Chemistry with Majd aldeen

مسا الخير  الجلسة التعريفيّة لمادة الكيمياء الطبيّة يوم الأربعاء الموافق بتاريخ 4/9/2024 الساعة 5:00 مساءً ضمن مركز أحفاد نيوتن العنوان: الفرقان، شارع السكن جانب pro cafe خبروا رفقاتكن وكونوا كتار ❤️

Chemistry with Majd aldeen pinned a photo

بسم الله الرحمن الرحيم وبه نستعين ❤️

مادة الفيزياء: ▪️نحكي عالمحتوى - نتعرّف فيها على الإلكترونات وبعض نظريات العلماء عليها بفصولها الأول والثاني والحادي عشر والثاني عشر والأفكار مترابطة ببعضها ويفضل دراستك تكون متقاربة ل هذول الفصول -وبعدها نحاول ندرس الضوء وانكساراته بفصلها الثالث - يجي بعدها سلسلة الإشعاع الكهرطيسي الغير مرئي مثل أشعة تحت الحمراء وفوق البنفسجية وأشعة x وأشعة التيراهيرتز وطبعاً كل نوع متفرّد فيه الكتاب ب فصل رح نتعرّف بالفصول كمان بعض الأجهزة يلي نستخدمها بالطب مثل الطبقي المحوري وكاميرا غاما وغيرها مادة فيها تشويق من حيث الأبحاث و ممتعة فينا نقول إذا عرفت كيف تدرسها وتتعامل معها. ▪️📝دراستها مادة من المواد يلي فيها نسبة الفهم أكبر من الحفظ، ويغلب عليها طابع أنك تفهم بالدرجة الأولى وبعدها تنتقل للبصم ورح تنسى وترجع تبصم المقرر فيه سرد وحشو بس إنك تكون فهمان الفكرة العامة رح يسهل عليك، كمان فيه إشكاليات : يعني ممكن تمر معلومة عندك كرقم أو واحدة بعد كم صفحة تتغير، كثير هذا الشي  ممكن يضيعك والمطلوب منك إنك تكون مرن وسلس مع المادة وتخلي تركيزك عالي. -الفيزياء فيها كمان قسم عملي" مسائل "ك تطبيق للقوانين فبلزمك التدرب عالآلة الحاسبة مصدر الدراسة فيك تعتمد عالمقرر وهو الأفضل ▪️ بالنسبة للتقصير فيها ما ينصح إنك تقصر ولو بفصل واحد لأنها المادة ضخمة فينا نقول وما رح يكون أسبوع المادة كافي غير حتى تعيد الشي يلي ماخذه 🔍 أهم فكرة أنو المادة مو صعبة ولكن كمان مو سهلة ف بقدر تعبك فيها رح تنال 🔥 بالتوفيق Pre 10 ❤️ https://t.me/chemistrypreMAJ1802

مادة التاريخ: مادة حفظيّة بحت مادة حلوة وبتنجاب معدل ان شاء الله اذا عرفت تدرسها صح يعني دراسة خلال الفصل مع قصص أمورك باللوز. - لا تخافوا ما بتشبه ابداً الوطنيّة يلي بالباك 😂 بالعكس بتحسوا شوي فيها بمتعة انكم تعرفوا تجارب الأطباء وكيف كانوا يعالجوا المرضى بعقاقير وأعشاب وكيف كان عندن اعتقادات خاطئة اليوم تصححت🌚 - هلأ بآخر سنتين اختلف شوي نمط الاسئلة و هالشي ضر الطلاب اللي كانت تدرسها بس باسبوعا بدورة pre 9 صح اجت صعبة ومختلفة عن باقي السنين لكن بالنهاية هي أجت من نفس المنهاج واذا فتحت ملف بري ٩ وشفت علاماتن بالتاريخ بتلاقي في كتير طلاب علاماتن ب 90ات و 80اات - المادة مكونة من خمس فصول وكل فصل مقسم لمباحث بيحكي عن كل حضارة + انو لازم تدرسوا المصطلحات لانو صاروا يجيبوا منن شو رح تعملوا بدكن تتحملوا 😂 - وأخيراً اي مادة لا تستهين فيا وتقول سهلة صعبة لانو الحجر الي ما بعجبك بفجك💔😂 https://t.me/chemistrypreMAJ1802

