( قناة صادق الخفاجي)

موشح للزهراء (؏) طاح محسنها بعصر باب الثجيل ومـن اثر كسر الضلع دمـه يسيل والـغـصـب مـنـه فـدك وبلا دليل صـار يعـصـرها وتلذ بـحـجـابها ـــــــــــــــــــــــــــــــــــــــــــــــــــــــــــــــ طاحت ام الحسن يـم عتبة الباب نادت اعله الخادمه بستر الحجاب شـافـت الـوعـات مـنـهـم والـعذاب وگام يـضـربها و يـسـب احـبابها ـــــــــــــــــــــــــــــــــــــــــــــــــــــــــــــــ من ضربها بضربته هم بيها سر رد عليه افـلان يسطرها الـجسر فـوك بـسمار وضلع فوك الكسر گـيـدو حـيـدر بـجـيـد اكـرابـهـا ـــــــــــــــــــــــــــــــــــــــــــــــــــــــــــــــ تـنـقـلع بابك يـمـفتاح الـجنان فاطمه تنظرب وبالنص الامان يلشطرته المرحب بذاك الزمان لـيـش مـارديت شنهو أسبابها ـــــــــــــــــــــــــــــــــــــــــــــــــــــــــــــــ شنهو وضعك سيدي بعد الدفن مـن تشيع فـاطـمه بالليل الـحـزن وهاي زينب تمسح ادموع الـجفن لا تــهــيــج ألـــم فـــوك اصـوابها ـــــــــــــــــــــــــــــــــــــــــــــــــــــــــــــــ لاچــن الأمــر الله لازم تأتـمـر امواعد المختار عن هـذا الصبر تضحي بالتيجان وشريك الـعمر هـاي مـكتوبه بـصحيف اكتابها ـــــــــــــــــــــــــــــــــــــــــــــــــــــــــــــــ بقلم صادق الخفاجي ٩ / ربيع الآخر / ١٤٤٢

قصيدة ميمر لطم ثكيل بعنوان (يا بوي المن أشكي) بحق الزهراء عليها السلام يابوي الـمن اشـكي *** والگوم غصبو حگي والجره وهذا الصار *** مـن عكبك يالمختار والگوم غصبو حگي ــــــــــــــــــــــــــــــــــــــــــــــــــــــــــــــ انه الـزجـيـه والـگلب كله جروح بـعـدك يـبويه تنـهظم هـاي الروح اسمع ونيني ما سكت مـني النوح ما صدكت عالموت وبسرعه تروح ايام ضل بعمري *** وعـليك ينفذ صبري والأمــة تــطـلـب ثار *** من عكبك يالمختار والگوم غصبو حگي ـــــــــــــــــــــــــــــــــــــــــــــــــــــــــــــــ يابـويـه لـيـش الأمه ما رحمتنه من عكبك أصحاب شكثر عادتنه تحزمت بـيـنا وبالـهـظـم روعتنه نـكـرت نبينا وانـكـرت عـتـرتـنـه ازلام غـدرو بـينه *** اشرار فزعو لينه من ولو حامي الجار *** من عكبك يالمختار والگوم غصبو حگي ـــــــــــــــــــــــــــــــــــــــــــــــــــــــــــــــ بيوم السقيفه قررت حرك الدار لينه وتعنت بالـحطب شـبـت نار وبغيضها گلوب الحقد تطلب ثار مـن ثـبـتـت والي عـلـيـه الـكـرار ثارات من واليه *** مـنهاج تمشي اعليه تـحـزمت للكرار *** من عكبك يالمختار والگوم غصبو حگي ـــــــــــــــــــــــــــــــــــــــــــــــــــــــــــــــ بعده اربعينك ما كظه وضلعي انصاب عـصروني وآنه الي لـذت خـلـف الباب بالـعتبه طـاح الـمـحـسن وگلـبـي ذاب ما فـاد بـيـها الـحـجـي ولا فاد اعتاب بالباب عصرو ظهري *** بالباب صابو صدري فزعت اعلينه اشرار *** من عكبك يالمختار والگوم غصبو حگي ـــــــــــــــــــــــــــــــــــــــــــــــــــــــــــــــ خصمك لفـاني وبالـعلن شـتمني ما خله حرمه وبالحقد يـضـربني اجاسر عليه وعـن فـدك يـجبرني غصبو منحتي وَ خذو حيدر مني والعين نشفت دمعي *** وعداك كسرو ضلعي حـرگـو اعـلينه الدار *** من عكبك يالمختار والگوم غصبو حگي ـــــــــــــــــــــــــــــــــــــــــــــــــــــــــــــــ 20/11 /2025 صادق درويش الخفاجي

