هيثم النائب - Haitham alnaeb

هل لازم يكون كل أعضاء الفريق مهندسين سياق محترفين؟ Context engineers? لا تخلي العمل محدود بمهارات كل شخص بكتابة البرومبت ابني قاعدة معلومات شاملة عن كل مشروع وعطي وصول مباشر لاعضاء الفريق اللي الهم علاقة - ما عاد في داعي لاعادة للشرح للأعضاء الجدد - ما في داعي كل واحد يبني قاعدة معلومات - ما عاد يلزم شرح عن المشروع مع كل محادثة - نتائج وحلول عملية كونها واعية لكل ميزات المشروع الحالية والمستقبلية طريقة بناء قاعدة المعلومات مختصرة بالصورة

هل فعلاً لازم نتابع أخبار النماذج؟ الاسبوع الماضي شاركت مع عدة مطورين هالصورة من DeepSeek عم يعلنوا الاصدار الجديد DeepSeek V4 Flash 7/31 اللي بيتفوق باعترافهم على DeepSeek V4 Pro بالذكاء وبالسرعة وبالكلفة، $0.09 للمليون توكن (فرق خمس أضعاف) لدرجة أن ربع المطورين (على OpenRouter) حولوا شغلهم عليه آخر كم يوم أمس بكتشف كذا مطور منهم ما زالوا عم يواجهوا مشاكل باستنزاف رصيد ال AI لأن ما زالو عم يستخدموا DeepSeek V4 Pro ! لما سألتهم عن السبب، كان أنو ما غيروا النموذج لأن مستخدمين واحد ومرتاحين عليه 🥲 نحن بزمن التغيير السريع، والأفضلية بالسوق للي بيتأقلم أسرع ولكل استخدام في نموذج انسب اللي حابب يعرف من وين بعرف اي نموذج نزل اليوم: https://lmmarketcap.com/new-ai-models

بتكون عم تستخدم الذكاء الاصطناعي وبتحس اداء الموديل كتير صاير سيء وما عم يفهم مع أنو كان كويس سبب أساسي شائع هو طول السياق (الكونتكست) تم اجراء اختبارات على كتير نماذج وأثبتت أغلبها تراجع كبير للأداء كل ما كان السياق أطول خلي عينك على على طول الكونتكست بالمحادثة اذا حسيت انها من البداية عم تكون فوق 32 ألف توكن او فجأة عم تكبر للمية ألف توكن فهاد ما رقم طبيعي اطلب من الايجنت نفسه يحلل آخر محادثة و يطالعلك ملخص محتوى الكونتكست احيانا بتكون نسيان ملفات instructions قديمة او مهارات ما عادو لازمين عالنماذج الجديدة او رابط ادوات ما كتير استخدمتهم احذفهم من الذاكرة ايضا ممكن يكون السبب انو طولت بالمحادثة افتح محادثة جديدة لكل جزئية منفصلة وشوف الفرق بجودة النتيجة #خدلك فكرة

شركة HackerRank لتقييم المتقدمين لفرص التوظيف للتقنيين عملت وكيل ذكي مفتوح المصدر بحول اي CV الى تقييم مع مؤشرات لتصفية وتجاهل وقبول آلاف طلبات التوظيف بالامكان تجربته شغال على الرابط التالي ورفع السي في الخاصة فيك بدون تسجيل لمعرفة تقييمك بالانظمة تبعهم مع ملاحظات كيف كان ممكن يكون تقييمك أعلى https://resume-reality-check-seven.vercel.app/

