الدر الحائر

قصيدة: ياطير احشمنك الرادود: سيد فاقد الموسوي الشاعر: حيدر الخزعلي ............. ياطير احشمنك تسافر لمي ........... ولدج متانين هل يوم على نار مكابلين حسين ليل وي النهار يصيح واحد واربعتنه نكله ها نريده بس يحجي علمود نكله صار كللها يم عباس عباس يكول ولا زلمه من ولدج رجع ما مشيول وهذ انه ثخنت الفرات بدمي ياطير احشمنك تسافر لمي ......... نركض عل حسين من نشوفه جاي الغاية بوست ايده وخواني ابراي حتار ياهو للنهر بينه اليروح اربعتنه نريد نمشي نجيب ماي اواحدنه ضل يطيح بعده بحيله جي يدري اليطيح الحسين يشيله بس انه ماخليته يمشي بجسمي ياطير احشمنك تسافر لمي ....... كلها كل رجال بينه افتخري بيه وين ماشفنه سهم نركض عليه وكلها جي ماكدرن يوصلن الماي ابنج بصف النهر ذباها اديه تربيتج وابنج كدر يوفي بهاي ويموت يم الماي وامنيته الماي وكل الها من توصل علومي ابتسمي ياطير احشمنك تسافر لمي ............. اربعه ولدج لجن ترسو الكاع ناجب اسمهم ولهوى عل الجيش ضاع ومتنه كبل حسين ما شفنا يموت كبله وكباله كضينه بلا وداع كدامه هاي المرة موش بضهره وميتين من داست الخيل بصدره ولموته بين جفوفه جانت حلمي ياطير احشمنك تسافر لمي .................. بساع هم جنحك تراها تعلعلت وسولفله شصار خافن مادرت كله خلصت كربله وحسين ماات وكل نساوين الرسالة تيسرت كلما يشوفن روسنه يذكرنج اعتذري من عدهن لون شافنج عل حسين موش علينه يمهن لطمي ياطير احشمنك تسافر لمي

#محرم_الحرام_١٤٤٨ ليلة عاشر خويه خيل أجتك گوم غير أمجانك خويه وصلت الباب الخيم عدوانك خويه وركضوهن ع حرگ نسوانك  حسين خويه تره عذروني مشيت ويل زلم خويه بمغربيه وراگضه بضعنك ألم خويه أنته ميت ليش باقي تنشتم  حسين دامي ضل بلحومه دامي ونار كبره بنص خيامي كتلك حسين حتركنه ونهظمت أنته بكلامي حسين بلا عشيره ولاتشييع وضيعتنه عگبك راح نضيع  باجر بالظعن أعداك اتبيع  حسيناه شيگومه الي جسمه مملي سهام وينزف غيره اخت بلايه خيام اليفگدله عشيره شلون اينام   اويلاه :::::::::::::::::::::::::::: حسيني العدي بس دموع ماعدي دوه حسيني راح اروح وجرحك يلجمه الهوه حسيني دمك ودمعك عليّ طاحن سوه  حسين حسيني ترضه زينب تمشي ماعدهه حمه حسيني تخوف الزلمه الخرابه المضلمه حسيني ادري المئذيك زينب مو ضمه  حسين لخته كوه يشيل روحه گلبي جمره عليك نوحه طبره فوك الطبره صارت أطاولت وياه جروحه عل تربان رميه بلايه ثياب مسويلك وساده تل اتراب شمسوي بجمالك جف سلاب  حسيناه بنفاسه الاخيره وراد ايگوم ملچومه وجيتك يا مضلوم فوگك خيل اميه ليش تحوم  اويلاه :::::::::::::::::::::::::::: تالي مگيدات وسره نمشي علل حبل تالي گوه تمشي واضحه عضام الهزل تالي وحيل يسمع لو وگع عدنه طفل  حسين تالي روحي تطلع لو شفت عثرت مره تالي عفت كلشي بكربله ودمعي جره تالي حادي ذباح أخوتي بضعني سره  حسين    ضعني اجه بيرغ كفيله من مشه كسره برحيله اخذو عيالك سبايه من عكب حامي العقليه جدمي كوه أشيله مجوي بنار بنص الحومه ضلت تبجي أزغار ومن يمه جزيت وگلبه أندار  حسيناه بس راس برمح رافگ مسراي وشيال الرمح تعبني أبهاي يرگض بالرمح ويلچمه هواي   اويلاه :::::::::::::::::::::::::::: ساده سادت الدنيه هلي تحل المحن ساده حلو شدت زينب وردو الضعن ساده مدللات الساده علنوگ أنسبن  حسين  ساده الهله ما نسمعهه نسمع لا هله ساده السوگ لاگاني بفرح طبله عله ساده الخرسه من شافت ضعنه مهلهه  حسين    هايه ياهي الغربه تسئل وشدتي ما جنهه تنحل من درو بيه اني زينب اليدري والمايدري هلهل بلا هودج تره أحنه مكشوفات  وماچنه هلي احنه العلويات بلسوگ الخدر واكف ساعات  حسيناه جا يشبع بواجي الماله خوان يتمرجل علينه ياهو الچان صاحو يله زينب علديوان  اويلاه    صــباح جــهاد

