قصائد حسينيه

قصيدة ( خلصت الخدمه ) حال اهل المواكب بعد اكمال الخدمه يبدي امصابنه لو خلصَت الخدمه وشنو نفعه العمر لو ما ابو اليمه * يبـــدي أمصابنــه وتهــل مــدامعنه لو مــن المــواكب يخلــه شارعنـه چنه مــنْ الجنــان الــوكت طلعنـه سنـه نبقـــه نتــاني هبـّــت النسمه **** سنه نفارگ النسمه التنعش الريـه بس نسمــة الخدمــه الكلها حنيــه من تگضي نحسها الدنيا مگـضيه ونعد اعمارنه مــن تبتدي الخدمه * **** عمــر وبلا خدامه شينفع شيسوه مــِرّه ايامنه وكــت المشي حلـوه الخوه بخدمتك تختلف هـل الخوه مــو خــوة مصالح خـــوة النعمه *** يا وسفه الخدّامه خلصت ابسرعــه ومــن تفــرغ موكابنــه نهل دمعــه الگاصــد كربلـه ويعبرنه شيرجعـه تظـــل أعيونــه تتــرقـــب لجدمـــه *** تطيح اعمارنــه لــو نزلـت الـــرايه وتگضي لــو گضـت لحسين مشايه عطشانين نبقـــه لخــدمتــه ومايــه نبع حب الحسين الضاگه ما يضمه **** ليلة وحشــه چنهــا بالگلــب تـرهب لــو گالـــو نســـده بــاچــر المـوكـب وي دمــع الجفن للخدمه من نحسب سنه انتاني عطر هل الخدمه نشتمه **** الشاعر موسى البديري

طاب اللقاء وارتوى القلب❤️‍🩹 الحمدلله الذي جعلني من زواره.

تبچي تريد أذكر لوعة أم عون امن الخيمه طلع خدر العقيله تـريد اتموت حط ابالك حسين حنين وتكتل اجروحه ثگيله اليحب مذبوح يتمنه نذبح وياه مـو سهلـه تضـل روحـه عليله الحُب ما يقبل أعذار ،، يگلبي اتعلعل ابنار تدري بكربله اشصار؟ ،، محبوبك رميه غفه اعلحرورة الگاع…

تبچي تريد أذكر لوعة أم عون امن الخيمه طلع خدر العقيله تـريد اتموت حط ابالك حسين حنين وتكتل اجروحه ثگيله اليحب مذبوح يتمنه نذبح وياه مـو سهلـه تضـل روحـه عليله الحُب ما يقبل أعذار ،، يگلبي اتعلعل ابنار تدري بكربله اشصار؟ ،، محبوبك رميه غفه اعلحرورة الگاع ،، ودلال أم الخدر ضاع خلهه جروحك امتاع ،، كل صبح ومسيه تـوّضه يگلبي بـدمعـة غـرامك وهاي المصايب بيهه اهتمامك هـوه اليـكـابر يـطـوّل عــذابـه شوغه اعله شوغه يكثر هيامك ========ـ مـعـذور اشـتـريد تسـوي مـعـذور كـونـك خلـه بـيــك المنـذبح علّه عله أوسادة تـراب اتـمـدد حسين وأخيته ياگلب صعدت عله الهزله بالطف تـدري نيشان الـولي چان الوحيده چثته نـومتهه مـو عـدله أسـولـف بـالـروآيات ،، شلون المنذبح مات وشيصير اعليك هينات ،، من يكثر عذابك عبرن صدره السهام ،، وعينه اتصد للخيام ودارت بـي الأيــام ،، هذا أكبر مصابك أبچي بهضيمه الهاي المصيبه ضلــت يگلبي زيـنـب غـريبه لا يبـره جــرحــك حـد المنيه حسين ولحيته بدمه خضيبه ==========ـ زيـنب هـايـه مـا أدراكَ ما زيـنب يكسرك هالأسم من ينحچي صار الـ على وساده تمدد خـالي البال مـو مثل اليگضي الليـل ع الـنـار يگلبي تنــام تگعد تسهر اتـگـوم وأهيّــه بذنـي ما خـلـوهه تختار غريبه وماكو نغـار ،، وگلبهه بغربته احتار هضيمه والوكت جار ،، عالغربه تكسرك صاحت للولي اهواي ،، جبتلك ماي عيناي   لـو ما تشرب الماي ،، ابرد خويه نحرك ضاعن خـوات حسين ابراري وهوه ابغـربـته عالهيمه عاري هــاي الـمأسي بعيوني ضـلت وكلش چبيره ابــدلالـي نـاري ==========ـ بعد ياراحه تطلب والحچي هواي يعلهه اعله الولي ماتهنه العيون تعيش بروح ميته بكثر الأجروح اذ تــدرك حـقيقة كـربله اشـلـون عله امصاب الخدر مايكفي عاشور طـول العام نبچي وخل يلومون حياة الخادم تصير ،، زياره خدمه تطبير وبچي اعله الضلت تحير ،، مابين الشماته أستضل ياگلبي بحسين ،، ولا تلهيك السنين وابچي الروح والعين ،، ما تبرد غلاته أطلب وصاله وبس هوه كافي المجلس عـزائه احـذر تجافي كبـرني خيـرك وفضـلك عليه بسك يگلبي ولا تبـقـه غــافـي =========ـ - خيري الصفراني

