خوجا ساغلام

🍎🏃📚✏️   آجی مئیآن :   آد. اوت. 2-1 مئتیر اوجالیقدا،   آغیمسوْو موْرچیچکلی، یارپاقلاری توٌکلو،   حکیملیکده سئندیریم آیقیتینا،   هوو ا، سوْلونوم سایرولیغینا   ایشله نن چوْخ ایللیک بیر بیتکی.   باشقا آدی : تیغالی شیرین بییان.   فا : شیرین بیان سرسان.   لاتین : . Glucurrhiza .lab   لاتین : Glyeyrrhiza.   Glycyrrhiza globra   ╭•••••••••••••••••••••• ••••••••••╮ ╰➤@chgrmn #تورکجه_دانیش_ائلنن_باریش #تورکجه_یازاق_ائلنن_قالاق #کیملیییمیزه_بیرگه_دالاق ╰••••••••••••••••••••••••••••••••╯

🍎🏃📚✏️     اینانیردیق گئجه‌دن دان چیخاجاق قارشیمیزا داغی آشساق یاشیل اوْرمان چیخاجاق قارشیمیزا   اینانیردیق اوْ گؤزل گزمه‌لی اوْرمانلار اگر قوْرخولاردان آپاراق جان چیخاجاق قارشیمیزا   بیر ناغیل سحرینه آلدانمیشیدیق بیلمیردیک آجی گئرچک‌لر اوْباشدان چیخاجاق قارشیمیزا   زیروه‌لر آردیجا چیخدیق اوجا داغلار باشینا بیلمه دیک زیروه‌ده وولکان چیخاجاق قارشیمیزا   اوْوچولار گؤللـه‌له‌دی اوْرمانا اوٌز دؤنده‌ردیک نه بیلیردیک دلی قافلان چیخاجاق قارشیمیزا   چیراغ الده گزیریک تبریزی، هر دن دئییریک: گؤره سن بوردا بیر (اینسان) چیخاجاق قارشیمیزا؟   قالدیریلمیش قارا پرچم‌لره گؤز تیکمیشدیک بیز سانیردیق آپ آل عوصیان چیخاجاق قارشیمیزا   سن دئدین: باخ خیاوانلار آراسی نرده‌لره من دئدیم: آخ یئنه زیندان چیخاجاق قارشیمیزا   سن دئدین: تهلوکه‌لر وار تانی دوْست دوٌشمنیوی بونو اؤیرن هره‌هاردان چیخاجاق قارشیمیزا   دوٌشمن اوْ دوْست‌دی کی گلسه قاباقدان گله جک دوْست اوْ دوٌشمن‌دی کی دالدان چیخاجاق قارشیمیزا   دوٌشدو گؤیدن یئره بیر آلما ال آتدیم گوتوره م سن دئدین: آت یئره شئیطان چیخاجاق قارشیمیزا   بیز توٌکندیک گئجه باتدی سحری تامسینیریق زیل گوٌنش ایندی اوفوق‌دان چیخاجاق قارشیمیزا   من دئدیم: زیروه‌ده اوْرمان دا یالان چیخدی؟ دئدین: داغی آشساق یاشیل اوْرمان چیخاجاق قارشیمیزا   ✍️#صالح_سجادی   ╭•••••••••••••••••••••• ••••••••••╮ ╰➤@chgrmn #تورکجه_دانیش_ائلنن_باریش #تورکجه_یازاق_ائلنن_قالاق #کیملیییمیزه_بیرگه_دالاق ╰••••••••••••••••••••••••••••••••╯

🍎🏃📚✏️ دَنیز دوْنوزو : باخ دنیز آیقیری. دنیز آیقیری : آد. وحش. بوزلار اوٌستونده چوْخلو یاشاییشینی سوٌره ن، عؤمرو چوْخ اوْلان، قوزئی قطب دا یاشایان، فیل کیمی ایکی اوزون خیلله سی اوْلان، یاری سوُجول بیر ممه لی حئیوان. باشقا آدی : دنیز دوْنوزو. فا : گراز دریایی. خوک آبی. ت.ت : موسور. لیمان یونوسو. لاتین : Odobenus rosmarus. ╭•••••••••••••••••••••• ••••••••••╮ ╰➤@chgrmn #تورکجه_دانیش_ائلنن_باریش #تورکجه_یازاق_ائلنن_قالاق #کیملیییمیزه_بیرگه_دالاق ╰••••••••••••••••••••••••••••••••╯