موشح بحق الزهراء عليها السلام ياعلي الزهره جبير اصوابها والدمع ما ينشف اعله امصابها يا علي امصابك يهز أرض وسمه بيوم طاح المحسن وسال الدمه صوب البسمار منك فاطمه وفاطمه الاذت لعند احجابها يا علي الكرار هم شفت الضلع هيست كلبك يحيدر منشلع لون رايد يا علي بهذا الدمع على الزهره الما ترد اجوابها هذا نعش الطاهره ام الحسن كبالك اتشوف الحبيبه بالجفن راحت الجانت تشدك بالمحن راحت ام الحسن يم احبابها شنو سر الدفنه صارت بالظلام ما ردت أصحاب تحضر والئام ثلة شيَعت فاطمه ويا الإمام وبيها جبريل اليقود أصحابها لسه كبرج مخفي يم كبر الرسول هذا سر الله اندفن ويا البتول ما نعرف الحكمه مذهوله العقول يظهر المهدي ويعلم أسبابها صادق آل درويش الخفاجي 29/10/2024

گعدة بحق الزهراء عليها السلام ((زهرتك يا قالع الباب)) زهرتك يا قالع الـباب *** بلاذنب بالضلع تنصاب اهل الغدر كسرو ضلعها *** عگب النبي اتغير وضعها ـــــــــــــــــــــــــــــــــــــــــــــــــــــــــــــــ ياعلي عالـدار هـجـمو زمـره ما تمتلك ذمه اتعنو البيت الرساله وسال مـن الـصدر دمه جمعو اذناب العصابه وبالحقد صارت الهمه تجمعو يمك يا علي ** بـيـهـم يـحـيدر تبتلي بغضا لان انت الولي ** وبالعلن صارت الهجمه رادتك تتبعها الاشرار *** ذولــه هــمـه شـبـو الـنـار والباب من قرر دفعها *** وعگب النبي تغير وضعها ـــــــــــــــــــــــــــــــــــــــــــــــــــــــــــــــ شلون فزعه وهجمه صارت اتامرو كلها عليها وصلت الدار وتعنت والـحـطـب ظـاهـر بديها وگفـو اباب الـرساله والـنـذل يـسـمـع حجيها مابين حايط والجذع ** منها يحيدر طك ضلع وختلط دمها اويدمع ** وصـوبـوهـا ام ابـيـها اتحاوطوها زمرة انذال *** ودمها فوك العتبه من سال وختلط دمها وي دمعها *** وعـگـب النبي تغير وضعها ـــــــــــــــــــــــــــــــــــــــــــــــــــــــــــــــ نادت الـزهـره يفـضه وسـابـحـه ابـدم الـمنيه وتدري حيدر بي اموصه اتقيده هاي الوصيه يشتموها ويضربوها الـگـوم ماعـدهـم حميه ظلموها بت سيد البشر ** جم ظالم اعليها جسر والضلع من عدها انكسر ** وغـضـب الله بهالرزيه مو صحابه جن شياطين *** صـوبـوها الام الـحـسين ومن طاح محسنها فجعها *** عگب النبي اتغير وضعها ـــــــــــــــــــــــــــــــــــــــــــــــــــــــــــــــ من عگب عينك يطه ظهرت اتباع السقيفه للخلافه تريد تغصب من نواياها الـسخيفه مَا رعـو بنتك البضعه ولا رعـايه لـلـعـفيفه عكبك قسه بيه الزمن ** كسرو ضلع ام الحسن شافت عكب عينك محن ** وعلي ظل بكرابه سيفه والوصيه تقيد ابو تراب *** لـو فـزع يگطـعها لرگاب صاحت يفضه وما سمعها *** وعگب النبي تغير وضعها ـــــــــــــــــــــــــــــــــــــــــــــــــــــــــــــــ من بعد كل هل مصايب گربت ايام الوديعه ودعـت حيدر وليها وما بـگـت عـدها ذريعه هذا أمـر الله الـمكدر هيج تنصاب الشريعه تفارك البيت بهل قهر ** مفجوعه كله بهل الخبر يا ثار من هذا الدهر ** مـاخـذ اعـمار الشفيعه راحــت وخـلـتلـك آثار *** ظلمه صارت شوفت الدار ودار النبي طفو شمعها *** وعگب النبي تغير وضعها ـــــــــــــــــــــــــــــــــــــــــــــــــــــــــــــــ (المصيبه) شلون وحشه اعليه صارت ليلة الدفنه الحزينه راحــت الـجـانت تـسـنـدك بالـشـدايد يا ولـيـنـه تـركـت آثار الـمـوده وخـلـت اطـبـاع الـحـنـينـه ما ينشف عليه الـدمع وبالـگلب اثار الــضـلع عليه الحزن ماينكطع اه وشحال العقيله اتيتمت من زغر سنها ـــــــــــــــــــــــــــــــــــــــــــــــــــــــــــــــ 12/11/2025 صادق درويش الخفاجي

