مَـرثَـد بنُ قَسْـوَرة

" فنرجو مِن الله تعالىٰ أن لا يُعاملنا بما نَستحِقُّه، وأن يتفضَّلَ علينا بما هو أهله، بمَنِّه وسَعة جُودِه ورحمتِه " - الإمام أبو حامدٍ الغزّالي رحمه اللهُ.

وَقِيلَ: كُلُّ بَلْدَةٍ يَكُونُ فِيهَا أَرْبَعَةٌ فَأَهْلُهَا مَعْصُومُونَ مِنَ الْبَلَاءِ: إِمَامٌ عَادِلٌ لَا يَظْلِمُ. وَعَالِمٌ عَلَى سَبِيلِ الْهُدَىٰ. وَمَشَايِخُ يَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ وَيُحَرِّضُونَ عَلَى طَلَبِ الْعِلْمِ وَالْقُرْءَانِ. وَنِسَاؤُهُمْ مَسْتُورَاتٌ لَا يَتَبَرَّجْنَ تَبَرُّجَ الْجَاهِلِيَّةِ الْأُولَىٰ. - الإمامُ القُرْطُبيُّ رَحِمَه اللهُ.

هو أنا شخصيًا من الناس اللي ماحستش بالزلزال اللي حصل، ولكن أنا صحيت من الفزع اللي كان في البيت لأن بعض أهلي حسوا به. بس أنا هنا جاي أسألني وأسألك سؤال واحد: ماذا لو أنا نمت الليلة دي على معصية وكان قوة الزلزال أكبر؟ احنا تقريبًا جيل لم يعاصر حدث زي دا قبل كدا، عشان كدا تلاقي الفيديوهات اللي نزلت عن الناس اللي حسوا بالزلزال فيه منهم مصدوم ومش عارف يتصرف، اللي هو المفروض أعمل ايه طيب؟ ما أنا ماعرفش! احنا عاصرنا زلزال كان قوي نوعًا ما، ولعل ربنا يريد يحصل تاني، والله أعلم الحال هيبقى ايه وقتها. أنا طول اليوم والله أعصابي مشدودة ومُتوتر علطول، وكل ما أحاول أنسى، فالحدث مش راضي يغيب عن بالي.. هو ازاي في ثانية كدا كل حاجة اتبدلت؟ كل حاجة ممكن تتغير في لحظات وممكن مُدن تتمسح من الخريطة كمان! أنا شخصيًا عشت حالة والله أول مرة أعيشها في حياتي كلها، وحاسس إن فيه شيء في جسدي كله غريب مش فاهم دا ايه! أنا وقتها بصيت على الناس في الشارع وعقلي مش راضي يستوعب إنه زلزال.. زلزال؟ احنا بُعاد جدٌا عن الظواهر دي.. ونفسي تُجيب عليّ لحظتها وتقول: ليه ان شاء الله؟ قُدرة ربنا توصل لأي مكان، وإذا أراد الله شيئًا فسيكون حتمًا. هو كم زلزال حصل في حياتي وحياتك ومارجعناش لربنا برضه ومازلنا مُصرين على المعاصي؟ كم رسالة وصلت لنا باليُسر والعُسر ومازلنا بنرجع نعصيه؟ أنا بتكلم هنا وأنا ورب الكعبة أشد المُقصرين، والله يعلم هذا مني، بس الموضوع دا محتاج وقفة، وإننا نراجع نفسنا، عشان وارد جدًا يحصل آخر مرة.. ووقتها هتبقى لي ولك آخر مرة نعيش الحدث دا. أنا قلت أفضفض مش أكتر، وغالبًا الكلام مش مترتب، ومش عاوز أرتبه كمان، بس ياريت الرسالة توصل لقلبي قبل ما توصل لقلوبكم.. لا أنا ولا أنت بُعاد عن عقاب ربنا، وصدقني لو نزل العقاب فمش هيلاقي شيء يصده، وحتى أنا وأنت مش هنلحق نستوعب إن دا عذاب لأننا هنكون انتهينا. (أَفَأَمِنَ أَهْلُ الْقُرَىٰ أَن يَأْتِيَهُم بَأْسُنَا بَيَاتًا وَهُمْ نَائِمُونَ (97) أَوَأَمِنَ أَهْلُ الْقُرَىٰ أَن يَأْتِيَهُم بَأْسُنَا ضُحًى وَهُمْ يَلْعَبُونَ (98) أَفَأَمِنُوا مَكْرَ اللَّهِ ۚ فَلَا يَأْمَنُ مَكْرَ اللَّهِ إِلَّا الْقَوْمُ الْخَاسِرُونَ) اللهم عفوك!

