علي ميران ( ابو شيعه )

‏إستشهاد رسول الله (ص) ‏ ‏في رزيةِ يومَ الخميس منعو يأمُر ‏قـــالوا للنــاس اتـــركوه انهُ يهجُر ‏ ‏ما خَشوا من ربهم يوم اللقاء ‏إنمـــا يخــشاهُ قالَ العُلمـــاء ‏وماكو بيهم جان عالِم ‏غَصَبوا حق الرسول المُصطفى ‏بـ إتبــاع الناسِ دين المُرتــضى ‏وقرروا مَن بعده حاكِم ‏ ‏رويَ (العياشي) عن هذا الحدث ‏عن امــاماً صــادِقاً مــاله جَدث ‏مات مسموم الرسول وسمّته الوياه چانت ‏أمُر من والدها جــانت قتلته ‏وحضّرت زاده بخبث من سمته ‏وحاولو يخفون قتله والحقيقه العضمى بانت ‏ ‏كشف وجه النبي المختار ‏ منافق صاح بيهم صوت ‏منو يعبد محمد جان؟ ‏محمد قد اتاه الموت .. و (الله) حياً لا يموت ‏وصوت المرتضى المهموم ‏نــاده ومـا ســـمــع لـَبيت ‏امام الدنيه احمد چان ‏مايفرق عدل لو ميت . . و(الله) حياً لا يموت ‏ ‏واللهُ قد تقمّصُها ابن ابي قحافه ‏ومَحلي مَحل القُطبِ مِن تِلكَ الرحى ‏ما كان يلعم انهُ ذكر النبي ذكري أنا ‏قد اعقتد إن النبي ذكره انمحى ‏ ‏قال النبي للمرتضى ياعلي ‏انك ستلقى من قريش الشِدة ‏لا تلقِ نفسك بالتهالك ياعلي ‏اصبر فإن الصبر جازي المُدة ‏واللهُ ليسَ ضالمٍ بعبيدهُ ‏لا يضلُمنّك ف أستَعد بالعِده ‏ما كانَ ل للهِ النمو يلحق بهِ ‏ف اصبر وان الصبر يلوي زنده ‏ ‏وآ مُحمداه وآمُحمداه ‏ ‏ ‏الشاعر علي ميران

‏خنگت غريج الگلب مخنوگ ‏مامش دوه ويطيّب الشوگ ‏الكاروك ما مهتز بالاطفال ‏گدما اهتزت بيهم النوگ ‏ ‏والضيم شكّاله ابحمامه ‏وما شالته امتون اليتامه ‏مترهي اجاني ابيش الاگي ‏تسرسح عَلَي ماي اعله جامه ‏ ‏يخلص اليل وروحك تلوع ‏والحجر من المستحه ايموع ‏بالله العيون اتسدهن اتهون ‏شيــنوم اللابد بالضـــلوع؟ ‏ ‏معناها كل شَي بيك ملچوم ‏من تكض ضهرك يالله اتگوم ‏الميت اهدمة اتصير تذكار ‏ومــوتانه باگــو منهم اهدوم ‏ ‏علي ميران

