؏َ|ـٱئد..

*ادخلوا مساكنكم.. ✋🌿* عارف إيه أكتر حاجة ممكن "تحطمك" وتدمر نفسيتك النهاردة؟ مش جيوش ولا أزمات كبيرة.. هي "المقارنة". في تفسير لطيف جداً لقول النملة: ﴿لَا يَحْطِمَنَّكُمْ سُلَيْمَانُ وَجُنُودُهُ﴾.. يقول اهل العلم إنها خافت على قلوب النمل "تتحطم" من الانبهار بملك سيدنا سليمان، خافت إنهم لما يشوفوا العظمة والابهة بتعت ملك سيدنا سليمان ينسوا "تسبيح ربنا" ويحسوا إن اللي في إيدهم قليل. وده بالظبط اللي بتعمله الـ سوشيال ميديا فينا دلوقتي... بتدخل تلاقي "Lifestyle" وهمي، سفر وأكل ولبس وعربيات، فـ قلبك "يتحطم" بالمقارنة.. وتبدأ تحس إن حياتك ناقصة، ومملة، ومفيهاش جديد، وتنسى نعم ربنا اللي في إيدك. الحل العبقري اللي قالته النملة: ﴿ادْخُلُوا مَسَاكنكُمْ﴾. يعني اعمل "Log out" من الفتن دي. ركز في "بيتك" وفي حياتك أنت.. "المساكن" هنا مش بس حيطان، دي سلامك النفسي وخصوصيتك. ليسعك بيتك: استمتع باللي ربنا قسمه ليك ومتبصش للي في إيد غيرك، لأن الانبهار الزيادة بالدنيا بيموت "عضلة الشكر" في قلبك. احمي عينك من الفيديوهات اللي بتحسسك إنك "قليل".. سيدنا سليمان كان ملكه عظيم، بس النملة علمتنا إن "الرضا" و "الستر" أعظم. ادخل مسكنك.. ركز في مذاكرتك، في صلاتك، في تطوير نفسك بجد.. متبقاش "أسير" لشاشة بتعرضلك"أفضل 1% من حياة الناس" وتفتكر إن دي حياتهم كلها! خليك واعي للي بيدخل عينك وقلبك.. عشان متتحطمش نفسياً. ادخلوا مساكنكم.. بوعي، وبقلب مليان رضا. 🩶 #عائد

تاني أيام العيد.. وسط الدوشة واللمة، بتحس بهزة خفيفة كده جواك، صح؟ إحساس إنك كنت فى أمان وسلام وفجأة رجعت لزحمة الدنيا وملاهيها تانى.. المشكلة إننا بنقع ف فخ غريب، يا إما عايزين نفضل طايرين ف السما بنفس طاقة رمضان وده مستحيل، يا إما بنسيب الحبل خالص ونرجع نعك كأن مفيش حاجة حصلت! الفكرة كلها فى "الوصل" ي صديقى.. مش مطلوب منك تبذل نفس المجهود، بس المطلوب متقفلش الباب.. صفحة قرآن واحدة، ركعتين و وتر ف جوف الليل، ذنب كنت مبطله ف رمضان كمل ومترجعلوش. ﴿وَلا تَكُونُوا كَالَّتِي نَقَضَتْ غَزْلَها مِن بَعْدِ قُوَّةٍ أَنكاثًا﴾.. الآية دى بتلخص كل حاجة، تخيل تبني عمارة وتتعب فيها ٣٠ يوم وتيجي ف يومين العيد تهدها كلها! خلي بينك وبين ربنا شعرة مبتتقطعش، عشان لما الدنيا تضيق بيك وتتوه تلاقي طريق ترجع منه.. ربنا رب كل الأيام مش رمضان بس، فخليك واعى ومتبوظش اللى بنيته.. #عائد

كُل عامٍ وأنتم بخير ، عيدكم مبارك 🩶🌿 لأجل أننا مُسلمون، وتعظيم شعائرِ الله فريضة..  "ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ"..

