Jizzax viloyat kasbiy ta'lim boshqarmasi

📚 “Skills-2026 Workshop”: yangi avlod modulli ta’lim dasturlari amaliyotda Bugun Jizzax shahar 1-son texnikumi hamda Zomin Abu Ali ibn Sino nomidagi jamoat salomatligi texnikumida kasbiy taʼlim tizimida modulli taʼlim dasturlarini samarali tashkil etishga bagʻishlangan seminar-treningning ikkinchi kuni davom etmoqda. 📚 Seminarda o‘qituvchilarga modulli taʼlim dasturi bo‘yicha yangi maʼlumotlar taqdim etildi. Xususan, modulli taʼlim dasturlarining mazmuni, ularni o‘quv jarayoniga samarali tatbiq etish, mashg‘ulotlarni mazkur dasturlar asosida rejalashtirish va tashkil etish bilan bog‘liq muhim jihatlarga alohida eʼtibor qaratildi. 📝 Nazariy maʼlumotlar amaliy mashg‘ulotlar bilan uyg‘un holda olib borildi. Ishtirokchilar seminar davomida olgan maʼlumotlari asosida amaliy topshiriqlarni bajardilar. 🤝 Ishtirokchilar o‘zlarini qiziqtirgan savollar yuzasidan mutaxassislardan tegishli tushuntirish va tavsiyalar olib bevosita amaliy faoliyat bilan mustahkamlash imkoniyatiga ega bo‘ldilar.

📣 TEXNIKUMLARDA MODULLI TAʼLIM DASTURLARI BOʻYICHA SEMINAR-TRENING DAVOM ETMOQDA G‘allaorol tuman 3-son texnikumi, Zarbdor tuman 1-son texnikumi hamda Paxtakor tuman 1-son texnikumlarida Jizzax viloyati Kasbiy ta'lim boshqarmasi tomonidan pedagog kadrlar uchun “Yangi modulli ta’lim dasturlarining mazmun va mohiyati” mavzusida viloyat seminari bo‘lib o‘tmoqda. 🇺🇿 Seminar davomida kasbiy ta’lim tizimida yangi modulli ta’lim dasturlarini samarali joriy etish, ularning mazmuni va tuzilishi, ta’lim jarayonini zamonaviy yondashuvlar asosida tashkil etish masalalariga alohida e’tibor qaratilmoqda. 👩‍🏫 Tadbirda pedagoglarning kasbiy kompetensiyalarini rivojlantirish, ilg‘or pedagogik va innovatsion metodlardan foydalanish, nazariya va amaliyotni uyg‘unlashtirish hamda ta’lim sifatini oshirish bo‘yicha fikr va tajribalar almashilmoqda.

🔗Arnasoy tuman ASSET texsda master-klass tashkil etildi Arnasoy tumanidagi ASSET texsda Arnasoy tuman texnikumi yoshlarning kasbiy bilim va amaliy ko‘nikmalarini oshirish, zamonaviy texnologiyalar bilan ishlash bo‘yicha tajribalarini boyitish maqsadida master-klass tashkil etildi. Master-klass davomida ishtirokchilarga soha mutaxassislari tomonidan mavzu yuzasidan zarur tushunchalar berilib, amaliy mashg‘ulotlar tashkil etildi. Ishtirokchilar o‘zlarini qiziqtirgan savollariga mutaxassislardan javob olib, yangi bilim va ko‘nikmalarga ega bo‘ldilar. Tadbir yoshlarning kasbiy mahoratini oshirish, zamonaviy yondashuvlarni o‘rganish hamda o‘z ustida ishlashiga xizmat qildi. Bunday master-klasslar yoshlarni amaliy faoliyatga yo‘naltirish va ularning kelajakdagi kasbiy faoliyatiga puxta tayyorgarlik ko‘rishida muhim ahamiyat kasb etadi.