Humoyun Fattoh

https://youtu.be/cB1KO8ItofM?si=trZzcynVp9ZRrX_i

NIYAT Hijron hamla qilar hamma yeringga, Dildan yuqorilab borar xotirang. Har kuni xo'mrayib boqqan eringga, Kulasan, ichingdan chiqmaydi, arang. Oqshomda eslaysan meni, maktabni, Hozir ham sevasan - hayoting boshqa. Varaqlab to'ymaysan o'sha maktubni, Rangin lahzalaring urilar boshga... Endi qarg'amayman, irodam o'zgan, Ichimda oqlanib bormoqda noming. Ilohim, men tomon kulgan bu yuzga Boshqasi tarsaki tortmasin, omin. Humoyun Fattoh @humoyunfattoh

Ko‘pdan beri noyob kitoblar do‘konini ochishni reja qilib yuramiz. Hozircha xos kitobxonlar uchun internet kitob magazin faoliyatini yo‘lga qo‘ydik. Kun kelib katta loyihalar uchun debocha bo‘lishiga aminmiz. Barchaga tavsiya qilaman. Eng sara va noyob kitoblarni shu onlayn do‘kondan ham topishingiz mumkin. 🔗 Book Store

✨ “SEMURG‘” KITOBI ASOSIDA IJODIY TANLOV Assalomu alaykum, aziz kitobxonlar va sahifamiz kuzatuvchilari! Sizlarni Muhammad Siddiqning “Semurg‘” kitobi asosida tashkil etilayotgan onlayn tanlovga taklif qilamiz. 🔖 Tanlov quyidagi 3 ta yo‘nalishda o‘tkaziladi: 1-yo‘nalish — Eng yaxshi audio ijro “Semurg‘” kitobidan istalgan she’rni ifodali tarzda audio shaklida ijro eting va ko‘rsatilgan manzilga yuboring. Ovozning ravonligi, tinglovchiga yetkazib berish mahorati va badiiy talqin e’tiborga olinadi. 2-yo‘nalish — Eng yaxshi video ijro Kitobdagi istalgan she’rni badiiy mahorat bilan ijro etib, sifatli formatda video tayyorlang va ko‘rsatilgan manzilga yuboring. Shuningdek, videoni Instagram sahifangizga https://www.instagram.com/muhammadsiddiq_alijonov ni belgilab joylang. Videodagi ijodiy yondashuv, o‘ziga xos badiiy talqin e’tiborga olinadi. 3-yo‘nalish — Eng yaxshi taqriz “Semurg‘” kitobi haqida o‘z taassurotlaringiz, badiiy tahlilingiz va xulosalaringizni taqriz shaklida yozing va ko‘rsatilgan manzilga yuboring. Kitob mazmunini to‘g‘ri anglash, badiiy tahlilning chuqurligi, muallifning mustaqil fikri, yozish uslubi hamda xulosaning asoslanganligi e’tiborga olinadi. 🏆Har bir yo‘nalish bo‘yicha bir nafardan g‘oliblar hakamlar hay’ati bahosi asosida aniqlanadi hamda quyidagi kitoblar jamlanmasi bilan taqdirlanadi. 🎙Eng yaxshi audio ijro g‘olibi uchun sovg‘alar: 1. Nazar Eshonqul – “Saylanma” (2 jildlik) 2. Sharifjon Ahmad – “Ming bir kitob” 3. Murod Chuvush – “Hech” 4. Abduvali Qutbiddin – “Bor” 5. Humoyun Fattoh – “Qaltis”   📹 Eng yaxshi video ijro g‘olibi uchun sovg‘alar: 1. Somerset Moem – “Yomg‘ir” 2. Xulio Kortasar – “Ishg‘ol qilingan uy” 3. Jianna Molinari – “Bu yerda hamma narsa bo‘lishi mumkin” 4. Harper Li – “Tasbeh daraxti soyasida” 5. Andrey Platonov – “Jon" 6. Fris Uilfort – “Turkiston kundaligi” 7. Simona Devis – “Montessori go‘dak”   ✍️ Eng yaxshi taqriz g‘olibi uchun sovg‘alar (“Izlam” turkumi): 1. Mansur Jumayev – “Biz kutgan fasl” 2. Shahriyor Shavkat – “Ham” 3. Nozima Habibullayeva – “Nafas” 4. Najmiddin Ermatov – “Turon sog‘inchi” 5. Furqat Alimardon – “Qorakuya” 6. Suhrob Ziyo – “Daryo” 7. Muhammadxon Yusupov – “Deraza ortida” 8. Bayram Ali – “Bosiriq” 9. Mohira Eshpo‘latova – “Qirq birinchi kun” 10. Gulrang Ubayeva – “Gulqaychi” 11. Jaloliddin Sayyid – “Huqqaboz” 12. Jumanazar Yo‘ldosh – “Sir” 13. Rahmat Bobojon – “Ro‘baro‘” 14. Gulhayo Anorova – “Avron” 15. Sevara Alijonova – “Mahkum sayohati” Shuningdek, har bir yo‘nalish bo‘yicha eng ko‘p ovoz yig‘gan ishtirokchilar ham g‘olib deb topiladi va “Akademnashr” nashriyotida chop etilgan kitoblar orasidan 2 donasini ixtiyoriy tanlaydi va shu kitoblar bilan taqdirlanadi.   🗓 Tanlov o‘tkazilish sanasi: 1-avgustdan 30-avgustga qadar davom etadi. 📥 Ishtirok etish uchun tayyorlagan ishlaringizni👉 @M_Alijonov ga yuboring. 🔰 Natijalar e’lon qilinadigan sana: 1-sentabr   Tanlov yakunlangach g‘oliblar sovg‘asi pochta orqali yetkazib beriladi.   ❗️Eslatma: Agar sizda "Semurg‘” kitobi bo‘lmasa 👉 ushbu havola ostida qoldirilgan ma’lumotlar orqali yoki @semurgkitob telegram manzili bilan bog‘lanib kitobni onlayn xarid qilishingiz mumkin.   Barchangizni ushbu tanlovda faol ishtirok etishga chorlab qolamiz! Bir kitob orqali o‘z qobiliyatingizni sinab ko‘ring va eng sara kitoblarni qo‘lga kiriting.   ✨ Ushbu e’lonni do‘stlaringizga ham ulashishni unutmang.   @Muhammad_Siddiq

