlxalq könüllülük imkanları və proqramları 🔹 Erasmus+ çərçivəsində təlimlər və gənclik dəyişimi layihələri 🔹 Avropa Həmrəylik Korpusu könüllülük proqramları 🔹 Təcrübə səfərləri və gənclərin inkişafını dəstəkləyən digər beynəlxalq layihələr 🔹 Xaricdə könüllülüyə başlamağın real yolları və praktiki addımlar ▶️ Moderator: Dövlət Məşğulluq Agentliyinin Mentorluq və inkişaf şöbəsinin əməkdaşı Mikayıl Tağıyev ▶️ Spikerlər: ✨ Sevinc Qasımova – Erasmus+ Gənclik və Avropa Həmrəylik Korpusu üzrə Azərbaycanda Məlumat Mərkəzinin koordinatoru ✨ Ramiz Əliyev – Erasmus+ Gənclik və Avropa Həmrəylik Korpusu üzrə Azərbaycanda Məlumat Mərkəzinin koordinatoru 🔗 Vebinarın keçiriləcəyi tarix və saat: 🗒️ 5 dekabr 🕖 20:00 👉 Qeydiyyat üçün link: https://survey.sosial.gov.az/index.php/917439?lang=az