مادة ال English: ألطف مادة بالتحضيريّة، مادة مو غريبة عليكم ومرافقكتم من الابتدائي بس كل سنة عم يزيد المستوى المطلوب منكن من اللّغة وبالسنة التحضيريّة موجودة هالمادة بالفصلين كل فصل ب 100 علامة وبمستوى B2 فإذا اندرست صح قادرة ترفع المعدل بنسبة منيحة بكل فصل مطلوب 3 وحدات وكل وحدة مكونة من عدة أقسام : 🔴 Grammar  (قواعد): 3 قواعد بكل وحدة بعضها من القواعد الي اخدتوها سابقاً لكن رح تتوسعوا فيها وتشوفوا تفاصيلها (مثل المبني للمجهول، الصفات، الأحوال...) وقواعد جديدة هالقسم عليه 40 سؤال بالامتحان. 🔴 Vocabulary  (مفردات) : قسم بسيط عبارة عن كلمات ومعانيها (موضة وأزياء، موسيقى وعازفين، طب وأعضاء و....) بجي منه 20 سؤال وعلامتهن مضمونة بإذن الله. 🔴 Writing : بديل عن القسم الكتابي (الموضوع) يلي كان بأيام المدرسة ورح تنسألوا فيه عن علامات الترقيم، أدوات الوصل بين الجمل، وكتابة بعض الكلمات...إلخ وبيجي منه 20 سؤال. 🔴 Reading : عبارة عن نص من خارج الكتاب وعليه 10 اسئلة، أبداً ما بيعتمد على الترجمة وبيحتاج تدريب خلال السنة لتعرفوا تتعاملوا معه. بكفي لدراسة هي المادة 5_ 6 ساعات أسبوعياً خلال السنة وصعب تنترك لأسبوعها لأنها لغة وبتعتمد عالدراسة المتباعدة وليس الدراسة المكثفة طبعاً ورقة الامتحان فيها 90 سؤال وكل سؤال عليه 1.1 علامة. https://t.me/chemistrypreMAJ1802

مادة الكيمياء: صح هي مادة ضخمة وبعبع الطلاب بالسنة التحضيريّة بس هي عن جد من أمتع المواد بتعتمد على الفهم وشوي بصم وبتشبه كيمياء البكلوريا (سرعة التفاعل وثابت التوازن، المولات والمعادلات، إلخ) لكن بشكل اوسع وبتعمق أكتر وبتتكون من 19 فصل (12 عامة و 7عضويّة) أفضل مصدر لدراسة المادة هو الكتاب لانو الشرح فيه مبسط ومنسق ومقسم لفقرات بس في مشكلة انو الخط صغير والصفحة مقسومة بالنص مهم كتير تندرس كامل المادة خلال السنة لتحلو كل الأسئلة (الأمثلة المحلولة، أسئلة اختبر معلوماتك، أسئلة نهاية الفصل، أسئلة كامبريدج، والأهم أسئلة الدورات) وتشوفوا طريقة طرح السؤال وتتدربوا على الآلة الحاسبة لانو كل ما حليتوا أكتر رح تمتلكوا مهارة السرعة وتتفادوا مشكلة الوقت بالامتحان يلي هي معضلة الطلاب بكل الدفعات التسعة السابقة. طيب شو مخبيينلكن مفاجأت بخصوص هالمادة🤔 Stay tuned... https://t.me/chemistrypreMAJ1802

مادة بيولوجيا الخليّة لطلاب السنة التحضيريّة: البيولوجيا هو علم يدرس الكائنات الحية بكل تفاصيلها، من تركيبها الكيميائي لوظائفها وعناصرها وأنواعها واستقلاباتها...إلخ وطبعاً هو علم ضخم لكن في السنة التحضيريّة اكتفوا بعلم بيولوجيا الخليّة. كتاب البيولوجيا مؤلف من 12 فصل: 🔴 الفصل الاول: وهو مدخل لمادة البيولوجيا، بيحكي عن تصنيف الكائنات وترتيب مستويات الكائنات والتنوع والانقراض. 🔴 الفصل الثاني: بيحكي عالتركيب الكيميائي للخلايا ولمنتجاتها من انواع سكريات وبروتينات وأحماض أمينية ودسم وغيرها. 🔴 الفصل الثالث: بيحكي عبنية العضيات الخلوية ووظائفها وطبعاً هاد شي مهم لفهم اليّة عمل وحياة الخلايا. 🔴 الفصل الرابع: بيحكي على بنية ووظيفة النواة، طبعا النواة هي المعلم الكبير واساس الخلية، لذلك في فصل كامل لالها. 🔴 الفصل الخامس: بيحكي على الغشاء الخلوي المحيط بالخلايا ووظائفه وتركيبته وكيفية عبور المواد عبره. 🔴 الفصل السادس: بيحكي عن الهيكل الخلوي لخلايا الجسم، بنيتها العامة ووظيفتها وحركتها اذا كانت قابلة للحركة. 🔴 الفصل السابع: بيحكي على الاتصاق الخلوي، وكيف بتتواصل الخلايا مع بعضها والنسج مع بعضها وكيف بيرتبطوا ببعض. 🔴 الفصل الثامن: وهو فصل كثير مهم إذ انه بيحكي عطاقة الخلية وهو اهم واكثر شي اساسي في خلايا الجسم ووظائفها. 🔴 الفصل التاسع: بيحكي عن انقسام الخلوي الخلايا ودورتها الخلوية وهاد الفصل مهم إذ انه معلوماته رح تفيدكم بمادة الوراثة بالفصل الثاني. 🔴 الفصل العاشر: هاد الفصل بيحكي عن الانقسام المنصف وعن وراثة الصبغيات في كل خلايا الجسم وبرضو هو مهم إذ انه رح تمر معلوماته بالوراثة فصل تاني للسنة. 🔴 الفصل الحادي عشر: بيحكي عن الاشارات الخلوية والآليّة الي بتتواصل فيها الخلية مع التانيّة. 🔴 الفصل الثاني عشر: وهو بيحكي عن أهم مراحل الخلية من تمايز ومن استموات. المادة سهلة جداً وطبعاً الها عملي ..بتحتاج لقدرة عالية على الفهم وحفظ بعض المفاهيم الاساسيّة وهي مادة من المواد الي بتفيدكم خلال دراستكم للطب البشري او الصيدلة. https://t.me/chemistrypreMAJ1802

