Jadriya Wolf

نبديها بتوضيح اعتقادي الشخصي ... اني اعتقد الثالث ... عثمان ... مو اقل من اولهم وثانيهم ... ذولاك صح الهم خصوصيتهم ... بس هذا هم شيطان وأمام من ائمة الكفر ... اول وتالي هو من جماعة التابوت ... ومخصوص باللعن بالزيارات واصلا بي احاديث خاصة مخصوصة اله وعليه كل الي سواة وصار مچان صدفة ولا مجرد جشع واستئثار مادي لعائلتة ولا دوافع نفسية شخصية تصير عد عامة الحكام ... كل الي سواة ( والاثنين الي قبلة وابنتيهما) وسووا بني أمية چان بدافع تأسيس وتعليم وترسيخ ونشر الكفر والجحود بالامام علي والائمة ... ماكو شي عفوي ولا عبثي صار مثلة وية الأنبياء السابقين ... بس هذا مستوى ثاني ... والي يقرأ احداث مقتل عثمان والي هو گالة وسواة والتصرفات الي تصرفها راح يفهم عثمان شلون شيطان ... هو فعلا وعن قصد ولأن يعرف الحسين راح يقتل مثل ما گال النبي ... هو أسس لكل فن عذاب واذية وحطلها ساس واساس علمود تصير أشنع بيها على الحسين السنة يعيبون على الامام علي أنه شلون يگول چان اكو وصية أنه ما يرفع سيفة ويقاتل يدافع عن حقة ويگعد ببيته !!!! عثمان ادعى أنه النبي وصاه ما يقاتل ويگعد ببيته ويقدم نفسه للقتل ... والسنة يقبلون منه هذا الحچي ويعظموا لأن التزم بوصية النبي بعدم القتال !!!!!! عثمان هم مچان وحده بهاي الشيطنة ... چانت وياة عيشه ... الي يوم الجمل الامام علي گاللها " وما رميت إذ رميت ولكن الشيطان رمى " عائشة هيه ربت وعلمت زوجة عثمان نائلة ... نائلة الي جيش معاوية چان منتظر على أسوار المدينة أنه عثمان ينقتل ونائلة تدز القميص والرسالة ... وانقتل عثمان وبنفس اليوم نائلة دزت قميص عثمان ورسالة لمعاوية ... الرسالة نقلها النعمان بن بشير ... احفظ الاسم هاي الرسالة مذكورة بكتب التاريخ ... واتهمت بالتصريح وبكل وضوح أنه الامام علي هو حرض وشجع على مقتل عثمان وما نصره وانقذه ... ذلك هو الكتاب الذي اجتمع لسماعه خمسون ألف شيخ من شيوخ الشام يصيحون ويعجون بالبكاء تحت قميص عثمان، وأصابع نائلة، ويتقاسمون فيها بينهم ألا يمسوا غسلا حتى يقتلوا عليّاً، أو تفنى أرواحهم. وأخذوا قميص عثمان نصبوا على منبر مسجد دمشق والمسجد من برة ... نفس المكان الي نصبوا بي راس الحسين وزينب شافته وگالت " يا رسول الله هذا راس حبيبك الحسين مصلوب " وطافوا بقميص عثمان في اجناد الشام ... وطافوا براس الحسين في اجناد الشام قميص عثمان دزت وياة نائلة أصابعها الي عود انگطعت لمن چان تدافع عن عثمان ... معاوية خيط اصابع نائلة مرت عثمان بالردن مال قميص عثمان والناس تدگ على عثمان ونائلة وبني أمية طافوا براس الحسين ثار لقميص عثمان ... وبنات الحسين ... ثار لاصابع نائلة نائلة ادعت أنه حرگوا باب عثمان ... حرگوا خيام الحسين نائلة ادعت أنه نهبوا بيت عثمان ... نهبوا خيام الحسين نائلة گالت " عُرينا من حُلينا " ... سلبوا تراچي بنات الحسين بني أمية گالوا أنه الي قتلوا عثمان اخذوا ملاءة نائلة ... سلبوا عبي وحجاب بنات الحسين نائلة گالت ضربوا عثمان ثلاث ضربات على رأسه وثلاث طعنات بصدرة ... والشمر ضرب الحسين اثني عشر ضربة ( ضعف العدد ) عائشة گالت ذبحوا عثمان كما يذبح الكبش ... والإمام الرضا گال الحسين ذبح كما يذبح الكبش نائلة گالت وقد اثخنوه وبه حياة وهم يريدون أن يقطعوا رأسه فيذهبوا به ... والحسين فعلا اثخنوه وبي حياة وفعلا گطعوا رأسه وبي حياة وذهبوا به عثمان يگولون اكو واحد داسه ورة مات وكسر ضلعين منه ... الحسين خلوا عشر خيول تدوس على صدره عثمان منعوا من المي ... الحسين انذبح عطشان ممنوع هو وأطفاله من المي عثمان انمنع أنه يدفن ... الحسين هم انمنع يندفن نائلة هيه بالواقع حلم الشيعة الثوريين وسوت كلشي يدعون أنه السيدة زينب ... نائلة طلعت