الشاعر محمد مسلم الأسدي

https://youtu.be/J4SGzsfMsQw?si=inBRmF5s0czUNiMd

(( ليل وضلام )) ليل وضلام خوف وجرح وكلهم هلي راحو ذبح ومشي ابهزيل امن الصبح من لاعسى يطر الفجر ... وحسيني اعوفه ابكربله مرميه جثته بالفلّه ابشمس الصحاري القاحلّه من لاعسى يطر الفجر ... يتغيّر اسمي ومحملي وبلايه رآية كافلي محد يگلي ادللي من تالي الأيام ... اتوديني للشام من اچفوف عباس ... لچفوف ضلام "" "" "" "" "" "" "" "" "" "" "" "" "" وين اخؤتچ جاي أنسئل تجرحني هاي اعلى الهزل ياخويه گوم فك الحبل يآربي الك اشكي الأمر ... تجرحني نظرات العدو وشتسولف الماعدها اخو يحميها بالغربه منو يآربي الك اشكي الأمر ... خدر المهابه الهاشمي يحديهم المو آدمي وكفاله فوگ العلگمي امن الخوّه هيهات ... تالي ابهزيلات من خدر وخيام ... الخدر السبيات "" "" "" "" "" "" "" "" "" "" "" "" "" درب اليسر عشته جروح بيدي الحبل وبچي ونوح امنيتي اشكثر ماچنت اروح لو بيدي ميته ابكربله ... وماروح مسبيه ابهزل وخواني مامنهم عدل وچفوفي مچتوفه ابحبل لو بيدي ميته ابكربله ... ولاشامتي وياه انسبي أخت الكفيل الطالبي ويحديني رآي الأجنبي كل خطوة بالروح ... دلآلي مذبوح چم مرة عالنوگ ... تذبحني الأجروح "" "" "" "" "" "" "" "" "" "" "" "" "" ابشام العذاب اشگد متت من بالقصر يهلي ادخلت وراس الحسين شفته ابطشت دار الزمن والله وكت ... أتوسط اقصور وغرب وعيوني بالغربه تصب ومعلعل ابضيمه الگلب دار الزمن والله وكت ... برماح أخوتي للقصر ادخل سبيه ونكسر وآنه الأميرة ام الخدر أسمي قبل وين ... مهيوبة حسين من تالي بقصور ... وخربه ودواوين "" "" "" "" "" "" "" "" "" "" "" "" "" عبد زينب محمد مسلم الأسدي

(( راح أرباي )) راح أرباي ... أمه وتعنيته ابليل مدوهنّه وماضل حيل ... گوه عرفته حسيني ليش الماي ... يعطش يويلي عالماي ويبات ماعنده افياي ... ابحاله الجره يآذيني ليش أبني مذبوح ابعطش وضل جسمه مآلمّه نعش ... ليش اهدعش .... ضل عاري امطشر على كبر الأرض وحافر على اضلوعه يرض ... طول وعرض .... اتشب ناري هد حيلي أبني حسين وحده ويدير العين بين العدو ... ماعنده أخو وسبعين الف صوبين "" "" "" "" "" "" "" "" "" "" "" "" "" فوگ ارماح ... القبل بحضاني ابيات جارحني راسه وهيهات ... يبرد جرح حسراتي ضامي وطاح ... بين الذبّح والسلاب وجروحه غاطيها اتراب ... شفته وجراً دمعاتي عاري بقه فوگ الترب وعلى الوجه نايم صعب ... بين الغرب .... هّد حيلي من چفه سلبو خنصره وبلا چفن ضل عالثره ... ودمعي جره .... اعليه ويلي يا أم مثل بلوآي محروم ابنها الماي وثوبه انسلب .... وخدره انهب وجروح گلبه اهواي "" "" "" "" "" "" "" "" "" "" "" "" "" ذاك الليل ... ياغربة أبني المذبوح مجروح يبچي المجروح ... ابچي إله ويبچيلي حدر