(موشح) شحال وضعك وانت مجتوف الذراع كبال خـصمك أسـد وبالنص الضـباع عــادة الــيــث الــيـقـاتل بالــســبـاع ما تـهـمـه الـكـثـره مـــن أضـبـاعـهـا ـــــــــــــــــــــــــــــــــــــــــــــــــــــــــــــــ بالوصيه مكيد ومجتوفه اديك عـرفـو الانذال واندارو عـلـيـك ما تـهـمـك لـو حـرايـبـها تجيك خله تفزع كل صحب واتباعها ـــــــــــــــــــــــــــــــــــــــــــــــــــــــــــــــ يا عـلي الـقـرآن نـص بولايتك كلـهـا لابد تـعـتـرف بـوصـيـتك الكوم نكرت بيعتك من عادتك ابـد مـــا تـتـغـيـر باطــبـاعــهـا ـــــــــــــــــــــــــــــــــــــــــــــــــــــــــــــــ انت مو مثل البشر تنكر عـهـد تصبر وصبرك جبل بيك انسند بالشدايد حكمتك تنحل شـدد تصـبر اعله الي كسر اضلاعها ـــــــــــــــــــــــــــــــــــــــــــــــــــــــــــــــ ربك اخـتـارك تـكـون بالـهـوضع ما تـثور بـسـيـفك الـثـار الـضـلع وتصبر اعله الطاح ما كمل تسع بعينك تشوف الجره باوضـاعها ـــــــــــــــــــــــــــــــــــــــــــــــــــــــــــــــ 24/9/2025 صادق الخفاجي

