គណបក្សប្រជាធិបតេយ្យមូលដ្ឋាន

https://youtu.be/OrRY_5Yhr4g?si=jf57RsapZ2X4Sz3-

កម្មវិធីស្ម័គ្រចិត្ត យុវជន គបម មានគោលបំណងពង្រឹងភាពជាអ្នកដឹកនាំនយោបាយរបស់យុវជន ​តាមរយៈ​​​ការបន្ត​សិក្សា ចុះធ្វើការ និងបង្កើតមិត្ត ដើម្បីឲ្យប្រទេសកម្ពុជាមានអ្នក​ដឹកនាំល្អ​​ តាមបែបប្រជាធិបតេយ្យសេរីពហុនិយម ជាច្រើន។  ព័ត៌មានលំអិត៖ forms.gle/AjT2N9kk3PEKaj9Q6

សូមស្តាប់បទសម្ភាសន៍លោកអគ្គលេខាធិការបក្ស អំពីបញ្ហាហិរញ្ញវត្ថុគណបក្ស៖ https://youtu.be/_cPLRg7CRNA?si=ozTMUzLQtbZsBTEN

ថ្នាក់ដឹកនាំគណបក្សប្រជាធិបតេយ្យមូលដ្ឋាន បានអញ្ជើញទៅទទួលលោកស្រី សែម សុផល សកម្មជនគបម ដែលត្រូវបានដោះលែងឱ្យមានសេរីភាពឡើងវិញ នៅថ្ងៃទី១៧ ខែមិថុនា ឆ្នាំ២០២៦។ លោកស្រីរងការចោទប្រកាន់ និងជាប់ពន្ធនាគារដោយអយុត្តិធម៌រយៈពេល២២ខែ។

សារលិខិតថ្វាយព្រះពរ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល នៅក្នុងព្រះរាជឱកាសនៃព្រះរាជពិធីបុណ្យចម្រើនព្រះជន្មវស្សា គម្រប់៩០ព្រះវស្សា យាងចូល៩១ព្រះវស្សា។

នៅថ្ងៃទី៣១ ខែឧសភា ឆ្នាំ២០២៦ គណៈកម្មាធិការនាយក ដែលជាអង្គការកំពូលទី២របស់គណបក្ស បានរៀបចំកិច្ចប្រជុំរបស់ខ្លួន ដោយមានការចូលរួមពីប្រតិភូតំណាងសមាជិកមកពីថ្នាក់ក្រោមជាតិ ក្រុមយុវជន និងក្រុមប្រឹក្សាគោលនយោបាយរបស់គណបក្ស។ កិច្ចប្រជុំបានផ្តោតលើការវិវត្តន៍នៃស្ថានភាពនយោបាយកម្ពុជា បទបង្ហាញអំពីរបាយការណ៍ការងារ និងពិភាក្សាអំពីទិសដៅរបស់គណបក្សឆ្ពោះទៅកាន់ការបោះឆ្នោតខាងមុខនេះ។

២៦ ឧសភា ២០២៦ - សេចក្តីថ្លែងការណ៍ ស្តីពី ការស្វាគមន៍ចំពោះការលើកលែងទោស លោក កឹម សុខា និងការអំពាវនាវឱ្យមានការសន្ទនានយោបាយដើម្បីឯកភាពជាតិ