لا تبني وكيل ذكي للواتساب! ميتا نزلت نظام متكامل لوكيل ذكي ضمن الواتساب جربته من كم يوم، بيتعلم من المحادثات آليا وبضل بطور حاله! اليوم صار ممكن تربط وكيل ميتا مع موقعك الخاص او CRM أو متجرك أو حتى يدير مواعيدك بحيث لما حدا يتصل يحجزلو الموعد خلال المكالمة! صاحب البزنس بشوف كل المحادثات سواء واتساب أو فيسبوك او انستاغرام بدون ما يعمل اي ربط أو تطبيقات! من خلال واجهة مخصصة مع صلاحيات متقدمة ميتا صرفت ميزانيات هائلة لتوصل لهون، و هي بداية الاطلاق، في خدمات كتير رح ينزلوها تباعاً طيب شو بنعمل بالكود اللي بنيناه؟ الورك فلو اللي عملناه؟ كان أمر معروف أنو الشركات العملاقة حاطة عينها تنافس بهالمجال، ومتوقع بعصر التغير السريع انو اللي عم تبنيه اليوم رح يتغير بكرا طيب اللي شغال بالوكلاء الذكيين شو ييشتغل لكان؟ هاد الشي فتح مجال عمل جديد اليوم صاحب البزنس الغير تقني أو غير متفرغ ما رح يعرف يعمل اعداداتها ويديرها كلها ويوفر التكاليف رح تطلع فاتورته مليون ويبطل ويرجع يدوي لهالشي رح ينطلب مطورين معتمدين من META لحتى يبنو ويديرو هالوكلاء أبدأ بالحصول على شهادة ميتا ابحث عن المجالات اللي رح يزيد عليها الطلب

هل الطريقة الوحيدة لتنفيذ مهام على الويب عبر الذكاء الاصطناعي هي بواسطة ال Agentic browser ؟ او المتصفح ذو الوكيل الذكي؟ شركة علي بابا عملت حل بدون ما ينصب المستخدم متصفح خاص أو اضافات متصفح أو حتى أكواد مكتبة لأصحاب المواقع بتضيف الوكيل الذكي ضمن الموقع ممكن اعتباره كمساعد فوري لأي مستخدم، بعبي نماذج، بدور على وضعية الدارك مود بالموقع... وبيعمل مهام كتير مفيد جدا ل: - عملية استقبال المستخدمين الجدد (onboarding) - اختصار طلبات المساعدة في خدمة العملاء - تنفيذ العديد من المهام في اكثر من نافذة بنفس الوقت بالامكان تجريب سهولة ودقة المكتبة على الرابط التالي: https://alibaba.github.io/page-agent/ لكن هل رح تحقق انتشار كبير؟ أو مجرد تريند جديد؟ 🤔

هل أصبح تعلم البرمجة مضيعة للوقت؟ | الحلقة 21 | بودكاست كبسة زر هل ما زال تعلم البرمجة يستحق في عصر الذكاء الاصطناعي؟ أم أن أدوات الـ AI أصبحت قادرة على القيام بكل شيء بدلاً من المبرمج؟ 🎯 عن الحلقة: نتحدث عن تأثير الذكاء الاصطناعي على مستقبل البرمجة، وما إذا كانت المهارات التقنية التقليدية لا تزال مطلوبة، وكيف يمكن للمطورين الاستفادة من أدوات الـ AI دون الوقوع في فخ الاعتماد الكامل عليها. 🔥 في هذه الحلقة ستتعرّف على: ✅ الفرق بين المبرمج الحقيقي والمبرمج الذي يعتمد بالكامل على الـ AI ✅ هل لا يزال تعلم البرمجة يستحق اليوم ✅ كيف توظّف الشركات المبرمجين في عصر الذكاء الاصطناعي ✅ أشهر المفاهيم الخاطئة المنتشرة حول الـ AI ✅ مستقبل الوظائف التقنية والـ Automation ✅ حقيقة وظائف الـ Prompt Engineering ✅ المهارات الأكثر أهمية في السنوات القادمة ✅ من هو الشخص الذي لا يمكن للـ AI استبداله 🎙 تقديم: 🔹 رضوان كريم الدين — مهندس برمجيات 🔹 يمان رفقي — مطور ومصمم ويب 🎙 ضيف الحلقة: 🔹 هيثم النائب — قائد تقني وريادي أعمال لينكيد إن - إنستغرام - يوتيوب 💡 هذه الحلقة مناسبة لك إذا كنت: ✔️ مبرمجاً أو طالباً في مجال التقنية ✔️ تستخدم أدوات الذكاء الاصطناعي في عملك ✔️ تفكر بتعلم البرمجة ✔️ قلقاً بشأن مستقبل الوظائف التقنية ✔️ تريد فهم تأثير الـ AI على سوق العمل بشكل واقعي 🎧 شاهد الحلقة الآن 👇 اضغط هنا #كبسة_زر #بودكاست #AI #الذكاء_الاصطناعي #برمجة #Programming #ChatGPT #Automation #SoftwareDevelopment #Tech

