Gedeo Zone Communication

‎የጌዴኦ ዞን አስተዳደር ለመንግስት ሰራተኞች ሰርቪስ የሚውሉ ሁለት ዘመናዊ ባሶችን አስገባ ‎ ‎#ዲላ #ሐምሌ 1/2017 ዓ/ም ‎የጌዴኦ ዞን አስተዳደር 44 ሚሊየን ብር ወጪ የተደረገባቸውን ለመንግስት ሰራተኞች ሰርቪስ የሚውሉ ሁለት ዘመናዊ ባሶችን አስገብቷል። ‎ ‎ከጊዜ ወደ ጊዜ እየተባባሰ የመጠውን የከተማ ውስጥ የትራንስፖርት ችግር ለመፍታትና የመንግስት ሰራተኞች አገልግሎት አሰጣጥ ይበልጥ ለማቀላጠፍ ታስቦ የተገዛው የትራንስፖርት ባሶች መሆናቸው ተመልክቷል። የህንድ ስሪት የሆነና EICHER የሚል ስያሜ ያለው ይህ ዘመናዊ የህዝብ ማመላለሻ ባስ በውስጡ 61 ወንበር ያለው በመሆኑ የመንግስት ሰራተኞች የትራንስፖርት ችግር ለመፍታት ከፍተኛ ፋይዳ እንደሚኖረው ተጠቁሟል። የጌዴኦ ዞን ዋና አስተዳዳሪ ዝናቡ ወልዴ (ዶ/ር) የባሶቹን ቁልፍ በተረከቡበት ወቅት እንደተናገሩ ‎ሀብት በመፍጠር፣ በመቆጠብና በአግባቡ ሥራ ላይ ማዋል የብልጽግናችን ዋነኛው እሳቤ ነው ብለዋል። የጌዴኦ ዞን ብልጽግና ፓርቲ ቅርንጫፍ ጽ/ቤት ኃላፊና ዋና የመንግስት ተጠሪ ኢንጂነር ተመስገን ጥላሁን በበኩላቸው ከሰራን ማንኛውንም ነገር ማድረግ እንደምንችል ማሳያ የሆነ ተግባር በተባበረ ክንድ ማከናወን ችለናል ብለዋል።

በዞኑ ዋና አስተዳዳሪ የተመራው ልዑካን ቡድን በቻይና የነበረው የልምድ ልዉዉጥ በሰኬት አጠናቀዋል ጌዴኦ ዞን አስተዳደር፣ ዲላ ዩኒቨርስቲና በኢትዮጵያ ብሔራዊ ቡና ማህበር የተመራ ልዑክ በቻይና ዩናን የግብርና ዩኒቨርስቲ እና ትሮቲካል ክሮፕ አካዳሚ በቡና ልማት ግብይትና ዝግጅት ላይ ስያደርግ የቆየዉን የልምድ ልዉዉጥ በሰኬት በማጠናቀቅ ወደ ሀገር ቤት ተመልሰዋል። በልምድ ልዉዉጡ ላይ የተሳተፉት የጌዴኦ ዞን ዋና አስተዳዳሪ ዝናቡ ወልዴ (ዶ/ር) ቻይና ከፍተኛ ቴክኖሎጂ በመጠቀም ቡና ማምረት መጀመሯን ገልፀው ይህንን ተሞክሮ ወደ ተግባር በመቀየር የአርሶ አደሩ ከፍተኛ የኢኮኖሚ ተጠቃሚነትን ለሚያረጋግጥ እንደሚሰራ አብራርተዋል። ለዚህም ይህን ምርጥ ልምድ በጥናትና በምርምር ለመታገዝና ለማስፋፋት ከዩኒቨርስቲ ተመራማሪዎችና ፕረዚዳንቶች ጋር የጋራ መግባባት ስለመፈጠሩ አዉስተዋል። የልዑካን ቡድን በዩናን የግብርና ዩኒቨርሲቲ ትሮፒካል ሰብል ኮሌጅ ጥናትና ምርምር የጎበኙ ሲሆን በቀጣይም ጥልቅ ትብብርን በማጎልበት ልምዶችን በምርምር በማገዝ ፣ በሳይንሳዊ ምርምርና ፈጠራ እንዲሁም በማህበራዊ አገልግሎቶች በማስተባበር የቡና ኢንዱስትሪን ጥራት ያለው ልማት ለማስቀጠል ለመስራት የሚያስችል ዉይይት ተደርጓል። @የጌዴኦ ዞን መንግስት ኮሙኒኬሽን