‏زينبُنا عائِده للأوطانِ _ وفاهُـها لايزلُ العطشانِ ‏ ‏إضلمَ عيشَ الحُرة بِنتُ البَتول ‏وَوجهُها أصبحَ وَجهاً كَهول ‏انهكَها سيرَها فوقَ الهُزول ‏وركضُها في ساحةَ الميدانِ ‏زينبُنا عائِده للأوطانِ _ وفاهُـها لايزلُ العطشانِ ‏000000000000000000000 ‏مُحدَودَبهْ من ثقلِ حَملِ الصفود ‏ودمعُها مُجراةُ فوقَ الخدود ‏عائدتاً كي تَفي تلكَ الوُّعود ‏وقلبُها من شَوقِها بُركانِ ‏زينبُنا عائِده للأوطانِ _ وفاهُـها لايزلُ العطشانِ ‏0000000000000000000000 ‏عَمّا تَسل فِي وادي ذاكَ المُصاب ‏عَمّا تُفتش زينَباً فـي التُراب ‏وَ أيَ ماءً  لا يفوقَ السَراب ‏حتى نقولُ فاقها الاحزانِ ‏زينبُنا عائِده للأوطانِ _ وفاهُـها لايزلُ العطشانِ ‏000000000000000000000 ‏هل هذا شوقاً أمْ شُموخَ الجِبال ‏تَرمي بِثقلِ الجسمِ فَوقَ الرِمال ‏وَ مِنْ على أكتافِ ضَهرِ الجِمال ‏يرمِيها شَوقُ الخِلِ بـ التِربانِ ‏زينبُنا عائِده للأوطانِ _ وفاهُـها لايزلُ العطشانِ ‏0000000000000000000000 ‏تدعوا بكفٍ مُنعَقِد بِالحِبال ‏وَ تَبكي كَفّال الخدورِ بِحال ‏تشكوهُ قَد أُسلِبَ مِنّا الدلال ‏جالِسَتاً تنعاهُ عَالكُثبانِ ‏زينبُنا عائِده للأوطانِ _ وفاهُـها لايزلُ العطشانِ ‏000000000000000000000 (ثکيل) ‏الشاعر علي ميران

‏حيهم يآل هاشم يا ازلام الموت ‏ولد حيدر علي الشالع انياب الحوت ‏لكُم نسوان محد سامع الهن صوت ‏مدري شلون طلعن بالفلى يركضن ‏ ‏حيهم يآل طالب _ حيهم يآل طالب ‏ ‏حيهم يآل جعفر يا سهيل البل ‏زلم لو شافهم عزريل هم يجفل ‏الغرب بچفوف عمتكم تشد وتحل ‏والخيل ابخيم نسوانكم عرضن ‏ ‏حيهم يآل طالب _ حيهم يآل طالب ‏ ‏ياموسى ابن جعفر يالتشگ احلوگ ‏حيهم يابو طلبه الخدر فوگ النوگ ‏وي جيش الغرب طبن ابچبد السوگ ‏ولقصر اللعين ابمستحه انجرن ‏ ‏حيهم يآل طالب _ حيهم يآل طالب ‏ ‏حيهم يبن موسى بكربله اللتمن ‏يالـ ابمثلك نثايه الكون ماطلگن ‏نسوان الغرب بشواربك ينخن ‏ونسوانك جمر فوگ الرمل سحگن ‏ ‏حيهم يآل طالب _ حيهم يآل طالب ‏ ‏هنا يهل المدينه ومعازيب الضيف ‏حيهم بالضعن يللفح سموم الصيف ‏جا راس الحسين ايشيله صاحب كيف؟ ‏وشفاف النبي من رگبته انمسحن ‏ ‏حيهم يآل طالب _ حيهم يآل طالب ‏______ ‏علي ميران