الخيل ... يتلوّه شفته وموجوع وحاچيته وبعيني ادموع ... اشيآذيك يمّه احچيلي طايح عزيز أمه ابحزن ومحد عليه فازع يحن ... وحده يون .... من ضيمه ايلچمه الهوء كل مايهب ومحروم من ماي العذّب ... وناره تشب .... بالهيمه من الگفه مذبوح وجسمه تغطه اجروح وكبر جرح .... وجه الصبح من الشماته اينوح "" "" "" "" "" "" "" "" "" "" "" "" "" يمّه حسين ... جارحني حالك يربآي وهاضمني بالطف اهواي ... وحدك تدير الناظر شوّف العين ... مذبوح شفتك عريان وطايح غريب وعطشان ... ابلا مُعين وناصر راح الرِبه وراح السهر وغمض نظر عيني النظر ... وگلبي انكسر .... لمصابه لآخر نفس يبقه الجرح اعلى أبني الغريب المنذبح ... وضل منطرح .... اعلى اترابه طايح ذبيح اشلون وبيه العده ايشمتون طاحت إله .... ابطف كربله اخيام وعلم وضعون "" "" "" "" "" "" "" "" "" "" "" "" "" عبد زينب محمد مسلم الأسدي

https://youtu.be/bliRDtryQfQ?si=SrPajY6XMtue8RFo

عن الامام الصادق صلوات الله عليه «من خرج من منزله يريد زيارة قبر الحسين، إن كان ماشياً كتب الله له بكل خطوة حسنة، ومحا عنه سيئة… (( وسائل الشيعة الحر العاملي )) بسم العلّي رب السماء من صادق العترة النداء فرض العشگ حّل والدموع حيَّ الزيارة الكربلاء يرف الگلب وي العلم انوآسي أمه ونشد الهمم ويبقه جدم يسبگ جدم ... للزهرة وفاية كل خطوة نستشعرها حب ونتعنه اله ابلهفة گلب كل همنه يرزقنه القرب ... ياصاحب الرآية نتعنه ابلهفه وبحنين ... اونندب ويلااه ياحسين حيَّ أنادي للأربعين ... ياحسين حسين حسين حسين ... "" "" "" "" "" "" "" "" "" "" "" "" "" كما روي عن الإمام الكاظم (عليه السلام): «من زار الحسين عارفاً بحقه غفر الله لهُ ما تقدم من ذنبه وما تأخر . (( كامل الزيارات )) نستلهم الحب والعطاء من رحمته وصاحب لواء لبو الفضل نرفع چفوف يرزقنه غيرة اعلى العزاء نطلب دمع غيرة وقهر من الگمر وأم الگمر نبچي البچه اعليه الحجر ... ونوآسي اضعونه نلطم إله ونبچي دمع اعلى الماسلم منّه ضلع وطول العمر بس ننفجع ... الغربة اعيونه بالدمعه نرفعها الچفوف ... يرزقنه نتعنه ونطوف الگبرة عريان الطفوف ... ياحسين حسين حسين حسين ... "" "" "" "" "" "" "" "" "" "" "" "" "" عن الإمام الباقر (عليه السلام): «مُروا شيعتنا بزيارة قبر الحسين (عليه السلام)، فإن إتيانهُ مُفترض على كل مؤمن يقرّ للحسين بالإمامة من الله عز وجل. (( تهذيب الاحكام الشيخ الطوسي )) يبقه عهد طول السنين لآخر نفس نصرخ حسين خالق عمرنه الله ؤقف الخدمة ومسير الأربعين نمشيله كل عام اليمر على احر من الجمر انوآسي أمه الاتنوح ابكسر ... بدموع ننعاها ابكل خطوة يجدد ألم ونبچي وننوح اعلى الخيم وتحسبنه من ضمن الخدم ... بالممشه وياها انجدد بالدمعه الولاء ... ونوآسيها ابلطم العزاء للضامي وعاري