ჯემნიუსი

NATO ბელარუსისა და რუსეთის საზღვრებზე ხელოვნური ინტელექტით აღჭურვილი დრონების ჯგუფებს განათავსებს | ინფორმაციას ამის შესახებ Politico ავრცელებს. ალიანსი გეგმავს აღმოსავლეთ ფლანგის გაძლიერებას ათასობით დრონისა და თანამგზავრისგან შემდგარი ქსელით, რომლებიც ხელოვნური ინტელექტით იქნება გაერთიანებული. მათივე ცნობით, ქსელი თვალყურს ადევნებს საფრთხეებს ნატოს, რუსეთსა და ბელარუსთან არსებული საზღვრების გასწვრივ - ჩრდილოეთ ფინეთიდან შავ ზღვამდე. გამოცემა წერს, რომ სისტემამ ალიანსის წევრი ქვეყნების საზღვრების დარღვევა უნდა გამოავლინოს და თავდაცვის პირველი ეშელონი გახდეს. არსებული ინფორმაციით, მონაცემები სხვადასხვა წყაროდან გაერთიანდება. მაგალითად, დრონის მიერ მტრის დაფიქსირებისას, ხელოვნურ ინტელექტს შეეძლება ინფორმაციის შედარება თანამგზავრულ ფოტოებთან, სენსორებისა და რადარების მონაცემებთან და მისი ნატოს მოკავშირეებისთვის გადაცემა. მეთაურები შეძლებენ საპასუხო ძალების შერჩევას. ნატოში ამ კონცეფციას „განადგურების ქსელს“ უწოდებენ.

საქართველოს ვიცე-პრემიერმა, თავდაცვის მინისტრმა ირაკლი ჩიქოვანმა გაცნობითი შეხვედრა გამართა საქართველოში ამერიკის შეერთებული შტატების ელჩის მოვალეობის შემსრულებელთან, ემი დიაზთან. ამის შესახებ ინფორმაციას საქართველოს თავდაცვის სამინისტრო ავრცელებს. საქართველოს თავდაცვის უწყების ცნობით, შეხვედრის ფარგლებში, მხარეებმა საქართველოსა და აშშ-ს შორის ურთიერთობები და თავდაცვის სფეროში თანამშრომლობის საკითხები განიხილეს. „შეხვედრას თავდაცვის მინისტრის პირველი მოადგილე პაატა პატიაშვილი და აშშ-ის თავდაცვის ატაშე, პოლკოვნიკი ჯონათან ადამსი დაესწრნენ”, - აღნიშნულია ინფორმაციაში.

რუსეთი მოლდოვას ევროპასა და უკრაინაზე ზეწოლის პლაცდარმად განიხილავს. ამის შესახებ ინფორმაციას გამოცემა The New York Times-ი ინფორმირებულ წყაროებზე დაყრდნობით ავრცელებს. კერძოდ, გამოცემის გამოძიების თანახმად, რუსეთი მოლდოვას საკვანძო მიზნად განიხილავს უკრაინის შემდეგ და მის პლაცდარმად გამოყენებას აპირებს უკრაინისა და ევროპის წინააღმდეგ შემდგომი აგრესიისთვის. გამოცემის წყაროების თქმით, 2025 წლის ბოლოს რუსეთის პრეზიდენტმა, ვლადიმერ პუტინმა საიდუმლო შეხვედრა გამართა სამხედრო მეთაურებთან სადაც განაცხადა, რომ 2026 წლისთვის მიზანია, “ნატოსა და ევროკავშირის შიგნიდან დაშლა”. დასავლური სადაზვერვო სამსახურების თქმით, მოლდოვა ამ ძალისხმევებში საკვანძო როლს თამაშობს. მათი მტკიცებით, კრემლის პრიორიტეტთა სიაში პირველ ადგილზეა უკრაინის დაპყრობა, ხოლო მეორეზე - “მოლდოვაზე კონტროლის დამყარება”. დასავლელი მაღალჩინოსნების თქმით, მოლდოვა რუსეთისთვის შესაძლოა გამხდარიყო “იდეალური პლატფორმა შემდგომი აგრესიისთვის როგორც უკრაინის, ასევე დასავლეთის წინააღმდეგ”. ისინი აღნიშნავენ, რომ პუტინს ჯერ კიდევ აქვს უკრაინის სამხრეთ ზოლის დაპყრობის იმედი, რათა სახმელეთო ხიდი შექმნას, რომელიც რუსეთს მოლდოვასთან დააკავშირებს.