عكيلي بحق الزهراء (؏) ـــــــــــــــــــــــــــــــــــــــــــــــــــــــــــــــ زهرة عمري شكد ظلموها زهرة عمري شكد ظلموها ـــــــــــــــــــــــــــــــــــــــــــــــــــــــــــــــ ريحانة عـمـري وسـنيني جانت كل يوم تحاجيني صـورتها مرسموه بعيني ما أكدر انسه الـهظموها ـــــــــــــــــــــــــــــــــــــــــــــــــــــــــــــــ كل ما اشوف الـبـاب اتذكر الله يـساعـد كلـبه الـحـيـدر شلون الـحـاله بـيـها اتـصور من شاف ضلوعج كسروها ـــــــــــــــــــــــــــــــــــــــــــــــــــــــــــــــ وادم مـــــا هـزت غـيـرتهــه هجمت على الباب ودفعتهه طـاح الـمـحسن يـم عتـبتهه هـجـمـو عالدار وحـركـوها ـــــــــــــــــــــــــــــــــــــــــــــــــــــــــــــــ كسرو ضلع امي ودفعوها فوك الـحـك كام يـضربوها غصبو حكها وما رحـمـوها ضلوعج بالحايط عصروها ـــــــــــــــــــــــــــــــــــــــــــــــــــــــــــــــ ما شفت الراحه من دهري يـتـموني باول مـن عـمـري ودعــتـج يا يــمـه بـزغـري حـتى الـدمـعـه ما خـلوها ـــــــــــــــــــــــــــــــــــــــــــــــــــــــــــــــ 23/9/2025 صادق الخفاجي

موشح شلون مله ظالمه لام الحسن جارت اعليه بظلمها بالعلن منعوا الزهراء من ذاك الشجن حتى يم كبر النبي منعوهه حاربوها وألموها من الحجي شجره جانت يمها تكعد تشتجي كامو عليها ابتروها من البجي راحو اعليه بحقد قلعوهه فوك حك البيعه سرقوا فاطمه خذو منها المنحه بدموع ودمه عصرو المحسن إبن حامي الحمه وباب داحي الباب هم حركوهه وين حمزه وين جعفر والاحباب الجانت تحامي النبي بيوم الصعاب هذا حيدر وحده ضد هاي الأصحاب بيعته منه غصب اخذوهه صادق الخفاجي

أَسقَطُوا منها الجَنِينْ أَسقَطُوا منها الجَنِينْ ** دَخَلَوا مِنْ غَيْرِ إذْنِ هَتْكُوا حُرْمَةُ دَار أَسْقَطُوا طِفْلًا جَنِينًا بَيْنَ جَذَعٍ وَجِدَار يَدْفَعُ الْبَابَ لَعِينٌ حَاقِدٌ يُطْلَب ثَار ___ باب من جذوع وثكيلة وزن لو هوت علكاع ترجنه رجن انطبكت اعله ام الحسن طبك الجفن عَصَرُوا الزهراءَ ظلماً بينَ بابٍ فِيها نارٌ أَسقَطُوا منها الجَنِين ** لَاذَتْ الزَّهْرَاءُ تُخْفِى نَفْسَهَا مِنْ خَلْفِ بَاب وَهَوَتْ لِلْأَرْض تَبْكِي هَمَّهَا سَتْر الْحِجَاب صَوَّب الْبَسْمَار ضِلْعًا هَادِمًا عُمَر الشَّبَاب _ بعصرته الطاغي انكسر منها الضلع ونبت بسمار الصدر ما ينشلع وطاح محسنها إلما كمل تسع وغداً يومَ يُنادي ويلَكم يومَ الحساب أَسقَطُوا منها الجَنِينْ ** حَامِلُ الضِّرْغَامَ سَيْفًا عَاشِقًا رَأْسُ الْعَبِيد وَمُقَيَّد بِكِتَابا يُحْمَلُ الصَّبْر الشَّدِيد مَوْقِفُ الزَّهْرَاءُ مُؤْلِم وَلَه الْحُزْن يُعِيد ____ خصك الله بكل علم دون الأصحاب وصرت تعلم بالحضر عندك وغاب ايصير ما تدري اشجره بعتبة الباب أَخبِرُوا الكرارَ حيدرْ.طِفلُكَ راحَ شهيداً أَسقَطُوا منها الجَنِينْ ** أَنْت لِلصَّولَاتِ شَهْماً حَامِلًا فِي الْكَفِّ رَأْيِه كَيْفَ لَا يَعْطَشُ سَيْفًا كَانَ رَمْزًا فِي الْهِدَايَةِ ضَرَبُوا الزَّهْرَاء سَوْطًا نَكِرَو فِي الْبَيْتِ ايَة _ سيدي ارخصني ارد احشمنك وكول يبن عم النبي ويا فحل الفحول يصير كدماك يضربون البتول ثأْرُكِ الزهراءُ يَبقى خالداً حتى النهاية أَسقَطُوا منها الجَنِينْ أَسقَطُوا منها الجَنِينْ _ محاكات بين الخالد عبود غفله و الشاعر صادق الخفاجي 17/10/2024