" وَمَا نُرْسِلُ بِالآيَاتِ إِلا تَخْوِيفًا " عنْ قَتادَة: إنَّ اللهَ يُخوِّفُ النَّاسَ بِمَا شَاءَ مِن آيَةٍ لَعلَّهم يَعْتَبِرُونَ، أو يَذكَّرُونَ، أو يَرْجِعُونَ. - تفسيرُ الإمامِ الطَّبريِّ رَحِمَهُ اللهُ ورَضِيَ عنهُ.

" إِنَّمَا زُلْزِلَتْ الأَرضُ إِذَا عُمِلَ فِيها بِالمَعَاصِي، فَتَرْعَدُ فَرَقًا مِن الرَّبِّ عَزَّ وَجَلَّ أَنْ يَطَّلِعَ عَليْهَا " - كَعْبُ الأحبارِ رَحِمَهُ اللهُ.

" مَا رَجَفَتْ إلّا لِحَدَثٍ أَحْدَثْتُمُوهُ، إنْ عَادَتْ لَا أُسَاكِنُكُمْ فِيهَا " - أَمِيرُ المُؤمنينَ عُمرُ بنُ الخطَّاب رَضِيَ اللهُ عنهُ لمّا رَجَفتْ الأرضُ بالمدينةِ.

(استعتب) تُستَعمَلُ في اللُّغةِ بمعنىٰ طلبِ العُتبَىٰ. أيْ: الرجوعُ إلىٰ ما يُرضِي العاتِب ويَسُرّه.

رَجَفَتْ الأَرضُ بِالكُوفَةِ عَلَى عَهْدِ ابنِ مَسْعُودٍ، فقالَ: يَا أيُّها النَّاسُ! إنَّ رَبَّكُمْ يَسْتَعْتِبُكُمْ؛ فأعْتِبُوهُ.

للأسف هقولها حتى لو الحق بيزعل 90 ٪ من منتقبات السوشيال ميديا لا يصلحوا للزواج لما تطلعي تتمايلي وترقصي قدام الكاميرا لما تبقى عمالة تصوري عيونك وانتي حاطة ماسكرا وكحل وتعالوا يا جماعة شوفوا عيوني حلوة اد ايه وحواجبي مظبوطة ازاي وايدي بيضا ازاي ودمي خفيف اوي لما تطلعي تهزري ونهيء ونميء ده اسمه ايه ؟ ولا تطلعي لازقة في خطيبك كأنه جوزك هو حضرتك لابسة النقاب ليه ؟ لو متعرفيش فهو عشان الستر والعفة مش عشان الشو واللايكات والشيرات اتقي ربنا في نفسك شوية عشان كدا غلط والله مينفعش تبقي منتقبة ومعندكيش حياء لكن الموضوع زاد جدا جدا انتي بتفتني غيرك لما بنت منتقبة تشوفك وتشوف الناس كلها وهي بتعلقلك وتقول طب م أنا منتقبة كمان ويمكن شكلي أحسن منها طب م اعمل زيها كل ده في ميزان سيئاتك انتي فكري كويس انتي ليه لابسة النقاب عشان ربنا يجازيكي الخير عليه. - د/ محمد سلامة.

" لا خيرَ في لَـذَّةٍ مِن بَعدِها النَّارُ " - الامام أحمدُ بنُ حَـنبلٍ رحمهُ اللهُ.