🍎🏃📚✏️    قابان :    آد. وحش.  بدنی بو֯ز  یوخسا توْخ قهوه ای اوزون  قیللارلا   اؤرتولو، باشی یئکه، بوْینو یوْغون،   آیاقلاری قیسا، بعضیلرینده خیلله   (عاج) جنسینده اوْلان   ائشییه چیخمیش ایکی دیشی،   قاباغینا چیخان هرهانسی بیر زادی یئین   گؤوشه مه ین،  جوت دیرناقلی، ممه لی بیر حیوان.   باشقا آدلاری : چؤل دوْنوزو. وحشی دوْنقوز.   ت.ت. : یابان دونوزو.   فا : گراز.   اینگ : Wild boar.   لاتین : Sus scrofa.   ╭•••••••••••••••••••••• ••••••••••╮ ╰➤@chgrmn #تورکجه_دانیش_ائلنن_باریش #تورکجه_یازاق_ائلنن_قالاق #کیملیییمیزه_بیرگه_دالاق ╰••••••••••••••••••••••••••••••••╯

🍎🏃📚✏️    48-جی درس   مركب صيفتلر: مركب صيفتلر ايكى سؤزون بيرلشمه سيندن عمله گلير, لاكين بو بيرلشمه تركيب دئييلدير, بلكه ايكى سؤز بيرلشه رك تزه مضمونلو بير سؤز, صيفت يارادير. حتى ايكى تام موختليف نيطق حيصه سيندن يارانمالارينا باخماياراق, چوْخ حاللاردا بير وورغوسو اوْلور. معاصير آنا ديليميزده, منشألرينه گؤره ايكى گروه مركب صيفت واردير: الف) اؤز سؤزلريميزله عمله گلن مركب صيفتلر. ب) عرب و فارس ديللريندن آلينميش مركب صيفتلر. الف) اؤز سؤزلريميزله عمله گلن مركب صيفتلر: بو صيفتلرين اؤنملى نوعلارى آشاغيداكيلاردان عيبارتدير: 1. ايكى صيفتين تكراريندان دوٌزه لنلر: ياشيل- ياشيل چمنلر. بو صيفتلرين آراسيندا خط قويولماليدير. 2. ايكى ايسمى صيفتدن دوٌزه لنلر. بونلار گاه عئينى سؤزون تكراريندان, گاه ايسه معناجا ياخين كلمه لردن دوٌزه لیر. هر ایکی حالدا کلمه لرین آراسيندا خط قوْيماق لازيمدير: مزه لى- مزه لى حئكايه لر, باغلى- باغچالى كندلر, گوٌللو-چيچكلى باغلار, حدسيز- حئسابسيز فايدالى ايشلر. 3. بير ساده صيفت و بير ايسمى صيفتدن دوٌزه لنلر: اوجا بويلو قيز, درين دوشونجه لى اينسان, ايستى قانلى اوشاق, سويوق قانلى خانيم. 4. بير ساده صيفت و بير ايسيمدن دوزلن مركب صيفتلر: ديكباش آدام, گؤى گؤز كيشى, قاراقاش اوْغلان, قارا گؤز خانيم. 5. بير فعلى صيفت و بير ايسيمدن دوٌزلنلر: گؤزو توْخ آدام, ديلى شيرين قيز, قانى قارا آدام. 6. نيسبت شكيلچيسى اوْلان بير ايسيمله بير صيفتدن دوٌزلنلر: گؤزو توْخ آدام, ديلى شيرين قيز, قانى قارا آدام. 7. بير نيسبت شكيلچيلى ايسيم و ايسيمدن دوٌزلن صيفتله يارانانلار: اوٌستو اؤرتولو, گؤزو قانلى آدام, آلتى فنرلى تختخواب. 