احمد ماجد الربيعي

https://youtu.be/JQAdtOFPPkw?si=9_WsH2RUAI5w3gy6

دليني يالماخذ دلالي بس ضلك يبرالي شندل رمحك عالي هذا انته حسين حاجيني تيهتك وين انته ارحم كلبي الفته هجرك يالما عفته دليها العين هذا انته العل غبره طايح لو ذاك البرماحك رايح بح صوتي يابويه الصايح يابو حسين يالما تدري شصار بيه مجويات شكد رجيله يسبوني جا مو علويه ////__////// خوفني الكالالي انحز راسك ورد بخيل وداسك وانكطعت انفاسك صح هذا الصار ؟ بجاني من راواني الحافر بيه شيب ودم صاير مكسوره شكد خاطر وبضهري النار ميت لا تبجين حسينج شردي وضمي سطره بعينج ما يرجع لا يعلى ونينج يابويه حسين ضميت اذني شكد خجلانه بنيتي وكتلك لا مو انه خاف تباوع فد فشلانه /////////////______///// مليته درب الطف ما يرحم اسال بس ما افهم يجوابني بطاري الدم ويكلي رماح سليته كلبي وصرت انه خيال مال وي الريح المال من دونك ضعنك شال بكيف الذباح ترجيتي المن عدي اخذوها يم راسك بالبر ودوها عمدا بجروحك لجموها يابويه حسين ها يالماخذ واهس حيلي تعبانه اترجى تجيلي ما اشكيلك.انته اشكيلي ///______ ع ناكه مجتوفه ومحنيه ما تعرفها ارقيه من صارت مسبيه ترهم جا هاي مشتاكه ومنعوني اكصد يمك حرمو ريتي اشتمك همي انه بكد همك وابره امن الماي ما اشرب واذبل عطشانه وابجيلك ليلي وسهرانه حدما ما راسك يلفي مجانه يابويه حسين مابطل من دمعي نوحي لحدما ما يمك تطلع روحي وتغفه عيوني بسد مذبوحي احمد الزينبي

ما غمض جفن ابجي الك واحن دربي ما خلص... روحي الكضت امشي والتفت بلكت وشفت هاشمي يجي .. من اهل البخت بيه يرجع لفي خيمتي واسمي بيه يرد يم اخوتي وتخلص وتفك يا غربتي الشام الشام كسر ما يكضي بينوح الشام الشام ذبح ضعن المذبوح الشام الشام اخذ مني اجم روح يا مايله الدنيا ويزينب مايله //____/// طول الدرب ويلي وي غرب ما هده الكلب لا مدمعي عيني ترتجي من هلي يجي كافل وستر يفزع الي من جرحنا ماهون جرح نمشي من صبح حد الصبح نظرت الغرب طعنت رمح الشام الشام كرب ضعني بمسراه الشام الشام منو اليفزعلي هنا الشام الشام صدع كلبي بطرواه /////////____///// ياهو ضل الي حتى محملي هم مشه ورحل وي خيمتي طولي بده ضل وانه عل هزل انلمح صدك يا شيمتي ويه كل مسه اندب ياعلي بسمي يتلهج وين الردي يحرس بضعنه الخارجي الشام الشام يهل زينب كرب الشام الشام منو المنعده اصعب الشام الشام تطب اعليه زينب ؟ ////_/// طبتي عل هزل ايدي بالحبل ملكه الي بفرح طبل وشتم هايه بت علي صاحو التجي كمت احس فشل لاح العضم حدبت دمع فز معولي ساعه والقصر ينطر الي ترهم ادخل اعليه كافلي الشام الشام يطشر دموع الجاي الشام الشام اخذ من عندي هواي الشام الشام كسرني شلون الماي احمد الزينبي

ويلي يا نوك الهزيله تعبت حيل الفواطم سكته نبجي ولو سمعنه يركض عليكم شتايم والله دنيا وهيج دارت ينسبي خدر الهواشم احنه مجتوفات ادينه. وانته فوك الرمله نايم . ع الناكه تميل العقيله يا ميلت نوك الهزيله مو يوم ولا ست ليالي رحلته الكلش طويله يا عازة الخوه كلشي فدوه ام خوان بلا خوان التفت واسأل ومامش اي احل لا من خيمه ولا عوان ////____//// على زينب وايلاه نغفه ونفز بدمعنه ونكعد بين الخرايب نذكر الخيمه وخدرنه من بعدهن ع الترايب جم عقيله بلايه هودج من مشت درب النوايب ماتت اجم هاشميه من نظر عين الاجانب محد يوصفلك تعبهن لو شايف بالبر ركضهن الما شايف يا خويه ضلهن يتلهج حيف بأسمهن من حيره لحيره وجم ديره بيها امشينه وي الذباخ امشي واتلوه بلوه لبلوه روس اخواني فوك رماح ///___///_ وداعت الخوه ودلالك اكثر من البر عطشنه وعمدا الناس الخذونه بدو الماي بدربنه فدوه ما طول انته ضامي خل نموت ولا شربنه يابو الف واكثر جروح شيسوه يم تعبك تعبنه يا ماي وعشك الله بالبر ضامي وعلى رمله تطشر ميت بس للخوه خضر رد راس وعافله منحر ما تبرد ناري عفتك عاري وسط الهيمه وفوكك خيل مادري شلونك فوك عيونك كالو شيب وشمس الويل //////////__/// يثكل الشام بكلامي وهل وصل ضعن الحياره اليتعب يشتمنه يركض يحشم اعلى ضعوني جاره ما الشفه بحيهم غليله من سطوحه تمرنه ناره الوالد الما لوعانه حط بدين ابنه الحجاره هاي المحد باوعلها تعبوها وشتمو اهلها لا تهده وكثرو بجيها محد ضل ويفزعلها يا هاشم حيره يهل الغيره فزعو لزينب طبت شام شلعو كلبي الله اليدري بيه شصاير اللحضه بعام احمد ماجد الربيعي