" مُشكلتُكم أنّكم انشغلتُم بتفاصيل الدُنيا عن الآخرة، وبالمخلوقات عن الخالِق، حتى أنّكم فى صَلاتِكم لتُفكِّرُون فى كُلّ شَيءٍ عدا المعبود، وتَتأمَّلُون في كُلّ لَفْتةٍ عدا الآيات، ولو أنّكم أَيْقَنتُم أنّكم عن هذه الدنيا راحِلُون، وأنّكم أدواتٌ تُصِيغون التفاصيل ليس إلّا، وأننا جميعًا نَتحرَّك بأمرِ الله، وانشغلتُم بالآمر عن المأمور، ليسَّرَ اللهُ عليكم وسَخَّرَ لكم الدُنيا وما فيها عند أقدامِكم، ولَوَجدتُم لكُلّ مُشكلةٍ حلّاً مِن حيثُ لا تَدْرُون، ولكُلّ ضِيقٍ مَخرجًا من حيثُ لا تَظنُّون، حتى أنّكم لَتَحْسَبُون أن هذه الدُنيا كُلّها قد فُصّلتْ لأجلكم تَفصيلاً " - الفارسُ أحمد شُقير رَحِمَه اللهُ.

" إنّي أرَى أنَّ المَوْتَ اليوم كَرامةٌ لكُلِّ مُسلِمـٍ لَقِيَ اللهَ على السُّنة، فإنّا للهِ وإنّا إليهِ رَاجِعُون، فإلى اللهِ نَشكُو وَحْشَتنا، وذِهابَ الإخوانِ، وقِلّةَ الأعوانِ، وظُهورَ البِدعِ، وإلى اللهِ نَشكُو عظيمَ ما حَلَّ بهذهِ الأُمَّةِ مِن ذِهابِ العُلماءِ وأَهلِ السُنَّةِ، وظُهورِ البِدعِ " - الإمامُ عبدُ اللهِ بنُ المُبارَك رَحِمَه اللهُ. (للعلم: الامامُ مات سنة: ١٨١هـ)

" وَبَدَا لَهُم مِّنَ اللَّهِ مَا لَمْ يَكُونُوا يَحْتَسِبُونَ " قال الامامُ القُرْطُبيّ رَحِمَه اللهُ: وقيل: عَمِلُوا أعمالًا تَوَهَّمُوا أنّهم يتوبُون منها قبل المَوْتِ فأَدْرَكَهُم المَوْتُ قبل أن يتوبُوا، وقد كانوا ظَنُّوا أنّهم يَنْجُون بالتَوْبةِ. ويَجُوزُ أن يكونوا تَوَهَّمُوا أنّه يُغْفَرُ لهم من غير تَوْبةٍ فـ بدا لهم من الله ما لم يكونوا يَحْتَسِبُون من دُخولِ النّار.

" سَنَسْتَدْرِجُهُم مِّنْ حَيْثُ لَا يَعْلَمُونَ " قال سُفْيانُ الـثـَّوْريّ: نُسْبِغُ عليْهُم الـنـِّعمَ ونُنسِيهُم الشُّكرَ. وقال الحَسَنُ: كَم مُسْتَدرَجٌ بالإحسانِ إليْه، وكَم مَفْتُونٌ بالثَّناءِ عليْه، وكم مَغْرُورٌ بالسِّترِ عليْه. وقال أبو رَوْقٍ: أيْ كُلما أَحْدَثُوا خَطيئةً؛ جَدَّدنا لهم نِعْمةً وأَنْسَيْناهُم الاستغفارَ. وقِيل أن رجُلاً مِن بني إسرائيلَ قال: " يا ربِّ! كم أَعصِيكَ وأنتَ لا تُعاقِبُني! " فأَوْحَىٰ اللهُ إلى نبيِّ زمانِهِم أنْ قُلْ له: " كَم مِن عُقُوبةٍ لي عليْك وأنتَ لا تَشْعُرُ! إنَّ جُمُودَ عينيْكَ وقَساوةَ قلبِكَ استدراجٌ مني وعُقُوبةٌ لو عَقَلْتَ " - تفسيرُ الإمام القُرْطُبِيّ رَحِمَه اللهُ.

