القصائد الحسينية المكتوبة(الناشر عماد الشهيلي)

❉❉❉❉❉❉❉﷽❉❉❉❉❉❉❉ لسـتة #دعم_مؤسسة_منبريون_الحسينية🌻. #التثبــيت_سـاعـه #الحــــــــــذف بـعـــد نشر اللسـتـةّ بـ4  سـا؏ـات � غَـير مبري الـذمـةّ ٲمـام الله ڪـل من يـحذف البــوت دون ؏ـلمنا استقبل 1000 عضو فما فوق ━━━━━━━━━━━━━━━ للإشـــتِـراك 👇🏻. التواصل مع @ahmed_alziwar0 قناة خاصة بتلحين القصائد https://t.me/+PZwpTt2HLXcvUQZh ------------------------------------------------------

أبآخر ساعاته .... نزلت دمعاته وعينه دار الفاطمه ..... جان يعلم ... بعد موته ... ابنيته ياذوهه والوصيه ... البيهه وصه ... ما يرحموهه ولذلك عينه دار اعليهه ودعاهه ابدمعته اليجريهه جنه راد ابمحسن ايعزيهه هاي قصته امن اول التاليهه سولف بدمعه .... شيجري عل بضعه من الصحّبه الظالمه ........ هوه يبجي .... وهيه تبجي ... ابساعة الفركَه كلشي ساكت ... والمدامع ... تنزل ابحركَه صوره ما ممكن ابد نسيانهه بجَّت الدار وبعد حيطانهه راس ابوهه الزهره بين احضانهه قبل موته حضَّرت احزانهه ابموتته خله .... بيهه جم عله والشهد حامي الحمه ....... ام ابوهه ... تنعى ابوهه ... ابكسرت الخاطر ادكله بويه ... ياهو اليه ... لو رحت باجر أُبقى يمي يا أعز من روحي لا تخليني أظل وي نوحي اوياك اخذني وانه احير ابروحي ماكو غيرك بلسم اعله اجروحي صاحت ابحركَه .... رايده الملكَه يل عليك امعلمه ...... غمض عينه ... وعاف بنته .... بس علي وياهه أشد موقف ... هذا مرهه ... وحيل اذاهه أشد من كسر الظلع والعصره ألماهه موت ابوهه الزهره شيدت بيت الحزن بالعبره وصارت اعليه تنتحب بالحسره بالحزن عاشت ... لحد ما ماتت الجفن نازف دمه ....... جان عدهه ... الزهره ابوهه .... اغله ما عدهه روحه فاضت ... بين اديهه ... وبقت وحدهه بعده ما شافت فرح بعيونهه ليل وانهار البجي ابماعونهه ماكو واحد كال الله ابعونهه انظلمت ابظلم الذي ايكرهونهه بيهه ما رحمو .... جم ظلع كسرو الخالفو حكم السمه ...... ✍ كلمات : موسى الخادم

روي أنه لما قبض النبي امتنع بلال من الأذان، قال لا أؤذن لاحد بعد رسول الله ص وإن فاطمة ع قالت ذات يوم، إني أشتهي أن أسمع صوت مؤذن أبي ص بالاذان، فبلغ ذلك بلالا، فأخذ في الأذان، فلما قال: الله أكبر الله أكبر، ذكرت أباها وأيامه، فلم تتمالك من البكاء، فلما بلغ إلى قوله: أشهد أن محمدا رسول الله شهقت فاطمة ع وسقطت لوجهها وغشي عليها، فقال الناس لبلال: أمسك يا بلال فقد فارقت ابنة رسول الله ص الدنيا، وظنوا أنها قد ماتت، فقطع أذانه ولم يتمه يابلال اگطع أذانك صوتك ايهيج الجرح من تصيح اللهُ اكبر تطعن الزهره ابـرمح ولو جبت طاري مُحمد علزچيه العـلّــــه تشتد يابلال يابلال ــــــــــــــــــــــــــــــــــــــــ يابلال ام الحسن يكثر دمعها وتوگع اشما مر الآذان ابسمِعها اگطع آذانك عسن يگطع وجعها وارحم السطروها والكسرو ضلعها ينغشي اعليها البتوله صوتك اشما بيها مر وعلوجه طيحتها تلچم كل ضلع بيها انكسر والأذان اشما تردد علزچيه العـلّــــه تشتد يابلال يابلال ــــــــــــــــــــــــــــــــــــــــ يابلال الزهره بس فگدت ابوها جمّع ابليس الشياطين واجوها واحد ايلم ابحطب صاح احْرُگوها واحد ايگلهم وره الباب اعْصُروها الثاني من گالوله فاطم ابلا خجل گلهم وأن فتوه كتلو بيها محسن الله يلعنهم لعن بالــــجنين اللي تفرهد علزچيه العـلّــــه تشتد يابلال يابلال ــــــــــــــــــــــــــــــــــــــــ يابلال الزهره هم عندك خبرها الظالم ابچفه الخشن علخد سطرها فاطمه زرگه الجفن صارت بثرها المشكله هلحادثه احسين النظرها اشحالته الينظر على امه اگبال عينه وتنسطر اشحالته ويسمع ضلعها ابچف نواصب ينكسر اشما تهل دمعاته علخد علزچيه العـلّــــه تشتد يابلال يابلال ــــــــــــــــــــــــــــــــــــــــ يابلال الزهره اذا تسأل عليها لسه ما رايح أثر چويات اديها قنفذ ابسوطه اشكثر ظل ياذي بيها آه يبسمار الگلب غيّب وعيها بعده ما مدفون ابوها واختلف كل الحچي فاطمه منعو ورثها وحتى منعوها البچي والظلم كلما تعدد علزچيه العـلّــــه تشتد يابلال يابلال ــــــــــــــــــــــــــــــــــــــــ يابلال ومن بعد طه ورحيله فارگت عزها ام حسن صارت ذليله كالخيال امن المرض ظلت نحيله وگامت اتوصي ابوصاياها العقيله ابكربله يايمه اخيّچ بيه اذا خان الدهر صدره شميه بالنيابه عني وقبلي النحر لو حصل هليوم الاسود علزچيه العـلّــــه تشتد يابلال يابلال ــــــــــــــــــــــــــــــــــــــــ يابلال اقسم وحگ رب البريه الثاني والاول سبب موت الزچيه همه اصل كل الفتن والطائفيه ابچفهم احسين انذبح بالغاضريه والله أصحاب السقيفه لو مشو بمر النبي چا بقت زينب اميره وما يطلعوها ابسبي هل أمر حين التجسد علزچيه العـلّــــه تشتد يابلال يابلال ــــــــــــــــــــــــــــــــــــــــ سيد علي عبدالزهره الناجي