https://youtu.be/A_zjGEkXURA?si=fxD3sjwR6b5nhA6_

https://youtu.be/4bUW3ZWFo40?si=IC-YOZ5f_M4OEGrd

السيدة رقية💔(ع) ‏فراگك زعلاني ومارضه بهاي ‏طفله اني وحنينه ‏اصبع بأصبع يحطون الاطفال ‏ويرد لمزاعلينه ‏شلون اتراضه اني وياك يحسين ‏وصبعك گاطعينه؟؟ ‏ ‏متانيتك يمدلول بعد اشويه الارماح ‏من الخيل فزيت لو هاي من الصياح ‏ركضتي ودمعي والحيل فدوة لوجهك اطياح ‏ ‏ارتاح بويه ونام _ هواي بيك اسهام ‏واحنه راح انروح _ ونمشي لارض الشام ‏00000000000000000000000 ‏عيوني مغورگه والعبرة يحسين ‏ما خلتني احچي ‏اخاف ارمش وتوگع دمعتي عليك ‏واهضمك لمن ابچي ‏ابنيتك مو ابنيتك طفلة وتريد ‏يمك تجي وتحچي ‏ ‏شسولفلك يمبخوت عن يا چويه بلنار ‏شگلك عود نرتاح ونگعد چيفن ازغار ‏زغير بكربله تصير حالك حال الاكبار ‏ ‏بالعطش والآه _ والتعب ننساه ‏وصلت النه الخيل _ يا شهم ننخاه ‏000000000000000000000000 ‏زغار جفوفي كافي عليهن الخيط ‏مو بحبال تنشد ‏منگد ما اديه اضعاف والضيم ‏بيهن گام يصعد ‏لحبل يفتر عليهن ثلث مرات ‏يلا انوب ينشد ‏ ‏بسناسل وي الحبال شدو بيها اديه ‏وكالو خاف ترتاح ركضوها رقيه ‏المهم حبيتك وهاي سويت العليه ‏ ‏موت كون انموت _ سامعين الصوت ‏ياهو بيكم هيج _ ما اله زاتوت ‏000000000000000000000000 ‏اودعك مال واحد رايد يموت ‏بكل قواتي اشمك ‏يمكن هل ثلث تيام يحسين ‏وتصعد روحي يمك ‏يهمك ابقى هيج وياك يحسين ‏خافن ما يهمك ‏ ‏بس وزهرة ماطول هيج بحالك يصير ‏المن احجي يحسين ولطف ماكو بي بير ‏المهم راح امشي لهناك اعذرني وبيه تقصير ‏ ‏كون اضل وياك _ للصبح انعاك ‏والله گلبي يگول _ ماردت فرگاك ‏000000000000000000000000000 ‏علي ميران

https://youtu.be/TK7TDUMUYZ8?si=jL5jTKlZRCg-UdwQ

ذبحوك؟؟ جذبت قدر صدگها بس العقل وانت اكبر من العقل شيـبك مخجل الملح لون الوريد الذي ينشاف من الجلد ينسمح من ينغسل واسمك فلا ينمسح رفعوك؟؟ نكتت شقه انت اعلى من السمه محتاز رفعة رمح؟ نرتاح عن الشمس والعصر نمشي الك المفروض مثل الرزق نغبشلك من الصبح علي ميران

https://youtu.be/xDMMRu26Ypk?si=4lEQUiowNMOesSdw

https://youtu.be/EiesEXUXtZ4?si=Y_NwmK-8abaf3EFg

‏هاي الكسرة ‏من تطلع انت ونسوانك لاكن أَسرى ‏من تشوف اخوانك كلمن شايل نحره ‏تتچتف واتچتف عمتك ‏وثمانين انسان ابذمتك ‏من تنطر اتگل للغربه نريد افياي ‏من يوصل حلگك وتذبه چي ماشربو اهلك ماي ‏من تتنفس هضمه او حسرة ‏هاي الكسرة ‏ ‏تبات بنص الچول وخايف لا تنباگ ‏وعمرك يخلص بين وداع وبين فراگ ‏تغفى تريد او من الهم اشوي ترتاح ‏وما تدري وغفله وبضلوعك طگ ارماح ‏وتسكت مو بيدك ما تحچي ‏چي زلمه اتحاول ما تبچي ‏اول مرة تعيش الغربه بهاي السفرة ‏هاي الكسرة ‏ ‏ما نايم ما شارب ماي شگد متعوب ‏وماعدنك بيت وترجعله وصار اغروب ‏تبدي اتعد ضعنك بس خايف بي نقصان ‏ربحانه الدنيه بذبح اهلك يالخسران ‏تقنع روحك كلشي بخير وتتــعوضون ‏وتگول بداخل اعماقك كلشي يهون ‏بس الواقع كل شي عَبره ‏هاي الكسرة ‏ ‏تصعد علنوگ التعبانه وتمشي اهداي ‏وتهضمك عطشان وهنه ايشربن ماي ‏وتشوف اهلك فوگ ارماح بنص صحراء ‏وتنادي ابگلبك شوفيهم يالزهراء ‏وتطب الشام البي وادم فرحانين ‏ونتم كلكم تعبانين او منهوبين ‏كل يوم يعادل بي عشرة ‏هاي الكسرة ‏. . . . . . . . . . . . . . . ‏علي ميران

