JDITI - Rasmiy telegram kanali

Prezident Shavkat Mirziyoyev sud-huquq islohotlarining natijalari va sohadagi ustuvor vazifalarni muhokama qilish yuzasidan sud tizimi rahbarlari bilan uchrashuv oʻtkazdi. Unda “Odil sudlov – 2030” strategiyasi ko‘rib chiqildi. — Президент Шавкат Мирзиёев провел встречу с руководителями судебной системы, посвященную результатам судебно-правовых реформ и приоритетным задачам в этой сфере. На ней была рассмотрена Стратегия «Правосудие – 2030». #Mirziyoyev #uchrashuv #sud #strategiya Prezident.uz|Facebook|Instagram|YouTube|X

Channel photo updated

#31_son Hurmatli davlat xizmatchilari, siyosiy ma'rifat soatining navbatdagi sonini taqdim etmoqdamiz. Unda siyosiy-ijtimoiy xabarlar, qonunchilikdagi yangiliklar, davlat xizmatchisining ma’naviy-ma’rifiy dunyoqarashini boyitishga xizmat qiladigan ma’lumotlar o‘rin olgan. #uzb35 #mustaqillik35 🌍Biz bilan kuzatib boring! 🕊Telegram | 📸Instagram

MUROJAATNOMA Hurmatli qishloq xo‘jaligi sohasi mutaxassislari, fermer xo‘jaliklari rahbarlari va hudud aholisi! Qishloq xo‘jaligi ekinlaridan, xususan, g‘o‘zadan yuqori va sifatli hosil olish, hosilni o‘z vaqtida yig‘ib-terib olish hamda agrotexnik tadbirlarni samarali tashkil etish maqsadida hududlarda defoliatsiya va desikatsiya tadbirlari amalga oshirilmoqda. Mazkur tadbirlar davomida kimyoviy preparatlardan foydalanish inson salomatligi, atrof-muhit, chorva mollari va asalarilar xavfsizligini ta’minlash bo‘yicha belgilangan talablar asosida amalga oshirilishi belgilangan. Hurmatli yurtdoshlar! Kimyoviy ishlov berish tadbirlari o‘tkaziladigan hududlarda fuqarolardan belgilangan xavfsizlik talablariga qat’iy rioya qilishlarini so‘raymiz. Xususan: * ishlov berilayotgan maydonlarga belgilangan muddat davomida kirmaslik; * bolalar va chorva mollarini ishlov berilayotgan hududlardan uzoq tutish; * asalarichilik xo‘jaliklarini kimyoviy ishlov berish tadbirlari to‘g‘risida oldindan xabardor qilish; * kimyoviy preparatlar bilan ishlov berish vaqtida oziq-ovqat mahsulotlari, ichimlik suvi va boshqa iste’mol vositalarini himoyalash; * belgilangan himoya va xavfsizlik choralariga amal qilish; *ishlov berilgan maydonlarga tegishli cheklov muddati tugamasdan kirib bormaslik talab etiladi. Shuningdek, defoliatsiya va desikatsiya tadbirlarini amalga oshiruvchi mas’ul tashkilot va mutaxassislardan kimyoviy preparatlarning sarf me’yorlari, ishlov berish sifati, texnika xavfsizligi hamda sanitariya-gigiyena talablariga qat’iy rioya etish so‘raladi. Hurmatli fermerlar va fuqarolar! Defoliatsiya va desikatsiya tadbirlari o‘tkazilishi haqida hududingizda berilayotgan ogohlantirishlarga befarq bo‘lmang. O‘z vaqtida xabardor bo‘lish va xavfsizlik qoidalariga rioya qilish orqali o‘zingiz, yaqinlaringiz, chorva mollaringiz va atrof-muhit xavfsizligini ta’minlang. Qashqadaryo viloyat oziq-ovqat mahsulotlari xavfsizligi bosh boshqarmasi.