عجلت يل غالي ليش بغيبتك          تكسر الخاطر تخلي ابنيتك ............................. عجليت ابساع ليش بهل سفر        ولزجيه عليك مكسورت ضهر ريت يابويه العمر بعدك كصر   البيت مضلم ماشفت بيه صورتك تكسر الخاطر تخلي ابنيتك ....................... يانبي لرحمان أصرخ يارحيم         عاين السلام من بعدك يتيم من غبت وتجاسر علينه ألايم           كَال يهجر مااخذ بوصيتك تكسر الخاطر تخلي ابنيتك ............................. غمضيت العين وصار انشقاق       وللسقيفه بنو اصحاب النفاق قررو ظدنه وصار تفــــــــاق الصحابه بغدر بويه جازتك تكسر الخاطر تخلي ابنيتك      ...................            نگطعت گبالي يبويه انفاسك بحضنه حيدر جان واظع راسك اغلئ من روحه واعز كل ناسك خذت روحي من خذوها جنازتك           تكسر الخاطر تخلي بنيتك .....................                          غبت واليالي الحزن بالهم الفن         شايلات اجروح من كد الزمن اه وا  ويلاه      وعلم  الحسن         كل حقدهم نزلو بوديعــــــــــتك تكسر الخاطر تخلي ابنيتك ٠٠٠٠ ٠٠ ٠٠٠٠ سوو الماصار يابويه وجره وغمضيت ونار بابي مؤجره ضلوعي وي اظلوع ابني مكسره تهون يم حسين بويه مصيبتك تكسر الخاطر تخلي ابنيتك .............. خادم اهل البيت  ع                         فلاح طالب الماجدي