خطبت خطبت رنانة بالمسجد النبوي ورة مقتل عثمان ... وطلعت وية عائشة للبصرة ... وهيجت الآلاف بالشام ... وفعلا بثت روح الثورة والثورات وحركت الجيوش ... زينب بس چانت تبچي ... الثورة والإعلام وخرط الجماعة ترة عد نائلة مو عد زينب النعمان بن بشير الي طلع قميص عثمان من المدينة للشام وبچوا جوة القميص خمسين ألف من شيوخ الشام هو الي رجع عائلة الحسين من الشام للمدينة ... الي هو النعمان بن بشير الي قاد القافلة الي رجعت السبايا من الشام - بعد أن احتفل بيهم أكثر بهواي من خمسين ألف شيخ ودگوا طبول ودفوف - للمدينة مرورا بكربلاء ... باچر ... يوم العشرين صفر

حدث السبي البابلي على ثلاث موجات رئيسية من الترحيل بقيادة الملك نبوخذنصر الثاني بين عامي 605 و586 قبل الميلاد. [المدة الزمنية كاملة چانت 21 سنة ] موجات الترحيل الثلاث الموجة الأولى (605 قبل الميلاد): حدثت بعد الصراع الأول بين نبوخذنصر ويهوذا في عهد الملك يهوياقيم. استهدفت أفراد العائلة المالكة والنبلاء. الموجة الثانية (597 قبل الميلاد): اندلعت بسبب ثورة يهوذا بقيادة الملك يهوياكين. نُفي ما بين 7000 و10000 شخص - من بينهم حرفيون ونبلاء. الموجة الثالثة (586 ق.م.): عملية الترحيل الأخيرة والأكثر تدميرًا التي أعقبت حصار وتدمير القدس وهيكل سليمان في عهد الملك صدقيا، وأسفرت عن أكبر عملية أسرى نُقلوا إلى بابل. خصوصا هذا اخر ترحيل وتدمير ... صار على الحان سيد سلام " منصورة يا شيعة علي منصورة"

وراح يجي يوم ... والله وبالله وتالله... راح تتحسرون على زيارة ... راح تتحسرون على ماعون القيمة ... وكلة من ايدكم وعقوبة من الله الكم ... لأن هواي مصختوها يلشيعة ... كلش مصخت وكل البلة من جوة راس الاحبار ... عفوا ... العمايم ... واحنا لازم نعيد كلشي بني إسرائيل سووا ... هاي التفاصيل كلها موجودة بالتوراة ... مو شي استنتاج وسري ... يقروا يومية ... احنا الشيعة كلشي ماكو احبارهم ورجال دينهم اشرف بهواي من عمايم الشيعة ... ما ضامين أنه الاحبار والملوك اليهود غلطوا وتعاقبوا ... وچان بيهم هواي مو زينين ... احنا خلي تخرب الزيارة وكلشي والقرايات وتتحرف سيرة الائمة ... اهم شي صنم العمامة اهم شي صورهم واشكالهم الزفرة بكل مكان ... اهم شي همة محور حتى يوم عاشر وزيارة الاربعين ... كلشي يتوظف الهم وعلمودهم وراح تروح مثل ما راح الهيكل ... و دولتهم هم رايحة

9 AV ( Tisha B'Av ) 9 آب ( العبري ) هو أكثر يوم حزين وبنفس الوقت مهم بالتقويم اليهودي ... يصادف عادة في يوم ما بين نص تموز ونص آب ... هاي السنة صادف الاربعاء الي فات تبدي فترة الحداد والحزن قبل ٣ اسابيع من هذا اليوم ( اكو سبب وربط ) وقبل ٩ ايام من هذا اليوم ١ آب العبري ... الأمور والحداد يصير مستوى أعلى ... إلى أن يوصل لهذا اليوم من تبدي فترة ال٣ اسابيع اليهود يمتنعون عن حفلات الزواج والاعراس ويشتري جديد ويلبس جديد وعن الرفاهية ولا يسمعون اغاني ( عدهم حلال) ... و بهاي اخر ٩ ايام ما يأكلون لحم ولا يشربون نبيذ ... ولا يلبسون ملابس معطرة هستوها مغسولة واكو ما يزينون ولا حتى يسبحون باليوم التاسع ٢٥ ساعة لا اكل ولا شرب ... وما يگعدون على كرسي ( بس بالگاع أو كرسي ناصي مثل التخته ) وحداد ويقرون اجزاء توارة حزينة من قصة النبي ارميا هو شنو صار بهاي الايام؟! يوم ٩ ٱب العبري بي احداث صارت ... يوم واحد بس عدة احداث مأساوية صارت ... هاي الأحداث بيناتها مئات السنين والقرون ... بس هو صادف الأحداث المأساوية الحزينة صارت باول يوم من الأسابيع الثلاثة ... واخر يوم هم تكرر نفس الشي كلها متعلقة بأحداث الله عاقب بيها بني إسرائيل لأن ما سمعوا كلام الله والأنبياء اول يوم من فترة الحداد ... هو يوم الي موسى اجه شافهم يعبدون