Қашқадарёда 856 нафар талабаларнинг 3 миллиард 780 миллион 600 минг сўмлик контракт маблағлари тўлаб берилмоқда Президентимиз ташаббуслари амалда: ёшлар таълими фаол қўллаб-қувватланмоқда Мамлакатимизда инсон капиталини ривожлантириш, ёшларнинг сифатли таълим олиши учун зарур шарт-шароитлар яратиш, ижтимоий ҳимояга муҳтож ва ўқитишга қурби йўқ оилалар фарзандларини ҳар томонлама қўллаб-қувватлашга алоҳида эътибор қаратилмоқда. Мустақиллигимизнинг 35 йиллиги арафасида бу борадаги эзгу ташаббуслар Қашқадарё вилоятида изчил давом эттирилмоқда. Вилоят ҳокими Муротжон Азимов томонидан эҳтиёжманд оилалар фарзандларининг олий таълим олишини қўллаб-қувватлашга қаратилган қарор қабул қилинди. Унга кўра, Қашқадарё вилоятидаги 856 нафар талаба-ёшнинг олий таълим муассасаларида таҳсил олиши учун жами қарийб 3 миллиард 780 миллион 600 минг сўм миқдоридаги контракт маблағлари ажратилди. Мазкур амалий ёрдам, аввало, таълим олиш истагида бўлган, аммо оилавий шароити туфайли контракт маблағларини тўлашда қийинчиликка дуч келаётган ёшларни рағбатлантиришга хизмат қилади. Шунингдек, ташаббус хотин-қизларнинг олий таълим олиш имкониятларини кенгайтириш, уларнинг билим ва касбий салоҳиятини ошириш, ёшларнинг келажакка ишончини мустаҳкамлашда муҳим аҳамият касб этади. Бугун дунёда билим ва инсон капитали тараққиётнинг энг муҳим омилларидан бирига айланаётган бир пайтда ёшлар таълимига қаратилган ҳар бир кўмак мамлакатнинг эртанги тараққиётига киритилаётган катта сармоядир. #Mustaqillik35 #UZB35 #Inson_qadri 📱Gov.uz| 📱Telegram| 📱YouTube| 📱FB|📱Instagram| 📱X

Муротжон Азимов танқидий-таҳлилий йиғилиш ўтказди Қашқадарё вилояти ҳокимлиги мажлислар залида вилоят ҳокими Муротжон Азимов раҳбарлигида вилоятдаги қатор муҳим йўналишларда амалга оширилаётган ишлар, мавжуд муаммолар ва уларнинг ечимларига бағишланган танқидий-таҳлилий йиғилиш ўтказилди. Унда вилоят ҳокимлиги жамоаси, туман ва шаҳар ҳокимлари, тижорат банклари, бошқарма ва ташкилотлар раҳбарлари иштирок этди. Йиғилишда Муҳтарам Президентимизнинг қарор ва фармонлари ижроси, битирувчилар бандлигини таъминлаш, "долзарб қирқ кунлик" жараёнлари, янги ўқув йилига тайёргарлик, иқтисодиёт, инвестиция, қурилиш, ижтимоий, туризим, хотин-қизлар, ҳуқуқбузарликлар олдини олиш, йирик корхоналар фаолиятини янада яхшилаш, тадбиркорликни ривожлантириш ва аҳоли мурожаатлари масалалари муҳокама қилинди. Тадбиркорликни ривожлантириш, тадбиркорларни қўллаб-қувватлаш, уларнинг муаммоларини ҳал этиш, тижорат банклари билан ҳамкорликда янги лойиҳаларни ишга тушириш масалаларига ҳам алоҳида урғу берилди. Йиғилишда ҳудудларда ҳуқуқбузарликларнинг олдини олиш, жиноятчиликка қарши курашиш, профилактика ишларини кучайтириш бўйича масъулларнинг ҳисоботлари эшитилиб, бу борадаги ишларни янада манзилли ташкил этиш бўйича вазифалар белгиланди. Шу билан бирга, вилоят иқтисодиётида муҳим ўрин тутувчи йирик корхоналар фаолиятини янада яхшилаш, ишлаб чиқариш ҳажмларини ошириш, мавжуд қувватлардан самарали фойдаланиш ва янги имкониятларни ишга солиш масалалари ҳам кун тартибидан ўрин олди. Шунингдек, Ўзбекистон Республикаси давлат мустақиллигининг 35 йиллиги муносабати билан туман ва шаҳарларда ўтказиладиган тантанали тадбирларни юқори савияда, мазмунли ва тартибли ташкил этиш масаласи муҳокама қилиниб, масъул раҳбарларнинг ҳисоботлари тингланди. Муротжон Азимов ҳар бир раҳбардан натижа, масъулият ва шахсий ташаббус талаб қилинишини таъкидлаб, қоғоздаги ҳисобот эмас, балки амалий натижа, аҳоли розилиги ва ҳудуднинг ижтимоий-иқтисодий ривожланиши асосий мезон бўлиши кераклигини қайд этди. 📱Gov.uz| 📱Telegram| 📱YouTube| 📱FB|📱Instagram| 📱X