قال تعالى (…… إفإن مات او قُتل انقلبتم على أعقابكم ) …………………………………………………………… أَنبَأَ القرآنُ عَن تلكَ العصابه أفإن ماتَ إنقلبتُم يا صحابه دينُ طه لا يُضَر . باقي في الاثني عشر والبتولِ  .. و البتولِ …………………………………………………………… القران يكشف هالحدث . بس جيب ناس التفهم نصهم امن السيف ارجفوا . ونص يركض اع الدرهَم ركضه لسقيفة ساعده . كل واحد الها امحزم تركوا محمد عد علي . ولموته محد مهتم أظهروا الحقدَ الذي كانَ حبيسا صارَ همُ القومِ من يُمسي رئيسا لكن الحقَ أستمر . باقي في الاثني عشر و البتولِ .. و البتولِ …………………………………………………………… تنقلب لو ما تنقلب . دين الله ابد متغيره باقي اسم احمد يعتلي . في كل آذان انذكره ويبقه علي واحة ورد . وانتم رمال الصحره تبقون هندس والكمر . ياخذ ضوه امن الزهره لن تضروا اللهَ شيئاً و النبيا فازَ بالجناتِ من والَ عَليا من الى الحقِ انتصر . باقي في الإثني عشر و البتولِ .. والبتولِ …………………………………………………………… امجازاته هيج الي تعب .واخرجهم امن الظلمه سوّالهم قيمه و قدر . صعّدهم اعل النجمه جانو غزو و شرب الخمر . مشيول اسم الرحمه ابفضل احمد و مثل النهر . جريان تجري النعمه لو شكرتُم لأزيدنَ عطائي والذي يكفرُ فالنارُ جزائي لهُ سجنٌ في سقر . باقي في الإثني عشر والبتولِ .. والبتولِ …………………………………………………………… والبايعت مية الف . بيوم الغدير الحضرت بس خمسه ظلو والبقت . للمرتضى الكل نكرت اعمايمهم وغيم اصبحت . رعدت خيانه و مطرت يثرب ومن طه استحت . والكاع كلها أحمرّت فهم اولادُ الزنا لا يستحونا لنبي اللهِ سماً يقتلونا قتلُ والسمُ انتشر . باقي في الاثني عشر والبتولِ .. و البتولِ …………………………………………………………… انقلبوا  ومو بس للحكم . سووا جريمه الكبره ابرهه الثاني وبالحطب . يحرك اباب الزهره ابكل قوته اعليه انتچه . يدفع بديه القذره ماتت الزهره امن العصر . ومحسن سگط عالغبره لطمَ الزهراءَ منها العينُ حمرا صارَ سوطُ قنفذٍ في المتنِ جمرا كسرُها لا ما أنجبر . باقي في الأثني عشر والبتولِ .. و البتولِ …………………………………………………………… امة محمد والقصد . الشيعه هي الامه انخلقينه من طين النبي . يعني احنا لحمه ودمه والينه اهل بيته ابصدگ . همه الهوه النشتمّه سوينه جيش امن الخدم . واسسنه دولة خدمه هذا عهدٌ مِنا دوماً ما بقينا يارسولَ اللهِ لن ننسى حسينا نبكي دوماً للنحر . باقي في الإثني عشر و البتولِ .. والبتولِ …………………………………………………………… ✍️ ( سيد خضر الزاملي )

وزن القصيده . الميمر. استشهاد الرسول (ص) ......... ....................... حين الدنت ساعة وفاة المخــتـــار وسدة ابحضنه وهمل دمعه الكرار والحـــزن خيّم والفلك لجله انـــدار. واعتلت صرخة واهـات صوت الوحي يتـــلاها ........................................... صوت الوحي صاح انفكد طــه اليوم والدنيه تجري الدمع لمصابه ادمـوم والــزهرة يم الجسد بالونه اتحــــوم دار الرسول بهل يوم روج الحزن حاطـــاها ........................................ ودع احبابه وانكطع منه الظــــن وارتفع صوت النايحة وصوت الون واتعنه حيدر بالنـعـــش للمـدفـــن. هال اعله جسمه التربان ودمعت.وداع اجــراهـا ............................................ وي الوصي ناحت جميع الاكوان والعرش ناح الفكد نور الايـــمان وندفن وي جثة حبيب الرحــمـان روح الوصي والزهراء .لمّن ( علي) واراهــــا ............................................. غاب وصفت حدر الوطية انواره والدمع من حيدر جمر يتجــــاره راح اللي عالامة انخفت اسرارة وانطوت صفحة امجــــاد جف الغدر اخفاها ........................................... ظلت الامة الفكَد هاديها اتـــنــــوح لمصابه جبريل بحــزن ظـل ايلوح فكد النبي جم كلب صاب وجم روح فگد الرســول المختار جن وانس بًجــــــاهـا ــــــــــــــــــــــــــــــــــــــــ ✍ أبو منتظر الحجامي.