هل ما زال الاشتراك بالذكاء الاصطناعي للمطورين أفضل من استخدام التوكن؟ لغينا كل الاشتراكات وحولنا الاستخدام لتوكن (من مصادر مختلفة) بهالحالة صار فينا نستخدم كتير وكلاء (ايجنت) من دون اشتراك فيهم!!! من خلال استخدام نموذج لغوي مخصص غير الافتراضي بالصورة نفس السؤال لعدة وكلاء وكل وكيل عطى نتيجة مختلفة بالرد وبإدارة السياق (كونتكس) كالتالي: - GitHub Copilot: سحب 12 ألف توكن - OpenAI Codex: سحب 10 آلاف توكن - OpenCode: سحب 8 آلاف توكن فعليا بالتحويل من اشتراك الى توكن صار في حرية كبيرة بالتطوير كأن المطور مشترك بكتير اشتراكات سوى وبيستخدم أي شي بأي وقت خصوصا أنو كل يوم عم تنزل ميزة جديدة بوكيل مختلف وبنستمر برحلة الاحتيار بأي وكيل لازم اشترك فهل فعلا ما زال الاشتراك بمزود معين اله ايجابيات اكبر؟

أحد المطورين حرق آخر تلات أيام 40 مليون توكن لكتابة الكود كلّفه على نموذج صيني قوي MiniMax M3 3$ فقط لو كان مستخدم نموذج امريكي متوسط متل كلود Sonnet 4.6 كان كلفه 120$ الشركات الأمريكية ممنوع تستخدم أي موديل صيني وعم نسمع فواتير ضخمة عم تتكبدها لدرجة تحد من استخدامهم للذكاء الاصطناعي اللي عم يستغل هالموضوع عم يحقق تنافسية أكبر بكتير #خدلك_فكرة

سرعة انتشار بعض أدوات البرمجة بالذكاء الاصطناعي مفتوحة المصدر يجدر بالذكر أن OpenCode يدعم الربط مع الكثير من مزودات النماذج ويقدم الكثير من النماذج باشتراك 10$ (الاف الطلبات بالشهر) أو بدون اشتراك نموذج مخصص مجانا

يقول مؤسس انفيديا أمس بعد الاعلان عن شرائح المعالجات أمس كنا نكتب برمجيات لعشرات السنين... اليوم الوكيل الذكي (AI agent) قادر على تنفيذ مختلف انواع المهام التقنية وحتى "بناء برمجيات فوريا" حسب الحاجة للوصول للنتيجة المطلوبة. ليش نبني برمجيات ثابتة بعد الآن؟ شخص احتاج ينزل وصف مشروع كمهام على كليك اب طلب من جيمناي يعمل مهام وينزلهم جيمناي ما مبرمجين اضافة تربط مع كليك اب ببساطة طلب منه مفتاح ربط كليك اب، وطلب منه الداشبورد المطلوبة وعمل برمجية صغيرة (كود تيرمنال http requests) ونزل المهام وانتهت العملية شخص تاني عم يلعب تركس، طلب من جيمناي يسجل عنده النتائج بدل من تحميل و تنصيب تطبيق لتسجيل الحساب، جيمناي ابدع بسهولة الحكي معه وواجهات عرض النتائج! اليوم ليش نبني برامج متل فوتوشوب أو آوتلوك أو محاسبة أو وردبرس ... اذا كان الوكيل الذكي قادر على اعطاءك النتيجة بدون واجهات ادخال و واجهات اخراج طويلة؟ الأكيد أنو المفهوم الجديد للتطوير التقني ما حنقدر نستخدمه متل ما تعودنا... برمجية ثابتة ونطور فيها سنين بالتالي كتير اشخاص ما عم يفهموا كيف ممكن هالمفاهيم الجديدة تخدمهم بالنمط اللي متعودين عليه من قبل لهيك الاشخاص الجدد اللي ما متعودين على شي معين، عم يكون عندهم حواجز أقل هل فعلا ما عاد يلزمنا نعمل برامج قريبا ونحول لبناء انظمة ذكاء اصطناعي تبني اي شي؟ أو رح تستمر غالبية الشركات بطلب تنفيذ مهام برمجة لسنين؟