مسا الخير pre 10 الفخمين ❤️ 📌 أول بوست تعريفي عن السنة التحضيري، بداية رح نتعرف عالمواد السنة التحضيريّة 10 مواد، كل فصل فيو 5 مواد الفصل الأول: - بيولوجيا الخليّة (عملي) - الفيزياء الطبيّة (عملي) - الكيمياء الطبيّة(عملي) - تاريخ الطب - انكليزي 1 الفصل التاني: - الفيزيولوجيا السويّة (عملي) - التشريح العام (عملي) - الوراثة الطبيّة - الإحصاء الطبي - انكليزي 2 كل فصل عنا مواد فيهم عملي ومواد ما فيهم ف انبسطوا رح تصيروا تنزلوا عالجامعة وتحملوا مراييلكم و تقعدوا ع الدرج كل يوم وتشربوا أيس كوفي 😂 وشغلات تانية رح نترككم أنتو تكتشفووها 🥹❤️ انبسطو بوقتكن 👌❤️

أهلا بطلاب الدفعة العاشرة ❤️ شاركو القناة مع رفقاتكن يلي رح يدخلو تحضيري لو سمحتو ❤️ https://t.me/chemistrypreMAJ1802

أخر رسالة لطلاب بري تسعة 😢 للأشخاص يلي رح يدخلو طب بشري بجامعة حلب هي القناة رح ترافقكن خلال سنتكن التانية رح ينزل فيها كتير شغلات مفيدة عن المواد وطريقة الدراسة ورح يكون فيه مفاجأت كتير كمان 😉🫣 تفضلو انضمو وشاركوها مع رفقاتكن لحتى الكل يستفيد 🥰❤️ https://t.me/med57Alep

بصمة pre 9 بالقناة 🥹❤️

طلعت علامة مرام وكانت 92 الحمدلله 🥹❤️ مرام من طلاب بري 8 وكانت حاملة مادة التشريح ورجعانة مقدمتها بالفصل الأول باالسنة التانية وكمان حاملتها والمادة صارت بالنسبة الها عقدة 💔 بعد ما اجت وحضرت الدورة راحت عالامتحان وكان بدها ال100 ف هي انتقلت من شخص عندو هالمادة عقدة و بدو بس يرفعها لشخص بدو يجيب فيها 100 🫡❤️ ألف مبروووك يا مرام تعبتي واستاهلتي هي العلامة 👌❤️ فخور فيكي كتير ❤️

ثمرة التعب والجهد يلي استمر لمدة أكتر من تلت شهور 🥹❤️ كانت رحلة ممتعة بكل تفاصيلها وكل واحد منكن عملي اضافة كتير كبيرة إلي بحياتي 🥹❤️ أبدا ما حسيت حالي عم بعطي طلاب كنتو كلكن اخواتي وكانت الجلسات عبارة عن تغيير جو لألي ❤️ الحكي يطول كتير رح أكتفي بهاد الشي ورح اتركلكن التعليقات مفتوحة لتحكو عن رأيكن وتجربتكن لحتى طلاب الدفعات الجاية يشوفوهن ❤️ ملاحظة مرام علامتا رح تنزل بعد كم يوم وهي رح يكون الها بوست مخصص لأنو قصتا مختلفة عن كل قصصكن ❤️