ميمر على طريقة رحنا بضعينه جارت اعلينه.... أمة نبينه من هجمت اعلينه أصحاب جمعت حطب كتر الباب جارت اعلينه... أمة نبينه ***1 هذا الفعل مو من شيم ناس اخيار نكرت محمد وعتنت باب الدار لمت حطبها وشبت اعليه النار باب اليقبلها النبيّ المختار أسرو ولينه... من غفت عينه طاح الطفل فوك اعتاب وطك الضلع بين الباب ما رحمت بينه... أمة نبينه ****2 أمر على ازلامه النذل ياذينه ردلي وسطرني الما هوت جفينه طكني وشتمني وما رعاني بدينه عكبك يبويه الدنيا ضاكت بينه ثارت اصحابك...من بعد اغيابك نكرت فدك والكرار زمره صحابة اشرار ثارت علينه.. أمة نبينه 3** نكرت وصيتك والعده منهم زاد عادو العتره والحقد منهم عاد اذو الزهره والولي منهم راد منحة الهادي تشهد اعليها اشهاد أتحزمت ضدنا...الخانت عهدنا ما ضل فكر لا ضل بال ادهورت بينا الأحوال واشعملت بينه.. أمة نبينه ***4 نصبت سقيفه وكترت سادته باعت ذممها والقيم باعته اختارت خليفه وغدرت بقادته رادت ولينه يبايع الصحبته غصبت ولينه.. حيدر علينه كادو علي داحي الباب كوم اليسموها أصحاب جارت اعلينه.. أمة نبينه ________ تمت بتاريخ 13/10/2024 الشاعر صادق الخفاجي

موشح أنَا لا أنسىَ الذي آذى الهُدىٰ صَفعَ الزهراءُ في كفِ الأذىٰ مَا رَعىٰ بِنتُ النبيّ المُصطَفىٰ روع الزهره وشتم عدنانها أحرقوا البابَ التي تَحمي الديار لاذتْ الزهراءُ فيها للستار عصروها بين باباً وجدار طاحت الزهره بكتر بيبانها سَاعَدَ اللهُ أمامَ المُتَقين مَنْ مُصَاباٍ مَا جَرىٰ فيِ العَالمَيِن عَظمَ اللهُ أُجَورَ الحَسَنَيْن الزينب انعظم الأجر باحزانها صادق الخفاجي

يالحسن يوميه اشوفن صورتك بيها جن تلوب من سم جبدتك والاعزاز تكومت يم جثتك بيك تنعه ودعت سادته يالحسن سموك بصواب الجبد ولد ابو سفيان واعليهم ترد سمتك زمره لعينه بالحقد سمتك جعده وأهل فسّاده يا كفيل اعله الصراط البل حشر بيوم تتنافخ الصور بهل البشر والخلايق تنتظر يوم النشر للشفاعه تنتظر عبّاده سيدي يابو المضايف والكرم ليش كبرك خالي وبلايا حرم للمعابد عمرو نصبو هرم وكبرك الخالي بلا وسّاده 13/6/2026 صادق درويش الخفاجي