لأبي الزهراءِ أمرٌ قد تسنّى قاب قوسينٍ من اللهِ و أدنى وبصوتٍ لـِ علي •• كلمَ اللهُ النبي يا محمد .. يا محمد …………………………………………………………… الله ابوحي لا مكتفه قرر لقاء المصطفه . ابسدرة نهايه ابسرعة النظره العابره من مكه للمقدس سره . والناگه آيه اعرج من الاوله السمه . وفاق السماء السبعه فوج انبياء تستقبله . والاف تبچي اتودعه وصوت الله وبلهفة عشگ . اقبل يـ طه بسرعه كانَ ممنوعٌ على جبريلَ يصعد و عبورٌ فقط للهادي مُحمد نورُهُ كالذهبِ •• كلمَ اللهُ النبي يا محمد .. يا محمد …………………………………………………………… نور احمد اول منخلق بسم الله اول من نطق . اول عباده اغرب ابو آدم يُعد قبله الابن طه انوجد . نور السياده ساجد الـ آدم كل مَلك .  والسبب طه  ابظهره وادم بگه ابحيره و ندم . لمن گرب للشجره وكلشي انعدل لمن صرخ . افزعلي يا بو الزهره أسمهُ قد صارَ منهُ الشوكُ وردا و بهِ النارُ سلاماً ذا و بردا والهمومُ تنجلي •• كلمَ اللهُ النبي يا محمد .. يا محمد …………………………………………………………… من گصته اينور الگمر ومن ايده ينبع كل نهر . و الكون بـ اسمه تضوي الشمس من وجنته يهب الهوه من ريّته . و انفاسه نسمه كل الكواكب بالسمه . ادّور اعل اصبعه وتفتر من طول ابو الزهره الجبل . ظل ايتعاله ويكبر بلون العمامه الطاهره . صار الزرع لون اخضر كلُ طيرٍ بالسما بالعشقِ ردد ما نطيرٌ إلا مِن فضلِ مُحمد بهِ جنحٌ يعتلي •• كلمَ اللهُ النبي يا محمد .. يا محمد …………………………………………………………… اجمل وصف للمصطفى القران گال إنك على . خلقِن عظيمِن ابوكت الجذب و بلا شرف صادق امين اسمه انعرف . قلبِن رحيمِن ملگاه بسمه و چن فجر . بيه الخلگ مبتشره لو ماهو بالمسجد تره . تلگاه ايوكل الفقره عنده البشر مامش فرق .عن حب مهجته الزهره قلبهُ ازدادَ على الوجهِ جمالا كـ عليٍ يكرمُ العبدَ بِلالا يرأفُ بالناصبي •• كلمَ اللهُ النبي يا محمد .. يا محمد …………………………………………………………… اكثر نبي اتأذه وتعب من ابو سفيان ولهب . واهل السقيفه يهجر عليه كال النذل قرروا للهادي الچتل . هاي الحقيقه التطلع تحارب عالجمل . خي طه وابنيّ عمه والضربت اسهام النعش . للحسن صابت جسمه هالجرأه اجت من قررت .جسم الرسول اتسمّه والدليلُ سورةُ التحريمِ شاهد على طه قلبُها المظلمُ حاقد ولكلِ طالبي •• كلمَ اللهُ النبي يا محمد .. يامحمد …………………………………………………………… غاب الكمر عن السمه والظلمه حاطت فاطمه . دمعتها جمره اثمنطعش مرن چن حلم واثنينهم ظل منحرم . ابكل گلب حسره لا تبقوا الهم باقيه . رفعاه شعار الحاكم سمّينه جبد المصطفى . واليوم دورج فاطم باجر حسين انعطّشه.امن الگفه ايذبحه الصارم لكِ سوطُ و غداً سوطٌ يلوحُ تُرسَمُ في متنِ زينبكِ جروحُ ليزيدٍ تنسبي •• كلمَ اللهُ النبي يا محمد .. يا محمد …………………………………………………………… ✍️ ( سيد خضر الزاملي )

درنه اتجاه البوصله … من كربله للنجف بعد اربعين حسين للنجف متعنين مشايه … مشايه 📜1 اي نعم عدنه بعد ازياره نكَـصدهه ابعدد ومثل يوم الأربعين انادي يا حيدر مدد ازيارة الهادي الأبي تجي من بعد السبي للنجف نكَـصد نزور انواسي بيهه اعظم نبي كل موكب … بيهه انطب  … ياخذنه ابهله والخادم  … هم خادم  …. جان ابكربله نفس المواكب والخدم … من كربله للنجف الشفناهم امعزبين للنجف متعنين مشايه … مشايه 📜📜 2 ما يرد من كربله زاير حسين وهله للنجف يطلع مشي ابدمع عينه السايله النيه معقوده بفخر للغري من النحر ماكو اليحس بالتعب امن اول الآخر صفر شي تلطم … شي تخدم … شي تطلع بچي  مشايه  … والرايه  …. هي ام الحچي زوراه حد اخر نفس … من كربله للنجف ابهذا النهج باقين للنجف متعنين مشايه … مشايه 📜📜📜 3 للنجف كلهه اللتجت بكَـلب صافي اتوجهت اتعزي حماي الحمه الشيعه ما لحضه نست ازيارة الهادي فرض ايروح كلمن يعترض ما نفاركَـهه أبد نعتني من كل أرض كل ميه .. ابلطميه … يطون الدرب والناظر …ظل حاير .. بالرقم الصعب كثره العدد واكثر بعد … من كربله للنجف مليون في عشرين للنجف متعنين مشايه … مشايه 📜📜📜📜 4 نوصل الصحن الولي وصيحت الحب تعتلي وراية المهدي ترف لا فتى إلا علي نترس الحضره لطم ذلك اليدكَـ بالعظم ونندعي ابجاه النبي انصير للمهدي خدم للمهدي … جم جندي .. باچي اعله السبي يحسبنه … ويكتبنه … زوار النبي وبدولته نطلع مشي   … من كربله للنجف وتشوفه هاي العين  للنجف متعنين مشايه … مشايه ::::::::::::::::::::::::::: ✍️🏻 كلمات #موسى_الخادم