ევროპისთვის უსაფრთხოების ქმედების (SAFE) ინსტრუმენტის ფარგლებში ესტონეთმა პირველი, €351.6 მილიონის ოდენობის თანხა მიიღო, რაც ჯამში ქვეყნისთვის მექანიზმით გათვალისწინებული €2.3 მილიარდის დაახლოებით 15%-ს შეადგენს. ევროკომისიის ცნობით, პირველი საავანსო გადახდა ესტონეთს პრიორიტეტული თავდაცვითი ინვესტიციების დაჩქარებაში, მდგრადობის გაძლიერებასა და სამხედრო შესაძლებლობების მოდერნიზებაში დაეხმარება. SAFE (Security Action for Europe) ევროკავშირის €150-მილიარდიანი ფინანსური ინსტრუმენტია, რომელიც წევრი სახელმწიფოების თავდაცვითი შესაძლებლობების გასაძლიერებლად შეღავათიან, გრძელვადიან სესხებს ხელმისაწვდომს ხდის. თავის მხრივ, აღნიშნული მექანიზმი ევროკავშირის გეგმის – ReArm Europe – ნაწილია, რომელიც ბლოკის თავდაცვის ერთობლივი ბიუჯეტისთვის 800 მილიარდი ევროს მობილიზებას ითვალისწინებს. "SAFE-ის ფარგლებში ამ პირველი გადახდით ესტონეთს ვეხმარებით, სწრაფად განახორციელოს მნიშვნელოვანი თავდაცვითი ინვესტიციები და გააძლიეროს მზადყოფნა და მდგრადობა. ჩვენ სწრაფად და გადამწყვეტად ვმოქმედებთ ევროკავშირის აღმოსავლეთ ფლანგზე მდებარე წევრი სახელმწიფოების დასახმარებლად". – თქვა თავდაცვისა და კოსმოსის საკითხებში ევროკომისარმა, ანდრიუს კუბილიუსმა. მისივე თქმით, SAFE-ის მიზანი წევრი სახელმწიფოებისთვის ინვესტიციების დაჩქარების, ერთობლივი შესყიდვების უფრო ეფექტიანად შესრულებისა და ევროპის თავდაცვითი სამრეწველო ბაზის გაძლიერების შესაძლებლობის მიცემაა. ცნობისთვის, SAFE-ის ფარგლებში თანხები ეროვნული გეგმების საფუძველზე გამოიყოფა და ძირითადად, სულ მცირე, ორი ქვეყნის მონაწილეობით განხორციელებულ ერთობლივ შესყიდვებს ხმარდება. სესხების დაფარვა ბენეფიციარ სახელმწიფოებს ევალებათ.

თბილისი დღეს. ნანა ხომასურიძის ვიდეო

„СВО“-ს მონაწილეებმა „ბუხანკა“ სარკისებრი პანელებით დაფარეს, რათა ის დრონების თავდასხმებისგან დაეცვათ.

კორპუსმა „ხარტიამ“ განაცხადა, რომ 8 ქვედანაყოფი შეუერთდა პროგრამა „ადვოკატ+“-ს, რომელიც პრეზიდენტის ოფისის ყოფილმა ხელმძღვანელმა ანდრიი ერმაკმა დააარსა. „ეს ნიშნავს, რომ ექვს ბრიგადასა და ორ პოლკს კიდევ უფრო საიმედო იურიდიული მხარდაჭერა ექნებათ“, — ნათქვამია განცხადებაში. კორპუსში თანამშრომლობისთვის მადლობა გადაუხადეს უკრაინის ადვოკატთა ეროვნულ ასოციაციასა და ერმაკის ხელმძღვანელობით მოქმედ პროფილურ კომიტეტს.