8. بير نيسبت شكيلچیلى ايسيم و بير فعلى صيفتدن دوٌزلنلر: آلنى آچيق كيشى, الى آچيق آدام, قانى قاچميش ات, اوٌستو اؤرتولو مسئله, يوْلونو آزميش آدام. 9. مركب فعللردن دوٌزلن مركب صيفتلر: تأييد اوْلونان ايش. 10. "دان-دن" شكيلچيلى بير ايسيم و بير صيفتدن دوٌزلنلر: داشدان يومشاق, ديلدن ايتى, آغيلدان كم. 11. بير ساى و بير ساده ايسيمدن دوٌزلنلر: بئش بوجاق اولدوز, اوٌچ مرتبه ائو, دؤرد قاپيلى باغ. 12. بير ساى و بير دوزلتمه صيفتدن دوٌزلنلر: بئش ايلليك نقشه, دؤرد آياقلى حئيوان, دؤرد تئللى دورنا, اوْن مرتبه لى بينا. 13. ايكينجى نوع تعيينى سؤز بيرلشمه لرى واسيطه سیله دوٌزلن مركب صيفتلر: بايرام قاباغى, سحر اوٌستو, سئچگى قاباغى. 49-جو درس مركب صيفتلر (2) ب) عرب و فارس ديليندن آلينميش مركب صيفتلر: معاصير يازى و دانيشيق ديليميزده ائله سؤزلر وار كى, اوْنلار عرب و فارس ديللرينده آلينميشلار. بو كلمه لرين تركيب حيصه لرى قيسما ايلك معنالارينى ساخلاسالار دا, يئنى معنا ايفاده ائديرلر: فارس و عرب ديليندن ديليميزه كئچميش مركب صيفتلر بونلاردير: 1. بير صيفت و بير ايسيمدن دوٌزلنلر: خوشبخت اوشاق, خوش قدم گلين, بين الخالق حاديثه. 2 بير ساى و بير ايسيمدن دوٌزلنلر: يكرنگ حيات,  يكنسق ايش. 3.بير ايسيم و يا اصلى صيفت و بير فعلى صيفتدن عمله گلنلر: قوشباز اوشاق, كنديرباز آدام, اوْيونباز اوْغلان, ميللت پرست اينسان. بو نوع مركب صيفتلر آشاغيداكى شكيلچيلرله دوزه لر: پرور: وطن پرور, دين پرور. خواه: بدخواه, خئیرخواه. شناس: شرق شناس, حق شناس. بين: خوشبين, بدبين. دار: مولكدار, ئالدار, ائودار. بر: ديلبر, رهبر. آزار: مردم آزار. پسند: دلپسند, خودپسند. كار: صنعتكار, گوناهكار. گر: زرگر, ميسگر. ساز: رنگساز, ساعاتساز. كش: جفاكش, زحمتكش. دوز: پالاندوز, گولدوز. قایناق : سس ، صرف کیتابی پروفسور زهتابی-تخلیص ائدن ، سارای خانیم   ╭•••••••••••••••••••••• ••••••••••╮ ╰➤@chgrmn #تورکجه_دانیش_ائلنن_باریش #تورکجه_یازاق_ائلنن_قالاق #کیملیییمیزه_بیرگه_دالاق ╰••••••••••••••••••••••••••••••••╯