لاستشهاد النَّبِيِّ مُحَمَّدٍ صَلَّى اللَّهُ عَلَيْهِ وَآلِهِ وَسَلّمَ (وزن الطويل) وَدَّع طَه دنياهُم . الخلَّاها نَعيْم تصير ماشاف الرَبع مِنْهُم . لارحمه وَلَا كل خَير ★★★★★ وكت مُوتَه أجوا رَبعَه بَيْن إلَيّ يضد ويحبْ راد يخط كِتَاب اِلْهُم حال مِنْ الْوَكْت يرهبْ أَوَّل چلمه گالوها . يَهْجُر . حَتَّى لايكتب صَارُوا مِثْل شارب ماي ذَبّ الْحَجَر وَسَط الْبير ★★★★★ چلمه الصعبَه گالوها . چلمه اتگطع الْأَنفاس چلمه مِنْهَا ضَلّ مهظوم . مثل السيف فوگ الرأْس يرِيد يخط كِتَاب الْهُم . بيه يَنْفَع جَمِيعِ النَّاس حَتَّى لاتضيع الگوم . ولامخلوق بيها ايحيير ★★★★★ جاباهم الدرب النُّور . ناس أَدوَّر الظلمَة مقصدهم يَضِيع الرَّاي يَوْم تَنَازعَوا يَمَّه وَذَاك الْهَدَّم الْإِسْلَام . مَا اريدن أُجِيب اسمَه هُو الأَسَس الْبَاطِل . وَحَارَب آيَة التَّطْهِير ★★★★★ الْخصُومَه ماتصح عندي . ناداهم أَبُو الزهرَه لمَّن كَشْف قَصد الگوم . وَدره بنيَّاتهُم گشرَه حَرْب ضِدّ الْعَدْلَ وَالدِّينَ وَضِدّ الْخَيْر وَالْعِتْرَة الْخِلَافَة الحيدر أَوْ وَلَدِهِ . أصلاً ماتصح لِلْغَيْر ★★★★★ انصدمت ناس بِالْمَوْضُوع . عَلَيْهِم صَعُبَت الصَّدْمَة أعيون . الْحَقّ يجرحَّها . وَمَن شَمْس الصُّبْح تعمَه مِثْل ميريد مايردون . . هَمُّهُم مو مِثْل هَمُّه حقد مَالِه نهايَه وحَدّ منين نجيبله تَفْسِير الشاعر حسن لعيبي الحريشاوي

لاستشهاد النبي محمد صلى الله عليه واله وسلم ليل المفارگ طويل سيدي بيوم الرحيل يارسول الله الكريم ★★★★★ شكثر حيدر شاف من بعدك اذيه بالسقيفه خالفوا ذيج الوصيه قابلوا خيرك يبو الزهره برزيه هجر گالوا عنك اصحاب الرديه هذا تاليت الجميل سيدي بيوم الرحيل يارسول الله الكريم ★★★★★ رحت وبوجهك من اللوعه اثرها گوم حنت للاصل تعبد حجرها جره بشريان الزمن للدوم شرها الوصيه الضيعوا علكل خبرها گوم ماالهم مثيل سيدي بيوم الرحيل يارسول الله الكريم ★★★★★ ارواح باچر شنهي يم ربها عذرها كلها راحت للمناصب تنتظرها مايهمهم نار البگلبك جمرها اليدعون اصحاب علأمه خطرها الوفه بيهم مستحيل سيدي بيوم الرحيل يارسول الله الكريم ★★★★★ خالفوا كل كلمه وصيت وگلتها وقيدوا ايد ابامر الله ارفعتها بلاخليفه گالوا الامه عفتها وگالوا الشورى يحيدر خالفتها خالفوا حامي الدخيل سيدي بيوم الرحيل يارسول الله الكريم ★★★★★ اندارت الامه وتغير كل وضعها من السقيفه وگوم بس الشر طبعها غيروا نهج الرسالات وشرعها بهظم حق الطاهره الكسروا ضلعها خالفوا امر الجليل سيدي بيوم الرحيل يارسول الله الكريم ★★★★★ اسسوا دولة ظلم خالفت شرعك يدعون أصحاب همه واعز ربعك علمصالح چانت الوادم تتبعك ياهو منهم حظر دفنك لويشيعك الك بس حيدر خليل سيدي بيوم الرحيل يارسول الله الكريم الشاعر حسن لعيبي الحريشاوي