يا صاحب الزمان💔

‏خويه شفت النوگ؟ _ انه هايَ الفوگ ‏من بُعد شلت ايدي گتلك بالسلامه ‏ضامي تطلب ماي _ بذمة الحداي ‏ما قبل . حاولت اَشربَك يامه يامه ‏ ‏بدموعي _ وحسرتي حاولت انزل وشوفك ‏ولاكـــن _ قــدر يا خويه مجبـوره اعوفــك ‏ردتــهم _ اخـذ فرصــه بس انعه ابحروفك ‏اسمعتهم _ خصنر گالو انگــص من چفوفك ‏ ‏ماقبلوا انعه ابموتتك _ وحرموني لذة شوفتك ‏خويه شفت النوگ. . ؟ ‏00000000000000000000000 ‏بعيني شفت الصار _ من سحگنه النار ‏وسكنه گالت بابا وينه او سكتتها ‏منين اجيب حسين _ يالوداعك بين ‏خويه اختك ركضه طلعت ما شفتها؟ ‏ ‏اسألك _ عله حالك والوضع يوم المنيه ‏وسألتك _ بطريقك ما شفت حرمة سبيه ‏وتگلي _ شسوي وأنتهض خويه شبديه ‏يخويه _ اعذرك بس منو ايصبّر رقيه ‏ ‏شنسوي واحدنه انهضم _ ماعدنه في فوگ الحرم ‏خويه شفت النوگ. . ؟ ‏0000000000000000000000000 ‏بروحتي بلا راي _ ما طلبت الماي ‏بس طلبتك بل أخوّه ما اعوفك ‏مَهري اضل وياك _ وهسه اريد اوياك ‏چنت مَهري وهسه طلبت گلبي اشوفك ‏ ‏طلبتك _ يخويه بداعتي وداعت عُيوني ‏اضلن _ اهنا بالحــومه والوادم خــذوني ‏لگيتك _ علم مو راس ويرافگ ضعوني ‏نضرتك _ حزن لو شاهدت بيهم اجوني ‏ ‏راسك مشى ويانه حرس _ دمك على ارماح انحبس ‏خويه شفت النوگ. . ؟ ‏00000000000000000000000000 ‏خويه الله اوياك _ گلي وين الگاك ‏لو ردت جسمك احضنه لو اشمه ‏مقصرة موش تگول _ ركضه اجيت ابچول ‏بالكت الگالي حصيرة بيها المه ‏ ‏ركضتي _ ودمعتي وطلعتي ولاگاني دمك ‏يخويه _ ردت بس الگه شي وبنصه المك ‏وغلاتك _ يخويه اوداعتك وصتني امك ‏اقبلك _ وشم نحرك ورد انوب اشمك ‏ ‏بس ما شفت غير الوذر _ اي هذا المسجله القدر ‏خويه شفت النوگ. . ؟ ‏0000000000000 ‏علي ميران ‏

