Islomjon Qo‘chqorov ijodi

Маҳмуд Номозов бу шеърни маромига етказиб ўқиган.

Бугун Ўзбекистон халқ шоири Усмон Азим муборак 76 ёшни қарши олди. Устозга узоқ умр тилаймиз. * * * Ўша – мени ҳеч ким соғинмаган шом Авто бекатида ҳайрона турдим. Бошимни кўтариб боқдим бир замон. Қаршимда бир йигит, бир қизни кўрдим, Йигитнинг палтоси... Йўқ, ёдимда йўқ... Аниқ, кўм-кўк эди қизнинг палтоси. Белларини қучган белбоғи ҳам кўк. Ҳатто кўм-кўк эди тўртта тугмаси... Йигитнинг кўзлари... Эслай олмайман... Ошкор жаранглатиб пинҳон ўйини, Қизнинг кўзларида ёқарди гулхан. Эркалик ва ишқнинг маъсум қуюни… Йигитнинг юзида билмайман, нима... Аммо қизнинг юзи қаршимда аён: Уни кўмган эди гулгун шафаққа Муҳаббат – энг мовий покиза осмон... Қор бўлса ёғарди, қизнинг бошидан Кумуш тангаларни аямай сочиб, Шамол титар эди – кўзи, қошига Манглайига тушган бир тутам сочин. Йигит... Йигит билан қанча ишим бор! Аммо қиз йигитни шундай суярди. Ки, гоҳ термуларди ҳазин, беозор, Гоҳо қўлларини ушлаб қўярди. Тошкентдай шаҳарда, балки дунёда Ягона – ҳаммадан гўзал эди қиз. Чиқмаса ҳам телба орзум рўёбга, Бўзлаб қаршисига чўкким келди тиз! Йигит... Аммо нега сени ўйлайман, Ҳозир ҳам ҳавасдан музлайди этим... Мен қорли бекатда вайрон турган шом, Сен мендан – ҳаммадан бахтиёр эдинг. © Усмон Азим

Islomjon Qo‘chqorov — uyg‘on "Navoiy va Bobur" she'riy konsertidan Konsertni “So‘z”ning YouTube kanalida to‘liq ko‘rishingiz mumkin. https://youtu.be/sKk7YFs8Ixo?si=tXm36-Bs9ZdGFWjI

Адабиётимизда ўз сўзи ва услуби билан алоҳида ажралиб турадиган Жавлон Жадиднинг туғилган куни бугун. Жавлон ака, бу миллатга, бу Ватанга айтар сўзларингиз мўл бўлсин илоҳим. Жавлон Жовлиевга бағишланади Баданингда жимир этган томирми у, Юрак тананг узра қонинг ҳайдаяптими? Меҳрибоним, тикилганинг Помирми у, Бадар кетган болаларинг қайтмаяптими? Не чоранг бор боғларингни зоғлар босса, Ўймайсанми буни кўрган кўзларингни. Озод қалбинг осмонини доғлар босса, Тайёрлаб қўй таскин учун сўзларингни. Кўзларингдан уққаним шу савол бўлди: Энди кечми, бой бердикми ҳаммасини?.. Наҳот бутун дунёимиз завол бўлди, Сезмадикми қузғунларнинг ҳамласини?.. Йўқ, онажон, бағринг тилма, сочинг юлма, Сочинг керак душманларни бўғиш учун! Юздан ошиб, қайта туғил, лекин ўлма, Бағри бутун болаларни туғиш учун! Ўз қадрини билмаганлар эрман деса, Ўз юртида қадр топмас ўлгунича. Болаларинг йигит бўлса, эрман деса, Тупроқ қўриб ётсин тупроқ бўлгунича! © Исломжон ҚЎЧҚОРОВ @islomjon_ijodi

Soʻz birlashtiradi! “Soʻz”ning yangi mavsumi boshlanish arafasida avvalgi ishtirokchilarining telegram kanallarini bitta chatjildga yigʻib chiqdik! Quyidagi havolani bosib, barchasini kuzatib borishingiz mumkin. 👇👇👇👇 https://t.me/addlist/-CPFBIiNqmM2MTA6