موشح بحق الامام الحسن المجتبى ع يالحسن زينب لفت يم بابها تريد تشبع شوف من احبابها صاح اخوه حسين وخرلي الطشت لا تشوفه ام الخدر ليه تلتفت لا تسولف علجره وشما شفت لا تزيد الوجع من امصابها شلون طاوعها كلبها وشافتك وانت تتجرع السم الجبدتك من اجت زينب وشافت صورتك وجهك اصفر من كثر ما ذابها طبت الحره وتلكاها الحسين وشافت ادموعه تلالي بطرف عين صارت تنشده اعلى اخوها الحسن وين شافت الجبده يزيد اصوابها يا كريم البيت يمضيف الخلك من بعيد الناس تتعنه الك افترت الاقدار وافتر الفلك زينب تودع فخر عزابها آه يا كلب الحسين اشصبره من يشوف الحسن روحه تحسره ماخفى ادموعه بمصاب الي جره حالته تدمي الكلب لصحابها اذتك جعده اللعينه بهل المصاب سمتك وانت تلوذ بهل العذاب يا حسين الامه عادت هل الشباب عادت البيت واهل غيابها تمت بتاريخ 9/8/2024 صادق الخفاجي

ميمر على طريقة بدموعي والأحزان بحق الإمام الحسن الزكي (ع) سمتك ذيج الكوم *** غدرتك يا مظلوم غدرت بيك أقرب ناسك *** وحـدك وبـلا حـــراسك ما ينفع بعد اللوم *** غدرتك يا مظلوم ـــــــــــــــــــــــــــــــــــــــــــــــــــــــــــــــ ما ينفع وياها الحجي والارشاد سمتك زمره مأصله بالالحاد من ال أميه ما بيهم من عباد ثوب الغدر بيهم وراثه وفساد ثورتهم ضد الدين *** جـهـراً وكـبال الـعـين محد ينكر ماضيهم *** ولا واحد يحمد بيهم ما بيهم خير دوم *** غـــدرتك يا مـظلوم ـــــــــــــــــــــــــــــــــــــــــــــــــــــــــــــــ يا ابو محمد هذا الفعل للشرار بغضا ً عليكم والعده تطلب ثار ثار وحقد متجمعه من الكرار شتت شمله بالحرب بيها اشصار الكم صار يبغضون *** والدمكم يتعطشون ما واحد منكم يسلم *** ولا واحد منهم يعلم وانت مصابك هل يوم *** غدرتك يا مظلوم ـــــــــــــــــــــــــــــــــــــــــــــــــــــــــــــــ كوم السقيفه بالحقد متعنين الدارك وصل وبهل الفعل متيقنين عدهم شريك ابموتتك متفقين وبهل الصفه فعل الغدر متعلمين سمتك كوم انذال *** بيهم كل طاغي وضال تربت عل الكفر ومنكر *** عدها القرآن مزور ما عدها دين يقوم *** غدرتك يا مظلوم ـــــــــــــــــــــــــــــــــــــــــــــــــــــــــــــــ وكفت عصابه وسدت اعليك الباب بوجه الجنازة ما رضتها الأصحاب يم النبي رفضت تصلها الاعتاب بسهام صارت عودوها الاطياب ثورة وصارت بالبين *** هداها الوالي حسين وصيتك أداها بحسره *** وعليهم كبر صبره وعليه صار الزوم *** غدرتك يا مظلوم ـــــــــــــــــــــــــــــــــــــــــــــــــــــــــــــــ صادق درويش الخفاجي 11/6/2026

موشح بحق الإمام زين العابدين ع يابو الباقر عمتك ضربوها بالخرابه والحرم خلوها يا علي السجاد عمتك نادتك من بجي الأطفال اله صاحتك بلجن تهدي النفوس بجيتك والبواجي منه هم منعوها يا علي السجاد ماتت طفلته على رأس حسين لمن شافته صاحت بحركه وتعاين شفته وبصياط وبالسبي اذوها يا علي مصابك يضل طول الدهر كل سنه وكل عام مفجوعه بقهر مصيبتك ياسيدي تبجي الصخر حتى للرضعان هم عادوها صادق درويش الخفاجي 11/7/2026