الشاعر علي سعيد للشعر الحسيني

احد الهاربين من اباالفضل يروي ماجرى تقدمنه عليهم قاده ورماح كلمن بيده درعه وشايل اسلاح واحد گل للآخر انه اهد كون انه البالحرب سموني ذباح وگفنه اگبالهم حاچينه الحسين هم عندك زلم صيت الزلم شاح طلع منهم مقاتل اسمه عباس اجه اعله جيش ممشه وچان مرتاح ضخم لو حط جبل گدامه ينشاف طويل وبالسهم ماضنه يلاح ركض ضل يعزل من اجسامنه الروس الجندي احتار يلزم راسه الصفاح اذا يرفعله چف يتناوش الغيم صرنه ابچفه حنطه وهو مرواح ضل يشتل زلم عالمشرعه هناك مثل مايشتل الزرعات فلاح ماي النهر ضل يصعد للخيام كثر ماجيشنه بنص النهر طاح

السيده زينب تخاطب الحسين في يوم الاربعين اجيتك يبن ابوي وحيل تعبانه اجيت وحدر هدمي راسك ويانه مو بس گلبي لاخويه النفس محروگ ياعطشان اجيت اعليك عطشانه انه اختك زينب الضلت بلايه اخوان يخي بالشام كلمن هو واخوانه اريد اشكيلك الصار وجره وياي الشمر فوك التعب بالسوك فرانه حطونه بخرابه الذيب منها ايخاف وين الماله رحمه بحقد لاگانه وجيتك ورد اذب يمك هموم الروح انه المكتوب اضل كل عمري حزنانه

السيده زينب تخاطب الحادي عنده رجوعها الى كربلاء أول ماتعد شجعان... عدنه يحادي لربعين حسين..عدنه حته البالگماط اچبير... عدنه وكت خلاكم اتأسرون بيه.

لسان حال مولاتي زينب تشكي للحسين ماجرى عليها يوم الاربعين طبينه مجبورات بالسوگ وضلت علينه فاهيه احلوگ ودلالي من الهضم محروگ خويه الگلب نصين مفشوگ

السيده زينب تخاطب الحسين بعد رجوعها الى كربلاء. هواي اسرار شحچيلك ... من اسراي سريت وتهمل ادموعي ... من اسراي اسيره وجيت لحسيني ... من اسراي لچن هل مره جيت بلا رقيه. التعب بمتوني ضل يمشي ..ويسراي اتعبت يمناي المشاكف .. ويسراي اسيره وكل هلي راحت .. ويسراي يطشرونه ونرد نلتم سويه.

رساله انتبه من تشرب الماي اذكر حسين عليك بداعت العباس ذكره ومن تمشي ويأذن وكت الاذان اوكف صلي وتسجلك الزهره وسأل چاعليمن مات الحسين حته اتعرف صيته وحجم كبره ولاتتزاعل وي خوانك بيوم صير حزام اخوك وشدله ضهره وختك تحترمها شلون عباس الخاطر زينب انطه سنين عمره لاتضحك حرام ابدرب الحسين تره مو بس مشي لحسين فكره

رساله الامام العباس يخاطب الامام الحسين عليه السلام هاي الناس كلها الجايه احذاي التتعنالي ممشه ونصها حفاي البعض من عدهم ايعرفون عباس يعرفوني عليمن ماضكت ماي مواقف شفت يامولاي الحسين الأخو امگاطع اخو ويروح مشاي هو انه عليمن منطي چفين غير اتعرف هاي الناس معناي شني اتكض بابي وختك ماتحاجيك وانه ام الخدر منطيها يمناي الكاسر خاطر اخته وجايني ايزور لو يبچي دهر ماصيرله فياي

جنت ازغير ماعرف امنياتي كبرت وكمت اسولف ذكرياتي اول شخص شفته بعيني الحسين اول مابديت افهم حياتي وبجن عله حسين ولطمن هواي امي ابيتنه اتوصي ابخواتي

ضايج مختنك بس زور الحسين وشوف شلون تتغير حياتك من توصل ضريحه اتشوفه ترتاح ويتحققن كلهن امنياتك بس حلفه ابستر زينب وينطيك من كل كلبك ومن كل صفاتك وذا خلصت من زيارة حسين روح الحضرة العباس زوره شكو شي حار يم الكافل ايضيع من كد ماكريم وبي حروره

هلا وكل الهلا بزواري كلكم من اچبيركم لزغر طفلكم انه عيني عليكم ونتو تمشون ابنص گلبي تره مسجل تعبكم ما انسه تعبكم هاي السنين انه بيوم القيامه منتضركم مثل ما انتو مشتاگين لحسين ابگد جروحي انه مشتاك الكم وبلغو الخادم اليخدم للحسين گلوله الحسين ايگول احبكم

السيده رقيه تخاطب حامل رأس أبيها الحسين عليه السلام تعرفه الشايله ابرمحك يعمي اذا كتلك اريده تنزله يمي ولو بس راس ضال اگدر احاچيه بلكي ايرد علي ويروح همي بلكي انسولف انه وياه بالعيون وكله انكسرن اعليك اختي ومي هذا المامزعل بته فد يوم ومايرتاح اذا ما يحچي بسمي طويل الدرب حد مانوصل الشام انطيني الراس اضمه جوه هدمي هذا حسين ابوي الراسه وياك هذا اليمشي ليهسه ويه دمي اسألك عمي بس لطگني بالسوط جاوبني اعله گدي وشوف حلمي هم عندك ابنيه اتحبك هواي هم عطشانه مثلي ومالگت ماي هم شايف بناتك بين الخيول يركضن عالجمر ترفات حفاي نزل الراس اليه والله ينطيك ونه بنت الحسين الجاي احاجيك بس خليني احلفك بيمن ادريك اذا انته ضميرك مايأذيك ولاتسوه عتب حته اعتب اعليك ودعي من الله ربي ايتعبك هواي وشكو شي صار بينه ايصير هم بيك

Channel photo updated

لسان حال السيده ليلى أم علي الأكبر روحي الخضر واليابس .. لهاشاب وعيني بنص جفنها اصبح.. لها شاب تجابلني المره الرايح .. لها شاب نعمي عيونه ونلطم سويه.