-  باخ گؤردون هامی خاطالار سنده دیر چکمکدن دانیشیرسان اوْنا جاواب وئریرم سؤزو ده ییشیب آتماقدان دانیشیرسان آتماق سؤزونو آرایا گتیریرسن  یوْلداشیم، جانباغیش جانیم،  دانیشمندیم، عالیمیم، دوْغوشدان دئییرم من سن دئیه نی آتمامیشام دا  چکمه میشم ده.  سنده منیم کیمی اوْلسایدین و سوْنرا روٌستم زوهرابی اوْخوسایدین بیلردین نه کئفی واردیر. آخی سن کی بو خططده ده ییلسن بو سؤزلری نییه دانیشیرسان اؤزون بیلیرسن من سنین معلوماتیندا اوْلا بیلمرم من فقط کئفیمین ساز اوْلماسینا گؤره یوْلداشلاریمین ایچینده ال قوْلومو توْولاییب گؤبه ییمدن گوٌجنن چیخان سسیمله شاهنامه اوْخویورام. منه نه شاهنامه عیرفانی دَییل منه نه شاهنامه تاریخ ده ییل. منه نه شاهنامه دئین ایران، بیز ایچینده یاشایان ایران ده ییل منه نه فیردوسی آروادلارین ضیددیدیر منه نه عربلری توٌرکلری پیسله ییبدیر. من دوْغوشدان دئییرم سن دئین اوْجور شعرلری اوْرادا گؤرمه میشم سن اوْنلاری هارادان چیخاردیبسان اوْنودا بیلمیرم. سن  دئیه سنده  دئمه یه سنده  من ائله اؤز یوْلومو گئده جه یم.   من سینمایا گئدیب اوْ فیلمده اوْیناییب اوْخوماقلارینا بازام  منه نه فیلمده چالینان  موسیقی هارادا چالینیر، کیملر چالیر  و چالقیچیلار هارادا اوْتوروبدولار. بو کی اوْ موسیقی منه خوش گلیر بسیمدیر. -  ایرضا قولو بوْشلا داها من یوْرولدوم من هئچ بونلاردان سؤز آچمامیشدان، دانیشمامیشدان سن اوْخوماغا باشلادین. یالنیز بونو دئیه بیله ره م اؤزون اؤلچدون اؤزوند ه بیچدین. هله لیک ساغوْل. -  منی قاوالیرسان! -  قاوالامیرام، دئییرم یوْرولدوم ائله بو دانییشیغا سوْن قوْیساق چوْخ یاخچی اوْلار.   قیساسی اوْخوم داشا ده ییب  اوٌزومون سویو تؤکوله تؤکوله جانباغیش بَی دن آیریلیب ماشینا ساری یوْلا دوٌشدوم. آروادین دئیینمه یی ده قازانجیم.     ╭•••••••••••••••••••••• ••••••••••╮ ╰➤@chgrmn #تورکجه_دانیش_ائلنن_باریش #تورکجه_یازاق_ائلنن_قالاق #کیملیییمیزه_بیرگه_دالاق ╰••••••••••••••••••••••••••••••••╯