ابكربلاء ... ياحسين حسين حسين حسين ... "" "" "" "" "" "" "" "" "" "" "" "" "" عن الأمام الصادق (ع) أن زوار الحسين ع يدخلون الجنة قبل سائر الناس بأربعين عاماً وهم لا يزالون في المحشر، وأن الله يوّكل بقبرة سبعين ألف ملك يصلون عليه وتكون صلاتهم وأجرها لزائرة (( مفاتيح الجنان )) عن دربه مانزلف مُحال اشما بالعمر وسنينه طال عن معرفة نمشي ويقين انحس بالتعب راحة ودلال راحة التعب لجل الحبيب للضل جسد عاري وسليب وكل خطوة نصرخ ياغريب ... جيناك مشاية اشما طالت اعلينه الدهور نبقه لحد گطع النحور نتعنه اله نمشي ونزور ... وماتنزل الرآية نفديها الأرواح ونجيه ... وغايتنه تلزمنه اديه والزهراء انوآسيها بيه ... ياحسين حسين حسين حسين ... "" "" "" "" "" "" "" "" "" "" "" "" "" عبد زينب محمد مسلم الأسدي

(( ياباب غض طرفك خجل )) ياباب غّض طرفك خجل وأرحم عذاب البيّه تعبانه روحي من اليسر ومن چلمة المسبيّه تجرحني نضراتك .... وفراح شماتك مو هينّه اوگف والغرب تتصفح آنه اعليّه ياباب من تالي الخدر اعليك اوگف وحادي الشمر هونك يباب الساعة من عندي ياباب اشتريد ومني خذت رآية وعضيد امدللني چان أطباعه ومنك الأكلف عليّه وگفتي ابمجلس يَزيد وراس الحسين الهضيمه بالطشت جرحي يِزيد واللتفت بس الشماته وكافل اضعوني بعيد وبالحبل مچتوفه أديّه وتأمر اعليّه العبيد "" "" "" "" "" "" "" "" "" "" "" "" "" بالشام اكثر من جرح بس الصدگ أذآني المايدري دگوا بابه اجو واحد يبشر الثاني وتلگوا اضعوني .... احجار ويشتموني وعيد وهلال من دخل ضعني ابرماح أخواني آنه العقيلة أسمي امس اخواني تسد عين الشمس وطلع چنت مكفولّه ويمسح أثر جدمي الگمر ومآ شايف اخيآلي بشر هيچي انسبي معقولّه وين أخوتي الدللوني الـّ أختهم خل يجون طبت اقصور وخرايب هايه صعبه وماتهون وتجرح الشام ونضرته ونخزينه امن العيون اوگفت ابنص الشماته أخت اشرف مايكون "" "" "" "" "" "" "" "" "" "" "" "" "" كلشي شفت من الغرب ويهلي التغث اهوايه الهضمتني من شفت النذل يتنآشد اعلى الرآيه ويجاوب العآذل .... رآعيها أبو فاضل رآية أخو خيته الذي بالطف سبانه اسبايه وفوگ الرمح دخن أشوف راس البلا عين وچفوف وصديت إله بعيوني وحاچاه دمع عيني اليسيل هاي آنه زينب ياكفيل وهذا الجره بضعوني أسمي بحلوگ الأجانب ياكفيلي كلفه هاي وين الأچفوف الحنينه ياستر خدري وحماي ضلمه ياليل الخرابه امنين اجيبك ياضوآي الغربه ماتعرف عقيلة المنسبي ماعنده رآي "" "" "" "" "" "" "" "" "" "" "" "" "" الشام أقسى امن الحجر وياي صارت ناسه ابن أمي گدامي الهضم عالشجره صلبوا راسه مآرحموا ابحاله .... ومآرحموا اعياله وبثوبه اجه يغثني ابحقد كاشخ شفت لبآسه عمه علي صحت العليل ومحني شفت يبچي ابعويل امذبل الگيد ارسومه وگلي ودمع عينه يسيل عمه الهضم دربه طويل