العجل وكسر الألواح ... ورة ١٠٠ سنة مات هارون ... وورة عدة قرون جيش نبوخذ نصر اقتحم اسوار القدس اخر يوم ٩ اب ... بني إسرائيل گالوا لموسى اذهب أنت وربك فقاتلا أنا ها هنا قاعدون ... والله عاقبهم بأن خلاهم يتيهون ٤٠ سنة بالصحراء ... وهدم وحرق الهيكل الاول على يد جيش نبوخذ نصر ... وورة ٥٠٠ سنة هدم الهيكل الثاني على يد الرومان هيه المناسبة الوحيدة الي اليهود يحيوها علمود يتذكرون اخطاءهم وعقوبة الله شنو سوى بيهم الي عجبني بالقصة هو ارميا النبي واكو هم مجموعة أنبياء قبلة ... ذولة چان بالفترة ال١٠٠-٢٠٠ سنة قبل هدم الهيكل الاول ... وارميا عاصر فعليا الحدث السبي البابلي ما صار مرة وحدة ... صار مرة ... وانعاد مرة ... وثالث مرة هم سبوهم لبابل وفلشوا القدس والهيكل اليهود يتمردون ... البابليين يجون يجرون اذنهم وياخذون الملك الي تمرد اسير ... يحطون ملك غيرة ... فترة ويتمرد وهم يرجعولة يدگوا الانبياء هذولة چانوا قبل هاي القصة يگولون لليهود انتوا هواي انحرفتوا ... والله غاضب عليكم ... وراح يجون ناس يهجروكم ويفلشون الهيكل مالتكم ... وهو بيت ربكم ... والنعمة تروح منكم اليهود چانوا ديثورون وينتفضون ضد ظلم البابليين ... الي ديفرضون عليهم ضرائب وزيادة ضرائب ... يعني ظاهرا سبب الثورة مقبول يعني همة ديخالفون الله باشياء ... يجون أنبياء يگولولهم هذا غلط ... يجون قوم يضطهدوهم لسبب غير ديني ... والله يغريهم يثورون لسبب سياسي ... بس هو ضام عقوبتة بهاي الثورة وصل الحال بملوك اليهود ... رجموا نبي بساحة الهيكل لأن گاللهم لا تطغون ورجعوا ل الله ترة راح يعاقبكم ويسبكم من گاعكم ... وهاي قبل 200 سنة من الحدث والبابليين يعني البابليين فازوا عليهود مرتين ... بس اليهود بقوا معنترين ومعاندين ولازم نثور ونتمرد چان ارميا يگولولهم استسلموا للبابليين وتچفوا الشر ... ترة تخسرون الهيكل ونفسكم همة چانوا بعقلية " احنا الفرقة الناجية وراياتنا تظل عالية " و " واحنا الينحلف بينا نگص راس اليعادينا " ... وهذا بيت الله عدنا وهذي جدران المدينة بانيها داوود وسليمان ... والله اكيد راح يحمي بيتة واحنا مستغلين هذي الحماية حتى نبقى معاندين لأن النصر مضمون ... حتى لو الحرب غلط بس الله چان ديستدرجهم علمود يعاقبهم ... وخلاهم يبقون مصرين على عنادهم ... چان يعتقدون أنه شنو ما يغامرون الله راح ينجيهم وينصرهم لخاطر الهيكل ... بس الواقع الله شال النعمة منهم ... دخلوا البابليين ... حرگوا المدينة كلها واخذوهم أسرى وفلشوا الهيكل ورة ٥٠٠ سنة هم اليهود عادوا نفس القصة بالضبط وما اتعظوا من اول مرة ... وهم قتلوا الانبياء ... هم سووا ثورة على الرومان علمود الضريبة ... وهم اجوي الرومان فلشوا الهيكل بعد ٤٠ سنة من صلب المسيح احنا ربعنا الشيعة نفس العقلية بالضبط ... نفسسسسسسها سواء بلي ديصير بحرب هسه ... وهم عقلية الي سووها بالسبعينات ... بانتفاضة ١٩٩١ وخلوا صدام يضرب الامام... هدم البقيع ... احداث سامراء بس الفرق احنا ما گعدنا نتذكر شنو غلطنا ... بعدين ننكر ونعيدة احنا اصلا غلسنا جدا ... فاليهود هواي احسن من الشيعة بهاي اليهود غلطتهم يعيدوها كل ٥٠٠ سنة مرة ... احنا يومية نعيدها محافظين يتذكرون بشنو غلطوا ... ويتناسون احنا اصلا الأخطاء والكفر والزندقة ... تحولت إلى هيه الايمان والزين والخوش والعفية