.      واويـلاه     داره خـلــيـــه        واويـلاه     سـيد الـبــريـه        واويـلاه     هــاي الـرزيّــه                                      *---------------*---------------* اللـيلـه الـكـون مـظـلـم كـلـه بـغـيـابـه نـبـي الرحمه الـوكـف جبريل بـعـتـابـه دمــوع العين لـجـلـه بحسره سـجـابـه بـوداعـه الـحـزن لـيـنـه انـفــتـح بـابـه         لـلـمـخـتـار     نـنـصـب عـزيـه                                      *---------------*---------------* خـلـه بـكـل گـلـب نـيـرانـه والجـمـره الـلـه ايعين گـلـبـچ فـاطـمـه الـزهـره كـسـر المصطفى يصعب بـعـد جـبـره تـرك بـيـنه الـدمـوع الجاريـه وعَـبـره        مـانـنـسـاه     حـد الـمـنـيـه                                      *---------------*---------------* الـهـادي الـچـان نوره مـنـوّر الـسـبـعـه رحـل والـدار ضـلـت تـلـطــم وتـنـعــه انفجعت كلهه بـمـصابـه وتـهـل دمـعـه ونـظـام الـكون هاليله اختلف وضـعـه       يـامـعـبـود       صـبـر الـزچـيـه                                      *---------------*---------------* على الـعـتـره الصحابـه اتـأمـروا بعـده ركـضـوا لـلـسـقـيـفـه ومـاوفـوا وعـده بس حـيـدر عـلينـه الـوسـّده بـالـحـده وتسيل ادموعه حسره وحفـرت بخده      بـالـدمـعـات      حامـي الـحـمـيه                                      *---------------*---------------* عـافـوا نـور ربـنـه وعـاشـوا بـظـلـمـه الگالـوا صـحـابـه اهـل الـجـهـل هُـمـه بجـهلهـم مـارعـوا عـتـرت نـبـي الأمـه حـيـدر ينچتف هظمـه وشـنـو جـرمـه      يـالأصـحـاب     ويـن الـوصـيـه                                      *---------------*---------------* مـنـهـم راح يـشـكـي المصطفى الـربـه كظم غيضه وأذيتـه بمضامره وگـلـبـه أنـحرفـو عـن طريـقـه وخـالـفـو دربـه ذولـه أعـداء كـلـهـم ما اظـن صـحـبـه       مـايـدرون     عـدنـه قـضـيـه                                      *---------------*---------------* ✍خادم الرسول الأكرم الشاعر رعـد الجـريـخـي

(موشح) .            ابـتـدت بـنـت الـرسـول احـزانـهـه              فاطمه الـلـيـلـه الـدمـع سـلـوانـهـه                 *---------------*---------------*              ابـتـدت رحـلـت عـذاب الـفـاطـمـه              وحـزنـت ويـاهـه ملائكتي السـمـه              صـارت الـدنـيـا عـلـيـهـه مـظـلـمـه              و واسـت الزهره انسـهـه اوجـانهـه                 *---------------*---------------*              اشلون تصبـر والـجـرح تـتـحـمـلـه              وضـلـت بحسرات هـمـهـه مـعـولـه              مايهون امـصـابـهـه بـسـيـدِ الـمـلـه              ونـاحـت ابـفـگـده جميـع اكـوانـهـه                 *---------------*---------------*              ياوصف حال الـزچـيـه ايـوصـفـه              مـاتـشـاهـد بـعـد نـور المصـطـفى              الـسـهــر والـنـوح لـلـزهـره صـفـه              وتمسح ابـسيـل الـدمـع بـردانـهـه                 *---------------*---------------*              انكسرت الليله بـكـسـر شـيـجـبـرّه              والـدمـع بـعـيـونـهـه فـاض وَجـره              اتـنوح بمصاب الـرسـول وحـايـرّه              وبـاچر ايصير الـحـزن عـنـوانـهـه                 *---------------*---------------*              تعرف اتشوف المأسـي ابـغـيـبـتـه              فـاطـمـه ابـدونـه الـعـمـر مـارادتـه              ايـعـيـنـهـه الله للمصاب الـشـالـتـه فـاطـمـه يـاهـو الاجـاهـه وعانـهـه                 *---------------*---------------* ✍خادم رسول الله الشاعر رعد الجريخي

اويلاه بـظَـهــر الـنــوگ لـلـخــوّان  ..  هـِمـنـه وأبــد مـا ينحمـل يـا نـاس  ..  هـَمـنـه لـلـشـام الـيـسـوگ الـظـعـن  ..  هـَمـنـه بــشَــتــم وســيــاط وحــبــال وأذيـّه *------------------------*---------------------* هـا كـلـمـه الـخَـذتـنــه  ..  ها يـبّتـنـه وگـبـل كـل الـعـشـايـر  ..   ها يبـتـنـه يـخـويـه ويـن صرتوا   .. هايه بـتـنـه مـاتـت بـالـغـرب ونــريــد جـيّـه *----------------------*-------------------* ✍خـادم الحسين ع الشاعر رعد الجريخي

