غيَاهب

بثوابك ماي اوزع خنصر اجفوف بديه اطيك مدري اطيك اديه ماترهم واحصل حصه وياك واحصل من اذيتك اذيه الاسهام البصفك طاحن يصير يشيلوهن يصوبوهن عليه جا بس اعله زينب تشتعل نار امي دكول ميشعلوهه بيه امي بكل قصيده يموت الحسين تضل تبحي وتسب ب الشاعريه لون تضحك تهون المشكله بهاي زينب تبجي من شر البليه

هَاي هيه براحتك لاتَبقى عود انا هَالمرة برحيلك هَم رضيت لان مايحتاج أمنعك فشله حيِل انت لو فعلاً تحبني جا مَا مشيت هيه صحتي ومابقت چا شلي بَيك يعني مو شِي صعب لو مابقيت

وانا اعرفچ ما تجين وما تنسين بَس ماتنسِين انا احلى الاوفياء وانت احلى الخاينين هاهية والله لا بارك عليچ ليش وبهاي السهولة توافقين ؟ والله مو مِـن گلبي بَس معقولة هاي انا گلت انتظري مو تزوجين امي تدعي يوفقچ الله وانا اگول الله كون يوفقچ وتطلگين هـسَة اقرة الفاتحة على الحب عليچ عگب ما چنت اقرة بَس لأم البنين اذكر اخر موعد واخر لقاء گلتي ماعوفك اذا تذكرين چان اذا مر الزعل ما يبقى يوم ومر على فراگچ طفل چا ما تجين ؟

انا مو من ذولة سريعين المحبة ولا سريعين التخلي انا بير ! ولو عفتني ما اچلب بيك لو يوسف تصير ! بگلبك أنتَ من الحقد حَصة أمير وأنا فارغ گلبي علاگة فَقير وعلى عنادك باچر اللّٰه يجيبلي أنسان وأحبة وباچر أعبر من فرعكم وأنزع سوارك وأذبه من ضيمها العاگولة صارت هيچ چانت خوش وردة وأنا من گد ما احط راسي عليها واحچي بيك ، راسي يوجعها المخدة ردت أگلك تحترم يا مَريم انتَ وحتىٰ اصيرلك صليب ؟ اليوم ادور شكو بالدنيا طبيب مَرض أنتَ وألا من عندك أطيب !

لون لوحتك وردي الحياة الوان خلص عمرك لوحتك ملت الداكن و لا ترسم جبل ارسم نهر بي روح وارسم ريح بلكي تحرك الساكن بلكي من النهر يطفح ركاد الغيض ويطگ زود ويهدم سدة اللاكن وعلگ عالوجه ضحكة وامل بالروح بجدار العين كافي شچم حزن راكن و فك باب القفص خلي الاحلام تطير و انت من الطفولة شچم حلم ساجن وخرها الستارة الشمس خلي تفوت و لتخلي الجروح تبين الباطن .

اكو مرحلة وعي يوصلهَا الأنسان ما ما ياكُل صدمات وخُذلان من الأشخاص الي حبهُم بحيث هوَ من ذات نفسة راح يستغرُب رُوحه قبل سنة سنتيَن وين جان ووَين صار هذي المرحلة مو فقَط تولد وعي وأدراك بداخلِك ! وأنما تبنَي فد جذار قوي وحَاجز لأفكارك والقرارتك .

أكضي اليل احَضر بالحچي لَملكاج وخَلصت النجم وچفوفي بالعدهَ وأجيتَ امشي نفس يمَرية الغركان كالوا جدمه خانه يروح وتصده مدري شكم شته يضيع برجفتي وياج ضكتهن بيج بس حرورتج وحده رديت وفشلتي مخيطه على الكـاع ومَي وچهي خَلص من كثر ما نده مَن احضن صورتج يم شَلب يَشبع مَاي ولحد خَصر النخل دمعاتي تنعده انه وشَط العرب خَوان محَسوبينَ !!

باچَر تلِمنة الليّالي مشَابچ خصّال الگِصيبة باچَر النجمْات تشهِد نايمَة بسِدي الحبيبّة باچَر القُمصان تندِاف عَلى ثوُبچ باچَر الگِاچ بغَرفتي منِين مَا أبّاوع أشوفِچ باچَر الوِهواس يطَفة ونشتعِل حَد الثمالِة ونگعَد نسوُلف عشگنِة مَن أوُل حچايَة برسالِة باچَر نگلهُم علينِة شلوُن بحَچاية أبتدينِة وكَون ينِباع العُمر عُمرين لعيونِچ شرينَة .