فقلت: يا بن رسول الله! كيف يكون انتقال الميت ووضع آخر مكانه؟ فقال الصادق عليه السلام: يا أبا محمد! إن الله عز وجل خلق سبعين ألف ملك يقال لهم: النقالة، ينتشرون في مشارق الأرض ومغاربها، فيأخذون أموات العباد ويدفنون كلا منهم مكانا يستحقه، وأنهم يسلبون جسد الميت عن نعشه ويضعون آخر مكانه من حيث لا يدرون ولا يشعرون وما ذلك ببعيد وما الله بظلام للعبيد. . وقد ذكر شيخنا الحاج مرزا حسين النوري في كتابه المسمّى ب « دار السلام » - ما هذا لفظه - قال شيخ الفقهاء الشيخ جعفر النجفي في كتاب « حقّ المبين في تصويب رأي المجتهدين » - ما هذا لفظه - : « ثم في جريان سيرة الإمامية على ذلك ما نقل كثيرا من رؤيا أشخاص دفنوا في جوار الأئمة عليه السّلام فاتفق أن حفرت قبورهم فرأوا فيها غيرهم ، وبالعكس ، وما نقل من الأطياف المقرونة بالمعاجز كفاية ، وهي كثيرة لا يمكن جمعها في كتاب ، ويؤيّده ما اشتهر بين الإمامية من ثبوت الملائكة النقالة ، ونقلوا في ذلك انقالا غريبة »

عن محمد بن عمران المرزباني عن عبدالله بن يحيى العسكري، عن أحمد بن زيد بن أحمد، عن محمد بن يحيى ابن أكثم، عن أبيه قال : أقدم المأمون دعبل بن علي الخزاعي رحمه الله وآمنه على نفسه فلما مثل بين يديه وكنت جالسا بين يدي المأمون، فقال : أنشدني قصيدتك الكبيرة فجحدها دعبل وأنكر معرفتها فقال له : لك الامان عليها كما أمنتك على نفسك فأنشده : تــأســفــت جـــارتـــي لـــمــا رأت زَوَري و عـــدّت الـشـيـب ذنــبـاً غــيـر مـغـتفرِ تــرجـو الـصّـبا بـعـدما شـابـت ذوائـبـها و قــد جــرت طـلـقاً فــي حـلـبةِ الـكِـبَرِ أجــارتــي! إن شــيـب الـــرأس نـفّـلـني ذِكــر الـغـواني، و أرضـانـي مِــنَ الـقـدرِ لــــو كُــنــتُ أركُــــنُ لـلـدُنـيا و زيـتـتـها إذن بـكـيتُ عـلـى الـمـاضين مـن نـفري أخـنـى الـزمـانُ عـلـى أهـلـي فـصدّعهم تـصـدّع الـشـعبِ لاقــى صـدمة الـحَجَرِ بــعـضٌ أقــام و بـعـضٌ قــد أهــاب بــهِ داعـــي الـمـنـيةِ و الـبـاقي عـلـى الاثــرِ أمــــا الـمـقـيم فـأخـشـى أن يـفـارقـني و لــســت أوبــــة مـــن ولـــى بـمـنـتظرِ أصـبحت أُخـبِرُ عـن أهـلي و عـن ولـدي كــحـالـمٍ قــــصّ رؤيــــا بــعــد مُــدّكــرِ لـــولا تـشـاغُـلُ نـفـسـي بـالأُلـى سـلـفُوا مـــن أهــل بـيـت رســول الله لــم أقــرِ و فــــي مــوالـيـكَ لـلـمـحزون مـشـغـلةٌ مــــن أن يــبــت لـمـفـقـودٍ عــلــى أثـــرٍ كــــم مـــن ذراعٍ لــهـم بـالـطـف بـائـنـةٍ و عـــارضٍ مــن صـعـيد الـتُـربِ مُـنـعفِرِ أمــسـى الـحـسـين و مـسـراهُم لـمـقتلهِ و هُــــم يـقـولـون هـــذا ســيـدُ الـبـشـرِ يــا أمــة الـسـوء مـاجـازيت أحـمد عـن حُـسـن الـبـلاءِ عـلـى الـتـنزيل و الـسورِ خـلـفـتُموهُ عـلـى الابـنـاءِ حِـيـنَ مَـضَـى خِــلافـة الــذّئـب فـــي إنــقـاد ذي بـقـرِ و لــيــس حـــيٌ مـــن الاحــيـاء نـعـلـمهُ مــن ذي يـمـانٍ و مـن بـكرٍ و مـن مُـضَرِ قـال يـحيى بـن أكثم وأنفذني المأمون في حاجة فعدت وقد انتهى إلى قوله : إلا و هُـــــم شُـــركــاءٍ فـــــي دمــائــهـمُ كــمــا تــشــارك أيــســارٌ عــلــى جُــــزرِ قــتــلاً و أســــرا و تـحـريـقـاً و مـنـهـبةً فِــعـلَ الــغُـزاةِ بـــأرض الــروم والـخَـزَرِ أرى أُمـــيـــة مــعــذوريــن إن قــتــلــوا ولا أرى لــبـنـي الــعـبّـاس مــــن عُــــذُرِ أبــنــاء حــــربٍ و مــــروان و أُسـرتُـهـم بــنــو مــعـيـطٍ ولاةُ الــحِـقـدِ والــوَغَــرِ قـــومٌ قـتـلـتُم عــلـى الإســـلام أوّلَــهـم حـتى إذا اسـتمكنوا جـازَوا عـلى الـكُفرِ أربـــع بـطُـوسٍ عـلـى قـبـر الـزكـيّ بـهـا إن كُـنـت تـربـعُ مــن ديــنٍ عـلـى وطــرِ قـبـران فـي طُـوسَ: خـيرُ الـناس كـلّهم و قَــبــرُ شــرّهُــم، هــــذا مــــن الـعِـبَـرِ! مــا يـنفعُ الـرّجسَ مِـن قُـرب الـزكي ولا عـلـى الـزكـيّ بـقُرب الـرجسٍ مـن ضَـرَرِ هـيـهات كــل امــرئ رهــن بـمـا كـسبت لــــه يــــداه فــخــذ مـاشـئـت أو فـــذرِ قـال : فضرب المأمون بعمامته الارض، وقــــال، صــدقــت والله يــــا دعــبـل .