وتارس الدم اهدومه الّجره بالشام بينه مآجره ابواحد مثيل شنهي مذبوحين أهلنه وننسبي امن المستحيل وليلنه انگضيه بواچي والنهار ايمر عويل ونبقه لارآية التلمنه ولاعشيره ولاكفيل "" "" "" "" "" "" "" "" "" "" "" "" "" ابروحي هذا آخر عتب يهلي وغّمض اعيوني هلبت اخو منكم يجي ومن غربتي اتخلصوني الشام أذآني .... وموتني يخوآني وبلا رحم ماي الغسل اهلّه ارفضوا ينطوني يهل الوفه وگلبي الحنين هلبت اخو يغمضلي عين الليلة اموت الليلة بلكي امن اموتن استراح من غربتي وشام الجراح شيب دليلي وحيله موتي ياروحي الحنينه موتي اهلچ مايجوچ هذا مكتوب ابمصيرچ مايغمضچ چف أخوچ عشتي بالشام وعذابه وناسه كلش عذبوچ وبالغرب نعشچ يروحي يبقه ماكو يشيعوچ "" "" "" "" "" "" "" "" "" "" "" "" "" عبد زينب محمد مسلم الأسدي

https://youtu.be/b5n3qZFTbCc?si=K_0DQ7JjMTAoarDY

(( ترضون يغلاض الشوارب )) ترضون يغلاض الشوارب نسوانكم بين الاجانب امدلـلـتكم يآل طالب دخلوها بقصور وخرايب يهل المضايف والشهامه مسبيه اختكم ياندامه والشامت ايغثها ابكلامه ماتخلص الليلة ابسلامه يحنان ياخضر الچفافي ابنومكم نوم العوافي للخوه ياهوا اليوافي اوغربتي يگللها كافي تدرون ماتدرون بيّه الچنت الأميره وهاشميه مچتوفه وحبالي بديّه والشام عيروني سبيّه شافوني ماعندي اخوه ابرآيهم مشوني گوه الشام والعباس بلوه لابيه غيرة ولا أمرؤه ياسالفة روحي اشيحلها وام عون ياحرمه مثلها يسبونها وبروس اهلها والشام بالغربه كتلها مالآيگه أسمي العقيلة وعباس كافلني الثگيله ويسبوني ابناگه هزيله ياجرحي ماصاير مثيله ماتگضي وتفض النحيبه اثمنطعش حامي المصيبه ذبحوهم ابلحضه عجيبه وخلافهم صرت الغريبه "" "" "" "" "" "" "" "" "" "" "" "" "" عبد زينب محمد مسلم الأسدي

(( ياگلبي باقي المن عدل )) ياگلبي باقي المن عدل وزينب سبوها اعلى الهزل .... شيفيد الأونين من تسمع ابطاري القصر يعني العقيلة أم الخدر .... طبت دوآوين ياگلبي سويلك حآل مچتوفه زينب بحبال اوين الحچي الماينگال ... ابدرب السبي سمعوها تتلفت وماكو اخوان بس الرماح وعدوان تالي الزمن بالبلدان ... مو هينّه ايفروها ياگلبي ضج وأنكسر ... ابطاري القصر ... من تسمع يمته العقيلة عالهزل ... راحت قبل ... لو تطلع لبرآية العباس اجت ... الحض والبخت ... اتهل مدمع "" "" "" "" "" "" "" "" "" "" "" "" "" من تبچي خليلك گلب وعيش ابأثر ذاك الدرب .... وي أخت الحسين يسوه البچي الأخت الكمر العافت أخوها اعلى النهر .... مچتوفه الأيدين لاتلتهي ابغير النوح خلص حياتك مجروح وي الأخوها مذبوح ... مؤقف ضميرك سجلّه افهم يگلبي الحسرات ومعنى السبي والشمات وجروح باب الساعات ... والشام وفراح اهلّه ياحيرة الطب عالهزل ... وصوت وطبل ... ترس أذنه وعيون كل مايلتفت ... گلبه تفت ... من حزنه