📣📣📣📣📣   Adabiy kecha va kitob taqdimotiga taklifnoma Joriy yilning 24-iyul kuni soat 11:00 da Alisher Navoiy nomidagi O‘zbekiston Milliy kutubxonasida "Hirotga, bobomning huzuriga!" nomli kitobning ilk taqdimoti bo‘lib o‘tadi. Mazkur asar "Jadid" gazetasi muharriri, shoir Shahriyor Shavkat qalamiga mansub bo‘lib, unda muallifning Afg‘oniston zaminidagi safari va ko‘rgan-kechirganlari real voqealar asosida bayon qilingan. "Jadid kutubxonasi" rukni ostida chop etilgan ushbu safarnoma o‘quvchilarni buyuk mutafakkirlarimiz – Alisher Navoiy, Zahiriddin Muhammad Bobur, Mavlono Lutfiy, Boborahim Mashrab hamda Abu Rayhon Beruniyning mangu qo‘nim topgan maskanlari bilan tanishtiradi. Asarda bayon qilingan yo‘nalishlar Mozori Sharif, Balx, Kobul, Hirot, G‘azni va Taxor hududlarini qamrab oladi. Kitobda Hayraton chegarasi ortidagi hayot, ommaviy axborot vositalari va ijtimoiy tarmoqlarda kam yoritiladigan Afg‘onistonning o‘ziga xos jihatlari hamda muallifning haqqoniy taassurotlari jamlangan. Taqdimot marosimida O‘zbekiston xalq shoiri, "Jadid" gazetasi bosh muharriri Iqbol Mirzo, akademik Abdulla A’zam, shuningdek, taniqli olimlar, ijodkorlar va keng jamoatchilik vakillari ishtirok etishi rejalashtirilgan. Barcha kitobxonlar va ma’naviyat ixlosmandlarini mazkur ma’naviy-ma’rifiy tadbirga taklif etamiz. Tilda, fikrda, ishda birlik! Jadid.uz | Telegram | Facebook | Instagram | YouTube

Бу ишонч ва масъулият ортидан яхши бир асар ёзилади, насиб қилса. @islomjon_ijodi

СЕНИ СОҒИНЯПМАН Сени соғиняпман, Қошингга шу дам Учиб борай десам, қанотларим ҳўл. Юриб борай десам, манзилингни ҳам Адаштириб кетган борса келмас йўл. Сени соғиняпман, Қара, азизам, Ғовлардан иборат тўртта томоним. Тўрттала томонга югурай десам, Наштарларга тўлган экан тавоним. Сени соғиняпман, Кулишларингни Бир бора кўришга интизор бўлдим. Хаста жонимдаги улушларингни Бирма-бир улашдим ва кейин... ўлдим. Сени соғиняпман, Лаҳзалар сайин Соғинчга айланиб борар вужудим. Ишқнинг оташида ёндим атайин, Севгидан бунёддир бутун сужудим. Сени соғиняпман, О, бадар кетсам, Мени эслаб тургин ҳар қиш, ҳар баҳор. Бир кун излай-излай изингдан етсам, Эшикни очмагин зинҳор ва зинҳор. Сени соғиняпман... © Исломжон ҚЎЧҚОРОВ https://t.me/islomjon_ijodi

Эшқобил Шукур энг яхши кўрган устоз ижодкорларимиздан бири. Устознинг янги китоб тақдимоти адабиётимизнинг байрамидир. Таклифдан бошим осмонга етди. Насиб қилса, албатта, бораман. @islomjon_ijodi

Boramiz!