بالضبط هلق لحتى صرنا منقدر نقول انتهت رحلتنا مع طلاب الدفعة التاسعة بمادة التشريح (أخواتي الأصغر مني ب سنتين بس 😂❤️) ف هي الرسالة رح تكون شكر لكل الأشخاص يلي ساعدوني لحتى قدملكن الشي يلي قدمتو 🥹❤️ أولا من لا يشكر الناس لا يشكر الله ❤️ ف أول شي كل الشكر لأهلي يلي ما نقصوا علي أي شي ووفرولي كلشي بيلزمني من وقت وإمكانيات لحتى أبدأ بهي الخطوة ❤️ رفقاتي يلي ساعدوني ل أبدا وكمل ودعموني وما قصرو معي باي شي كانو بيقدرو عليه وخاصة ملهم اكتر شخص تعب معي حرفيا وكمان صالح وأحمد وراما شكرا لأنكن تحملتوني ما رح أنسالكن وقفتكن معي ❤️ وأخر شي أكيد ما لازم أنسى أختي يلي هي أكتر شخص ألو فضل عليي بوصولي للمكان يلي أنا فيو بشغلي وبدراستي وبحياتي بشكل عام من خلال الثقة يلي زرعتا فيني (شايفتك بعيوني🥹❤️) وبوقفتا جنبي قد ما حكيت ما رح اوفيكي حقك وما رح اقدر اوصف ولو جزء بسيط من امتناني الك شكرا من كل قلبي ❤️ طلابي أو الدكاترة الغاليين كتير على قلبي كلكن كنتو متل أخواتي ما حدا منكن قصر تعبتو كتير وأنا فخور فيكن وبنتائجكن جدا الله يوفقكن ويخترلكن الخير وين ما رحتو إن شاء الله كون ما قصرت معكن بأي شي رح يضل هالفصل وكل ذكرياتو علقانة ببالي ❤️ موفقين بحجم السماء ❤️ تذكرونا بالخير ❤️ انتظروا بوست العلامات لما تطلع النتائج 👀❤️

Chemistry with Majd aldeen pinned Deleted message

Chemistry with Majd aldeen pinned Deleted message

بالضبط هلق لحتى صرنا منقدر نقول انتهت رحلتنا مع طلاب الدفعة التامنة (أخواتي الأصغر مني ب سنة بس 😂❤️) ف هي الرسالة رح تكون بمثابة وداعية 🥹❤️ أولا من لا يشكر الناس لا يشكر الله ❤️ ف أول شي كل الشكر لأهلي يلي ما نقصوا علي أي شي ووفرولي كلشي بيلزمني من وقت وإمكانيات لحتى أبدأ بهي الخطوة ❤️ دكتوري وأخوي الكبير عمر حارس شكرا لأنك وثقت فيني وبقدراتي شكرا ع كل مواقفك ودعمك  وإن شاء الله ما كون قصرت معك بشي ❤️ رفقاتي يلي ساعدوني ل أبدا وكمل ودعموني وما قصرو معي باي شي كانو بيقدرو عليه وخاصة أحمد شكرا لأنك تحملتني ما رح أنسالك وقفتك معي ❤️ وهاد شكر خاص لأول طالب ألي بهالفصل جيكر حبيب قلبي الحمدلله رب العالمين ما خجلت معك وكنت عند ثقتك وعلامتك من أكتر العلامات يلي نبسطت فيها جد ❤️ وكمان رفيقتي وشريكة الدراسة والشغل بتشكرك من كل قلبي  وقفاتك ما رح أنسالك ياهن أبدا وإن شاء الله السنة الجاي رح يكون نجاحنا مكسر الدنيا ❤️‍🩹 وأخر شي أكيد ما لازم أنسى أكتر شخص ألو فضل عليي بوصولي للمكان يلي أنا فيو بشغلي وبدراستي وبحياتي بشكل عام من خلال ثقتو يلي زرعا فيني وبوقفتو جنبي شكرا من كل قلبي ❤️ طلابي أو الدكاترة الغاليين كتير على قلبي كلكن كنتو متل أخواتي ما حدا منكن قصر تعبتو كتير وأنا فخور فيكن وبنتائجكن جدا الله يوفقكن ويخترلكن الخير وين ما رحتو إن شاء الله كون ما قصرت معكن بأي شي رح يضل هالفصل وكل ذكرياتو علقانة ببالي ❤️ موفقين بحجم السماء ❤️ تذكرونا بالخير ❤️