اليوم الحسين يشوف أنصاره يبچون عليه ويطلعون يستشهدون واحد واحد ... يسمع مسلم بن عوسجة يوصي بي، يسمع ام وهب وزوجته يشجعون وهب يحامي عنه، يسمع ام عمرو بن جنادة الانصاري تجهز ابنها وتجيبة للحسين ويگول اميري حسين ونعم الامير، يشوف الغفاريان يبچون علية ويطلعون يقاتلون، يشوف خيام أنصاره خالية ... وراية حبيب بن مظاهر وحدها ... يشوف الحر يبچي علية وشابچ العشرة على رأسه ويجي يشوف أهل بيته يتوادعون ... يشوف عبد الله بن مسلم يطلع يقاتل وعون ومحمد اولاد زينب، يشوف اولاد جعفر وعقيل، يشوف اولاد الحسن يطلعون ويشبگ القاسم ويزفه للمعركة، يشوف العباس يشجع اخوتة ويطلعون للنهر وما يرجعون، يودع علي الاكبر ويحط گلبه على گلبه، ويرفع دمه للسماء، يحط أيده جوة جرح علي الاصغر الرضيع ويمليها دم ويشمرها للسماء يلم عيالة وبناته ويگوللهم ودعوا القاسم ... هذا علي الاكبر ودعوا ... ودعوني أهل بيتي ... يحضن بناته واطفالة ويگوللهم زينب من بعد عيني تحميكم اليوم ذبحوا أطفاله ... اليوم حرگوا خيامة... اليوم كلهم عطاشى... اليوم الحسين يبقى وحدة لا ناصر ولا معين، اليوم يوگع الحسين من المهر وگله مجروح والدم يطلع من گلبه كالميزاب ... اليوم يجي حجر على جبهته ... اليوم يوگع علتراب ويسمع صرخات أطفاله من المخيم ويدير عينة عليهم ... اليوم يگوم ويمشي خطوة ويوگع ... اليوم يرد المهر يصيح الظلمية الظليمة من أمة قتلت ابن بنت نبيها ... اليوم برزن من الخدور... اليوم يركض عبد الله بن الحسن للمعركة ... اليوم يذبحون الحسين گدام زينب ... گدام عياله ... مظلوم مكروب عطشان غريب حزين ... اليوم الخيل تجول على صدر الحسين ورأسه على الرمح اليوم فجعت بك امك الزهراء

اللهُمَّ وَضَعِّفُ غَضَبَكَ وَسَخَطَكَ وَعَذابَكَ وَنَقِمَتَكَ عَلى أوَّلَ ظالِمٍ ظَلَمَ أهلَ بَيتِ نَبِيِّكَ، اللهُمَّ وَالعَن جَمِيعَ الظَّالِمِينَ لَهُم وَانتَقِم مِنهُم إنَّكَ ذُو نِقمَةٍ مِنَ المُجرِمِينَ، اللهُمَّ وَالعَن أوَّلَ ظالِمٍ ظَلَمَ آلَ بَيتِ مُحَمَّدٍ وَالعَن أرواحَهُم وَديارَهُم وَقُبُورَهُم، وَالعَن اللهُمَّ العِصابَةَ الَّتي نازَلَتِ الحُسَينَ بنَ بِنتِ نَبِيِّكَ وَحارَبَتهُ وَقَتَلَت أصحابَهُ وَأنصارَهُ وَأعوانَهُ وَأولياءَهُ وَشِيعَتَهُ وَمُحِبِّيهِ وَأهلَ بَيتِهِ وَذُرِّيَّتَهُ، وَالعَنِ اللهُمَّ الَّذِينَ نَهَبُوا مالَهُ وَسَلَبُوا حَرِيمَهُ وَلَم يَسمَعُوا كَلامَهُ وَلا مَقالَهُ، اللهُمَّ وَالعَن كُلَّ مَن بَلَغَهُ ذلِكَ فَرَضِيَ بِهِ مِنَ الأوَّلِينَ وَالآخِرِينَ وَالخَلائِقِ أجمَعِينَ إلى يَومِ الدِّينِ

إنّا للهِ وَإنّا إلَيهِ راجِعُونَ يا لَها مِن مُصِيبَةٍ ما أفجَعَها وَأنكاها لِقُلُوبِ المُؤمِنِينَ وَالمُسلِمِينَ، فَإنّا للهِ وَإنّا إلَيهِ راجِعُونَ

وَرَجَعَ عَلِيُّ الْأَكْبَرُ (عَلَيْهِ السَّلَامُ) مِنَ الْمَعْرَكَةِ وَقَدْ أَصَابَتْهُ جِرَاحَاتٌ كَثِيرَةٌ، وَالدَّمُ يَجْرِي مِنْ حَلْقِ دِرْعِهِ، وَقَدِ اشْتَدَّ بِهِ الْحَرُّ وَالْعَطَشُ، وَقَفَ وَقَالَ: يَا أَبَهْ! الْعَطَشُ قَدْ قَتَلَنِي

رَحِمَ اللَّهُ عَمِّيَ الْعَبَّاسَ بْنَ عَلِيٍّ ، فَلَقَدْ آثَرَ وَأَبْلَى ، وَفَدَى أَخَاهُ بِنَفْسِهِ ، حَتَّى قُطِعَتْ يَدَاهُ فَأَبْدَلَهُ اللَّهُ بِجَنَاحَيْنِ لِيَطِيرَ بِهِمَا مَعَ الْمَلَائِكَةِ فِي الْجَنَّةِ كَمَا جَعَلَ لِجَعْفَرِ بْنِ أَبِي طَالِبٍ ، وَأَنَّ لِلْعَبَّاسِ عِنْدَ اللَّهِ تَبَارَكَ وَتَعَالَى مَنْزِلَةً يَغْبِطُهُ عَلَيْهَا جَمِيعُ الشُّهَدَاءِ يَوْمَ الْقِيَامَةِ