أقرأ بالتوراة وأنجيل الزمن أعظم الآيات آيات الحسن ....... لا يقل عن أبو اليمه بالشأن أترعرعو واتربو ابنفس الحضن إبكربلاء هم عنده مستشهد ابن وعنده زوجه اتسلبت وي الضعن ........ بالشجاعه المجتبى هم لافته طابر الطابر علي وشگ هامته ريشه من جبريل حط أبخوذته وداس بأرض النهروان إشگد فتن ........ بالعلم بثه مباشر من علي وأبخطب نهج البلاغه ممتلي إبن مصحف فاطمه وثاني ولي والمسائل كلهه يمه استسلمن ....... بالكرم لو حاتم الطائي انعرف سفرة ابن الزهره من طرف الطرف إمن المدينه يمكن إتطــــخ بالنجف وتغرگ إبصينيته جياع الزمن ......... يدري باچر زينب إتظل بالظلام چان گبل الطــف يخيط بالخيام درع سوه للحسين إمن السهام وگله اسف راح تبقه ابلا چفن ...... إمعاويه الطاغي إستخف إبحرمته وجعده بنت الاشعث اللي سمته بالنبل مــــــروان زف اجنـــازته والبقيع إمن البچي إعيونه عمن الشاعر محمد الجماسي

مات الحسن مات الحسن هاي المسيه مسموم چبده وانفجع گلب الزچيه ... هالليله مات المجتبى ودفنو هلاله واعله كريم آل النبي ناحو عياله وانقفل ديوان الهله وگلبو دلاله والكون من دم ودمع ون وبچاله ناح الفلك ناح الفلك من هالرزيه مسموم چبده وانفجع گلب الزچيه ... هالليله مولانه الحسن حفروله لحده أم بيته هيه السمته ملعونه جعده الاعمامه ذباهه ولفض بالطشت چبده والضوه البعيونه انطفه وسال اعله خده فت الگلب فت الگلب سم المنيه مسموم چبده وانفجع گلب الزچيه ... يمه الاحسين ايصبّره ويمسح جبينه وعباس يلطم هامته ويبچي بونينه والحسن مابيناتهم وامددينه والچفن والتابوت اخوته امحظرينه و اعله الاخو واعله الاخو ونّو سويه مسموم چبده وانفجع گلب الزچيه ... صاح الحسن يخواني ياحزمان ضهري ياتچوتي وياعزوتي وياريع عمري ضمو الطشت لا زينب ابهالعمله تدري وابساع شيلو اجنازتي وجهزولي گبري تشبع بچي تشبع بچي امن اتصد عليه مسموم چبده وانفجع گلب الزچيه ... غمض اعيونه المجتبه وراح البقيعه نِصبو عليه الفاتحه ونوحو يشيعه الليله المدينه اتزلزلت من هالفجيعه ركن الضيافه اتهدم وركن الشريعه سبط النبي سبط النبي حدر الوطيه مسموم چبده وانفجع گلب الزچيه ... رد الحسين أمن الدفن فاگد عظيده ايتجيله عباس الوفي ولازمله ايده واخته العقيله اتلگته بونه شديده گالتله چاوين الحسن هسه آنه اريده لطمو سوه لطمو سوه..وقامو عزيه مسموم چبده وانفجع گلب الزچيه .... #اللهم_عجل_لوليك_الفرج #محمد_الجماسي