გერმანიაში სიცხემ დაახლოებით 12,5 ათასი ადამიანის სიცოცხლე შეიწირა. ეს მაჩვენებელი აღემატება 2018 წლის წინა „რეკორდს“, იტყობინება გერმანიის ჯანდაცვის სამინისტროს რობერტ კოხის ინსტიტუტი. ყველაზე მეტად 75 წელს გადაცილებული ადამიანები დაზარალდნენ. მხოლოდ ივნისის ბოლოს, ყველაზე ცხელ კვირაში, როდესაც ცალკეულ რეგიონებში ტემპერატურა +40°C-ს აჭარბებდა, სიცხისგან შესაძლოა 9 600-მდე ადამიანი დაღუპულიყო.

ზელენსკი: გასული შემოდგომიდან მიღებული ყველა გადაწყვეტილების — პოლიტიკური, ფინანსური და იმ ტექნოლოგიური არჩევანის წყალობით, რომელიც ერთი წლის წინ გავაკეთეთ — შევძელით, ამ ზამთარსა და გაზაფხულზე მნიშვნელოვნად უფრო ტექნოლოგიურად განვითარებულ თავდაცვაზე გადავრთულიყავით.…

ზელენსკი: გასული შემოდგომიდან მიღებული ყველა გადაწყვეტილების — პოლიტიკური, ფინანსური და იმ ტექნოლოგიური არჩევანის წყალობით, რომელიც ერთი წლის წინ გავაკეთეთ — შევძელით, ამ ზამთარსა და გაზაფხულზე მნიშვნელოვნად უფრო ტექნოლოგიურად განვითარებულ თავდაცვაზე გადავრთულიყავით. შორ მანძილზე მოქმედი სანქციების გეგმა ხორციელდება და სულ უფრო მეტი ხდება ჩვენი საშუალო სიშორის დარტყმებიც. ფაქტობრივად, ჩვენ შევძელით რუსეთის სამხრეთის ბლოკირება და ამ სტრატეგიულ ოპერაციას ვაფართოებთ — სრულიად სამართლიანად, რუსეთის მიერ ჩვენს პორტებსა და ქალაქებზე განხორციელებული დარტყმების საპასუხოდ. რუსეთზე ზეწოლის თითოეულმა დონემ ეს ქვეყანა და, უპირველეს ყოვლისა, მისი საზოგადოება უნდა დააახლოოს იმ მომენტთან, როდესაც ისინი ომის დასრულებას მოისურვებენ. რუსეთის ნავთობგადამამუშავებელ ქარხნებსა და ნავთობის სექტორის სხვა ობიექტებზე დაწესებული ჩვენი სანქციები, რუსული სამხედრო ლოგისტიკის წინააღმდეგ განხორციელებული საშუალო სიშორის დარტყმები, ასევე ჩვენი ოპერაცია შავი და აზოვის ზღვების აკვატორიაში — ეს ყველაფერი რუსეთის სამხედრო პოტენციალის შეზღუდვას ემსახურება. მნიშვნელოვანია, ეს პროცესი უფრო აქტიური პოლიტიკური და სამართლებრივი ზომებითაც გავაგრძელოთ. დღეს უკრაინამ სანქციების პაკეტი მოამზადა იმ კომპანიებისა და გემების წინააღმდეგ, რომლებიც უკრაინის დროებით ოკუპირებული ტერიტორიებიდან მოპარულ მარცვლეულსა და სხვა საქონელს გადააქვთ. ასევე ვამზადებთ ახალ სანქციურ პაკეტებს რუსეთის სამხედრო-სამრეწველო სექტორის, ფინანსური ქსელებისა და შუამავლების წინააღმდეგ.