استوقفنى موقف النهردة .. طبعا زى مالكل عارف انه معظم التطبيقات والبرامج بتجيبلك ذكريات السنة وكده ف كنت عادى بقلب وبتاع لاحظت سبحان الله لما تجيلى حاجة كويسة عملتها او سمعتها بفرح جدا ، والعكس صحيح بقول هو انا فعلا قضيت وقت كده سواء فى اللعب او غيره حرفيا بتصيبك هزة كبيرة وحسرة وندم.. سبحان الله ده مجرد سنة من حياتك مبالك يوم القيامة هيكون ف كتاب وهتفضل تقرا بقا وتشوف نفسك هل اصلحت ولا افسدت .. المفارقة كبيرة جدا وصعب تقارن الحمدلله انت ممكن لو فى حاجة وحشة ممكن تستدرك الامور وتبطل وتوب وربنا هيتوب عليك برحمته وعفوه سبحانه .. بس هناك بقى هتقول يارب مش هعمل كده تانى ..!! بس هيهات هيهات ي صاحبى.. ﴿كَلَّا إِنَّهَا كَلِمَةٌ هُوَ قَائِلُهَا﴾ .. فبجد لازم كل واحد فينا يراجع نفسه لانه الموضوع كبير اوى ي صاحبى .. ده جنة او نار مش لعب ولا هزار .. واتمنى من الله يكون البوست لمس معانا ونستفاد كلنا.. ونعمل لليوم اللى فعلا لما نقرأ فيه اللى عملناه يكون ردنا .. ﴿هَاؤُمُ اقْرَءُوا كِتَابِيَهْ﴾... وأحسِن اللهم ختامنا ولا تجعلنا من الغافلين ..🩶🌿 #عائد

أكثرُ ما يُرعِب الكثيرَ مِنّا في هذه الحياة، أن نموتَ ونحن مقصِّرون في صلواتِنا، وأذكارِنا، وصيامِنا، نموتُ ولم نطلبِ العلمَ الشرعيَّ الذي هو فريضةٌ على كلِّ مسلم، ولم نُرضِ اللهَ كما نرجو، ولم نبلغْ درجةَ الإيمانِ والصلاحِ التي ترفعُنا إلى منازلٍ عاليةٍ في الجنة، نموتُ ونحن مقصّرون في دراستِنا، وأهلِنا، والقرآن! إنَّ الموتَ على حالِنا هذا مُخيف؛ فما نفعله اليوم من معاصٍ، وما نحن عليه من تقصيرٍ -والذي لا يرضاه أكثرُنا على نفسه- هو ما سيُحدِّدُ مصيرَنا الأبدي. أمواتُ اليوم كانوا أحياءَ الأمس، لم يعلموا أنَّ دورَهم قد اقترب، وكثيرٌ منهم لم يستعدّ. فهل نحن استعدَدْنا؟ فليتدبَّرْ هذا من كان له قلب، وليبدأْ من اليوم؛ فإنّا لا ندري أأحياءٌ نحن اليوم أم في عِدادِ الأموات. وتذكَّر: لستَ مُطالَبًا بفتحِ الأندلس الليلة، إنما تُؤجَر على سعيِك ومحاولتِك أن تكون أفضل، وإن كان عملُك قليلًا؛ فـ «إنَّ أحبَّ الأعمالِ إلى اللهِ أدومُها وإنْ قلَّ».

يا ربِّ صَلِّ على النَبِيِّ وآلِـهِ ما ناحَ طَيْرٌ في الغُصُونِ وغَرَّدا ﷺ 🩶🌿

«وتوبوا إلى الله جميعًا أيها المؤمنون لعلكم تفلحون» الاية دى فيها نداء رباني مباشر وفيه رحمة كبيرة جدا من الله سبحانه وتعالى، كأن ربنا بيقولك: ارجع ولك الفلاح والنجاح "وتوبوا إلى الله" يعني ارجعوا لله بصدق، مش بس كلام على اللسان، بل ندم حقيقي ورغبة إنك تبدأ صفحة جديدة. التوبة مش للضعيف، بالعكس، هي شجاعة الاعتراف إنك محتاج تصلح الطريق وتعدل المسار "جميعًا" دي كلمة فيها من العظمة ما يكفى لانه بيقولك مهما وصلت ف درجات الايمان فانت برده محتاج توبة مهما كنت مين عالم، لصالح، شاب ملتزم واحد لسه بيحاول. كلنا بنغلط، لكن الفرق إن في ناس بترجع، وناس بتستمر في الغلط والغفلة عافنا الله .. "أيها المؤمنون" الخطاب هنا للمؤمنين، يعني حتى اللي عندهم إيمان محتاجين يجددوه كل شوية. التوبة م حاجة انت بتعملها مرة كده وخلاص لا ، دي أسلوب حياة. "لعلكم تفلحون" يعني يمكن تفوزوا، تنجحوا النجاح الحقيقي انه ربنا يغفرلكم ويدخلكم الجنة ، ويعطيكم راحة القلب، وسلام النفس، ونور في الوجه، وأمل في لقائه سبحانه.. التوبة مش معناها الكآبة والحزن وغيره ، بالعكس، هي ريستارت لروحك لحياتك وطريقة سعيك فيها . زي لما تحذف كل الفيروسات من جهازك ويرجع سريع ونضيف. فكل ما تقع، ارجع. مافيش حاجة اسمها “اتأخرت” ابدأ وتوكل عليه واحسن الظن .. ودمتم تائبون وعائدون 🩶🌿 #عائد