ميمر ( لأستشهاد النبي ص ) ………………………………………………………… قال الحسن . قال الرضا يا شيعتي    . يا رافضه ما منا الا مسموم . لو جتل يخلص عمره ………………………………………………………… اول جريمه ابتدت بيها الامه عل الي نقذهم من سواد الظلمه عل الي إلاه الكون يحلف بأسمه اول جبد جبد الرسول اتسمه ابسم انغدر . سيد البشر نفس النهج . لثنى عشر جف السگت سم الموت . كسرت ضلوع الزهره ………………………………………………………… يا قلم لا تكتب وفاه بوساده اكتبها يوم الفاجعه استشهاده اول دمع سال ابعيون الساده اول جرح ما حصل ليه اضماده اول سهم     . يحمل الم گلب ام حسن . بيه الجم خل تستعد ام حسين . للحايط و للعصره …………………………………………………….…… هاي الجريمه و نعرف السواها وي اليهود و رتّبوا مجراها ما تخطي ام الجمل و الي وياها وكلمة ( اليهجر ) والذي كالاها هذا الجرم . لهل الظلم الهم يظل  . كرسي الحكم لا اجو حتى بتشييع . لا وصّلوه الگبره ………………………………………………………… حيدر وحيد و ناره تجوي ابگلبه ضاكت الدنيه ابعينه صارت غربه شال الضوه وبس الظلام ابدربه احمد اخوه واخلافه كلش صعبه طاح العمد . راح السند حيدر صفه . ماله احد لازم اصفاحه الكرار . نصين صاير ظهره ………………………………………………………… مات وبقت لبنيته تسعر ناره اثمنطعش ما شبعت تشوف انظاره كل همه للباب و جرح بسماره ودموعه لاصوات الضلع تتجاره تبت وتب  . يابو لهب لم الحسن . جايب حطب واذبحت محسن مظلوم . ماشاف ابد من عمره ………………………………………………………… اليقتل حبيب الباري و افضل رسله تصبح ارگاب البشر كلش سهله كلش طبيعي حسين ضامي اتجتله سهله الطفل وبنحره نامت نبله اليقتل نبي . سهله السبي سوط و حجر . فوگ العبي لا مو عجيبه النيران . و زينب تدوس الجمره ………………………………………………………… ✍️( سيد خضر الزاملي)

#تـراث اليوم أبو ابراهيم سيد اكوانها گوظ أوناحت إنسها وجانها ــــــــــــــــــــــــــــــــــــــ گوض اليوم النبي او داره بگت موحشه او لجله الديار اتگدرت والملايك ناحت الفگده او بچت والجنان أو حورها او ولدانها ــــــــــــــــــــــــــــــــــــــ اليوم مچدر اصبح الفگده السمه گام يبچي او للخطب يمطر دمه وشمسه صايبها الكسوف او مظلمه والأرض لبست عليه احزانها ــــــــــــــــــــــــــــــــــــــ لبست اثياب الحزن لجله الأرض واظلم الكون وبچه اعليه الفرض واحنه نبچي اوهالمياتم ما تفض للقيامه والحزن عنوانها ــــــــــــــــــــــــــــــــــــــ للقيامه انضل ننوح او ما نمل حيث من يوم ارتحل سيد الرسل حل باهل بيته وباهل وده الكتل وردت الأمة تَعبَد أوثانها ــــــــــــــــــــــــــــــــــــــ شتتوهم بین مسموم اوچتیل او بين مسجون او غده ایون او عليل وبين بديار الغرب اصبح نزيل او منها ذاهت وضربت وديانها ــــــــــــــــــــــــــــــــــــــ هاي حالة عترة الهادي الرسول اصبحت بالهم عگب عينه تجول ريت يالهادي تجي اتشوف البتول تبچي ضلت والحزن ديدانها ــــــــــــــــــــــــــــــــــــــ او من حزنها ابواب صارت للحزن منها ضلت عترة الهادي تون هذا شارد ذاك محجور ابسجن او هذا خايف من غدر عدوانها ــــــــــــــــــــــــــــــــــــــ أمهم الزهره الگضت بأخطر أمر حاله بيها ايضيج من عدها الصدر بيها كثره اجروح وأعظمها الكسر ضلت ابگلب المحب نيرانها ــــــــــــــــــــــــــــــــــــــ اه يا ضلع الزجيه او كسرته اه ياذاك الجنين أو طيحته اه يا حامي الحميه او عبرته اه يدمعة زينب أوجـروانـها ــــــــــــــــــــــــــــــــــــــ اه يونات الحسن حين النظر للزچيه الوالده أو دمعه الحدر اه يا الحسين النده ظهري انكسر حين شاف امه عليها اچفانها ــــــــــــــــــــــــــــــــــــــ شيعوها ابليل والمدمع يسيل من دفنها اشلون حماي الدخيل او يم گبرها اشلون صار الهم عويل زلزل الدنية أو هدم اركانها الشاعر المرحوم ناعي الزهراء السيد جاسم الطويرجاوي #اللهم_عجل_لوليك_الفرج