🍎🏃📚✏️    شاهنامه اوْخویاق   آرواد باسما دوٌیمه  ایسته دیینه گؤره خییاوانین ان شولوق چاغی ماشینی ایشله تدیم و خییاوانا سوٌردوم. ترافیکده نه قدر قالاندان، اوْن دقیقه لیک یوْلو اوٌچ روبع ائله دیم سوْنرا دوٌیمه ساتان توکانینین قاباغینا یئتیشدیم یوْل باساراق ایدی توْکان قاباغیندادا ساخلاماق چوْخ چتین ایدی پیس کؤکده کوٌچه لرین بیرینه چؤندوم و گنه ده پیس کؤکده زور- بیللاهلا ایکی ماشینین آراسیندا ماشینی ساخلادیم. حاجی خانیما دئدیم اگلشین ماشیندا منده گئدیم دوٌیمه لری آلیم بیرده دئدیم دؤزومونوزو ایسته ییرم داریخمایین اوراداندا جانباغیش بَیه باش ووراجاغام آللاه دئین اوْلسا تئز قاییدارام. دوٌیمه لری آلدیم و قاچاراق جانباغیشی گؤرمه یه اوٌز قوْیدوم توکانینا یئتیشیب ایچری گیردیم.   -  سلام، نئجه سن جانباغیش بَی -  یاخچییام ایرضا قولوجان سن نئجه سن  دوروم خوشدور بالا بولا نئجه دیرلر. نیگرانچیلیق کی یوخدور. جانباغیش یانیتدی. -  یاخچیدیر چوْخ خوشام قاباقجالار نه جور ایندیده اوْجور. اوشاقلاردا یاخچیدیر. هامیسینین سلامی واردیر. جان ساغلیغیین آرزیلیرلار. -  گنه ده قدیملر کیمی شاهنامه خططینده سن؟ گنه ده ییغناغینیز اولور؟ جانباغیش سوْردو. -  اوْلور اوٌچ دؤرد نفر گلیر.  سن  گلمه دین دا چوخ خوْشوم گلیردی سنده اوْلاردین اما گلمه دین دا! ایندیده سنی چاغیرماغا گلمیشم چوْخ یاخچی اوْلار بو گئجه ییغیناقدا سن ده اوْلاسان! -  خوْشوم گلیردی گلم آما اوْرادا بیر زاد گؤرمه دیم. اوْرادا عاغیلا باتمایان  سؤزلردن ، ووروب قیرماقدان، اؤلدوروب کسمکدن ساوای بیر زاد باش تاپمادیم. اوْرادا نه عیرفان گؤردم نه فلسفه ائشیتدیم نه تاریخ اوْخودوم و.. اؤزون بیلیرسن دا من شاهنامه نی ایکی یوْل باشدان آیاغا دک اوْخوموشام نه منیم جامعه مه مربوطدور نه جامعه نین دردینی دئییر نه یوْل گئتمک اوٌچون آداما بیر یوْل قوْیور. نه اوْشاغین تربیتینه گؤره سؤز آچیر. نه آرواد ایله نه جور یولا گئتمه یی اؤرگدیر. نه ار ایله یوْلا گئتمه یی آروادا دئییر. نه عیرفاندیر نه فلسفه دیر نه تاریخدیر و ... اوْرادا اوْلانلارین هامیسین نئشه لی گؤردوم. باخدیم منله توتمور. اؤزون بیلیرسن من ایشله یه نم  بوْش واختیم یوْخدور گلیب اوْرادا نئشه لیلرله هاوار سالام بالا بولا دا بوردا آجیندان اؤله. منجه اوْنلارین اوْرایا گلمکلری و اوْرادا اوْلماقلاری یاخچیدیر منیم اوْرادا اوْلماغیم دوٌز ده ییل. اؤزون بیلیرسن من منطیقلی سؤزلری سئویرم، واقعیت چوخ اوره ییمه یاتیر خیال و لوتلوقلا آرا بره م یوْخدور. -  گنه ده دئییرم چوْخ خوْش اوْلاردی گلسه ایدین. -  یاخچی، دئ گؤروم بیر بئله روستم زوهرابدان ائشیدیرسن و دئییب ائشیتدیریرسن نه قدر ساواد قازانیبسان ائوییین هانسی ایلگکلرینی آچیبدیر. اوشاقلارییین هانسی جوغرافیا و تاریخ و ریاضی مسئله لرینی حل ائدیبدیر. -  روستم زوهرابین تاریخ جوغرافیایا نه ربطی واردیر من اوْنو اؤز کئف چکمه ییمه گؤره اوْخویورام و ائشیتدیریرم. -  هله دئ گؤروم روستمین گوٌرزونون چکیسی  قاباقکی کیمیدیر  یوْخسا یئکه لیب یادا آغیرلاشیب؟ -  گؤردون گنه گئتدین اؤز یوْلویان گنه ساتاشماغا باشلادین دئمه میشم بو ایشی قوْی یئره منه آز ساتاش؟ -  من ساتاشمیرام کی گئچن سفر دانیشاندا اؤزون دئدین روستم افراسیابلا ساواشا باشلامامیشدان قاباق گوٌرزونون چکیسین نئچه باتمان آغیرلاشدیرمیشدی منده ایندی سوْروشورام گؤرم گنه ده گوٌرزونون چکیسینی آغیرلاشدیریب یوخسا یوٌنگولـله شدیریب؟ -  گنه ده چکمکدن باشلادین آخی ایندی چکمک چاغیدیر گئجه نی دئسن بیر سؤزدور. -  باباجان من چکی دئییرم چکمک دئمیرم کی. -  نه فرقی واردیر؟ -  فرقی بودور کی چکی یعنی آغیرلیق. یعنی وزن. من چکمکدن سؤز دانیشمیرام. نییه کی ایسته میرم پهلوان اوْلام. بو سنسن کی ایسته ییرسن منی قاباغا آتاسان ! بوردا منی آرایا آتیب  اوْخوماغا و یالانچی پهلوان اوْلماغا چاغیران  سنسن.