"فَلَا تَغُرَّنَّكُمُ الْحَيَاةُ الدُّنْيَا وَلَا يَغُرَّنَّكُم بِاللَّهِ الْغَرُورُ" كنت بقرأ ف سورة لقمان وعادى زى كل مرة بقرا وخلاص، فسبحان الله ربنا سبحانه وتعالى خلانى اركز ف الاية دى وكانه يريد سبحانه ان يلفت انتباهى مش كفاية خلاص هتقعد لغاية متى وانت بتقول ربنا غفور رحيم وانت مكمل فى اللى بتعمله ، حسيت انه دى رساله وتحذير من ربنا ليا.. ربنا سبحانه وتعالى فى الاية دى يريد ان يخبرك بألاعيب الشيطان بأنه يمنى الواحد مننا ويقله زى منت يعم خليك بتعمل الذنب الفلاني ده وكده كده ربنا غفور رحيم .. فلازم نكون واعيين ي صديقى ونخاف ربنا ولا نغتر برحمته ف زى م ربنا غفور رحيم فهو أيضا شديد العقاب .. #عائد

كنت أمشي في الطريق فاستوقفني أحد النازحين من أهل الخيام، وقال لي بصوته المكسور، خلص يا شيخ؟، انتهت الحرب هلقيت والمسلمين نسيونا، وراح نعيش بقية حياتنا في الخيم ما حدا سائل فينا، ولا مدور علينا !! ‏هل المسلمين عارفين يا شيخ انه الشتاء ع الابواب، وخيامنا ممزقة، وراح نغرق فيها، وأولادنا راح يموتوا من شدة البرد والجوع !! ‏قلت له؛ بإذن الله مش راح ينسونا، واذا نسيونا، فالله أكيد مش راح ينسانا، خلي توكلك عليه، وحسن ظنك في، وضلك قول؛ حسبنا الله ونعم الوكيل !! ‏أيها المسلمون، لا تنفضوا عن غزة، ولا تخذلوا إخوانكم ولا تتركوهم، فحاجتهم اليوم إليكم أشد من أي وقت مضى، اللهم إني بلغت اللهم فاشهد !!

تأملوا هذه الصورة جيداً !! امرأةٌ ملقاةٌ في خندقٍ تحت أقدام المسلحين، تضم طفلها إلى صدرها، تنتظر موتها بعد أن أُحرِق بيتها أمام عينها !! هذه الصورة ليست مشهداً تمثيلياً من قصة أصحاب الأخدود، هذه الصورة من السودان المكلومة، السودان المنسية، السودان التي لا بواكي لها، ولا عالم يهتم بها أو يأبه لأمرها !!