لقيت فيديو جميل جدًا عن شاب عنده قطة صغيرة، وكان بيحاول يلعب معها، ولكن القطة لا تستجيب نهائيًا مع الألعاب اللي بيعملها قدامها وكأنها مش حاسة بالعالم اللي هي موجودة فيه. قرر الشاب إنه ياخدها ويروح للطبيب البيطري يكشف عليها، عشان في الآخر يطلع من عند الدكتور وهو في حالة صدمة شديدة بإن القطة عمياء لا ترى، وكان مخنوق جدًا بسبب الخبر دا، ولكن قرر إنه يروح حديقة ويلاعبها، وقال هخليها تشوف العالم من خلالي أنا، فيديو صغير لطيف وأحببت تصرُّف الشاب بإنه كان راضي عن قدر الله فيها ومش هيتخلّى عنها. المهم، حبيت أقرأ التعليقات المكتوبة، وهي ما بين ثناء على تصرُّفه وشُكر ونصائح وغيره، لكن مافيش غير تعليق واحد لفت نظري، وهزني من الداخل، وخلّى الواحد يفكر بشكل تاني، وأنا هنقل التعليق كما هو ومش هعلّق عليه، وهسيب خيالك يوصل بك للي أنا عاوز أقوله، بس مش هقوله. التعليق: مرة سمعت في أحد الفيديوهات رجل يتكلم مع قطه الاعمى الذي يحبه كثيرا فقال له: انا عينك في الدنيا التي تبصر بها وانت لساني في الآخرة الذي ستنطلق به....

هتجري الايام بيك وتعرف ان اغلب جدلك مع الناس كان مضيعة للوقت وزهق على الفاضي ومساحات من الكلام بغير علم. خلي علاقتك مع الناس المختلفة تقول اللي عايزه في جولة او اتنين وتقف خلاص تفرمل. وارد نعمل استثناءات بس القاعدة حفظ نفسك ووقتك. اطالة النفس في النقاش يكون مع ناس تعرف رجاحة عقلهم وديانتهم امر بمعروف وانهى عن منكر وانصح لكن كل ده بحكمة وتفكر

" إمّا أن تتغيَّر؛ أو سيتكرَّر نفس اليوم إلىٰ الأبد " - لقائله.

" ما في المقابر مِن دَفينٍ إلا وهُو مُتَألِّمٌ مِن (سَوْفَ) " - الإمام ابنُ الجَوزيّ رحمه اللهُ.