დუგინი: „არ იქნება არანაირი დიდი ქალაქი: არც მოსკოვი, არც სანქტ-პეტერბურგი, არც ეკატერინბურგი. ხალხი წავა სოფლად მშვიდად საცხოვრებლად“

Wildberries-ის საწყობებში სიმონიანისა და პრილეპინის ათასობით წიგნი დაიწვა. ასევე, უკრაინული დრონების თავდასხმების შედეგად განადგურდა რუსეთის კონსტიტუციის ახალი რედაქციის ტირაჟები, საავტომობილო გზების ატლასები და ანბანები. დიდი რაოდენობით დაზიანდა ასევე ერთიანი სახელმწიფო გამოცდის (ЕГЭ) მოსამზადებელი სახელმძღვანელოები, — განაცხადეს გამომცემლობა „Эксмо-АСТ“-ში.

თურქეთმა შავი ზღვის გავლით რუსული ნავთობის შესყიდვები შეაჩერა ნოვოროსიისკის პორტის მუშაობის დრონებით შეფერხების შემდეგ, თურქეთმა ფაქტობრივად Urals-ის ნავთობის შესყიდვები დროებით შეაჩერა. თუმცა, ანკარა ნედლი ნავთობის გარეშე არ დარჩება — თურქი იმპორტიორები უკვე ბრაზილიასა და გაიანაში კონტაქტებსა და შესყიდვებს ზრდიან. ამასთან, აგვისტოში თურქეთში Urals-ის მიწოდება დაგეგმილი არ არის, — წერს Reuters.

რუსეთმა შესაძლოა დონეცკის ოლქის დარჩენილი ნაწილი 2027 წლისთვისაც ვერ დაიკავოს — უკრაინამ ტრამპის ადმინისტრაციას ასეთი შეფასება გადასცა, — Kyiv Independent უკრაინა ამჟამად დონეცკის ოლქის დაახლოებით 21–22%-ს აკონტროლებს, ხოლო რუსეთის ჯარების წინსვლა თვეში 100 კვ. კმ-ზე ნაკლებამდე შენელდა. ამ ტემპის შენარჩუნების შემთხვევაში, მოსკოვმა შესაძლოა დასახულ მიზანს 2027 წლის შემდეგაც ვერ მიაღწიოს, ნათქვამია ვაშინგტონში უკრაინის საელჩოს დოკუმენტში, რომელსაც Kyiv Independent გაეცნო. თეთრმა სახლმა დაადასტურა, რომ ეს შეფასება მიიღო. ამგვარად, კიევი ცდილობს გააბათილოს კრემლის ერთ-ერთი მთავარი არგუმენტი მოლაპარაკებებში — რომ უკრაინამ დონბასის დარჩენილ ნაწილზე უარი უნდა თქვას, რადგან რუსეთი მას მაინც სამხედრო გზით დაიკავებს. ამის ნაცვლად, კიევი სთავაზობს თავდაპირველად ცეცხლის შეწყვეტას მოქმედი ფრონტის ხაზზე. დოკუმენტში ასევე აღნიშნულია, რომ სექტემბრის შემდეგ რუსეთმა შესაძლოა 500 ათასამდე ადამიანის მობილიზაცია სცადოს. ამასთან, უკრაინის ერთ-ერთ მთავარ მოწყვლადობად კვლავ რჩება Patriot-ის საჰაერო თავდაცვის სისტემებისთვის რაკეტა-ინტერსეპტორების დეფიციტი.

დასჯა რუსულ არმიაში

"ჩვენ [უკრაინელების დონეზე] არ დავალთ, მაგრამ საკუთარ მეთოდებს გაცილებით უფრო მკაცრს გავხდით იმისთვის, რომ გავანადგუროთ ყველაფერი, რაც დასავლეთის მხრიდან კიევის სამხედრო მანქანას კვებავს. ამას უკვე ვაკეთებთ. ისინი უკვე იწყებენ წუწუნს. შემთხვევითი არ არის, რომ სულ უფრო მეტი ხმა ჩვენი საერთო სივრცის სხვადასხვა წერტილიდან დაუყოვნებლივ გაჩერებისკენ მოგვიწოდებს. ასე არ გამოვა. გაჩერება მაშინ არის საჭირო, როდესაც გრძელვადიანი, საიმედო და მდგრადი შეთანხმება იქნება მიღწეული. ახლა რომ მოულოდნელად ფრონტის ხაზზე გავჩერდეთ, ფაქტობრივად, ჩვენ ჩვენი ბაბუებისა და დიდი ბაბუების, რომლებმაც ნაციზმი დაამარცხეს, გმირობას გადავხაზავთ. ამის წარმოდგენაც კი შეუძლებელია" - თქვა რუსეთის საგარეო საქმეთა მინისტრმა, სერგეი ლავროვმა