عن الاصبغ بن نباتة قال: كنت واقفا مع أمير المؤمنين (عليه السلام) يوم الجمل فجاء رجل حتى وقف بين يديه فقال: يا أمير المؤمنين كبر القوم وكبرنا وهلل القوم وهللنا وصلى القوم وصلينا فعلى ما نقاتلهم ؟ فقال أمير المؤمنين: على ما أنزل الله عزوجل في كتابه. فقال: يا أمير المؤمنين ليس كلما أنزل الله في كتابه أعلمه فعلمنيه. فقال (عليه السلام): ما أنزل الله في سورة البقرة. فقال: يا أمير المؤمنين ليس كلما أنزل الله في سورة البقرة أعلمه فعلمنيه. فقال (عليه السلام) هذه الآية " تلك الرسل فضلنا بعضهم على بعض منهم من كلم الله ورفع درجات وآتينا عيسى بن مريم البينات وأيدناه بروح القدس ولو شاء الله ما اقتتل الذين من بعدهم من بعدما جاءتهم البينات ولكن اختلفوا فمنهم من آمن ومنهم من كفر ولو شاء الله ما اقتتلوا ولكن الله يفعل ما يريد " [252 / البقرة] فنحن الذي آمنا، وهم الذين كفروا فقال الرجل: كفر القوم ورب الكعبة ثم حمل فقاتل حتى قتل رحمه الله هاي الرواية بمعركة الجمل ... عائشة تطالب بدم عثمان ... وربعها يعتقدون أن التخلف عن نصرة عائشة وعدم الطلب بدم عثمان... هو الكفر الامام علي ينطي الحقيقة... هيه معركة بين فريقين ... فريق شافوا البينات بعيسى والأنبياء الي الله فضلهم ... كلشي واضح الهم بس كفروا بيها وفريق آمنوا بيها ... الي آمن بهذول عيسى والأنبياء الي تأيدوا بروح القدس ... والي كفر بيهم ... بنفسهم... بشخصهم والا ذولة الكفار يصلون ويصومون ومحجبات وكلشي يسوون ... بس كفار ب " علي " ... عدهم عائشة وعثمان احسن من علي ... معاوية احسن ... وبعهد الحسين ... هاي الأمة الإسلامية امنت بعثمان ومن قبلة ... وبيزيد ... وكفرت بالحسين حبيب بن مظاهر ... مسلم بن عوسجة ... برير بن خضير ... زهير بن القين ... وهب ... وكل الأنصار ... عرفوا الحسين وآمنوا بي ... الناس كلها ارتدوا ... وبس هاي ال٧٢ واحد بقوا مؤمنين وبليلة العاشر ٣٢ واحد انتقل من معسكر عمر بن سعد واجه صار وية الحسين وكان من جند عمر ثلاثون من أهل الكوفة ، فقالوا : يعرض عليكم ابن بنت رسول الله - صلى الله عليه وسلم - ثلاث خصال فلا تقبلون واحدة ! وتحولوا إلى الحسين ، فقاتلوا واكو سعد بن الحارث بن سلمة الأنصاري ابو الحتوف بن الحارث بن سلمة الأنصاري ذولة اخوان ... اجوي من الكوفة قاصدين قتل الحسين ... چانوا خوارج بلحظة وحدة شافوا الحسين ورة ما انقتلت اصحابة وبقة وحدة ... صار عدهم ايمان بالحسين "فلما كان اليوم العاشر وقتل اصحاب الحسين وجعل الحسين ينادي: ألا ناصر فينصرنا، فسمعته النساء والأطفال فتصارخن، وسمع سعد واخوه أبو الحتوف النداء من الحسين والصراخ من عياله، قالا: إنا نقول لا حكم إلا لله ولا طاعة لمن عصاه، وهذا الحسين بن بنت نبينا محمد ونحن نرجو شفاعة جده يوم القيامة فكيف نقاتله وهو بهذا الحال لا ناصر له ولا معين، فمالا بسيفيهما مع الحسين على اعدائه وجعلا يقاتلان قريبا منه حتى قتلا جمعا وجرحا آخر ثم قتلا معا في مكان واحد." الحر ... صار حر لأن آمن بهذا الحسين ... الحر من شنو تاب؟! ذنب أنه أزعج الحسين ... مچان ببال الحر أنه ديتوب من شي ثاني ... وتحول من جهه عمر بن سعد وقاتل وانقتل والله يرحم الشيخ مهدي ال الشيخ خضر ... المعروف مهدي الخضري ... الي عبد الزهراء الكعبي يقرأ شوية من اشعارة بالمقتل... خصوصا شعر الي بمقتل الحر الرياحي من وصف الحر الرياحي اجه الحر لابو أليمة اودمعته تسيل... من شاف أعلى الخيم حاطت الخيل من شاف الزلم حاطت على حسين ... تداعي بثأر اهلها ببدر وحنين مشهره اسيوفها أو خيمت