ويشوف اخوته عالرمح ... ويبجي ابجرح ... بس ونه "" "" "" "" "" "" "" "" "" "" "" "" "" اعلى الدمعه تتحشم فشل وعندك عقيلة ابلا أهل .... تسمع غريبة يسوه اليبچي الزينب تؤن ايموت الغيور امن الحزن .... الهاي المصيبة زحمه الغيور ويرتاح وزينب تماشي الذباح وبعيونها اشگد اصياح ... من اليسر ودروبه مهضومه ودير العين بس الأجانب صوبين وتتلفت الراس حسين ... وتخفي الهضم مغصوبه الجرح العقيلة ياگلب ... عيش ابغرب ... كل ليلك ليل ونهار ابدمعتك ... اتشب جمرتك ... من ويلك نار ابحميتك تشتعل ... الطاري الهزل ... كل حيلك "" "" "" "" "" "" "" "" "" "" "" "" "" ياگلبي مو هينه وعلي زينب تطب ابلا ؤلي .... ابسوگ الشماته البيه غيرة ويسمعه الحچي يبچي العيون من البچي .... شلّه ابحياته وجمعت كل الشام تتفرج الخاص وعام الزينب وضعن الأيتام ... وكل البشر فرحانه ياگلبي انحب للصار وبجروحك اشعلها النار لاتبرد ابليل انهار ... الطاري الضعن وحزانه ياحيرة اگلوب الضعن ... ابهاي المحن ... من صارت هاي المصايب والجره ... ابواحد تره ... ما دارت كل العشاير والغرب ... اعليهم صعب ... هم غارت "" "" "" "" "" "" "" "" "" "" "" "" "" عبد زينب محمد مسلم الأسدي

(( سوالف بيّه ماتنشاف )) سوالف بيّه ماتنشاف وجيت احچيلك شويه الأتحبهن عمن يحسين ذابحني وعلي البيه تعال وشوفني ياحال أموت وأحيا يوميه تفارگنه وخذاني الشيب وخذتني الغربه مسبيه الراح مايرجع بعد ياروحي كافي ايموت كون المنصدگ رايد يوافي بالموت راحه الدنيه ماترحم يخوتي نامو يبعد الماغفن نوم العوافي ينعرف ثاري الماله خوان من مشيته يعرفونه تعبان خلصان گلبي وحيلي خلصان .... من الفارگوني شمتانيه من الدنيه ياروح أنتي ابغرب وحسين مذبوح رافگو گلبي الدمع والنوح .... اعلى التعبوني "" "" "" "" "" "" "" "" "" "" "" "" "" "" "" اليغمض اعيونه هنياله آنه اعيوني سهرانه تعبني السهر والشوگ اشينام الفارگ اخوانه لآمن واحد الضلي ولأ وياهم متت انه وعلي ما اشتهيه الماي الرسمهم روحي عطشانه الليل يخلص وانه مايخلص ونيني اشما حاولت أسكت تهل ادموع عيني مليت اسولف للصور يعزاز روحي هلبت تسيرون ابحلم واحد يجيني ماريد انام وكوه انامن من الدمع هلبت يستراحن راحن بيابي العين راحن .... ابگد البواچي من هسه خافنكم تجوني متغيره مو ما تعرفوني مو زينه خافن تنشدوني .... يهل المحاچي "" "" "" "" "" "" "" "" "" "" "" "" "" "" "" نشف ماي اليوچدنكم وبيهن مابقت گطره وشلهن هوء المجفين وفطر گاعهن صحره عجب والطولكم يحنان بقيت ابعازة النضره ما لحگت أودعكم ضلت بالگلب حسره ماوآفي كون اعميلكم كل شوفي بالواقع ابچي وبالحلم ابچيلكم بطيوفي تعبني يعزاز الهجر وعيونكم تعبانه گدما مسحت ادموعكم مابيه اشيل اچفوفي أيتعب افراگ العاشگه اهواي تعطش الشوف