https://vt.tiktok.com/ZSCYXLLEU/

☜ بـسمـه تعـالى ☞ الـقصـيدة : بهيدة هيده اداء : سيد فاقد الموسوي كلـمات : محمد الجراح ـــــــــــــــــــــــــــــــــــــــــــــــــــــــــــــــــ بهيده هيده ريضو ★ بينه تونه جدد فاركينه ــــــــــــــــــــــــــــــــــــــــــــــــــــــــــــــــ ★ يالمشيتو وروحي بيكم شاخت عليه الخرابه طبكت چفوني بهضمها عطشت عيوني بصوركم شلي بالماي وشرابه طبكت چفوني بهضمها كحلت الثاري بگرابه مدللتكم واعز وحده نايمه بسد الترابه حيره حيره من بچينه نهم بالموته بعبينه روحي بيدك وانته بيدي غفله باگوك من ادينه بهيده هيده ريضو ★ بينه تونه جدد فاركينه ـــــــــــــــــــــــــــــــــــــــــــــــــــــــــــــــــ ★ وكت خلوني على ناگه وانه مگعاد العرش حاسبه تردوني ليه وفارشه بروحي الفرش توسن بالكون ترسني شعنده ملجنهوم يحش صدوركم بسهام ترش وانه بدموعي ارش روحي روحي تونه جينه العفه عرضة ما اجينه العفة عرضة هالبقينة بهيده هيده ريضو ★ بينه تونه جدد فاركينه ــــــــــــــــــــــــــــــــــــــــــــــــــــــــــــــــ ★ موتي ياروحي الحنينة ومن صواني الضيم اشربي انه ذيج الما اطيحن انخه عوج على دربي هسه نبكيفج يناگه طوع شورج بيه غربي الموت حگ وانه حگه وانه وي الفرگه حربي سكته سكته من هوينه شمع ياروحي انطفينه ياهو ليدليني بيكم حاير يصبر على حاير اندور الينشدنه عنكم شحت الوادم ضماير وينه اليركدلي گلبي نمشي كوه وهو طاير يالچفيتو عيوني غربه برد دمعي وجيتني فاير ديره ديره تغربينه يم اهالينا انچفينه ـــــــــــــــــــــــــــــــــــــــــــــــــــــــــــــــــــ ★ النشر لام زين العابدين

https://vt.tiktok.com/ZSamSar1V/

يايوم يصادف محرم في سنه 2026 👆

https://vt.tiktok.com/ZS5EAo2mv/

https://vt.tiktok.com/ZS5W2u1w1/

https://vt.tiktok.com/ZSP4aRM64/

https://vt.tiktok.com/ZSU7TpKG2/

كربله خلست زلمها شمالهه سارج الشگره وطلع خيالهه ——- انذار صار وتايه ركاض الزلم وخنگه بالجو بكثر نزع الهدم راسه حار الما يدنگ ينلچم هذا بس صيته الشوارب ذالهه سارج الشگره ونزل خيالهه ——- همه جابوها الطلابه عليهم تورطو طبو وضاگت بيهم وابوفاضل گال اگص رجليهم كون اربطها الزم بخيالهه سارج الشگره ونزل خيالهه ——- وابوفاضل بعده يم خيامه عجت وغطى التراب الهامه شافه ملك الموت شد حزامه وبده يحسب بالجثث وحوالهه سارج الشگره ونزل خيالهه ——- برز راعي المرجله وهز اللوى وجدحن الريشات والعسكر دوى والهوى ضن ينذبح هج الهوى الدنيه مالت والگمر تچالهه سارج الشگره ونزل خيالهه ——- الوادم تروالهم يوم الحشر چن جهنم سيفه ويعذب كفر ياهو يكدر من عذاب الله يفر بكيفه يستنگي الگمر عيالهه سارج الشگره ونزل خيالهه ——- """نزال""" محمد عيسى المنصوري