الحسن هذا الحسن بالطف يمشايه واكف اباب الضريح ولازم الرايه فارش السفره الجبيره والدلال امهيله ياهله وكواكم الله  يالاجيتو كربله كربله كربله ... يدري عباس..فضله عالراس وللضيوف  التعتنيله ايكفّي وإيوّجب يعلم بهاي..ويدري وفاي لاكن الطاحت جفوفه بيمن ايعزب ولِهذا مولاي الحسن بعمامته اتحزم وهوّه الاخذ دور الورد صار الحسن ينشم تارس صواووينه بخت والما أكل يندم يم الحسن يبره المرض وايكوم الامكرم الحسن طابخ وفه حضرو صوانيكم مرحبه ابزوار اخوي ويفتخر بيكم (إنما نُطعِمكم) هالآيه بإسمه امسجله ياهله وكواكم الله يالاجيتو الكربله كربله كربله .... جفه صابوب..احزامه مضبوب هوّه الامعزب تعرفه ابشدت احزامه اجدورته اكبار..والطبخ حار والصواني امترّسه واجفوفه سهّامه معروف ابومحمد تره ومشهوده افعاله واغموسه من راس الجدر ميقدم افضاله خدّر كهوته أعله الجمر وايفورن ادلاله والياكل امن ايد الحسن يابخته هنياله   يبتسم لو رفت الرايه الحسينيه وتدمع اعيونه عله الماخوذه مسبيه باجر اتعود الحبايب والضعن يستقبله ياهله وكواكم الله يالاجيتو الكربله كربله كربله .... امونس الجو..يحسب إخطو الزاير ايسجلّه خطواته التعب بيهن فاتح البوب.. جنه يعكوب والمواكب عالجمر واكف يتانيهن اباب البقيع المجتبه كاتب اعذروني مغلق بقيعي وعالسبب يامن تسألوني لحسين اخوي اتوجهت اترسله ماعوني والله بجمال ازيارته تتونس اعيوني يدعي للشيعه ويكول الليله مولانه الله يرحم هالوجوه التعبت اويانه الحسن سورة عشكنه والحسين البسلمه ياهله وكواكم الله يالاجيتو الكربله كربله كربله ... ربع الاحسين..ترسو العين والحسن طيّن لحيته وشيب الابراسه جبده مسموم..لاكن اليوم الهواء اليمشي بالطف قبلّه وباسه ياجاسم اينادي إولدي لا مو وكت نومك لتخلي باجر اي بشر يتجّره وايلومك من كبرك اطلع يالولد كوم البس اهدومك خليهه تكشخ كربله وكشختهه برسومك   آنه شيخ وأطبخ الهالوادم ابطيبي وانته يالقاسم اريدك من معازيبي وادم وعدهم حوائج اقضي كوم المسأله ياهله وكواكم الله يالاجيتو الكربله كربله كربله ..... حاتم اشجان..حته للآن ينذكر صيته وحسنّه الغالي تنسونه اكرم الناس..ينكط احساس وكل جمال الله انخلق من رمشة اعيونه حاتم اذا ذابح فرس واموكل الوادم عدنه الحسن ذابح شمع وامضحي بالقاسم يبقه الحسن أكرم بشر اكرم بني هاشم ابفقه المضايف والكرم صار الحسن عالم اباب ابواليمه يعاين والدمع جاري اينادي زوار اخوّتي معناهه زواري يلله يالمشايه للطف خل نوجه البوصله ياهله وكواكم الله يالاجيتو الكربله كربله كربله .... اينادي عالخير..ماكو تقصير والله بيّضتو الوجه ياشيعه حياكم واعله الاقدام..انتو كل عام تعتنون الكربله والزهره ترعاكم حتى بمواكبكم فلاْ اتجرحون  احاسيسي موكب رقيه ابصفه موكب بإسم عريسي يالقدّسيتو احسين أخيّي مثل تقّديسي جاوين سلطانة علي ياعرش بلقيسي أنتظر زينب ترد واعيوني مشتاكه استعجلي إشويه وتعالي بأختي يالناكه إرد اداوي اجروح اختنه وافتحلهه السلسله ياهله وكواكم الله يالاجيتو كربله كربله كربله ... #اللهم_عجل_لوليك_الفرج #محمد_الجماسي

