Azərbaycan Avtomobil Yolları Dövlət Agentliyi

#AAYDA-nın İdarə Heyətinin sədri Vüsal Nəsirli iyulun 24-də Şuşa şəhərində 📍 Şuşa, 📍 Xankəndi, 📍 Xocalı və 📍 Ağdərə rayonlarından olan vətəndaşları qəbul edib. Qəbuldan əvvəl Azərbaycan Respublikası Prezidentinin Şuşa rayonunda xüsusi nümayəndəsinin inzibati binasında Ümummilli Lider Heydər Əliyevin büstü önünə gül dəstələri qoyulub, əziz xatirəsi dərin ehtiramla yad edilib. Qəbul zamanı vətəndaşların müraciətləri əsasən avtomobil yollarının mövcud vəziyyəti, təmiri və yenidən qurulması, eləcə də məşğulluq məsələləri ilə bağlı olub. Səsləndirilən müraciətlər dinlənilib, onların araşdırılması və həlli istiqamətində aidiyyəti üzrə müvafiq tapşırıqlar verilib. #AzYollar | #AzRoads | #VətəndaşQəbulu

📣 #SürücülərinNəzərinə Vətəndaşların rahat və təhlükəsiz hərəkətinin təmin olunması məqsədilə paytaxtın daha iki yol sahəsində aparılacaq təmir işləri ilə əlaqədar nəqliyyat vasitələrinin hərəkətinə müvəqqəti məhdudiyyət tətbiq olunur: 📍 Səbail rayonu – Bünyad Sərdarov küçəsi; 📍 Nəsimi rayonu – Füzuli küçəsi (Azadlıq prospektindən Rəşid Behbudov küçəsinədək). Sürücülərdən aparılan işlərə anlayışla yanaşmaları, hərəkətlərini əvvəlcədən planlaşdırmaları və istiqamətlərinə uyğun alternativ yollardan istifadə etmələri xahiş olunur. #AAYDA | #AzYollar | #AzRoads | #YolunuzAçıqOlsun

#YolTəhlükəsizliyi Müvəqqəti yol nişanları və texniki tənzimləmə vasitələri 🚧 Yol işləri zamanı hərəkətin təhlükəsiz və fasiləsiz təşkili məqsədilə müvəqqəti yol nişanlarından və texniki tənzimləmə vasitələrindən istifadə olunur. Səyyar konuslar, istiqamətləndirici lövhələr və digər vasitələr sürücüləri yol şəraitindəki müvəqqəti dəyişikliklər barədə məlumatlandırır, iş sahəsinin sərhədlərini müəyyən edir və hərəkətin müvafiq istiqamətdə təşkilinə xidmət göstərir. ⚠️ Sürücülərdən yol işləri aparılan ərazilərdə nişanların tələblərinə riayət etmələri, sürət həddini azaltmaları və diqqətli olmaları xahiş olunur. ⬇️ Siz daha hansı müvəqqəti yol nişanlarını tanıyırsınız? Şərhlərdə qeyd edin. #AAYDA | #AzYollar | #AzRoads | #YolunuzAçıqOlsun

📢#SürücülərinNəzərinə Vətəndaşların rahat gediş-gəlişinin təmin olunması məqsədi ilə, daha iki yol sahəsində təmir işləri icra edilir. Bununla əlaqədar olaraq nəqliyyatın hərəkətinə məhdudiyyətlər tətbiq olunur: 📍 Xan Şuşinski küçəsi (Rəşid Behbudov küçəsindən Vaqif küçəsinədək) 📅 02.07.2026 saat 10:00-dan 04.07.2026 saat 07:00-dək – yol tam bağlanır. 📍 Hüseyn Cavid prospekti (Əbdürrəhim bəy Haqverdiyev küçəsindən Lev Landau küçəsinədək) 📅 02.07.2026 saat 10:00-dan 03.07.2026 saat 22:00-dək – hərəkət qismən məhdudlaşdırılır. 📅 03.07.2026 saat 22:00-dan 06.07.2026 saat 07:00-dək – yol tam bağlanacaq. Sürücülərdən qeyd olunan tarixlərdə alternativ marşrutlardan istifadə etmələri xahiş olunur. Anlayışınıza görə təşəkkür edirik #AAYDA | #AzYollar | #AzRoads | #YolunuzAçıqOlsun

ℹ️ Vətəndaşların rahat gediş-gəlişinin təmin olunması məqsədilə iyunun 26-sı səhər saatlarından Abbasqulu ağa Bakıxanov küçəsinin Rəşid Behbudov küçəsi ilə kəsişməsindən Azadlıq prospektinədək olan hissəsində təmir işləri aparılacaq. Bu səbəbdən qeyd olunan ərazidə görülən işlərdən asılı olaraq nəqliyyat vasitələrinin hərəkəti qismən və ya tam məhdudlaşdırılacaq. Məhdudiyyət təmir işləri başa çatanadək qüvvədə olacaq. Sürücülərdən aparılan işlərə anlayışla yanaşmaları, hərəkətlərini əvvəlcədən planlaşdırmaları və istiqamətlərinə uyğun alternativ marşrutlardan istifadə etmələri xahiş olunur. #YolunuzAçıqOlsun #AAYDA | #AzYollar | #AzRoads

#AAYDA-da şöbələrarası əməkdaşlığın inkişafına dair təlim keçirilib Azərbaycan Avtomobil Yolları Dövlət Agentliyində “Şöbələrarası koordinasiya və nəticəyönümlü əməkdaşlıq” mövzusunda təlim keçirilib. Nəzəri və praktiki hissələrdən ibarət olan təlimdə struktur bölmələri arasında əməkdaşlığın gücləndirilməsi, çoxistiqamətli proseslərin daha səmərəli idarə olunması və nəticəyönümlü iş yanaşmasının inkişaf etdirilməsi məsələləri diqqət mərkəzində olub. Təlim zamanı effektiv koordinasiya, kommunikasiyanın təkmilləşdirilməsi və komanda işinin əhəmiyyəti ilə bağlı fikir mübadiləsi aparılıb. Qeyd olunub ki, təmir, tikinti, quraşdırma, layihələndirmə və digər fəaliyyət istiqamətlərinin vahid koordinasiya çərçivəsində həyata keçirilməsi Agentliyin fəaliyyət effektivliyinin artırılmasında mühüm rol oynayır. Təlimin məqsədi struktur bölmələri arasında əməkdaşlığın daha da gücləndirilməsi və iş proseslərində səmərəliliyin artırılması olub. #AzYollar | #AzRoads | #YolunuzAçıqOlsun