#Xalqaro_hamkorlik Janubiy dehqonchilik ilmiy-tadqiqot instituti va ICARDA xalqaro tashkiloti bilan olib borilayotgan hamkorlik natijalariga bagʻishlangan "Uzoq muddatli ICARDA–O‘zbekiston ilmiy-tadqiqot hamkorligi 55 ming gektardan ortiq maydonda bug‘doy navlarini yetishtirishga imkon yaratmoqda" sarlavhasida ICARDA kommunikatsiya guruhi tomonidan maqola chop etildi.⬇️⬇️⬇️ https://icarda.org/media/news/long-term-icarda-uzbekistan-research-collaboration-delivers-wheat-varieties-across-more Janubiy dehqonchilik ilmiy-tadqiqot instituti axborot xizmati 👨‍💻Sayt🌐Telegram🌐Youtube🌐Instagram

2027-yil uchun oliy ta'limdan keyingi ta'lim kvotalari tasdiqlandi⚡️⚡️⚡️. O‘zbekiston Respublikasi Oliy ta’lim, fan va innovatsiyalar vazirining 2026-yil 11-avgustdagi 337-son buyrug‘i bilan qabul kvotalari tasdiqlandi. Jami kvotalar soni — 4 840 ta. Ushbu kvotalar respublikadagi 234 ta ilmiy va ta’lim tashkilotlari kesimida taqsimlandi. Kvotalar quyidagicha belgilangan: stajyor-tadqiqotchilikka — 400 ta; tayanch doktoranturaga — 3 900 ta; doktoranturaga — 540 ta. Bu nimani anglatadi? 2027-yilgi qabulda asosiy kvota tayanch doktoranturaga ajratilgan. Ya’ni PhD bosqichiga talab va ehtiyoj yuqoriligicha qolmoqda. Shu bilan birga, stajyor-tadqiqotchilik va doktorantura uchun ham alohida kvotalar tasdiqlangani ilmiy kadrlar tayyorlash tizimi bosqichma-bosqich davom etishini ko‘rsatadi. Sholichilik ilmiy-tadqiqot instituti Axborot xizmati 🌐Web | 🌐Telegram | 🌐Facebook | 😎Instagram

#30_son Hurmatli davlat xizmatchilari, siyosiy ma'rifat soatining navbatdagi sonini taqdim etmoqdamiz. Unda siyosiy-ijtimoiy xabarlar, qonunchilikdagi yangiliklar, davlat xizmatchisining ma’naviy-ma’rifiy dunyoqarashini boyitishga xizmat qiladigan ma’lumotlar o‘rin olgan. 🌍Biz bilan kuzatib boring! 🕊Telegram | 📸Instagram

#uzbek_seeds #bizning_nav 🌾Men — bug‘doyning “Bunyodkor” naviman ©Meni Janubiy dehqonchilik ilmiy-tadqiqot instituti hamda IKARDA xalqaro tashkiloti olimlari hamkorlikda yaratishgan. ↔️Qadrli dehqonlar, agar menga qiziqish bildirsangiz, meni Urug‘chilikni rivojlantirish markaziga qarashli hududlardagi “Best Seeds” urug‘lik tayyorlash korxonalaridan topishingiz mumkin. Mo‘l hosil va baraka sari ishonchli tanlovingiz bo‘lishga tayyorman. 🟢UZBEKSEEDS- BUGUNNING TANLOVI, ERTANING HOSILI 🙂MENI KUZATIB BORING, SIZGA QISHLOQ XO'JALIGI EKINLARI URUG'LARI HAQIDA MA'LUMOT BERIB TURAMAN! 🛫TELEGRAM KANALIM 📷INSTAGRAM SAHIFAM