وتكره الماي تعبني كلش ضيم دنياي .... شَيب دليلي هنياله كلمن نام مرتاح اگضيه ليلي ابكض الأصفاح ليل ونهار اثغيب ونياح .... منهوب حيلي "" "" "" "" "" "" "" "" "" "" "" "" "" "" "" ما أتفض ولا ارتاح شوگ افراكم بلوه الگلب يابلوته بالشوگ ماينطي بشر عطوه مايعرف مسافه يريد گوه يشوفكم گوه احاچي مايفيد وياه ارحمني اتعبت فدوه مآتفض وياه الگلب رايد رسمكم لاذكره وتفض الحچي ولاجيه منكم مايسكت ويهده الگلب تعبني شوگه وماضل هدم بي يقتنع ويشم عطركم يتعب الماله اخوان تأويه حته الگلب يستفحل اعليه اشلون الافراگ اوين تاليه .... تعبانه روحي بس البواچي اتعيش وياه البدنيه ماله اخوان تلگاه يحرگ الدنيه ابچلمة الـ آآه .... ياضيم نوحي "" "" "" "" "" "" "" "" "" "" "" "" "" "" "" وياكم مايكفي النوح بصوركم بقيت أشتم هلبت تبرء المخزنات والينبض يبطل هَـمّ ياربي وعلي مليت هنياله الغفه وسلهم أدعي الله هلي عدلين وصحه وطلع أتحلم ياروحي اگلهه اتقبلي واقعنه هوا أقتنعي كلهم سافرو ياروحي فدوه مقسوم ياروحي الهجر وي النحبهم ونموت بفراگ النحبهم والله گوه ماتصبر الروح اعلى الأفراگ اشلون يغفه الگلبه مشتاگ الروح حنطه وشوگهم طاگ .... ياضيم گلبي المشتاگ گلبه اشلون ياناس يشتم هوء ومخنوگ الأنفاس أهل المحنه وأهل الأحساس .... راحو يربي "" "" "" "" "" "" "" "" "" "" "" "" "" "" "" عبد زينب محمد مسلم الأسدي

(( انه الشدهني )) فوگ النواظر .... امخليه اديّه هلبت اشوفك .... يابو رقية وصدفه اشاهد .... خيل اعوجيّه .... حسين عالتل نزلتي .... ياخويه منظر خطوة اجيلك .... وبخطوة اعثر شيبني طولك .... يا ابو الاكبر .... حسين نزلت وابچي بسكوتي مو خوف القصد موتي عن لا ينسمع صوتي .... عقيلة الهضمني وبالگلب وجعهّ ساعة كسرو ضلعه انطحن بالخيمه ونسمعه .... دليله اتراب المعاره .... عيشني حيره وانه الاميره .... حسين عجه وحوافر .... وختك تباصر حيره النواظر .... حسين لون النوارس .... راسي المصابك يذبح عذابك .... حسين فرگاك قصة طويله يحسين ويّ العقيلة أنسـاك لا مستحيله "" "" "" "" "" "" "" "" "" "" "" "" آنه الشدهني .... من دوريتك بين الحوافر .... ضايع لگيتك الخوه خذتني .... محترگه جيتك .... حسين ضيمي اخذني .... جيت اشتكيلك صوبين اجتني .... السالبته حيلك حرت ابيتامه .... وحرت ابعليلك .... حسين حليب الخوه طلعني اجيتك والظهر محني فگد الخوه شيبني .... يغالي المالك مالمح ضلها طلعت والخلگ كلها تعاين والضحك الها .... سؤالي شايط دليلي .... اتعنيت اخبرك سكتني صدرك .... حسين شحچي ولگيتك .... صابغ لحيتك دم ونعيتك .... حسين محتاره ابچي .... الطولك يغالي الروحت دلالي .... حسين فرگاك قصة طويله يحسين ويّ العقيلة أنسـاك لا مستحيله "" "" "" "" "" "" "" "" "" "" "" "" وساده الترابه .... الراسك حسرتي هاي المصيبه .... ونوحي وكسرتي عطشان اشربك .... خويه دمعتي .... حسين يحرم عليه .... يحسين اشربه ماي العيطشّك .... يبن امي صعبه المايدنه شفتك .... ما ادنه گربه .... حسين العطش بايگهن اوصافك وخشبه يابسه اشفافك تكسر خاطر الشافك .... وصالك متغير ولا چنه حسين الچنت اعرفنه الحوافر وسفه سلبنه .... جمالك حگ الاخوه .... جاباني هوا دمعاتي فدوه .... حسين كل ما اذكرك .... ابچي الغربته طاحت دمعتك .... حسين بس اللچمني .... ضحك الشماته ساعة وفاته .... حسين فرگاك قصة طويله يحسين ويّ العقيلة أنسـاك لا مستحيله "" "" "" "" "" "" "" "" "" "" "" "" لابيه اعوفك .... لابيه اردك اموسده الترابه .... يبن امي خدك حافر يجيبك .... وحافر يبعدك .... حسين اكبر جروحي .... الزاد المواجع سهمك يخويه .... بالمگفه طالع وبچفوفه ضلن .... تسعه الاصابع .... حسين اهواي وماهن اشويه جروحك حيرتي البيه ششد الف وتسعميه .... جروحك العلّه البالگلب صارت السهم فوگ السهم نابت الطلع روحي وحتارت .... ينوحك اعذرني خويه .... باچر اعوفك عالغبره اشوفك .... حسين ابنوگ الهزيله .... مسبيه امشي يشيب يرمشي .... حسين بالهيمه تبقه .... يبن امي عاري ابشمس الصحاري .... حسين فرگاك قصة طويله يحسين ويّ العقيلة أنسـاك لا مستحيله "" "" "" "" "" "" "" "" "" "" "" "" خويه سبيها .... الحرمه يذلها اشلون السبيّه .... ابروس اهلها هاي الرزيّه .... الموت ابفشلها .... حسين ابقه بدونك .... لا مستحيله الصبرني بعدك .... سبيي الهزيله چتفو اديّه .... وآنه العقيلة .... حسين ذكرتك وانه مسبيّه رغم الصاير البيّه شفت هم مره علويّه .... سبوها الهاشم من قبل صارت من بلد البلد دارت حرمه وباليسر حارت .... خذوها سوگ وشماته .... اطبول وهلاهل وحنه ابهزايل .... حسين شام العجيبه .... يصيّح مصيبه زينب غريبه .... حسين آخر رسالة .... بعدك يغالي هذا الجرالي .... حسين فرگاك قصة طويله يحسين ويّ العقيلة أنسـاك لا مستحيله "" "" "" "" "" "" "" "" "" "" "" "" عبد زينب محمد مسلم الأسدي

(( بابا وينك )) بابا وينك .... مو حّل الضلام ... وآنه ابلا خيام والحضنك أريد بابا وينك .... تعال أمتوني شوف ... من سوط الطفوف مآتقبل تهيد دليني ... يابابا وين انته اجيك من خوفي اتعنه عليك محتاجة هالليلة أديك دليني ... من غمضت بابا عذاب بعدك صفه عمري خراب وليلي اليمر كله مصاب گلبي زغير اعلى الهجر ... هالليلة مشتاگ تعرف رقية امن الزغر ... ماتحمل أفراگ من فارگتني ابلا عذر ... بابا النفس ضاگ "" "" "" "" "" "" "" "" "" "" "" "" "" بابا روحي .... اشكثر عطشانه ماي ... ونذل يركض وراي وسحگ عالجمر بابا روحي .... زغيره اعلى الودآع ... مو مآلت ضيآع وركض ونهطر اشكيلك ... تعبانه من ركض الخيل وشفت الهضم ذاك