#ومضات (23) أي رجُل في شخصيته معالم الرجولة والمُروءة هتلاقي هو مزيج من كذا حاجة، وأعلاهم: اللسان، القلب، والجسد. كُل ما يخرج من اللسان -وباقي الأعضاء- فهو نتاج ما وَقرَ في القلب بما نسميه الأخلاق، فإن خيرًا فقلبُه به خير، وإلا فالعكس. لكن كلامنا هنا مش عن أول جُزئين (اللسان والقلب).. بل عن الجسد. مما لا شك فيه إن أي رجُل يُهاب من قوة جسده، سواء يستخدم القوة دي في الخير أو في الشر، كلاهما مُهاب من القوة نفسها، فالقوة هي اللي بقت مصدر هيبة الرجُل. أنا مش هكلمك كشاب عن مدى تأثير بناء جسمك والأكل كويس على صحتك وعلى حياتك وحياة أسرتك، وبالتالي انعكاس على حياة الأُمة وقوة دينك! ذكرت قبل كدا إن الأعداء فاهمين كويس إن قوة الإسلام تكمن في الشباب، لأنهم بيدرسوا تاريخنا بتفاصيله أكتر مننا، فمن البداية خالص الرُسل والأنبياء.. سيدنا مُوسى عليه السلام (فوكزه موسى فقضى عليه).. هو زقه بس حاجة بسيطة فالرجل وقع ومات! تعال للصدر الأول من الإسلام لأن التاريخ سجّل كتير جدًا جدًا.. سيدنا عُمر بن الخطاب، سيدنا خالد بن الوليد.. وما أدراك القوة الجسدية لسيدنا خالد، وكان مفتول العضلات، وبمفهوم العصر كدا كأنه شاب بيلعب كمال أجسام بالظبط.. حتى سمعت قبل كدا إن حد قدّر وزن سيفه بس بحوالي 30 كيلو جرام.. وأظن واضح من الوزن مدى كبر يده وعضلاته، وسيدنا خالد والصحابة الفاتحين بالذات لم يكونوا كبار في السن، بل شباب.. وأنا لو ذكرت كل أبطال الإسلام فأنا هحتاج مُجلدات والله، كالقعقاع وعمرو بن العاص و.. الخ. أنت كشاب عليك بناء جسمك، روح للجيم، وكل تأخير في حق جسمك هينعكس عليه تأخير في حياتك وتأخير في انبعاث الأُمة من جديد. لو مش متاح معك تروح للجيم عشان المصاريف، فعلى الأقل قم باللعب في بيتك تمارين، وابحث عن برنامج على الموبايل اسمه home workout .. دا أشهر برنامج وأفضلهم لأنه بيحدد معك كل تمرين تعمل ايه وتعمله كم مرة وهكذا.. وما لا يُدرَك كُله لا يُترَك جُله. التمارين هتزيد ثقتك في نفسك، وبعيدًا عن القوة الجسدية (المطلوبة دينيًا) فأنت على الأقل هتكون رجُل ذو هيبة، وأهل بيتك عمومًا قادرين يكونوا في حماية رجُل قادر يدافع عنهم وقت الخطر .. وصدقني فيه مواقف هتقابلها في يومك وفي بيتك هتحتاج فيها تشيل حاجة من مكانها وهكذا، وهتحتاج القوة عشان تنقلها، فهتنقلها ازاي؟ ابدأ من النهاردة، وكل وقت التمارين مش هياخد نص ساعة أو ساعة بالكتير، ولو هتروح للجيم فأنصحك تبدأ مع مُدرب عشان ماتندفعش ويحصل حاجة في جسمك لا قدر الله، ابدأ واستعن بالله. وشوف قدامك جنود القسّام، ماتفتكرش إن دي قوة ايمانية فقط، بل تدريب شاق وصعب على مدار سنين عشان يوصلوا للحال دا.. وأخص بالذكر قوات النُخبة في القسام (الكوماندوز) .. واللي هم بالمُناسبة كانوا في المُقدمة مع الجنود في 7 أكتوبر، واليهود نفسهم يعتبروهم أفضل قوات حماس على الإطلاق! قُم وابدأ.. واجعل نيّتك إنك تفيد نفسك وأُمتك، ولا تجعل نيّتك إنك تظهر شاب حلو عشان البنات تبص عليه، فهذا ليس من صفات الرجُل صاحب المروءة! قُم ببناء جسمك عشان لو دينك احتاجك في ثغر تكون جاهز، وطبعًا مش القوة الجسدية بس اللي يتم الاختيار عليها، وفيه حاجات تانية أكيد.. ولكن هي أعظمهم خصوصًا في مواطن الجهاد مع الإيمان القوي. ومش عاوزك تنسى إن بعد ما تبقى صاحب جسم كويس وربنا أعطاك قُوة؛ إنك تستخدم القُوة دي في الخير، وتنصر بها المظلوم على الظالم، وتكون عونًا لإخوانك في الدين. وحضرتك كفتاة قارئة للكلام دا، فأنا أشجعك بقُوة إنك تكلمي كل محارمك في إنهم ياخدوا بالهم من الموضوع دا، ولكن بصورة كويسة عشان بعض الرجال ممكن يحسوها اهانة، اختاري الوقت المُناسب واتكلمي.. وانتقي كلامك بما لا يجرح المروءة. والسلام. اضغط هنا لقراءة باقي السلسلة

من المواقف التي حَدثتْ أمامي ولا أنساها: كُنتُ أشتري شيئًا ما، وكان بجانبي شابٌ يُريد شراءَ شيءٍ من نفسِ المحل، وأثناء تحضير صاحب المحلّ للأشياء التي نُريد؛ أتى شابٌ آخرٌ وقد كان يعرفُ الشابَ الأوَّلَ، ثُم تبادلا الحديثَ معًا وكان صوتُهُما عاليًا يَسمعُه الغَيْرُ. فقال الشابُ الأوَّلُ -مازحًا: أنت رَبِّيت دقنك ليه؟ هو أنت بقيت شيخ مسجد ولا إيه؟ فقال الشاب الثاني -وهو يضحكُ: لا طبعًا، أنت عارف إنه مش طريقنا.