Faqat va faqat kanal rivoji uchun: https://t.me/boost/humoyunfattoh

AVGUST Avgust. Hech kimning ko‘ngliga tegmaydigan iliq bir fasl. Yaproqlar sarosimada bu mayinlikdan. Tunda shivirlab ko‘r, Oyga eshitiladi shiviring. Jim qadam bosasan Yulduzlar to‘kilib ketmasin deya... Avgust. Yaproqlar sarosimada. M.Solih @humoyunfattoh

Ruhingiz orom topsin. https://youtu.be/T6FX8es5J7M?si=y7jdFLpECeJ-5_Ua

Qadimdan oshiqlar yor uchun togʻ oshgan, Men esa haddimdan... Humoyun Fattoh

Tadaaam! 🤩itobxonlar reytingi — eng faol 6 nafar ishtirokchi: 1. Salakhiddinov — 74 2. adhamovshukurullo — 70 3. BannopovBotirali — 63 4. drascopio — 51 5. Oftoobmonand — 49 6. zrlsm — 49 Juda koʻp kitobxonlar orasidan eng faollari aniqlandi.…

Siz oʻzingizga oʻxshagan kitobxon taklif qiling, Biz sizga shaxsan muallif imzolagan kitoblarni yuboramiz! Sizlarga ishonib, shunday mas’uliyatli ishni boshlab qoʻydim. Faol boʻlasizlar degan umiddaman. Orangizdan 6 nafar obunachiga “Qaltis”dan yuboramiz.…

Farg'ona Davlat Universitetining Filologiya fakulteti o'qituvchisi, falsafa doktori Gulsanam opa Mashrabovaning "Qaltis" haqidagi fikrlari: https://telegra.ph/OHISTA-BORAYOTGAN-KARVON-07-29

