هُوجَـاس

تراك السيف الأملح وراس المال ‏ودرعي من ظروف الحياة وبلاويها

على حروة بكاء وتنهيدة وغصة وضيقة بال وعلى رجوى الرحاب تمرّ صدري كل فجرية تمرّ سنين من عمري وأنا في وحشة الترحال أخاف من التعلق والقسى والدمع والكيّه يعذبني شعور أن الشعور أحيان ما ينقال وشعور إني على وعر الطريق أحيان منسيه

‏ياجديد الشعور وياقديم الاثاري ‏ليه خليتني بين الوهم والحقيقه ‏شايف لي رسوم وفاقد لي مواري ‏ولا يح لي غرام ورادع لي مويقه ‏المداهيل لو تسفي عليها الذواري ‏كل ما مرها راعى الهوى نشف ريقه ‏ساتر وجعتي في ضف بشت انتصاري ‏واتقوى وانا بين انهتانه وضيقه ‏ليت للشوق والاحزان مخرج طواري ‏تنقذ الي من الهجران صدره حريقه ):

‏«أنا يالله ترى عبدك ولا لي غير بابك باب ‏ولا لطفٍ سوى لطفك أحسّه ماسك إيديني»

«سامح الله من خذا مني هدوي وإرتياحي ‏لين حدني على بعض الأمور اللي مابيها ‏مرحلة مدري متى تعتقني وتطلق سراحي ‏ما قدرت أعيشها ولا أنتقل لـ اللي يليها ‏لو تساعدني خطاوي رجلي بحزة مراحي ‏من يساعدني على روحٍ يدب الشوق فيها»

‏كبرت ‏ومامعك غير القلم ، والفكر ، والقرطاس ‏وبيتٍ مابقى من روحه إلا هالة سراجه ‏تعبت وقلبك المؤمن يناجي جرحك الخنّاس ‏لايكشف عورة أوجاعك مادام الناس هراجه ‏تعبت تشوف وجهك في عيون الحزن والجلاس ‏تعبت تصارع المجد التليد وعاتي أمواجه

كبّر هقاويك في يمناك وايمانك والناس كبّر عليها لاتكبّرها الا رفيقً تعدّه ثالث اخوانك ادمح على شانه الزلات واطمرها ولا تنكر اللي وقف "مرّه" على شانك قدّر جميل النشامى فيك واشكرها واليا تجمّلت حاول تربط لسانك ترى الجميله "جميله" لين تذكرها

‏نذرٍ عليّ لحرسك وافديـك واغِير ‏ ديني وعرضي فيك واغلى حلالي ‏واللي يأثـر فيك بيـّات تأثير ‏ابرى منه لو كـان عمي وخالي ‏وان مت واخذتني صروف المقادير ‏والله لوصي فيك حتى عيالي 🇸🇦

أخاف أمشي بدربٍ مايجيب إلا التعب والجور وإذا مرّ اسمك بقلبي قلت هون الله مقاديري أدور في وجيه الناس والقاك آخر المنظور كأنك بين كل الناس أقربهم لتفكيري تعبت أشرح لقلبي كيف ينسى سالفه مكسور وهو كل مابغى ينساك ردد .. ما لقى غيري أحبك حب لو ضاقت علي الأرض والديجور يظل اسمك أمان الروح و أول وآخر مصيري

‏مرّ في بالي شريطٍ فيه من عمري مواري ‏يشبه أحلام السنين وعثرة اليأس الأخيرة ‏بين صدفة جابها العمر ووداع بإختياري ‏ما عرف قلبي يطيع الواقع أو يرضي ضميره ‏كنت اظن إن مرّت الأيام بيجف انتظاري ‏ما هقيت إن الأمل يستمطر اليا جف بيره

‏توثقت في حبّه مثل راعي الطير ‏لا هدّ طيره فِي الهواء واثقً منه

‏لاتعذرب بصوتك اللي فيه ملح وقابليّة دام ما تدري بتأثيره على اللي يسمعونه أنت صوتك لو يباع ويشترى بالصيدلية راح سوق البندول وقلّوا اللي يشترونه

‏المعارك وسط صدري بس وجهي دوم هادي ‏لو إني آطى جمرةٍ حيّة .. حمدت الله عليها ‏— فهد السعد

‏بعد ماطالت مشاوير الحياة و سجوّ السالين ‏نويت أعيش فـ الدنيا و أسايرها ولا أمداني ‏ترجعني لـ خيبات الظنون و زلة الغالين ‏و أطوّفها على شان الهوى ماهو على شاني ‏و أنا ماني غشيمٍ فـ التعامل و أعرف الغاوين ‏أجامل و اتشيّم و الخطأ ماهو بـ يخفاني

ذبحني مرخي الرمش الخجول الناعس النجدي ‏هواني وإن هويته ما قويت الموت من دونه ‏لا منه رمى رمشه ولامس خده الوردي ‏تضيع الشمس . . وأنوار المكان بنظرة عيونه ‏ولا ردّه و غطّى به حَور عينه .. بَرق رعدي ! ‏تهزّ القلب رعشاتٍ تزيد الشوق و جنونه

يامعشوق النواظر وشبك على روحي تجافيها؟

مايحس بلذة الفوز وغرابيل الهزيمة غير من وقف على حافة طموحاته يثابر

‏"ضاع عقل الرزين وتاه طرف الحياوي ‏بين لولو قلادتها، ولولو ثغرها ‏علّتي في الرهيف اللي يشيل الرهاوي ‏ضامرٍ يستعير قلادته من نحرها ‏أوضح من الحقيقة.. وأبعد من الهقاوي ‏وأجمل من البشاير عند من ينتظرها ‏المكان يتحرَّى من قدمها خطاوي ‏والدروب تتمنى تحتفظ في أثرها"

‏أنت يا قبلة قصيدي ويا نسل الحرار ‏لا تراودك الطواري و تخلفك الشكوك ‏لك تقاد الروح قود العسيف من المهار ‏ماخذٍ على شعوري مواثيق و صكوك ‏يـارصيدٍ مايقارن بـ مال ولا عقار ‏قيمته في عيني أثمن من أرصدة البنوك ‏قلبي اللي قد خذيته جهارٍ من نهار ‏«عايفٍ غيرك لو انه من عيال الملوك»

‏مامشيت إلا وانا عايف وعندي يقين ‏القلوب ان ذاقت الغبن ماهيب لاينه