Ayman Alrifai

كأس العالم متاع المصممين بعد غدوا 😎 واللي هوا مؤتمر Figma Config 🔥 حيكون في مزايا جديدة وأكيد حتكون أسطورية زي كل سنة وخطابات ع التصميم مليئة بالفائدة من شركات كبيرة، اللي يبي يشوف الأجندة من هنا كمصمم بتتفرج ع الكورة ولا المؤتمر 🤔⚽️

مجموعة كورسات ع البراندنج وتصميم الشعارات اليوم بس آخر يوم ومعاش حيكونوا متوفرات للشراء وفيهم كوبون تخفيض ب 50% بالكود هذا ERASALE. صاحب الكورس معروف وشغله مليح وحتستفيد منه الرابط 🔗

وأخيراً بلقن Variant Mapper وافقوا عليها Figma اليوم 🎉 باستعمال Variant Mapper حتقدر ترتب الـ component sets حتى لو كانت ملخبطة وكبيرة جداً وتطلعها بشكل مقروء وسهل المراجعة. ببلقن Variant Mapper تقدر: • ترتب الـ component sets في شكل Matrix أو Position layout (الأمثلة في الصور) • تخلي مقارنة الـ variants أسهل بين خصائص الـ component المختلفة • تولّد labels واضحة بناءً على الخصائص الموجودة في الـ component set • ترتب الـ variants تلقائيًا حتى لو بعض الـ components فيها عناصر طالعة برا زي badges أو menus أو أي شيء آخر. • تعيد استخدام آخر layout استعملته ل component set معينة. وفي تحسينات جاية إن شاء الله، منها أنك تضيف فواصل مع امكانية تنسيقها لتحسين القراءة وتقسيمها خصوصاً في الـ component sets الكبيرة. البلقن هذا طلع من مشكلة حقيقية كنت نواجه فيها في شغل الـ design systems، ونتمنى يضيف قيمة لمجتمع التصميم. لو انت مصمم وتتعامل بكثرة مع الكومبوننتس جربها وعطيني رايك وأفكارك لو في أي اضافة تبيني نضيفها فيها 👨‍💻

Dynamic colors exploration بتحديد لون واحد حينشئلك ثيم لايت مود ودارك مود وألوان درجات الرصاصي بحيث تكون متماشية مع لون البراند حاجة زي هادي يدوياً صعب جداً تندار لكن ال AI سهل هلبا أمور في البروسس بيش جاب النتيجة هادي طبعاً مش من أول مرة وصلت لنتيجة زي هادي بعد هلبا تعديلات واعداد رولز معينة يمشي عليها وهكذا ومازال فيه تعديلات حتندار لكن النتيجة هادي شبه ممتازة لحد الآن بعد ما نكملها بنحاول كيف ننشىء منها آداة بيش تسهل ع أي مصمم أنه ينشىء ألوانه الخاصة في أي مشروع ui بضغطة زر

ال AI بدون خبرة في اللي تدير فيه ممكن يمشيك في حاجات لكن في حاجات لو حصل فيها ومعاش قدر يديرهلك انت حتتوقع أنه خلاص مفيش حل نهائياً ومفروض تفوت كل شي وخلاص. ال plugin اللي درتها مبكري وكنت متوقع أنه كل شي صح وحتى نشرتها لكن كنت ناسي نجربها بشكل كامل. لما جربتها على مثال معين لقيتها ماخدمتش بالشكل اللي متصوره لأنه الحل اللي مدايره ال ai كان سطحي ويمشيك في استعمالات معينة لكن في استعمالات تانية مش حيخدم كويس زي ماصارلي. جربت نقوله أكثر من مرة يعدل الحل وياخد في الاعتبار المثال اللي واجهت فيه مشكلة وديما يعطيني ف حلول غلط لين قالي مفيش كيف أصلاً بتضطر توضح لليوزر رسالة في حال قابله استعمال مشابه ليك أنه الآداة مش حتخدم كويس ونقدر نعطيك حل تلفيقي للمثال هذا لأنه زي ماقالي مش ممكن أصلاً أنه يحل المشكلة. لما شفت كيف مداير الحل في Figma لقيته ناقص حاجات ف حاول نحلها يدوياً وخليته يشوف ال context كامل للحل اللي طبقته وبناءً عليه عرف شن التغييرات اللي مفروض يديرها ومشت الأمور كويس. الخلاصة أنك تخليه يدير كل شي وانت مش فاهم ولا حاجة مش حتخليك تدير كود يعتمد عليه في استخدامات واقعية.

ثاني plugin تم نشرها في فيقما 🤓 كله في سبيل تسهيل الشغل ع الديزاين سستمز في مشاكل تواجه فيا فعلياً ف مع ال plugins هادي حتبسط هلبا تعقيدات وتوفر وقت بدل ما تديرها بشكل يدوي. الplugin قيد المراجعة حالياً.

أول plugin ننشرها في فيقما الplugin ترتبلك الكومبوننتس بشكل سهل وفي لحظات بدون ما تتعب روحك يدوياً. عادة العملية هادي تاخذ ساعات لمجموعة كومبوننتس ومرات أيام على حجم الكومبوننتس اللي عندك. لكن توا ترتيب كومبوننت واحد ياخد ثواني بس. حالياً قيد المراجعة وأول ماتنزل حننشر اللينك في القناة

متأخر في أني نستعمل ميزة الـ Slots اللي أطلقتها Figma الشهر اللي فات بشكل رسمي في تصاميمي. حنبدا نستعملها بكثرة لأنه توفر وقت كبيير في هلبا حالات. فكرتني في Adobe XD قبل كنا نقدروا نديروا حاجة مشابهة للميزة هادي لكن ماكانتش ميزة أكثر من أنها عيب غادي 😅 اللي في فيقما مخدومة صح وأحسن بهلبا. اللي يبي درس مليح ع الميزة هادي ومعبي أمثلة عملية يشوف الفيديو هذا 👇 https://www.youtube.com/watch?v=MjKTvB4Fa4E

خارج السياق ولكن بما انك دايما تعرفنا بالمصادر والخصومات حاليا تقدر تحصل على اشتراك Mobbin pro مجانا لفترة محدودة كجزء من مسابقة تصميمية مع contra اختر الخطة ربع السنوية واستخدم الكود: MOBBINXCONTRA2026

للفائدة:

هوا عارف ليا هلبا معاش نزلت مصادر لكن هذا ما يتفوتش 😁 مصدر من واحد كان قائد فريق التصميم في Dropbox و Groupon فيه دروس تطور من مهاراتك في تصميم المنتجات الرقمية وتخليك تديرهم بأحسن جودة. المصدر حالياً عليه تخفيض وسعره $100 بدل $149 وحيستمر العرض لخمسة ايام تانيات بس. الرابط من هنا

كورس UX يعلمك كيف تحلل تطبيقات مصممة وتديرلها اعادة تصميم الكورس هذا ب 152 دولار لكن حتحصله مع التخفيض ب 38 دولار بس تخفيضين تخفيض الEarly access والقوة الشرائية حيكون بالسعر هذا في ليبيا لحق حيكمل العرض اليوم لكن بعتله بيش يزيد مدة التخفيض ووافق انه حيخليه خلال يوم أو يومين 😉 رابط الكورس رابط التخفيض

فرق تلاتة سنين بين أول وآخر نسخة لتصميم صفحة في تطبيق نخدم عليه كم تقييمك في التغيير؟ 🤔