نزال حي الله مسلم حي الله هيبته طلعت رعيد من غيمه طلعته حي الله مسلم حي الله هيبته يربات ابوي مـــتعلّي مـــهرته حي الله مسلم حي الله هيبته حي الله زود الساده وتربات ابو الگمر رفت لواه عزيـــــمه وابـــشاربه الفخر كتر النجف نواها وبالـــــكوفه مُستقر معروفه اديه من نسل الا فتى حي الله مسلم حي الله هيبته 0000000000 000000 عرج الچفيل طگ بيها گصته حي الله مسلم حي الله هيبته خيـــل الــــعزوم بالگوه شالته حي الله مسلم حي الله هيبته يتونس ويــسلهم من يدخل ابحرب طبع الهواشم الله ايحييها من تطب جيمه عله جيمه طگها وبي واهس الضرب گالتله زود من طوعه شافته حي الله مسلم حي الله هيبته 0000000000 000000 تخوف الشجاع مسلمنه خزرته حي الله مسلم حي الله هيبته تچوي اليطير بالغيمه هامته حي الله مسلم حي الله هيبته بلكوفه سوه غاره وجدمه الأرض خسف اني ابن اليعرفكم ابن الفحل هتف عين علحربه تجدح عين علبو النجف بس ياعلي ويا حيدر چلمته حي الله مسلم حي الله هيبته 0000000000 000000 يم السماء رفتها رايته حي الله مسلم حي الله هيبته شيلويها اذا ايد الله يمنته حي الله مسلم حي الله هيبته چف الله بلمعاره وزود الوصي نزل من المـــدينه شايل راية زعل حمل كسّر صنم عقلهم نور او دخل جهل والدنيه ليل ومضويه گصته حي الله مسلم حي الله هيبته 0000000000 000000 علي ميــــــــران

لسان حال ام البنين واشتياقها للحسين طلعته ثوبه من الصبح شميته وتذكرت بوداعي من حبيته صبح دليلي بالضعن سالفته وصايرلي مده حسين ما شايفته مشتاگه روحي وگوه من ودعته يرجعلي بالباب شكثر تانيته طلعته ثوبه من الصبح شميته وتذكرت بوداعي من حبيته 00000000000000 فارگني وانه من الهضم دلالي كلسا يفز ويصيح بسم الغالي شاغلني ماساعه مشه من بالي بمچان گلبي يسوه من حطيته طلعته ثوبه من الصبح شميته وتذكرت بوداعي من حبيته 00000000000000 مشتاگه للعباس بعد اعيوني مثل العليله هم اضن ينسوني چنهم اعزاز الروح ما يردوني المن ضعنهم للحرب وديته طلعته ثوبه من الصبح شميته وتذكرت بوداعي من حبيته 000000000000000 حاچيت روحي من مشه بميمونه وشمالني ما سبگت لضعونه يوگف دليلي بالهجر يردونه من راح عنه اضلم تبين بيته طلعته ثوبه من الصبح شميته وتذكرت بوداعي من حبيته 00000000000000 يحسين انه ام البنين اليله شديت خاطر ترجع النه الشيله ياريت ترجع سالمه هل عيله وحسين ماعطشان يرجع ريته طلعته ثوبه من الصبح شميته وتذكرت بوداعي من حبيته 0000000000000 علي ميران

#محرم_الحرام_1445 #لمولاتي_ام_البنين_ع مخاطبة الحسين عليه السلام ...... يناسيني ورحت لبعيد مجانك لسه بي عطرك يعابرني بهوادج نوگ كون الحافر يعبرك يلمعورني من اگفيت كل شي باحر يعورك *** يلماشي ماكو راي باحر غرب تنحرك.. تتحسر علماي يلماشي ماكو راي بخيامك الحريگه.. ونته بلا فياي يلماشي ماكو راي رد يلتگول احبج.. خل نوگع اعلراي حسين آه.. حسين آه 0000000000000000000000000 يعايفني بسواد اليل باجر يخنگ الدخان علكيفك من تسوگ النوگ تلحگ علسبي النسوان اصبر خل اجيبن ماي اشوفك تنذبح عطشان *** باجر غرب تصيح اتطشرو بوگفته.. ولتمو من يطيح باجر غرب تصيح زينب غصب سبيه.. تمشي ويضل ذبيح باجر غرب تصيح لازم نتعبه لازم.. ماريدة يستريح حسين آه.. حسين آه 0000000000000000000000000 يروحولك فده الويلاد يبعد اولادي كونك زين وضعنك مو يرد نسوان رد انت وفده الميتين باجر خايّفه اسمع صوت تعضم أَجرَكم بحسين *** عطشانه تلفي جاي زينب غريبه جنها.. وتدور اعلماي عطشانه تلفي جاي وراسك عله الضعينه.. صاير ذره وفياي عطشانه تلفي جاي حته احنه مَنعَرفّها.. ونسأل مِنيه هاي حسين آه.. حسين آه 0000000000000000000000000 جا عبدلله المن غاد رايح رده بعده زغير رد لاتمشي وي حسين السهم عبدلله غاد اجبير اذا يعطش عبد يحسين بيش تشربه ولله اتحير *** وهوه بحضن أبوه يذبح وريدة باجر.. وبدمه لو رووه وهوه بحضن أبوه يبح حسها ليله باجر.. من صيحت اليبوه وهوه بحضن أبوه منگع دمة بگماطه.. بالخيمه نومووه حسين آه.. حسين آه 0000000000000000000000000 ✍️✍️ علي ميران اهدي ثوابها الى روح والدي اسألكم الفاتحة.. 💔