Siz oʻzingizga oʻxshagan kitobxon taklif qiling, Biz sizga shaxsan muallif imzolagan kitoblarni yuboramiz! Sizlarga ishonib, shunday mas’uliyatli ishni boshlab qoʻydim. Faol boʻlasizlar degan umiddaman. Orangizdan 6 nafar obunachiga “Qaltis”dan yuboramiz. Ishoninglar, ichida juda ham yaxshi she’rlar bor. Hech qayerda oʻqib qolmagansiz ularni. Yap-yangi. Quyidagi botga /start berasiz. DI🤍 va Humoyun Fattoh kanliga obuna boʻlgach, sizga shaxsiy havola beriladi. Shu havolani yaqinlaringizga ulashib, ball yigʻasiz. (Agar kanallardan chiqib ketilsa, ballar saqlab qolinmaydi!) Tanlov chorshanbagacha davom etadi. Payshanba kuni gʻoliblarga muallifning shaxsan oʻzi aloqaga chiqadi. Bu kanalimdagi birinchi sovrinli oʻyin. Hammaning yutib olish ehtimoli yuqori. Ikkilanmasdan harakat qilavering, sizdan ozgina faollik va kutubxonangizga +1 yangi kitob!

✍️"Qaltis" Humoyun Fattoh Kezganim yetmasmi shuncha darbadar Qaygayam borardim yodingdan chiqib?! Ushbu kitob shoirning oʻz imzo va tilaklari bilan, oʻz qoʻllari bilan topshirilgani uchun ikki karra qadrliroq men uchun. Undagi she'rlarni qayta va qayta oʻqigim kelaveradi, yurakka yaqinligidanmi yod boʻlib ketadi. Yurgan yoʻllarimda ba'zi xos vaziyatlarda dilimdan tilimga kelaveradi... Humoyun Fattohning she'rlari hech kimnikiga oʻxshamas, ajiyb, dilgir, tashbehlari esa takrorlanmas. Eslayman qaygʻusiz yilimni, Sirtmoqdek qisadi boʻyinbogʻ. 🤎 Bir ranglar istadim, tuydilar yoqut, Qogʻozga rasmingni soʻz bilan chizsam... Oʻzingni ilhom deb oʻylaysan yoxud She'rimdan oʻzini izlagan qizsan! Oling, oʻqing, his eting @safonakarimova 🗞

Humoyun Fattoh pinned a photo

YANGI NASHR 📘 Humoyun Fattoh: Qaltis 📖 Fragment va mundarija Humoyun Fattohning soʻzga oʻz sidq-u niyozi bor. Men bu yosh shoir timsolida ummonga talpinayotgan qatraning zavq-u shijoatini; gumrohlarning maqtovidan koʻra rostgoʻylar dashnomini aziz sanaydigan iymoni toʻqlikni; xavf-u umid oralab borayotgan yorugʻ bezovtalikni; koʻngil asrorini anglashda ishqni tumorday bilgan butun shaxsiyatni; jonlanayotgan, tobora yosharib borayotgan haqparastlik, maʼrifatpeshalik, samimiyatni koʻraman va ushbu xulosamga uning ayrim shakliy norasoliklardan xoli boʻlmagan tirik ashʼori guvohlik berishiga ishonaman. Odil IKROM Hajmi: 80 bet Muqovasi: yumshoq Narxi: 50 000 so‘m Xarid: @humofattoh @humoyunfattoh

*** Asta tortib borar yulduzlar xira, Minora hammadan erta uyg‘onar. Ammo tin olmaydi yovuz xotira, Xotira – qalin bir o‘rmondek yonar. Men uni abadiy surayotirman – Uzun xayolimda umid o‘rmalar. Bir paytlar janggoh bo‘lgan yerlarda G‘arq pishib yotibdi qizil olmalar… Seni ishontirib oʻtarman mudom, Xochga tortilgandek begunoh Iso. Ko‘zingga aslo shak keltirma, odam, Men solih oʻtarman, kamtar, hokisor. Yodingda, yodingda hech narsa qolmas, Eslatib turaman xazonni, xasni. Endi bu kengliklar sig‘dira olmas, Bag‘dod bog‘laridan quvilgan kasni… “Qaltis” kitobidan @humoyunfattoh

M.Yusuf she’ri 🔥 M.Abbosova oʻqidi ❤️ @humoyunfattoh

Hazrat Alisher Navoiyning gʻazalini AI orqali kuyga solishibdi. Menga yoqdi. Izohlar qismiga musiqaning matnli video shaklida ham tashlab qoʻyaman. @humoyunfattoh