الحسن مو بس يعزب الضيفه امعلم العباس يحمل سيفه ………. هذا ابن الا فتى خير العمل الثريه اعله الثره يحط لو زعل عاگر اجدام الجمل وام الجمل الما يذبحه يضل يزوره ابطيفه ……….. ليش مختصرينه بس يكرم ضيوف الحسن يشبه علي بيوم الحتوف من يسل سيفه تذل كل السيوف مايرد من معركه الا ابحيفه ……….. الحسن مو خوف من يعقد صلح من يكض سيفه العساكر تنجرح اليخزره بنضره يوگع منذبح لاكن اده ابن النبي تكليفه ………….. الحسن باللطف لوَن حاظر تره چان هوه يصير سبع الگنطره يطشر القاده بذر فوگ الثره والحرب ما تنتهي الا ابكيفه ………….. عزم ابو فاضل تره بيوم المحن واحد امن الميه من قوت الحسن البرزله اهله يحضروله الچفن وربعه تشرد منه كلها اتعيفه ………. الحسن من صال يوم النهروان القاده شردة ضلت تدور امان لچن يم الفقره من كد الحنان جايع وينطي اليتامه ارغيفه ……..،،، #عباس_هابيل_الزينبي #اليالي_الحسنيه

حمره وتدمي العين او يصفگ بالچفين موتي الحسن بهاي الليله كاسر ضهر احسيىن …………. ابو السجاد واگف حاير ابأمره علي بويه ينادي ويمه يالزهره جبل يذبل قهر متحمل ابصدره الحسين اعله الحسن رد منكسر ضهره ضل واگف محتار وبدلاله النار واگف گوه اومنهد حيله و امشيبه الجفنين ………… گعد يمه ويكله خويه حاچيني يفرحة عمري خويه لا تبجيني من زغري ويسارك لازمه ايميني ليش الوحدي رايد تخليني يحزامي بدنياي ادخيلك ضل وياي المثلك دم كون انه ابچيله مو مدمع يالزين ………… بدونك والله خويه الدنيه موحلوه الحياة ابلا اخو فلسين ما تسوه بدونك راح اجرنه النفس گوه وبعدك راح اضل توجعني الخوه الدنيا ابلا خوان بيت ابلا حيطان الاخ من تگعد تشكيله ايهون اعليك البين ……… يبو محمد يخويه فرگتك صعبه مثل واحد عدل بس ينمرد گلبه صعب دفن الذي وياك يتربه يتيه المات اخو مثل الذي بغربه تسوه شگد لچمات كلمه اخوكم مات هاي الكلمه اتطشر عيله ايسار او ناس ايمين ………….. على فراگ يبو محمد يضل قهري لحد ما عالشريعه ينكسر ضهري لحد ما ينگطع من الگفه نحري لحد ما الاعوجيه تسحك ابصدري الْحد ما ينگاد بحبال السجاد الحد الشاطي الگوه امشيله الحد گطع الچفين ………. ردت منك تضل ويايه للعاشر امن اضل ابلا صحابه الوحدي وحاير ردت تفزع قبل ما صيح هل ناصر تناصرني واشوفك يالحسن حاظر سيفك مو ابغماد واني ابأمرك غاد الاكبر ردت اوياي اتشيله المتگطع نصين ………….. #عباس_هابيل_الزينبي #اليالي_الحسنيه

طلاب السادس .. مبارك للنجحوا بمعدلات ترضيهم، وللمأجلين او الي اخذوا اقل من استحقاقهم فهاي مو نهاية الدنيا، مادام اكو فرصة ثانية فأكو أمل ثاني والحياة رغم قساوتها وعدم إنصافها، لكن نقطة ايجابية تمنحك دائمًا الفرصة للمحاولة فلا تيأس .. وتذكّر الخيره فيما يختارهُ الله