فرهنگ سنگلاخ ویرایش: روشن خیاوی

شهریارین تورکجه دیوانی داها حیدر بابایا سلام

🍎🏃📚✏️   گؤرائشن :   آد. وحش.  یئر قازماق اوٌچون گوٌجلو جایناقلاری اولان،   گئجه لر اوْوا چیخان،   قارا بوْیا و اوزونسوْو اوٌزونده آغ زوْلاقلار گؤروشن،   بدنی بوْز رنگده بیر حئیوان.   فا : گورکن.   اینگ : Badger.   آچیقلامالییام تورکییه ده بو حئیوانا دا پوْرسوق دئییلیر. اوْیسا پوْرسوق باشقا بیر حئیواندیر.   ╭•••••••••••••••••••••• ••••••••••╮ ╰➤@chgrmn #تورکجه_دانیش_ائلنن_باریش #تورکجه_یازاق_ائلنن_قالاق #کیملیییمیزه_بیرگه_دالاق ╰••••••••••••••••••••••••••••••••╯

🍎🏃📚✏️   دَله :   آد. وحش.   اوزونسوو، اینجه بدنلی، قویروغو توکلو،   دؤشوندن چَنه سینه دک آغ، پارلاق و توخ قهوه   رنگده اولان، گئجه لری اوْوا چیخان،   سنجاب، سیچان، میوه دنه-لرینی یئین،   دریسی یوکسک قیمته ساتیلان بیر خزلی حئیوان.   باشقا آدی : گلینجک.   ت.ت : سانسار.   فا : سمور.   لاتین : Marten.   ╭•••••••••••••••••••••• ••••••••••╮ ╰➤@chgrmn #تورکجه_دانیش_ائلنن_باریش #تورکجه_یازاق_ائلنن_قالاق #کیملیییمیزه_بیرگه_دالاق ╰••••••••••••••••••••••••••••••••╯

🍎🏃📚✏️ پو֯رسوُق : آد. وحش. سو قیراقلاریندا قازدیغی یووالاردا یاشایان، اوت وه ات له بسله نن، قیش یوخوسونا گئدن، بدنی قارامتیل، بئلی وه یانلاری گوٌموشو-بوْز رنگده اوْلان کؤپک بوْیدا بیر پیس قوْخولو، یؤنده مسیز حئیوان. بو حئیوانی ووردوقجا بدنی شیشر وه کؤتک اوْنا کار سالماز. آنجاق باشیندان وورولسا تئزلیکله آشار. فا : رودک. لاتین : Meles. ╭•••••••••••••••••••••• ••••••••••╮ ╰➤@chgrmn #تورکجه_دانیش_ائلنن_باریش #تورکجه_یازاق_ائلنن_قالاق #کیملیییمیزه_بیرگه_دالاق ╰••••••••••••••••••••••••••••••••╯

🌹🌹🌹 👈انگلیسی : Soot 👈 تورکی : His (Az) İs (Tü) 👈 فارسی : دوده 🌹🌹🌹 Hisləmək ۱- دود دادن ۲- دوده زدائی ۳- دود کردن Hisləmə دودی کردن ماهی و برنج Hislənmə دوده گیر شدن His-Pas دوده - زنگار His-Toz دوده - غبار 🌹🌹🌹 @ucan39

🍎🏃📚✏️ ساپان قیران : آد. اوت. قیزاران آییندا یاناغی رنگده چیچک آچان، 60-30 سانت بویوندا اولان، چوخ ایللیک تیکانلی بیر بیتکی. باشقا آدلاری : قاییش قیران. تیکانلی پاخلا کو֯لو. گلین بارماغی. دمیردَلَن. اوستاد اسماعیل سالاریان بویوردوغونا خوراسان تورکلری : ائششک تیکانی دئییرلر. فا : خارخر. لوبیای شیطان. لاتین : onosis spinosa. ╭•••••••••••••••••••••• ••••••••••╮ ╰➤@chgrmn #تورکجه_دانیش_ائلنن_باریش #تورکجه_یازاق_ائلنن_قالاق #کیملیییمیزه_بیرگه_دالاق ╰••••••••••••••••••••••••••••••••╯