مبدأ التوازن فى الحياة هيريحك اوى ، معظمنا للاسف مبتوصلهوش الصورة كاملة فى اغلب المواضيع ي اما تقصير منه فى البحث او تقصير فى طريقة عرض المعلومة من الناقل ليها ... الحمدلله منهج دينا ربنا سبحانه وتعالى واضعه مش بشر .. مبالك لما الخالق بعزته وجلاله ورحمته وتدبيره العظيم ينشأ منهج نمشى عليه فهنا الحكمة والعدل والرحمة والكمال .. ومنهج مفهوش غلطة ،هنا انت ماشى ع طريق صح مية فى المية لو مشيت زى م ربنا يريد .... ف عشان كده افهم الدين صح ومتبقاش مرووش ولا تايه ومش عارف تعمل اى ، خليك منظم ومتخليش ومتنتظرش تاخد دينك مشوه من الاتجاهات المنحرفة اللى عمالة تعصف بينا اليومين دول .. دينا الحمدلله واضح بيّن ، فخليك واعى وفاهم انت لي موجود ف الدنيا متبقاش عايش الحياة اللى بنجرى فيها ع اكل وشرب وراحة وسعادة وووووو.... انت طريقك مرسوم ومعروف ومحدد حياتنا الحقيقية هى الاخرة ي صديقى ، متاخدش الكلمة كاننا بنقولها كده وخلاص فكر فيها كويس دى مش هزار ده حياة أبدية ، وانت هنا عشان تذاكر وتجتهد عشان تعرف تجيب درجة كويسة تدخلك الجنة بإذن الله ف انتبه ي صاحبى ! مش عايزك تبقى داخل امتحان وانت مش مذاكر ، انت مش متخيل تدخل امتحان ثانوية عامة وانت مش مذاكر وده امتحان بيحدد حتة صغيرة من مستقبلك ف الدنيا ، مبالك بامتحان هيحدد حياتك الأبدية كلها واى بقى ده جنة او نار الموضوع كبير ي صديقى فخلى بالك ...! #عائد

عدى شهر من الدراسة ياخى الحياة دى سريعة اوى ، حابب اذكرك ي صديقى متنساش انت لى جاى الكلية وبتعمل اى واى الهدف عشان متخداكش الدنيا اوى .. ذاكر بنية لله ونفع الأمة وعدد النوايا ميبقاش بتنحت ف الصخر ومبتاخدش حاجة 😅 فى ناس اخر الترم او السنة مستنين تفرحهم 🥹🩶 #عائد

• 🍀 اعتزل فتنتك = تَسلَم فطرتك! قاعدة هي أبسط ما تكون لكن أغلبنا يغفل عنها بسبب فرط خلطته مع الناس أو كثرة استخدامه للهاتف وتطبيقات التواصل وتفقد الماجريات واللهث وراء إشباع الفضول، فيجد نفسه (مسحوباً) من رقبته، يدخل رغماً عنه من مختلف أبواب الفتن، وأغلبنا لا يلحظ إلا بعد فوات الأوان واجتراح المعاصي والذنوب.. لذا، كما قال السلف رحمهم الله (السلامة لا تعدلها شيء).. لا تهدر طاقتك على المقاومة ظناً منك أنك ستسلم، فقط انسحب.. ◀️ ولا تراهن على قوتك؛ فأنت ضعيف (وخُلق الإنسان ضعيفا).. وكم من مُراهِن خاسر دون أن يعلم! اعتزل فتنتك مهما كانت (جروب الكلية أو أي جروب مختلط، تطبيق دردشة معين، حساب على السوشيال ميديا، حساب الانستغرام، إلخ..) ذلك أطهر لقلبك وأسلم لنفسك.. 🚨 لا عليك فيما مضى، فقط جدد توتبك فيما أسرفت على نفسك فيه! من الآن، الآن الآن! اعتزل فتنتك، تسلَم فطرتك وقلبك.. #منقول #عائد

"ألا تحبون أن يغفر الله لكم؟" الآية دى بسيطة فى كلامها، لكن وراها الم منك ورحمه من الله فى نفس الوقت. ربنا بيسألك سؤال مش عشان يعرف الإجابة، لأ، عشان يوقظك يفوقك .. يعنى هو بيقولك: مش نفسك أصفح عنك؟ مش نفسك ذنوبك تتبدل حسنات واغفرها ليك ؟ يمكن جواك حكايات كتير محدش يعرفها، ويمكن عامل ذنوب بتكره تفتكرها، بس رغم ده كله، ربنا لسه بيناديك بالرحمة والمغفرة ، ولسه بيقولك: ارجع ربنا رحيم اوى ي جماعة .. فى ظل وجع والم الحياة دى خلى بينك وبين ربنا صلة لانه عنده كل حاجة سبحانه وكمان لما بتعك وتخرب الدنيا وتتوب بيغفرلك ..انت عايز اى تانى بالله ..العلاقة مع ربنا دايما مربحة فحاول متبعدش لانه فايتك كتير .. #عائد