https://youtu.be/O8jg-Shxd3o?si=zPq33r3fUCPTIp4n فيديو ملخص لكلمة انفيديا أمس أضخم شركة بالعالم الذكاء الاصطناعي خلق فرص عمل أكبر لمطوري السوفتوير تطوير وكلاء ذكيين تطوير انظمة روبوتات بميزانيات كبيرة اليوم سعر روبوت مفتوح المصدر الواحد حوالي 15 ألف دولار والشركات مستعدة تدفع ميزانيات كبيرة لبرمجيات مخصصة (ادارة الحواس والتفكير المنطقي) بالاضافة لبناء آليات العمل الخاصة فيهم حسب كل شركة أيضا جديد انفيديا: معالج وكرت شاشة ضمن شريحة وحدة للابتوب ويندوز مع ذاكرة رام وحدة 128 جيجا RTX Spark تتفوق على شريحة Apple M5 وهو فعلا العنصر الناقص كان لتبني لابتوبات ويندوز بمعمارية ARM لابتوب رقيق بطارية عشر ساعات واداء العاب مبهر بالتالي تشغيل ذكاء اصطناعي محلي خاص مفتوح مجانا بدون انترنت بودعونا هالسنة شركات عملاقة متل انتل و AMD بعد فشلهم بالتأقلم مع التقنيات الحديثة والاستمرار عالنمط التقليدي (كل سنة معالج اكوس ب 5%) #خدلك_فكرة #تأقلم_بسرعة

مؤخرا بعد دخول نماذج متقدمة من الذكاء الاصطناعي مثل Claude Mythos, OpenAI DayBreak ...etc تم كشف ثغرات مدمرة موجودة من سنوات ضمن أنظمة مراجعة من قبل خبراء وعالية الأمان مثل: Linux kernel Apache nginx ... هذه النماذج ما زالت متاحة فقط للشركات الكبرى لحماية بنيتها لكن بدأت نماذج مفتوحة المصدر بالانتشار و بدأ العديد من المخترقين باستغلالها بعمليات الاختراق تم اختراق سيرفرات بأعداد ضخمة، مع خسارة الباك اب والأشهر القادمة ستشهد مآسي كبيرة ضمن ال Cyber Security بالتالي ازداد طلب الشركات حاليا على الخبراء الأمنيين من الجيل الجديد (المزودين بأدوات الذكاء الاصطناعي) مع الأسف الأنظمة ضمن التجهيزات الرقمية المستخدمة بمؤسسات الدولة السورية جميعها بوضع يرثى له الا من رحم ربي والكثير من الوزارات تقوم بطلب مختصين بمجال الحماية للضرورة القصوى وبأسرع وقت (تابع اعلانات الوزارات) فأين أصحاب القبعات الزرقاء؟

عيدكم مبارك وكل عام وأنتم بخير 🌙

اداة جديدة تريند بحث عن ط عمل بكتير مواقع متل لنكد ان و indeed وتقديم آليا واعادة كتابة السي في بالذكاء الاصطناعي لتركز على متطلبات الطلب وتقدم على مئات الوظائف كل يوم خليك اسرع من غيرك https://github.com/DaKheera47/job-ops