იაპონიის პრემიერ-მინისტრის, სანაე ტაკაიჩის და საგარეო საქმეთა მინისტრის, ტოშიმიცუ მოტეგის, განცხადებები რუსეთის პრეზიდენტის, ვლადიმერ პუტინის, იტურუპის კუნძულზე ვიზიტთან დაკავშირებით, რომელიც, კურილის ყველა კუნძულის მსგავსად, ჩვენი ქვეყნის განუყოფელი ნაწილია ლეგიტიმური საფუძვლით, ღრმად აღმაშფოთებელი და აბსოლუტურად მიუღებელია, - ამის შესახებ რუსეთის საგარეო საქმეთა მინისტრის, მარია ზახაროვას განცხადებაშია აღნიშნული. მისი თქმით, იაპონიის მაღალი თანამდებობის პირები მოსკოვს ლექციას უკითხავენ იმის შესახებ, თუ „საკუთარი ქვეყნის რომელ რეგიონებს შეიძლება ეწვიოს ან არ უნდა ეწვიოს“. „კატეგორიულად უარვყოფთ ამ განცხადებებს, როგორც პოლიტიკურად შეუსაბამოს, შეურაცხმყოფელს და, რა თქმა უნდა, იურიდიული ძალის არმქონეს. იაპონიის ხელმძღვანელობის მიერ რუსეთის წინააღმდეგ გაკეთებული განცხადებები ოფიციალური ტოკიოს არაპრაგმატული პოლიტიკის კიდევ ერთი გამოვლინებაა - პოლიტიკისა, რომელმაც რუსეთთან მიმართებით აშკარა მტრობასთან მიახლოებული კურსი აირჩია“, - აღნიშნულია განცხადებაში. ზახაროვას თქმით, იაპონია, რომელიც „დასავლურ არალეგიტიმურ სანქციებს შეუერთდა და კიევის ნაცისტურ რეჟიმს უჭერს მხარს“, ფაქტობრივად ანგრევს რუსეთ-იაპონიის ურთიერთობებს. „ოფიციალური ტოკიო, რომელმაც დაარღვია ყველა სამართლებრივი ნორმა კოლექტიური დასავლეთის რუსოფობიურ პოლიტიკაში თანამონაწილეობით, მათ შორის უკანონო შეზღუდვების დაწესებით, ძნელად თუ არის იმ მდგომარეობაში, რომ სხვებს ლექციები წაუკითხოს საერთაშორისო სამართალზე ან რუსეთ-იაპონიის ურთიერთობების მომავალზე ზრუნვის აუცილებლობაზე“, - აღნიშნულია განცხადებაში. მისი მტკიცებით, რუსეთის სუვერენიტეტი და მათზე იურისდიქცია ეჭვქვეშ არ დგას. „იძულებული ვართ აღვნიშნოთ, რომ 1945 წლის სექტემბერში იაპონიის მიერ უპირობო კაპიტულაციის აქტის ხელმოწერიდან თითქმის 81 წლის შემდეგ, ტოკიო კვლავ მოიცვა რევიზიონისტულმა ნარატივებმა, რომლებიც მიზნად ისახავს აზიაში იაპონიის აგრესიის გამართლებას და რუსეთის წინააღმდეგ აბსურდული პრეტენზიების წამოყენებას“, - აღნიშნულია განცხადებაში. ცნობისთვის, იაპონიის პრემიერ-მინისტრმა სანაე ტაკაიჩიმ კურილის კუნძულებზე ვლადიმერ პუტინის ვიზიტი გააკრიტიკა და აბსოლუტურად მიუღებელი უწოდა. „პუტინის ვიზიტმა იაპონელების რუსეთის მიმართ განწყობა გააუარესა“, - განუცხადა ტაკაიჩიმ ჟურნალისტებს და აღნიშნა, რომ კუნძულები „ისტორიულად და საერთაშორისო სამართლის მიხედვით იაპონიის უნიკალური ტერიტორიაა“.