انتهت ي انس ❤️

أكتر خطر فى السوشيال ميديا مش فى الوقت اللى بتضيّعه، لكن فى الصورة اللى بتتزرع جواك وانت مش واخد بالك. واحد يقولك لازم تبقى ناجح ومعاك عربية ومتجوز، وتانى يقولك الدنيا بسيطة وحلوة وعيش حياتك وتفاهة وقلة حيا .. حتى الفيديوهات الدينية ساعات تلاقيها تميل يا إما لتخويف مفرط يخليك تفقد الأمل، يا إما لتهاون يخليك تريح وتحس انك البخارى ف نفسك .. المشكلة مش فى المحتوى… المشكلة إن مفيش تحجيم ، مفيش توازن فى سماع الحجات دى .. خد اللى يفيدك، وسيب الباقى. واعرف إنك مش مطالب تبقى زى حد، المطلوب تبقى نفسك… بس بوعى.. #عائد

يقول الحق سبحانه: ﴿أَلَيْسَ اللَّهُ بِكَافٍ عَبْدَهُ﴾ ما ضاقت الدنيا على عبدٍ إلا كان في السماء سَعة، وما أظلمت عليه الطرق إلا وفي الدعاء نور وفتح. كلما هبّت رياح الهموم، أو داهمك خوف الرزق، أو أرهقك تقلبُ الدنيا.. فافزع إلى الله، وقل: حسبنا الله ونعم الوكيل. لا تخف من رزقٍ قد كُتِب، ولا من غدٍ لم يأتِ بعد، ولا من سلطانٍ بيده ملكٌ زائل، فإن الذي يُقسم الأرزاق هو الله، والذي يُدبر الأمر هو الله، والذي يمسح عن قلبك الخوف هو الله. يا أخي.. إن طرق الناس كلها قد تُغلق، إلا باب رب الناس لا يُغلق. من عرف الله في الرخاء عرفه الله في الشدة، ومن استودع الله أمره، ردّ الله عليه قلبه مطمئناً. فإذا ضاق صدرك.. كبّر، وإذا خفت على رزقك.. استغفر، وإذا التبست عليك الدنيا.. صلِّ وادعُ، فإن الركعة بين يدي الله تُسقط من على ظهرك جبالاً لا يراها الناس. اللهم اجعلنا من الذين يفزعون إليك وحدك، ويركنون إليك دون سواك، ولا تكلنا إلى أنفسنا طرفة عين. #عائد

السلام عليكم ورحمة الله وبركاته صباح الخير يا شباب في ناس.. رصيد حسناتها لسه شغّال حتى بعد الموت! النبي ﷺ قال: "إذا مات ابن آدم انقطع عمله إلا من ثلاث: صدقة جارية، أو علم يُنتفع به، أو ولد صالح يدعو له." فكّر واسأل نفسك.. هل سايب عمل صالح يكمل بعدك؟ لو آه.. ربنا يزيدك ويثبتك بفضله وكرمه ولو لأ.. فابدأ النهاردة ولو بحاجة بسيطة، تزيد بيها أجرك. وادعي دايمًا إن ربنا يرزقك عملًا صالحًا متقبلًا بإذن الله. t.me/moh_elghaleez

‏صوم عاشوراء غدا.. هل أرهقتكٓ ذنوبُ عامٍ غابر؟! وتريدُ عفـوا من كريمٍ قـادر! أبشـر فإن المصطفى قد دلّنا أن الخطا يُمحٓى بصومِ العاشر.

بحُكم شغلي في العناية بشوف مرضى كتير بيحتضروا.. وبحاول قدر المستطاع ألقن المسلمين منهم الشهادة.. وعايز أقولكم إن لا إله إلا الله اللي بنقولها بكل سهولة وأريحية دي، مش سهلة خالص على فراش الموت، وعمرك ما هتقولها إلا لو كنت عايش عليها وربنا كاتبهالك.. في راجل طيب توفي معايا من فترة ، كان في مرحلة متأخرة جداً من سرطان البنكرياس، والورم منتشر في جسمه كله.. مش هقدر أوصفلك الألم اللي كان فيه.. قعد ساعتين ينازع الموت وكانت درجة وعيه سيئة جداً، ومع ذلك لقنته الشهادة 3 مرات.. وقالها في الـ 3 مرات.. وكان آخر كلامه لا إله إلا الله.. في حين إن بيعدي عليا حالات بتكون درجة وعيهم كويسة وهما بيحتضروا، وممكن يتكلموا أي كلام تاني، لكن مستحيل يقولوا لا إله إلا الله، حتى لو قعدت تلقنهم سبعين مرة..! ودا اللي خلاني أتأكد إن الكلمة دي رزق من ربنا للناس اللي عاشوا عليها.. د.محمد فهيم