صوبين ... عسكرها يشابه عسكر الفيل لفت للطف امصولة اخيولها احماي... او ترف راياتها أو صكت على الماي ارتعد جسمه أووگف بالحرب محتار ... يهل دمعه أعلى ابن حيدر الكرار يخير نفسه بين الجنة والنار... تگله النفس لجنان الخلد ميل سچب دمعه اولاح ابظهر مهره ... اوتعنه الحر لعد مهجة الزهرة اعلى رأسه من گصد شابچ العشرة ... ينادي ويعتذر ياسيدي ادخيل يبن حامي دخيله داخل اعليك... من ذنب العملته أو معتني ليك أنه الذي بدربك جعجعت بيك ... يبو السجاد ورعبت المداليل يمن حبك فرض بالدين واجب ... تبت لله اودليلي بنار ثاجب توب للحسين اذا فد يوم اذيته بزيارتة لو بعزاه ... اذا فد يوم الذيت أو ازعجت واحد من زواره والمعزين مالتة ... اذا فد يوم اسئكلت بي لو دورت تحصل مادة باسمة بأيام عزاءه وزيارتة ... اذا فد يوم استغليت أسمة وعزاءه ... اذا جحدت حقة وحقيقته علمود تمشي رأي عاجبك انت ... صير مثل الحر علمود الحسين يجيك مثل أجه للحر... اجاه حسين شبه الليث يهدر ... ينادي ودمع عينه اعليه ينثر امك ما خطت من سمتك حر ... مسح عنه التراب أو صاح يا ويل

بني أمية ... يزيد ... قريش ... جيش أهل الشام ... جيش الكوفة ... أهل المدينة ومكة وكل الأمة الإسلامية المحترمة... قتلت وخذلت الحسين وتركته وحيد ... ثار لعثمان بن عفان ... على چيس وعلى حب عثمان بن عفان يزيد وشياطين قريش ما چان الهم ... ولا يخططون ولا يتعبون على شي ... مكرهم كله وخبثهم كله ومؤامراتهم كلها ... الا علمود يقتلون الحسين بنفس الأسلوب الي انقتل بي عثمان الحسين گال ... اني اذا مكتوب علية القتل ... ما راح انقتل مثل عثمان " الذلة " ... ما راح ادخل بتفاصيل شلون وصلت ... راح ابدي من رسالة يزيد وشلون بني أمية حاولوا يطبقون كلشي صار على عثمان ... على الحسين رسالة يزيد لوالي المدينة ... اول رسالة يزيد كتب بسم الله الرّحمن الرّحيم من عبد الله يزيد أمير المؤمنين إلى الوليد بن عتبة ... وقد علمت يا وليد إنّ الله تعالى منتقم للمظلوم عثمان بن عفان من آل أبي تراب بآل سفيان لأنهم أنّصار الحق وطلاب العدل " ورسالة صغيرة أنه يزيد يريد راس الحسين بن علي نجي على عثمان ... عثمان تحاصر ببيتة بالمدينة ... الي حاصروا طالبوا أن يخلع نفسه من الخلافة ... واذا ما يقبل ... يقتل عثمان رفض يتنازل عن الخلافة باعتبارة منصب الهي وما راح يتنازل عنه حاصروا الثوار ببيتة وگطعوا عنه المي عثمان هم أهل المدينة والصحابة عافوا ... هو فتح باب بيتة ومچان اكو وياة غير نساء ال بيته وفتح القران وگعد ... ودخلوا مجموعة محد يعرفهم بالتحديد ... وقتلوا وهذا تخطيط يزيد الاصلي ... يحاصر الحسين بالمدينة ويخترع قصة ليش ما تبايع والحسين يرفض ( وهو اكو أكثر من شخصية ما تبايع لكن ماعليها حصار ولا مطلوب قتلهم ) الحسين عرف الي يريدون يسووا ... طلع بكل أهله من المدينة ... مو فرار من الموت ... بس تخطيط الله والحسين الحسين راح لمكة ... يزيد سوة تخطيط ثاني ... دز ٣٠ شيطان لمكة علمود يقتلون الحسين ... هم محاولة أنه ينعاد الي صار بعثمان... ولو قتل واغتيال عادي ... يدز شخص واحد مو ٣٠ ... بس هيه فكرة حصار ... ودم ما ينعرف منو سفكة وقتلة الحسين من راد يطلع واجاه ابن عباس شنو گالة وكلامة بي إشارة لعثمان " والله إنّي لأظنّك ستُقتل غداً بين نسائك وبناتك كما قُتل عثمان بين نسائه وبناته ، والله إنّي لأخاف أنْ تكون الذي يُقاد به عثمان " " فإنْ كنتَ سائراً فلا تسر بنسائكَ وصبيتكَ فواللهِ إنّي لخائفٌ أنْ تُقتلَ كما قُتلَ عثمانُ ونِساؤه وَوُلْده يَنظرون إليه" وهنا الحسين