😊 Yozning eng issiq ijodiy kechasiga marhamat! 🔥 Oʻzbekiston Yoshlar ishlari agentligi “Mutolaa” loyihasi hamda O‘zbekiston Milliy kutubxonasi hamkorligida “Kechikkan yo‘lovchi” nomli teatrlashtirilgan nazm kechasini taqdim etadi. ⚡️ 10-iyun sanasida tashkil etilayotgan ijodiy kechamiz uning qahramoni shoir Dadaxon Muhammadiyev, hamda maxsus mehmonimiz shoir va aktyor Erkin Bozorov ishtirokida boʻlib oʻtadi! Tashrif buyurgan kitobxonlarga kitoblar sovgʻa qilamiz. 10-iyun, 18:00 da Alisher Navoiy nomidagi Oʻzbekiston milliy kutubxonasida barcha kitobxonlarni kutib qolamiz! Mutolaa ilovasini yuklab oling

​​#Таваллуд_санангиз_муборак #Бек_АЛИ #34_ёшда Бугун жондай жўрам, жигарим, шоир Бегали Эшонқуловнинг туғилган куни. Дарё жўрам, умрингиз узун бўлсин. Ижодингиз гулллаб яшнасин. Доим бор бўлинг. БЕК АЛИ МОНОЛОГИ Жўра, мен тушунмадим бу дунёнинг ишига. Қучоқ-қучоқ гул берар ҳаётимнинг қишига. Бугунимни ёқлаган, эртамни сўроқлаган Бир тўп одамлар келиб қизиқар ўтмишимга. Билсанг, умрим ғурбатга қоришиб ўтиб кетган. Қаро кунларим... воҳ-воҳ, ёришиб ўтиб кетган. Ўзим ёққан оловни ўчиролмай саргардон, Бутун умрим ҳовучлаб сув ташиб ўтиб кетган. Мен-ку ғариб дунёнинг ройишига кўнганман. Ковушимнинг қадамда тойишига кўнганман. Иштони йўқ, тиззаси йиртиқларга кулганда Ва шуларнинг басма-бас койишига кўнганман. Аммо бугун шу йўлнинг ўртасида ўлтириб, Ўтган-кетганни мана ўлтирибман кулдириб. Жўра, агар тушунсанг, ўзинг менга тушунтир, Менга бир жавоб айтгин юрагимни тўлдириб. Нега манов дунёнинг одамлари серсавол? Менга эмас, борлиқнинг эгасига бер савол. Жавоб излаб юрибман сенгамас Холиқимга, Фурсатим етса бўлди, ҳаётим топмай завол. © Исломжон ҚЎЧҚОРОВ @islomjon_ijodi

#eslab Eng go‘zal izhorim ichimda qoldi Qashqadaryoning so‘lim “Lochin” oromgohi. Tanlov yo festivaldamiz. Miraki tog‘ining bag‘ri, Oqdaryo soyining bo‘yginasidan o‘rin olgan bu oromgohning yozi ham salqingina bo‘larkan. Kunduzi iliq, kechasi etni junjiktiradigan havo ko‘ngilga xush yoqadi. Bir kuni qashqadaryolik ijodkor do‘stlarimizdan biri kechki ovqatdan so‘ng soy bo‘yida mushoira bo‘ladi, boringlar, deb taklif qildi. Biroz kechikib ularga qo‘shildik. Davra o‘rtasida aravachada bir qiz o‘tirardi. O‘sha she’r oqshomi sokinligini tog‘ning salobatli viqori ham, soyning tinimsiz shovullashi ham buza olmadi. U kecha she’r yangradi! Baxtiniso yangi qo‘shilganlarga bir-bir qarab chiqar, yaqindan do‘stlashishni istar va tabiiy ravishda juda tez inoq bo‘lib ketardi. Ajablanganim shu ediki, yoshlar o‘z tengquri she’rini jo‘r bo‘lib aytishini men ilk bor o‘shanda ko‘rgandim. Baxtiniso she’r aytishni boshlashi bilanoq qolganlar ilib ketar, bu ovozlar ichida uning ovozi baribir alohida ajralib qolaverar edi. Chunki bu uning dardi, uning ohangi, uning qo‘shig‘i edi. Buni o‘zi ham yaxshigina sezib tursa-da, ba’zan “Qo‘shilmanglar-e, o‘zim aytaman”, deb qolar, she’r boshlanishi bilan esa atrofdagilar beixtiyor yana “taqiq”ni buzaverar edi... 🔗batafsil Islomjon QO‘ChQOROV 📱Telegram 📱Instagram 📱Veb-sayt 📱Facebook