#تـراث اليوم أبو ابراهيم سيد اكوانها گوظ أوناحت إنسها وجانها ــــــــــــــــــــــــــــــــــــــ گوض اليوم النبي او داره بگت موحشه او لجله الديار اتگدرت والملايك ناحت الفگده او بچت والجنان أو حورها او ولدانها ــــــــــــــــــــــــــــــــــــــ اليوم مچدر اصبح الفگده السمه گام يبچي او للخطب يمطر دمه وشمسه صايبها الكسوف او مظلمه والأرض لبست عليه احزانها ــــــــــــــــــــــــــــــــــــــ لبست اثياب الحزن لجله الأرض واظلم الكون وبچه اعليه الفرض واحنه نبچي اوهالمياتم ما تفض للقيامه والحزن عنوانها ــــــــــــــــــــــــــــــــــــــ للقيامه انضل ننوح او ما نمل حيث من يوم ارتحل سيد الرسل حل باهل بيته وباهل وده الكتل وردت الأمة تَعبَد أوثانها ــــــــــــــــــــــــــــــــــــــ شتتوهم بین مسموم اوچتیل او بين مسجون او غده ایون او عليل وبين بديار الغرب اصبح نزيل او منها ذاهت وضربت وديانها ــــــــــــــــــــــــــــــــــــــ هاي حالة عترة الهادي الرسول اصبحت بالهم عگب عينه تجول ريت يالهادي تجي اتشوف البتول تبچي ضلت والحزن ديدانها ــــــــــــــــــــــــــــــــــــــ او من حزنها ابواب صارت للحزن منها ضلت عترة الهادي تون هذا شارد ذاك محجور ابسجن او هذا خايف من غدر عدوانها ــــــــــــــــــــــــــــــــــــــ أمهم الزهره الگضت بأخطر أمر حاله بيها ايضيج من عدها الصدر بيها كثره اجروح وأعظمها الكسر ضلت ابگلب المحب نيرانها ــــــــــــــــــــــــــــــــــــــ اه يا ضلع الزجيه او كسرته اه ياذاك الجنين أو طيحته اه يا حامي الحميه او عبرته اه يدمعة زينب أوجـروانـها ــــــــــــــــــــــــــــــــــــــ اه يونات الحسن حين النظر للزچيه الوالده أو دمعه الحدر اه يا الحسين النده ظهري انكسر حين شاف امه عليها اچفانها ــــــــــــــــــــــــــــــــــــــ شيعوها ابليل والمدمع يسيل من دفنها اشلون حماي الدخيل او يم گبرها اشلون صار الهم عويل زلزل الدنية أو هدم اركانها الشاعر المرحوم ناعي الزهراء السيد جاسم الطويرجاوي #اللهم_عجل_لوليك_الفرج

موشح للرسول مظلمه الدنيه ابفـﮕـد سلطانها يارسول الله وعليك احزانـها ۩ ۩ ۩ .. ۩ ۩ ۩ ۩ ۩ ۩ .. ۩ ۩ ۩ يا ابو الـــقاسم يسر كل الــوجود والله مو لآدم ألك ﭼـان الــسجود للجحيم الــــخالف اوصيتك وقود ويصطلي ابــيوم الحشر نيرانها ۩ ۩ ۩ .. ۩ ۩ ۩ ۩ ۩ ۩ .. ۩ ۩ ۩ والعليك الـﮕـــال تهجر يا رسول من بعد عينك كسر ظلع الــبتول أنكر ولايت علي فحل الــــفحول حُرمت اهل البيت ابد ما صانها ۩ ۩ ۩ .. ۩ ۩ ۩ ۩ ۩ ۩ .. ۩ ۩ ۩ من درو لا ما يسل حيدر فقار بالـسقيفه اهل الشرك علنو قرار يستعر باب الـــزﭼـيه الزهره نار بضعتك محد رعاها وعــــــانها ۩ ۩ ۩ .. ۩ ۩ ۩ ۩ ۩ ۩ .. ۩ ۩ ۩ من قبل معراج روحك للـــــــقدير علـ خلافه اتنازعو ياهو اليصير أبد ما ﭼـنك ﮔـلت يوم الغدير : بس علي سيد أنسها وجــــــانها ۩ ۩ ۩ .. ۩ ۩ ۩ ۩ ۩ ۩ .. ۩ ۩ ۩ ما حزن لــــــــرزيتك بس حيدره وبس جفن فاطم عليك اللي جره والـــــــــــبقيه اعله الحكم متآمره رجعت لــ لات وهبل أوثــــانها اُمتك بالــــــباب تعصر فاطمه وتطبر ابـــمحرابه حماي الحمه والـــــــحسن بعدك يويلي اتسممه ولــعِتــرتك هذا هوه أحســـانها ۩ ۩ ۩ .. ۩ ۩ ۩ ۩ ۩ ۩ .. ۩ ۩ ۩ والحُسين ابــــــيوم أقدِم كــاتبوه غدرو وﮔـلبه ابــــمُثلث صوبوه وانذبح عطشان بالــطف سلبوه وعلصدر ضلت ترض فرسانها ۩ ۩ ۩ .. ۩ ۩ ۩ ۩ ۩ ۩ .. ۩ ۩ ۩ علـــــرمح راس ارتفع لبنك شهيد رتل القرآن والذكر الــــمجيد ما أذل هيهات يهتف يـــــــــا يزيد ودم بـﭽـتله السبعه وي أكوانها ۩ ۩ ۩ .. ۩ ۩ ۩ ۩ ۩ ۩ .. ۩ ۩ ۩ يــــــارسول الله ويضل أعظم أمر من مشت بت فاطمه ابحال اليسر من عـﮕـب عباس حارسها الــشمر هلــــ دهر خوان طبعه وخـانها ۩ ۩ ۩ .. ۩ ۩ ۩ ۩ ۩ ۩ .. ۩ ۩ ۩ سيد علي عبدالزهره الناجي