🍂 ريّـض يـخوية بهالنعش قلبي ترة ذاب جسمي انتحل يابو علي من افراگ الأحباب 🍂 مگصد الـوافد حيف نوره بالثرة غاب عـنّا مـشة مِـلفي الأرامل والمساكين #عظم_الله_لكم_الأجر 🥀

رُقيّه بَثّت رسالتَها في التاريخ إنَّ الحياة بلا حُسين .. عَدم 💔💔!! أعظم الله لكم الأجر والثواب

لمناسبة شهادة الإمام الحسن عليه السلام ١٤٤٨ (١) لا يَومَ مِثْلَ عَاشُورْ لا يَومَ مِثْلَ عَاشُورْ ** تبْكِي عليَّ يَا أَخِي وَأَنْتَ عِنْدِي وَجْدُكَ يَا صُنوِي بِقَلْبِي زادِ وَجْدِي ماذَا إذَا أُفرِدْتَ مِنْ أَهْلٍ وَجُنْدِ لا نَاصرٌ وَالخَصْمُ لا يُحْصَى بِعَدِّ ** حتَّى الرَّضِيعُ مَنْحُورْ لا يَومَ مِثْلَ عَاشُورْ ** لَقِيتُ سُمِّيْ وَمَعِي أنْتَ مُعِينيْ كَيْفَ إِذَا فِيْ كَرْبلا يَومَ الأنِينِ لَقِيتَ بعْدَ الطَّعْنِ ضَرْبًا في الجَبِينِ ثمَّ مُثَلَّثًا عَلَى القَلْبِ الحَزِينِ ** مَنْ لِلْعِيالِ يا سُورْ لا يَومَ مِثْلَ عَاشُورْ ** تَخْرُجُ لِلتَّشْيِيعِ فِيْ قَومِيْ وَأَهْلِيْ نَعَمْ سَأُرْمَى يَا أَخِيْ غَدًا بِنَبْلِ لكنَّ جِسْمَكَ الطَّعِينَ بَعْدَ قَتْلِ يُرَضُّ بِالخَيْلِ وَيَبْقَى دُوْنَ حَمْلِ ** وَالرَّأْسُ دَارَ مَعْفُورْ لا يَومَ مِثْلَ عَاشُورْ ** إِنْ كَانَتْ النِّبَالُ سَبْعِينَ تَرَاهَا تَنْزِعُهَا ثُمَّ أُوَارَى فِي ثَرَاهَا مَنْ يَنْزِعُ السِّهَامَ فِي الطَّفِّ رَمَاها سَبْعُونَ أَلْفًا كَمْ أَصَابَتْ قَلْبَ "طَاهَا" ** وَارَيْتَنِي وَيَا نُورْ لا يَومَ مِثْلَ عَاشُورْ ** هَذِيْ عِيالِيْ فِي حِمَاكَ اليَوْمَ تُمْسِيْ مَنْ لِعِيَالٍ رَهْنَ مَلْعُونٍ وَرِجْسِ تَدْفِنُنِي تَبْكِيْ إِذَا سَوَّيْتَ رَمْسِيْ لكنَّني فِي القَبْرِ جِسْمِيْ فِيهِ رَأْسِيْ ** مَنْ فِي الرِّمَاحِ مَشْهُورْ لا يَومَ مِثْلَ عَاشُورْ ** تمت - الشيخ سجاد البيابي - ٣/٢/١٤٤٨