ខេត្តពោធិ៍សាត់៖ នៅថ្ងៃទី២៣ ខែឧសភា ឆ្នាំ២០២៦ ថ្នាក់ដឹកនាំនៃគណបក្សប្រជាធិបតេយ្យមូលដ្ឋាន រួមមានលោក សេក សុខា ប្រធានគណបក្ស, លោក ធួក បូណា ប្រធានគណៈកម្មាធិការដោះស្រាយវិវាទ និងវិន័យ, លោក លីម ប៊ុងគា អគ្គលេខាធិការ ព្រមទាំងថ្នាក់ដឹកនាំគណបក្សខេត្តពោធិ៍សាត់ និងសកម្មជននៃសាខាគណបក្សមូលដ្ឋាន បានអញ្ជើញចូលរួមគោរពវិញ្ញាណក្ខន្ធ និងរៀបចំពិធីបុណ្យសព លោក សោ ឡាង សកម្មជន គបម ឃុំរំលេច ស្រុកបាកាន ដែលទទួលមរណភាពដោយរោគាពាធ។ ​ ក្នុងឱកាសនោះដែរ លោក សេក សុខា តំណាងឱ្យគណបក្សប្រជាធិបតេយ្យមូលដ្ឋាន បាននាំយកថវិកាសាមគ្គីមូលដ្ឋាន ទៅចូលរួមបុណ្យសព លោក សោ ឡាង ដើម្បីជួយសម្រាលបន្ទុកចំណាយផ្សេងៗរបស់ក្រុមគ្រួសារសព។

លទ្ធផលសមាជ! គណបក្សប្រជាធិបតេយ្យមូលដ្ឋាន មានសេចក្តីរីករាយសូមជម្រាបជូនសមាជិកគណបក្ស និងសាធារណជនមេត្តាជ្រាបថា ក្រសួងមហាផ្ទៃបានទទួលស្គាល់លទ្ធផលសមាជវិសាមញ្ញាថ្នាក់ជាតិរបស់ «គបម» ដែលបានប្រារព្ធធ្វើ កាលពីថ្ងៃទី២២ ខែមីនា ឆ្នាំ២០២៦កន្លងទៅនេះ។ សូមអានលិខិតខាងក្រោម សម្រាប់ខ្លឹមសារលំអិត។ គណបក្សប្រជាធិបតេយ្យមូលដ្ឋាន ប្តេជ្ញាចិត្តអនុវត្តគោលការណ៍ប្រជាធិបតេយ្យផ្ទៃក្នុងពីក្រោមមកលើ សមាជិកមានភាពជាម្ចាស់ និងបណ្តុះបណ្ដាលអ្នកដឹកនាំបែបប្រជាធិបតេយ្យជាច្រើននៅតាមមូលដ្ឋាន និងតាមវិស័យ ក្នុងគោលបំណងរួមចំណែកកសាងសង្គមប្រជាធិបតេយ្យដ៏ពិតប្រាកដ និងល្អប្រពៃមួយ ដែលប្រជាពលរដ្ឋរស់នៅមានជីវិតថ្លៃថ្នូរ និងប្រទេសជាតិមានអធិបតេយ្យពេញលេញ។

នៅក្នុងវរោកាសដ៏ឧត្តុង្គឧត្តម នៃព្រះរាជពិធីបុណ្យចម្រើនព្រះជន្មរបស់ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា គម្រប់ព្រះជន្ម ៧៣ យាងចូល ៧៤ ព្រះវស្សានេះ គណបក្សប្រជាធិបតេយ្យមូលដ្ឋាន សូមក្រាបបង្គំទូលថ្វាយព្រះពរសព្ទសាធុការ និងថ្វាយ ព្រះរាជកុសលចំពោះ ព្រះមហាក្សត្រ ជាទីគោរពសក្ការៈដ៏ខ្ពង់ខ្ពស់បំផុត ដើម្បីបានគង់ប្រថាប់នៅក្នុងព្រះបរម សិរីរាជសម្បត្តិ និងជាម្លប់ដ៏ត្រជាក់ត្រជំរបស់ប្រជារាស្ត្រ យូរអង្វែងតរៀងទៅ។

គណបក្សប្រជាធិបតេយ្យមូលដ្ឋាន pinned a photo

ក្រុមការងារ គបម ខេត្តសៀមរាប និងក្រុមការងារ គបម ឃុំស្រែណូយ បានរៀបចំកិច្ចជំនួបមួយ ដើម្បីស្វែងយល់អំពីតម្រូវការរបស់ប្រជាពលរដ្ឋ។ កិច្ចការនេះមានសារៈសំខាន់ណាស់ ដើម្បីឲ្យបេក្ខជនមេឃុំ មកពីគណបក្សប្រជាធិបតេយ្យមូលដ្ឋាន ត្រៀមខ្លួនដោះស្រាយបញ្ហារបស់អង្គបោះឆ្នោតរបស់ខ្លួនឲ្យបានល្អ។ កម្មវិធីនេះបានរៀបចំឡើងក្នុងភូមិល្វា ឃុំស្រែណូយ ស្រុកវ៉ារិន ខេត្តសៀមរាប នៅថ្ងៃទី០៩ ខែឧសភា ឆ្នាំ២០២៦។