الليل وماضل على ابنيتك حيل اشكيلك ... عالهزله صاحو ترحين مچتوفه بدموع العين يضربوني لو صحت حسين أسمي تغيّر من رحت ... صار السبيّه راح القبل يمك چنت ... أسمي رقية من فارگت چفي صرت ... أحبال ابأديّه "" "" "" "" "" "" "" "" "" "" "" "" "" بابا أديه .... مو مآلت حبال ... ربيت اعلى الدلآل اشعرفني اليسر بابا أديه .... القبل تلزمها أديك ... وهِي تشبگ عليك چتفها الشمر مچتوفه ... ومشي ابدرب بيه ضلام اعلى الهزله يردوني انام اشعرفني يا بابا الشام مچتوفه ... والناگه من تمشي اتميل ودرب اليسر بابا طويل ماغمضت عيني ابليل اشيغفه اليروح اعلى الهِزل ... يابابا مچتوف وچف أيده مچتوف ابحبل ... ومحآوطه الخوف لو يمي يآريتك تِحِل ... وبنيتك اتشوف "" "" "" "" "" "" "" "" "" "" "" "" "" بابا حزني .... امن الشام العذاب ... من طبيته شآب گلبي عالهزل بابا حزني .... باب الساعة صار ... من شفت الزغار تضحك عالحبل جرحوني ... من بابا شفت الشمات اعلى احبالي تنظر ضحكات اعلى اعتاب باب الساعات جرحوني ... من بأسمي بابا ايصيحون مسبيه من تالي اشلون اوين اللتفت الگه اعيون يابابا ما أقسى الدرب ... والصار وياي احچيلي اشيضل بيه الگلب ... والشام بلوآي اغفه ابخرابه اعلى الترب ... جبروني اعدآي "" "" "" "" "" "" "" "" "" "" "" "" "" عبد زينب محمد مسلم الأسدي

(( ليك اركض اجيت )) ليك اركض اجيت ودمعي بالعين ودورك بين كل هاي المطاعين استحيت اهواي منك بيش اغطيك ضلت بس عباتي اعذرني يحسين ركضت اهواي وهواي ... يآبس ريجي عالماي الماعدها أخو حسين ... تضل ابعازة افياي "" "" "" "" "" "" "" "" "" "" "" "" "" مو بيدي طلعت اشلون ماچان گوه اعليها خويه المالها اخوان لو بيدي اموت وياك ورتاح بس ما يذبح الذباح نسوان اليموت اهواي يرتاح ... وين الگالي ذباح تعبني الطف اهواي ... جمر وركاض وصياح "" "" "" "" "" "" "" "" "" "" "" "" "" كلشي ايهون بس اليوجع اهواي عدله ابچي عليك وتضحك اعداي لأن يدرون بيك حسين عطشان شلعوا گلبي يمك بدّو الماي يحسين الرمل حار ... وأنت ابگلبك النار يعاري وضامي مذبوح ... وجسمك صار طشار "" "" "" "" "" "" "" "" "" "" "" "" "" جرحني حسين من الذابحك گام شايل بيده راسك يم الأيتام هيّه حسين منها التطلع الروح اجه كاشخ ابثوبك يحرگ اخيام اشكثر نتحمل اجروح ... وأنتَ حسين مذبوح اركض ودعي يحسين ... هلبت تطلع الروح "" "" "" "" "" "" "" "" "" "" "" "" "" غير المات يخلص ليش متعوب تنام اعلّه الوجه يحسين مگلوب ركضوا ليك ماكفه الذبح ليش امدافع ياهو الأسرع يسلب الثوب الدهر ويانه شيريد ... يضآمي وضال وحيد سلّب مني الأخيام ... ومنك خنصر الأيد "" "" "" "" "" "" "" "" "" "" "" "" "" عبد زينب محمد مسلم الأسدي

https://youtu.be/nMVfT1UCsBg?si=0zHfdZCFzj1mPhTU