إلى كريم ال محمد الحسن المجتبى عليه السلام يمته نـــزوره وعالگبــر ننظـر منــايـر       يمتـه المواكــب تهتف أتفضل يزايــر وكلها اتعناه                تجمعنه ذكراه       يمته المواكــب تهتف أتفضل يــزايـر *----------*----------* يمته نگصــد للحسن احنـه بمواكــب للزيــاره أهنــاك غصبن  عالنــواصـب نعلـي رايـــة يا علـي والكـل تـــراقب بحضرته التيجـان تخضع والمــراتب كلها تزوره وبالصحن تهمــل دمعـها           عاشوره أبسابع صفـر كلهـــا فجعها بالهم ندبناه              تجمعنه ذكراه           يمته المــواكب تهتف اتفضل يـزاير *----------*----------* كون سابـــع صفــر نبــديها المـــآسـي يبدل إعــلام الصحن مـوكــب رئأسي وتعلن ليومـــه حـداد أهـــل الكـراسي وللزچــيه  بالحسـن نگصــد نـــواسـي يمته أنّتعَنه وبالگبــر ننصــب عــزيه           يمته نواسي الطاهره الزهره الزچيه نتعنه ننعاه                تجمعنه ذكراه         يمته المـواكب تهتف أتفضل يــزايـر *----------*----------* من ضريـــح الحسن نحييها الشعـائــر نلطم أصـــدور ونهـــل دمـــع النواظـر بليلة القاسم شبـــاب الشيعــه حاضـر والنويـني اليقــــره عالبــــث المبـــاشر جسام ياضنوتي      رايح رايح من أعيوني ما رحمني الدهر      وأنـــت نـــور البصـــر رايح رايح من أعيوني أبصوت المواجع نستمع احنه لمصابه        ونعلگ شمع ونهل دمع جمــرة شــبابه وأّنادي ويلاه               تجمعنه ذكراه          يمته المــواكب تهتـف أتفضل يــــزاير *----------*----------* أهناك مـن صحن الحسن نور الهدايه نـــرفـــع  آذان التشـــهـد  بالـــولايــه وتمســـع إذانـــي بفخــر كــل  البرايا علــي مـــن الله أبكتابــه أعظــم أيـه عالمبــاشــر يُنقــل أذان المنـــــاره            وتنّقـــلْ للعالــم أهنــــاك الــزيـاره تشاهدها عيناه       تجمعنه ذكراه         يمته المواكب تهتف أتفضل يزايـر *----------*----------* كــــون مشـايـــه  انتعنـــه أبـــربعينه مـــن ضريـــح حسين نگصـد المدينه والمـــواكب كلها منتشـــره  وحــزينه تنادي اهلـن بيـك  يـــا زايــــر ولينــه أتفضــل يزايـــر للحــسن هاليلـه يمنـــه          يسجلنه في سجله الحسن ليكم خِدمنهَ بعزه خدمناه                 تجمعنه ذكـراه          يمته المــواكـــب تهتــف أتفضل يــزاير *----------*----------* الشاعر موسى البديري

#جديد في شهادة مولانا السبط الأكبر الإمام الحسن عليه السلام وكأني بمولاتي الزهراء عليها السلام تنعاه 💔 طور : بابا بابا بالخرابة آ يا يمه .. اشكر هضمه .. يبني مسموم .. يبني مسموم يا جمال المصطفه .. جفنك أنظرله غفه ومتت يُمه .. متت يُمه عادة الأم من تشاهد امصاب ابنها تنفجع ودم چفنها ايسيل منها يبني ابدال الدمع وآنه بعيوني نظرتك چبدك امگطع گطع يُمه مو روحك الفاضت أوياك أحس گلبي طلع امسممينك .. فگ لي عينك .. آ يا مسموم .. آ يا مسموم امدد وچبدك نزف .. لونك اهواي انخطف ومتت يُمه .. متت يُمه . . إنته يا هيبة محمد* يا جماله وطلعته چنت بعيونك أعاين يبني وجهه ونظرته ابكثر ما تشبه محمد إشْبَهِت حتى امصيبته وچبدك الطاهر تِگطع مثل جرحه وچبدته وتصد لحسين .. اتگله بونين .. بعدي إنته .. بعدي إنته ما مثل يومك تگول .. باچر إبِّين الخيول ومتت يُمه .. متت يُمه . . غفت عينك من عذابك ورحت يبني يالحسن ويَتمِّت جاسم ابفگدك وابتدأ ليل المحن إنشال نعشك بس تراني گلبي يا يمه انطعن حتى يا يمه الجنازه انرمت بسهام الفتن الألم ضگته .. ابهايَّه حتَّى .. يا حبيبي يا حبيبي اجنازه متروسه ابسِهام .. يبني لروحك سلام ومتت يُمه .. متت يُمه ___ تمت ببركات مولاتي الزهراء روحي فداها #فاطمة_كريم ٢٠٢٦ م