គណបក្សប្រជាធិបតេយ្យមូលដ្ឋាន pinned «តើដល់ពេលដែលយើង ត្រូវឈប់ជឿលើ "បុគ្គលនិយម" ហើយប្តូរមកជឿលើ "ប្រព័ន្ធនិយម" វិញឬនៅ? ​ក្នុងប្រវត្តិសាស្ត្រនយោបាយកម្ពុជា យើងធ្លាប់ឆ្លងកាត់ការផ្អែកលើបុគ្គលម្នាក់ៗ ឬមេដឹកនាំខ្លាំងៗជាច្រើនជំនាន់មកហើយ។ ប៉ុន្តែ តើយើងសង្កេតឃើញទេថា នៅពេលបុគ្គលនោះអវត្តមាន ស្ថាប័នក៏ចុះខ្សោយ…»

តើដល់ពេលដែលយើង ត្រូវឈប់ជឿលើ "បុគ្គលនិយម" ហើយប្តូរមកជឿលើ "ប្រព័ន្ធនិយម" វិញឬនៅ? ​ក្នុងប្រវត្តិសាស្ត្រនយោបាយកម្ពុជា យើងធ្លាប់ឆ្លងកាត់ការផ្អែកលើបុគ្គលម្នាក់ៗ ឬមេដឹកនាំខ្លាំងៗជាច្រើនជំនាន់មកហើយ។ ប៉ុន្តែ តើយើងសង្កេតឃើញទេថា នៅពេលបុគ្គលនោះអវត្តមាន ស្ថាប័នក៏ចុះខ្សោយ ឬរលាយទៅតាមនោះដែរ? គណបក្សប្រជាធិបតេយ្យមូលដ្ឋាន (គបម) បង្កើតជម្រើសថ្មីតាមរយៈ "ប្រការ១០" នៃលក្ខន្តិកៈរបស់ខ្លួន ដែលជាបេះដូងនៃនយោបាយបែបវិទ្យាសាស្ត្រ និងតម្លាភាព។ ​ខាងក្រោមនេះ ជាហេតុផល៦យ៉ាង ដែលអ្នកគួរមកសាងអនាគតជាតិ ជាមួយគ្នា៖ ​១. បក្សជារបស់អ្នក មិនមែនជារបស់ "មេ" (សមាជិកាធិបតេយ្យ) ​យើងមិនមែនជាបក្សដែលចាំស្ដាប់តែបញ្ជាពីលើចុះក្រោមនោះទេ។ នៅទីនេះ យើងប្រើប្រព័ន្ធ "សមាជិកាធិបតេយ្យ"។ សមាជិកគឺជាម្ចាស់អំណាចពិតប្រាកដ មានសិទ្ធិសម្រេចលើវាសនាបក្ស និងជ្រើសរើសថ្នាក់ដឹកនាំដោយតម្លាភាព។ បើអ្នកចង់បាននយោបាយដែល "សំឡេងរបស់អ្នកមានតម្លៃ" ទីនេះគឺជាកន្លែងរបស់អ្នក។ ​២. នយោបាយដែលផ្ដើមចេញពី "មូលដ្ឋាន" (វិមជ្ឈការ) ​យើងជឿជាក់លើសមត្ថភាពរបស់ពលរដ្ឋនៅមូលដ្ឋាន។ តាមរយៈគោលការណ៍ "វិមជ្ឈការ" យើងផ្ទេរសិទ្ធិសម្រេចទៅឱ្យថ្នាក់ក្រោមជាតិ។ អ្នកដែលដឹងសុខទុក្ខភូមិឃុំច្បាស់ជាងគេ គឺជាអ្នកសម្រេចចិត្ត មិនមែនអង្គុយចាំតែក្រដាសបង្គាប់ការពីលើឡើយ។ ​៣. អ្នកដឹកនាំគឺជា "អ្នកបម្រើ" មិនមែនជា "ចៅហ្វាយ" ​នៅ គបម យើងផ្លាស់ប្តូរផ្នត់គំនិតអ្នកដឹកនាំ។ មេដឹកនាំរបស់យើង ដើរតួនាទីជា "អ្នកសម្របសម្រួល" និង "អ្នកពង្រឹងសមត្ថភាព"។ យើងមិនត្រូវការ អ្នកដឹកនាំដែលមកគៀបសង្កត់ ឬបង្គាប់បញ្ជានោះទេ។ យើងត្រូវការ អ្នកដឹកនាំដែលចេះជួយជ្រោមជ្រែងឱ្យសមាជិក និងយុវជនក្លាយជាមេដឹកនាំបន្តវេនដោយខ្លួនឯង។ ​៤. ឯករាជ្យភាពចេញពី "ភាពជាម្ចាស់" (ស្វ័យភាពហិរញ្ញវត្ថុ) ​ដើម្បីជៀសផុតពីឥទ្ធិពលខុសច្បាប់ ឬម្ចាស់ជំនួយផ្ដាច់ការ យើងពង្រឹង "ស្វ័យភាពហិរញ្ញវត្ថុ"។ ការចូលរួមវិភាគទានពីសមាជិកម្នាក់ៗ គឺជាខែលការពារឯករាជ្យភាពរបស់បក្ស និងធានាថា គោលនយោបាយរបស់យើង ធ្វើឡើងដើម្បីផលប្រយោជន៍ជាតិសុទ្ធសាធ។ ​៥. ឱកាសសម្រាប់យុវជន និងស្ត្រី (សមធម៌) ​យើងមិនត្រឹមតែនិយាយអំពីសិទ្ធិស្ត្រី និងយុវជននៅក្នុងសុន្ទរកថានោះទេ ប៉ុន្តែយើងដាក់បញ្ចូលក្នុង "រចនាសម្ព័ន្ធសម្រេចចិត្ត" តែម្ដង។ យើងផ្តល់ឱកាសស្មើគ្នា ដើម្បីឱ្យថាមពលយុវជន និងភាពហ្មត់ចត់របស់ស្ត្រី ក្លាយជាកម្លាំងរុញច្រានសង្គមឱ្យមានតុល្យភាព។ ​៦. ការបើកចំហ និង ភាពស្ម័គ្រចិត្ត ​យើងស្វាគមន៍រាល់ពលរដ្ឋ ដែលមានឆន្ទៈចង់ឃើញការផ្លាស់ប្តូរជាប្រព័ន្ធ។ គ្មានការបង្ខិតបង្ខំ គ្មានការគំរាមកំហែង។ អ្នកមកចូលរួមជាមួយយើងដោយ "បេះដូង" និង "បញ្ញា"។ ​យុវជន និងបងប្អូនរួមជាតិជាទីគោរព! នយោបាយបែប "ជឿលើប្រព័ន្ធ" គឺរឹងមាំជាងនយោបាយបែប "ជឿលើបុគ្គល"។ ប្រព័ន្ធដែលល្អ នឹងបង្កើតបានអ្នកដឹកនាំដែលល្អជាបន្តបន្ទាប់។ ទោះបីជាបុគ្គលប្រែប្រួល ក៏ស្ថាប័ននៅតែរឹងមាំ។ ​សូមអញ្ជើញមកចូលរួមជាមួយ គណបក្សប្រជាធិបតេយ្យមូលដ្ឋាន ដើម្បីរួមគ្នាសាង "អនាគតជាតិ" ដែលមានមូលដ្ឋានគ្រឹះរឹងមាំសម្រាប់យើងទាំងអស់គ្នា និងកូនចៅជំនាន់ក្រោយ!