https://youtu.be/6-3-UpJjS4Y?si=0KngM_1QrJvdsHiw

‏#العليلة ‏ ‏الدوة چي فرگاني وياك يحسين ‏ماريدة او كرهته ‏وعلي ماشربه بس چي كتلي اشربي ‏على احسابك شربته ‏نامو كلهم اليرحون وياك ‏وصار البيت صنته ‏ ‏ابعز نومته حسين وشفت ‏يم راسه خله اهدومه ‏ازحف زحف من ارجعت ‏عن لا يفز بالگومه ‏مت عيني حركته وگعد ‏وجان ابحلاة النومه ‏ ‏رد سلهم وعني اندار _ وبروحي ماتطفى النار ‏نايم وسمعنه يگول_ ها فاطمة بويه اشصار ‏00000000000000000000 ‏صعدت الغراض شلون ما جان ‏غير الوگعتهن ‏خاف يشوفني ويگول الحسين ‏المن صعدتهن؟ ‏اذا ما تمشي المن راكبه النوگ ‏وليش مگابلتهن ‏ ‏شتريد تحسب بالضعن ‏شمضيعه بت الساده ‏ما تمشي حتلو حصلت ‏بالضعن نوگ ازيادة ‏مو قصت امچان ودرب ‏والتعب عدجن عاده ‏ ‏بس المرض يوجع حيل _ والدرب لهناكه اطويل ‏شينوم الكله الام _ والراحه مخلوقه الليل ‏00000000000000000000 ‏شفت نسوانه تسولف على حسين ‏وحده گبال وحده ‏هاي تكول احبه وذيج التگول ‏احط خدي على خده ‏وكلت راح الضعن من عدي والحيل ‏بس حيب اليرده ‏ ‏معروف اليسافر يضل ‏يم اهله باله او روحه ‏وانت اهلك وياك ارحلوا ‏واتحضرو للروحه ‏بس اني وگليبي البقه ‏ومحد يداوي اجروحه ‏ ‏يالرايح الزهرة وياك _ طول الدرب تمشي حذاك ‏تنعاك من تطلب ماي _ وبذبحتك هم تنعاك ‏00000000000000000000 ‏اخر شي مشو واني عله هل حال ‏گعدت ابچي ابراهم ‏بهضم وتباوع الضعن اهلي من راح ‏ادمع ما عطلاهم ‏صحت الهم ارجعو وماكو كل صوت ‏ويرفرف لواهم ‏ ‏من ابعيد ااشر والضعن ‏رح وگطع كل شوفي ‏ضل بس اثرهم بالدري ‏وسمح عليه بجفوفي ‏وتلاشي عطر امي ومشى ‏وزداد همي او خوفي ‏ ‏فيمالا يهل الراي _ فيمالا طاسة ماي ‏بس عتبي لحسين يزيد _ ما گالي روحي وياي ‏0000000000000000 ‏علي ميران