Kasbiy ta’lim agentligi

Yoshlar zamonaviy mehnat bozorida talab yuqori bo‘lgan kasblarga o‘qitiladi Mamlakatimizda mehnat bozori talablariga mos, zamonaviy bilim va amaliy koʻnikmalarga ega oʻrta boʻgʻin mutaxassislarini tayyorlashga alohida eʼtibor qaratilmoqda. Bu borada kasbiy taʼlimni ish beruvchilar ehtiyoji bilan uygʻunlashtirish, ilgʻor xorijiy tajribani joriy etish va dual taʼlimni kengaytirish boʻyicha tizimli ishlar amalga oshirilmoqda. Urganch shahrida tashkil etilgan Xorazm ilgʻor kasbiy mahorat texnikumi ana shu maqsadlarga xizmat qiladi. Texnikumda Germaniya, Shveysariya, Buyuk Britaniya, Xitoy va Janubiy Koreyaning ilgʻor taʼlim dasturlari asosida oʻqitish yoʻlga qoʻyilgan. Dual taʼlim tizimi nazariy bilimlarni bevosita ishlab chiqarish amaliyoti bilan bogʻlash imkonini beradi. 2026-2027-o‘quv yili uchun 11 ta kasb yo‘nalishi bo‘yicha 200 nafar iqtidorli yosh imtihon asosida saralab olingan. Davlatimiz rahbari muassasa hududidagi Kasblar shaharchasini ham koʻzdan kechirdi. Bu yerda yoshlarning qiziqishi va qobiliyatini erta aniqlash, ularni muayyan kasblarga yoʻnaltirish uchun sharoit yaratilgan. Kasblar shaharchasida “Oʻzing yasab koʻr” tamoyili asosida oʻquvchilar turli zamonaviy uskunalar bilan bevosita ishlab, amaliy koʻnikmalar hosil qiladi. Transport va logistika, sanoat va qurilish, servis, qishloq xoʻjaligi hamda “yashil” energetika kabi mehnat bozorida talab yuqori boʻlgan 10 ta kasb yoʻnalishlari qamrab olingan. Bizni kuzating Website | Telegram | Instagram | Facebook | Youtube | X

Prezident Shavkat Mirziyoyev Urganchdagi Kasblar shaharchasida yoshlar bilan muloqot qildi. Bizni kuzating Website | Telegram | Instagram | Facebook | Youtube | X

Prezident Shavkat Mirziyoyev Xorazm ilgʻor kasbiy mahorat texnikumi hamda uning hududida tashkil etilgan Kasblar shaharchasi faoliyati bilan tanishdi. Bizni kuzating Website | Telegram | Instagram | Facebook | Youtube | X