قصائد أستشهاد الأمام الحسن (ع) نزلـه ............................................................... فگدك أنته أذانه           يالحسن مولانه هايمسموم                       هايمسموم ............................................................... بكل سنه يالحسن تدري أحنه ننصبلك عزاء وبالبواچي أعليك والله يعتلي صوت النداء مانعوف مصابك أحنــــــه هايبن سيد الاباء مانعوف مصابك أحنـــه كل سنه نجدد ولاء الليله كل أحبابك          تبچي لاجل مصابك هايمسموم                               هايمسموم ............................................................... مانعوفك مصابك أحنـــــــه بكل سنه تدرينه عالعهد وياك أحنـــــه والله  للأبد ضليـــــــنه مصابك أنتــــــه يبومحمد والله ماناسينـــــه مصابك أنتـــــه كلف والله سيدي ياذينـــــــه ابچي ويهل الدمـع          طافي بعيني الشمع هايمسموم                                هايمسموم ............................................................... الشيعه حزنانــه لمصابك الشيعــه كلها مألمـه مودمــع لمصابك أنتــــه مودمــع تبچي دمــه لمصيبتك حزنانه والله اليـــــوم امـلاك السمه وحزنانه الزهـــــره الزچيه وعلي حماي الحمه الزهره تصرخ يالحسن      علي لمصابك يون هايمسموم                                هايمسموم  ............................................................... الليله لمصابك يغالــي الليله يــزداد الحـــــزن صعب فگــــــدك ياولينه صعـب والله يالحسن لمصيبتك ضلينه احنـــــه سيدي نبچي ونون مانعوف مصابك أحنـــــه  نبقى وبطول الزمن نحيي ذكرك للابد            وياك نبقى عالوعد هايمسموم                                هايمسموم ............................................................... ياكريم البيت أنتــــــه سيدي يبـــــن الاجـواد اليــوم هالجينـــه الك سيــــدي نعلن  حـــداد والحزن لايگ علينه ولايـگ أعلينـــــــه السواد الكون حـزنان لمصابك حــزنت السبــــع شـداد اليوم حزنانه الاملاك         الكون كله هالنعاك هايمسموم                                 هايمسموم  ............................................................. الشاعر                  عماد محمد الدراجي

قصائد استشهاد الامام الحسن (ع) قصيده رئيسيه ............................................................... نار حزنك ماطفت       وعيني بغيابك بچت بحيره ضلت هاليوم       يالحسن يالمسموم ............................................................... يالحسن تـــدري بغيابك ماطفت نار المصاب روحـــي مليانه بحزنها شاهـدت هذا العذاب عيني ماتغفـــه بغيابك والدمـــع اكبـر جواب المـوت مستعجل اجاك هايبن داحـــي الباب تدري حيل تألمت     وعيني بغيابك بچت مامثل يومك يوم       يالحسن يالمسموم ............................................................... ضل مضيفك يبومحمد موحش وخالي المكان الزمــــــــــن مارحم بيك الزمـــن وياك خان والله دنيــــــــــه معثره ومارحم بيك الزمان  سمتك جعده الخبيثه وانته ابن سيد الاكوان أنه چم لوعه شفت     وعيني بغيابك بچت اتحملت كل الهمــوم       يالحسن يالمسموم ............................................................... يالحسن ودعتك انـــــــه بيوم ودعت الحياة والله مارحمتنه بعدك خويـــه تدري النايبات خويه من گـــد البچي دموعي ضلن هاملات وخالي ياوسفه مچانك خويـه بوكت الصلاة عذبتني من رحت        وعيني بغيابك بچت عيني ماشافت النوم      يالحسن يالمسموم ............................................................... الليله حزنانه الشيعه والك تنصب هالعــــزاء متعوده احبابك تشوفك كل صباح وكل مساء راح نرفعها ادينا وندعـــــــــــــي بهـذا الدعاء آلله يلعن جعده هـــــي سبب كل هـــذا البلاء اكبر مكيده دبرت        وعيني بغيابك بچت الدنيا الهــا ماتدوم         يالحسن يالمسموم .............................................................. الشاعر                عماد محمد الدراجي