دلينيّ عَليك أسِنين تايه بيك أمشي وياي ادورك خاطِر أندَلكّ عرُفنّي إعلة شخصَك رايد احچي وياكّ بَس كلمة و بَعد ما غيرها نگِلك وحده مِن الثنين ، و اوحده راح أختار " لو كِلك أحبَّك ، لو أحِب كِلك " إسأل ليش أحبَّك ؟ حتى أگلك ليش و ليش شمَا تِسويّ وياي اقبَّلك؟

هـل يا تُرى؟ لو كُنت انسى ما جَرى يحتاجُ مِني كُرهكم قلباً قوياً ثائراً متمرداً والدنيا ضاگت والنفس باقي على گد الحسرة فرحان داويت الغصن ثاري المرض بالشجرة مو شفتو روحي تگطعت وتانيت حُبكم گطرة حنيت گُمت اكتب شعر ديوان كامل بس غزل كملته ونطيته لشخص لا يكتب ولا يقرة

انتِ أحلى من القصيدَة واحلى چلمة بدفتَري انتِ شمس الله ومشت بَالكاع حگج ياشمسنَا تبختَري و تصوري شكد انتِ حلوَى تصوَري؟ انتِ احلى من البنَات والبنَات بشوفتَج ردَن كرَي .

مَعقولة عَينك لگت واحَد يحَبها بـ كِثر مَا احِبها چنت اني معَقوله تنساني بگلبي حُط خنجرك أذيني وآنه احَتمل بَس لا تحِب ثاني غيرك عِشگني صِدگ واكتبله احَبك رِدت بَس گلبي عَتاني يَلـ مَا عرفت بعِلتك يومين تهَوى وترد شهرين تِنساني .

ويا گلبي گلي شلون بينة ؟ لا شفنة غيرة ولا نسينة لو عِندة نية يرد علينة چا ردة كل هذا بچينة .

خلصَت وعَديت الصَعب بَس خايف مِن الأصعب مُمكن أشوفك تبتعد بَس صعبة أشوفَك تنحَب .

كلها جانت تحجي بينا ومن حجيهم ما صفينه هوه عنده انسان ثاني وانا ما متخطي عينه .

حَبيبي بِيا بَخت وياي شديت؟ وعدا هجرك إلي شقدمت؟ شأديت؟ بأصبعك حَتى تذكر خيط شديت إنحَصر دمك ولا فكرت بيهَ

مَشهُد غِيابَك خُِرابة وصُوتي مبحِوح شيصِيح ألِشوُارع كُلة مسكُِونة وِصُفيِر وَصوِتَ رِيحَ والهِياكُل والجُماجُمِ ملحُِمةَ وألنِاسَ كُِل ألنِاسَ مُِيتة وحِديَ أعَثر واطيِحَ ولِوَ خَبر مَنك يجَيني ألنَاسَ تعَدل من جِديدَ ضوَةِ يِبين من بعِيدَ مُطر ينِزل شِمس تضحَك ألمَشانِق تنِصبَ مرجُِوحةَ لطفالَ ألشهَيد ألوَرد يطلع بالجَماجُم لو تجَيني وقَدمُلك أعتِذاري وأنكِساري وكل حَنينيَ لو گلت هذا خطِية ويامَة كتلِك من أدِية ترَوِح بس مو من أدِية ويامَة كِتلكَ شوَفِتني جنِازةَ أمِي من ثُكل وجهكَ علِية .

بيمَن مَلتهي بيا شَجره يا عَصفور ؟ شو مَالك خلگ مَتفوت بُستاني ؟ الطَير المايرد عشه وگت الغروب يمكن بالدَرب لاكيله عَش ثَاني

أقترِب مني ترَا الدنيا فَرص و خِذ من شوگي اذا شُوگك نقص

لگيتَك عود يتوَسّل بگطرة ماي وجرَه دمعي الك نهران واتبَدّه شكراً يازَمن منّك خذيت درُوس من اذكر الفات وراح واتعدّه هنا يالعَودتني بشوفتَك ارتاح راحَة ميّت على گبور متعوده عشت طبع الخناجر تشتهي الطَعنات وانه طَبعي فراشه اشتاگ للوَرده ياچيل ياچيل الوسعه تضيچ بيه الليل ياچيل وسم فراگكم بالعضم ياچيل يحط چيلات بيه وگلت ياچيل بچفاكم ماتمر چيلات بيّه !