مو مال أعتب ما تسوه تستاهل ركضه الخوه من چانن ما بيهن شي عيوني يروحلك فدوه شكد هاي العين بصف هاي احنا اقرب منهن بهواي الطبهم ثالث يفترگون وبيني و بينك طب الماي شرد اسولفلك عليهن من دوّت بخيمنا نار ماي ماعندي بوكتها برمل طفيت الصغار والجمر كله سحگته لا تشوفه شلون حار المشكله الجمره يخويه ماتبين بالنهار لا إله ألا ﷲ   سُبيت زينب ..(٢) ـــــــــــــــــــــــــــــــــــــــــــــــــــــــــــــــــ لا تنشدني اعله احوالي مو زين الفارگ غالي مثل الطير الراد ينام مايل راسي اعله شمالي الماداير باله لروحه معناها كبار جروحه لحد الحصران آنه وياك ما رهمت حَد اللوحه محد اليركض ورا اختك آنه ماريد استراح هو ينسى شلون يكعد أغلى واحد عنده راح الخيل ماسحگت اصفاحك اصلا بلايه صفاح انت بيدك خلصتهن لمن العباس طاح لا إله ألا ﷲ   سُبيت زينب ..(٢) ـــــــــــــــــــــــــــــــــــــــــــــــــــــــــــــــــ ساعات افتر بصفك لو ما اختك ماعرفك ما سالمتك تعرف ليش خاف تحس ناقص چفك لميتك بس شيلمك أكثر من شيبك جسمك من كد ما فوكاك احجار مايكدر يطلع دمك ميلو من صدره الحوافر صحت حسين مات سالبين هدومه المن غير هن مشككات هواي ركضتوا بناته كافي ماعندكم بنات تايهة و بروحي اصبّر هن ذني التايهات لا إله ألا ﷲ   سُبيت زينب ..(٢) ـــــــــــــــــــــــــــــــــــــــــــــــــــــــــــــــــ من طبن للشام النوگ نسوان اتهلهل من فوگ السلبوهن منك يحسين گدامي انباعن بالسوگ والكاسر خاطرنا هواي ارخص شي بالدنيا الماي السوگ شگد بي قمصان وانت امسلب ترهم هاي ؟ أمده الدنيا السبتنا وخذت من عندنا الحسين گبل چننا مدللين وهسه صرنا مدوهنين قد خزينا ياآل هاشم صار كل الشام عين سوگ مايستحي من الله واحنا كلش مستحين لا إله ألا ﷲ   سُبيت زينب ..(٢) ـــــــــــــــــــــــــــــــــــــــــــــــــــــــــــــــــ ياخويه وكل شويه من الهزله تطيح بنيه من تجزيها الناگه تصيح آنه وياكم مسبيه بلكي ﷲ و كل ذني احلام وما مسبيه اطلع للشام أقنع روحي أحلم يحسين بس اليحلم غير ينام أرد اكلك يبن أمي وخاف اعورك من أكول بالخرايب گعدونا و الخرايب للخيول گوه اغفيها اليتامى وتجي تفززها الطبول بنت أصول وبيد وادم مايعرفون الأصول لا إله ألا ﷲ   سُبيت زينب ..(٢) ـــــــــــــــــــــــــــــــــــــــــــــــــــــــــــــــــ - تستاهل ركضة الخوه الرادود | سيد فاقد الموسوي الشاعر | سعد شميل

لحن لقصيده فووك الايك وياكم

گوم واخذ بثارك.. يبو صالح يا شهم ـــــــــــــــــــــــــــــــــــــــــــــــــــــــ گــوم ياصاحب الثـار.. وانـتـه بـيـدك تنفني واخـــذ ثــــار لـعـمـتك.. وانتـه تربايت علي دگهه دكَ الزلم ذيج.. واطوي گاع الله طوي كردس الفرسان حيل.. مــن تـطـبـهـا يالولي طرها طر بسيفك.. وامحي كل هاي الزلم گوم واخذ بثارك.. يـبـو صـالـح يـا شـهـم ـــــــــــــــــــــــــــــــــــــــــــــــــــــــ انـتـفـض واحـتر وغـيـض.. وعـالزلم بالحومه دكَ غـيـــم اعـلـيـهـم عــــذاب.. ياگـوي احرگهم حركَ وارتـــجـز فـَوكَ الــكـحيـل.. والـحـكَ الـمــا تلحكَ ومن تطب بين الصفوف.. برجلك اسحگها سحكَ دوس فوكَ اخشومهم.. وافتل الماتلزم گوم واخذ بثارك.. يبـو صـالح يـا شهم ـــــــــــــــــــــــــــــــــــــــــــــــــــــــ عجـل النــه بطلعتك.. ولا تخلي الحگ يضيع واخـذ ثـارات الحسين.. وثـار زينب والرضيع وبـيدك تـعـلي الـگبب..  وتـنـبني گـبور البقيع واحـنـه خـدامـك نصيح.. تــامـر وكـلنا نطيع الزلم كلها بكيفك.. مـستـعده وما تهم گوم واخذ بثارك.. يـبو صالح يا شهم ـــــــــــــــــــــــــــــــــــــــــــــــــــــــ لاتــأخــر طـلـعـتـك .. واحنـه الـك وفايه تـره مــن گبـت ام عــون.. نـزلـوها الرايه وسفه زينب بت علي.. سمـعوها احچايه ويـنـهـا اليـوم الخـدم.. مـا تسوي اقرايه من زيارة عمتك.. وسفه منعوها الخدم گـوم واخـذ بثارك.. يـبو صـالح يا شهم ـــــــــــــــــــــــــــــــــــــــــــــــــــــــ #علي_الحاتمي #سيد_منتظر_الهاشمي ـــــــــــــــــــــــــــــــــــــــــــــــــــــــ

https://vt.tiktok.com/ZSAVWxN8U/

https://vt.tiktok.com/ZSAF9o5go/

https://vt.tiktok.com/ZSSw7BeN2/