گال شاء الله أن يراهن سبايا ... القَوَدُ : قِصاصٌ وقتل القاتل بدل القتيل ... يعني ابن عباس گال للحسين اخاف ياخذون ثار عثمان بيك ... ويقتلوك گدام عيالك ( وهذا الي صار فعلا بلا مبالغة وزيارة الناحية مثبتة وواصفتة ) البارحة هم جبت شلون والي المدينة گال هذا يوم الحسين سويناه مقابل يوم عثمان " ثمَّ قال عمرو : هذه واعية بواعية عثمان بن عفان " قطعوا المي عن الحسين ... ثار لعثمان وعبارة ابن زياد " وضيق عليهم، ولا تدعهم يذوقوا الماء، وافعل بهم كما فعلوا بالزكي عثمان، فعندها ضيق عمر بن سعد عليهم غاية التضييق" والكلام الي بين أصحاب الحسين وأصحاب عمر بن سعد ... هواي صار كلام عن عثمان الحسين راح ينقتل والقاتل مالتة مشهور معروف ومحدد ... مو تياه مثل عثمان الي محد يعرف اسم منو قتلة الحسين گال يوم عاشوراء " فَإِنْ كُنْتُمْ فِي شَكٍّ مِنْ هَذَا أَ فَتَشُكُّونَ أَنِّي ابْنُ بِنْتِ نَبِيِّكُمْ؟! فَوَ اللَّهِ مَا بَيْنَ الْمَشْرِقِ وَ الْمَغْرِبِ ابْنُ بِنْتِ نَبِيٍّ غَيْرِي فِيكُمْ وَ لَا فِي غَيْرِكُمْ، وَيْحَكُمْ أَ تَطْلُبُونِّي بِقَتِيلٍ مِنْكُمْ قَتَلْتُهُ؟! أَوْ مَالٍ لَكُمُ اسْتَهْلَكْتُهُ، أَوْ بِقِصَاصِ جِرَاحَةٍ "؟!" وهذني التلث شغلات هنة مثالب عثمان والي ثاروا بيها علية فَقَالَ لَهُ الْحُسَيْنُ: " لَا وَ اللَّهِ لَا أُعْطِيكُمْ بِيَدِي إِعْطَاءَ الذَّلِيلِ، وَ لَا أَفِرُّ فِرَارَ الْعَبِيدِ ". وعثمان أعطى بيده إعطاء الذليل ثُمَّ نَادَى: يَا عِبَادَ اللَّهِ‏، إِنِّي ﴿ ... عُذْتُ بِرَبِّي وَرَبِّكُمْ أَنْ تَرْجُمُونِ ﴾ أَعُوذُ ﴿ ... بِرَبِّي وَرَبِّكُمْ مِنْ كُلِّ مُتَكَبِّرٍ لَا يُؤْمِنُ بِيَوْمِ الْحِسَابِ ﴾ نهبوا رحال الحسين ... لأن بيت عثمان انهب بقوا الحسين بلا دفن ... لأن عثمان ما اندفن مو ثارات بدر وحنين ... ثارات عثمان

ترة " رفض بيعة " اي حاكم مو فد نمونة ... ولا انجاز كبير ولا عظيم مجرد الرفض بما هو رفض ... وقول " لا " بما هي " لا " ... مو انجاز مميز يليق بسيد الشهداء حصر القصة والدوافع بمجرد كون القتال والحرب ... هو رد فعل لرفض بيعة ... هو خرافة وكذب سني حطوا بكتبهم وجماعتنا نقلوا منهم والا اكو الآلاف عبر التاريخ ... الي رفضوا الرضوخ لحكام ... والالاف الحكام ظالمين ومو خوش اوادم ... وذولة الآلاف انقتلوا الحسين ماكان الوحيد الي رفض بيعة يزيد ... عبد الله بن الزبير رفض بيعة يزيد وقاتل وانقتل ورة ما سقط مدن وحرب سنين طويلة يلا قتلوا عبد الله بن عمر ... رفض بيعة يزيد وكلشي ما سوولة ... شعراية ما طخوا من راسة عبد الرحمن بن ابو بكر هم رفض بيعة يزيد... وكلشي ما سوولة السنة جابوا الحسين الي قصتة عظيمة وچبيرة وتهتز الها السماوات والأرض... وحطوا بمستوى واحد وية هاي الشكولات ... ووية الآلاف بالتاريخ الي سووا نفس الفعل تجي تگلي لا ... لأن الحسين يختلف وسبط النبي ... والوضع السياسي ما يسمح ... خو الحسن هم سبط النبي... والاوضاع لو يريدون يسووها بالسياسة والحيل والمكر ... چان صارت من زمان وهاي الفكرة السنية السرطانية الخبيثة هم جابوها النة العمايم من السنة ... تالي وكت الحسين ما انقتل لأن رفض بيعة يزيد... والذلة الي بكلامة ما مقصود بيها الرضوخ ليزيد واني لو يثبت عندي أو الگة بمصدر شيعي أنه الحسين گال للجيش ... اخذوني ليزيد علمود ابايعة والجيش رفض وأصر على القتال ... نظرتي للحسين واعتقادي بالحسين ما راح يتأثر ولا يتغير ... يبقى ما يفرق عندي بس هو مثل ما الاحبار والرهبان حرفوا اديانهم ... العمايم هم حرفوا اديان الناس