داخ الجيش من شافوه ... دارو وجهم، جذب عالعباس ... دارو ماي بجربته من الخوف .. دارو يترسوها ويحلفونه برقيه.

عندما جائت السيده زينب الى جسد الحسين ع دوريتك ... دوريتك بين الجنايز دوريتك وشلكيتك ... وشلكيتك ممرود بالحافر لكيتك مسلوبه جيتك ... مسلوبه جيتك يبن امي انه مسلوبه جيتك خالي بيتك .... خالي بيتك فرهدو كلشي وخالي بيتك جهزوها الضعون ... جهزوها الضعون بعيني شفت جهزوها الضعون يمشون ...يمشون بينه الفجر يحسين يمشون ماراح تلكون ... ماراح تلكون زينب بعد ماراح تلكون

علي سعيد: أم عبدالله الرضيع ع عبدالله يبني اطمك الكاع بعدك زغير اتعوفني بساع اكعد ييمه انته ابن السباع لحمك ترف ياورك نعناع بعدك زغير وراسك ايطيح ومن العطش ماتكدر اتصيح عالرمح راسك ياخذه الريح انته وهلك كلكم مذابيح ياحرمله ماعندك اطفال شيطت كلبي وكلب العيال اليذبح طفل لا موش رجال انته وجيوشك كلكم انذال

السيده زينب تخاطب اخيها العباس عليه السلام السهم شيريد من عينك .. لها فات جفنها،وشافها اجبيره .. لها فات اعله جسمك لاصرتلك ضل ..لاهفيت بقيتو بالشمس وانه سبيه.

الامام العباس يخاطب الحسين عليه السلام هاي اخر انفاسي بحضنك اكضيها وتستاهل الخوه اجفوف منطيها ماشوفك اعذرني السهم طم العين وعيني الثانيه دم جامد اعليها الوحدك راح تبقه وما الك فزاع يذبحونك وزينب ياهو يحميها يجون بخيلهم وبكل ثكلها ادوس وضلوعك ابكل حافر اتلاكيها وتتفرهد وانته من السحك ممرود وكلها تراب عينك والوجع بيها سلملي اعله زينب خاف اسيره تروح كلها امذبحه ياهو اليواسيها

مات مات ياوسفه الگمر مات بات بات وحده اعله الرمل بات مانگدر عله فراكك يبو فاضل ومانصبر نضل وحدنه يل كافل راسك عالرمح ودموعك تهامل ودمك للخيم ياخويه ضل واصل وين وين چا نطي الوجه وين حسين حسين ضل الوحده حسين مات مات ياوسفه الگمر مات بات بات وحده اعله الرمل بات بكل حرگه ركضت اعله العده شفتك وانه الكتلك كفو منك يبعد اختك ومن رديت وسفه چفوف ماعندك وشفتك ماتهم وتعارك ابزندك ذاك ذاك جفك عالنهر ذاك هاك هاك ذني اجفوفي الك هاك مات مات ياوسفه الگمر مات بات بات وحده اعله الرمل بات ركض باس الحسين وحيل متألم ونار عيونه صارت ركض متحزم يطشر بيهم ابسيفه ويرد ايلم بحيث الكاع صارت راخيه من الدم وصاح صاح لاتهتم بعد صاح ارتاح ارتاح روح الخيمتي ارتاح مات مات ياوسفه الگمر مات بات بات وحده اعله الرمل بات خلص ذاك القتال وخلصت اخواني وباوع بالجثث واحد وره الثاني ورحت يم الگمر مكسوره جنحاني وكتله شيوجعك گال اختي ذرعاني شلون شلون ابقه الوحدي شلون يمشون يمشون باچر بيه يمشون مات مات ياوسفه الگمر مات بات بات وحده اعله الرمل بات

فزاعيه للعباس عليه السلام لطم القاده الگابلت عباس .. بس ارگاب رداها طب للحومه يركض ضاع منواها القاده الگابلت عباس .. بس ارگاب رداها خله الزلم ماتندل لحاياها القاده الگابلت عباس .. بس ارگاب رداها وطوال الشوارب داس فوگاها القاده الگابلت عباس .. بس ارگاب رداها اليوصل للشط ماتلكاه القاده الگابلت عباس .. بس ارگاب رداها روس بروس تردم هيج خلاها القاده الگابلت عباس .. بس ارگاب رداها مثل گود الغنم بالصحره گاداها القاده الگابلت عباس .. بس ارگاب رداها زلم وخيل نص الماي غطاها القاده الگابلت عباس .. بس ارگاب رداها الكافل خله الطف تراب انجوم الضهر ذاك اليوم راواها القاده الگابلت عباس .. بس ارگاب رداها وبخزرت عيونه جيوش ذباها القاده الگابلت عباس .. بس ارگاب رداها الجثث يم خيمة السجاد وداها القاده الگابلت عباس .. بس ارگاب رداها مابيهم زلم يتگابل وياها القاده الگابلت عباس.. بس ارگاب رداها الجيش اتحير من شافه