قصائد استشهاد الأمام الحسن (ع) ( أبوذيـــــات) ............................................................... المصايب دخلت لبيتك                 والهموم النوايب كثـــرن وزادن                 والهموم موهم واحــــــد بگلبك                 والهموم خـــــــذنك منـــــــي هـايابـــــــــو الحميــــه ............................................................... الدهر وي النحبهم دوم                 خـــوان زمانـــــي مانصح وياي                 خـــوان عشنه اثنينه بفــد بيت                  خـــوان سند ردتك تضل ياخويــــــــــــــه أليــــــــــه ............................................................... الموت وياي صار اليوم                 شــــراي ليش الموت بــس للزين                 شـــراي اضن الموت للتالي يضل                شــــراي يضل كل ساعــــــــــــه هــــــــو يعيل بيـــــه ............................................................... الحسن ياحيف هذا اليوم              مسمـوم چبده بـــسم جعـده صبح              مسمـوم يخويه ريتني أبدالك متت             مسمـوم ولاشــوفك تـــــــــــون وتنــادي عليـــــــــــه ............................................................... انكسر ضهري بغيابه وباد                حيـلاي المصايب هدمـــن ياخوي                حيـلاي ماضل حيل بيـــــه وراح                 حيـلاي مــــــــــن يـــــوم اللفت ليك المـنـيـــــــــــه ............................................................... الشاعر                      عماد محمد الدراجي

قصائد استشهاد الأمام الحسن (ع) نعـــي .............................................................. زينب والحسين يخاطبون الامام الحسن (ع) خويه حسيــــن خل نگعد نحاچيه اضن سم البچبــــده حيل ماذيــــه اصيح بصوت انــــــه وحيل اناديه وريدنــــــه يحاچيني واحاچيــــــه ............................................................... الامام الحسين(ع) يخاطب الامام الحسن (ع) أريد اليوم خويــــــه أگعــــد وياك واريـــــد بدمعتي هايالحسن انعاك الله لايوفقـــــــه خويـــــــه السماك الله لايوفقــــــه العنـــــــه بعــــداك ............................................................... السيده الزهراء (ع) تخاطب ألامام الحسن (ع) أنا أمك واجيت اليـــــــوم احاچيك وبدمعات عينـي جيـــــــت اواسيك أناديك شوساكـت ماترد يمه اناديك عمـت عينـي الســـــــم كلش مأذيك ............................................................... الامام علي (ع) يخاطب الامام الحسن (ع) يبويــــه وياك حـان اليــــوم الوداع حسافه المــــوت ياخذ مثلك أسباع بسم الاعادي چبــــدك يالــــولد ماع ضاع العمــــــر بعدك يالـــــولد ضاع .............................................................. الشاعر        عماد محمد الدراجي

قصيده للامام الحسن المجتبى عليه السلام جديد محرم 1448 عا لحسن خلها المدامع سايله الليله  بداره  تنوح  العايله •••••••••••••☆•••••••••• الليله دار الحسن وحشه اومظلمه كضه نحبه بسم بضعت فاطمه عل حسن مكدره أرض اوسمه مصابه  يهد  الرواسي  العاليه •••••••••••••☆•••••••••• تشيع  الليله  الحسن  خوانه وكل بني هاشم عليه حزنانه اسف راعي الكرم خالي مجانه سمته جعيده ابن عقد الوله •••••••••••••☆•••••••••• عله عضيده حسين محني الضهر يبو القاسم بعد  مايسوه  العمر يبن امي اوياك  فاركني الدهر خلاف عينك حملي ياهو شايله •••••••••••••☆•••••••••• يبو القاسم  بعد شدة غربتي وحدي اضلن من يروحون اخوتي وبعد جتلي العده تسلب عيلتي ام  عون ماتحمل  رزايه كربله •••••••••••••☆•••••••••• جم رزيه تمر عليها بالطفوف مسلب ومطروح عالغبره تشوف وهيه مسبيه وكل بلده تطوف اوياها بس شمات تبره القافله •••••••••••••☆•••••••••• بقلم العلويه ام رائد زوين