🍎🏃📚✏️ 47-جی درس "صيفتلر (9)" 2. دوٌزلتمه صيفتلر: فعلى صيفتلر: 5. بئشينجى دسته: بو دسته صيفتلر ايسمى فاعيل, ايسمى مفعول, هابئله فعلين هئچ بير زامان و فوْرماسى ايله باغليليغى اوْلمايان صيفتلردير. بو فعلى صيفتلر حال, وضعيت, خاصيت, عادت و ... كيمى مضمونلار ايفاده ائدير. بو دسته نين باشقا اؤنملى خصوصيتى اوْندان عيبارتدير كى, بونلار فعلين معلوم نوْعو و تصديقيندن دوٌزه لر, يعنى فعللرين اينكار و مجهولوندان دوٌزلمز. بو دسته نين اکلرى بونلاردير: * آغان (ağan)- اَيَن (əyən) بو اکلرله دوٌزلن فعلى صيفتلر داييمى خاصيت بيلديرر: آغلاغان اوشاق, گوٌله يَن آدام, قاچاغان آت. * قان (qan), كَن (kən) بو اکلر تصديق بيلديرن بعضى معلوم فعل كؤكلرينه آرتيريلاندا خاصيت و كئيفيت بيلديرن فعلى صيفتلر يارانير: چاليشقان شاگيرد, دؤيوشكن عسگر. * آق (aq)- اك (ək) : تصديق بيلديرن معلوم فعللردن خاصيت و كئيفيت بيلديرن صيفتلر دوٌزلدر.: قوْرخاق آدام, هوٌركك قاتير. * /غين (ğın), غون (ğun), گين (gin), گوٌن (gün)/, /قين (qın), قون (qun), كين (kin), كوٌن (kün)/: بو اکلرله فعللردن دوٌزلن فعلى صيفتلر حال- وضعيت و كئيفيت بيلديرر. فعلين كؤكو جينگيلتيلى سسسیزله(صامت) بيتنده "غين 4" شكيلچيلريندن, كار سسسیزله(صاميتله) بيتن فعل كؤكلرينده ايسه "قين 4" اکلريندن ايستيفاده ائدرلر: آزغين آدام, سوْلغون چيچك, ساتقين آدام, توتقون هاوا, كسگين پيچاق. كوٌسكون اوشاق. * /يجى (ici), يجى (ıcı), وجو (ucu), وجو (ücü)/, ييجى (yici): بو شكيلچيلرله دوٌزلن فعلى صيفتلر قيسما پئشه, وظيفه, باجاريق, بعضا ده كئيفيت مضمونو ايفاده ائدر. اکلر سسلى ايله باشلانديقلارى اوٌچون, سسلى ايله بيتن فعللرده بير آييریجى "ى" حرفى ده آرتيريلير: آليجى قوش, ساتيجى قيز. بو شكيلچيلرله فعللرين اينكاريندان فعلى صيفت دوٌزلمز: دئييلمه ليدير كى, اوْخوجو و توْخوجو سؤزلرينده شكيلچينين "ي" سسى دوٌشور. * يق (iq), يك (ik), وق (uq), وٌك (ük) بو اکلر واسيطه سيله عمله گلن فعلى صيفتلر حال- وضعيت, نئجه ليك و دوروم بيلديرن دوٌزلتمه صيفتلر اوْلور: باتيق قابيرقا, كسيك ال, اوچوق دام, سؤنوك چيراق. ييخيق ائو. * جاق- جك: بو اکلرله عمله گلن فعلى صيفتلر خاصيت و حال- وضعيت بيلديرر: اوتانجاق قيز, سئوينجك اوشاق. * ينج (inc), يٌنج (ınc), ونج (unc), وٌنج (ünc) بو شكيلچيلرله چوخ آز, فعللردن فعلى صيفت دوٌزه لر, اؤزلرى ده خاصيت و احوال روحيه بيلديرر: قوْرخونج حاديثه, گوٌلونج ايش. * ج: "ج" چوخ محدود فعلدن فعلى صيفت دوٌزه لر كى, خاصيت بيلديرير: قيسقانج, اييره نج(ایگره نج). * يم (im), يم (ım), وم (um), وم (üm) بو شكيلچيلرله دوٌزلن فعلى صيفتلر اؤز موصوفونون بللى ميقدارينى بيلديرير, داها بو صيفتلردن قاباق موطلق بير سايى گلمه ليدير: بير آتيم باريت, بير ايچيم چای. ╭•••••••••••••••••••••• ••••••••••╮ ╰➤@chgrmn #تورکجه_دانیش_ائلنن_باریش #تورکجه_یازاق_ائلنن_قالاق #کیملیییمیزه_بیرگه_دالاق ╰••••••••••••••••••••••••••••••••╯