БОЛАЛИК Болалик – ортига қайтмас турналар, Қўл силкиб кетади қатор ва қатор. Ҳар сафар ёдимда минг хил турланар, Ҳар сафар ўйласам, ўйларим бедор. Меҳр нурларини сочиб саҳардан Мурувват аталмиш гулбоғда ўсдим. Бугун-чи, дийдаси қотган шаҳардан Муҳаббат ахтариб юрибман, дўстим. Болалик – ортига қайтмас турналар, Қўл силкиб кетади қатор ва қатор. Ҳар сафар ёдимда минг хил турланар, Ҳар сафар ўйласам, ўйларим бедор. Ўзим йўлдаман-у, кўзларим кўкда, Келар кунингизни айтинг, турналар. Ерда юрганлардан улфатим йўқ-да, Менинг осмонимга қайтинг, турналар. © Исломжон ҚЎЧҚОРОВ @islomjon_ijodi

⚡️ O‘zbekiston Respublikasi Madaniyat vazirligi huzuridagi Kinematografiya agentligi hamda O‘zbekiston Respublikasi Mudofaa vazirligi hamkorligida, “O‘zbekfilm” kinostudiyasi tomonidan yangi yirik badiiy loyiha — “Hoshimov” nomli harbiy-vatanparvarlik filmini ishlab chiqarish jarayoni boshlandi. ✅ Kinematografiya agentligi Axborot xizmati 🌐 Website 🔵Facebook 📷Instagram 🚀Telegram

​​КЕЛДИМ Осмон кўзёшини яширмаган кеч, Ваъдабоз юлдузлар бўлганда мулзам. Туним ғамга ботди – қололмадим ҳеч, Мен сенинг қошингга келдим, азизам. Бу йўллар мени гоҳ оловга отди, Кўзёшинг асради, кўзёшинг – зам-зам. Кўзингда тонг отиб, сўнгра кун ботди, Мен сенинг қошингга келдим, азизам. Гуллаган боғларда саробни кўрдим, Денгизга ботирдим – тўлмади кўзам. Аксимда бир ҳоли харобни кўрдим, Мен сенинг қошингга келдим, азизам. Келгунча минг марта адашганим бор, Ялтироқ йўлларда оёғим тойган. Малаклар қўлимга май тутиб маккор Худди товусдайин қанотин ёйган. Аммо улар айтган қўшиқлар зинҳор Кўнглимга кирмайин соб бўлган сазам. Умримнинг боғлари сарғайиб баҳор Мен сенинг қошингга келдим, азизам. Охир келдим... Мана эшигингдаман, Қўнғироқ тугмаси – асрлик фурсат! Азизам, ранжима, гуноҳкорингман, Адашган итингга мурувват кўрсат. © Исломжон ҚЎЧҚОРОВ https://t.me/islomjon_ijodi

Бугун тарихчи олим Баҳром Ирзаев таваллуд топган кун Замонамиз жадиди, миллатнинг фидойи фарзанди Баҳром Ирзаев таваллуд топган сана муносабати билан Oyina.uz муаллиф мақолаларини қайта улашади. Баҳсли тарих: Ўроз Жондўсов – коммунист, сиёсий арбоб ва миллий қаҳрамон; Султоннинг қамоқдаги қичқириғи: “Кимдир бу ердан тирик чиқса, гуноҳим йўқлигини айтинглар!”; Газеталарнинг ҳаммаси ёлғон ёзади, ҳокимият бизда бўлиши керак – “Учлик” айбини тополмаса-да ўлимга ҳукм этган Азиз Хўжаев; 12 ёшидан дарс беришни бошлаган, аёлига мактаб очиб берган жадид. Расмий саҳифаларимиз👇 Telegram | Facebook | X | Instagram

Jamoaga omad tilaymiz va nasib qilsa, ishtirok etamiz. Taklif uchun katta rahmat! @islomjon_ijodi