სოჭში, სადაც ბენზინი გაქრა, ასევე მასობრივად იხურება ბიზნესები და რესტორნები. სეზონის პიკში კურორტი თვალსაცემად ცარიელდება, ხოლო დაცარიელებული ქუჩები სავსეა განცხადებებით გაყიდვის, დაკეტვისა და გაქირავების შესახებ. „როგორ ფიქრობთ, რასთან არის ეს დაკავშირებული?“ — კითხულობს ვიდეოს ბოლოს ადგილობრივი მცხოვრები.

ომის დასრულების შემდეგ გარკვეული დრო მჭირდება, რომ დრო ოჯახთან და ზღვასთან ერთად გავატარო, - ამის შესახებ უკრაინის პრეზიდენტმა ვოლოდიმირ ზელენსკიმ CNN-თან ინტერვიუში განაცხადა, როდესაც უპასუხა შეკითხვას, სურს თუ არა ომის შემდეგ უბრალოდ პლაჟზე დაჯდეს და ლუდი დალიოს. ამასთან, კითხვაზე, ენატრება თუ არა ოჯახი, უკრაინის პრეზიდენტმა უპასუხა : „მენატრება, რა თქმა უნდა, მენატრებიან ისინი და, რა თქმა უნდა, ყოველთვის ვეუბნები მათ, რამდენად მიყვარს ისინი. გრძნობ, ფიზიკურად გჭირდება მათი ჩახუტება. ეს უზარმაზარი მხარდაჭერაა, უზარმაზარი ენერგეტიკული მხარდაჭერა“, - აღნიშნა უკრაინის პრეზიდენტმა. კითხვაზე, აწუხებს თუ არა ის, რომ ომის შემდეგ შეიძლება უკრაინის პოლიტიკურ სამყაროში „გაიჭედოს“, ზელენსკიმ უპასუხა : „ზღვას ვერავინ წამართმევს. მე მისთვის ვიბრძოლებ“.

ტერორისტულმა ორგანიზაცია ჰამასმა განაცხადა, რომ სურს მონაწილეობა მიიღოს პალესტინაში 20 წლის განმავლობაში პირველ საპარლამენტო არჩევნებში, რომელიც ნოემბერში უნდა ჩატარდეს. თუმცა, არჩევნებში მონაწილეობის პირობები — ისრაელის აღიარება, შეიარაღებულ ბრძოლაზე უარის თქმა და ორი სახელმწიფოს შექმნის იდეის მხარდაჭერა — ეწინააღმდეგება ჰამასის პოზიციას. არჩევნებში მონაწილეობის სურვილი ჰამასის პოლიტბიუროს წევრმა ჰუსამ ბადრანმა გამოთქვა. მისი თქმით, ორგანიზაციას სურს არჩევნებში მონაწილეობა მიიღოს „ყველაზე ფართო ეროვნულ კოალიციასთან“ ერთად. ამასთან, მან გააკრიტიკა პალესტინის ავტონომიის ხელმძღვანელის, მაჰმუდ აბასის მიერ დადგენილი წესები. პალესტინის საკანონმდებლო საბჭოს ბოლო არჩევნები 2006 წელს ჩატარდა. მაშინ ჰამასმა მანდატების უმრავლესობა მოიპოვა, ხოლო ერთი წლის შემდეგ, შეიარაღებული კონფლიქტის შედეგად, ღაზის სექტორზე კონტროლი დაამყარა. იორდანეს დასავლეთ სანაპიროზე კი პალესტინის ავტონომიამ განაგრძო მმართველობა. თუმცა, ახალი არჩევნების ჩატარება ჯერ კიდევ კითხვის ნიშნის ქვეშაა. აბასი არჩევნების ჩატარებას მანამდეც არაერთხელ დაჰპირდა საზოგადოებას, თუმცა მოგვიანებით გადაწყვეტილება გადადო.