🍎🏃📚✏️ ساپاند : ایکی قوْلو یون یوْخسا ایپکدن هؤرولن، بیر اوجو ایلگَگلی، اوبیری اوجو دو̌یونله نمیش، داش قوْیماق اوٌچون اوْرتاسینا بیر تیکه ائنلی گؤن تیکیلمیش، دوشمانا داش آتماق آراجی اوْلان ایلکَل(ابتدایی) بیر سوْیوق یاراق(سلاح). باشقا آدلاری : سوپَنگ Süpəng. سوپاند. دردیمی دیلده داشییان ده ییلم، بیر آز ناشییام بو هاوالاردا. «قاراجا چوبان»ین سوپاند داشی‌یام آتیلدیم غوربت چؤللره، وطن! ت.ت. : Sapan, felahan. عر. فاذقه. فا : فلاخن. لاتین: sling. ╭•••••••••••••••••••••• ••••••••••╮ ╰➤@chgrmn #تورکجه_دانیش_ائلنن_باریش #تورکجه_یازاق_ائلنن_قالاق #کیملیییمیزه_بیرگه_دالاق ╰••••••••••••••••••••••••••••••••╯

🍎🏃📚✏️ اینساندا تانینار اصالتیلن(اصالتی ایله) ندن اصالتین باغچاسی سوْلسون ارزیشدن دوٌشَرسن دیلیوی اَیمه(اگمه) اؤز دیلینده دانیش ارزیشین اوْلسون. ╭•••••••••••••••••••••• ••••••••••╮ ╰➤@chgrmn #تورکجه_دانیش_ائلنن_باریش #تورکجه_یازاق_ائلنن_قالاق #کیملیییمیزه_بیرگه_دالاق ╰••••••••••••••••••••••••••••••••╯

حضرت محمد مصطفی(ص) و حسن مجتبی‌نین شهادت گونون بوتون مسلمانلارا تسلیت دئییرک 🏴🖤 کلیپ: خاطره حج ۱۳۹۸ ـ مدینه 🖤🍂 📿 آللاهيم بوگون منی ياخشی ايشلره دوغرو آپار گرکلريمه و آرزيلاريما قوووشدور ای آچيقلاماغا و سورماغا احتیاجی اولمايان ای دونياداکيلارين اورکلرينده اولانی بيلن محمد(ص) و آری-دورو اهل بيتينه اسنليکلر گؤندر. 🖤 ⬛️ رحلت جانسوز نبی خاتم، پیامبر مهر و عطوفت؛ حضرت محمد مصطفی (ص) و شهادت سبط اکبر، حضرت امام حسن مجتبی (ع)، کریم اهل بیت و همچنین شهادت امام الرئوف، عالم آل محمد ( ص) حضرت علی ابن‌موسی الرضا (ع) را به شما رهپویان طریق حق و حقیقت تسلیت و تعزیت عرض می نماییم . 🖤🖤 خوراسان تورکلری‌نین دیل و ادبیاتی @xorasantork 🖤🤲🏻🖤

🍎🏃📚✏️ 🍎دوکتور هئیأتین گنجلره تاپشیریغی : گئت هر بیر وطنین ایسته ین آذربایجانلی گنج ه یئتیشنده دئگینن جاواد هئیأت دئدی کی گئدین تاریخ اوْخویون و توٌرک تاریخینی اؤرونوز یازین. گوٌجسوز اوْلماغیندان قوْرخمایین، گوٌجسوز یازمیشسانیزدا گنه اؤزوموزدنسیز. گرک اؤزوموزون تاریخینی اؤزوموز یازاق، اؤزوموز اوْخویاق یوْخسا اؤزگه لر تاریخیمیزی ده ییشه جکلر، اؤز خایینلرینی بیلیجی و قوْچاق توٌرکلری قول تانیتدیراجاقلار. بیز توٌرکلر دبیللی جبهه نین اؤنونده قیلیجلاریمیزی گؤیده توْولادیق، اؤلکه لر آچدیق، باشقا ایمپراتورلاری چؤکورتدوق، قورور(غرور)لا اؤزوموزو توٌرک آدلاندیردیق. دوْغرودور بیز تاریخ یاراتدیق آما تاریخ یازمادیق، بیز تاریخ یارادان اوْلدوق اوْنلار تاریخ یازان، جبهه نین دالیندا اؤزگه تاریخ یازان بیزلره تاریخ یازدی، اؤزوموز اؤز تاریخیمیزی یازمادیق، نییه کی گرکلی بیلمیردیق. بئله لیکله اؤزگه تاریخ یازان بیزلری توٌرک قوللاری(غلامان ترک) آدلاندیردی و اؤزونو آغا و بیلیجی وزیرلر!!! ╭•••••••••••••••••••••• ••••••••••╮ ╰➤@chgrmn #تورکجه_دانیش_ائلنن_باریش